Book List

<h2 style="text-align: center;">အပိုင်း (၁၁၀၄)</h2> <h2 style="text-align: center;">ကောင်းကင်ဘုံအသီးသီးကို လင်းထိန်သွားစေသောဓား၊</h2> <h2 style="text-align: center;">အင်မော်တယ်များကို သတ်ဖြတ်ခြင်း (၄)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ထိုတိုက်ပွဲမှာ အသက်သေဆုံးရမည့် တိုက်ပွဲဖြစ်သလို၊ ကောင်းကင်ဘုံအသီးသီး၏ ရှင်သန်ခြင်းနှင့် သေဆုံးခြင်းကို ဆုံးဖြတ်မည့် နောက်ဆုံးတိုက်ပွဲလည်း ဖြစ်သည်။</p> <p>“တကယ်လို့ ဒီတိုက်ပွဲမှာ ငါတို့တွေ ရှေးဟောင်းနတ်ဆိုးနဲ့အတူ အသေခံ တိုက်ခိုက်နိုင်မယ်ဆိုရင် ကောင်းကင်ဘုံအသီးသီးဟာ ရှင်သန်ခွင့် ရလိမ့်မယ်။ အဲလိုမှမဟုတ်ရင်တော့ ကောင်းကင်ဘုံအသီးသီးဟာ ပျက်သုဉ်းသွားရတော့မှာပဲ”</p> <p>“အခု ပြန်စဉ်းစားကြည့်ရင်တော့ သူတော်စင်တွေဟာ ဒီအခြေအနေကို ကြိုမြင်လို့ စောစောစီးစီး ပုန်းအောင်းသွားကြတာ ဖြစ်ရမယ်။ သူတို့တွေက အနာဂတ်အတွက် မျိုးဆက်ကို ထိန်းသိမ်းထားတယ်ဆိုတာကလည်း ဒီတိုက်ပွဲဟာ ဘယ်လောက်တောင် ခက်ခဲပြီး မျှော်လင့်ချက် နည်းပါးတယ်ဆိုတာကို ပြနေတာပဲ”</p> <p>“ဘယ်လိုပဲဖြစ်ဖြစ် ငါတို့တွေ အကောင်းဆုံး ကြိုးစားခဲ့ကြပြီးပြီ၊ ကောင်းကင်ဘုံအသီးသီးအတွက်ရော ငါတို့ ကိုယ့်ကိုယ်ကိုယ်အတွက်ရောပေါ့”</p> <p>“နယ်နိမိတ်ကျောက်တုံးကို ပြင်ဆင်ပြီးပြီလား၊ ပြီးတော့ အရင်က သတင်းစကားကိုရော ပို့ပြီးပြီလား”</p> <p>“အားလုံး အဆင်သင့်ဖြစ်ပါပြီ”</p> <p>“ဒီတိုက်ပွဲကို ကောင်းကင်ဘုံအသီးသီးကနေ မြင်တွေ့နေရလိမ့်မယ်။ တကယ်လို့ ငါတို့ ရှုံးနိမ့်ခဲ့ရင် မြို့တိုင်းမှာ ကျန်ရစ်ခဲ့တဲ့ တပ်မှူးတွေဟာ အရင်က ချမှတ်ထားတဲ့ ‘မိမိကိုယ်ကိုယ် အဆုံးစီရင်ခြင်း’ အစီအစဉ်အတိုင်း အားလုံး အတူတူ သတ်သေကြလိမ့်မယ်”</p> <p>သူတော်စင်တစ်ပိုင်းနယ်ပယ် ဧကရာဇ်တစ်ပါးက လေးနက်သော အသံဖြင့် ပြောလိုက်သည်။</p> <p>သူ၏ စကားကြောင့် ရောက်ရှိနေသူ အများအပြား၏ မျက်လုံးများမှာ အနည်းငယ် ကျုံ့သွားခဲ့သည်။</p> <p>ထိုအစီအစဉ်ကို သူတို့ ကြိုတင်သိထားကြသော်လည်း အမှန်တကယ် ဖြစ်လာတော့မည့် အခိုက်အတန့်တွင် ခံစားရသော