Book List

<h2 style="text-align: center;">အခန်း (၆၆)</h2> <h2 style="text-align: center;">ရှောင်ချာ... နင်းဖန်က ဒသမအဆင့် နတ်ဘုရားအဆင့် ဆေးလုံး ကို</h2> <h2 style="text-align: center;">သန့်စင်နိုင်မယ်ဆိုတာ ငါ သေချာတယ်</h2> <h2 style="text-align: center;">*</h2> <p> </p> <p> </p> <p>နင်းဖန် ပစ္စည်းများကို စစ်ဆေးကာ အခြား ပြင်ဆင်မှု အဆင့်များကို လုပ်ဆောင်နေစဉ် ထိုက်ရီအကြွင်း အကျန်နယ်မြေ အတွင်းရှိ အကြီးအကဲများသည် သူတို့ ကြည့်လေလေ ပို၍ ဇဝေဇဝါ ဖြစ်လာလေလေ ပင် ဖြစ်သည်။</p> <p>"နင်းဖန် က တကယ်တမ်း ဘာလုပ်နေတာလဲ...။"</p> <p>"ပထမ သူက အထပ်တစ်ခုလုံးကို မွှေနှောက်ရှာဖွေတယ်...။ ဆေးညွှန်း တစ်ခုကို တွေ့ပြီးနောက် သူက သိုလှောင်ရုံထဲကို ပြေးဝင်သွားတယ်...။ သူက ဆေးလုံးသန့်စင်ချင်နေတာတော့ မဟုတ်လောက်ပါဘူး နော်...။"</p> <p>"ဘာလို့ ဒုက္ခခံနေမှာလဲ...၊ ဆေးခန်းမ မှာ ကျင့်ကြံခြင်း ဆေးလုံးများ အပြည့်ပဲလေ...။ သူက အဋ္ဌမ အဆင့် ကောင်းကင်ဘုံအဆင့် ဆေးလုံး တွေကို သကြားလုံးတွေလို စားချင်တယ်ဆိုရင်တောင် ဂျူနီယာ ညီလေးရှောင် က သူ့ကို ဘယ်တော့မှ နှမြောနေမှာ မဟုတ်ဘူးလေ...။"</p> <p>"အဲဒါ ဟုတ်တယ်မလား ဂျူနီယာညီလေးရှောင်...။"</p> <p>အားလုံး ပေါ့ပါးစွာ စကားပြောနေစဉ် ရွှီယိုဝေသည် နောက်တစ်ကြိမ် မထိန်းချုပ်နိုင်တော့ဘဲ သူ၏ ထုံးစံအတိုင်း လျှာသွက်မှုဖြင့် ရှောင်ချာ ကို စကားဝိုင်းထဲသို့ ဆွဲသွင်းလိုက်ပြန်လေသည်။</p> <p>နင်းဖန် နဂါး ဆင် အရိုး သန့်စင်ခြင်း ဆေးလုံး ကို လက်လျှော့လိုက်ကတည်းက နောက်ဆုံးလူ၏ စိတ်အခြေအနေမှာ အလွန် ကောင်းမွန်နေခဲ့သည်။</p> <p>သို့သော် ရွှီယိုဝေ၏ မှတ်ချက်ကို ကြားသောအခါ သူ၏ မျက်ခွံများ ထိန်းမရသိမ်းမရ တုန်ယင်သွားခဲ့ ပြန်လေသည်။</p> <p>လီချန်မင် က အခြေအနေကို ပြေလည်အောင် လုပ်ရန် ဝင်ပြောလိုက်လေသည်။</p> <p>"ဂျူနီယာညီလေးရှောင် က စိတ်မကောင်းဖြစ်မှာ မဟုတ်တာ သေချာပါတယ်...၊ အဓိက မေးခွန်းက နင်းဖန် ဘာလုပ်နေလဲ ဆိုတာပဲ...။"</p> <p>ဝါကျ၏ ဒုတိယတစ်ဝက်ကို သူ အလေးပေး ပြောလိုက်သည်။</p> <p>၎င်းမှာ ရွှီယိုဝေကို ကိုယ့်ကိုယ်ကိုယ် ထိန်းချုပ်ရန် တမင်တကာ သတိပေးချက်တစ်ခုပင် ဖြစ်သည်။</p> <p>တစ်နေကုန် ပါးစပ်ဖောင်လွှတ်ပြီး ညီအစ်ကိုများ၏ အားနည်းချက်များကို ထိုးဆွရသည်ကို ပျော်ရွှင် နေသည်ပင်။ သူ တောင်ပေါ်က ဆင်းသည်နဲ့ တစ်ချိန်မဟုတ် တစ်ချိန် နုပ်နုပ်စဉ်းခံရပေလိမ့်မည်။</p> <p>ရွှီယိုဝေသည် အရိပ်အမြွက်ကို နားလည်သွားပြီး နာခံစွာ တိတ်ဆိတ်သွားခဲ့လေသည်။</p> <p>သူ နှုတ်ခမ်းကို စေ့ထားပြီး ဘာမှ ထပ်မပြောတော့ချေ။</p> <p>ဂိုဏ်းချုပ် ဖေ့ချင်းယွီသည် ထိုမြင်ကွင်းကြောင့် အကူအညီမဲ့စွာ သက်ပြင်းချလိုက်လေသည်။</p> <p>ထို့နောက် သူ၏ အကြည့်များက အောက်ဘက်ရှိ ဆေးခန်းမ ပေါ်သို့ ကျရောက်သွားပြီး အသံကျယ် ကျယ်ဖြင့် မေးလိုက်လေသည်။</p> <p>"ဂျူနီယာညီလေးရှောင်... အဲဒီ ရွှေရောင် ကျောက်စိမ်းပြား ထဲမှာ ဘယ် ဆေးညွှန်း ကို မှတ်တမ်း တင်ထားလဲဆိုတာ မင်း ပြောနိုင်မလား...။"</p> <p>ရွှီယိုဝေကို တိတ်တဆိတ် စိုက်ကြည့်နေသော ရှောင်ချာ သည် ချက်ချင်း ကိုယ်နေဟန်ထားကို ပြင်လိုက်ပြီး လက်နှစ်ဖက်ကိုစုပ်ကိုင်မြှောက်လျက် ရိုသေစွာပြောလိုက်လေသည်။</p> <p>"စီနီယာအစ်ကိုဂိုဏ်းချုပ်ကို သတင်းပို့ပါတယ်...။ အကြောင်းအရာတွေကို ကျောက်စိမ်းပြား ရဲ့ အပြင် ဘက်ကနေ ကြည့်ရုံနဲ့ အကဲဖြတ်လို့ မရပါဘူး...။"</p> <p>"ဒါပေမယ့် သိုလှောင်ရုံထဲမှာ သူ အာရုံစိုက်နေတဲ့ ပစ္စည်း အနည်းငယ်ကို ကြည့်ရရင် အထဲက ဆေးညွှန်းက ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးလုံး ဖြစ်ပါလိမ့်မယ်...။"</p> <p>"ဒါ့အပြင် ဒီဆေးလုံးဟာ ရုပ်ခန္ဓာကိုယ်သန့်စင်ခြင်း အဆင့် ကျင့်ကြံခြင်း အတွက် ရည်ရွယ်တဲ့ ဒသမ အဆင့် နတ်ဘုရားအဆင့် ဆေးလုံး တစ်လုံးပါ...။"</p> <p>ရှောင်ချာ ၏ ရှင်းပြချက်ကို ကြားသောအခါ အကြီးအကဲများ အားလုံး၏ မျက်နှာများတွင် ထူးဆန်း သော အမူအရာများ ပေါ်လာခဲ့လေသည်။</p> <p>သူတို့သည် ဤအသက်အရွယ်​အထိ ကျင့်ကြံလာခဲ့ကြသဖြင့် ဆေးခန်းမ အတွင်းရှိ ရွှေရောင် ကျောက်စိမ်းပြား တစ်ခုတွင် မှတ်တမ်းတင်ထားသော မည်သည့် ဆေးညွှန်းမဆို ဒသမအဆင့် နတ်ဘုရားအဆင့် ဆေးလုံး ဖြစ်ကြောင်း သူတို့ သဘာဝကျစွာပင် သိရှိလေသည်။</p> <p>စောစောက နင်းဖန်၏ လှုပ်ရှားမှုများကို သူတို့ ကြည့်နေစဉ်ကတည်းက သူတို့ စတင် သံသယဝင်နေခဲ့ပြီ ဖြစ်လေသည်။</p> <p>ယခု ရှောင်ချာ က အတည်ပြုလိုက်သောအခါ သူတို့ မတုန်လှုပ်ဘဲ မနေနိုင်ခဲ့ကြချေ။</p> <p>နင်းဖန်သည် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်ရန် ပါဝင်ပစ္စည်းများကို အမှန်တကယ် စုဆောင်းနေခဲ့သည်ပင်။</p> <p>"သူ အတိအကျ ဘာကို စီစဉ်နေတာလဲ…။"</p> <p>"သူက ကိုယ်တိုင် သန့်စင်ဖို့ ရည်ရွယ်ထားတာတော့ မဟုတ်ဘူး မဟုတ်လား…။"</p> <p>ဒီလူငယ်လေးနဲ့ ပတ်သက်သမျှ အရာအားလုံးက အမြဲတမ်း အံ့သြစရာ ကောင်းနေခဲ့သည်။</p> <p>သူသည် ယခင်က ထိပ်တန်းအဆင့် ရုပ်ခန္ဓာကိုယ်သန့်စင်ခြင်း ဆေးရေချိုး ဆေးညွှန်းတစ်ခုကို ကိုယ်တိုင် ဖန်တီးခဲ့ဖူးလေသည်။</p> <p>သို့တိုင် နင်းဖန်သည် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်တော့မည်ဟူသော အဆိုမှာ ယုံကြည်နိုင်စရာ မရှိသေးချေ။</p> <p>မည်သို့ပင်ဆိုစေ ထိုအဆင့်ရှိ ဆေးလုံးများသည် နှစ်သန်းပေါင်းများစွာအတွင်း ကမ္ဘာကြီး တစ်ခုလုံးတွင် ပေါ်လာခဲ့ခြင်းမရှိသေးချေ။</p> <p>ထို အဆုံးမရှိသော အချိန်ကာလအတွင်း အမြင့်ဆုံး ပါရမီ ရှိသော ဆေးသန့်စင်ခြင်း ပါရမီရှင် မမွေးဖွား လာခဲ့ခြင်းများကြောင့်လား။</p> <p>"မဟုတ်ဘူး လုံးဝ မဟုတ်ဘူး…။"</p> <p>ဆန့်ကျင်ဘက်အားဖြင့် တိုက်ကြီးသည် ပါရမီရှင်များ ဘယ်သောအခါမျှ မရှားပါးခဲ့ချေ။</p> <p>ထို ရေတွက်မရနိုင်သော နှစ်များတစ်လျှောက် ဆေးသန့်စင်ခြင်း တာအို သည် ပါရမီရှင်များ အမြောက် အမြားကို မွေးထုတ်ပေးခဲ့သည်ပင်။</p> <p>အချို့မှာ ငယ်ရွယ်စဉ်မှာပင် နဝမအဆင့် ဆေးဆရာ များ ဖြစ်လာခဲ့ကြလေသည်။</p> <p>ယုတ္တိဗေဒအရ ထိုကဲ့သို့သော အခြေအနေမျိုးတွင် နတ်ဘုရားအဆင့် ဆေးဆရာ အနည်းငယ်ကို မွေးထုတ်ပေးခြင်းမှာ မလွဲမသွေ ဖြစ်သင့်ပေသည်။</p> <p>သို့သော် အမှန်တကယ်တွင် ဒသမအဆင့် နတ်ဘုရားအဆင့် ဆေးလုံး တစ်လုံးမျှ နှစ်သန်းပေါင်းများစွာ အတွင်း မပေါ်လာခဲ့ချေ။</p> <p>အကြောင်းရင်း သုံးချက် ရှိလေသည်။</p> <p>ပထမအချက်မှာ ထိုဆေးလုံးများကို သန့်စင်ရန် အခက်အခဲမှာ ကြီးမားလွန်းခြင်းပင်။</p> <p>ဒုတိယအချက်မှာ ပစ္စည်းများမှာ ရှားပါးပြီး ရှာဖွေရန် ခက်ခဲခြင်းဖြစ်သည် နောက်ဆုံးတွင် အားလုံး စုဆောင်းမိသောအခါ ၎င်းတို့သည် များသောအားဖြင့် တစ်ကြိမ်သာ ကြိုးစားခွင့် ပြုပြီး အမှားလုပ်ခွင့် မရှိချေ။</p> <p>တတိယအချက်မှာ ဒသမအဆင့် ဆေးညွှန်း အများစုကို ရှေးခေတ်မှ လက်ဆင့်ကမ်းလာခဲ့ခြင်း ဖြစ် သည်။</p> <p>ခေတ်များ ပြောင်းလဲလာသည်နှင့်အမျှ ကောင်းကင်နှင့်မြေကြီး၏ ပတ်ဝန်းကျင် ပြောင်းလဲသွားပြီး ဤဆေးလုံးများ မွေးဖွားရန်အတွက် သင့်တော်မှု မရှိတော့ဘဲ အောင်မြင်မှုနှုန်းကို ပိုမို ကျဆင်းသွား စေခဲ့သည်။</p> <p>ဤအချက် သုံးချက် ပေါင်းစပ်မှုက ဒသမအဆင့် နတ်ဘုရားအဆင့် ဆေးလုံး များကို နှစ်သန်းပေါင်းများ စွာ ပျောက်ကွယ်သွားစေခဲ့ခြင်းပင်ဖြစ်လေသည်။</p> <p>ထို့ကြောင့် နဝမအဆင့် သူတော်စင်အဆင့် ဆေးလုံး များသည် ကမ္ဘာကြီး၏ အထွတ်အထိပ် ဖြစ်လာ ခဲ့ပြီ ဖြစ်၏။</p> <p>ယခု နင်းဖန်သည် နဂါး ဆင် အရိုး သန့်စင်ခြင်း ဆေးလုံး ကို လျစ်လျူရှုကာ ကျရှုံးရန် သေချာနေသော ဒသမအဆင့် ဆေးညွှန်းကို ဆုပ်ကိုင်ပြီး ပစ္စည်းများကို ပျော်ရွှင်စွာ ရှာဖွေနေခဲ့လေသည်။</p> <p>အကြီးအကဲများစွာ ဘာပြောရမှန်းပင် မသိတော့ချေ။</p> <p>အကယ်၍ အခြား တစ်ယောက်ယောက်က ဤသို့ လုပ်ဆောင်ပါက သူတို့ကို ရိုင်းစိုင်းပြီး ရည်မှန်းချက် ကြီးမားလွန်းသူဟု အချိန်အတော်ကြာကတည်းက တံဆိပ်တပ်ခံရပေလိမ့်မည်။</p> <p>သို့သော် ဤသူမှာ နင်းဖန် ဖြစ်နေသည်။</p> <p>အံ့သြဖွယ်ရာများကို ထပ်ခါတလဲလဲ ဖန်တီးခဲ့သူပင်။</p> <p>ထို့ကြောင့် ဤကဲ့သို့သော ကောင်းကင်ဘုံကို အံတုသော ပုံမှန်မဟုတ်မှုနှင့် ရင်ဆိုင်ရချိန်တွင် သူတို့ထဲမှ မည်သူကမျှ အလွယ်တကူ မဝေဖန်ရဲကြချေ။</p> <p>နင်းဖန်တွင် ကြီးမားသော ရည်မှန်းချက်များနှင့် မြင့်မားသော တွန်းအားများ ရှိကြောင်းကိုသာ သူတို့ ဝန်ခံနိုင်ကြသည်။</p> <p>အောင်မြင်ရန် လုံးဝနီးပါး မဖြစ်နိုင်လျှင်ပင်...</p> <p>"ကြည့်... သူက ဆေးခန်းမ စာကြည့်တိုက် ကို သွားပြီး ဆေးသန့်စင်ခြင်း စာအုပ်တွေကို လှန်လှော ကြည့်နေပြန်ပြီ...။"</p> <p>အောက်ခြေအဆင့် အကြီးအကဲတစ်ဦးက ရုတ်တရက် အံ့သြတကြီး အော်ဟစ်လိုက်သည်။</p> <p>အားလုံး ထိုအော်သံနောက်သို့ လိုက်ကြည့်လိုက်ကြလေသည်။</p> <p>ထင်သည့်အတိုင်းပင် ဆေးခန်းမ အတွင်း၌ နင်းဖန်သည် စာအုပ်စင်များ စီတန်းထားသော အခန်းတစ်ခု ၏ အလယ်တွင် တင်ပျဉ်ခွေ ထိုင်ကာ ဆေးသန့်စင်ခြင်း ဆိုင်ရာ မိတ်ဆက် စာအုပ်တစ်အုပ်ကို အငမ်း မရ ဖတ်ရှုနေခဲ့သည်ပင်။</p> <p>သူ၏ အမူအရာမှာ စူးစိုက်နေပြီး စာမျက်နှာများကို လျှပ်စီးလက်သကဲ့သို့ အမြန်နှုန်းဖြင့် လှန်နေခဲ့ သည်။</p> <p>"နောက်တစ်ခါ လာပြန်ပြီ...