Book List

<h2 style="text-align: center;">အခန်း (၆၉)</h2> <h2 style="text-align: center;">ပါရမီရှင် တစ်ယောက်က ဘယ်လောက်တောင် အံ့သြစရာကောင်းလဲဆိုတာ</h2> <h2 style="text-align: center;">လုပ်ပြလိုက် ပါတော့</h2> <h2 style="text-align: center;">*</h2> <p> </p> <p> </p> <p>နင်းဖန်က ဆေးမီးဖို သုံးလုံး ဆက်တိုက်ကို ပေါက်ကွဲသွားစေခဲ့သည် ။</p> <p>ထိုက်ရီအကြွင်းအကျန်နယ်မြေ တစ်ခုလုံး မှင်တက်သွားခဲ့လေသည် ။ ရေတွက်မရနိုင်သော တပည့်များ ဆွံ့အသွားကြလေသည် ။</p> <p>"ဘုရားရေ ဒါက ထိပ်တန်းအဆင့် ဆေးသန့်စင်ခြင်း ပါရမီ လို့ ခေါ်တာလား...။"</p> <p>"ဝိညာဉ် ပြန်လည်နာလန်ထူခြင်း ဆေးညွှန်း တွေကို သန့်စင်ရင်း ဆေးမီးဖို သုံးလုံး ဆက်တိုက် ပေါက်ကွဲ တာ တကယ်ကို ကြုံဖူးတာ မဟုတ်ဘူး...။"</p> <p>"နင်းဖန်က ကမ္ဘာပေါ်မှာ ဘာတွေ လုပ်နေတာလဲ...။"</p> <p>"ငါ အခု နားလည်ပြီ အကြီးအကဲရှောင် က ငါတို့ကို ဖျော်ဖြေနေတာပဲ နင်းဖန်က တကယ်တော့ ဆေးမီးဖို တွေ ပေါက်ကွဲအောင် လုပ်တဲ့နေရာမှာ ပါရမီရှင် တစ်ယောက်ပဲ...။"</p> <p>"တစ်နည်းအားဖြင့် ပြောရရင် ဝိညာဉ် ပြန်လည်နာလန်ထူခြင်း ဆေးညွှန်း သုံးအိုးကို ပေါက်ကွဲအောင် လုပ်နိုင်တာက ကောင်းကင်အဆင့် ဆေးလုံး တစ်လုံးကို သန့်စင်ရတာလောက် မလွယ်ဘူး...။"</p> <p>"ဟုတ်တယ်...။"</p> <p>"..."</p> <p>တပည့်များက အဆက်မပြတ် တတွတ်တွတ် ပြောနေကြသည် ။ အချို့က လှောင်ပြောင်သည်၊ အချို့က ဇဝေဇဝါဖြစ်နေသည်၊ အခြားသူများက သရော်နေကြသည် ။</p> <p>ယခင်က နင်းဖန်၏ အမာခံ ပရိသတ်များပင် ယခုအခါ သူတို့၏ ပါးစပ်များကို ပိတ်ထားကြလေသည် ။</p> <p>မည်သို့ပင်ဆိုစေ ဝိညာဉ် ပြန်လည်နာလန်ထူခြင်း ဆေးညွှန်း တစ်လုံးကို သန့်စင်စဉ် သုံးကြိမ် ပေါက်ကွဲ ခြင်းမှာ လုံးဝ အဓိပ္ပာယ်မရှိပေ ။</p> <p>သူ၏ ဆေးသန့်စင်ခြင်း ပါရမီမှာ သာမန်အောက်သို့ ကျဆင်းသွားခဲ့ပြီဖြစ်၏။</p> <p>နဝမအဆင့် ဆေးဆရာ ဖြစ်သော