Book List

<h2 style="text-align: center;">ရှန်းရှလောကမှာ တည်းခိုခန်းလေး ဖွင့်ထားတယ်</h2> <h2 style="text-align: center;">ဘာသာပြန် - March</h2> <h2 style="text-align: center;">စာစဉ်(၃၁)</h2> <h2 style="text-align: center;">အခန်း (၃၀၁)</h2> <h2 style="text-align: center;">ခံတပ်ဝင်စီးသည့်အဖွဲ့ ကြီးထွားလာခြင်း</h2> <h2 style="text-align: center;">*</h2> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:justify">‘အပ်တစ်ချောင်း၊ အပ်ချည်တစ်မျှင်တောင် မယူရဘူး’ ဆိုသည့် လုချန်၏ စကားက တင်စားချက်သက်သက် မဟုတ်ဘဲ တကယ့်ကို အပ်တစ်ချောင်း၊ အပ်ချည်တစ်မျှင်တောင် လုံးဝ မယူရဘူးဟု ဆိုလိုခြင်း ဖြစ်သည်။</p> <p style="text-align:justify"> </p> <p style="text-align:justify">ဤဂိုဏ်းချုပ်များက လုချန်၏ ဆိုလိုရင်းကို အပြည့်အဝ နားလည်သွားသောအခါ သူတို့အားလုံး ချက်ချင်း လှုပ်ရှားကြတော့သည်။ သူတို့ ထွက်ခွာသွားချိန်တွင် နတ်ဆိုးအရှင်သခင်၏ လျှို့ဝှက်ခံတပ်၌ ပါးလွှာသော အပ်တစ်ချောင်းနှင့် အပ်ချည်တစ်မျှင်သာ ကျန်ရစ်ခဲ့ပြီး ကျန်သည့်အရာအားလုံး ပြောင်သလင်းခါသွားသည်။</p> <p style="text-align:justify"> </p> <p style="text-align:justify">သူက အပ်တစ်ချောင်း၊ အပ်ချည်တစ်မျှင်တောင် မယူရဘူးလို့ ပြောမှတော့ အပ်တစ်ချောင်း၊ အပ်ချည်တစ်မျှင်တောင် လုံးဝ မယူဘူးပေါ့...</p> <p style="text-align:justify"> </p> <p style="text-align:justify">အဘိုးကြီးလျို ပို့ပေးလာသော ပြောင်သလင်းခါနေသည့် ဓာတ်ပုံများကို ကြည့်ရင်း ဤလူများသည် တကယ်ကို ပါရမီရှင်တွေပဲဟု လုချန် ရုတ်တရက် ခံစားလိုက်ရသည်။</p> <p style="text-align:justify"> </p> <p style="text-align:justify">သူက အမတ်ချုပ်ကြီး၏ စံအိမ်သို့ လူတစ်ယောက်ကို အထူးစေလွှတ်ခဲ့သော်လည်း သူ၏ အရိပ်အယောင်ကိုပင် မတွေ့ခဲ့ရပေ။ ကြည့်ရတာ သူက ထွက်ပြေးဖို့ အခွင့်အရေး ရသွားပြီဖြစ်ပြီး ဝေ့ဇီချင်း၏ ဖခင်ကလည်း ပျောက်ဆုံးသွားပြီ ဖြစ်သည်။</p> <p style="text-align:justify"> </p> <p style="text-align:justify">“နတ်ဆိုးအရှင်သခင်ရဲ့ ကိစ္စကို မြန်မြန် ဖြေရှင်းရမယ်၊ မဟုတ်ရင် အမြဲတမ်း မိုင်းဗုံးသယ်ထားရသလို ပုန်းကွယ်နေတဲ့ အန္တရာယ်တစ်ခု ဖြစ်နေလိမ့်မယ်”</p> <p style="text-align:justify"> </p> <p style="text-align:justify">နတ်ဆိုးအရှင်သခင် ထွက်ပေါ်လာချိန်တွင် သူတို့က နတ်ဆိုးလမ်းစဉ်ကို ကျယ်ကျယ်ပြန့်ပြန့် ဖြန့်ဝေကြသည်။ လူတစ်ယောက် နတ်ဆိုးလမ်းစဉ်ထဲ ဝင်သွားသည်နှင့် ရုပ်သေးရုပ်တစ်ရုပ်လို ဖြစ်သွားတတ်သည်။ ထိုနေ့က ရှောက်ချင်းကို လှည့်စားခဲ့သော အမျိုးသမီးလိုပင်၊ သူမက ဖမ်းဆီးခံရပြီးနောက်တွင်တောင် နောင်တရသည့် အရိပ်အယောင် မပြခဲ့ဘဲ သူမ၏ မျက်လုံးထဲတွင် ရူးသွပ်မှု အရိပ်အယောင်များသာ ရှိနေခဲ့သည်။</p> <p style="text-align:justify"> </p> <p style="text-align:justify">သူ့မှာ ဤနေရာတွင် သူငယ်ချင်းများစွာ ရှိသော်လည်း ရန်သူများလည်း အများအပြား ရှိသည်။ တစ်ယောက်ယောက်သာ နတ်ဆိုးလမ်းစဉ်ထဲ တကယ် ကျရောက်သွားခဲ့လျှင် သူတို့ ဘယ်လောက်တောင် ရူးသွပ်တဲ့ ကိစ္စတွေ လုပ်လာမလဲဆိုတာ ပြောလို့မရပေ။</p> <p style="text-align:justify"> </p> <p style="text-align:justify">အဘိုးကြီးလျိုနှင့် တခြားသူများက နတ်ဆိုးအရှင်သခင်၏ ခံတပ်တစ်ခုကို ဝင်စီးပြီးနောက်တွင်တောင် နတ်ဆိုးအရှင်သခင်က ပေါ်မလာခဲ့ပေ။</p> <p style="text-align:justify"> </p> <p style="text-align:justify">လုချန်က အနည်းငယ် သိချင်မိသွားသော်လည်း မကြာမီ သူ နားလည်သွားသည်။ ဤကာလအတွင်း နတ်ဆိုးအရှင်သခင်က ကုန်းမြေတိုက်ငါးခုတွင် မရှိဘဲ လအနည်းငယ်အကြာတွင် ဖြစ်ပေါ်လာမည့် အဓိကကိစ္စကြီးတစ်ခုအတွက် အကြံအစည် ရေးဆွဲနေပုံရသည်။</p> <p style="text-align:justify"> </p> <p style="text-align:justify">“ဒီလိုဆိုမှတော့ အကုန်လုံးကို ဝင်စီးပစ်လိုက်...”</p> <p style="text-align:justify"> </p> <p style="text-align:justify">နတ်ဆိုးအရှင်သခင်က လုချန်ကို လာမဆွခဲ့သော်လည်း နတ်ဆိုးအရှင်သခင်၏ နောက်လိုက်အချို့က လာဆွခဲ့ကြသည်။ လုချန်က ထိုကောင်စုတ်လေးတွေကို ဖြေရှင်းဖို့ ပျင်းရိနေသောကြောင့် ပြဿနာကို အမြစ်ကနေ ဖြေရှင်းလိုက်တာက ပိုကောင်းပေလိမ့်မည်။</p> <p style="text-align:justify"> </p> <p style="text-align:justify">နတ်ဆိုးအရှင်သခင်၏ ခံတပ်ကို ဝင်စီးမည့် WeChat ဂရုထဲတွင် လုချန်က တစ်ခါတစ်ရံ ခံတပ်အချို့၏ နေရာများကို ထုတ်ဖော်ပြောကြားလေ့ရှိပြီး လူတိုင်းကို ထိုနေရာများသို့ စေလွှတ်ခဲ့ရာ သူတို့ ပြန်လာတိုင်း အကျိုးအမြတ်ကြီးကြီးမားမား ရရှိခဲ့ကြသည်။</p> <p style="text-align:justify"> </p> <p style="text-align:justify">ဤအချိန်တွင် လုချန်နှင့် မရင်းနှီးသော ဒုတိယအဆင့်ဂိုဏ်းများမှ ဂိုဏ်းချုပ်အချို့သည် ပထမအဆင့်ဂိုဏ်းများမှ လူကြီးပိုင်းများက သူဌေးလုအပေါ် ဘာကြောင့် ဤမျှ သစ္စာရှိကြသလဲဆိုသည်ကို နောက်ဆုံးတော့ နားလည်သွားကြသည်။ ဤအံ့ဖွယ်စွမ်းရည်က တကယ်ကို အံ့မခန်းပင်။ နတ်ဆိုးအရှင်သခင်၏ ခံတပ်များအားလုံးက အလွန်တရာ လျှို့ဝှက်လွန်းလှပြီး အချို့ဆိုလျှင် အနှစ်ခြောက်ဆယ်ကြာအောင် ကုသိုလ်ကောင်းမှုတွေ လုပ်နေခဲ့ကြသည့် ကုန်သည်မိသားစုများပင် ဖြစ်နေသော်လည်း သူဌေးလုက ၎င်းတို့အားလုံးကို ထောက်ပြနိုင်ခဲ့သည်။</p> <p style="text-align:justify"> </p> <p style="text-align:justify">နတ်ဆိုးဂိုဏ်းသည် အနှစ်ခြောက်ဆယ်ကြာအောင် ပုန်းအောင်းနေခဲ့ပြီး နတ်ဆိုးအရှင်သခင် ထွက်ပေါ်လာမည့်အချိန်ကို စောင့်ဆိုင်းရင်း သယံဇာတ အမြောက်အမြားကို စုဆောင်းထားခဲ့ကြသည်။ သူတို့ ဝင်စီးခဲ့သော ခံတပ်တိုင်းမှ ဧရာမ စည်းစိမ်ချမ်းသာများကို ရရှိခဲ့ရာ အလွန်တရာ ကျေနပ်စရာကောင်းလှသည်။</p> <p style="text-align:justify"> </p> <p style="text-align:justify">ဤဒုတိယအဆင့်ဂိုဏ်းများမှ ဂိုဏ်းချုပ်များမှာ ယခုအခါ ပါးစပ်နားရွက်တိတ်မတတ် ပြုံးပျော်နေကြပြီ ဖြစ်သည်။</p> <p style="text-align:justify"> </p> <p style="text-align:justify">လျိုရှီးဂိုဏ်း၊ အလယ်ပိုင်းကုန်းမြေတိုက်ရှိ ဒုတိယအဆင့်ဂိုဏ်းများထဲမှ တစ်ခု။</p> <p style="text-align:justify"> </p> <p style="text-align:justify">ယခုလက်ရှိတွင် အလယ်ပိုင်းကုန်းမြေတိုက်၌ အင်အားစုများ အပြောင်းအလဲဖြစ်နေသဖြင့် လူအများအပြားက ပူးပေါင်းရန် ဘက်များကို ရှာဖွေနေကြသော်လည်း လျိုရှီးဂိုဏ်းကမူ ဆုံးဖြတ်ချက် မချရသေးပေ။</p> <p style="text-align:justify"> </p> <p style="text-align:justify">ဤအချိန်တွင် အနောက်ဘက်တောင်တန်း ရှောင်မိသားစုမှ စည်းရုံးရေးမှူးတစ်ဦးက လျိုရှီးဂိုဏ်းအတွင်း၌ သူတို့ကို သိမ်းသွင်းရန် ကြိုးစားနေသည်။</p> <p style="text-align:justify"> </p> <p style="text-align:justify">“ကျွန်တော်တို့ ရှောင်မိသားစုက သယံဇာတတွေ ပေါကြွယ်ဝတဲ့ ထိပ်သီးမိသားစုကြီးတွေထဲက တစ်ခုပါ။ နတ်ဆိုးအရှင်သခင်တောင်မှ ကျွန်တော်တို့ ရှောင်မိသားစုကို အလွယ်တကူ လာမတိုက်ခိုက်ရဲဘူး။ ခင်ဗျားတို့သာ ကျွန်တော်တို့နဲ့အတူ ရပ်တည်မယ်ဆိုရင် ခင်ဗျားတို့ လျိုရှီးဂိုဏ်းက