Book List

<h2 style="text-align: center;">အခန်း ၂၉၉</h2> <h2 style="text-align: center;">သွေးမျိုးဆက် သန့်စင်ခြင်း နည်းလမ်းများ</h2> <h2 style="text-align: center;">*</h2> <p> </p> <p> </p> <p>လင်းမူ ဓားတိုပေါ်မှ သွေးများကို ခါချလိုက်ပြီး သူ့လက်ရာကို ပြန်ကြည့်လိုက်၏။ ဖွတ်သားရဲနှင့် မျောက်ဝံသားရဲ လေးကောင်စလုံး မြေကြီးပေါ်တွင် သေဆုံးလျက် လဲကျနေကြသည်။ အားလုံးမှာ ခေါင်းကို တိကျသော ထိုးနှက်ချက် တစ်ချက်တည်းဖြင့် သေဆုံးသွားခဲ့ပြီး ဦးခေါင်းခွံများ ဖောက်ထွင်းခံထားရ၏။</p> <p>လင်းမူ သားရဲ ငါးကောင်စလုံးကို အဆုံးသတ်ရန် တစ်မိနစ်ပင် မကြာလိုက်သဖြင့် သူ့စွမ်းရည်များကို ပြသနေပေသည်။ အကယ်၍ အခြား ကျင့်ကြံသူ တစ်ဦးသာ ဆိုလျှင် တစ်ယောက်တည်း လုပ်ဆောင်နိုင်မည် မဟုတ်သလို အချိန်အတော်ကြာ ယူရမည် ဖြစ်၏။ လုပ်နိုင်ခဲ့လျှင်တောင် သေချာပေါက် ဒဏ်ရာအချို့ ရရှိခဲ့မည် ဖြစ်ပေသည်။</p> <p>လင်းမူ ဒူးထောက်ထိုင်ချပြီး သူတို့၏ ခန္ဓာကိုယ်များကို စိတ်ဝိညာဥ်အာရုံဖြင့် စစ်ဆေးကာ သားရဲ အမြုတေများကို ရှာဖွေလိုက်၏။ အလွယ်တကူ ရှာတွေ့လိုက်သော်လည်း ထိုနေရာတွင် မထုတ်ယူတော့ချေ။ ယခုအချိန်အထိ သူ အမဲလိုက်ခဲ့သော အခြား သားရဲများ အားလုံးနှင့်အတူ အိမ်ပြန်ရောက်မှသာ ပြုလုပ်မည် ဖြစ်ပေသည်။</p> <p>သူ သားရဲ အမြုတေများကို စစ်ဆေးရသည့် တစ်ခုတည်းသော အကြောင်းရင်းမှာ သွေးမျိုးဆက် စွမ်းရည် နိုးထထားသော သားရဲ အမြုတေ ရှိမရှိ သိလို၍ ဖြစ်၏။ လင်းမူ မကြာမီ မဟာ အိပ်မောကျ ဝက်ဝံ၏ သွေးမျိုးဆက်ကို ပေါင်းစပ်တော့မည် ဖြစ်ရာ လေ့ကျင့်မှု အနည်းငယ် ပြုလုပ်လိုခြင်း ဖြစ်ပေသည်။</p> <p>ထိုလေ့ကျင့်မှုက သွေးမျိုးဆက်ကို အမှန်တကယ် ပေါင်းစပ်ခြင်း မဟုတ်ချေ။ ထိုသို့ လုပ်ဆောင်ပါက ဆန့်ကျင်ဘက် အကျိုးသက်ရောက်မှု ဖြစ်စေနိုင်ပေသည်။ ထိုအစား စီနီယာ ရွှီခုန်းက အချိန်တန်လျှင် မည်သို့ လုပ်ဆောင်ရမည်ကို သိရှိစေရန် သွေးမျိုးဆက်ကို ပေါင်းစပ်ရန်အတွက် ပြင်ဆင်ရမည့် နည်းလမ်းကို သင်ပေးမည် ဖြစ်၏။</p> <p>အများဆုံး အသုံးပြုလေ့ရှိသော နည်းလမ်းမှာ ဝိညာဥ်သားရဲ၏ သားရဲ အမြုတေကို အထောက်အကူပြု ပစ္စည်းအချို့နှင့်အတူ သန့်စင်ပြီး အဂ္ဂိရတ် ဆေးလုံး တစ်မျိုးအဖြစ် ပြောင်းလဲခြင်း ဖြစ်ပေသည်။ အခြား နည်းလမ်းများစွာ ရှိသေးသော်လည်း သွေးမျိုးဆက်ပေါ် မူတည်ပြီး အလွန် ကွဲပြားခြားနားကြ၏။</p> <p>အချို့ နည်းလမ်းများက သွေးမျိုးဆက် အချို့အတွက် သင့်လျော်သော်လည်း အချို့အတွက်မူ မသင့်လျော်ချေ။ စီနီယာ ရွှီခုန်းက လင်းမူအား အပို ပစ္စည်းများ မလိုအပ်ဘဲ သားရဲ၏ အသေကောင် တစ်ခုလုံး ရရှိနိုင်သ၍ လုပ်ဆောင်နိုင်သည့် ကွဲပြားသော နည်းလမ်းတစ်ခုကို သင်ပေးမည် ဖြစ်ပေသည်။</p> <p>သို့သော် လုပ်ငန်းစဉ်မှာ အလွန် နာကျင်ပြီး ခက်ခဲမည်ဖြစ်ကြောင်း စီနီယာ ရွှီခုန်းက ကြိုတင် သတိပေးထားပြီး ဖြစ်၏။ သို့တိုင်အောင် လင်းမူ တုံ့ဆိုင်းမနေဘဲ ၎င်းကို ဖြတ်သန်းရန် အပြည့်အဝ စိတ်ပိုင်းဖြတ်ထားပေသည်။</p> <p>"ဒါတွေလည်း မဟုတ်သေးဘူး..." လင်းမူ အသေကောင်များကို ကြည့်ရင်း ပြောလိုက်၏။</p> <p>"မင်း ထပ်ရှာဖို့ လိုလိမ့်မယ်... သွေးမျိုးဆက် နိုးထထားတဲ့ သားရဲတွေကို ရှာရခက်တယ်... ဒါပေမဲ့... မင်းဆီမှာ အမျိုးအစားတူ သားရဲတွေ အများကြီး ရှိရင် နိုးထထားတဲ့ သွေးမျိုးဆက်ကို သန့်စင်နိုင်တဲ့ နည်းလမ်းတချို့ ရှိသေးတယ်..." ရွှီခုန်း ပြန်ဖြေလိုက်၏။</p> <p>"အမျိုးအစားတူ သားရဲတွေ ဟုတ်လား... အင်း... ဒီမျောက်ဝံသားရဲတွေ အဆင့်လောက် ဆိုရင် ဘယ်နှကောင်လောက် လိုမလဲ..." လင်းမူ မေးလိုက်၏။</p> <p>"သူတို့ရဲ့ ကျင့်ကြံခြင်း အခြေခံနဲ့လား... အကောင် နှစ်ဆယ် ဝန်းကျင်လောက် လိုမယ်လို့ ငါ ထင်တယ်... ဒါပေမဲ့ အဲဒီလိုဆိုရင်တောင် ကျရှုံးနိုင်ချေ ရှိပြီး ဒါက နိုးထထားတဲ့ သွေးမျိုးဆက်ကို သန့်စင်ဖို့ သက်သက်ပဲ ရှိသေးတယ်... ပေါင်းစပ်လို့ရတဲ့ ပုံစံဖြစ်အောင် လုပ်ဖို့ဆိုရင် အားစိုက်ထုတ်မှု ပိုလိုဦးမယ်..." ရွှီခုန်း ဖြေလိုက်၏။</p> <p>"ဟူး ဒါက တကယ်ပဲ တော်တော် ရှုပ်ထွေးတာပဲ... ငါ ဆက်ရှာနေရဦးမယ့်ပုံပဲ..." လင်းမူ ပြောဆိုပြီး ကောင်းကင်ကို မော့ကြည့်လိုက်၏။</p> <p>"ဒါမှမဟုတ်လည်း... နောက်ထပ် နာရီအနည်းငယ် နေရင် မှောင်တော့မယ်..." လင်းမူ ရေရွတ်လိုက်သည်။</p> <p>ထို့နောက် သူ အသေကောင်များကို လက်စွပ်ထဲ သိမ်းဆည်းပြီး ပြန်လှည့်လာခဲ့၏။ ယနေ့ အမဲလိုက်မှုတွင် လင်းမူ ဝိညာဥ်သားရဲ ၁၂ ကောင်နှင့် သာမန် သားရဲ ၅ ကောင်ခန့်ကို အမဲလိုက်နိုင်ခဲ့သည်။ ထိုအရာမှတစ်ဆင့် ပျောက်ဆုံး အင်မော်တယ်၏ အမည်မဲ့ ကျင့်စဉ် တိုးတက်မှုကို စမ်းသပ်ရန် လိုအပ်သော အခြေခံ ပမာဏကို ရရှိရန်ပင် တစ်ပတ်ခန့် အမဲလိုက်ရမည်ဟု သူ ခန့်မှန်းလိုက်၏။</p> <p>သို့တိုင်အောင် လင်းမူအတွက် ဟွေဝင် သားရဲအသားများ စုဆောင်းပေးခြင်းက အမြန်ဆုံး ရွေးချယ်မှု ဖြစ်ပေသည်။ အဘယ်ကြောင့်ဆိုသော် ၎င်းက ကျင့်ကြံရာတွင် အသုံးပြုနိုင်မည့် အချိန်များကို သားရဲများ လိုက်လံ အမဲလိုက်ရာတွင် ဖြုန်းတီးစရာ မလိုတော့ကြောင်း ဆိုလိုသောကြောင့် ဖြစ်၏။ ဝိညာဥ်သားရဲများ ရှာတွေ့နိုင်ခြေမှာလည်း ရာနှုန်းပြည့် မသေချာချေ။</p> <p>မွဲပြာသရဖူ သမင်အုပ်ကို တွေ့ခဲ့ရသော အချိန်ကလည်း အတော်လေး ရှားပါးပြီး ထပ်မံ ဖြစ်ပွားရန် မလွယ်ကူပေ။ ထိုကဲ့သို့သော အုပ်စုကြီးများမှာ အတော်လေး ရှားပါးပြီး သားရဲ အမျိုးအစား အနည်းငယ်သာ ထိုသို့ နေထိုင်လေ့ ရှိကြသည်။ မြောက်ပိုင်းသစ်တောရှိ ဝိညာဥ်သားရဲ အများစုမှာ တစ်ကောင်တည်း သို့မဟုတ် အုပ်စုငယ်လေးများဖြင့်သာ နေထိုင်ကြ၏။</p> <p>အပြန်ခရီးမှာ လင်းမူအတွက် အများကြီး ပိုမြန်ဆန်ပေသည်။ အဘယ်ကြောင့်ဆိုသော် မျဉ်းဖြောင့်အတိုင်း ပြေးရုံသာ လိုအပ်သောကြောင့် ဖြစ်၏။ သူ့စွမ်းရည်များဖြင့် အတားအဆီး အများစုကို လျစ်လျူရှုနိုင် သို့မဟုတ် ကျော်ဖြတ်သွားနိုင်ပေသည်။ လင်းမူ တစ်နာရီ အတွင်း မြို့သို့ ပြန်ရောက်လာပြီး ယခု ခြံဝင်းထဲတွင် သားရဲ အသေကောင်များကို ပြင်ဆင်နေ၏။</p> <p>ဝိညာဥ်သားရဲများ၏ အသေကောင်များမှ သားရဲ အမြုတေများကို စတင် တူးထုတ်လိုက်သည်နှင့် မွှေးပွလေး အိမ်ထဲမှ ပြေးထွက်လာပြီး သူ့ထံသို့ လျှောက်လာသည်။ ၎င်းက သွေးနံ့ကြောင့် ဆွဲဆောင်ခံရခြင်း ဖြစ်ပြီး သွေးအချို့ကို ရယူရန် လာခြင်း ဖြစ်လောက်ပေသည်။</p> <p>မြောင်</p> <p>၎င်း တိုးညင်းစွာ ညည်းတွားလိုက်ပြီး လင်းမူ၏ လက်ထဲရှိ သားရဲ အမြုတေကို ကြည့်လိုက်၏။ လင်းမူကို ခေါင်းဖြင့် လာတိုက်ပြီးနောက် လင်းမူ၏ စိတ်ထဲတွင် အတွေးတစ်ခု ပေါ်လာသည်ကို ခံစားလိုက်ရသည်။</p> <p>"လိုချင်တယ်..." ထိုအတွေးက ပြောလိုက်၏။</p> <p>"အာ... မင်း သားရဲ အမြုတေကို လိုချင်တာလား..." လင်းမူ သံလွင်သီး အရွယ်အစားရှိ သားရဲ အမြုတေလေးကို လက်ဟန်ပြရင်း ပြောလိုက်၏။</p> <p>မွှေးပွလေး လူတစ်ယောက်ကဲ့သို့ ခေါင်းညိတ်ပြပြီး တုံ့ပြန်လိုက်သည်။</p> <p>"သူ့ကို ပေးလိုက်ပါ... မင်းလည်း သားရဲ အမြုတေတွေကို သုံးမှာ မဟုတ်ဘူးလေ... ဟုတ်တယ်မလား..." ရွှီခုန်း ပြောလိုက်၏။</p> <p>"ဒါပေမဲ့ အဆင်ပြေပါ့မလား... ဘာဆိုးကျိုးမှ မရှိဘူးမလား..." လင်းမူ စိုးရိမ်သော လေသံဖြင့် မေးလိုက်သည်။</p> <p>"သားရဲ အမြုတေတွေက သားရဲတွေအတွက် အဂ္ဂိရတ် ဆေးလုံးတွေလိုပဲ... သူတို့ရဲ့ ကျင့်ကြံခြင်း အခြေခံကို တိုးတက်ဖို့အတွက် အဲဒါတွေကို ခဏခဏ စားသုံးလေ့ ရှိကြတယ်... အမှန်တကယ်တော့ အဲဒါက သူတို့ ကျင့်ကြံတဲ့ အဓိက နည်းလမ်းတွေထဲက တစ်ခုပဲ... ဒါပေမဲ့ သားရဲ အမျိုးအစားပေါ် မူတည်ပြီး သူတို့ စားသုံးလို့ မရတဲ့ သားရဲ အမြုတေ တချို့တော့ ရှိတာပေါ့..."</p> <p>“ဒါပေမဲ့ သားရဲတွေက ဘယ်လို အမြုတေတွေက သူတို့အတွက် ကောင်းတယ်ဆိုတာကို မွေးရာပါ သိကြတယ်... ဒါကြောင့် သူကြိုက်တဲ့ သားရဲ အမြုတေကို မင်း ပေးလို့ ရတယ်... မင်းအတွက် ပြဿနာ မဖြစ်ပါဘူး..." ရွှီခုန်း ဖြေလိုက်၏။</p> <p>"ဟုတ်ကဲ့ စီနီယာ..." လင်းမူ ပြန်ဖြေပြီး သူ့လက်ထဲရှိ သားရဲ အမြုတေကို မွှေးပွလေး ထံ ကမ်းပေးလိုက်သည်။</p> <p>သူ ယခုလေးတင် ပေးလိုက်သော သားရဲ အမြုတေမှာ ဖွတ်သားရဲ၏ အမြုတေ ဖြစ်ပြီး အစိမ်းရင့်ရောင် ရှိလေသည်။ အရောင်မှာ ၎င်း၏ အကြေးခွံများနှင့် ကိုက်ညီပြီး ကျောက်မျက်ရတနာ တစ်ခုနှင့် အနည်းငယ် တူပေသည်။ မွှေးပွလေး တစ်စက္ကန့်မျှပင် မကြည့်ဘဲ သားရဲ အမြုတေ တစ်ခုလုံးကို မျိုချလိုက်တော့သည်။</p> <p>"အင်း... တော်တော် မြန်တာပဲ..."</p> <p> </p> <p> </p> <p style="text-align: center;">အခန်း ၂၉၉ ပြီး</p> <p style="text-align: center;">***</p>


Save