Book List

<h2 style="text-align: center;">အခန်း (၆၃)</h2> <h2 style="text-align: center;">ရွှေရောင် အရည်အသွေး ဆုလာဘ်၊ အကြိမ်တစ်ရာ သန့်စင်ပြီးနောက် ဆေးလုံး ဖြစ်တည်ခြင်း</h2> <h2 style="text-align: center;">*</h2> <p> </p> <p> </p> <p>စစ်ဆေးမှု တာဝန်များသည် စနစ်၏ တာဝန်များထဲတွင် အရိုးရှင်းဆုံး ဖြစ်လေသည်။</p> <p>ခက်ခဲမှု နည်းပါးရုံသာမက ဆုလာဘ်များလည်း များပြားပေသည်။</p> <p>ထို့ကြောင့် နင်းဖန်သည် တုံ့ဆိုင်းမနေတော့ဘဲ ချက်ချင်း စတင် ပြေးလွှားကာ အဆောက်အအုံ၏ အပေါ်ဆုံးထပ်သို့ တည့်တည့်မတ်မတ် ဦးတည်သွားခဲ့လေတော့သည်။</p> <p>သူ၏ လက်ရှိ ရုပ်ခန္ဓာကိုယ်သန့်စင်ခြင်း ပဉ္စမအလွှာ ကျင့်ကြံမှုဖြင့် သူ၏ အမြန်နှုန်းမှာ ယုံကြည်နိုင်စရာ မရှိလောက်အောင် မြန်ဆန်နေခဲ့လေ၏။</p> <p>လှုပ်ရှားမှု တစ်ခုတည်းဖြင့် သူ၏ တစ်ကိုယ်လုံးသည် ပုံရိပ်ယောင်တစ်ခုအဖြစ် ပြောင်းလဲသွားခဲ့သည်။</p> <p>သူ ရှေ့သို့ ပြေးနေစဉ် ချုံးချီလေး သည် သူ့နောက်မှ လိုက်လာခဲ့လေသည်။</p> <p>၎င်း၏ စုတ်ပြဲနေသော အတောင်ပံလေးများသည် အပြင်းအထန် ခတ်နေသဖြင့် ပျက်စီးလုနီးပါး ဖြစ်နေခဲ့၏။</p> <p>ကောင်းကင်ယံရှိ ချီလဲ့ကွမ် သည် ချွေးများ ရွှဲနစ်နေပြီး ဇဝေဇဝါ ဖြစ်နေခဲ့သည်။</p> <p>" နင်းဖန်ရဲ့ လမ်းကြောင်းက ဂျူနီယာညီလေးရှောင် ရဲ့ ကျင့်ကြံခြင်း ဆေးလုံးတွေ ဘယ်မှာ သိမ်းထား လဲဆိုတာကို အတိအကျ သိနေတဲ့အတိုင်း ဘာလို့ ဖြစ်နေရတာလဲ….။"</p> <p>ရှောင်ချာ သည်လည်း အံ့အားသင့်သွားပြီး စွန်းချီယွမ် ၏ လက်စွဲစာအုပ်တွင် သူ၏ ကျင့်ကြံခြင်း ဆေးလုံးများ သိမ်းဆည်းထားသည့် နေရာကို ဖော်ပြထားသော စာကြောင်းတစ်ကြောင်းများ ပါနေ သလားဟုပင် တွေးတောနေခဲ့မိလေသည်။</p> <p>ထိုနှစ်ဦး တွေးတောနေစဉ် အောက်ဘက်ရှိ နင်းဖန်သည် ထိပ်ဆုံးထပ်သို့ အောင်မြင်စွာ ရောက်ရှိသွားခဲ့ လေသည်။</p> <p>[ဒင်... စစ်ဆေးမှု တာဝန် ပြီးဆုံးပါပြီ...၊ ဆုလာဘ်များ ထုတ်ပေးလိုက်ပါပြီ...။]</p> <p>သာယာသော စနစ် အသိပေးချက်တစ်ခု ထွက်ပေါ်လာပြီးနောက် ထူးခြားသော ပုံစံရှိသည့် စက္ကူကူပွန် တစ်ခုသည် စနစ် နေရာလွတ် အတွင်းသို့ ဝင်ရောက်လာခဲ့လေသည်။</p> <p>နင်းဖန်သည် လောလောဆယ် ၎င်းကို လျစ်လျူရှုထားလိုက်လေသည်။</p> <p>သူ ယခုလေးတင် တက်လာခဲ့သော လှေကားအဝင်ဝတွင် ရပ်ကာ ရှေ့သို့ တွေဝေစွာ စိုက်ကြည့်နေမိ ခဲ့သည်။</p> <p>စနစ်က ဤအချိန်တွင် သူ့အား ဝင်္ကပါဖျက်ဆီးခြင်း လက်မှတ် ကို အဘယ်ကြောင့် ဆုချခဲ့ကြောင်း သူ နောက်ဆုံးတွင် နားလည်သွားခဲ့လေသည်။</p> <p>သူ့မျက်စိရှေ့တွင် ကျယ်ပြောလှသော နဝမထပ် တစ်ခုလုံးကို ဝင်္ကပါ များဖြင့် လုံးဝ ဖုံးလွှမ်းထားလေ ၏။</p> <p>ဤဝင်္ကပါ များသည် တစ်ကြောင်းပြီးတစ်ကြောင်း ခရမ်းရောင် အလင်းတန်းများဖြင့် တောက်ပနေကာ ရှေ့တွင် ယှက်နွယ်ယက်လုပ်ထားပြီး ရှေ့ဆက်သွားမည့် လမ်းကို ပိတ်ဆို့ထားသည်ပင်။</p> <p>သူ၏ အကြည့်များက ဤဝင်္ကပါ အလင်းတန်းများ၏ အတားအဆီးကို ဖြတ်သန်းသွားသောအခါ လေထဲတွင် လွင့်မျောနေသော အမျိုးမျိုးသော ကျင့်ကြံခြင်း ဆေးလုံးများ ကို သူ ရှင်းလင်းစွာ မြင်တွေ့နိုင်ပေသည်။</p> <p>ထောင်ပေါင်းများစွာ ရှိနေခဲ့သည်။</p> <p>တစ်ခုစီတိုင်းသည် ပြီးပြည့်စုံသော အဝိုင်းပုံသဏ္ဌာန်ရှိပြီး ဖောက်ထွင်းမြင်နိုင်ကာ ထူထဲသော ဆေးရနံ့ ကို ထုတ်လွှတ်နေခဲ့သည်။</p> <p>အထူးသဖြင့် အမြင့်ဆုံး နေရာတွင် အခြားအရာများ အားလုံးကို ဖိနှိပ်ကာ ဘုရင်များကဲ့သို့ လွင့်မျော နေသော ကျင့်ကြံခြင်း ဆေးလုံး အချို့ ရှိနေခဲ့သည်။</p> <p>"ဒါတွေက... နဝမအဆင့် သူတော်စင်အဆင့် ဆေးလုံး တွေများလား...။"</p> <p>နင်းဖန်၏ မျက်လုံးသူငယ်အိမ်များ ကျုံ့သွားခဲ့သည်။</p> <p>ယခင်က ဆေးဖက်ဝင် အပင်များအကြောင်း သင်ယူနေစဉ် ဤကမ္ဘာရှိ ကျင့်ကြံခြင်း ဆေးလုံးများ ၏ အဆင့်သတ်မှတ်ချက်ကို သူ နားလည်ပြီးသား ဖြစ်သည်။</p> <p>ယခု သူ၏ တောက်ပသော ဆေး နှလုံးသား ပါရမီကို အားကိုးကာ အမြင့်ဆုံး နေရာတွင် လွင့်မျော နေသော ကျင့်ကြံခြင်း