Book List

<h2 style="text-align: center;">အခန်း ၆၅+၆၆</h2> <h2 style="text-align: center;">စူပါဆင့်ကဲဖြစ်စဉ်..SSS အဆင့် သိုင်းပါရမီ - မျက်အိမ်နှစ်ထပ်</h2> <h2 style="text-align: center;">*</h2> <p> </p> <p> </p> <p>​တစ်ယောက်ခန်း အဆောက်အအုံ၊ အခန်း (၁၁၁)။</p> <p>​   ဂူချန်သည် ခုတင်ပေါ်တွင် တင်ပျဉ်ခွေထိုင်ရင်း စိတ်ထဲမှ စနစ်မျက်နှာပြင်ကို ခေါ်ထုတ်လိုက်သည်။</p> <p>​[လက်ရှိအဆင့် - စစ်မှန်သောသိုင်းအဆင့် (တတိယအဆင့်) ထိပ်ဆုံး]</p> <p>[လက်ရှိ သိုင်းပါရမီ - ခရမ်းရောင် နတ်ဆိုးမျက်လုံး (S အဆင့်)၊ သတ်ဖြတ်ခြင်းလက်ဖဝါး (SS အဆင့်)]</p> <p>[လက်ရှိ သိုင်းပညာများ - နေမင်းစကြာယန်ကျင့်စဉ် (အဆင့်၅ ပြီးပြည့်စုံခြင်း)၊ ကြိုးကြာပျံခြေလှမ်း (ပြီးပြည့်စုံခြင်း)၊ ကြေကွဲဝိညာဉ်လက်ဝါး (ပြီးပြည့်စုံခြင်း)၊ ကောင်းကင်ဓားရှစ်ကွက် (ပြီးပြည့်စုံခြင်း)...]</p> <p>[ကံမ္မအဆင့် - အဆင့်နိမ့်..အလယ်အလတ်အဆင့်]</p> <p>[စေတနာတန်ဖိုး - ၆၇၅၈]</p> <p>​   ဤသည်က သူစုဆောင်းဖူးသမျှ အများဆုံးရှိဖူးသည့် ပမာဏပင်။</p> <p>​   တစ်ညတည်းဖြင့် ရရှိလိုက်သော စေတနာတန်ဖိုးမှာ အရင်က စုဆောင်းခဲ့သမျှထက်ပင် သာလွန်နေလေ၏။ ဂူချန်၏ မျက်လုံးများတွင် ဝမ်းသာရိပ်များ ယှက်သန်းသွားပြီး စိတ်ထဲတွင်လည်း ခံစားချက်များစွာ ပေါ်လာသည်။</p> <p>​' ပထမဆုံးအနေနဲ့ ငါ့ကို ကျွေးမွေးပြုစုခဲ့တဲ့ မိဘတွေ၊ ပညာသင်ပေးခဲ့တဲ့ ဆရာတွေနဲ့ ဒီအခွင့်အရေးကို ပေးတဲ့ ကျောင်းကို ကျေးဇူးတင်ချင်ပါတယ်..'</p> <p>' ပြီးတော့ ငါ့သူငယ်ချင်းတွေ၊ ငါ့နောက်လိုက်တွေနဲ့ အထူးသဖြင့် ငါ့ဆီကို ခေါင်းထိုးပေးပြီး အခုလို စေတနာတန်ဖိုးတွေ ရအောင် ကူညီပေးခဲ့တဲ့ တခြားကျောင်းက ကျောင်းသားတွေကိုလည်း ကျေးဇူးတင်ပါတယ်..'</p> <p>​' တကယ်ကို ကျေးဇူးတင်ထိုက်သူအားလုံးကို ကျေးဇူးတက်ပါတယ်..မင်းတို့သာ မရှိရင် ငါ ဘယ်လောက်ပဲ ကြိုးစားကြိုးစား ဒီအဆင့်ကို ရောက်လာမှာ မဟုတ်ဘူး..'</p> <p>​"ဟူးးးးး.."</p> <p>​   ဂူချန်သည် သက်ပြင်းတစ်ချက်ကို အားပါပါချလိုက်ပြီး သိုင်းပါရမီကော်လံကို စိုက်ကြည့်လိုက်သည်။ သူ အကြာကြီး စောင့်မျှော်ခဲ့ရသော ပါရမီမြှင့်တင်မှုက ယခုတော့ ရောက်လာလေပြီ ။</p> <p>​' SSS အဆင့် ပါရမီတဲ့ ..