အကြီးအကဲရှောင် ပင်လျှင် ဤတစ်ကြိမ်တွင် မှားယွင်းစွာ အကဲဖြတ် ခဲ့သည်မှာ သေချာပေါက် ဖြစ်လေသည် ။</p> <p>အပြင်စည်း က သူ့ကို မကျေမနပ် ဖြစ်နေသည်သာမက၊ အတွင်းစည်းနှင့် ဂုဏ်ထူးဆောင်တပည့် တပည့်များကလည်း ထိုနည်းတူ ခံစားခဲ့ကြရလေသည် ။</p> <p>ဆေးသန့်စင်ခြင်း သည် ရေပန်းစားသော အသက်မွေးဝမ်းကျောင်းပညာရပ်တစ်ခုဖြစ်ရာ ထိုက်ရီအစစ် အမှန်ဂိုဏ်း ၏ ထိပ်တန်း တပည့်များစွာသည် ၎င်းကို ဝါသနာပါကြလေသည်။</p> <p>အဆင့်မြင့် ဂုဏ်ထူးဆောင်တပည့် တော်တော်များများသည် သူတို့ကိုယ်တိုင် အတော်လေး ကျွမ်းကျင် သော ဆေးဆရာ များ ဖြစ်ကြလေသည် ။</p> <p>သူတို့သည် ရှောင်ချာ ၏ လက်အောက်တွင် ပညာသင်ကြားခဲ့ကြပြီး ဤ နဝမအဆင့် ဆေးဆရာ ၏ မျက်လုံးများ မည်မျှ ထက်မြက်နိုင်ကြောင်း သိရှိကြသည်။</p> <p>သူသည် နည်းစနစ်နှင့် ပတ်သက်၍ မည်မျှ တင်းကျပ်ကြောင်းကိုလည်း သိရှိကြသည် ။</p> <p>ထို့ကြောင့် နင်းဖန် ဤမျှ မြင့်မားသော ချီးကျူးမှုများ ရရှိသောအခါ ရှောင်ချာ ၏ ကျောင်းသား အမြောက်အများသည် မျှော်လင့်ချက်များဖြင့် ပြည့်နှက်နေခဲ့ကြပြီး စစ်မှန်သော ဆေးသန့်စင်ခြင်း တာအို ပါရမီရှင် တစ်ယောက်က ဘယ်လိုပုံစံလဲ ဆိုသည်ကို မြင်တွေ့ချင်ခဲ့ကြသည်ပင်။</p> <p>စိတ်လှုပ်ရှားမှုဖြင့် တစ်ဝက်လောက် စောင့်ဆိုင်းပြီးနောက် သူတို့ကို ပြသခဲ့သည်မှာ ဆက်တိုက် ပေါက်ကွဲမှု သုံးခုတဲ့လား။</p> <p>"အဲဒါက အဓိပ္ပာယ်ရော ရှိရဲ့လား…။"</p> <p>အကြီးအကဲများ၏ စက်ဝိုင်းနှင့် နီးကပ်စွာ ရပ်နေသော ဂုဏ်ထူးဆောင်တပည့် တပည့်များစွာသည် အသံကျယ်ကျယ်ဖြင့် မှတ်ချက်မပေးရဲကြသော်လည်း အတွင်းစိတ်တွင်မူ သူတို့ အဆက်မပြတ် ညည်းညူ နေခဲ့ကြလေသည် ။</p> <p>သူတို့ မလှောင်ပြောင်လျှင်ပင် သူတို့ အလွန် စိတ်ပျက်နေခဲ့ကြသည် ။ အရှုပ်ထွေးဆုံး ဖြစ်နေသူမှာ သဘာဝကျစွာပင် ရှောင်ချာ ကိုယ်တိုင် ဖြစ်သည် ။</p> <p>နင်းဖန်ကို စင်မြင့်ပေါ်သို့ တင်ပေးခဲ့သူ ကိုယ်တိုင်က ယခု သူ၏ ဂုဏ်သတင်း လူသိရှင်ကြား