ဆေးလုံးများ ၏ အဆင့်ကို သူ ချက်ချင်း မှတ်မိသွားခဲ့ခြင်းဖြစ်သည်။</p> <p>၎င်းတို့သည် သေချာပေါက် နဝမအဆင့် သူတော်စင်အဆင့် ဆေးလုံး များ ဖြစ်ကြသည်။</p> <p>ကမ္ဘာကြီး တစ်ခုလုံးတွင်ပင် ၎င်းတို့သည် ထိပ်တန်းအဆင့် တည်ရှိမှုများ ဖြစ်ကြပေသည်။</p> <p>"နဝမအဆင့် သူတော်စင်အဆင့် ဆေးလုံး တွေ အများကြီးကို ဂိုဏ်းထဲမှာ ဒီအတိုင်း ထားခဲ့တာလား...။"</p> <p>နင်းဖန်သည် တံတွေးများကို ခက်ခဲစွာ မြိုချလိုက်လေသည်။</p> <p>သူ ဆေးခန်းမ သို့ လာလျှင်ပင် အများဆုံး အကြွင်းအကျန် အချို့ကိုသာ ကောက်ယူနိုင်မည်ဟု သူ ယခင် က ထင်ခဲ့ဖူးလေသည်။</p> <p>မည်သို့ပင်ဆိုစေ ဤကမ္ဘာတွင် သိုလှောင်လက်စွပ် ကဲ့သို့သော ပစ္စည်းများလည်း ရှိပေသည်။</p> <p>"လက်တစ်ချက် ဝှေ့ယမ်းလိုက်ရုံနဲ့ ကျင့်ကြံခြင်း ဆေးလုံးတွေ အားလုံးကို စုဆောင်းနိုင်တယ်လေ ။ ဆေးခန်းမ က အကြီးအကဲရှောင် က မထွက်ခွာခင် ဒါတွေအားလုံးကို မယူသွားခဲ့ဘူးလား…။"</p> <p>၎င်းတို့ကို အမှန်တကယ် မယူသွားခဲ့ဟု သူ မမျှော်လင့်ထားခဲ့ချေ။</p> <p>"ဟုတ်တယ်... ဂိုဏ်းကြီးတွေက လူတွေက များသောအားဖြင့် တန်ဖိုးကြီးတဲ့ ပစ္စည်းတွေကို သူတို့နဲ့ အတူ သယ်သွားလေ့မရှိဘူးလို့ ငါ ကြားဖူးတယ်...။ အဲ့ဒါကြောင့်များ ဖြစ်နေမလား...။"</p> <p>နင်းဖန် ရုတ်တရက် စိတ်လှုပ်ရှားသွားခဲ့လေသည်။</p> <p>သူ ဂိုဏ်းသို့ ပထမဆုံး ဝင်ရောက်စဉ်က အပြင်စည်း စီနီယာအစ်ကို တစ်ယောက်ထံမှ ကြားခဲ့ရသော သတိပေးချက်ကို သူ သတိရသွားလေသည်။</p> <p>"အကယ်၍ မင်း ခရီးထွက်မယ်ဆိုရင် မင်းရဲ့ အဖိုးတန် ရတနာတွေကို မင်းရဲ့ မသေမျိုး လိုဏ်ဂူ ထဲမှာ ထားခဲ့ဖို့ မှတ်ထားပါ...။ စိတ်ချပါ ဂိုဏ်းက မင်းရဲ့ အနည်းငယ်သော ပစ္စည်းလေးတွေကို ဂရုမစိုက်ပါဘူး ဒါပေမယ့် မင်း ဆိုးယုတ်တဲ့ ကျင့်ကြံသူ တစ်ယောက်နဲ့ တွေ့ရင် အဲဒါက မင်းရဲ့ အသက်ကို ကယ်တင် နိုင်တယ်...။"</p> <p>ထိုအချိန်က နင်းဖန်သည် အနည်းငယ် ဇဝေဇဝါ ဖြစ်နေခဲ့သည်။</p> <p>သူ၏ အမြင်တွင် အကယ်၍ သူသည် ကြီးမားသော ရတနာတစ်ခုကို ကိုင်ဆောင်ထားပါက ၎င်းကို သူနှင့်အတူ သယ်ဆောင်သွားခြင်းဖြင့် သေချာပေါက် ပိုမို စိတ်အေးချမ်းသာစွာ ရှိပေလိမ့်မည်။</p> <p>ထိုအရာကို ဂိုဏ်းတွင် သူ မည်ကဲ့သို့ ထားခဲ့နိုင်ပါမည်နည်း…။</p> <p>ထို အပြင်စည်း စီနီယာအစ်ကို ၏ စိတ်ရှည်ရှည် ရှင်းပြချက်ကို ကြားပြီးမှသာ သူ နားလည်သွားခဲ့သည်။</p> <p>အကြောင်းရင်းမှာ အလွန် ရိုးရှင်းပေသည်။</p> <p>ထိပ်တန်း အင်အားစုများတွင် ပြီးပြည့်စုံသော ဝင်္ကပါ များ ရှိပြီး သူတို့၏ နယ်မြေများမှာ ကျွမ်းကျင်သူ များဖြင့် ပြည့်နှက်နေကာ လုံးဝ လုံခြုံမှုကို ပေးစွမ်းနေသည်။</p> <p>အဖိုးတန် ပစ္စည်းများကို ဂိုဏ်းအတွင်း ထားရှိခြင်းက သူတို့၏ လုံခြုံရေးကို မေးခွန်းထုတ်စရာ မလို အောင် မြင့်မားစေသည်ပင်။</p> <p>ဆန့်ကျင်ဘက်အားဖြင့် အကယ်၍ ၎င်းတို့ကို သယ်ဆောင်သွားပါက အပြင်ဘက်တွင် လေ့ကျင့်နေစဉ် မတော်တဆမှုတစ်ခု ဖြစ်ပွားပါက အရာအားလုံး ဆုံးရှုံးသွားမည်သာ ဖြစ်လေသည်။</p> <p>မည်သို့ပင်ဆိုစေ အပြင်ကမ္ဘာတွင် ဂိုဏ်း၏ အဆက်မပြတ် ကာကွယ်မှု မရှိချေ။</p> <p>ထို့ပြင် ထိပ်တန်း ဂိုဏ်းများ၏ ဂုဏ်သတင်းကြောင့် မကြောက်မရွံ့သော လူဆိုး အချို့ အမြဲတမ်း ရှိနေ တတ်သည်။</p> <p>သတ်ဖြတ်ခြင်းနှင့် လုယက်ခြင်းမှာ တစ်ကဏ္ဍဖြစ်သော်လည်း အကြောက်ရဆုံးမှာ ပြိုင်ဘက်က ရတနာကိုသာ ခိုးယူပြီး လူကို မသတ်ခြင်းပင် ၎င်းမှာ အသတ်ခံရခြင်းထက် ပို၍ပင် နာကျင်ရပေ လိမ့်မည်။</p> <p>ထို့ကြောင့် ဂိုဏ်းကြီးများမှ တပည့်များ အပြင်ထွက်သောအခါ အများစုသည် သူတို့၏ အဖိုးတန် ပစ္စည်းများကို အတွင်းစည်း တွင် ထားခဲ့ကြခြင်းဖြစ်လေသည်။</p> <p>ဤနည်းဖြင့် အကယ်၍ အပြင်ဘက်တွင် တစ်ခုခု အမှန်တကယ် ဖြစ်ပွားပါက သူတို့သည် သူတို့၏ လက်များကို ဖြန့်ကာ ရိုးသားစွာ ပြုမူနိုင်ပေသည်။</p> <p>"ကြည့်... ငါ့ရဲ့ သိုလက်စွပ် က အမှိုက်တွေနဲ့ ပြည့်နေတာ ပြီးတော့ ငါ့နောက်မှာ ထိပ်တန်း အင်အားစု တစ်ခု ရှိတယ်...