သေချာပေါက် ဘေးကင်းလုံခြုံမှာပါ။ ကျွန်တော်တို့ လိုအပ်တဲ့အချိန်မှာ ခင်ဗျားတို့ဘက်က ရှေ့ထွက်ပေးဖို့ပဲ လိုပါတယ်”</p> <p style="text-align:justify"> </p> <p style="text-align:justify">ရှောင်မိသားစုမှ လာသူက ထိုသို့ ပြောလိုက်သည်။</p> <p style="text-align:justify"> </p> <p style="text-align:justify">ငြင်းမရနိုင်သည့်အချက်မှာ လျိုရှီးဂိုဏ်းချုပ်သည် ဤကမ်းလှမ်းချက်ကြောင့် အလွန်တရာ စိတ်လှုပ်ရှားသွားခြင်းပင်။</p> <p style="text-align:justify"> </p> <p style="text-align:justify">နတ်ဆိုးအရှင်သခင် ထွက်ပေါ်လာချိန်တွင် လူတိုင်းက အန္တရာယ်ကျရောက်နေပြီး နတ်ဆိုးအရှင်သခင် လာရောက် တံခါးခေါက်မည်ကို ကြောက်ရွံ့နေကြသည်။ ကျောထောက်နောက်ခံ တစ်ယောက်ရှိခြင်းက သေချာပေါက် ပိုကောင်းပေလိမ့်မည်။</p> <p style="text-align:justify"> </p> <p style="text-align:justify">ရှောင်မိသားစုမှ လူပြောသလိုပင် ရှောင်မိသားစုနှင့်အတူ ရှိနေခြင်းက အခြားသော အင်အားစုအများစုနှင့် ရှိနေခြင်းထက် သေချာပေါက် ပို၍ လုံခြုံပေမည်။</p> <p style="text-align:justify"> </p> <p style="text-align:justify">စည်းရုံးရေးမှူး၏ စကားများအောက်တွင် လျိုရှီးဂိုဏ်းချုပ်က သဘောတူကြောင်း ခေါင်းညိတ်တော့မည့်ဆဲဆဲတွင် အခြားဒုတိယအဆင့်ဂိုဏ်းတစ်ခုမှ ဂိုဏ်းချုပ်တစ်ယောက် ရောက်ရှိလာသည်။ သူကိုယ်တိုင် ရောက်လာရုံသာမက စိတ်ဝိညာဉ်ကျောက်တုံးများနှင့် စိတ်ဝိညာဉ်လက်နက် အမြောက်အမြားကိုပါ ယူဆောင်လာခဲ့သည်။ သူသည် ဤလျိုရှီးဂိုဏ်းချုပ်၏ သူငယ်ချင်းဖြစ်ပြီး လက်ဆောင်များ လာပေးပုံရသည်။</p> <p style="text-align:justify"> </p> <p style="text-align:justify">“ဒါတွေက ဘာတွေလဲ”</p> <p style="text-align:justify">လျိုရှီးဂိုဏ်းချုပ်က သူ၏ သူငယ်ချင်းကို ကြည့်လိုက်ပြီးနောက် သူယူလာသော ပစ္စည်းများကို ကြည့်ကာ မျက်လုံးပြူးသွားသည်။ စိတ်ဝိညာဉ်ကျောက်တုံးများ အားလုံးက ထိပ်တန်းအဆင့် စိတ်ဝိညာဉ်ကျောက်တုံးများဖြစ်ပြီး အရေအတွက်က တစ်ရာကျော်ပင်...</p> <p style="text-align:justify"> </p> <p style="text-align:justify">ထိပ်တန်းအဆင့် စိတ်ဝိညာဉ်ကျောက်တုံး တစ်ရာကျော်... သူ ဒီလောက်အများကြီးကို ဘယ်ကရလာတာလဲ။ ပုံမှန်အားဖြင့် ဒါဇင်အနည်းငယ်လောက် ထုတ်ဖို့တောင် ခက်ခဲတာကို...