လောင်ကျွမ်းသွားသည်ကို မြင်တွေ့လိုက်ရလေ၏။</p> <p>သို့သော် ယခင်က ဤမျှ ပြတ်သားစွာ ပြောဆိုထားခဲ့ပြီးမှ သူ၏ လေသံကို ပြောင်းလဲခြင်းက ပို၍ပင် အရှက်ရစရာ ကောင်းပေလိမ့်မည် ။</p> <p>ထို့ကြောင့် ရှောင်ချာ သည် အံ့ဖွယ်တစ်ခုကို စောင့်မျှော်ရင်း အံကြိတ်ခံနေလိုက်သည် ။</p> <p>"စစ်မှန်တဲ့ ပါရမီရှင် တစ်ယောက်က ခဏတာ အမြတ်အစွန်းတွေ ဒါမှမဟုတ် ဆုံးရှုံးမှုတွေကို ဘယ်တော့မှ ဂရုမစိုက်ဘူး အကြိမ်တစ်ထောင် သန့်စင်ပြီးမှသာ လူတစ်ယောက်က သူ့ရဲ့ စစ်မှန်တဲ့ သတ္တိကို ဖော်ပြတာ... ။"</p> <p>"သုံးကြိမ်လောက်က ဘာမှမဟုတ်ဘူး နင်းဖန် ဆက်တိုက် အကြိမ်ငါးဆယ် ပေါက်ကွဲပါစေ၊ မဟုတ်ရင် ငါ အထင်လွဲတယ်လို့ မပြောနဲ့... ။"</p> <p>သူသည် လည်ပင်းကို ဆန့်ထုတ်ကာ ရေနွေးပူလောင်မည်ကို မကြောက်သော ဝက်သေတစ်ကောင်၏ အရှက်မရှိသော အမူအရာဖြင့် စကားပြောလိုက်သည် ။</p> <p>အနီးအနားရှိ အကြီးအကဲများ ဤမြင်ကွင်းကြောင့် သက်ပြင်းချလိုက်ကြသည် ။</p> <p>"ဒီဂျူနီယာညီလေးရှောင် က တကယ့် သားရဲပဲ…။"</p> <p>မျက်နှာ မပျက်စေရန် သူသည် နေရာမှာပင် လိမ်လည်မှုများ ဖန်တီးကာ နင်းဖန်တွင် ဆေးသန့်စင်ခြင်း ပါရမီ ရှိကြောင်း အခိုင်အမာ ပြောဆိုနေခဲ့သည်ပင်။</p> <p>ဘေးတွင် ရပ်နေသော စွန်းချီယွမ် သည် ဆက်လက် မကြည့်ရက်တော့ချေ ။</p> <p>သုံးကြိမ် ပေါက်ကွဲခြင်းက နင်းဖန် ဤလမ်းကြောင်းအတွက် မသင့်တော်ကြောင်း သက်သေပြနေသည်၊ မည်သည့် အံ့ဖွယ်မျှ ထပ်ခါတလဲလဲ မဖြစ်နိုင်ချေ ။ ဇွတ်လုပ်နေခြင်းက ဆေးဖက်ဝင်အပင်တစ်ရာ တောင်ထိပ် ကိုသာ အရှက်ရစေလိမ့်မည် ။</p> <p>သူ စကားပြောချင်သော်လည်း အားလုံးရှေ့တွင် မပြောနိုင်ခဲ့ချေ ။ သူ လုပ်နိုင်သမျှမှာ သက်ပြင်းကို အောင့်ထားပြီး ဆက်လက် ကြည့်ရှုနေရန်သာ ဖြစ်သည် ။</p> <p>ထိုသို့ဖြင့် ဤထူးဆန်းသော လေထုထဲတွင်…..