။ ဒီအမှိုက်တွေကို ခိုးဖို့အတွက် မင်းက တကယ်ပဲ ငါ့ကို စော်ကားပြီး ငါ့နောက်က အင်အားစုနဲ့ ရန်သူ ဖြစ်တော့မလို့လား...။"</p> <p>များသောအားဖြင့် ဤသည်ကို ကြားပြီးနောက် တစ်ဖက်လူသည် သူတို့၏ ကံဆိုးမှုကို ကျိန်ဆဲကာ ထွက်ခွာသွားကြလေ့ ရှိ၏။</p> <p>ယခုအချိန်အထိပင် လူသတ်ခြင်းနှင့် လုယက်ခြင်းကို အထူးပြုသော ထို ဆိုးယုတ်သည့် ကျင့်ကြံသူ များသည် ဂိုဏ်းကြီးများမှ တပည့်များကို ပစ်မှတ်ထားရန် အလွန် ဝန်လေးကြလေသည်။</p> <p>ယင်းအစား လွတ်လပ်သော ကျင့်ကြံသူများနှင့် အလယ်အလတ် ဂိုဏ်းငယ်များမှ တပည့်များသည် သူတို့၏ သားကောင်များ ဖြစ်ကြရလေသည်။</p> <p>ဤလွတ်လပ်သော ကျင့်ကြံသူများသည် အိုးမဲ့အိမ်မဲ့များဖြစ်ပြီး သူတို့၏ ပိုင်ဆိုင်မှု အားလုံးမှာ သူတို့၏ သိုလှောင်လက်စွပ် များထဲတွင် ရှိပေသည်။</p> <p>အလယ်အလတ် ဂိုဏ်းငယ်များမှ တပည့်များသည် သံသယများကြသည် အဘယ်ကြောင့်ဆိုသော် သူတို့နောက်ကွယ်ရှိ အင်အားစုများမှာ အာဏာမရှိသောကြောင့်ဖြစ်ပြီး ပစ္စည်းများကို ထိုနေရာတွင် ထားခဲ့ပါက အလွဲသုံးစားလုပ်ခံရမည်ကို အမြဲတမ်း စိုးရိမ်နေကြသောကြောင့်ပင်။</p> <p>ထို့ကြောင့် သူတို့သည် စိတ်အေးချမ်းသာမှု ရရှိရန် ၎င်းတို့ကို များသောအားဖြင့် ကိုယ်တိုင် သယ်ဆောင် ရန် ရွေးချယ်ခဲ့ကြလေသည်။</p> <p>ထို့အပြင် ဤလူများသည် အဆီဝင်းနေသော သိုးများ ဖြစ်ကြသည်။</p> <p>နင်းဖန်သည် သူ၏ မေးစေ့ကို ပွတ်သပ်လိုက်ရာ နောက်ထပ် သံသယ အနည်းငယ် သူ၏ စိတ်ထဲတွင် ပေါ်လာခဲ့သည်။</p> <p>"အဲဒါလည်း မမှန်သေးဘူး...၊ အခု ဂိုဏ်းတစ်ခုလုံး ထွက်ခွာသွားပြီ ပြီးတော့ ဂိုဏ်းကို စောင့်ကြပ်နေတဲ့ ကျွမ်းကျင်သူတွေလည်း မရှိတော့ဘူး...။ တန်ဖိုးကြီးတဲ့ ပစ္စည်းတွေကို ယူသွားသင့်တာပေါ့...။"</p> <p>"သူတို့က နဝမအဆင့် သူတော်စင်အဆင့် ဆေးလုံး တွေကို ယူဖို့တောင် အချိန်မရခဲ့ဘူး...။ သူတို့ ဘယ်လို အခြေအနေမျိုးနဲ့ ကြုံတွေ့ခဲ့ရတာလဲ...။"</p> <p>"ဒါမှမဟုတ် ဂိုဏ်းတစ်ခုလုံးက သူတို့ဆန္ဒအလျောက် ထွက်သွားတာ မဟုတ်ဘဲ သူတို့ဖာသာ ပျောက်ကွယ်သွားတာများလား...