Book List

<h2 style="text-align: center;">ပါရမီရှင်တစ်ယောက်ရဲ့ ထင်တိုင်းကြဲ ဒိုင်ယာရီ</h2> <h2 style="text-align: center;">(စာစဉ်-၇)</h2> <h2 style="text-align: center;"> </h2> <p> </p> <h2 style="text-align: center;">အခန်း (၆၁)</h2> <h2 style="text-align: center;">အမြင့်ဆုံး အခြေခံအုတ်မြစ် လုံခြုံသွားပြီ</h2> <h2 style="text-align: center;">*</h2> <p> </p> <p> </p> <p>နောက်တစ်နေ့ မနက်ခင်း….၊</p> <p>အစာစားပြီးနောက် နင်းဖန်သည် စွမ်းအင် အပြည့်ဖြင့် သိုင်းပညာ လေ့ကျင့်ရေးကွင်း သို့ ရောက်ရှိ လာခဲ့လေသည်။</p> <p>ချိုးဖောက်ဝင်ရောက်မှု တစ်ခု နီးကပ်နေပြီဖြစ်ကြောင်း သူ့တွင် ကြိုတင် ခံစားမိနေသည်မှာ အမှန်ပင် ဖြစ်လေသည်။</p> <p>သူ၏ ခန္ဓာကိုယ်အတွင်းရှိ သွေးစွမ်းအင်နှင့် ဝိညာဉ်အင်အားများ ပဲ့တင်ထပ်မှုသည် အထွတ်အထိပ်သို့ ရောက်ရှိနေခဲ့ပြီ ဖြစ်၏။</p> <p>ယခု သူ လုပ်ဆောင်ရန် လိုအပ်သည်မှာ ဤပဲ့တင်ထပ်မှုကို အပြင်သို့ ထုတ်ယူရန် သူ၏ ကြွက်သားများ နှင့် အရိုးများကို ဖြေလျှော့ပေးရန်ပင်ဖြစ်လေသည်။</p> <p>ထို့ကြောင့် ရိုးရှင်းသော သွေးပူလေ့ကျင့်ခန်း လုပ်ပြီးနောက် နင်းဖန်သည် အိုးကြီးတစ်လုံးကို ကိုင်ကာ အားရပါးရ စတင် လွှဲယမ်းလိုက်ရာ လေတိုးသံများ ထွက်ပေါ်လာခဲ့လေသည်။</p> <p>... တစ်ချိန်တည်းမှာပင် ကောင်းကင်ယံ၌</p> <p>ထိုက်ရီအကြွင်းအကျန်နယ်မြေ အတွင်းရှိ အကြီးအကဲများမှာ အနည်းငယ် စိတ်အားငယ်နေခဲ့ကြသည်။</p> <p>မနေ့က နင်းဖန်သည် နဂါးသတ် ချောက်ကမ်းပါး သို့ အမှတ်မထင် ရောက်ရှိသွားပြီးနောက် သူသည် ဖြတ်သွားဖြတ်လာ တစ်ယောက်ကဲ့သို့ တစ်ချက်မျှသာ ကြည့်ပြီး ထွက်သွားခဲ့သည်ပင်။</p> <p>ထိုအရာကို သူတို့ကို အလကား စိတ်လှုပ်ရှားစေရန် ဟန်ပြလှုပ်ရှားမှု တစ်ခုဟု ဆိုနိုင်ပေသည်။</p> <p>အရေးအကြီးဆုံးမှာ နင်းဖန်၏ ခဏတာ နေထိုင်မှုသည် မျှော်လင့်ထားသည့်အတိုင်း သူတော်စင်မိန်းမပျို ၏ အာရုံစိုက်မှုကို မဆွဲဆောင်နိုင်ခဲ့ခြင်းပင်ဖြစ်လေသည်။</p> <p>"သူတော်စင်မိန်းမပျို ကိုယ်တိုင်က သတိမထားမိတာလား ဒါမှမဟုတ်...။ သူမရဲ့ တရားကျင့်မှုမှာ တစ်ခု ခု မှားယွင်းသွားလို့လား ဆိုတာ မသေချာသေးဘူး….