၊</p> <p>နင်းဖန် အဆက်မပြတ် ဆေးသန့်စင်ပြီး အဆက်မပြတ် ဆေးမီးဖို များကို ပေါက်ကွဲစေသည်ကို ဂိုဏ်းတစ်ခုလုံး မျက်လုံးပြူးကာ ကြည့်နေခဲ့ကြရလေသည် ။</p> <p>သူတို့ မသိလိုက်မီမှာပင် ညဘက်သို့ ရောက်ရှိသွားခဲ့ပြီ ဖြစ်၏။</p> <p>သူသည် သူ၏ အကြိမ်ငါးဆယ်မြောက် ကြိုးပမ်းမှုသို့ ရောက်ရှိလာခဲ့သည် ထို့နောက်ဆက်လက်၍ ကျရှုံးနေဆဲ ဖြစ်သည်။</p> <p>ပြီးတော့ ၎င်းမှာ ဝိညာဉ် ပြန်လည်နာလန်ထူခြင်း ဆေးညွှန်း များ သီးသန့် မဟုတ်တော့ချေ။</p> <p>သူသည် အခြား ပထမအဆင့် ဆေးလုံးများကို စမ်းသပ်ခဲ့သော်လည်း ၎င်းတို့ကို ပို၍ပင် မြန်ဆန်စွာ ပေါက်ကွဲစေခဲ့သည် ။</p> <p>ဤမြင်ကွင်းက ရှောင်ချာ ၏ ယုံကြည်မှုကို ပြိုကွဲသွားစေရုံသာမက ထိုက်ရီအကြွင်းအကျန်နယ်မြေ အတွင်းရှိ တပည့် တစ်သိန်းကိုလည်း ထုံကျင်သွားစေခဲ့သည် ။</p> <p>"စီနီယာအစ်ကိုနင်း၊ ရပ်ပါတော့ ကျေးဇူးပြုပြီး လက်လျှော့လိုက်ပါတော့...။"</p> <p>"ဂျူနီယာညီမလေး က စီနီယာအစ်ကို့ကို ဝိညာဉ် ပြန်လည်နာလန်ထူခြင်း ဆေးညွှန်း တစ်ထောင် ပေးပါ့မယ် ဟုတ်ပြီလား...။"</p> <p>"ပဉ္စမအဆင့် ဆေးမီးဖို က ပထမအဆင့် ဆေးလုံးတွေကြောင့် ဒီလောက် အကြိမ်များစွာ ပေါက်ကွဲ ခံရမယ်လို့ ဘယ်တုန်းကမှ မထင်ထားခဲ့ဘူး...။"</p> <p>"ဘယ်သူမှ မပြည့်စုံပါဘူး နင်းဖန်ကို ကြည့်ခြင်းအားဖြင့် ပါရမီရှင် တစ်ယောက်မှာတောင် အားနည်း ချက်တွေ ရှိတယ်ဆိုတာ သက်သေပြနေတယ်...။"</p> <p>"ဟုတ်တယ် ငါ့ရဲ့ ကျင့်ကြံခြင်း ပါရမီက တပည့်ခေါင်းဆောင် နင်း ရဲ့ တစ်သောင်းပုံ တစ်ပုံပဲ ရှိပေမယ့် ငါ့ရဲ့ ဆေးသန့်စင်ခြင်း ကျွမ်းကျင်မှုက သူ့ကို အဆတစ်ရာလောက် အနိုင်ယူနိုင်တယ်...။"</p> <p>"အဲဒါ အမှန်ပဲ ငါက ဝိညာဉ် ပြန်လည်နာလန်ထူခြင်း ဆေးညွှန်း အလုံးပေါင်းများစွာကို လက်တစ်ဖက် တည်းနဲ့ သန့်စင်နိုင်တယ်...