။"</p> <p>သူ၏ ခေါင်းမှာ ဇဝေဇဝါဖြစ်မှုများဖြင့် ပြည့်နှက်နေပြီး ဂိုဏ်းတစ်ခုလုံး ပျောက်ကွယ်သွားခြင်းမှာ သူ တွေးလေလေ ပို၍ ကြောက်စရာကောင်းလေလေ ဖြစ်သည်ဟု ခံစားလိုက်ရလေသည်။</p> <p>သို့သော် စက္ကန့်အနည်းငယ်အကြာတွင် သူသည် ကိုယ့်ကိုယ်ကိုယ် လှောင်ပြောင်စွာ ခေါင်းခါလိုက် လေသည်။</p> <p>"ဘာလို့ အများကြီး တွေးနေမှာလဲ...၊ ဒီကမ္ဘာကြီးက ဘာပဲဖြစ်ဖြစ် သုံးနှစ်အတွင်း ပြီးဆုံးတော့မှာလေ။ သူတို့ သွားချင်တဲ့နေရာ သွားလို့ ရပါတယ်...။ ငါ့ရဲ့ ဦးစားပေးက အသက်ရှင်ဖို့အတွက် မြန်မြန် ကျင့်ကြံ ဖို့ပဲ...။"</p> <p>နင်းဖန်၏ စိတ်မှာ ရှင်းလင်းသွားပြီး သူ၏ အတွေးများမှာ ချောမွေ့သွားခဲ့သည်။</p> <p>စနစ်က ယခုလေးတင် ဆုချထားသော ဝင်္ကပါဖျက်ဆီးခြင်း လက်မှတ် ကို သူ တန်း၍ အသုံးပြုလိုက် လေသည်။</p> <p>မျက်စိတစ်မှိတ်အတွင်း သူ့ရှေ့ရှိ ဝင်္ကပါ အလင်းတန်းများ အားလုံး ပျောက်ကွယ်သွားခဲ့တော့၏။</p> <p>သူ ကျေနပ်စွာ ပြုံးလိုက်ပြီး အတွင်းသို့ လျှောက်လှမ်းဝင်သွားခဲ့သည်...။</p> <p>တစ်ချိန်တည်းမှာပင်…၊</p> <p>လျှို့ဝှက်နယ်မြေ အတွင်း၌….၊</p> <p>ရှောင်ချာ ၏ တည်ငြိမ်သော အမူအရာမှာ ချက်ချင်း ပျောက်ကွယ်သွားပြီး သူ၏ မျက်လုံးများ ပြူးကျယ်သွားကာ အော်ပြောလိုက်လေသည်။</p> <p>"ဒါ... ဒါ... ဒါက... ဘာတွေဖြစ်နေတာလဲ...။"</p> <p>ဝင်္ကပါ များ ပျောက်ကွယ်သွားခဲ့လေပြီ။</p> <p>ဆိုလိုသည်မှာ သူ သန့်စင်ခဲ့သော ကျင့်ကြံခြင်း ဆေးလုံးများ အားလုံးကို ထိုကလေး နင်းဖန်က အမှန် တကယ်ပင် စိတ်ကြိုက် ယူသွားနိုင်ပြီပင် မဟုတ်ပါလော။</p> <p>သူ့ဘေးတွင်ရှိနေသော ရွှီယိုဝေသည် နေရာမှာပင် အသံကျယ်ကျယ်ဖြင့် ရယ်မောလိုက်သည်။</p> <p>"ဂျူနီယာညီလေးရှောင်... အိုး ဂျူနီယာညီလေးရှောင်..."</p> <p>"အခုတော့ အရမ်း ကောင်းသွားပြီ ဝင်္ကပါတွေ ပျက်သွားပြီ...။ မင်း အရင်က ပြောခဲ့တာတွေ အခုထိ အကျုံးဝင်သေးလား မသိဘူးနော်...