။"</p> <p>ပထမတစ်ခုက အဆင်ပြေသော်လည်း ဒုတိယတစ်ခုဆိုလျှင်တော့... ။</p> <p>ဂိုဏ်းချုပ် ဖေ့ချင်းယွီသည် တွေးတောနေသော လူအုပ်ကြီးကို တစ်ချက်ကြည့်လိုက်ပြီး သူတို့၏ နှလုံးသားများကို တည်ငြိမ်စေရန် နှစ်သိမ့်စကားပြောလိုက်လေသည်။</p> <p>"အများကြီး တွေးမနေပါနဲ့...။ သူတော်စင်မိန်းမပျိုက ဂိုဏ်းထဲမှာ ရှိနေတာပဲ ဘယ်လို မတော်တဆမှုမျိုး မှ မဖြစ်နိုင်ပါဘူး...။"</p> <p>အမှန်တကယ်ပင် ဂိုဏ်းသည် အလွန် လုံခြုံပြီး သူတော်စင်မိန်းမပျိုကို တစ်ခုခု ဖြစ်နိုင်ခြေမှာ အလွန် နည်းပါးကြောင်း အကြီးအကဲများ အားလုံး သိကြလေသည်။</p> <p>ယခု သူတို့ စိတ်ကူးယဉ်နေကြခြင်း၏ အဓိက အကြောင်းရင်းမှာ လွတ်မြောက်ရန် မျှော်လင့်ချက်များကို သူတော်စင်မိန်းမပျိုအပေါ် ပုံအပ်ထားသောကြောင့်ပင်ဖြစ်၏။</p> <p>ထို့ပြင် သူမ နင်းဖန်ကို ရှာမတွေ့ခဲ့ခြင်းက အားလုံး၏ မျှော်လင့်ချက်များနှင့် မျှော်လင့်ထားမှုများမှ သွေဖည်သွားခဲ့ခြင်းပင်ဖြစ်လေသည်။</p> <p>ထို့ကြောင့် အဆိုးရွားဆုံး အခြေအနေများကို မတွေးဘဲ မနေနိုင်ခဲ့ကြချေ။</p> <p>ယွီရူရွှမ်းကလည်း ဤအချိန်တွင် နူးညံ့စွာ စကားပြောလိုက်လေသည်။</p> <p>"အားလုံးက လျှို့ဝှက်နယ်မြေ ထဲမှာ အချိန်အတော်ကြာ ရှိနေခဲ့တာပဲ အခု လောစရာ မလိုပါဘူး...။ လောလောဆယ် နင်းဖန်ကိုပဲ ငါတို့ အာရုံစိုက်ကြရအောင်...။ သူ ချိုးဖောက်ဝင်ရောက်တော့မယ်...။"</p> <p>ဤသည်ကို ကြားသောအခါ အားလုံး စိတ်အေးသွားကြပြီး သဘောတူလိုက်ကြလေသည်။</p> <p>ထို့နောက် အောက်ဘက်ရှိ သိုင်းပညာ လေ့ကျင့်ရေးကွင်း ပေါ်သို့ အကြည့်များ တစ်ချက်ပြီးတစ်ချက် ကျရောက်လာခဲ့တော့သည်။</p> <p>ထင်သည့်အတိုင်းပင် နင်းဖန် ကိရိယာကို လွှဲယမ်းလိုက်သည်နှင့် သူ၏ ကြွက်သားများနှင့် အရိုးများ ရုတ်တရက် အက်ကွဲသွားကာ သူ၏ သွေးစွမ်းအင်များ လှိုင်းထသွားပြီး လျှို့ဝှက်ဆန်းကြယ်သော အင်အားမြှင့်တင်ရေး စွမ်းအားတစ်ခု ရုတ်တရက် သက်ရောက်လာခဲ့လေသည်။</p> <p>"ဝုန်း... "</p> <p>ချိုးဖောက်ဝင်ရောက်ခြင်း။</p> <p>ရုပ်ခန္ဓာကိုယ်သန့်စင်ခြင်း ပဉ္စမအလွှာ။</p> <p>နင်းဖန်သည် ယခု သိသိသာသာ ပေါ့ပါးသွားသော အိုးကြီးကို ဘေးသို့ ပစ်ချလိုက်ပြီး ပြောင်းလဲမှုများကို သေချာစွာ ခံစားရန် မျက်လုံးများကို မှိတ်ထားလိုက်ကာ တစ်ခဏအကြာတွင် ပြုံးလိုက်လေသည်။</p> <p>အရင်ကနှင့် နှိုင်းယှဉ်ပါက သူ၏ အင်အားသည် နောက်ထပ် အရည်အသွေးပိုင်းဆိုင်ရာ ခုန်ပျံကျော်လွှား တိုးတက်မှု တစ်ခုကို ရရှိသွားခဲ့သည်ပင်။</p> <p>ဤတစ်ကြိမ်တွင် သူသည် ပိုမို လေးလံပြီး ပိုမို ကြီးမားသော အထူးပြုလုပ်ထားသည့် အိုးကြီးတစ်လုံးကို တန်း၍ ကိုင်တွယ်လိုက်သည်။</p> <p>ဤအိုးကြီးများကို များသောအားဖြင့် ရုပ်ခန္ဓာကိုယ်သန့်စင်ခြင်း အဆင့် အထွတ်အထိပ်ရှိ အစစ်အမှန် တပည့် များက သူတို့၏ အင်အားကို စမ်းသပ်ရန် အသုံးပြုကြလေသည်။</p> <p>ယခု ထိုအိုးကြီးကို နင်းဖန်က လက်တစ်ဖက်တည်းဖြင့် ပင့်ချီလိုက်ခြင်းပင်ဖြစ်သည်။</p> <p>အိုး၏ ခြေထောက်ကို လက်ချောင်းများဖြင့် ဆုပ်ကိုင်ထားပြီး သူ၏ ညာဘက်လက်မောင်းကို အပေါ်သို့ မြှောက်ထားရာ အနည်းငယ်သာ တင်းမာမှုကို သူ ခံစားရလေသည်။</p> <p>ထို့နောက် နင်းဖန်သည် အိုးများကို ပြောင်းလဲခြင်းဖြင့် အလေးချိန်ကို ထပ်မံ တိုးမြှင့်နေလိုက်သည်။</p> <p>စမ်းသပ်မှု အကြိမ်အနည်းငယ် ပြုလုပ်ပြီးနောက် သူ၏ လက်ရှိ အင်အား တန်ဖိုးကို သူ နားလည်သွားပြီး ရေရွတ်လိုက်လေ၏။</p> <p>"လက်တစ်ဖက်တည်း အင်အား...၊ ဂျင် လေးသိန်းလေးသောင်း...။"</p> <p>သူ၏ မျက်လုံးများ လင်းလက်သွားပြီး သူ၏ နှလုံးသားမှာ ခုန်ပေါက်နေခဲ့လေသည်။</p> <p>လွန်ခဲ့သော ရက်အနည်းငယ်အတွင်း အဆင့်မြင့် နတ်ဆိုးသားရဲ အသားများနှင့် ကောင်းကင်နဲ့မြေကြီး ရတနာ များကို အားရပါးရ စားသုံးခြင်းဖြင့် သူသည် အစာချေဖျက်ခြင်း ရုပ်ခန္ဓာကိုယ် သန့်စင်ခြင်း နည်းစနစ် ကို ၎င်း၏ အကန့်အသတ်အထိ တွန်းပို့ခဲ့ပြီး ညဘက်တွင် သူတော်စင်မိန်းမပျို၏ အေးစက် သော ကုတင်ပေါ်တွင် ရိုးတွင်းခြင်ဆီ သန့်စင်ခြင်းကို ခံယူခဲ့လေသည်။</p> <p>ဤသည်က သူ၏ အင်အားကို ချိုးဖောက်ဝင်ရောက်မှု မတိုင်မီကပင် ကြောက်မက်ဖွယ်ကောင်းသော ဂျင် သုံးသိန်းခုနစ်သောင်းသို့ ရောက်ရှိစေခဲ့သည်ပင်။</p> <p>ချိုးဖောက်ဝင်ရောက်ပြီးနောက် အင်အားမြှင့်တင်ရေး အကျိုးသက်ရောက်မှုကြောင့် ဤလက်ရှိ တန်ဖိုး သို့ သူ ရောက်ရှိခဲ့ခြင်းပင် ဖြစ်လေသည်။</p> <p>လက်တစ်ဖက်တည်း အင်အား လေးသိန်း ကျော်လွန်ခြင်းသည် ရုပ်ခန္ဓာကိုယ်သန့်စင်ခြင်း အလယ် အလတ် အဆင့်ရှိ အမြင့်ဆုံး အခြေခံအုတ်မြစ် အတွက် အနိမ့်ဆုံး စံနှုန်း ဖြစ်ပေသည်။</p> <p>အခြားသူများသည် ရုပ်ခန္ဓာကိုယ်သန့်စင်ခြင်း ဆဋ္ဌမအလွှာ တွင်သာ ဤအဆင့်သို့ ရောက်ရှိနိုင်ကြသည်။</p> <p>နင်းဖန်သည် အလွှာငယ် တစ်ခု ကြိုတင်၍ အောင်မြင်ခဲ့သည်ပင်။</p> <p>ဤသည်မှာ ကောင်းကင်ဘုံကို အံတုသော လုပ်ရပ်တစ်ခုဖြစ်ကြောင်း ဆိုရပေမည်။</p> <p>ထိုက်ရီအကြွင်းအကျန်နယ်မြေ တစ်ခုလုံးအတွင်း နင်းဖန် ဂျင် လေးသိန်းလေးသောင်းရှိသော အိုးကြီးကို ပင့်ချီလိုက်သည့် အခိုက်အတန့်တွင် တပည့်များက အံ့သြတကြီး ပြောဆိုလိုက်ကြသည်။</p> <p>"ရုပ်ခန္ဓာကိုယ်သန့်စင်ခြင်း ပဉ္စမအလွှာ...။ လက်တစ်ဖက်တည်း အင်အား ဂျင် လေးသိန်းလေးသောင်း တဲ့...။"</p> <p>"ဒါက အရမ်း ခမ်းနားလွန်းတယ်...။ ရုပ်ခန္ဓာကိုယ်သန့်စင်ခြင်း အလယ်အလတ် အဆင့်မှာ တစ်ယောက် ယောက်က တကယ်ပဲ သူတို့ရဲ့ ရုပ်ခန္ဓာကိုယ် ကို ဒီလောက်အထိ ဖွံ့ဖြိုးတိုးတက်အောင် လုပ်နိုင်တာ လား...။"</p> <p>"သူ ရုပ်ခန္ဓာကိုယ်သန့်စင်ခြင်း ဆဋ္ဌမအလွှာ ရဲ့ နှစ်ဆတိုးတဲ့ အကျိုးသက်ရောက်မှုကိုတောင် အသုံးမပြုရ သေးဘူးလေ...။"</p> <p>"နင်းဖန်က အခုလောက်ဆို ရုပ်ခန္ဓာကိုယ်သန့်စင်ခြင်း နယ်မြေ မှာ ပြိုင်ဘက်ကင်း နေလောက်ပြီ မဟုတ်ဘူးလား...။"</p> <p>"လက်တစ်ဖက်တည်းနဲ့ ဂျင် လေးသိန်းလေးသောင်းကို သယ်ဆောင်တာ။ တကယ်လို့ သူက လက်သီး တစ်ချက် ထိုးဖို့ ခန္ဓာကိုယ် တစ်ခုလုံးရဲ့ အင်အားကို အသုံးပြုမယ်ဆိုရင် ပေါက်ကွဲအားက တစ်သန်းကျော်သွားနိုင်တယ်...။"</p> <p>"နင်းဖန်က ကောင်းကင်ဘုံ အဆင့်မြင့် သိုင်းပညာတစ်ခုကိုလည်း ကျွမ်းကျင်ထားတယ်ဆိုတာ ပြောစရာ တောင် မလိုပါဘူး...။ သူက ခွန်အားသက်သက်ကိုပဲ အသုံးပြုနေတာ မဟုတ်ဘူး ဒါကြောင့် စွမ်းအား ရလဒ်က ပိုတောင် ကြီးမားဦးမယ်...။"</p> <p>"ရှူး….၊ ဆက်မပြောနဲ့တော့ တွေးလေ ပိုပြီး ကြောက်စရာကောင်းလေပဲ...။"</p> <p>"ငယ်ရွယ်တဲ့အရွယ် ရှေးဟောင်း စစ်မှန်သော နဂါး တစ်ကောင်တောင် ဒီအဆင့်လောက်ပဲ ရှိမှာ မဟုတ် ဘူးလား...