Book List

<h2 style="text-align: center;">အခန်း ၂၉၅</h2> <h2 style="text-align: center;">ထိမ်းမြား မဟာမိတ်လား</h2> <h2 style="text-align: center;">*</h2> <p> </p> <p> </p> <p>လင်းမူ စတုတ္ထမြောက် စွမ်းရည် 'မှေးမှိန်ပျောက်ကွယ်ခြင်း' ၏ အားနည်းချက် အချို့ကို သက်သာစေမည့် နည်းလမ်းတစ်ခု ရှာတွေ့သွားပြီ ဖြစ်၍ အများကြီး ပိုမို စိတ်သက်သာရာ ရသွား၏။ ထို့နောက် သူ၏ စာရင်းထဲတွင် လုပ်စရာများစွာ ရှိနေသေးသဖြင့် နောက်ထပ် ဘာဆက်လုပ်ရမည်ကို စဉ်းစားလိုက်သည်။</p> <p>မဟာ အိပ်မောကျ ဝက်ဝံ၏ သွေးမျိုးဆက်ကို ပေါင်းစပ်ရန် လိုအပ်သော အခြေအနေများကို သူ နီးပါး ပြည့်မီနေပြီ ဖြစ်ပြီး ကျန်ရှိနေသည်မှာ ပျောက်ဆုံး အင်မော်တယ်၏ အမည်မဲ့ ကျင့်စဉ်သာ ဖြစ်ပေသည်။ ထိုကျင့်စဉ်အတွက် လင်းမူ ရင်ဆိုင်နေရသော အဓိက ပြဿနာမှာ သူ၏ တိုးတက်မှုကို အမှန်တကယ် မြင်တွေ့နိုင်ရန်ပင် ဖြစ်၏။</p> <p>ကောင်းသည် ဆိုးသည်ကို သူ မခွဲခြားနိုင်သလို 'အိပ်စက်ခြင်း စမ်းရေတွင်း' သွေးမျိုးဆက် စွမ်းရည်၏ အကျိုးသက်ရောက်မှုများကို တန်ပြန်ရန် လုံလောက်မည် မလုံလောက်မည်ကိုလည်း မသိချေ။ စွမ်းရည်၏ နောက်ဆက်တွဲ အကျိုးဆက်များမှာ သေစေနိုင်လောက်သဖြင့် လင်းမူ မစမ်းသပ်မီ အလွန်အမင်း သေချာချင်နေမိသည်။</p> <p>သွေးမျိုးဆက်ကို ပေါင်းစပ်လိုက်ပါက တစ်နှစ်ခန့် အိပ်ပျော်သွားနိုင်ကြောင်း လင်းမူ သိထားပြီး ဖြစ်သည်။ ထို့ကြောင့် ထိုအချိန်ကာလကို အကြမ်းဖျင်း တွက်ချက်ကြည့်ရာ တစ်နှစ်စာ အစားအစာကို စားနိုင်ပါက အမည်မဲ့ ကျင့်စဉ်တွင် လိုအပ်သော အဆင့်သို့ ရောက်ရှိပြီဟု သူ ခန့်မှန်းလိုက်၏။</p> <p>လင်းမူ တစ်ရက်အတွင်း တစ်ပတ်စာ အစားအစာဖြစ်သော သားရဲ နှစ်ကောင်ခန့်ကို စားနိုင်နေပြီ ဖြစ်ရာ တစ်လအတွက် ရှစ်ကောင်နှင့် တစ်နှစ်အတွက် ရှစ်ဆယ့်လေးကောင် လိုအပ်မည်ဟု ဆိုလိုခြင်း ဖြစ်ပေသည်။ သူ့လိုအပ်ချက်များ ပြောင်းလဲသွားနိုင်သလား ဆိုသည်ကို မသိသဖြင့် အရေအတွက်ကို သားရဲ တစ်ရာခန့်အထိ တိုးမြှင့်ရန် ဆုံးဖြတ်လိုက်၏။</p> <p>သားရဲ အကောင်တစ်ရာခန့်၏ အသားကို သူ စားနိုင်သည့်နေ့မှာ သူ အသင့်ဖြစ်နေပြီ ဖြစ်သော နေ့ပင် ဖြစ်ပေမည်။ သို့သော် ယခုအချိန်အထိ လင်းမူ သူ၏ လက်ရှိ အစာစားနိုင်စွမ်း ကန့်သတ်ချက်ကို မသိသေးချေ။ သူ ဗိုက်ဝသွားသည်ဟု ခံစားရလျှင်ပင် ဆက်ပြီး စားနိုင်သေးကြောင်း သဘောပေါက်ထား၏။</p> <p>'ငါ့ရဲ့ လက်ရှိ အစာစားနိုင်စွမ်း ကန့်သတ်ချက်ကို စစ်ဆေးဖို့ လိုတယ်... ဒါပေမဲ့ အဲဒီအတွက် ငါ ထပ်ပြီး အမဲလိုက်ဖို့ လိုလိမ့်မယ်... အသားတွေ ကုန်တော့မယ်...' လင်းမူ ကိုယ့်ဘာသာ တွေးလိုက်၏။</p> <p>သူ့စာရင်းထဲတွင် ရှိနေသော နောက်ထပ် အလုပ်တစ်ခုမှာ ဗိုလ်မှူး ဝူထန် လာရောက်မည့် ကိစ္စနှင့် ပတ်သက်၍ ဘာတွေ ဖြစ်ပျက်နေမှန်း စုံစမ်းရန် ဖြစ်သည်။ လင်းမူ ထိုကိစ္စကို အနည်းငယ် သံသယ ဝင်နေသဖြင့် ပိုမို သိရှိလိုခြင်း ဖြစ်ပေသည်။</p> <p>"အင်း... ငါ အခုချက်ချင်း ဟွေ တပ်မဟာဆီ သွားလို့ ရတာပဲ... ဟွေပေါင် မြို့လယ်ခေါင်မှာ ရှိလောက်ပါတယ်... ဘာပဲဖြစ်ဖြစ် ငါလည်း အိမ်အပြင် ရောက်နေပြီပဲ..." လင်းမူ ဆုံးဖြတ်လိုက်၏။</p> <p>ထို့နောက် သူ လမ်းကြောင်း ပြောင်းပြီး မြို့လယ်ခေါင်ဆီသို့ လျှောက်သွားလိုက်သည်။ လမ်းသွားနေစဉ် အကြောင်းပြချက် တစ်ခုခုကြောင့် လူဦးရေ လျော့နည်းသွားကြောင်း လင်းမူ သတိပြုမိလိုက်ပြီး ဆောင်းရာသီ ရောက်စက အခြေအနေနှင့် နီးပါး တူညီနေ၏။ ကျင်းဝေ ကုန်စုံဆိုင်မှ ပြန်လာပြီး ထန် တပ်ရင်း ရောက်ရှိလာမည့် အကြောင်း သိရှိခဲ့သည်မှာ တစ်ရက်ခန့် ကြာမြင့်ခဲ့ပြီ ဖြစ်သည်။</p> <p>သို့သော် ၂၄ နာရီ အတွင်းမှာပင် မြို့၏ အသွင်အပြင် ပြောင်းလဲသွားခဲ့၏။ ထိုသည်မှာ လင်းမူ စတုတ္ထမြောက် စွမ်းရည် 'မှေးမှိန်ပျောက်ကွယ်ခြင်း' ကို ပြဿနာ သိပ်မရှိဘဲ လေ့ကျင့်နိုင်ခဲ့ခြင်း၏ အကြောင်းရင်းလည်း ဖြစ်ပေသည်။ အနီးအနားတွင် မည်သူမျှ မရှိသကဲ့သို့ သူ့ရပ်ကွက်ထဲရှိ အိမ်များတွင်လည်း လူသူကင်းမဲ့နေ၏။</p> <p>'သူတို့ အလုပ်သွားလုပ်နေကြတာလား... ဒါမှမဟုတ် တခြား တစ်ခုခုလား...' လင်းမူ တွေးတောနေမိသည်။</p> <p>မကြာမီ သူ မြို့လယ်ခေါင်သို့ ရောက်ရှိသွားပြီး ဝင်ပေါက်ရှိ အစောင့်များက နှုတ်ဆက်ကြ၏။</p> <p>"ဟွေပေါင် ရှိလား..." လင်းမူ မေးလိုက်သည်။</p> <p>"မရှိပါဘူး စီနီယာ လင်းမူ... ခေါင်းဆောင် ဟွေပေါင် တာဝန်တစ်ခုနဲ့ အပြင်ထွက်သွားလို့ လောလောဆယ် မြို့ထဲမှာ မရှိပါဘူး... ဒါပေမဲ့ ခေါင်းဆောင် ဟွေဝင် ကိုယ်တိုင် ရုံးခန်းထဲမှာ ရှိပါတယ်..." ဟွေ တပ်မဟာ အဖွဲ့ဝင်လည်း ဖြစ်သော အစောင့်က ဖြေလိုက်၏။</p> <p>"အာ... ဒါဆို ပိုတောင် ကောင်းသေးတယ်..." လင်းမူ ပြန်ပြောပြီး အဆောက်အအုံထဲ ဝင်ကာ ရုံးခန်းဆီသို့ တက်သွားလိုက်သည်။</p> <p>ထိုနေရာသို့ ရောက်သောအခါ ရုံးခန်းတံခါး ပိတ်ထားသည်ကို တွေ့ရသဖြင့် တံခါးခေါက်လိုက်၏။</p> <p>"ဘယ်သူလဲ... သြော်... လင်းမူပဲ... ဝင်ခဲ့လေ..." ဟွေဝင် မေးခွန်းကို လမ်းတစ်ဝက်တွင် ပြောင်းလဲပြီး ပြောလိုက်သည်။</p> <p>သူမ တံခါးနောက်ကွယ်တွင် မည်သူ ရှိနေမှန်း စစ်ဆေးရန် စိတ်ဝိညာဥ်အာရုံကို အသုံးပြုခဲ့ကြောင်း ထင်ရှားပြီး လင်းမူလည်း ၎င်းကို ခံစားမိလိုက်၏။ သူ တံခါးဖွင့်လိုက်ရာ ဟွေဝင် လသာဆောင်တွင် ရပ်ပြီး မြို့ကို ငေးကြည့်နေသည်ကို တွေ့လိုက်ရသည်။ သူမသည် အပြာရောင် ဂါဝန်ရှည်ကို ဝတ်ဆင်ထားပြီး သူမ၏ အမှတ်အသား ဖြစ်သော မျက်နှာဖုံးဖြင့် မျက်နှာကို ဖုံးကွယ်ထား၏။</p> <p>"မင်္ဂလာပါ... ခင်ဗျားကို မတွေ့ရတာတောင် အတော်ကြာပြီပဲ..." လင်းမူ ဖော်ရွေသော လေသံဖြင့် ပြောလိုက်သည်။</p> <p>"ဟုတ်ပါတယ်... ကျွန်မ... ကိစ္စတချို့နဲ့ အလုပ်ရှုပ်နေလို့ပါ..." ဟွေဝင် ပြန်ဖြေလိုက်၏။</p> <p>"ဘယ်တုန်းက ပြန်ရောက်တာလဲ... ဟွေပေါင် မစ်ရှင်တစ်ခုနဲ့ အပြင်ထွက်သွားတယ်လို့ ကြားတယ်..." လင်းမူ စူးစမ်းလိုစိတ်ဖြင့် မေးလိုက်သည်။</p> <p>"ကျွန်မ မနေ့ကမှ ပြန်ရောက်တာ... ဟွေပေါင်လည်း အဲဒီအချိန်မှာပဲ ထွက်သွားတာ... လောလောဆယ် သူ့နေရာမှာ အစားထိုးဖို့ ကျွန်မ လာခဲ့တာပါ..." ဟွေဝင် ဖြေလိုက်၏။</p> <p>"ဪ... ဟုတ်လား..." လင်းမူ ပြောဆိုပြီး ကုလားထိုင်ဆီ လျှောက်သွားကာ ထိုင်လိုက်သည်။</p> <p>ဟွေဝင် စားပွဲဆီ လျှောက်လာပြီး