။"</p> <p>နင်းဖန် မမောပန်းသေးသော်လည်း သူ့ကို ကြည့်နေသော အပြင်စည်းတပည့် များမှာ မမောပန်းနေကြပြီ ဖြစ်လေသည် ။</p> <p>သူ့တွင် ဆေးသန့်စင်ခြင်း ပါရမီ လုံးဝ မရှိကြောင်း အများစုက ကောက်ချက်ချခဲ့ကြသည် ။ အကြီး အကဲရှောင် မည်မျှပင် ခေါင်းမာနေပါစေ အမှန်တရားကို ငြင်းဆို၍ မရနိုင်ချေ ။</p> <p>ပြီးတော့ ရှောင်ချာ ကိုယ်တိုင်လည်း အလွန် ဆိုးရွားစွာ ခံစားနေရသည်ပင်။</p> <p>အကြိမ်ငါးဆယ်မြောက် ပေါက်ကွဲမှုအပြီးတွင် သူ နောက်ဆုံးတော့ ပေါက်ကွဲထွက်သွားခဲ့လေသည် ။ သူ ရူးသွပ်လုမတတ် ဖြစ်သွားခဲ့သည်။</p> <p>"ဘာတွေဖြစ်နေတာလဲ…။"</p> <p>"ကျမ်းစာဆောင်မှာတုန်းက လူတွေက မင်းကို လှောင်ပြောင်တဲ့အခါ မင်းက နဝမထပ်ကို တန်းပြေး သွားခဲ့တယ်…။"</p> <p>"ကောင်းကင်ဘုံ အဆင့်မြင့် ကျင့်ကြံခြင်းနည်းစနစ် သုံးဆယ့်ခုနစ်ခုကို မင်း ပေါင်းစပ်ခဲ့တယ် မင်းက ဂိုဏ်းရဲ့ အခြေခံအုတ်မြစ် ကို ဖျက်ဆီးနေတယ်လို့ လူတိုင်းက ပြောကြပြီး မဟာအကြီးအကဲ ကတောင် မင်းကို သေစေချင်ခဲ့တယ်။ ဒါပေမယ့် မင်းက လှည့်ပြီး အကန့်အသတ်မဲ့ တာအိုကျမ်းစာ ကို ဖန်တီး ခဲ့တယ်…။"</p> <p>"ကောင်းကင်ဘုံ အဆင့်မြင့် သိုင်းပညာတစ်ခုကို ကျင့်ကြံဖို့ မင်း ဇွတ်လုပ်ခဲ့တယ်၊ ဂိုဏ်းတစ်ခုလုံးက မင်းကို တားဖို့ အရူးအမူး ကြိုးစားခဲ့ကြပေမယ့် မင်းက တစ်ရက်တည်းနဲ့ အဲဒါကို ကျွမ်းကျင်သွား တယ် …။"</p> <p>"နောက်ပိုင်း ဆေးဥယျာဉ်မှာ မင်း နေရာမှာတင် သင်ယူနေရင်း ဆေးညွှန်းတစ်ခုကို ရေးခြစ်ခဲ့ပြီး ဆေးရေချိုး ဆေးညွှန်းတွေရဲ့ သမိုင်းဝင် အကန့်အသတ်ကို ပြန်ရေးခဲ့ကာ ဂျူနီယာညီလေးစွန်း ရဲ့ မျက်နှာကို ရောင်ကိုင်းသွားအောင် ရိုက်ခဲ့တယ်…။"</p> <p>"ဒါဆို ဘာလို့ ငါ့အလှည့်ကျမှ အရာအားလုံးက ဒီလောက်တောင် ဆိုးဆိုးရွားရွား ပြိုလဲသွားရတာ လဲ…။"</p> <p>"ထူးခြားတဲ့လူ၊ ထူးခြားတဲ့ အဖြစ်အပျက်တွေ ဆိုတဲ့ ကတိက ဘယ်မှာလဲ…။"</p> <p>"အံ့သြစရာကောင်းတာ တစ်ခုခုကို မြန်မြန် လုပ်ပြလိုက်ပါတော့…။"</p> <p>ရှောင်ချာ သည် အတွင်းစိတ်တွင် အော်ဟစ်နေခဲ့လေသည်၊ သူ၏ ပုံမှန် တည်ငြိမ်သော မျက်နှာသည် အေးဆေးတည်ငြိမ်မှု အားလုံး ဆုံးရှုံးသွားစေခဲ့သည် ။</p> <p>ပတ်ဝန်းကျင်ရှိ တပည့်များ၏ အကြည့်များကို သူ ခံစားနိုင်သည်။ သူတို့ မည်မျှ လှောင်ပြောင်နေကြ ကြောင်းကို ။</p> <p>ဂုဏ်ကျက်သရေရှိသော နဝမအဆင့် ဆေးဆရာ တစ်ဦးက မှားယွင်းစွာ အကဲဖြတ်ခဲ့ပြီး သူ၏ အမှားကို ခေါင်းမာစွာ ဖက်တွယ်ထားပါက အကြိမ်ကြိမ် မျက်နှာဖြတ်ရိုက်ခံရရုံသာ ရှိတော့သည် ။</p> <p>နင်းဖန်သည် ဆေးမီးဖို ငါးဆယ်ကို ပေါက်ကွဲစေခဲ့ပြီးပြီဖြစ်၏။</p> <p>ပေါက်ကွဲမှုတိုင်းသည် ရှောင်ချာ ၏ ကျောကို ကျာပွတ်ဖြင့် ရိုက်နေသကဲ့သို့ ခံစားနေရသည်။</p> <p>ကံကောင်းထောက်မစွာဖြင့် အခြားအကြီးအကဲများသည် သူ၏ ဒုက္ခကို မြင်သောအခါ ကိုယ်ချင်းစာ စွာဖြင့် တိတ်ဆိတ်နေခဲ့ကြလေသည် ။</p> <p>လျှာသွက်သော ရွှီယိုဝေပင်လျှင် အပြစ်တင်ခြင်းမှ ရှောင်ကြဉ်ခဲ့လေသည်။</p> <p>အချိန်များ တရွေ့ရွေ့ ကုန်လွန်သွားခဲ့သည်….။</p> <p>အောက်ဘက်တွင် နင်းဖန်သည် ဆေးသန့်စင်ရန် ဆက်လက် ကြိုးစားနေခဲ့၏။</p> <p>လမင်းကြီး ကောင်းကင်ယံတွင် မြင့်တက်လာသောအခါ လီချန်မင် သည် ရှောင်ချာ ၏ လက်မောင်းကို ဆုပ်ကိုင်ကာ အောက်ဘက်သို့ လက်ညှိုးထိုးပြပြီး ရုတ်တရက် အော်ပြောလိုက်သည်။</p> <p>"အောင်မြင်သွားပြီ သူ့ရဲ့ ကိုးဆယ့်ကိုးကြိမ်မြောက် ကြိုးပမ်းမှုမှာ နင်းဖန်က နောက်ဆုံးတော့ ဝိညာဉ် ပြန်လည်နာလန်ထူခြင်း ဆေးညွှန်း တစ်လုံးကို သန့်စင်နိုင်သွားပြီ...။"</p> <p>ဤသည်ကို ကြားသောအခါ ရှောင်ချာ အေးခဲသွားပြီးနောက် ပို၍ပင် ခါးသီးသော အမူအရာ ဖြစ်သွားခဲ့ သည် ။</p> <p>ပတ်ဝန်းကျင်ရှိ အကြီးအကဲများနှင့် တပည့်များသည် ခေါင်းခါလိုက်ကြသည် ။</p> <p>အလွယ်ကူဆုံး ဝိညာဉ် ပြန်လည်နာလန်ထူခြင်း ဆေးညွှန်း အတွက် ကြိုးပမ်းမှု ကိုးဆယ့်ကိုးကြိမ် လိုအပ်ခြင်းက နင်းဖန်၏ ဆေးသန့်စင်ခြင်း ပါရမီ မည်မျှ ညံ့ဖျင်းကြောင်းကိုသာ ပြသနေပေသည် ။</p> <p>ရွှီယိုဝေက ယခု မေးလိုက်လေသည်။</p> <p>"ဂျူနီယာညီလေးရှောင် နင်းဖန်က ဒသမအဆင့် နတ်ဘုရားအဆင့် ဆေးလုံး တွေကို သန့်စင်နိုင်တဲ့ ဆေးသန့်စင်ခြင်း တာအို ပါရမီရှင် လို့ မင်း ယုံကြည်နေသေးလား...။"</p> <p>ဤတစ်ကြိမ်တွင် ရှောင်ချာ မငြင်းခုံတော့ချေ ။ ခဏတာ တိတ်ဆိတ်သွားပြီးနောက် သူ သက်ပြင်းချ လိုက်လေသည် ။</p> <p>ထို့နောက် ရှောင်ချာက အသံထွက်ကာ ပြောလိုက်သည်။</p> <p>"တပည့်အားလုံးကို ကြေညာလိုက်ပါ၊ ငါ မှားယွင်းစွာ အကဲဖြတ်ခဲ့ပါတယ် နင်းဖန်မှာ ဆေးသန့်စင်ခြင်း ပါရမီ မရှိပါဘူး...။"</p> <p>ရှောင်ချာ နောက်ဆုံးတွင် လက်တွေ့အခြေအနေကို လက်နက်ချလိုက်လက်ခံလိုက်တော့သည် ။</p> <p>သူသည် သူ၏ ဂုဏ်သတင်းကို နင်းဖန်အပေါ် ပုံအပ်ခဲ့သော်လည်း လုံးဝ ရှုံးနိမ့်သွားခဲ့သည် ။</p> <p>ခါးသီးသော ဆေးလုံးကို သူ မျိုချရုံမှလွဲ၍ အခြား ရွေးချယ်စရာ မရှိတော့ချေ ။ မကြာမီ သတင်းသည် လျှို့ဝှက်နယ်မြေ တစ်ခုလုံးသို့ ပြန့်နှံ့သွားခဲ့လေသည် ။</p> <p>အားလုံး သိသွားကြသည် ။ ရှောင်ချာ က သူ၏ အမှားကို ဝန်ခံခဲ့သည် ။</p> <p>နင်းဖန်သည် ဆေးသန့်စင်ခြင်း တာအို ပါရမီရှင် မဟုတ်ချေ။ ထိုအချက်နှင့်အတူ တပည့်များ၏ နှလုံးသားထဲရှိ နောက်ဆုံး မျှော်လင့်ချက်လေး ပျောက်ကွယ်သွားခဲ့လေသည်။</p> <p>များစွာသောသူတို့က နင်းဖန်ကို အချုပ်အချယ်မရှိ စတင် လှောင်ပြောင်လာခဲ့ကြလေသည် ။</p> <p>ပိုမြင့်မြင့် ရပ်တည်လေ ပိုနာနာ ကျလေလေပင်။</p> <p>နင်းဖန်သည် ယခုအချိန်အထိ အပြစ်အနာအဆာ တစ်ခုမျှမရှိဘဲ ပြီးပြည့်စုံလွန်းနေခဲ့သည်။</p> <p>သူ၏ ရုပ်ဆိုးသော ဆေးသန့်စင်ခြင်း နှင့် အတင်းတပ်ထားသော ဆေးသန့်စင်ခြင်း တတာအို ပါရမီရှင် ဟူသည့် ဂုဏ်ပုဒ်တို့က သိသာထင်ရှားသော ဆန့်ကျင်ဘက်ကို ဖြစ်ပေါ်စေကာ နောက်ဆုံးတွင် လူအုပ် ကြီးအတွက် ထွက်ပေါက်တစ်ခု ပေးလိုက်သကဲ့သို့ ဖြစ်သွားခဲ့သည် ။</p> <p>သဘာဝကျစွာပင် တပည့်အများစုက ဤသည်ကို ကြိုမြင်ထားပြီးဖြစ်ကာ နောင်တရစွာဖြင့် သက်ပြင်း သာ ချနိုင်ခဲ့ကြသည် ။</p> <p>ဂိုဏ်းက နောက်ထပ် နတ်ဘုရားအဆင့် ဆေးဆရာ တစ်ဦးကို မွေးထုတ်ပေးမည်ဟု သူတို့ တစ်ခါက ယုံကြည်ခဲ့ကြသည် ။</p> <p>"ဟေး နင်းဖန်က ဘာလို့ သိုလှောင်ရုံကို သွားနေတာလဲ...