ဘယ်လောက် ကြောက်စရာကောင်းလဲဆိုတာ မြင်ရတော့မှာပေါ့.. '</p> <p>​"စနစ်... အမှတ်ပေါင်းထည့်မယ်"</p> <p>​   ဂူချန်၏ မျက်လုံးထဲမှ ခရမ်းရောင်အလင်းတန်းများသည် ကြယ်တာရာများအလား တောက်ပလာပြီး စိတ်ထဲမှ ပြတ်ပြတ်သားသား အမိန့်ပေးလိုက်သည်။ စေတနာတန်ဖိုးများမှာ အရှိန်အဟုန်ဖြင့် လျော့နည်းသွားပြီး သိုင်းပါရမီကော်လံမှာလည်း စူးရှသော အလင်းတန်းများ ထွက်ပေါ်လာတော့သည်။</p> <p>​[ဒင်..]</p> <p>[စေတနာတန်ဖိုးများကို အရှိန်အဟုန်ဖြင့် သုံးစွဲနေသည်။ S အဆင့် သိုင်းပါရမီ ခရမ်းရောင် နတ်ဆိုးမျက်လုံး ကို အဆင့်မြှင့်တင်နေသည်..]</p> <p>​[ဂမ္မာရောင်ခြည်နှင့် ဆင်တူသော ထူးဆန်းသည့် စွမ်းအင်များအောက်တွင် သင်၏ မျက်အိမ်ထဲ၌ အသွင်သစ်များ ထွက်ပေါ်လာပြီး စက်ဆုပ်ဖွယ် နတ်ဘုရားတစ်ပါးကဲ့သို့ ထူးဆန်းသော ပုံစံများ ဖြစ်ပေါ်လာသည်။ မျက်စိအတွင်းလွှာ၌ မပွင့်သေးသော ခရမ်းရောင်ပန်းတစ်ပွင့် ပွင့်လန်းလာသည်။]</p> <p>​[ထူးဆန်းသည်မှာ မွေးကတည်းက ပိုင်ဆိုင်ခဲ့သော ဤနတ်ဆိုးမျက်လုံးမှာ အရင်က အလွန်လိမ္မာခဲ့သော်လည်း အခုတော့ ပုန်ကန်လိုသော စိတ်များ ဝင်လာပြီး ကိုယ်ပိုင်အတွေးအခေါ်များ ရှိလာပုံရသည်။]</p> <p>​[နယူတန်၏ ဒုတိယနိယာမနှင့် အထူးနှိုင်းရသီအိုရီအရ ၎င်းသည် မူလကန့်သတ်ချက်များကို အောင်မြင်စွာ ကျော်ဖြတ်နိုင်ခဲ့ပြီး ရုပ်ပိုင်းဆိုင်ရာအဆင့်တွင် စူပါဆင့်ကဲဖြစ်စဉ်တစ်ခု ဖြစ်ပေါ်လာသည်။]</p> <p>​[သတိပေးချက် - စေတနာတန်ဖိုး ၁,၀၀၀ သုံးစွဲပြီးပြီ]</p> <p>​[ခရမ်းရောင် နတ်ဆိုးမျက်လုံးသည် ၎င်း၏ အနှစ်သာရကို အဆင့်မြှင့်တင်နိုင်ခဲ့သည်။ သို့သော် ၎င်းက ကျေနပ်ခြင်းမရှိဘဲ ငါ့ကံကြမ္မာသည် ငါ့လက်ထဲတွင်သာ ရှိသည် ဟု ယုံကြည်ကာ ဆက်လက် ဆင့်ကဲပြောင်းလဲနေသည်။]</p> <p>​[နောင်နှစ်ပေါင်းများစွာအကြာတွင် Entropy တိုးပွားခြင်းနိယာမအရ ၎င်းသည် မိမိ၏ အနှစ်သာရအတွင်းရှိ ပရမ်းပတာဖြစ်မှုကို စစ်ဆေးတွေ့ရှိပြီး မသန့်စင်မှုများကို ထပ်မံ ဖယ်ရှားလိုက်သည်။]</p> <p>​[နောက်ဆုံးတွင် ဒြပ်ဆွဲငင်အားနိယာမအရ အသုံးမဝင်သော အရာအားလုံးကို အသုံးဝင်သော အရာများအဖြစ် ပြောင်းလဲနိုင်ခဲ့သည်။ နတ်ဆိုးမျက်လုံး၏ အရောင်မှာ ပို၍ နက်မှောင်လာပြီး သေခြင်းတရား အငွေ့အသက်များ ထွက်ပေါ်လာသည်။]</p> <p>​[သတိပေးချက် - စေတနာတန်ဖိုး ၁,၆၈၀ ထပ်မံ သုံးစွဲပြီးပြီ]</p> <p>​[ရုပ်ဒြပ်များ ပြန်လည်ပေါင်းစည်းသွားပြီး နတ်ဆိုးအငွေ့အသက်မှာ သေခြင်းတရား အငွေ့အသက်အဖြစ် ပြောင်းလဲသွားသည်။]</p> <p>[ဂုဏ်ယူပါသည် အိမ်ရှင်။ သင်၏ S အဆင့် ခရမ်းရောင် နတ်ဆိုးမျက်လုံး သည် SS အဆင့် သေခြင်းတရားကို မြင်နိုင်သော နတ်မျက်စိအဖြစ်သို့ ဆင့်ကဲပြောင်းလဲသွားပါပြီ။]</p> <p>​"ဆက်ပြီး အဆင့်မြှင့်မယ်.."</p> <p>​   ဂူချန်၏ အတွေးတစ်ချက်နှင့်အတူ စေတနာတန်ဖိုးများမှာ ထပ်မံ၍ ထိုးဆင်းသွားပြန်သည်။</p> <p>​[သေခြင်းတရားကို မြင်နိုင်သော နတ်မျက်စိကို ဆန်းကြယ်သော အင်အားတစ်ခုက ထိတွေ့သွားသည်။ သေခြင်းတရား အငွေ့အသက်မှာ လေးလံထည်ဝါသော အရှိန်အဝါအဖြစ် ပြောင်းလဲသွားပြီး ကြောက်မက်ဖွယ်ကောင်းသော တည်ရှိမှုတစ်ခုအဖြစ်သို့ စတင်ပြောင်းလဲလာသည်။]</p> <p>​[သင်၏ မျက်လုံးများမှာ ပို၍ ဆွဲဆောင်မှုရှိပြီး နတ်ဆိုးဆန်လာသည်။ မျက်လုံးအိမ်ထဲတွင် ဒုတိယမြောက် မျက်အိမ်တစ်ခု ထပ်မံ ပေါ်ပေါက်လာသည်။]</p> <p>​[သတိပေးချက် - စေတနာတန်ဖိုး ၃,၂၅၀ သုံးစွဲပြီးပြီ]</p> <p>​[ဒုတိယမျက်အိမ် တဖြည်းဖြည်း ပေါ်လာသည်နှင့်အမျှ သင်၏ မျက်လုံးထဲတွင် နွေးထွေးမှုကို ခံစားရသည်။ ကမ္ဘာပေါ်ရှိ အရာအားလုံးမှာ သင်၏ အမြင်အာရုံထဲတွင် ပုံရိပ်ထင်ဟပ်လာသည်။]</p> <p>​[အလွန်ကြာမြင့်စွာ ကြာပြီးနောက် ဒုတိယမျက်အိမ်မှာ အပြည့်အဝ ပေါ်ထွက်လာပြီး ပထမမျက်အိမ်နှင့်အတူ ယှဉ်တွဲတည်ရှိနေသည်။ ခရမ်းရောင် နတ်ဘုရားအလင်းတန်းများ ဖြာထွက်လာသည်။]</p> <p>​[သတိပေးချက် - စေတနာတန်ဖိုး ၄,၆၀၀ ထပ်မံ သုံးစွဲပြီးပြီ]</p> <p>​[ဂုဏ်ယူပါသည် အိမ်ရှင်။ သင်၏ SS အဆင့် သေခြင်းတရားကို မြင်နိုင်သော နတ်မျက်စိ မှာ ထပ်မံ၍ ဆင့်ကဲပြောက်းလဲသွားပြီး SSS အဆင့် သိုင်းပါရမီ မျက်အိမ်နှစ်ထပ်အဖြစ်သို့ အောင်မြင်စွာ စူပါဆင့်ကဲပြောင်းလဲသွားပါပြီ။]</p> <p>​[မျက်အိမ်နှစ်ထပ် - ရန်သူ၏ အနှစ်သာရကို ထိုးဖောက်မြင်နိုင်ပြီး လှည့်စားမှုများကို ဖျက်ဆီးနိုင်သည်။ အစွမ်းထက်သော သင်ယူနိုင်စွမ်းကို ပေးစွမ်းပြီး မိမိ၏ အခြေအနေကို ပြန်လည်ကောင်းမွန်စေရန် အသက်စွမ်းအားများကို ထုတ်လွှတ်နိုင်သည်။ ထို့ပြင် နတ်ဘုရားဝတ်စုံကို ဖန်တီးနိုင်ပြိး နတ်ဘုရားအလင်းတန်းများကို ပစ်လွှတ်နိုင်သည်။]</p> <p>​[ပါရမီသစ်၏ ထူးခြားစွမ်းအင် - စိတ်ဝိညာဉ်အကာအကွယ်]</p> <p>[စိတ်ဝိညာဉ်အကာအကွယ် - စိတ်ပိုင်းဆိုင်ရာနှင့် ဝိညာဉ်ရေးရာ တိုက်ခိုက်မှုများကို ခုခံနိုင်စွမ်းပေးပြီး လှည့်စားမှု အားလုံးကို တွန်းလှန်နိုင်သည်။]</p> <p>​[သုံးသပ်ချက် - အမြင့်မြတ်ဆုံးအရိုးနှင့် ယှဉ်နိုင်သော ပြိုက်ဘက်ကင်း သိုင်းပါရမီဖြစ်သည်။ ]</p> <p>​[ကျန်ရှိ စေတနာတန်ဖိုး - ၁၉၉၇]</p> <p>[စူပါဆင့်ကဲဖြစ်စဉ် ပြီးဆုံးပါပြီ။ အိမ်ရှင်အနေဖြင့် ရလဒ်ကို စစ်ဆေးနိုင်ပါသည်။]</p> <p>​ဂျိန်း.....</p> <p>​   သိုင်းပါရမီ အဆင့်မြှင့်တင်မှု ပြီးဆုံးသွားသည်နှင့် တစ်ပြိုင်နက် လူနေရပ်ကွက်ရှိ အဆောက်အအုံ သုံးလုံးနှင့် မိုင်တစ်ရာအတွင်းရှိ မြေပြင်ကြီးမှာ ပြင်းထန်စွာ တုန်ခါသွားတော့သည်။</p> <p>​   ဂူချန်ကို ဗဟိုပြု၍ ပြင်းထန်သော တုန်ခါလှိုင်းကြီးမှာ သမုဒ္ဒရာလှိုင်းလုံးကြီးများအလား အရပ်မျက်နှာအနှံ့သို့ ပျံ့နှံ့သွားပြီး မိုင်ပေါင်းများစွာအတွင်းရှိ မြေပြင်ကို တုန်ခါသွားစေသည်။ မြေပြင်မှာ အဆက်မပြတ် တုန်ခါနေပြီး သစ်ပင်များ ယိမ်းထိုးကာ ကျောက်တုံးကြီးများ လိမ့်ဆင်းကုန်သည်။ ကမ္ဘာပျက်ကိန်း ဆိုက်ရောက်လာသည့်အလားပင်။</p> <p>​   အိပ်ပျော်နေသူဖြစ်စေ၊ နိုးနေသူဖြစ်စေ ကျောင်းသားအားလုံးမှာ ထိုပြင်းထန်သော အားလှိုင်းကြောင့် လန့်နိုးကုန်ကြသည်။ ဆေးရုံတွင် ဆေးသွင်းထားသော ဒဏ်ရာရကျောင်းသားများပင် လန့်နိုးသွားကြသည်။</p> <p>​"ဘာဖြစ်တာလဲ၊ ငလျင်လှုပ်တာလား.."</p> <p>" ဒုက္ခပဲ၊ ကမ္ဘာပျက်တော့မှာလား.."</p> <p>"ဘယ်စီနီယာက ဒီမှာ အဆင့်တက်နေတာလဲ.."</p> <p>"... ငါ ပြီးတော့မှာကို၊ လန့်သွားတာပဲ.."</p> <p>​   လှုပ်ရှားနိုင်သူတိုင်းမှာ အပြင်သို့ ပြေးထွက်လာကြပြီး စွမ်းအင်များ ထွက်ပေါ်လာရာ ဗဟိုချက်ကို စိုက်ကြည့်လိုက်ကြသည်။</p> <p>​ဗုန်း...</p> <p>​   ရုတ်တရက်ပင်၊ ရင်တုန်စရာကောင်းလှသော အရှိန်အဝါများ ပါဝင်နေသည့် ဧရာမ အနက်ရောင် အလင်းတန်းကြီးမှာ တစ်ယောက်ခန်း အဆောက်အအုံဆီမှ ကောင်းကင်ယံသို့ ထိုးတက်သွားတော့သည်။ တစ်ခဏချင်းမှာပင် တည်ငြိမ်နေသော ကောင်းကင်ကြီးမှာ ဧရာမ လက်ဖဝါးကြီးတစ်ခုနှင့် မွှေနှောက်ခံလိုက်ရသည့်အလား ပရမ်းပတာ ဖြစ်သွားသည်။</p> <p>​   မှင်ကဲ့သို့ မည်းနက်သော တိမ်တိုက်များမှာ ဆန်းကြယ်သော အင်အားတစ်ခု၏ ခေါ်ယူမှုကြောင့် အံ့သြစရာကောင်းလောက်အောင် လျင်မြန်စွာ စုစည်းလာကြသည်။ ခဏချင်းမှာပင် တိမ်တိုက်များမှာ အဆပေါင်း သန်းချီ၍ ကြီးထွားလာပြီး ကောင်းကင်တစ်ခုလုံးကို ဖုံးလွှမ်းသွားသော အနက်ရောင် ကန့်လန့်ကာကြီး ဖြစ်သွားတော့သည်။ ကောင်းကင်ကြီးမှာ ကြည်လင်တောက်ပမှုများ ပျောက်ကွယ်သွားပြီး အေးစက်စက်နှင့် ထိတ်လန့်ဖွယ်ရာ မြင်ကွင်းအဖြစ် ပြောင်းလဲသွားသည်။</p> <p>​   ဝူတန်မြို့ရှိ လူသားများနှင့် သားရဲတိရစ္ဆာန်အားလုံး၏ မျက်စိရှေ့၌ပင် ကောင်းကင်ယံရှိ အနက်ရောင် တိမ်တိုက်များမှာ ဝဲဂယက်တစ်ခုအလား လည်ပတ်သွားပြီးနောက် ဧရာမ မျက်အိမ်နှစ်ထပ် ကြီးတစ်ခု ပေါ်ထွက်လာကာ သတ္တဝါအားလုံးကို နတ်ဘုရားတစ်ပါးကဲ့သို့ ငုံ့ကြည့်နေတော့သည်။</p> <p>   ​တစ်ခဏချင်းမှာပင် ကောင်းကင်ကြီးတစ်ခုလုံး မှောင်မည်းသွားပြီး အရာအားလုံးမှာလည်း တိတ်ဆိတ်ငြိမ်သက်သွား၏ ။</p> <p>​တစ်ချိန်တည်းမှာပင်၊ တောင်ပိုင်းမဟာမိတ်အဖွဲ့ ဌာနချုပ်၌..</p> <p>   ​ဖန်သားနန်းတော်နှင့် တူသော နေရာတစ်ခုအတွင်းတွင် သေခြင်းတရား အငွေ့အသက်များ ဖုံးလွှမ်းနေသော အဘိုးအိုတစ်ဦးမှာ ကြမ်းပြင်ပေါ်တွင် ဟောက်သံပေးကာ အိပ်ပျော်နေသည်။ ထိုနန်းတော်၏ အလယ်တွင်မူ အပြစ်အနာအဆာကင်းသော ဖန်လုံးကြီးတစ်လုံး လေထဲတွင် ဝဲနေသည်။</p> <p>​တူ..တူ..တူ..တူ..</p> <p>​   ရုတ်တရက်ပင် ထိုဖန်လုံးကြီးမှာ ပြင်းထန်စွာ တုန်ခါလာပြီး အတွင်း၌ မြူခိုးများ ထွက်ပေါ်လာသည်။ နန်းတော်တစ်ခုလုံးရှိ အပြာရောင်နှင့် အဖြူရောင် ဖန်သားများမှာလည်း အရောင်များ ချက်ချင်း ပြောင်းလဲသွားတော့သည်။</p> <p>​"ဘာဖြစ်တာလဲဟ.."</p> <p>​   အဘိုးအိုမှာ လန့်နိုးသွားပြီး နန်းတော်အတွင်းရှိ ပြောင်းလဲမှုများကို မြင်သောအခါ မျက်နှာပျက်သွားသည်။ သူသည် ချက်ချင်းပင် ဖန်လုံးကြီးရှေ့သို့ ရောက်သွားပြီး ခေတ္တမျှ စစ်ဆေးပြီးနောက် နန်းတော်အပြင်သို့ ရူးမတတ် ပြေးထွက်သွားတော့သည်။</p> <p>​   သူသည် ပြေးရင်းလွှားရင်းနှင့်ပင် အော်ဟစ်လိုက်၏။</p> <p>​"SSS အဆင့် သိုင်းပါရမီ.."</p> <p>"ငါတို့ တောင်ပိုင်းမဟာမိတ်အဖွဲ့မှာ ဒီနှစ် နောက်ထပ် SSS အဆင့် ပါရမီရှင်တစ်ယောက် ပေါ်လာပြန်ပြီ.."</p> <p> </p> <p> </p> <p style="text-align: center;">***</p>


Save