</p> <p style="text-align:justify"> </p> <p style="text-align:justify">သူက ငါ့ရဲ့ သူငယ်ချင်းဟောင်းရော ဟုတ်သေးရဲ့လား။ တကယ့်ကို ကြီးကျယ်ခမ်းနားတဲ့ လက်ဆောင်ပါလား...</p> <p style="text-align:justify"> </p> <p style="text-align:justify">ပြီးတော့ အဲဒီစိတ်ဝိညာဉ်လက်နက်တွေက အဆင့်မြင့်၊ အလယ်အလတ်အဆင့်၊ အဆင့်နိမ့် အားလုံးအစုံအလင် ပါဝင်ပြီး အချို့က ကာကွယ်ရေးအတွက်၊ အချို့က တိုက်ခိုက်ရေးအတွက် ဖြစ်သည်။</p> <p style="text-align:justify"> </p> <p style="text-align:justify">“မင်း သူဌေးဖြစ်သွားတာလား”</p> <p style="text-align:justify"> </p> <p style="text-align:justify">“ဘာသူဌေးဖြစ်ရမှာလဲ။ ဒါတွေအကုန်လုံးက စစ်ပွဲကရတဲ့ တိုက်ရာပါပစ္စည်းတွေချည်းပဲ။ မင်း ဒီရက်ပိုင်း အခက်အခဲ ဖြစ်နေတယ်ဆိုတာ ငါမြင်လို့ လာကူညီပေးတာ”</p> <p style="text-align:justify">ထိုလူက ခပ်ပေါ့ပေါ့ပင် လက်ဝှေ့ယမ်းပြလိုက်သည်။ သူတို့နှစ်ယောက်က သေခြင်းရှင်ခြင်း ကြားက အခြေအနေများကို အတူဖြတ်သန်းဖူးသော ရင်းနှီးသည့် သူငယ်ချင်းများ ဖြစ်ကြသည်။</p> <p style="text-align:justify"> </p> <p style="text-align:justify">“စစ်ပွဲကရတဲ့ တိုက်ရာပါပစ္စည်းတွေ။ ဘယ်လို စစ်ပွဲကရတဲ့ တိုက်ရာပါပစ္စည်းတွေလဲ”</p> <p style="text-align:justify">လျိုရှီးဂိုဏ်းချုပ်က အနည်းငယ် ဇဝေဇဝါ ဖြစ်သွားသည်။</p> <p style="text-align:justify"> </p> <p style="text-align:justify">“နတ်ဆိုးအရှင်သခင်ရဲ့ ခံတပ်တွေကို ဝင်စီးတာလေ”</p> <p style="text-align:justify"> </p> <p style="text-align:justify">“ဟာ”</p> <p style="text-align:justify">လျိုရှီးဂိုဏ်းချုပ်၏ မျက်လုံးများ ပြူးကျယ်သွားသည်။ သူ ကြားတာ မှန်ရဲ့လား။ နတ်ဆိုးအရှင်သခင်ရဲ့ ခံတပ်တွေကို ဝင်စီးတာလား။</p> <p style="text-align:justify"> </p> <p style="text-align:justify">“‘ဟာ’ ဘာ ‘ဟာ’ လဲ... မင်းရဲ့ အံ့ဩနေတဲ့ မျက်နှာကို ကြည့်ဦး၊ မင်းက လောကကြီးကို သေချာ မမြင်ဖူးတာ ထင်ရှားပါတယ်။ ငါက ဘက်တစ်ခုကို ရွေးပြီးသွားပြီဆိုတာ မင်း မေ့သွားပြီလား။ ဒီကာလအတွင်း ငါက သူဌေးလု နောက်ကိုလိုက်ပြီး နတ်ဆိုးအရှင်သခင်ရဲ့ ခံတပ်များစွာကို ဝင်စီးခဲ့တယ်။ ဒါတွေက အစိတ်အပိုင်း သေးသေးလေးပဲ ရှိသေးတယ်။ ဒီနေ့ မင်းအတွက် လာပေးတာ၊ ပြီးရင် ငါ အမြန်သွားရဦးမယ်။ နောက်ပိုင်းမှာ စစ်ဆင်ရေးကြီးတစ်ခု