Book List

<h2 style="text-align: center;">အခန်း(၁၂၄)</h2> <h2 style="text-align: center;">၁၂၄</h2> <h2 style="text-align: center;">*</h2> <p> </p> <p> </p> <p> </p> <p>ဤအခါတွင် ချင်ယွမ်ဖုန်းသည် တတိယအဆင့် ဆေးဖော်စပ်သူတစ်ဦး ဖြစ်လာခဲ့လေပြီ။ သူ၏ စိတ်ဝိညာဉ်စွမ်းအားမှာ အတန်ငယ်ကုန်ခမ်း၍ ဒဏ်ရာရရှိထားသော်လည်း ရိုးရှင်းသော ကုသရေးဆေးလုံးများကို ဖော်စပ်ရန်အတွက်မူကား အခက်အခဲမရှိချေ။</p> <p> </p> <p>မကြာမီပင် ချင်ယွမ်ဖုန်းသည် အဆင့် ၃ ဆေးလုံးဖြစ်သော 'ပြန်လည်နုပျိုခြင်းဆေးလုံး'ကို ဖော်စပ်လိုက်လေသည်။</p> <p> </p> <p>ယင်းဆေးလုံးသည် 'နတ်သက်ကြွေဆေးမြက်' ကဲ့သို့ အစွမ်းထက်မြက်ခြင်းမရှိသော်ငြား ပြင်ပဒဏ်ရာများနှင့် ကိုယ်တွင်းဒဏ်ရာအချို့ကို ကုသရာတွင် များစွာအထောက်အကူပြုပေသည်။</p> <p> </p> <p>ချင်ယွမ်ဖုန်းသည် ဆေးမီးဖိုအတွင်းမှ ဆေးလုံးကို ထုတ်ယူကာ တစ်ကျိုက်တည်း မျိုချလိုက်ပြီးနောက် 'စွမ်းအင်စုပ်ယူခြင်း မဟာပညာရပ်' ကို ကျင့်ကြံကာ ဆေးအာနိသင်များကို စုပ်ယူလေတော့သည်။</p> <p> </p> <p>တိုက်ပွဲဖြစ်ပွားရာနေရာမှ ချင်ယွမ်ဖုန်း ထွက်ခွာသွားပြီး မကြာမီမှာပင် ချင်မင်ယန်သည် အပြေးအလွှား ရောက်ရှိလာခဲ့သည်။ မြေပြင်ပေါ်၌ လဲလျောင်းနေသော ရှာထိန်၏ အလောင်းကို မြင်သောအခါမှသာ ချင်မင်ယန်သည် သက်ပြင်းချနိုင်လေတော့သည်။</p> <p> </p> <p>"ဒီသူငယ် ချင်ယွမ်ဖုန်းဟာ တကယ်ကို ထူးချွန်တာပဲ။ ရှာထိန်ကို တစ်ကိုယ်တော် သတ်ဖြတ်နိုင်ခဲ့တယ်ဆိုတော့ ငါတို့ ချင်မိသားစုအတွက် ထိုက်တန်တဲ့ မျိုးဆက်သစ်ကို ရခဲ့ပြီ။ ချင်ဝူယန်းသာ ချင်ယွမ်ဖုန်းနဲ့ ရန်ဘက်မဖြစ်ပါစေနဲ့လို့ပဲ ငါမျှော်လင့်ရတော့မယ်" ဟု ချင်မင်ယန်က အေးဆေးစွာ ရေရွတ်လိုက်သော်လည်း သူ၏အတွင်းစိတ်၌မူ သတ်ဖြတ်လိုသော အာဃာတများ ကိန်းအောင်းနေဆဲဖြစ်၏။</p> <p> </p> <p>နောက်တစ်နေ့ နံနက်တွင် ချင်မင်ယန်သည် ချင်အိမ်တော်မှ ထွက်ခွာ၍ ဧကရာဇ်မင်းမြတ်အား ဝင်ရောက်ဂါရဝပြုလေသည်။</p> <p> </p> <p>ရှာမိသားစုနှင့် ပူးပေါင်းကာ ချင်မိသားစုဝင်များကို အဆိပ်ခတ်ရန် ကြံစည်သူရှိကြောင်း ကြားသိရသောအခါ ဧကရာဇ်မှာ များစွာတုန်လှုပ်သွားရသည်။</p> <p> </p> <p> မြို့တော်အတွင်းရှိ မိသားစုအချင်းချင်း ပဋိပက္ခများတွင် စစ်ဘက်နှင့် အုပ်ချုပ်ရေးဘက်မှ မည်သူမျှ ပါဝင်ပတ်သက်ခြင်းမပြုရန် ဧကရာဇ်က အမိန့်ထုတ်ပြန်ထားပြီး ဖြစ်ပေရာ လုယွဲ့အင်ပါယာသည် ကျန်းဇီဖုန်းအား တစ်နိုင်ငံလုံးအတိုင်းအတာဖြင့် ဖမ်းဝရမ်းထုတ်လိုက်လေသည်။</p> <p> </p> <p> သို့သော် ကျန်းဇီဖုန်းမှာမူ လေထဲသို့ ပျောက်ကွယ်သွားသကဲ့သို့ မည်သည့်နေရာတွင်မှ ရှာမတွေ့တော့ချေ။</p> <p> </p> <p>နောက်တစ်နေ့ မွန်းတည့်ချိန်သို့ ရောက်သောအခါမှ ချင်ယွမ်ဖုန်းသည် မျက်လုံးဖွင့်လာခဲ့သည်။ တတိယအဆင့် ဆေးလုံး၏ အစွမ်းကြောင့် ဒဏ်ရာများမှာ အနာဖေးများပင် ကွာကျ၍ ပျောက်ကွယ်လုနီးပါး ဖြစ်နေချေပြီ။</p> <p> </p> <p> သူသည် အဝတ်အစားများ လဲလှယ်ပြီးနောက် တောတွင်းမှ တောကြက်နှစ်ကောင်ကို ဖမ်းယူကာ ကင်စားနေစဉ်-</p> <p>"တာဝန် ပြီးဆုံးပါပြီ ဆုလာဘ်ကို လက်ခံရယူလိုပါသလား" ဟူသော ရှောင်လင်၏ အသံ ထွက်ပေါ်လာသည်။</p> <p> </p> <p>ရှာထိန်ကို နှိမ်နင်းသည့် တာဝန်မှာ မနေ့ကတည်းက ပြီးမြောက်ခဲ့ခြင်း ဖြစ်သောကြောင့် ချင်ယွမ်ဖုန်း ပြုံးလိုက်မိသည်။</p> <p> "ဒါနဲ့ ရှောင်လင်... မနေ့က တာဝန်အတွက် ဆုလာဘ်က ဘာလဲဆိုတာ ငါမမေးရသေးဘူးနော်"</p> <p> </p> <p>"ဆုလာဘ်ကတော့ 'အသွင်ပြောင်းဆေးရည်' တစ်ပုလင်း ဖြစ်ပါတယ်" ဟု ရှောင်လင်က ဆိုသည်။ ချင်ယွမ်ဖုန်း၏ မျက်လုံးများမှာ ဝင်းလက်သွားပြီး "အခုချက်ချင်းပေး" ဟု အလောတကြီးပင် ဆိုလိုက်တော့သည်။</p> <p> </p> <p>ယခင်က အသွင်ပြောင်းဆေးရည် တစ်ပုလင်းကြောင့် သူ၏ကျင့်စဉ်အဆင့်မှာ ပထမအဆင့် သိုင်းပညာရှင်အဆင့်သို့ တိုက်ရိုက်တိုးတက်ခဲ့ဖူးရာ ယင်း၏ အစွမ်းထက်ပုံမှာ ဆိုဖွယ်ရာမရှိပေ။</p> <p> </p> <p>ကျင့်ကြံသူများသည် ခန္ဓာကိုယ်အတွင်းရှိ အညစ်အကြေးများကို ဖယ်ထုတ်ရန် ကျင့်ကြံကြရသကဲ့သို့ ဤဆေးရည်သည်လည်း ထိုဖြစ်စဉ်ကို အဆမတန် မြန်ဆန်စေခြင်း ဖြစ်၏။</p> <p> </p> <p>ချင်ယွမ်ဖုန်းသည် လက်ထဲသို့ ရောက်ရှိလာသော ဆေးရည်ကို တစ်ကျိုက်တည်း သောက်ချလိုက်သည်။ သို့သော် သူမျှော်လင့်သကဲ့သို့ ဖြစ်မလာဘဲ ခန္ဓာကိုယ်အတွင်းမှ အနက်ရောင် အညစ်အကြေးအချို့ ထွက်လာသည်မှအပ ကျင့်စဉ်အဆင့်မှာ တိုးတက်မှု မရှိချေ။</p> <p> </p> <p>"ရှောင်လင်... ဒါက