Book List

<h2 style="text-align: center;">အပိုင်း (၁၁၂၄)</h2> <h2 style="text-align: center;">အင်မော်တယ်ဧကရာဇ်၏ တာအိုမျိုးဆက် (၅)</h2> <h2 style="text-align: center;">*</h2> <h2 style="text-align: center;"> </h2> <p> </p> <p>သို့သော် ဤနေရာတွင်မူ ချက်ပြုတ်စားသောက်ရန် ရှေးဟောင်းနတ်ဆိုးများ မရှိပေ။ အကယ်၍ တစ်စုံတစ်ယောက်သည် သူ၏ လောကဦးနတ်ဝိညာဉ်ကို မြှင့်တင်လိုပါက ‘ထိန်းချုပ်ခြင်းလမ်းစဉ်’ ကို စွမ်းရည်အမှတ်များ ပေါင်းထည့်၍ မြှင့်တင်ခြင်းဖြင့်သာ လုပ်ဆောင်နိုင်သည်။</p> <p>ထိန်းချုပ်ခြင်းလမ်းစဉ်ကို နားလည်သဘောပေါက်ခြင်းက ဝိညာဉ်နှင့် ပတ်သက်သော အင်မော်တယ် နည်းစနစ်များကို ပိုမိုမြန်ဆန်စွာ တတ်မြောက်စေပြီး၊ ထိုမှတစ်ဆင့် လောကဦးနတ်ဝိညာဉ်ကို ပိုမိုသန့်စင်စေနိုင်မည် ဖြစ်သည်။</p> <p>မည်သို့ပင်ဖြစ်စေ အကယ်၍ သူသာ စွမ်းရည်အမှတ်များ ထပ်ပေါင်းထည့်မည်ဆိုပါက ချန်ပေါင်ယု အကြံပေးသကဲ့သို့ ‘အသင်္ချေ အင်မော်တယ်နည်းစနစ်’ လမ်းစဉ်ကို လိုက်ကာ ‘ဓားတာအို’ နှင့်လည်း အဆင့်ကို ကျော်ဖြတ်နိုင်သည်။</p> <p>သို့သော် သူ၏ ရုပ်ခန္ဓာမှာ ဤနေရာတွင် ရှိမနေသဖြင့် အင်မော်တယ်ဥပဒေသ နည်းစနစ်ကိုမူ ကျင့်ကြံ၍ မရနိုင်သေးပေ။</p> <p>“မင်းမှာ ရုပ်ခန္ဓာ မရှိဘူးဆိုတော့ ဒုတိယအဆင့်မှာ မင်းရဲ့ အလုံးစုံသော အခြေအနေကို စမ်းသပ်တဲ့အခါ အခက်တွေ့လိမ့်မယ်။ ငါ့ဆီမှာ ‘ကိုးဆင့်မြောက် ဟွန်ယွမ် မူလအစ နတ်ဘုရားသွေး’ တစ်စက် ရှိတယ်၊ မင်း အဲဒါကို ရုပ်ခန္ဓာအဖြစ် ခေတ္တ အသုံးပြုနိုင်တယ်”</p> <p>အဖိုးအိုက လီဟောင်ကို ပြောရင်း လက်ကို မြှောက်လိုက်ရာ၊ တောက်ပသော ရွှေရောင် နတ်ဘုရား သွေးစက်တစ်စက်မှာ သူ၏ လက်ဖဝါးပေါ်တွင် ပေါ်လာခဲ့သည်။</p> <p>လီဟောင်သည် ထိုနတ်ဘုရားသွေးစက်မှ ထွက်ပေါ်နေသော ပြင်းထန်သော အသက်စွမ်းအင်နှင့် ‘ကောင်းကင်တာအို’ ၏ အရှိန်အဝါကို ချက်ချင်း ခံစားလိုက်ရသည်။</p> <p>“မင်းရဲ့ လောကဦးနတ်ဝိညာဉ်ကို ဒီ ဟွန်ယွမ် နတ်ဘုရားသွေးထဲမှာ ပေါင်းစပ်လိုက်ပါ။ ဒါက ဒီနေရာမှာ မင်းကျင့်ကြံဖို့အတွက် ရုပ်ခန္ဓာ ဖြစ်လာလိမ့်မယ်။ ဒါဟာ ‘ပဥ္စမကပ်ဘေး ဧကရာဇ် လက်နက်’ တစ်ခုနဲ့ နှိုင်းယှဉ်နိုင်ပြီး သူတော်စင်အဆင့် ရုပ်ခန္ဓာ အများစုထက်တောင် သာလွန်တယ်” ဟု အဖိုးအိုကပြောလိုက်သည်။</p> <p>လီဟောင်၏ မျက်လုံးများ အနည်းငယ် လှုပ်ခတ်သွားခဲ့သည်။ ပဉ္စမကပ်ဘေး ဧကရာဇ် လက်နက်အဆင့်ဆိုသည်မှာ သူ၏ မူလရုပ်ခန္ဓာထက် အနည်းငယ်သာ အားနည်းသည်။</p> <p>သူသည် သူ၏ လောကဦးနတ်ဝိညာဉ်ကို ထိုသွေးစက်ထဲသို့ ပေါင်းထည့်လိုက်ရာ နတ်ဘုရားသွေးအတွင်းရှိ ပြင်းထန်သော အသက်စွမ်းအင်များမှာ ချက်ချင်း ပြန်လည် ရှင်သန်လာပြီး မျက်စိတစ်မှိတ်အတွင်းမှာပင် ထိုသွေးတစ်စက်မှာ လီဟောင်၏ ရုပ်ခန္ဓာ ပုံသဏ္ဌာန်အဖြစ်သို့ ပြောင်းလဲသွားခဲ့သည်။</p> <p>ထို့အပြင် ဤနတ်ဘုရားသွေးမှာ ပိုင်ရှင်မဲ့ဖြစ်ပြီး အသိစိတ် မရှိသဖြင့်၊ သူသည် ရုပ်ခန္ဓာဝတ်စုံတစ်ထည်ကို ဝတ်ဆင်လိုက်ရသကဲ့သို့ပင် ခံစားလိုက်ရသည်။</p> <p>“မင်းရဲ့ မူလရုပ်ခန္ဓာမှာ တာအိုအရိုးရှိခဲ့ရင်တောင် ဒီ ဟွန်ယွမ် ရုပ်ခန္ဓာမှာတော့ အဲဒါ မရှိဘူး။ ဒါပေမဲ့ ပဉ္စမကပ်ဘေး ဧကရာဇလက်နက်် ရုပ်ခန္ဓာရဲ့ အစွမ်းက အဲဒီလို လိုအပ်ချက်တွေကို ပြန်ပြီး ဖြည့်ဆည်းပေးနိုင်တယ်” ဟု အဖိုးအိုက ရှင်းပြသည်။</p> <p>လီဟောင် ခေါင်းညိတ်လိုက်ပြီးနောက် အဖိုးအို၏ လမ်းညွှန်မှုနှင့်အတူ ‘ကောင်းကင်တာအို ခေါင်းလောင်း’ အရှေ့သို့ ရောက်ရှိလာခဲ့သည်။</p> <p>လီဟောင် အသာအယာ ရေတွက်ကြည့်ရာ ဖျာများပေါ်တွင် တရားထိုင်နေသော သူတော်စင် (၁၇) ဦး ရှိနေသည်။</p> <p>ယခုအချိန်တွင် လီဟောင်သည် တာအိုနှလုံးသားကို စမ်းသပ်တော့မည်ကို မြင်သောအခါ၊ ဖျာပေါ်ရှိ သူတော်စင် အများစုမှာ မျက်လုံးမှိတ်၍ ဆက်လက် ကျင့်ကြံနေကြဆဲ ဖြစ်သည်။ နှစ်ဦး သုံးဦးခန့်သာ မျက်လုံးဖွင့်၍ လီဟောင်ကို တစ်ချက် ကြည့်လိုက်ပြီးနောက် မျက်လုံးများ ပြန်မှိတ်သွားကြသည်။</p> <p>ပုံမှန်အားဖြင့် ဤနေရာသို့ ရောက်လာသူသစ်များသည် ‘မြေကမ္ဘာအဆင့်’ တာအိုနှလုံးသားသာ ရှိတတ်ကြပြီး၊ ‘ကောင်းကင်အဆင့်’ တာအိုနှလုံးသား ရှိသူမှာ အလွန်ရှားပါးသည်။ ကောင်းကင်အဆင့် တာအိုနှလုံးသား ရှိနေလျှင်ပင် ၎င်းမှာ စတင် ဝင်ရောက်နိုင်ရုံသာ ရှိသေးသည့် စမ်းသပ်ချက် တစ်ခုသာ ဖြစ်သည်။</p> <p>“စလိုက်တော့”</p> <p>အဖိုးအိုက ပြောလိုက်သည်။ “မင်းရဲ့ တာအိုအတွေးတွေကို ထုတ်ဖော်လိုက်ပါ၊ ကောင်းကင်တာအို ခေါင်းလောင်းကို အဲဒါတွေကို ခံစားခွင့် ပေးလိုက်ပါ”</p> <p>လီဟောင် ခေါင်းညိတ်လိုက်ပြီး ကောင်းကင်တာအို ခေါင်းလောင်း ရှေ့သို့ ခြေတစ်လှမ်း တိုးလိုက်ကာ သူ၏ တာအိုအတွေးများကို ထုတ်ဖော်လိုက်သည်။</p> <p>ငြိမ်သက်စွာ ဆွဲထားသော ခေါင်းလောင်းမှာ ထူးခြားပြီး အလွန်ခမ်းနားထည်ဝါသော အရှိန်အဝါများဖြင့် ဝန်းရံထားသည်။ လီဟောင်၏ တာအိုအတွေးများသည် ထိုခေါင်းလောင်းကို ထိတွေ့လိုက်သည်နှင့် ၎င်းတို့မှာ ကျယ်ပြောသော လောကကြီးတစ်ခုထဲသို့ ပျောက်ကွယ်သွားသကဲ့သို့ ခံစားလိုက်ရသည်။</p> <p>မကြာမီမှာပင် ငြိမ်သက်နေသော ခေါင်းလောင်းကြီးမှာ အနည်းငယ် လှုပ်ရှားသွားပြီးနောက် ဟိန်းထွက်လာသော အသံတစ်သံ ပေါ်ထွက်လာတော့သည်။</p> <p>ဒေါင်...</p> <p>ခေါင်းလောင်း၏ တုန်ခါမှုနှင့်အတူ နေရာတစ်ခုလုံးမှာလည်း လှုပ်ခါသွားခဲ့သည်။</p> <p>တရားထိုင်နေသော သူတော်စင်များစွာမှာ ထိုအသံကြောင့် အနှောင့်အယှက် ဖြစ်သွားကြပြီး မျက်လုံးများ ဖွင့်ကြည့်လိုက်ကြသည်။</p> <p>ပထမတစ်ချက်၏ ပဲ့တင်သံ မဆုံးမီမှာပင် ဒုတိယအချက်မှာ ထပ်မံ ထွက်ပေါ်လာပြန်သည်။</p> <p>“ဘယ်တုန်းက လူသစ်တစ်ယောက် ထပ်ရောက်လာတာလဲ”</p> <p>ဖျာပေါ်တွင် ဆံပင်ဖြူဖြူနှင့် သက်လတ်ပိုင်းအရွယ် ‘မူသူတော်စင်’ သည် သူ၏ တရားထိုင်မှုကို နှောင့်ယှက်ခံရသဖြင့် မျက်မှောင်ကြုတ်လိုက်သည်။ သို့သော် သူသည် ဒေါသမထွက်ပေ။ နှစ်ပေါင်းများစွာအတွင်း ဤကဲ့သို့သော အဖြစ်အပျက်မျိုးမှာ တစ်ခါတစ်ရံမှသာ ဖြစ်တတ်သည် မဟုတ်ပါလား။</p> <p>“သူ ခုလေးတင် ရောက်လာတာ၊ အစစ်အမှန်နယ်မြေကို ရောက်ဖူးတယ်လို့ ကြားတယ်” ဘေးမှ လော့ရှန်းက ပြုံးလျက် ပြန်ဖြေလိုက်သည်။</p> <p>ထိုစကားကို ကြားသောအခါ မူသူတော်စင်၏ မျက်လုံးများမှာ စူးရှသွားသည်။ ထိုလူငယ်၏ ခန္ဓာကိုယ်မှ ‘ဟွန်ယွမ်’ အရှိန်အဝါများ ထွက်ပေါ်နေသည်ကို မြင်သောအခါ သူက မေးလိုက်သည်။ “သူ စီနီယာဝမ်ဆီကနေ ‘ဟွန်ယွမ် နတ်ဘုရားသွေး’ ကို ရုပ်ခန္ဓာအဖြစ် ငှားသုံးထားတာလား”</p> <p>“ဟုတ်တယ်၊ သူက အမဲလိုက် ခံရရင်းနဲ့ လောကဦးနတ်ဝိညာဉ် တစ်ခုတည်းနဲ့ ဒီကို ရောက်လာခဲ့တာ” ဟု တစ်စုံတစ်ယောက်က ရှင်းပြလိုက်ရာ အခြားသူများလည်း နားလည်သွားကြသည်။ ဤနေရာသို့ ရောက်လာသူ အများစုမှာ အသက်လု၍ ထွက်ပြေးလာကြသူများသာ ဖြစ်သည်။ အနည်းငယ်သော သူများသာလျှင် သိချင်စိတ်ဖြင့် စွန့်စားလာကြခြင်း ဖြစ်သည်။ ‘မင်သူတော်စင်’ ကဲ့သို့ပင်ဖြစ်သည်...။</p> <p>သူသည် မဟာသူတော်စင် တစ်ဦးဖြစ်သဖြင့် လောကကြီးတွင် သူ မသွားနိုင်သော နေရာမရှိဟု ယုံကြည်ကာ လာရောက် စူးစမ်းခဲ့သော်လည်း ပြန်မထွက်နိုင်တော့ပေ။</p> <p>မကြာမီမှာပင် ခေါင်းလောင်း၏ ဒုတိယ ပဲ့တင်သံမှာ တဖြည်းဖြည်း ငြိမ်သက်သွားပြီးနောက် တတိယအချက် ထွက်ပေါ်လာသည်။</p> <p>“ကောင်းကင်နဲ့ မြေပြင်... သုံးချက်... မြေကမ္ဘာအဆင့် တာအိုနှလုံးသားပဲ”</p> <p>လူအများ၏ အမူအရာမှာ တည်ငြိမ်နေဆဲ ဖြစ်သည်။ သူတို့ အများစုမှာလည်း ပထမဆုံး ရောက်ရှိလာစဉ်က သုံးချက်သာ ကြားခဲ့ရသည် မဟုတ်ပါလား။</p> <p>တတိယအချက်၏ ပဲ့တင်သံ ပျောက်ကွယ်သွားသည်နှင့် သူတော်စင်များစွာမှာ မျက်လုံးများ ပြန်မှိတ်ကာ တရားပြန်ထိုင်ရန် ပြင်လိုက်ကြသည်။</p> <p>သို့သော် ရုတ်တရက်... စတုတ္ထမြောက် အသံကြီး ထွက်ပေါ်လာတော့သည်။</p> <p>ဒေါင်——။</p> <p> </p> <p> </p> <p style="text-align: center;">***</p>


Save