ရှိသေးတယ်”</p> <p style="text-align:justify"> </p> <p style="text-align:justify">သူငယ်ချင်းဖြစ်သူ၏ စကားများကို နားထောင်ရင်း လျိုရှီးဂိုဏ်းချုပ်မှာ အိမ်မက်မက်နေသလို ခံစားလိုက်ရသည်။</p> <p style="text-align:justify"> </p> <p style="text-align:justify">ဟုတ်တယ်... အခုအချိန်က အင်အားစုကြီးတွေ အပြောင်းအလဲဖြစ်နေတဲ့ အချိန်ပဲ၊ ဒါပေမဲ့ ဘာအကြောင်းကြောင့်လဲ။ နတ်ဆိုးအရှင်သခင် ထွက်ပေါ်လာတာနဲ့ ပိုင်သခင်ကြီးရဲ့ စိုးရိမ်ပူပန်မှုတွေကြောင့် နတ်ဆိုးအရှင်သခင်က သူတို့ကို တစ်ယောက်ချင်းစီ လိုက်မချေမှုန်းနိုင်အောင် လူတိုင်းက စည်းလုံးနေကြတာ မဟုတ်ဘူးလား။</p> <p style="text-align:justify"> </p> <p style="text-align:justify">ရှောင်မိသားစုမှ စည်းရုံးရေးမှူး လာတုန်းက သူတို့ရဲ့ အကြီးမားဆုံး အားကိုးစရာက သူတို့ဟာ ထိပ်သီးမိသားစုဖြစ်ပြီး နတ်ဆိုးအရှင်သခင်က သူတို့ကို အလွယ်တကူ လာမထိရဲဘူးဆိုတာ မဟုတ်ဘူးလား။ ဒီအချက်တစ်ချက်တည်းနဲ့တင် ဂိုဏ်းတော်တော်များများကို ဆွဲဆောင်နိုင်နေပြီလေ။</p> <p style="text-align:justify"> </p> <p style="text-align:justify">ဒါပေမဲ့ သူ့သူငယ်ချင်းကို ပြန်ကြည့်တော့ နတ်ဆိုးအရှင်သခင်ကို ကြောက်ရွံ့တဲ့ အရိပ်အယောင် နည်းနည်းလေးမှ မရှိဘူး။ ‘နတ်ဆိုးအရှင်သခင်ရဲ့ ခံတပ်’ ဆိုတဲ့ စကားလုံးကို ပြောလိုက်တာနဲ့ သူ့ရဲ့ စိတ်လှုပ်ရှားမှုက သိသာထင်ရှားနေတယ်။ ဒီ... ဒီ... ဒီကွာခြားချက်က ကြီးမားလွန်းတယ်...</p> <p style="text-align:justify"> </p> <p style="text-align:justify">ပြီးတော့ နတ်ဆိုးအရှင်သခင်က အလွယ်တကူ လာမထိရဲအောင် စည်းလုံးနေကြတယ်ဆိုတာလား။</p> <p style="text-align:justify"> </p> <p style="text-align:justify">သူတို့က နတ်ဆိုးအရှင်သခင် လာမထိရဲဖို့ စောင့်မနေဘူး၊ သူတို့က နတ်ဆိုးအရှင်သခင်ကို သွားတိုက်ဖို့ ရယ်မောပျော်ရွှင်နေကြတာ သိသာနေတယ်...</p> <p style="text-align:justify"> </p> <p style="text-align:justify">ရှောင်မိသားစုမှ စည်းရုံးရေးမှူးကလည်း သရဲတစ္ဆေတစ်ကောင်ကို မြင်လိုက်ရသလိုမျိုး ဖြစ်သွားသည်။ နတ်ဆိုးအရှင်သခင်ရဲ့ ခံတပ်တွေကို ဝင်စီးတယ်ဆိုတာက မင်းက အလွန်တရာ ရူးမိုက်နေတာ ဒါမှမဟုတ် အလွန်တရာ ကြွားလုံးထုတ်နေတာပဲ ဖြစ်ရမယ်။</p> <p style="text-align:justify"> </p> <p style="text-align:justify">“ကဲပါ... ငါ မင်းနဲ့ စကားမပြောတော့ဘူး။ ဂရုထဲမှာ လှုပ်ရှားဖို့ ထပ်ခေါ်နေပြီ။ ဒီည မင်းနဲ့ အရက်လာသောက်မယ်”</p> <p style="text-align:justify">ထိုလူက သူ၏ မိုဘိုင်းဖုန်းကို စစ်ဆေးလိုက်သည်။ အဘိုးကြီးလျိုက လူတိုင်းကို @ မန်းရှင်းခေါ်ပြီး ထွက်ခွာရန် ပြင်ဆင်ကြဖို့ ပြောနေပြီ ဖြစ်သည်။</p> <p style="text-align:justify"> </p> <p style="text-align:justify">“နေဦး”</p> <p style="text-align:justify">လျိုရှီးဂိုဏ်းချုပ်က ဆုံးဖြတ်ချက်ချလိုက်သည့်အလား ဘယ်ညာကို လှည့်ကြည့်လိုက်သည်။</p> <p style="text-align:justify">“မင်းတို့ လူလိုသေးလား။ ငါ့ကိုပါ ခေါ်သွားပါလား”</p> <p style="text-align:justify"> </p> <p style="text-align:justify">“ငါမသိဘူး၊ ငါ မေးကြည့်လိုက်ဦးမယ်”</p> <p style="text-align:justify">ထိုလူက ဂရုထဲတွင် မက်ဆေ့ချ်ပို့လိုက်သည်။</p> <p style="text-align:justify"> </p> <p style="text-align:justify">အဘိုးကြီးလျိုက ပြန်ဖြေသည်။</p> <p style="text-align:justify">“သူငယ်ချင်းတွေကို ဂရုထဲ ခေါ်လာခဲ့... ‘ကောင်းချီးတွေကို မျှဝေခံစားကြ’ ဆိုတဲ့ စကားပုံလိုပဲ၊ နတ်ဆိုးအရှင်သခင်ရဲ့ ခံတပ်ကို အတူတူ သွားစီးကြစို့...”</p> <p style="text-align:justify"> </p> <p style="text-align:justify">ထိုသို့ဖြင့် လျိုရှီးဂိုဏ်းက ရှောင်မိသားစုကို ငြင်းပယ်လိုက်ပြီး သူဌေးလု၏ အဖွဲ့ထဲသို့ ဝင်ရောက်သွားခဲ့သည်။</p> <p style="text-align:justify"> </p> <p style="text-align:justify">ဤမြင်ကွင်းသည် လက်ရှိဖြစ်ပေါ်နေသော ရေစီးကြောင်း၏ ပုံစံငယ်တစ်ခုမျှသာ ဖြစ်သည်။ လျိုရှီးဂိုဏ်းအပြင် အခြားသော ဒုတိယအဆင့်ဂိုဏ်းများတွင်လည်း အလားတူ အဖြစ်အပျက်များ တစ်ပြိုင်နက်တည်း ဖြစ်ပွားနေခဲ့သည်။ အခြားသော ထိပ်သီးမိသားစုကြီး သုံးခုက သူတို့၏ လွှမ်းမိုးမှုကို ချဲ့ထွင်ကာ နတ်ဆိုးအရှင်သခင်က သူတို့ကို အလွယ်တကူ လာမတိုက်ခိုက်ရဲဘူးဟု ကတိပေးနေစဉ်မှာပင် လူတစ်ယောက်က ရုတ်တရက် ပေါ်လာပြီး နတ်ဆိုးအရှင်သခင်ရဲ့ ခံတပ်ကို ဝင်စီးမယ်ဟု အော်ဟစ်နေခဲ့သည်။</p> <p style="text-align:justify"> </p> <p style="text-align:justify">ထို့ကြောင့် သူတို့ နောက်တစ်ကြိမ် လှုပ်ရှားသောအခါ မူလက လူတစ်ရာရှိသော အဖွဲ့သည် တစ်ရာ့ငါးဆယ်အထိ တိုးချဲ့သွားခဲ့သည်။ မှတ်သားထားရမည့်အချက်မှာ ခံတပ်ဝင်စီးသည့်အဖွဲ့တွင် ပါဝင်နိုင်သူများအားလုံးသည် ပညာရှင်များဖြစ်ကြပြီး အဖွဲ့ထဲသို့ အသစ်ဝင်လာသော လူတစ်ယောက် သို့မဟုတ် နှစ်ယောက်တိုင်းသည် ဂိုဏ်းတစ်ခုကို ကိုယ်စားပြုနေခြင်းပင်...