။"</p> <p>"တကယ်လို့များ နင်းဖန်က မင်းရဲ့ နဝမအဆင့် သူတော်စင်အဆင့် ဆေးလုံး ကို စားမယ်ဆိုရင် မင်း ဂိုဏ်းချုပ်ဆီ ထပ်ပြီး သွားမငိုတော့ဘူး မဟုတ်လား...။"</p> <p>ဤစကားကို သူ ပြောလိုက်သည်နှင့် ရှောင်ချာ ၏ နှလုံးသားကို ဓားဖြင့် ထိုးလိုက်သကဲ့သို့ ဖြစ်သွားခဲ့ လေသည်။</p> <p>နောက်ဆုံးသူ၏ မျက်နှာမှာ နီရဲသွားပြီး အချိန်အတော်ကြာပြီးနောက် ဝါကျတစ်ကြောင်းကို မကျေ မချမ်း ညှစ်ထုတ်လိုက်သည်။</p> <p>"ငါ... ငါက သဘာဝကျကျပဲ ငါ့စကားကို တည်ပါတယ်...။ နင်းဖန်က အဲဒီ နဂါး၊ ဆင် အရိုး သန့်စင်ခြင်း ဆေးလုံး ကို စားတော့ရော ဘာဖြစ်လဲ...။ သူက ငါတို့ဂိုဏ်းရဲ့ တပည့်ခေါင်းဆောင် ပဲလေ...။ သူ့ကို မစားခိုင်းရင် တခြား ဘယ်သူ့ကို စားခိုင်းရမှာလဲ...။"</p> <p>"ဟားဟား... ဒါဆို မင်းရဲ့ သန့်စင်ထားတဲ့ ဆေးလုံး အသုံးဝင်သွားပြီး တပည့်ခေါင်းဆောင် နင်း မျိုချခံရ မယ့်အကြောင်း ဂျူနီယာညီလေးရှောင်ကို ငါ ကြိုပြီး ဂုဏ်ပြုလိုက်မယ်နော်...။"</p> <p>ရွှီယိုဝေက ရယ်မောကာ လက်အုပ်ချီလိုက်လေသည်။</p> <p>ဂိုဏ်းချုပ်သည် အကူအညီမဲ့စွာဖြင့် သူ၏ နဖူးကို အုပ်ထားလိုက်လေတော့သည်။</p> <p>"ဒီဂျူနီယာညီလေးရွှီ က တကယ်ကို အပြောအဆို ထက်မြက်တာပဲ... ။"</p> <p>အခြားအကြီးအကဲများမှာလည်း မျက်ခွံများ လှုပ်နေကြပြီး ရွှီယိုဝေနှင့် အနည်းငယ် ပိုဝေးသော နေရာ သို့ တိတ်ဆိတ်စွာ ရွှေ့သွားကြလေသည်...။</p> <p>အောက်ဘက်တွင်…၊</p> <p>နင်းဖန်သည် အဆောက်အအုံအတွင်း လမ်းလျှောက်နေခဲ့သည်။</p> <p>မကြာမီမှာပင် ထို နဝမအဆင့် သူတော်စင်အဆင့် ဆေးလုံး ကို သူ ရှာတွေ့သွားခဲ့လေသည်။</p> <p>"နဂါး၊ ဆင် အရိုး သန့်စင်ခြင်း ဆေးလုံး...၊ အဲဒါက တကယ်ပဲ ရုပ်ခန္ဓာကိုယ်သန့်စင်ခြင်း အဆင့် ဆေးလုံးပဲ...။"</p> <p>သူသည် ဆေးလုံးအောက်တွင် ရပ်နေပြီး ရောယှက်နေသော နဂါးပုံစံများနှင့် ဆင်ပုံသဏ္ဌာန် တိမ်တိုက် ပုံစံများ ပါရှိပုံရသော ဆေးလုံးသည် အလိုအလျောက် ဆင်းသက်လာကာ သူ၏ လက်ထဲသို့ ကျရောက် လာခဲ့လေ​သည်။</p> <p>တစ်ချိန်တည်းမှာပင် သတင်းအချက်အလက် လှိုင်းများသည် သူ၏ အသိစိတ် ပင်လယ် အတွင်းသို့ ဝင်ရောက်လာခဲ့လေသည်။</p> <p>ဤဆေးလုံးနှင့် ပတ်သက်သည့် အချက်အလက်များကို သူ့အား သိရှိစေခဲ့သည်။</p> <p>ဤဆေးလုံးတွင် ရှေးဟောင်း နဂါးဆင် ဝိညာဉ် တစ်မျှင် ပါဝင်သောကြောင့် ၎င်းကို "နဂါး ဆင်" ဟု အမည်ပေးထားခြင်း ဖြစ်သည်။ စားသုံးပြီးနောက် ၎င်းသည် ရုပ်ခန္ဓာကိုယ်သန့်စင်ခြင်း အဆင့် ကျင့်ကြံ သူ၏ ရုပ်ခန္ဓာကိုယ် ကို သိသိသာသာ သန်မာစေနိုင်ပြီး အရိုးသိပ်သည်းဆကို အဆတစ်ရာ တိုးစေကာ သွေးကြောများကို မြစ်များကဲ့သို့ ကျယ်စေပြီး ချီ နှင့် သွေးများကို ငယ်ရွယ်သော နဂါးဆင် တစ်ကောင် ကဲ့သို့ အားကောင်းစေနိုင်သည်မှာ သေချာပါသည်။</p> <p>၎င်းမှာ လုံးဝ ရှားပါးသော ရုပ်ခန္ဓာကိုယ်သန့်စင်ခြင်း ကျင့်ကြံခြင်း ဆေးလုံး တစ်လုံး ဖြစ်ပေသည်။</p> <p>နင်းဖန် အလွန် ကျေနပ်သွားခဲ့လေသည်။ ကျင့်ကြံရန်အတွက် ဤဆေးလုံးကို စားသုံးရန် သူ ဆုံးဖြတ် လိုက်ချိန်မှာပင် သူ၏ စိတ်ထဲတွင် စနစ်၏ အသံ ရုတ်တရက် နောက်တစ်ကြိမ် ထွက်ပေါ်လာခဲ့သည်။</p> <p>[ဒင်... ပိုင်ရှင်ဟာ ဆေးလုံး အများအပြားရဲ့ ဝန်းရံခြင်းကို ခံနေရကြောင်း တွေ့ရှိပါသည်...။ အထူး ရွှေရောင် အရည်အသွေး ဆုလာဘ် အကြိမ်တစ်ရာ သန့်စင်ပြီးနောက် ဆေးလုံးဖြစ်တည်ခြင်း ကို အစပျိုးလိုက်ပါသည်...။]</p> <p>[အကြိမ်တစ်ရာ သန့်စင်ပြီးနောက် ဆေးလုံးဖြစ်တည်ခြင်း - အဆင့် ကန့်သတ်ချက် မရှိပါ...။ သင်၏ အကြိမ်တစ်ရာမြောက် ဆေးသန့်စင်ခြင်း ကြိုးပမ်းမှုတွင် ဆေးလုံးတစ်လုံး သေချာပေါက် ဖြစ်တည် လာပါလိမ့်မည်...။]</p> <p>"ဘာ..."</p> <p>စနစ်ထံမှ နောက်ဆုံး ပါရမီ ဖော်ပြချက်ကို ကြားသောအခါ နင်းဖန်သည် မတုန်ယင်ဘဲ မနေနိုင်တော့ဘဲ နဂါး ဆင် အရိုး သန့်စင်ခြင်း ဆေးလုံး ကို ကိုင်ထားသော သူ၏ လက်မှာ ဖြည်းညင်းစွာ ကျဆင်းသွား လေတော့သည်။</p> <p> </p> <p> </p> <p style="text-align: center;">***</p>


Save