Book List

<h2 style="text-align: center;">အခန်း (၉၄၉)</h2> <h2 style="text-align: center;">အမှန်အတိုင်းရှင်းပြသည်</h2> <h2 style="text-align: center;">*</h2> <p> </p> <p> </p> <p>ကျွေးယွဲ့ဘိုးဘေးက သူ့ဘဝကို ခံစားချက်အပြည့်ဖြင့် ပြန်သုံးသပ်သည်။ မဟာယုခေတ်နှောင်းပိုင်းကို စစ်ဘုရင်များ နယ်မြေချဲ့ထွင်ကြသည်ကို သူမြင်ခဲ့သည်။ မဟာယုပျက်စီးပြီး ပြန်လွှမ်းမိုးဖို့ ကြိုးစားသည်ကို မြင်ခဲ့သည်။ ကူးဖြတ်ခြင်းအဆင့် မသေမျိုးတစ်ဝက်အဆင့်များ တိုက်ခိုက်ကြသည့်ခေတ်ကို ဖြတ်သန်းခဲ့သည်။</p> <p>မုန်ကျင်းဇီနှင့် ဓားချင်းယှဉ်ခဲ့သည်။ ကျန်းပင်ကန်း မဟာရှားတည်ထောင်ရာတွင် ကူညီခဲ့သည်။ တာအိုမိတ်ဆွေများနှင့်အတူ မသေမျိုးငါးဂိုဏ်းကို တည်ထောင်ခဲ့သည်။</p> <p>ထိုအဖြစ်အပျက်များက မျိုးရိုးစဉ်ဆက် လက်ဆင့်ကမ်းလာပြီး နောက်မျိုးဆက်များက လိုအပ်သလိုတည်းပြင်ဆင်တည်းဖြတ်၍ "မဟာရှားသူရဲကောင်းပုံပြင်များ"အဖြစ် အသွင်ပြောင်းလာသည်။</p> <p>သို့သော် လုယန်၏ အတွေ့အကြုံများနှင့်ယှဉ်လျှင် နည်းနည်းတန်းမမီသလိုခံစားရသည်။</p> <p>လုယန်စိတ်ထဲတွေးနေသည်။ ပိုင်ရိသိထားအဖြစ်များသည် တစ်စွန်းတစ်စသာရှိနေသေးသည်။ လူသိများသည့် အကြောင်းအရာများသာဖြစ်သည်။</p> <p>နတ်မယ်ကို ပြန်အသက်သွင်းခြင်း၊ မသေမျိုးတစ်ဝက်နှင့် မသေမျိုးတိုက်ပွဲများနှင့်ပတ်သက်သည့် လျှို့ဝှက်သတင်းများ၊ ပဲပြာအရှင်နှင့်ဆုံခြင်း၊ မဟာရှားကိုသိမ်းယူ၍ မဟာပဲဝါနိုင်ငံတည်ဆောက်ခြင်း စသည့်အကြောင်းများကို မပါသေး။</p> <p>"စကားကို လမ်းမလွှဲပါနဲ့။ ခင်ဗျားဘာလို့ သံလွင်ပင်တွေကို အဆိပ်ခတ်သလဲဆိုတာပဲပြောပါ"</p> <p>ရှောင်ယန်၏အတွေ့အကြုံများအပေါ် ပိုင်ရိသုံးသပ်သည့် စကားလုံးကို နတ်မယ်သိပ်သဘောမကျ။</p> <p>ထိုအတွေ့အကြုံများကို 'အံ့ဖွယ်'ဟု မဆိုနိုင်။ ဘဝကိုအပြည့်ဝဆုံး နေထိုင်ခြင်းသာဖြစ်သည်။ အံ့ဩစရာများ စိန်ခေါ်မှုများပြည့်နေသည့် ရှောင်ယန်၏ ဘဝအတွေ့အကြုံများကို သူသဘောကျသည်။</p> <p>ကျွေးယွဲ့က အခြေအနေမှန်ကို ရှင်းပြဖို့ ဆုံးဖြတ်ထားပြီးဖြစ်သည်။</p> <p>"ဒီကိစ္စက ရှောင်ယဲ့ အသိစိတ်ဖွံ့ဖြိုးတဲ့နေ့ကနေ စခဲ့တာပါ။ ရှောင်ယဲံ့သရုပ်မှန်ကို သံလွင်ဘိုးဘေးအဖြစ် သိထားကြတယ်။ ဒီနေ့ခေတ်အထိ ရှင်သန်ခဲ့တဲ့ ရှေးဟောင်းသံလွင်ပင်ပေါ့။ အနည်းဆုံး သက်တမ်းသုံးသိန်းတော့ရှိပြီ။ အချိန်တန်တော့ သူသိစိတ်ဝိညာဉ်ပေါ်လာတယ်။ အဲဒီ့နောက်ပိုင်း အသိဉာဏ်ဖွံ့ဖြိုးပြီး သက်ရှိအစစ်ဖြစ်လာတယ်"</p> <p>နတ်မယ် ခေါင်းငြိမ့်သည်။ ဝိညာဉ်ပင်တစ်ပင် ဉာဏ်ရည်ဖွံ့ဖြိုးသည်ဖြစ်စဉ်ကို သူနားလည်သည်။ ဖြတ်လမ်းလုံးဝမရှိ။ အချိန်ကာလများစွာ ဖြတ်သန်းရုံသာရှိသည်။</p> <p>ရှေးဟောင်းခေတ်မှ စတင်ရှင်သန်ခဲ့သည်ဆိုလျှင် ယင်ထန်မသေမျိုးပိုင်ဆိုင်သည့်သစ်ပင် ဖြစ်ဖို့များသည်။</p> <p>"ငါ့နာမည်က ပိုင်ရိပါ။ ရှောင်ယဲ့က ငါ့မျိုးရိုးနာမည်ကိုယူတယ်။ သူက လစွမ်းအားကို သ‌ဘောကျတယ်။ ညဘက်မှာလှုပ်ရှားရတာကို ပိုပျော်တယ်။ ဒါကြောင့် သူ့ကိုယ်သူ ပိုင်ယဲ့လို့ နာမည်ပေးတယ်။ ရှောင်ယဲ့က သံလွင်ဘိုးဘေးရဲ့ခန္ဓာကိုယ်သုံးရတာကို သိပ်သဘောမကျဘူး။ တစ်နေကုန်ငြိမ်ရပ်နေရတာကို ငြီးငွေ့တယ်။</p> <p>ဒါကြောင့် ရှေးဟောင်းကျမ်းတွေကို ငါလေ့လာကြည့်တယ်။ ဝိညာဉ်ပင်ကိုယ်ပွားခွဲတဲ့နည်းလမ်းတစ်ခု ရှာတွေ့တယ်။ သူကိုယ်ပွားတစ်ခုခွဲထွက်နိုင်အောင် လုပ်ပေးခဲ့တယ်။ အခုသူ့လက်ရှိပုံစံပေါ့။ နောက်ထပ်နှစ်သုံးလေးရာကြာတော့ ငါ့ကျင့်ကြံမှုမှာ အမှားအယွင်းတစ်ခုဖြစ်လို့ ငါ့ရုပ်ခန္ဓာ မီးကျွမ်းပြာကျသွားတယ်။ ငါ့ဝိညာဉ်လည်း အများကြီးထိခိုက်ခဲ့တယ်။</p> <p>ဝိညာဉ်ထိခိုက်တာက ပြင်းထန်တော့ ဘယ်ဝိညာဉ်ဆေး ဘယ်ရတနာနဲ့မှ ကုသလို့မရဘူး။ အတော်အခြေအနေဆိုးခဲ့တယ်။ ကံကောင်းတာက သံလွင်ပင်မှာ ယင်ဓာတ်သဘာဝရှိတယ်လေ။ ဝိညာဉ်ကို အဟာရပေးနိုင်တဲ့အစွမ်းရှိတယ်။ ဒီသစ်ပင်မှာ အစကတည်းက အခြေတည်ခဲ့တဲ့ စွမ်းရည်ပေါ့။ သံလွင်ဘိုးဘေးဖြစ်တဲ့ ရှောင်ယဲ့ရဲ့ ဝိညာဉ်အားဖြည့်စွမ်းရည်က ပြိုင်ဘက်ကင်းပဲ။</p> <p>ငါ့ကျင့်စဉ်အမှားအယွင်းဖြစ်တာ သူသိတော့ ငါ့ဝိညာဉ်ကို ဒီကိုယ်ပွားထဲ ချက်ချင်းထည့်ပေးတယ်။ အဲဒီတုန်းက ငါ့စိတ်တွေ ထွေပြားနေတော့ ရှောင်ယဲ့ဘာလုပ်နေလဲဆိုတာ နားမလည်ခဲ့ဘူး။ အနွေးဓာတ်တွေ လွှမ်းခြုံလာပြီး ငါ့ဝိညာဉ်ကို စွမ်းအင်ဖြည့်ပေးနေတာကိုပဲ ခံစားမိတယ်။ ဗီဇစိတ်အရ ဒီစွမ်းအင်ကို ငါလက်ခံလိုက်တယ်။</p> <p>ဝိညာဉ်အားဖြည့်တယ်ဆိုတာ အတော်နှေးကွေးတဲ့ဖြစ်စဉ်ပါ။ ဒါပေမယ့် သံလွင်ဘိုးဘေးဖြည့်ပေးတဲ့စွမ်းအင်က အရမ်းအားကောင်းတယ်။ ရှင်သန်ချင်တဲ့ ငါ့ဗီဇစိတ်ကလည်း ပြင်းထန်တယ်။ ဒီနှစ်ခုပေါင်းလိုက်တော့ အားဖြည့်တဲ့ဖြစ်စဉ် အများကြီးပိုမြန်သွားတယ်။ နောက်ဆုံးတော့ ငါ့ဝိညာဉ်က ဒီကိုယ်ပွားနဲ့ ခွဲထုတ်မရအောင် တစ်သားတည်းဖြစ်သွားတယ်။</p> <p>ငါ့ဝိညာဉ် ပုံမှန်အတိုင်း ပြန်ဖြစ်လာပေမယ့် ဒီကိုယ်ပွားထဲကနေ ငါမထွက်နိုင်တော့ဘူး။</p> <p>ဒါပေမယ့် ဒီကိုယ်ပွားသုံးပြီး သေရေးရှင်ရေးအခြေအနေက ဖြတ်ကျော်လာနိုင်တာလည်း သိပ်တော့မဆိုးပါဘူး။ သံလွင်နန်းတော်ကို စောင့်ရှောက်ရင်း တပည့်တွေတိုးတက်လာတာကို အသံတိတ်စောင့်ကြည့်ခဲ့တယ်။ ကျမ်းစာတိုက်ကို စာဖတ်ဖို့ နေ့တိုင်းသွားတယ်။ ပြီးတော့ ငါကိုယ်တိုင်ကလည်း သံလွင်ပင်လိုဖြစ်လာတယ်လေ"</p> <p>ကျွေးယွဲ့ဘိုးဘေးသည် သံလွင်ပင်ကို တကယ်သဘောမကျလျှင် မဟာနှင်းတောင်တန်းလို ခက်ခဲကြမ်းတမ်းသည့်နေရာကို တာအိုကျင့်ကြံသည့်နေရာအဖြစ် ရွေးချယ်ခဲ့မည်မဟုတ်။</p> <p>"ရှောင်ယဲ့က ဒီကိုယ်ပွားနဲ့အသားကျလာတော့ ငါနဲ့အတူမျှသုံးတယ်။ သူ့မူလခန္ဓာဖြစ်တဲ့ သံလွင်ဘိုးဘေးမှာ ဗီဇသိစိတ်လောက်ပဲ ကျန်ခဲ့တယ်။ နောက်ပိုင်းတော့ စွမ်းအားပိုကြီးတဲ့ဝိညာဉ်က ဒီခန္ဓာကိုယ်ကို လွှမ်းမိုးဖို့ကြိုးစားလာနိုင်တာ ငါတို့သ‌ေဘောပေါက်လာတယ်။ ဒါက အလိုလိုဖြစ်လာတဲ့ သဘာဝပါ။ ငါတို့လည်း မထိန်းချုပ်နိုင်ဘူး။</p> <p>ရှောင်ယဲ့ဝိညာဉ်စွမ်းအားက နေ့နဲ့ည အပြောင်းအလဲရှိတယ်။ နေစွမ်းအားက သူဝိညာဉ်ကို အားနည်းစေတယ်။ ဒီတော့ နေ့ခင်းဘက်မှာ ဒီခန္ဓာကိုယ်ကို ငါထိန်းချုပ်ရတယ်။ ညရောက်လို့ လစွမ်းအင်တွေ တိုးလာပြီဆိုတာနဲ့ သူဒီကိုယ်ပွားထဲမှာပဲနေနေ သံလွင်ပင်မှာပဲအိပ်အိပ် သူ့ဝိညာဉ်စွမ်းအားတွေ တိုးလာတယ်။ အဲဒီ့အချိန်ကျရင် ဒီခန္ဓာကိုယ်ကို သူသုံးတယ်။</p> <p>ဒီကိုယ်ပွားခန္ဓဦက အတော်ခိုင်ခံ့တယ်။ သံလွင်ဘိုးဘေးရဲ့ ဝိညာဉ်သန္ဓေစွမ်းအင်တွေ အဆက်မပြတ်ရတယ်။ ဒဏ်ရာကုသနိုင်စွမ်းလည်း မြင့်တယ်။ ပြဿနာနှစ်ခုပဲ ဖြေရှင်းစရာရှိတယ်။ တစ်ခုကတော့ ငါအခုနကပြောခဲ့တဲ့ကိစ္စပေါ့။ ဒီကိုယ်ပွားဟာ သံလွင်ဘိုးဘေးရဲ့ ပိုင်နက်ထဲကနေ မထွက်နိုင်ဘူး။ နောက်တစ်ခုက ငါ့ပုံစံနဲ့ မကိုက်ညီဘူး"</p> <p>ကျွေးယွဲ့ဘိုးဘေး သက်ပြင်းချသည်။ တစ်ချိန်ကနေ့ရက်များကို သူပြန်သတိရလာသည်။</p> <p>"ငါအရွယ်ကောင်းတုန်းက ပြိုင်ဘက်ကင်းအလှပိုင်ရှင်ဖြစ်ခဲ့တာ။ လောကတစ်ခုလုံးကို ဖမ်းစားနိုင်တယ်။ ငါ့ကိုစွဲလန်းခဲ့တဲ့လူတွေ မရေမတွက်နိုင်အောင်ရှိခဲ့တယ်။ ဒါပေမယ့်အခု ရှောင်ယဲ့ရဲ့ ဒီကိုယ်ပွားခန္ဓာကို ကြည့်လေ။ အရပ်ပုလွန်းတယ်။ ဆွဲဆောင်မှုလုံးဝမရှိဘူး။ ဒီလိုပုံစံနဲ့ ငါဘယ်သူ့ကိုမှမတွေ့ရဲဘူး။ ဒီကိုယ်ပွား နေ့ခင်းဘက်ပဲ အရပ်ပိုရှည်လာတယ်ဆိုရင်တောင် ကောင်းမှာပဲလို့ ငါတွေးမိတယ်။</p> <p>ဒါပေမယ့် ဒီကိုယ်ပွားရဲ့ဖွဲ့စည်းပုံက ပြောင်းလဲဖို့ခက်တယ်။ အသွင်ပြောင်းဖို့ဆို တစ်ခြားလမ်းကြောင်းတစ်ခု ရှာရမှာ။ ဒီကိုယ်ပွားရဲ့ရင်းမြစ်က သံလွင်ပင်ဆိုတော့ သံလွင်ပင်တွေ အမြန်ကြီးထွားအောင် ဆေးတစ်မျိုးဖော်လို့ရမလားဆိုပြီး တွေးမိတယ်။ ဒါကြောင့် ဆေးဂိုဒေါင်ကနေ ဆေးမြစ်တွေသွားယူတယ်။ ဆေးအချိုးအစားအမျိုးမျိုးသုံးပြီး ဆေးရည်ကျိုတယ်။ ပြီးတော့ သံလွင်မြစ်တွေပေါ် လောင်းချတယ်။</p> <p>ဘယ်ဆေးရည်က ကြီးထွားနှုန်းမြှင့်ပေးနိုင်မလဲ စမ်းသပ်ကြည့်တယ်။ မင်းလည်းမြင်တာပဲ။ မဟာနှင်းတောင်တန်းမှာ သံလွင်ပင်တွေအပြည့်ပဲလေ။ အပင်နည်းနည်းလောက်စမ်းသပ်တာ ပြဿနာမရှိနိုင်ဘူးလို့ ငါတွေးခဲ့တာပါ။ သံလွင်ပွင့်တွေကောက်ပြီး သံလွင်ပန်းမုန့်လုပ်တဲ့လူတွေ သံလွင်ပင်ကိုခုတ်ပြီး အသားကင်တဲ့လူတွေရှိလာမယ်လို့ ဘယ်သူတွေးမိခဲ့မှာလဲ"</p> <p>ကျွေးယွဲ့ဘိုးဘေးသည် လက်ရှိကိုယ်ပွားပုံစံဖြင့် ဘယ်သူ့ကိုမှမတွေ့ရဲ။ ထို့ကြောင့် တတ်နိုင်သမျှပုန်းအောင်းပြီး သံလွင်ပင်ကြီးထွားစေမည့်ဆေးမျိုးကို စမ်းသပ်နေရခြင်းဖြစ်သည်။</p> <p>သို့သော် ကံဆိုသည်မှာ ပုံသေတွက်ထား၍မရ။</p> <p>လုယန် ငြိမ်၍နားထောင်နေသည်။ ကျွေးယွဲ့ဘိုးဘေး၏ခံစားချက်ကို နားလည်သည်။ ကိုယ်ကျုံ့နေချိန်တွင် သူလည်းအရပ်ပိုရှင်ချင်စိတ်ဖြစ်မိသည်။</p> <p>"ပြောလို့ပြီးပြီလား။ ပြီးရင် ပြစ်ဒဏ်ခံယူဖို့ ကျုပ်နဲ့အတူလိုက်ခဲ့တော့"</p> <p>နတ်မယ်ကပြောသည်။ ကျွေးယွဲ့ဘိုးဘေး ဘယ်လောက်စကားပြောကျင်လည်သည်ဖြစ်စေ သူ့စိတ်က ယိမ်းယိုင်မသွား။ သူဤနေရာသို့လာသည်မှာ တရားခံဖမ်းဖို့ဖြစ်သည်။</p> <p>.....