ဘယ်လိုဖြစ်တာလဲ။ မင်းတို့ စနစ်က ပစ္စည်းတွေက အတုတွေများလား" ဟု သူက စိုးရိမ်တကြီး မေးလိုက်သည်။</p> <p> </p> <p>"အရှင်သခင်... . ဒီဆေးရည်က ခန္ဓာကိုယ်နဲ့ ယဉ်သွားတတ်လို့ပါ။ အရင်တစ်ခေါက်က တစ်ပုလင်း သောက်ထားဖူးတော့ အခုတစ်ကြိမ်မှာ အာနိသင် သိပ်မပြတော့တာမျိုး ဖြစ်နိုင်ပါတယ်။"" ဟု ရှောင်လင်က အေးဆေးစွာ ပြန်ဖြေလေသည်။</p> <p> </p> <p>"ဘာလို့ ကြိုမပြောတာလဲ။ ဒီပစ္စည်းကို ရေရောပြီး ရောင်းရင်တောင် ဘယ်လောက်ရမယ် ထင်လဲ" ဟု ချင်ယွမ်ဖုန်းက ငိုချင်းချမတတ် ပြောရှာသည်။</p> <p>သို့သော်လည်း အာနိသင် အနည်းငယ် ရှိသေးသဖြင့် သူ၏ ခန္ဓာကိုယ်မှာ ပိုမိုသန်မာလာခဲ့သည်။</p> <p> </p> <p>သာမန် သိုင်းပညာရှင်များသည် ကျင့်ကြံစဉ်အတွင်း အညစ်အကြေးများကို သတိမထားမိဘဲ ဖယ်ထုတ်လေ့ရှိသော်လည်း ချင်ယွမ်ဖုန်းကဲ့သို့ အနက်ရောင် အညစ်အကြေးများ ထွက်လာခြင်းမျိုးမှာ ရှားပါးလှပေသည်။</p> <p> </p> <p>ကျင့်စဉ်အဆင့် မတိုးသော်လည်း သူ၏ ခန္ဓာကိုယ် ခိုင်ခံ့မှုမှာ ပဉ္စမအဆင့် သိုင်းပညာရှင်တစ်ဦးနှင့် ရင်ဘောင်တန်းနိုင်စွမ်း ရှိလာခဲ့ပြီ ဖြစ်၏။</p> <p> </p> <p>"ထားပါတော့လေ... ကိုယ့်ကိုယ်ကိုယ်ပဲ ကောင်းကောင်း ပြန်ပြုစုရမှာပဲ" ဟု ချင်ယွမ်ဖုန်းက ရေရွတ်နေစဉ် ညှော်နံ့တစ်ခုကို ရလိုက်သဖြင့် ကြည့်လိုက်ရာ မီးဖိုပေါ်ရှိ တောကြက်နှစ်ကောင်မှာ တူးသွားချေပြီ။</p> <p> </p> <p>တစ်ရက်ကြာပြီးနောက် ချင်ယွမ်ဖုန်းသည် ဆေးနတ်ဘုရားဂိုဏ်းသို့ ပြန်ရောက်လာခဲ့သည်။ သူသည် ဂိုဏ်းချုပ် ဒုန်ဖန်းရှန့်မင်အား ဖြစ်ပျက်သမျှကို တင်ပြပြီးနောက် သူ၏ ရည်ရွယ်ချက်ကို ဖွင့်ဟလိုက်သည်။</p> <p> </p> <p>"ဂိုဏ်းချုပ်... ချင်ဝူယန်း အခုဘယ်မှာလဲဆိုတာ သိလား"</p> <p>ဒုန်ဖန်းရှန့်မင်က "ဘာဖြစ်လို့လဲ... မင်းအပေါ် 'ကောင်းကင်ဘုံသုဉ်း ဂူ' အဆိပ်ပိုးမွှား သုံးခဲ့တာ ချင်ဝူယန်းလို့ သံသယရှိနေလို့လား" ဟု ပြန်မေးလေသည်။</p> <p> </p> <p>"သံသယရှိတာထက် လက်သည်တစ်ယောက်က ဝန်ခံသွားတာမို့ သူ့ကို ကိုယ်တိုင် မေးချင်လို့ပါ" ဟု ချင်ယွမ်ဖုန်းက အေးစက်စွာ ဆိုသည်။</p> <p> </p> <p>ဂိုဏ်းချုပ်က သက်ပြင်းချရင်း "ယွမ်ဖုန်း... မင်းတို့အကြားက ရန်ငြိုးကို