။"</p> <p>"နေပါဦး သူက ထိပ်တန်းအဆင့် ပစ္စည်း အများကြီးကို ယူသွားတာပဲ သူ ဘာလုပ်မလို့လဲ...။"</p> <p>"အဲဒါ အတွင်းခန်းမ ဆေးသန့်စင်တဲ့ အခန်း လေ...။"</p> <p>"သူ ထပ်ပြီး ဆေးသန့်စင်မလို့လား...။ "</p> <p>အားလုံးက မတူညီစွာ တုံ့ပြန်နေကြစဉ် အောက်ဘက်ရှိ နင်းဖန်က သူ၏ နောက်လှုပ်ရှားမှုကို ပြုလုပ်ခဲ့ လေသည် ။</p> <p>ကမ္ဘာဦး အပျက်အစီး ပျက်စီးခြင်းကင်းမဲ့သော ခန္ဓာကိုယ် မူလအစ ဆေးညွှန်း၊ မူလအစ သူတော်စင် စမ်းရေ၊ ဖျက်ဆီး၍မရသော ရွှေရောင် အရိုး၊ အဆင့်ကိုးဆင့် နီဗားနား မြက်၊ မူလအစ အဝါရောင် မိခင် ချီ၊ စစ်မှန်သော နဂါး ပြောင်းပြန် အကြေးခွံ နှင့် အခြား အမြင့်ဆုံး ပစ္စည်းများ အပြည့်အစုံကို ပွေ့ပိုက် ကာ သူသည် အတွင်းခန်းမ ဆေးသန့်စင်သည့် အခန်း သို့ စိတ်လှုပ်ရှားစွာ ပြေးသွားပြီး ကမ္ဘာဦး အပျက် အစီး ဆေးမီးဖို ကို ရှာတွေ့ခဲ့လေသည် ။</p> <p>ကမ္ဘာဦး အပျက်အစီး ကျောက်တုံး ဖြင့် လုံးဝ သွန်းလုပ်ထားသော ဤဆေးမီးဖိုသည် နဝမ နှင့် ဒသမ အဆင့် ဆေးလုံးများကို သန့်စင်နိုင်သည်။</p> <p>ပုံမှန်အားဖြင့် ရှောင်ချာ သာလျှင် ၎င်းကို အသုံးပြုလေ့ရှိပေသည်။</p> <p>အခြား မည်သည့် ဆေးဆရာ မှ အရည်အချင်း မပြည့်မီချေ။</p> <p>ယခု နင်းဖန်သည် ၎င်းရှေ့တွင် စိတ်အားထက်သန်စွာ ရပ်နေပြီး ကမ္ဘာဦး အပျက်အစီး ပျက်စီးခြင်းကင်း မဲ့သော ခန္ဓာကိုယ် မူလအစ ဆေးညွှန်း အတွက် ပစ္စည်းများ အားလုံးကို ကိုင်ဆောင်ထားခဲ့သည်။</p> <p>ဤမြင်ကွင်းက အားလုံးကို မှင်တက်သွားစေခဲ့သည်။</p> <p>သူသည် ပထမအဆင့် ဝိညာဉ် ပြန်လည်နာလန်ထူခြင်း ဆေးညွှန်း ကို အောင်မြင်စွာ သန့်စင်နိုင်ခဲ့ရုံသာ ရှိသေးပြီး ယခု သူက ဒသမအဆင့် နတ်ဘုရားအဆင့် ဆေးလုံး ဆီသို့ တိုက်ရိုက် ခုန်ကူးတော့မည်လော ။</p> <p>"အဲဒါက အဓိပ္ပာယ်ရော ရှိရဲ့လား…။"</p> <p>"ဘာတွေများလဲ...။"</p> <p> </p> <p> </p> <p style="text-align: center;">***</p>


Save