</p> <p>"ထူးဆန်းတယ်။ ဟိုကောင်လေးလုယန် ဘယ်ရောက်သွားတာလဲ"</p> <p>လော်ဟုန်ရှား သူ့ဘာသာရေရွတ်နေသည်။ လုယန်ကို နောက်ဆုံးတွေ့လိုက်သူများမှာ ရေပူစမ်းတွင် ရေချိုးနေသည့် နန်းတော်တပည့်တစ်စုဖြစ်သည်။</p> <p>လုယန်ဝိညာဉ်သစ်သီးခြင်းတစ်လုံး ကျောတွင်လွယ်၍ နှင်းလျှောစီးနေသည်ဟုပြောသည်။ မျက်နှာက စိတ်လှုပ်ရှားမှုအပြည့်ဖြင့် ပြုံးရွှင်နေသည်ဟု ပြောကြသည်။ ထို့နောက်ပိုင်း သူ့ကို ဘယ်သူမှမတွေ့တော့။</p> <p>ပိုင်ယဲ့ကိုလည်း ဘယ်သူမှရှာမတွေ့။</p> <p>"နန်းတော်သခင်လော်၊ တံခါးဖွင့်ပါဦး"</p> <p>လုယန်အသံကြားသဖြင့် လော်ဟုန်ရှား တံခါးသွားဖွင့်သည်။ လုယန်၏စပ်ဖြီးဖြီးမျက်နှာကို မြင်ရသည်။ ထွက်ပြေးမည်စိုးဟန်ဖြင့် ပိုင်ယဲ့လက်ကို ဆွဲထားသည်။</p> <p>"တရားခံကို ကျုပ်ဖမ်းလာပါပြီ"</p> <p>နတ်မယ်က ပိုင်ယဲ့ကို လော်ဟုန်ရှားလက်ထဲ လွှဲပေးသည်။</p> <p>"မင်းသူ့ကို ဘယ်လိုဖမ်းခဲ့တာလဲ"</p> <p>လော်ဟုန်ရှားအံ့အားသင့်သွားသည်။ သူပင် ပိုင်ယဲ့ကို မဖမ်းနိုင်ခဲ့။</p> <p>"အဲဒါအရေးမကြီးပါဘူး။ အခုသူက သူ့လုပ်ရပ်တွေအားလုံးကို ရိုးရိုးသားသားဝန်ခံပြီးပြီ"</p> <p>အငြိမ်းစားယူခါနီး မစ်ရှင်ပြီးမြောက်အောင် ထမ်းဆောင်နိုင်ခဲ့သူတစ်ယောက်လို နတ်မယ်ခံစားနေရသည်။</p> <p>"အဖြစ်အပျက်ကို ပြောပြပါဦး"</p> <p>လော်ဟုန်ရှား စိတ်ဝင်တစားမေးသည်။</p> <p>"ဖြစ်ပုံက ဒီလိုပါ..."</p> <p>ကျွေးယွဲ့ပြောသည့်ဇာတ်လမ်းကို နတ်မယ်ပြန်ပြောပြသည်။ လော်ဟုန်ရှား ကျောက်ရုပ်လိုဖြစ်သွားသည်။</p> <p>"တိုတိုပြောရရင် ခင်ဗျားတို့ဘိုးဘေး ကျွေးယွဲ့ပိုင်ရိက အရပ်ရှည်ချင်လို့ ဆေးပစ္စည်းတွေခိုးခဲ့တာ။ ပြစ်ဒဏ်စည်းမျည်းတွေတော့ ကျုပ်သိပ်နားမလည်ဘူး။ ခင်ဗျားတို့ လနန်းတော်က ဥပဒေကျွမ်းကျင်းကြတာပဲ။ ဒီပြစ်မှုအတွက် သူ့ကို ထောင်ဒဏ်ဘယ်နှနှစ်ချမှာလဲ"</p> <p> </p> <p> </p> <p style="text-align: center;">***</p>


Save