Book List

<h2 style="text-align: center;">အပိုင်း (၁၁၀၃)</h2> <h2 style="text-align: center;">ကောင်းကင်ဘုံအသီးသီးကို လင်းထိန်သွားစေသောဓား၊</h2> <h2 style="text-align: center;">အင်မော်တယ်များကို သတ်ဖြတ်ခြင်း (၃)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>သူတို့သည် တိုက်ခိုက်ရေးအဖွဲ့ (၁၀) ဖွဲ့ကို ကြိုတင်ပြင်ဆင်ထားခဲ့ကြသည်။ ‘ရပ်တည်မှုလေးခုနယ်ပယ်’ ကျွမ်းကျင်သူ တစ်သန်းကျော်မှာ လက်ဆင့်ကမ်းအပြေးသမားများကဲ့သို့ အဖွဲ့ငယ်လေးများခွဲကာ အရပ်မျက်နှာပေါင်းစုံကို ဦးတည်နေကြပြီး ရှေးဟောင်းနတ်ဆိုးကို ထိုနေရာအရောက် သတ်ဖြတ်လာစေရန် လမ်းပြပေးခဲ့ကြသည်။</p> <p>သူတို့၏ သွေးနှင့် ဝိညာဉ်များကို သားကောင်အဖြစ် အသုံးပြုကာ ထိုတားမြစ်နယ်မြေသို့ ရောက်ရှိမည့်လမ်းကို ခင်းကျင်းခဲ့ကြခြင်း ဖြစ်သည်။</p> <p>ကြေကွဲဖွယ်ကောင်းသော်လည်း ရဲရင့်လွန်းသည်။ ထိုသည်မှာ ယခင်က မရှိဖူးသော မြင်ကွင်းတစ်ခုပင် ဖြစ်သည်။ တစ်သန်းသော ‘ရပ်တည်မှုလေးခုနယ်ပယ်’ ကျွမ်းကျင်သူများသည် ရှေးဟောင်းနတ်ဆိုးကို ထိုနေရာသို့ မျှားခေါ်နိုင်ရန်အတွက်သာ အသက်စတေးခဲ့ကြရသည်။</p> <p>ထိုတိုက်ပွဲ အပြီးသတ်သွားချိန်တွင် ကောင်းကင်ဘုံအသီးသီးရှိ လူသားမျိုးနွယ်သာ ဆက်လက် တည်ရှိနေဦးမည်ဆိုပါက ထိုဖြစ်ရပ်မှာ သမိုင်းတွင် မော်ကွန်းတင်ကျန်ရစ်မည် ဖြစ်ပြီး လူသားမျိုးနွယ်၏ အကြေကွဲဆုံးနှင့် အရဲရင့်ဆုံး တိုက်ပွဲတစ်ခု ဖြစ်လာနိုင်သည်။</p> <p>“လာနေပြီ၊ လာနေပြီ”</p> <p>“ပိုပြီး နီးကပ်လာပြီ”</p> <p>ပြတ်တောက်နေသော ဆက်သွယ်ရေးများမှတစ်ဆင့် တားမြစ်နယ်မြေအတွင်းရှိ လူများသည် ဝမ်းသာဝမ်းနည်း ခံစားချက်များကို ခံစားနေကြရသည်။ ရှေးဟောင်းနတ်ဆိုး လာနေပြီဖြစ်ကြောင်း သိရသဖြင့် ဝမ်းသာရသော်လည်း ရှေ့တန်းမှ လက်ဆင့်ကမ်း လမ်းပြပေးခဲ့သူ အားလုံးမှာ စတေးခံလိုက်ရပြီဖြစ်ကြောင်း သိနေသဖြင့် ဝမ်းနည်းနေကြရသည်။</p> <p>ထိုနေရာတွင် ကျန်ရှိနေသူများမှာ တိုက်ခိုက်ရေးအဖွဲ့များမှ အဖွဲ့ခေါင်းဆောင်ငယ်များ ဖြစ်ကြပြီး အားလုံးမှာ ‘တာအိုနားလည်ခြင်းနယ်ပယ်’ ကျွမ်းကျင်သူများ ဖြစ်ကြသည်။ သူတို့သည် ရှေးဟောင်းနတ်ဆိုး၏ မျက်လုံးထဲတွင် ပို၍ အရသာရှိသော အစာများ ဖြစ်နေမည်ကို သိထားကြရာ ၎င်းကို တားမြစ်နယ်မြေအတွင်းသို့ အရောက်မျှားခေါ်ရန် ထိုအချက်ကို အသုံးချရမည် ဖြစ်သည်။</p> <p>ရှေးဟောင်းနတ်ဆိုးသည် ‘ထျန်းလော့နန်းတော်’ ၏ ထူးဆန်းမှုကို သိမည်မဟုတ်ဘဲ မသိစိတ်ဖြင့် လှမ်းကြည့်မိနိုင်သည်။ ထိုသို့ တစ်ချက်မျှ လှမ်းကြည့်မိရုံဖြင့်ပင် ကပ်ဘေးဒုက္ခတစ်ခု စတင်ရန် လုံလောက်နေပြီဖြစ်သည်။</p> <p>ထျန်းလော့နန်းတော် တားမြစ်နယ်မြေ၏ အန္တရာယ်မှာ အစပိုင်းတွင် မည်သူမျှ မသိရှိခဲ့ကြသော်လည်း ကျဆုံးသူ များလာသည်နှင့်အမျှ ထိုသတင်းမှာ ပျံ့နှံ့လာခဲ့ခြင်း ဖြစ်သည်။</p> <p>ဝူး...။</p> <p>ဟင်းလင်းပြင်အတွင်း၌ ပုံရိပ်တစ်ခု ရုတ်တရက် ဆင်းသက်လာခဲ့သည်။ တောင်တန်းကြီးတစ်ခုကဲ့သို့ ထုထည်ကြီးမာသော အရိပ်နှင့်အတူ ထိတ်လန့်ဖွယ် ဖိအားများကြောင့် တားမြစ်နယ်မြေ အပြင်ဘက်ရှိ လူတိုင်းမှာ အသက်ရှူရန်ပင် မေ့လျော့သွားခဲ့ကြသည်။</p> <p>၎င်းမှာ ရုတ်တရက် ရောက်ရှိလာခြင်း ဖြစ်သည်။ ထိုမျှ ကြီးမားသော သတ္တဝါကြီးမှာ မတွေးဆနိုင်သော ဖိအားများကို သယ်ဆောင်လာပြီး သူတို့၏ ရှေ့တွင် ရုတ်တရက် ဆင်းသက်လာခဲ့သည်။</p> <p>ထိုအခိုက်အတန့်တွင် သူတို့၏ ယခင်ရွေးချယ်မှုမှာ မှန်ကန်ကြောင်း သိလိုက်ရသည်။ ထိုကဲ့သို့သော ဘီနတ်ဆိုးသက်ရှိနှင့် ရင်ဆိုင်ရပါက သူတို့သည် အကူအညီတောင်းရန်ပင် အခွင့်အရေး ရလိမ့်မည်မဟုတ်ပေ။</p> <p>ထိုအချိန်တွင် စစ်မှန်သောအင်မော်တယ် ရှေးဟောင်းနတ်ဆိုးသည် ထိုနေရာသို့ ရောက်ရှိလာပြီး တစ်ခုခုကို အာရုံခံမိလိုက်သဖြင့် ခေါင်းကိုမော့ကာ အဝေးသို့ လှမ်းကြည့်လိုက်သည်။</p> <p>၎င်း၏ နီရဲနေသော မျက်လုံးများသည် ဟင်းလင်းပြင်အတွင်း၌ ငွေဖြူရောင် အလင်းတန်းများ ဖြာထွက်နေပြီး ပုံရိပ်ယောင်ကဲ့သို့ ထူးဆန်းသည့် နန်းတော်တစ်ခု တည်ရှိနေသည်ကို ချက်ချင်း မြင်လိုက်ရသည်။</p> <p>၎င်းက နန်းတော်ကို ကြည့်လိုက်သည်နှင့် နန်းတော်မှာ ငွေရောင်အလင်းတန်းများဖြင့် တုန်ခါသွားခဲ့သည်။</p> <p>ထို့နောက်တွင် စစ်မှန်သောအင်မော်တယ် ရှေးဟောင်းနတ်ဆိုးသည် ‘အင်မော်တယ်စွမ်းအင် နိယာမ’ တစ်ခု၏ ကျူးကျော်မှုကို ချက်ချင်း ခံစားလိုက်ရသည်။ ၎င်း၏ မျက်နှာမှာ ချက်ချင်း ပြောင်းလဲသွားခဲ့သည်။ ထိုခံစားချက်မှာ သူတို့၏ ခေါင်းဆောင်နှင့် ရင်ဆိုင်နေရသကဲ့သို့ပင် ဖြစ်သည်။</p> <p>၎င်းသည် အကြည့်ကို