။"</p> <p>အတွင်းစည်းနှင့် အပြင်စည်း တပည့်များ အားလုံး အူထဲအသည်းထဲအထိ တုန်လှုပ်သွားခဲ့ကြ၏။</p> <p>အစစ်အမှန်တပည့် ခုနစ်ဆယ့်နှစ်ယောက်ပင် တံတွေးများကို ခက်ခဲစွာ မြိုချနေကြလေသည်။</p> <p>သူတော်စင်သည် အပြင်ပန်းအားဖြင့် မည်သည့် စိတ်ဆင်းရဲမှု လက္ခဏာကိုမျှ မပြသသော်လည်း အကယ်၍ သူ၏ နှလုံးသားထဲတွင် လူသေးသေးလေး တစ်ယောက် ရှိနေပါက ထိုလူသေးသေးလေး သည် အကြောက်တရားကြောင့် ငိုကြွေးနေပြီဖြစ်ကြောင်း တစ်စုံတစ်ယောက် တွေ့ရှိပေလိမ့်မည်။</p> <p>"လက်တစ်ဖက်တည်းနဲ့ ဂျင် လေးသိန်းလေးသောင်း….။"</p> <p>"ရုပ်ခန္ဓာကိုယ်သန့်စင်ခြင်း ပဉ္စမအလွှာ တဲ့လား…။"</p> <p>"သူ အဲဒါကို ဘယ်လိုများ လုပ်ခဲ့တာလဲ…။"</p> <p>ဤကဲ့သို့သော လက်သီးချက်မျိုး သူ၏ ခန္ဓာကိုယ်ပေါ် ကျရောက်ပါက အကျိုးသက်ရောက်မှု မည်သို့ရှိ မည်ကို သူတော်စင်သည် စိတ်ကူးပင် မယဉ်ရဲချေ။</p> <p>သူ၏ တစ်ကိုယ်လုံး ညိုမည်းသွားနိုင်သည် သို့မဟုတ် နေရာအနှံ့ အပိုင်းပိုင်းအစစ ပြန့်ကျဲသွားနိုင်သည် မှာ မြေကြီးလက်ခတ်မလွဲပေ။</p> <p>အကြီးအကဲများ၏ တုံ့ပြန်မှုမှာ များစွာ ပိုမို ရိုးရှင်းပေသည်။</p> <p>သူတို့၏ စိတ်ခံစားမှုများကို တိုက်ရိုက် ဖော်ပြကာ တညီတညွတ်တည်း အားပေးကြွေးကြော်လိုက် ကြသည်။</p> <p>"ကောင်းတယ်....။"</p> <p>"နင်းဖန်က တကယ်ပဲ ငါတို့ဂိုဏ်းရဲ့ ချီလင်သားတော် ပဲ...."</p> <p>"လက်တစ်ဖက်တည်းအတွက် ဒီတန်ဖိုးနဲ့ဆိုရင် အမြင့်ဆုံး အခြေခံအုတ်မြစ် က လက်လှမ်းမီတဲ့ နေရာမှာ ရှိနေပြီ...။"</p> <p>"နင်းဖန် မသေသရွေ့ ငါတို့ဂိုဏ်းက နောက်ထပ် နှစ်ရာအနည်းငယ်အတွင်းမှာ နတ်ဘုရားကူးဖြတ်ခြင်း အင်အားကြီးသူ တစ်ယောက်ကို မွေးထုတ်နိုင်လောက်တယ်...။"</p> <p>"ဟင်း... ဂိုဏ်းက နတ်ဘုရားကူးဖြတ်ခြင်း အင်အားကြီးသူ တစ်ယောက်ကို နောက်ဆုံး ပြုစုပျိုးထောင်ခဲ့ တာက လွန်ခဲ့တဲ့ နှစ်သိန်းပေါင်းများစွာ ကတည်းကလေ...။"</p> <p>"ဒါပေမယ့် နင်းဖန်က သူ့ရဲ့ လက်ရှိ အဆင့်မှာ အစာချေဖျက်ခြင်း ရုပ်ခန္ဓာကိုယ် သန့်စင်ခြင်း နည်းစနစ် ရဲ့ အကန့်အသတ်ကို ရောက်သွားလောက်ပြီ...။ ကောင်းကင်နဲ့မြေကြီး ရတနာ တွေနဲ့ ဝိညာဉ်အပင်တွေ ရဲ့ ဆေးစွမ်းအင်တွေက တဖြည်းဖြည်း လျော့ကျသွားလိမ့်မယ်...။"</p> <p>"အဲဒီထက် ပိုမြင့်တဲ့ အဆင့်ရှိတဲ့ နတ်ဆိုးသားရဲ အသားတွေ မရှိဘူးဆိုရင်ပေါ့...။ အဲဒီလိုမှ မဟုတ်ရင် အခုလို ပြင်းပြင်းထန်ထန် ဆက်ပြီး တိုးတက်ဖို့က သူ့အတွက် ခက်ခဲလိမ့်မယ်...။"</p> <p>"တကယ်ပါပဲ...