</p> <p style="text-align:justify"> </p> <p style="text-align:justify">“လူစုံပြီမလား။ စုံပြီဆိုရင် သွားကြစို့...”</p> <p style="text-align:justify"> </p> <p style="text-align:justify">ရုတ်တရက် နတ်ဆိုးအရှင်သခင်၏ ခံတပ်ကို ဝင်စီးခြင်းက ရေပန်းစားသော လုပ်ရပ်တစ်ခု ဖြစ်လာခဲ့သည်။</p> <p style="text-align:justify"> </p> <p style="text-align:justify">ဤအရာက လူတွေကို အလွန်သိချင်လာစေသည်။ နတ်ဆိုးအရှင်သခင်က တခြားလူတွေကို သူ့ခေါင်းပေါ် အီးလာပါဖို့ ဒီအတိုင်း ခွင့်ပြုထားမှာလား။</p> <p style="text-align:justify"> </p> <p style="text-align:justify">ဒါပေမဲ့ လူတွေ မသိခဲ့ကြတာက ဤအချိန်တွင် နတ်ဆိုးအရှင်သခင်သည် ကုန်းမြေတိုက်ငါးခုတွင် မရှိတော့ဘူးဆိုတာပင်။ လုချန်က ဒီအချက်တွေ အားလုံးကို ရှင်းရှင်းလင်းလင်း သိထားသည်။</p> <p style="text-align:justify"> </p> <p style="text-align:justify">ခံတပ်ဝင်စီးသည့်အဖွဲ့၏ လှုပ်ရှားမှုတိုင်းက ကြွယ်ဝသော အကျိုးအမြတ်များကို ရရှိစေခဲ့သည်။</p> <p style="text-align:justify"> </p> <p style="text-align:justify">မကြာမီ ဤအရာက အခြားအင်အားစုကြီးများကို ထိုင်မနေနိုင်အောင် ဖြစ်လာစေခဲ့သည်။</p> <p style="text-align:justify"> </p> <p style="text-align:justify">အထူးသဖြင့် စုမိသားစုနှင့် ရှောင်မိသားစု။ ဤမိသားစုနှစ်ခုသည် လုချန်နှင့် အငြိုးရှိကြသည်။ လုချန်က သူ၏ ကျပန်းမစ်ရှင်ကို ပြီးမြောက်ခဲ့စဉ်က မစ်ရှင်ဆုလာဘ်သည် ဤမိသားစုနှစ်ခု၏ အမုန်းတရား ဖြစ်ခဲ့သည်။</p> <p style="text-align:justify"> </p> <p style="text-align:justify">စုမိသားစုကတော့ ပြောစရာပင် မလိုတော့ပေ။ ထိုအချိန်က ပညာရှင်များစွာ ရောက်ရှိလာခြင်းက သူတို့ကို မျက်နှာပျက်စေခဲ့သည်။</p> <p style="text-align:justify"> </p> <p style="text-align:justify">ရှောင်မိသားစု၏ အငြိုးကတော့ ရှောင်မိသားစုခေါင်းဆောင် သေဆုံးမှုမှ အစပြုခဲ့ခြင်းဖြစ်ပြီး ထိုအပြစ်ကို လုချန်အပေါ် ပုံချခဲ့ကြသည်။</p> <p style="text-align:justify"> </p> <p style="text-align: center;">***</p>


Save