မျက်နှာချင်းဆိုင်တွင် ထိုင်လိုက်၏။</p> <p>"ဒါနဲ့ မင်း ဘာကိစ္စ ရှိလို့လဲ..." ဟွေဝင် မေးလိုက်သည်။</p> <p>"မြို့တော်ဝန်ရဲ့ သား ဗိုလ်မှူး ဝူထန် မကြာခင် လာမယ်လို့ ကျွန်တော် ကြားတယ်..." လင်းမူ ပြောလိုက်၏။</p> <p>"အာ... မင်း ကြားပြီးပြီပဲ... ဟုတ်တယ်... အနည်းဆုံးတော့ ဒီအပတ်ထဲ သူ ဒီကို ရောက်လာလိမ့်မယ်..." ဟွေဝင် အနည်းငယ် စိုးရိမ်သော လေသံဖြင့် ဖြေလိုက်သည်။</p> <p>လင်းမူ သူမ၏ အသံပြောင်းလဲသွားမှုကို သတိပြုမိပြီး သူမ၏ အသက်စွမ်းအင်နှင့် စိတ်ဝိညာဥ်ချီ တုန်ခါမှုများကို စူးစမ်းလိုစိတ်ဖြင့် စောင့်ကြည့်လိုက်၏။</p> <p>‘သူ တစ်ခုခုကို စိတ်ပူနေတာလား...' ပုံမှန်မဟုတ်သော လှိုင်းများကို အာရုံခံမိပြီး လင်းမူ တွေးလိုက်သည်။</p> <p>သူမ၏ နှလုံးခုန်နှုန်း အနည်းငယ် မြန်နေပြီး ခန္ဓာကိုယ်မှ ထွက်ပေါ်နေသော ချီလှိုင်းများမှာလည်း မမှန်မကန် ဖြစ်နေကြောင်း ယခု သူ ပြောနိုင်ပေသည်။ လင်းမူ၏ ကျင့်ကြံခြင်း တိုးတက်မှုက ထိုလက္ခဏာများကို အာရုံခံနိုင်စွမ်းကိုလည်း မြှင့်တင်ပေးခဲ့၏။</p> <p>"ခင်ဗျား သိပ်သဘောကျပုံ မရဘူး... လူတွေ သိထားတာထက် ပိုတဲ့ ကိစ္စတွေ ရှိနေသေးလို့လား..." လင်းမူ အနည်းငယ် ပိုမို လေးနက်သော လေသံဖြင့် မေးလိုက်သည်။</p> <p>“ဟူး… ဟုတ်တယ်... အဲဒီထက် ပိုတဲ့ ကိစ္စတွေ ရှိသေးတယ်..." ဟွေဝင် တွန့်ဆုတ်စွာဖြင့် ဖြေလိုက်၏။</p> <p>"ဒါပေါ့... ပိုတဲ့ ကိစ္စတွေ ရှိရမှာပေါ့... မဟုတ်ရင် ဝူထန်က သူ့တပ်ရင်း တစ်ခုလုံးကို ဒီကို ခေါ်လာတာ အဓိပ္ပာယ် မရှိဘူးလေ... အဲဒါက အရမ်း အလုပ်ရှုပ်ပြီး သယံဇာတတွေလည်း အလဟဿ ဖြစ်စေတာပဲ..." လင်းမူ ဖြည့်စွက် ပြောလိုက်၏။</p> <p>"မြို့တော်ဝန် ဝူရွှမ်က စန္ဒကူး မီးပြင်းဖိုဂိုဏ်းက ဂိုဏ်းသားတွေနဲ့ သဘောတူညီမှု တစ်ခု ရထားပုံပဲ... အသေးစိတ် အချက်အလက်တွေကိုတော့ မသိရသေးပေမယ့် အဲဒီအထဲက အခြေအနေ တစ်ခုက ထိမ်းမြား မဟာမိတ် တစ်ခုပဲ..."</p> <p> </p> <p> </p> <p style="text-align: center;">အခန်း ၂၉၅ ပြီး</p> <p style="text-align: center;">***</p>


Save