၊ နင်းဖန်က ရုပ်ခန္ဓာကိုယ်သန့်စင်ခြင်း အတွက် လမ်းကြောင်းသစ်တစ်ခုကို ရှာဖွေ သင့်တယ်...။"</p> <p>"ဆေးသန့်စင်သော သွေးကြောများ နွေးထွေးစေခြင်း၊ ဆေးလုံး အသား အာဟာရဖြစ်စေခြင်း၊ အရည် ပျော်နေသော မီး သွေးသစ္စာ၊ ရေအေး အရိုး သန့်စင်ခြင်း...။ ဒီအထဲက ဘယ်လောက်များ သူ အသုံးပြုခဲ့ ပြီးပြီလဲ...၊ အသင့်ရှိထားတဲ့ နည်းစနစ်တွေက အဲဒီမှာ ရှိနေတာပဲလေ...။"</p> <p>"နင်းဖန် နောက်တစ်ခု ဘာရွေးမလဲ ကြည့်ရအောင်...။"</p> <p>သူ့ကို ချီးကျူးနေစဉ်မှာပင် အကြီးအကဲများစွာသည် နင်းဖန်၏ နောက်ဆက်တွဲ ကျင့်ကြံခြင်း တိုးတက်မှု အတွက်ကိုလည်း စိုးရိမ်နေခဲ့ကြခြင်းပင်ဖြစ်လေသည်။</p> <p>မည်သို့ပင်ဆိုစေ ရုပ်ခန္ဓာကိုယ်သန့်စင်ခြင်း တတိယ၊ ဆဋ္ဌမ နှင့် နဝမ အလွှာများ အားလုံးတွင် ချိုးဖောက် ဝင်ရောက်မှုအပေါ် ရုပ်ပိုင်းဆိုင်ရာ အင်အား နှစ်ဆတိုးသည့် အကျိုးသက်ရောက်မှု ရှိကြသည်။</p> <p>ထို့ကြောင့် ဤနယ်မြေ သုံးခုတွင် ကျင့်ကြံခြင်းသည် အလွန် အရေးကြီးပေသည်။</p> <p>နင်းဖန်သည်လည်း ဤအချက်ကို သဘာဝကျစွာ သိရှိထား၏။</p> <p>သူသည် စောစောကတည်းက အစီအစဉ်များ ဆွဲထားပြီး ဖြစ်လေသည်။</p> <p>သိုင်းပညာ လေ့ကျင့်ရေးကွင်းမှ ထွက်ခွာပြီး ရိုးရှင်းသော နေ့လယ်စာ စားပြီးနောက် သူသည် ပျံသန်း သည့်လှေကို ယူကာ ဆေးဖက်ဝင်အပင်တစ်ရာတောင်ထိပ် သို့ ပြန်သွားခဲ့လေသည်။</p> <p>သို့သော် ဤတစ်ကြိမ်တွင် သူသည် ဆေးဥယျာဉ် သို့ မသွားခဲ့ချေ။</p> <p>ယင်းအစား ဆေးခန်းမ ဆီသို့ တည့်တည့် သွားခဲ့လေသည်။</p> <p>ဆေးဖက်ဝင်အပင်တစ်ရာတောင်ထိပ် တွင် တာဝန် သုံးခု ရှိလေသည်။ ဆေးသန့်စင်ခြင်း၊ ဝိညာဉ်အပင် များနှင့် ဆေးပညာ တာအို တို့ ဖြစ်ကြလေသည်။</p> <p>နောက်ဆုံး နှစ်ခုမှာ အရံတာဝန်များသာ ဖြစ်လေသည်။ ဆေးသန့်စင်ခြင်း သာလျှင် အဓိက တာဝန် ဖြစ်၏။</p> <p>၎င်းသည် ဆေးဖက်ဝင်အပင်တစ်ရာတောင်ထိပ် ကို အဝေးအထိ အမှန်တကယ် ကျော်ကြားစေသော အခြေခံအုတ်မြစ်လည်း ဖြစ်လေသည်။</p> <p>နင်းဖန်၏ ယခု ခရီးစဉ်မှာ ကျင့်ကြံခြင်း ဆေးလုံးများ ကို ရှာဖွေရန်နှင့် ရုပ်ခန္ဓာကိုယ်သန့်စင်ခြင်း ဆဋ္ဌမ အလွှာ ဆီသို့ အားယူရန် ဆေးလုံး အသား အာဟာရဖြစ်စေခြင်း နည်းစနစ် ကို အသုံးပြုရန် ဖြစ်သည်။</p> <p> </p> <p> </p> <p style="text-align: center;">***</p>


Save