။ အဲဒီ ရင်းနှီးနေတဲ့ မြင်ကွင်း...။"</p> <p>တောင်ထိပ်အရှင်သခင်အဆင့် အကြီးအကဲ အချို့၏ ပါးစပ်ထောင့်များ တွန့်ကွေးသွားခဲ့သည်။</p> <p>လွန်ခဲ့သော ရက်အနည်းနေ့က ဆေးဥယျာဉ် တွင် နင်းဖန်၏ လုပ်ရပ်များကို သူတို့ အလိုအလျောက် သတိရသွားကြ၏။</p> <p>ထိုစဉ်ကလည်း စွန်းချီယွမ် ၏ စာအုပ်များကို ဆုပ်ကိုင်ပြီး အစကနေ စတင်ခဲ့သည်ပင် မဟုတ်ပါလား။</p> <p>ထိုအချိန်က အားလုံးက သူ ရူးကြောင်ကြောင် လုပ်နေသည်ဟုပင် ထင်ခဲ့ကြခြင်းပင်။</p> <p>သို့ပေမယ့် အဆုံး၌ ဘာဖြစ်သွားပါသနည်း။</p> <p>သူသည် အမှန်တကယ်ပင် သူ့ဘာသာသူ လေ့လာခဲ့ပြီး အံ့မခန်း မူလအစ ကမ္ဘာဦး ဆေးရည် ဆေးညွှန်း ကို ထုတ်လုပ်နိုင်ခဲ့သည်ပင်။</p> <p>" အခုလဲ သူက အဲဒီ လုပ်ငန်းစဉ်အတိုင်း အတိအကျကို ထပ်ခါတလဲလဲ လုပ်နေပြန်ပြီ….။"</p> <p>"စာမျက်နှာ လှန်တဲ့ အမြန်နှုန်းတောင် အတူတူပဲ…။"</p> <p>"သူက ရိုးရိုးလေး လှန်လှောကြည့်နေသလိုပဲ…။"</p> <p>စာကြောင်းဆယ်ကြောင်းကို တစ်ချက်ကြည့်ရုံဖြင့် မျက်စိတစ်မှိတ်အတွင်း သင်ယူနေသည်ပင်။</p> <p>သို့သော်... ဆေးသန့်စင်ခြင်းနှင့် ဆေးလုံးများ သန့်စင်ရန် မီးဖိုတစ်ခု စတင်ခြင်း၏ အခက်အခဲမှာ လုံးဝ ကွဲပြားသော အဆင့်များတွင် ရှိပေသည်။</p> <p>ဆေးလုံးများ တာအို သည် ဘေးထွက် လမ်းကြောင်း တစ်ခု မဟုတ်ချေ...။ ၎င်းမှာ စစ်မှန်သော မဟာတာအို တစ်ခုသာ ဖြစ်သည်။</p> <p>၎င်းကို ကျွမ်းကျင်ရန် ဆေးရေချိုး ဆေးညွှန်းတစ်ခုကို သုတေသနပြုခြင်းထက် ဆယ်ဆမကသော အားထုတ်မှု လိုအပ်ပေသည်။</p> <p>ဆေးဖက်ဝင်အပင်တစ်ရာတောင်ထိပ် ကို ကြည့်လိုက်လျှင် သင် နားလည်နိုင်မည် ဖြစ်သည်။</p> <p>ဆေးခန်းမ သည် အဓိကဖြစ်ပြီး ဆေးဥယျာဉ်မှာ အရန်သာ ဖြစ်သည်။ဆေးဥယျာဉ်၏ သခင် စွန်းချီယွမ် သည် ဒု-တောင်ထိပ်အရှင်သခင် သာ ဖြစ်နိုင်သည်။</p> <p>နဝမအဆင့် ဆေးဆရာ ရှောင်ချာ ကမူ စစ်မှန်သော တောင်ထိပ်အရှင်သခင် ဖြစ်၏။</p> <p>သူတို့၏ ဆက်ဆံခံရမှုမှ ဤကမ္ဘာရှိ ဆေးသန့်စင်ခြင်း နှင့် ဆေးဖက်ဝင် အပင်များ ကြားရှိ ထင်ရှားသော အဆင့်အတန်း ကွာခြားချက်ကို ရှင်းလင်းစွာ မြင်တွေ့နိုင်ပေသည်။</p> <p>ထို့ကြောင့် ရေချိုး ဆေးညွှန်းတွင် သူ လုပ်ခဲ့သကဲ့သို့ ဆေးလုံးများ တာအို ကို အမြန်ဖြတ်သန်းရန် နင်းဖန်၏ ကြိုးပမ်းမှုမှာ ကျရှုံးရန် အလိုလို ဖန်တီးခံထားရပေသည်။</p> <p>ထိုနှစ်ခုကြားရှိ အခက်အခဲမှာ တူညီသော မျက်နှာပြင်ပေါ်တွင်ပင် မရှိချေ။</p> <p>"ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးလုံး...။"</p> <p>ဖေ့ချင်းယွီသည် အောက်ဘက်တွင် နင်းဖန်၏ လေးနက်သော လေ့လာမှုကို ကြည့်ရှုရင်း ခေါင်းကို ဖြည်းညင်းစွာ ခါရမ်းလိုက်လေသည်။</p> <p>သို့သော် ဤတစ်ကြိမ်တွင် သူသည် အပြတ် မပြောတော့ချေ။</p> <p>ယင်းအစား သူသည် ရှောင်ချာ ဘက်သို့ လှည့်ကာ မေးလိုက်သည်။</p> <p>"ဂျူနီယာညီလေးရှောင်...၊ မင်းက ကျွမ်းကျင်သူလေ...။ မင်းအမြင်အရ နင်းဖန် ဒီ ဒသမအဆင့် နတ်ဘုရားအဆင့် ဆေးလုံး ကို သန့်စင်နိုင်မယ့် အခွင့်အရေး ရှိလား...။"</p> <p>အလိုအလျောက်ပင် ရှောင်ချာ ခေါင်းခါချင်သွားခဲ့သည်။ သို့သော် နင်းဖန်၏ ယခင် အံ့ဖွယ် ဖန်တီးမှု လုပ်ရပ်များကို သူ ချက်ချင်း သတိရသွား၏။</p> <p>ခေါင်းခါနေစဉ်မှာပင် သူ၏ လှုပ်ရှားမှု အေးခဲသွားခဲ့သည်။</p> <p>"မဖြစ်နိုင်ဘူး...၊ ပြီးခဲ့တဲ့ အကြိမ်က ဂျူနီယာညီလေးစွန်း က နင်းဖန် ရေးထားတဲ့ ဆေးညွှန်းကို အဆိပ်လို့ ရှုတ်ချခဲ့ပြီး လူသိရှင်ကြား မျက်နှာဖြတ်ရိုက်ခံရကာ တပည့်တွေကြားမှာ အာဏာနဲ့ ဂုဏ်သိက္ခာ အားလုံး ဆုံးရှုံးသွားခဲ့တာ...။"</p> <p>"သူ့အမှားကို ငါ ထပ်မလုပ်နိုင်ဘူး...။"</p> <p>ထိုအတွေးဖြင့် ရှောင်ချာ ၏ အကြည့်များ ခိုင်မာသွားခဲ့သည်။</p> <p>သူသည် မဟာအကြီးအကဲ ကျီးယန် ၏ နင်းဖန်အပေါ် အကဲဖြတ်မှုကို ယုံကြည်ရန် ရွေးချယ်လိုက်သည်</p> <p>"ထူးခြားတဲ့လူတွေက ထူးခြားတဲ့အရာတွေကို လုပ်ကြတယ်...။"</p> <p>ထို့ကြောင့် အားလုံး၏ ရှေ့မှောက်နှင့် မယုံကြည်နိုင်စွာ စိုက်ကြည့်နေမှုများကြားတွင် သူသည် တည်ငြိမ်သော ယုံကြည်မှုဖြင့် ခေါင်းညိတ်လိုက်သည်။</p> <p>"ဆေးသန့်စင်ခြင်း မှာ အနှစ်သုံးထောင်နဲ့ မီးဖိုဖွင့်တဲ့အကြိမ်ရေ တစ်သန်း ရှိတဲ့ ငါ့ရဲ့ ကျွမ်းကျင်တဲ့ အမြင်အရ ပြောရရင်...။"</p> <p>"တပည့်ခေါင်းဆောင် နင်း အတွက် ဒသမအဆင့် နတ်ဘုရားအဆင့် ဆေးလုံး တစ်လုံးကို သန့်စင်တာက သိမ်းငှက်တစ်ကောင်က ယုန်ပေါက်လေးကို ထိုးသုတ်သလိုပဲ၊ ဒါမှမဟုတ် လယ်သမားအိုကြီး တစ်ယောက် ဆောင်းဦး စပါးရိတ်သိမ်းသလိုပဲ…။"</p> <p>"ကစားစရာလေးပါပဲ...။"</p> <p> </p> <p> </p> <p style="text-align: center;">***</p>


Save