တုန်လှုပ်မှုနှင့် ကြေကွဲမှုမှာ ဖော်ပြ၍ မရနိုင်အောင်ဖြစ်သည်။</p> <p>“ဒီရှေးဟောင်းနတ်ဆိုးဟာ ကျားတစ်ကောင် အသားကို စားသလိုမျိုး ဝိညာဉ်တွေကို ဝါးမြိုရတာကို နှစ်သက်တယ်။ သူ စားသမျှက သူ့အတွက် အကျိုးရှိစေတယ်။ တကယ်လို့ သူက ငါတို့ရဲ့ ဝိညာဉ်တွေကို စားချင်တယ်ဆိုရင် ငါတို့က အရင်ဆုံး သတ်သေလိုက်မယ်၊ သူ့အတွက် အလကားကျွေးတဲ့ အစာတော့ အဖြစ်မခံနိုင်ဘူး” ဟု သူတော်စင်တစ်ပိုင်း တစ်ပါးက အလွန်တိုးညင်းသော လေသံဖြင့် ပြောလိုက်သည်။</p> <p>နတ်ဘုရားမင်းဆက် အများအပြားမှာ မျိုးသုဉ်းလုနီးပါး တိုက်ပွဲများကို ကြုံတွေ့ခဲ့ဖူးသော်လည်း ထိုကဲ့သို့ အစုလိုက်အပြုံလိုက် သတ်သေရမည့် အခြေအနေမျိုးအထိ တစ်ခါမျှ မရောက်ခဲ့ဖူးပေ။ ယခုအခါ ရှေးဟောင်းနတ်ဆိုး၏ ဖိအားကြောင့် ထိုအဆင့်အထိ ရောက်လာရခြင်းမှာ အခြေအနေ မည်မျှ ပြင်းထန်နေကြောင်း ပြသနေသည်။</p> <p>“တကယ်လို့ ငါတို့ ရှေးဟောင်းနတ်ဆိုးကို ‘နှစ်ဖက်နတ်ဆိုးချိုင့်ဝှမ်း’ ထဲကို အောင်အောင်မြင်မြင် မျှားခေါ်နိုင်မယ်ဆိုရင် နယ်နိမိတ်ကျောက်တုံးကတစ်ဆင့် လူတွေ မြင်ကြရလိမ့်မယ်၊ ဒါဟာ သူတို့အတွက် မျှော်လင့်ချက် ပေးတာပဲ။ ကောင်းကင်ဘုံအသီးသီးရဲ့ အသက်သွေးကြောတွေ အကြီးအကျယ် ထိခိုက်သွားပေမဲ့ ငါတို့ ချန်ထားခဲ့တဲ့ ကျင့်စဉ်ရတနာတွေဟာ နောက်ထပ် ကျွမ်းကျင်သူတွေ ပေါ်ထွက်လာဖို့အတွက် လုံလောက်ပါတယ်”</p> <p>“ရှေးဟောင်းနတ်ဆိုး လာနေပြီ၊ ပြင်ဆင်ကြ”</p> <p>နှစ်ဖက်နတ်ဆိုးချိုင့်ဝှမ်း၏ ရှေ့တွင် နတ်ဆိုးနှိမ်နင်းရေး မဟာမိတ် တပ်ဖွဲ့ကြီး စုဝေးနေကြသည်။</p> <p>ယခုအခါ တစ်ချိန်က ထိတ်လန့်ဖွယ်ကောင်းသော ထို ‘ပထမဆုံး တားမြစ်နယ်မြေ’ မှာ သူတို့အတွက် ရှင်သန်ရေး မျှော်လင့်ချက် ဖြစ်လာခဲ့သည်။ ထိုအခိုက်အတန့်တွင် အကောင်းနှင့် အဆိုးဟူသော အဓိပ္ပာယ်သတ်မှတ်ချက်များမှာ အရေးမပါတော့ပေ။</p> <p>နယ်နိမိတ်ကျောက်တုံးများ၏ ရောင်ပြန်ဟပ်မှုကြောင့် ကောင်းကင်ဘုံအသီးသီးရှိ လောကငယ်များမှ လူတိုင်းသည် ထိုမြင်ကွင်းကို မြင်တွေ့နေရသည်။</p> <p>လောကငယ်အသီးသီး၏ ကောင်းကရှိ တိမ်တိုက်များမှာ နှစ်ဖက်နတ်ဆိုးချိုင့်ဝှမ်း၏ ထိတ်လန့်ဖွယ် ပုံရိပ်များအဖြစ် ပြောင်းလဲသွားခဲ့သည်။</p> <p>သာမန်ပြည်သူ အများအပြားမှာ ကျင့်ကြံသူများပင် ကြောက်ရွံ့ရသော ထို ‘ပထမဆုံး တားမြစ်နယ်မြေ’ ကို ပထမဆုံးအကြိမ် မြင်ဖူးကြခြင်း ဖြစ်သည်။ အံ့အားသင့် တုန်လှုပ်ရုံတင်မကဘဲ တားမြစ်နယ်မြေ အပြင်ဘက်တွင် စုဝေးနေသော လူသားမျိုးနွယ်၏ ဧရာမ တပ်ဖွဲ့ကြီးကိုလည်း သူတို့ မြင်တွေ့လိုက်ရသည်။</p> <p>တပ်ဖွဲ့၏ ရှေ့ဆုံးတွင် သူတော်စင်တစ်ပိုင်း အပါး တစ်ထောင်ကျော် ရပ်နေကြပြီး ဧကရာဇ် တစ်ပါးပြီးတစ်ပါး ခန့်ညားစွာ ရပ်တည်နေကြသည်။ ပြည်သူ အများအပြားမှာ သူတို့၏ နတ်ဘုရားမင်းဆက်မှ ဧကရာဇ်များကို မှတ်မိကြသည်။ သို့သော် ထိုအခိုက်အတန့်တွင် တပ်ဖွဲ့၏ ရှေ့ဆုံး၌ ရပ်နေသော သူတို့၏ ဧကရာဇ်များမှာ အခြားသော ခန့်ညားထည်ဝါသည့် ဧကရာဇ်များစွာနှင့်အတူ ရှိနေကြခြင်း ဖြစ်သည်။</p> <p>“နတ်ဘုရားမင်းဆက် အသီးသီးက ဧကရာဇ်တွေနဲ့ သူတော်စင်တစ်ပိုင်းတွေဟာ ရှေးဟောင်းနတ်ဆိုးကို အသက်ကိုရင်းပြီး တိုက်ခိုက်ဖို့ ပြင်ဆင်နေကြပြီ”</p> <p>“ငါတို့ ဒီတိုက်ပွဲမှာ အနိုင်ရပါ့မလား”</p> <p>ကောင်းကင်ဘုံအသီးသီးတွင် စိုးရိမ်ပူပန်နေသော မျက်နှာများစွာသည် တိမ်တိုက်များထဲမှ နယ်နိမိတ်ကျောက်တုံး ရောင်ပြန်ပုံရိပ်များကို စိုက်ကြည့်နေကြသည်။</p> <p>လီဟောင်သည် နတ်ဘုရားနေလုံးကြီအတွင်းသို့ ဝင်ရောက်သွားပြီး ရက်အနည်းငယ်အတွင်းမှာပင် ထိုအရာအားလုံး ဖြစ်ပျက်ခဲ့ခြင်း ဖြစ်သည်။ ယခုအခါ လီဟောင်သည် နတ်ဘုရားနေလုံးကြီးမှ ထွက်လာခဲ့ပြီးနောက် ပထမဆုံး လုပ်ဆောင်သည့်အရာမှာ အနီးနားရှိ လောကငယ်တစ်ခုသို့ သွားရောက်ကာ ပြင်ပရှိ အခြေအနေကို စုံစမ်းရန် ဖြစ်သည်။</p> <p>ထိုလောကငယ်သို့ ရောက်သည်နှင့် လီဟောင်သည် ကောင်းကင်တွင် ရောင်ပြန်ဟပ်နေသော မြင်ကွင်းကို တွေ့လိုက်ရသည်။</p> <p>လီဟောင်မှာ မှင်သက်သွားပြီး သူ၏ မျက်မှောင်များမှာ ကျုံ့သွားခဲ့သည်။ ၎င်းမှာ ‘နှစ်ဖက်နတ်ဆိုးချိုင့်ဝှမ်း’ လား။ ပထမဆုံး တားမြစ်နယ်မြေလား။</p> <p>တားမြစ်နယ်မြေ အပြင်ဘက်ရှိ မရေမတွက်နိုင်သော တပ်ဖွဲ့ကြီးကို မြင်လိုက်ရသောအခါ လီဟောင်၏ နှလုံးသားမှာ တုန်လှုပ်သွားခဲ့သည်။ တစ်ကိုယ်လုံးမှာ အေးစက်ခြင်းနှင့် ပူလောင်ခြင်း