အလျင်အမြန် ပြန်လည် ရုတ်သိမ်းလိုက်သော်လည်း အင်မော်တယ်စွမ်းအင် နိယာမမှာ ၎င်းကို ချိတ်ပိတ်ထားပြီး ဖြစ်ကာ ၎င်း၏ ခန္ဓာကိုယ်အပေါ် သက်ရောက်နေပြီ ဖြစ်သည်။ ၎င်းက အကြည့်ကို အခြားတစ်နေရာသို့ လွှဲလိုက်သော်လည်း အခြားသော ဟင်းလင်းပြင် အက်ကြောင်းများတွင်လည်း ငွေရောင်နန်းတော်မှာ ပြန်လည် ထွက်ပေါ်လာနေသည်။ သို့သော် အနည်းငယ် ပို၍ ဝေဝါးနေပြီး အစောပိုင်းကကဲ့သို့ ထင်ရှားခြင်း မရှိပေ။</p> <p>သို့သော် ထူးဆန်းသည်မှာ ထိုနန်းတော်၏ တံခါးမှာ အနည်းငယ် ပွင့်လာခြင်းပင် ဖြစ်သည်</p> <p>စစ်မှန်သောအင်မော်တယ် ရှေးဟောင်းနတ်ဆိုးသည် သူ ထောင်ချောက်အတွင်း ကျရောက်သွားပြီဖြစ်ကြောင်း သိလိုက်သဖြင့် ချက်ချင်း ဒေါသထွက်သွားခဲ့သည်။ ထိုသည်မှာ အင်မော်တယ်တာအို နိယာမများ ပါဝင်သော အင်မော်တယ်ဘုရင်အဆင့်ရှိ ရတနာတစ်ခု ဖြစ်နိုင်သည်။ ၎င်းအနေဖြင့် လွတ်မြောက်နိုင်သော်လည်း ကြီးမားသော အဖိုးအခနှင့် ဒဏ်ရာများကို ရရှိသွားနိုင်သည်။</p> <p>၎င်းသည် ထိုပုရွက်ဆိတ်တစ်စု၏ လှည့်စားခြင်းကို ခံလိုက်ရခြင်းဖြစ်သည်။</p> <p>အစောပိုင်းက လမ်းတစ်လျှောက် စားသောက်လာစဉ်ကပင် ထိုပုရွက်ဆိတ်များ တစ်ခုခု ကြံစည်နေသည်ကို ၎င်း သိရှိထားသော်လည်း မာန်မာနကြီးစွာဖြင့် မကြောက်မရွံ့ လာခဲ့ခြင်း ဖြစ်သည်။ ထိုလောကရှိ အသန်မာဆုံးသူများပင်လျှင် ၎င်း၏ ရှေ့တွင် ထွက်ပြေးနေကြရသည်။ ထိုမျှ ကြာမြင့်စွာ တိုက်ခိုက်နေသည့်တိုင် ၎င်းနှင့် အဆင့်တူသော စစ်မှန်သောအင်မော်တယ် တစ်ပါးမျှ ပေါ်မလာသဖြင့် ထိုနေရာတွင် အင်မော်တယ် မရှိကြောင်း သို့မဟုတ် ရှိလျှင်ပင် ၎င်းကို မယှဉ်နိုင်ကြောင်း ယူဆခဲ့ခြင်း ဖြစ်သည်။</p> <p>ဝေါင်း...။</p> <p>စစ်မှန်သောအင်မော်တယ် ရှေးဟောင်းနတ်ဆိုးသည် အမျက်ဒေါသထွက်သွားပြီး ၎င်း၏ စွမ်းအားကို ရုတ်တရက် ထုတ်ဖော်လိုက်ရာ ပြင်းထန်သော ဝါးမြိုခြင်းစွမ်းအားက လွှမ်းခြုံသွားခဲ့သည်။ တားမြစ်နယ်မြေ အပြင်ဘက်တွင် ဝမ်းသာနေကြသော တာအိုနားလည်ခြင်းနယ်ပယ် ကျွမ်းကျင်သူများ၏ ‘နတ်ဝိညာဉ်’ များကို ချက်ချင်း ဆွဲထုတ်ကာ ဝါးမြိုပစ်လိုက်သည်။</p> <p>ထို့နောက် ၎င်းသည် ထိုနေရာမှ ထွက်ခွာရန် လှည့်လိုက်သည်။ ထိုနန်းတော်မှာ အင်မော်တယ်ဘုရင်၏ ရတနာတစ်ခု ဖြစ်နိုင်ပြီး ၎င်း၏ ပုံရိပ်ယောင်ကပင် ၎င်းကို ခြိမ်းခြောက်နိုင်စွမ်း ရှိနေသဖြင့် ထိုအရာကို အလွယ်တကူ သိမ်းပိုက်နိုင်လိမ့်မည် မဟုတ်ကြောင်း သိလိုက်သည်။</p> <p>ထိုနေရာရှိ လူအားလုံးကို စားသုံးပြီးပါက ထိုရတနာကို ပြန်လာသိမ်းရန် အချိန်ရသေးသည်။ ထိုလှည့်ကွက်ကြောင့် အင်မော်တယ်နတ်ဘုရား၏ အကြွင်းအကျန် ရတနာတစ်ခုကို ရှာဖွေတွေ့ရှိလိုက်ခြင်းပင် ဖြစ်သည်။</p> <p>အင်မော်တယ်ဧကရာဇ် ချန်ထားခဲ့သော ထို ‘အတုအယောင်နယ်မြေ’ အတွင်း၌ ရတနာအချို့ အမှန်တကယ် ရှိနေသေးသည်။</p> <p>၎င်းသည် လှည့်စားခံလိုက်ရသဖြင့် ဆက်တွေးနေခြင်းကို ရပ်တန့်လိုက်ပြီး အင်မော်တယ်စွမ်းအင်များကို အလျင်အမြန် ဖြန့်ကြက်ကာ ဟင်းလင်းပြင်အတွင်းရှိ သဲလွန်စများကို ရှာဖွေလိုက်သည်။</p> <p>၎င်းသည် ထိုနယ်မြေရှိ ခေါင်းဆောင်အားလုံးကို သတ်ဖြတ်ပစ်ပြီးမှ အေးအေးဆေးဆေး စားသုံးရန် ဆုံးဖြတ်လိုက်သည်။</p> <p>မကြာမီမှာပင် ၎င်းသည် သဲလွန်စအချို့ကို တွေ့ရှိသွားပြီး နောက်ယောင်ခံ လိုက်သွားခဲ့သည်။</p> <p>ခေတ္တမျှ ကြာပြီးနောက် အလွန်လျှို့ဝှက်သော ဟင်းလင်းပြင် အက်ကြောင်းတစ်ခုအတွင်းရှိ နန်းတော်တစ်ခုကို ရှာတွေ့သွားခဲ့သည်။</p> <p>ထိုနေရာတွင် သူတော်စင်တစ်ပါး၏ အရှိန်အဝါကို ၎င်း အာရုံခံမိလိုက်သည်။</p> <p>“ဒီမှာ ပုန်းနေတာလား...” စစ်မှန်သောအင်မော်တယ် ရှေးဟောင်းနတ်ဆိုးသည် လှောင်ပြုံးပြုံးလိုက်ပြီး အတွင်းသို့ ချက်ချင်း ပြေးဝင်သွားခဲ့သည်။</p> <p>ထိုဟင်းလင်းပြင် အက်ကြောင်းအတွင်း ပုန်းအောင်းနေသော နန်းတော်မှာ ဟင်းလင်းပြင် အင်အားစုကြီး သုံးခုထဲမှ တစ်ခုဖြစ်သော ‘ချန်လော့နန်းတော်’ ဖြစ်သည်။ သူတို့သည် သူတော်စင်များနှင့် ပူးပေါင်းကာ အင်မော်တယ်တံခါးကို ပိတ်ဆို့ခြင်း မပြုခဲ့သလို၊ လောကငယ်များရှိ ပြည်သူများကို ကယ်တင်ရန်လည်း မကြိုးစားခဲ့ပေ။ ယင်းအစား ကိုယ့်ကိုယ်ကိုယ် ကာကွယ်ရန်အတွက် လျှို့ဝှက်သော နေရာတစ်ခုတွင် ပုန်းအောင်းနေခဲ့ကြခြင်း ဖြစ်သည်။</p> <p>အကယ်၍ ထိုရှေးဟောင်းနတ်ဆိုးကို နှိမ်နင်းနိုင်ခဲ့ပါက ချန်လော့နန်းတော်အတွက် မဆိုးပေ။ အကယ်၍ မနှိမ်နင်းနိုင်ပါကလည်း သူတို့သည် အသက်ရှင်ကျန်ရစ်မည် ဖြစ်သည်ဟု ချန်လော့နန်းတော်မှ ‘မဟာသူတော်စင်’ က တွေးထားခဲ့သည်။</p> <p>သို့သော် ယခုအခါ စစ်မှန်သောအင်မော်တယ် ရှေးဟောင်းနတ်ဆိုး၏ ကျူးကျော်မှုကြောင့် ချန်လော့နန်းတော် တစ်ခုလုံး တုန်လှုပ်ချောက်ချားသွားပြီး ဖရိုဖရဲ ဖြစ်ကာ ထိတ်လန့်တုန်လှုပ်မှုများ ပြည့်နှက်သွားခဲ့သည်။</p> <p>အော်ဟစ်သံများနှင့် ငိုကြွေးသံများ ထွက်ပေါ်လာပြီး ချန်လော့နန်းတော်မှ တပည့်များစွာမှာ တစ်ဦးပြီးတစ်ဦး ကျဆုံးသွားခဲ့ကြသည်။</p> <p>မကြာမီမှာပင် ချန်လော့နန်းတော် ပုန်းအောင်းရာနေရာ၌ ပျက်စီးနေသော နန်းတော်အကြွင်းအကျန်များသာ ကျန်ရှိတော့သည်။</p> <p>ချန်လော့နန်းတော်၏ နန်းတော်သခင်၏ ‘လောကဦးနတ်ဝိညာဉ်’ မှာ ဝါးမြိုခြင်း ခံလိုက်ရပြီး ခန္ဓာကိုယ်မှာလည်း ရှေးဟောင်းနတ်ဆိုး၏ မြိန်ရှက်စွာ စားသုံးခြင်းကို ခံလိုက်ရသည်။</p> <p>ရက်အနည်းငယ် ကြာပြီးနောက်</p> <p>စစ်မှန်သောအင်မော်တယ် ရှေးဟောင်းနတ်ဆိုးသည် ‘နှစ်ဖက်နတ်ဆိုးချိုင့်ဝှမ်း’ ၏ အပြင်ဘက်တွင်ရှိသော နတ်ဆိုးနှိမ်နင်းရေး မဟာမိတ်အဖွဲ့၏ ဌာနချုပ်ကို ရှာတွေ့သွားခဲ့သည်။</p> <p>“နောက်ဆုံးတော့ ငါတို့ကို ရှာတွေ့သွားပြီပဲ”</p> <p>နတ်ဆိုးနှိမ်နင်းရေး မဟာမိတ်အဖွဲ့ ဌာနချုပ်ရှိ အခြေအနေမှာ သုန်မှုန်နေပြီး လူတိုင်း၏ ရင်ထဲတွင် လေးလံသော တိမ်တိုက်ကြီးများ ဖိစီးနေသကဲ့သို့ ခံစားနေရသည်။</p> <p>ရှေးဟောင်းနတ်ဆိုး၏ ခြေရာကို ရှာဖွေရန် ခက်ခဲသော်လည်း သူတို့သည် လူသားတို့၏ အသက်များကို အသုံးပြုကာ ၎င်း၏ တည်နေရာကို နောက်ယောင်ခံ လိုက်ခဲ့ကြခြင်း ဖြစ်သည်။</p> <p>“ထျန်းလော့နန်းတော်ရဲ့ ရလဒ်ကို သိဖို့အတွက် ခုနစ်ရက် လိုအပ်တယ်၊ ဒါပေမဲ့ ဒီတိရစ္ဆာန်က ငါတို့ကို ခုနစ်ရက် အချိန်ပေးဖို့ အစီအစဉ် မရှိဘူး”</p> <p>“ငါတို့တွေ ဒီ ‘နှစ်ဖက်နတ်ဆိုးချိုင့်ဝှမ်း’ ကိုပဲ အားကိုးပြီး နောက်ဆုံး တိုက်ပွဲကို ဆင်နွှဲရတော့မယ်”</p> <p>“အားလုံးပဲ... ပြောချင်တာရှိရင် ပြောထားကြပါတော့”</p> <p>ခန်းမကြီးအတွင်း၌ လူတိုင်းမှာ စိတ်ပျက်အားလျော့နေသော မျက်နှာများ ရှိနေကြသည်။ ထိုတိုက်ပွဲတွင် ရှေးဟောင်းနတ်ဆိုး သေဆုံးသည်ဖြစ်စေ၊ မသေဆုံးသည်ဖြစ်စေ သူတို့အတွက် ထွက်ပြေးစရာ လမ်းမရှိတော့ကြောင်း သိထားကြသည်။</p> <p> </p> <p> </p> <p> </p> <p style="text-align: center;">***</p>


Save