ငါဝင်မပြောချင်ပေမယ့် ချင်ဝူယန်းရဲ့ ကျင့်စဉ်က မင်းထက် အများကြီး သာလွန်သွားပြီ။ နောက်ပြီး သူက ဆေးနတ်ဘုရားဂိုဏ်းရဲ့ တပည့်လည်း မဟုတ်တော့ဘူး" ဟု ဆိုလိုက်ရာ ချင်ယွမ်ဖုန်းမှာ အံ့အားသင့်သွားရသည်။</p> <p> </p> <p>"ဘာဖြစ်လို့လဲ "</p> <p>"ချင်ဝူယန်းက ပါရမီထူးခြားပြီး ထူးခြားတဲ့ ခန္ဓာကိုယ် အခြေခံရှိလို့ တခြားဂိုဏ်းတွေက သူ့ကို သတိပြုမိသွားကြတာပဲ" ဟု ဒုန်ဖန်းရှန့်မင်က စိတ်မကောင်းစွာ ပြောပြသည်။</p> <p> </p> <p>"တခြားဂိုဏ်းလား... ကျွန်တော်တို့ ဆေးနတ်ဘုရားဂိုဏ်းက ရှန်းဝူ စကြဝဠာ တိုက်ကြီးမှာ ပထမတန်းစား အဖွဲ့အစည်းပဲ မဟုတ်လား။ ချင်ဝူယန်းက တကယ်ပဲ ဂိုဏ်းပြောင်းသွားတာလား" ဟု ချင်ယွမ်ဖုန်းက မျက်မှောင်ကြုတ်၍ မေးလေသည်။</p> <p> </p> <p>ဒုန်ဖန်းရှန့်မင်က "ယွမ်ဖုန်း... ကမ္ဘာကြီးဆိုတာ မင်းမြင်နေရသလောက်ပဲ မကျဉ်းဘူး။ ငါတို့လို ပထမတန်းစား အဖွဲ့အစည်းတွေရဲ့ အထက်မှာ ပိုပြီး အစွမ်းထက်တဲ့ အင်အားစုတွေ ရှိသေးတယ်" ဟု လေးနက်စွာ ဆိုလိုက်သည်။</p> <p> </p> <p>"ပိုပြီး အစွမ်းထက်တဲ့ အင်အားစု ဟုတ်လား"</p> <p>"မင်း 'မြင့်မြတ်သောမြေ' အကြောင်း ကြားဖူးလား"</p> <p> </p> <p>ချင်ယွမ်ဖုန်းက ခေါင်းခါပြရာ ဂိုဏ်းချုပ်က ဆက်၍ "ပထမတန်းစား အဖွဲ့အစည်းတွေရဲ့ အထက်မှာ 'မြင့်မြတ်သောမြေ' တွေ ရှိတယ်။ အဲဒါတွေက ရှေးဟောင်းခေတ်ကတည်းက တည်ရှိခဲ့တဲ့၊ အခြေခံ အလွန်နက်ရှိုင်းတဲ့ ဂိုဏ်းတွေပဲ။ အဲဒီက တပည့်တွေဟာ သာမန်လူတွေ မမှီနိုင်အောင် အစွမ်းထက်ကြတယ်" ဟု ရှင်းပြလေသည်။</p> <p> </p> <p>"တကယ်ပဲ အဲဒီလိုနေရာ ရှိတာလား" ဟု ချင်ယွမ်ဖုန်း တိုးတိုးလေး ရေရွတ်မိသည်။</p> <p> </p> <p>"ရှိတာပေါ့... အဲဒီနေရာတွေက အလွန်လျှို့ဝှက်ဆန်းကြယ်တယ်။ သူတို့ရဲ့ တည်နေရာအစစ်အမှန်ကို သိတဲ့သူ အလွန်နည်းပြီး ဒဏ္ဍာရီတွေထဲမှာပဲ ကြားဖူးကြတာ။ အခု ချင်ဝူယန်းကို ရွေးချယ်လိုက်တာက 'မြင့်မြတ်သောမြေ' ခုနစ်ခုထဲက တစ်ခုဖြစ်တဲ့ 'မြူနှင်းဂိုဏ်း' ပဲ။ အဲဒီဂိုဏ်းက အမျိုးသမီးတွေချည်းပဲ ဖွဲ့စည်းထားတာ ဖြစ်ပြီး အလွန်လျှို့ဝှက်တယ်။ လွန်ခဲ့တဲ့ ရက်ပိုင်းကပဲ ချင်ဝူယန်းကို လာခေါ်မယ်လို့ သတင်းပို့ထားတယ်"</p> <p>***</p> <p> </p>


Save