ခံစားချက်တို့ကို တစ်ပြိုင်နက်တည်း ခံစားလိုက်ရပြီး ထိုတပ်ဖွဲ့များ နှစ်ဖက်နတ်ဆိုးချိုင့်ဝှမ်းရှေ့တွင် စုဝေးနေရခြင်း၏ ရည်ရွယ်ချက်ကို ချက်ချင်း နားလည်သွားခဲ့သည်။</p> <p>အပြင်သို့ ထွက်လာလျှင် ငရဲခန်းကဲ့သို့သော လောကငယ်များကို မြင်ရမည်ဟု ထင်ထားခဲ့သော်လည်း မမျှော်လင့်ဘဲ ထိုလောကငယ်များသည် ရှေးဟောင်းနတ်ဆိုးကို ပြန်လည်တိုက်ခိုက်ရန် စည်းလုံးသွားကြခြင်းဖြစ်သည်။</p> <p>တားမြစ်နယ်မြေကို အသုံးပြုကာ ရှေးဟောင်းနတ်ဆိုးကို ပိတ်လှောင်ရန် ကြံစည်ခြင်းမှာ မရေမတွက်နိုင်သော စတေးမှုများကို သားကောင်အဖြစ် အသုံးပြုရသဖြင့် အလွန် ကြေကွဲဖွယ် ကောင်းသည်။</p> <p>လီဟောင်၏ မျက်နှာမှာ သုန်မှုန်သွားခဲ့သည်။ တကအကယ်၍ သူတော်စင်များသာ ထိုအခြေအနေကို သိခဲ့ပါက သူတို့ ရှက်စိတ်ဝင်ကြမည်လား မပြောတတ်ပေ။</p> <p>ရွှစ်...။</p> <p>လီဟောင်သည် ချက်ချင်း လှည့်ထွက်လာခဲ့ပြီး ဟင်းလင်းပြင်အတွင်း၌ အဆက်မပြတ် ကူးပြောင်းကာ နှစ်ဖက်နတ်ဆိုးချိုင့်ဝှမ်းဆီသို့ အရှိန်အဟုန်ဖြင့် ဦးတည်လာခဲ့သည်။</p> <p>နှစ်ဖက်နတ်ဆိုးချိုင့်ဝှမ်း၏ ရှေ့တွင်မူ စစ်မှန်သောအင်မော်တယ် ရှေးဟောင်းနတ်ဆိုး၏ ပုံရိပ်မှာ ဟင်းလင်းပြင်ကို ဖြတ်ကျော်ကာ ရုတ်တရက် ဆင်းသက်လာခဲ့သည်။</p> <p>၎င်း၏ ရောက်ရှိလာမှုမှာ ရုတ်တရက် ဖြစ်သဖြင့် တားမြစ်နယ်မြေ အရှေ့ရှိ လူတိုင်းမှာ ထိတ်လန့်သွားကြသည်။ အသက်များစွာဖြင့် ပေးဆပ်ရရှိထားသော သတင်းများအရ ရန်သူမှာ လမ်းတစ်ဝက်တွင်သာ ရှိသေးသည်ဟု သူတို့ ထင်ထားခဲ့ခြင်း ဖြစ်သည်။</p> <p>ထိုပုရွက်ဆိတ်များ၏ ထိတ်လန့်နေသော မျက်နှာများကို မြင်သောအခါ စစ်မှန်သောအင်မော်တယ် ရှေးဟောင်းနတ်ဆိုးမှာ စိတ်ထဲမှ လှောင်ပြုံးလိုက်သည်။</p> <p>ယခင်က သတ်ဖြတ်မှုများအတွင်း ၎င်းသည် တစ်ဖက်လူမှာ ၎င်းလာနေသည်ကို ကြိုသိနေသကဲ့သို့ ခံစားခဲ့ရသဖြင့် ၎င်းမှာ အဓိပ္ပာယ်မရှိဟု ယူဆခဲ့သည်။</p> <p>အကြောင်းမှာ မိုင်ပေါင်းသောင်းချီကို ဖြတ်ကျော်နိုင်သော ၎င်း၏ အရှိန်မှာ ထိုပုရွက်ဆိတ်များ၏ အာရုံခံနိုင်စွမ်းထက် အဆပေါင်းများစွာ သာလွန်နေသောကြောင့် ဖြစ်သည်။ ၎င်းရောက်လာချိန်တွင် သူတို့မှာ ယခုကဲ့သို့ ထိတ်လန့်တုန်လှုပ်နေကြရမည် ဖြစ်သည်။</p> <p>နောက်ပိုင်းတွင် ၎င်း ပြန်စဉ်းစားကြည့်ရာ လမ်းတစ်လျှောက် ၎င်းဝါးမြိုခဲ့သော ပုရွက်ဆိတ်များက သတင်းပေးပို့ခဲ့ခြင်းဖြစ်ကြောင်း နားလည်သွားခဲ့သည်။ ထို့ကြောင့် ယခုတစ်ကြိမ်တွင် ၎င်းသည် လမ်းတစ်ဝက် ဝါးမြိုခြင်းကို ရပ်တန့်ကာ ပြန့်ကျဲနေသော သားကောင်များကို ကျော်ဖြတ်ပြီး ထိုနေရာသို့ တိုက်ရိုက် ဆင်းသက်လာခဲ့ခြင်း ဖြစ်သည်။</p> <p>ထိုပုရွက်ဆိတ်များ မည်သည့်အရာကို ကြံစည်နေသလဲဆိုသည်ကို ၎င်း မြင်ချင်နေသည်။</p> <p>ဆင်းသက်လာပြီးနောက် စစ်မှန်သောအင်မော်တယ် ရှေးဟောင်းနတ်ဆိုး၏ ‘လောကဦးနတ်ဝိညာဉ်’ အသိစိတ်မှာ မြင်ကွင်းတစ်ခုလုံးကို လွှမ်းခြုံသွားခဲ့သည်။ ထိုပုရွက်ဆိတ်များထဲတွင် ၎င်းကို ခြိမ်းခြောက်နိုင်မည့်သူ တစ်ဦးမျှ မပါဝင်ကြောင်း ၎င်း ချက်ချင်း သတိထားမိလိုက်သည်။ ၎င်း၏ လက်ထဲမှ လွတ်မြောက်သွားသော ထိုပုရွက်ဆိတ်မှာလည်း ထိုနေရာတွင် မရှိပေ။ ထိုစဉ်က ကြောက်လန့်သွားသဖြင့် ပြန်ရှာတွေ့ရန် ခက်ခဲနိုင်သည်။</p> <p>သို့သော် ၎င်းအနေဖြင့် မစိုးရိမ်ပေ။ ထိုလောကရှိ ကျန်ရှိနေသူများကို ရှင်းလင်းပြီးနောက် အေးအေးဆေးဆေး ရှာဖွေနိုင်ပြီး ရှာမတွေ့ပါကလည်း အင်မော်တယ်ဧကရာဇ်၏ အမွေအနှစ်ရတနာကို ယူဆောင်ကာ ရှေးဟောင်းနတ်ဆိုး တပ်ဖွဲ့ကို ဝင်ရောက် ရှာဖွေခိုင်းရုံသာ ရှိသည်။</p> <p>“ဟမ်”</p> <p>ရုတ်တရက် စစ်မှန်သောအင်မော်တယ် ရှေးဟောင်းနတ်ဆိုးသည် ထိုလူသားမျိုးနွယ်များ၏ နောက်ကွယ်ရှိ တားမြစ်နယ်မြေကို သတိထားမိလိုက်သည်။</p> <p>နှစ်ဖက်နတ်ဆိုးချိုင့်ဝှမ်းသည် အောက်ခြေမမြင်ရသော နက်မှောင်သည့် အက်ကြောင်းကြီး နှစ်ခုဖြင့် ဖွဲ့စည်းထားပြီး ထိတ်လန့်ဖွယ် အရှိန်အဝါများ ထွက်ပေါ်နေသည်။</p> <p>စစ်မှန်သောအင်မော်တယ် ရှေးဟောင်းနတ်ဆိုးသည် အာရုံစိုက် ကြည့်လိုက်ရာ ၎င်းအတွင်းမှ ထွက်ပေါ်နေသော ထူးခြားသည့် ‘အင်မော်တယ်တာအို နိယာမ’ ကို ချက်ချင်း အာရုံခံမိလိုက်သည်။ ၎င်းမှာ ‘အင်မော်တယ်ဘုရင်’ အဆင့်ရှိသူများသာ စုစည်းနိုင်သော အရာမျိုး ဖြစ်သည်။</p> <p> </p> <p> </p> <p style="text-align: center;">***</p>


Save