Book List

<h2 style="text-align: center;">အခန်း (၇၀)</h2> <h2 style="text-align: center;">နင်းဖန်က သူ့ကိုယ်သူ ပေါက်ကွဲအောင် လုပ်တော့မလို့လား</h2> <h2 style="text-align: center;">*</h2> <h2 style="text-align: center;"> </h2> <p> </p> <p>သတိပြန်ဝင်လာပြီးနောက် အကြီးအကဲ စွန်းချီယွမ် သည် ပထမဆုံး ငြိမ်ငြိမ်မထိုင်နိုင်သူ ဖြစ်ခဲ့သည် ။</p> <p>သူသည် ချက်ချင်း မတ်တတ်ရပ်ကာ တင်းကျပ်စွာ အော်ဟစ် ဆုံးမလိုက်လေသည်။</p> <p>"နင်းဖန်၊ ရပ်လိုက် မင်းက ငါ့ရဲ့ ဆေးဥယျာဉ်ထဲက ဝိညာဉ်အပင်တွေ နဲ့ ဝိညာဉ်ဆေးဝါးတွေ ကို ယူသွား တာ အဆင်ပြေပါတယ် အနည်းဆုံးတော့ အဲဒါတွေကို အကျိုးရှိရှိ အသုံးပြုခဲ့တာပဲလေ…။"</p> <p>"ဒါပေမယ့် အခု မင်းက ဆေးသန့်စင်ခြင်း အကြောင်း ဘာမှမသိတာ ရှင်းနေလျက်နဲ့ ကမ္ဘာဦး အပျက် အစီး ဆေးမီးဖို ကို ဖွင့်ပြီး ကောင်းကင်နဲ့မြေကြီး ရဲ့ ရှားပါး ရတနာ တွေ အများကြီးကို ထည့်ရဲတယ် ပေါ့လေ…။"</p> <p>"ကမ္ဘာဦး အပျက်အစီး ကင်းမဲ့သော ခန္ဓာကိုယ် မူလအစ ဆေးညွှန်း တစ်မျှင် ရဖို့ အနှစ်ကိုးသန်း အချိန် ယူရတယ်ဆိုတာ မင်းသိလား။ မူလအစ သူတော်စင် စမ်းရေ တစ်စက်ကို လုယူဖို့ ဂိုဏ်း ဘိုးဘေး မျိုးဆက် ဘယ်လောက်များ သူတို့ရဲ့ အသက်တွေကို စွန့်စားခဲ့ရလဲ…။"</p> <p>"ပြီးတော့ အခု မင်းကို ကြည့်စမ်း မင်းက အလုပ်သင် ဆေးဆရာ တောင် မဟုတ်သေးဘဲနဲ့ အဖိုးတန် ပစ္စည်း တွေ အများကြီးကို ဆေးမီးဖို ထဲကို ပစ်ထည့်ရဲတယ်ပေါ့ ငါ့ရဲ့ ဆေးဖက်ဝင်အပင် တစ်ရာ တောင်ထိပ် ကို မင်း ဘယ်လို ထင်နေတာလဲ။ ငါ့ရဲ့ ထိုက်ရီအစစ်အမှန်ဂိုဏ်း ကိုရော မင်း ဘယ်လို ထင်နေတာလဲ...။"</p> <p>သူ၏ စကားများသည် ထိုက်ရီအကြွင်းအကျန်နယ်မြေ ပြင်ပသို့ လုံးဝ မရောက်ရှိနိုင်သော်လည်း ယခုအချိန်တွင် ဒေါသထွက်နေသဖြင့် သူ ဂရုမစိုက်နိုင်တော့ချေ ။</p> <p>စွန်းချီယွမ် ၏ လေသံမှာ အလွန် လေးလံနေပြီး သူ၏ အသံမှာ စိတ်ခံစားမှုများဖြင့် ပြည့်နှက်နေကာ သူ အမှန်တကယ် ဒေါသထွက်နေကြောင်း ထင်ရှားပေသည် ။</p> <p>အခြားအကြီးအကဲများ ဤသည်ကို ကြားသောအခါ ထိုကဲ့သို့သော အလွန်အကျူး ဒေါသမျိုး မပြ သသော်လည်း သူတို့၏ နှလုံးသားထဲတွင် ဤခံစားချက်ကို သဘောတူခဲ့ကြသည်ပင်။</p> <p>တစ်ယောက်စီတိုင်းက ခေါင်းခါကာ သက်ပြင်းချလိုက်ကြပြီး နင်းဖန်အပေါ် သူတို့၏ ခင်မင်နှစ်သက် မှုမှာ အနည်းငယ် လျော့ကျသွားခဲ့လေသည်။</p> <p>ယခင်က နင်းဖန် ဝိညာဉ်အပင်များ အချို့ကို ယူသွားစဉ် သို့မဟုတ် အဆင့်မြင့် သွေးမျိုးဆက် နတ်ဆိုး သားရဲ အချို့ကို စားသုံးစဉ်က မည်သူမျှ ကန့်ကွက်ခြင်း မရှိခဲ့ချေ ။</p> <p>မည်သို့ပင်ဆိုစေ သူသည် ထိပ်တန်းအဆင့် ကျင့်ကြံခြင်း ပါရမီကို ပိုင်ဆိုင်ထားပြီး ထိုကဏ္ဍများကို အမှန်တကယ် နားလည်ထားသည်ပင်။</p> <p>ထို့ကြောင့် ဝိညာဉ်အပင်များ ဖြစ်စေ နတ်ဆိုးသားရဲ အသားဖြစ်စေ ၎င်းအားလုံးကို အကျိုးရှိရှိ အသုံးပြုခဲ့ပြီး အလဟဿ မဖြစ်ခဲ့ဟု ယူဆခဲ့ကြသည် ။</p> <p>အသံအကျယ်ဆုံး အော်ဟစ်ခဲ့သော ကျုံးတင်း နှင့် စွန်းချီယွမ် ပင်လျှင် အပြင်ပန်းတွင်သာ နာကျင်ခဲ့ ကြခြင်းဖြစ်လေသည် ။</p> <p>သို့သော် အကယ်၍ သူတို့နှစ်ဦး လျှို့ဝှက်နယ်မြေ ၏ အပြင်ဘက်တွင် ရှိနေပါက သူတို့ကို တစ်စုံ တစ်ယောက်က သတိပေးရန်ပင် မလိုအပ်ဘဲ ဤအရာများကို နင်းဖန်၏ လက်ထဲသို့ သူတို့ ကိုယ်တိုင် သွားပေးကြပေလိမ့်မည်သာဖြစ်လေသည်။</p> <p>ဆိုရိုးစကားရှိသည့်အတိုင်း သုံးစွဲလိုက်သော ရွှေပြား တစ်ထောင်သည် ပြန်လည်ရောက်ရှိလာမည် ဖြစ်သည် ။ ဤသည်က ပစ္စည်း အနည်းငယ်ကို စတေးလိုက်ရုံသာပင်။</p> <p>ဂိုဏ်းအတွက် ထိပ်တန်းအဆင့် ပါရမီရှင် တစ်ယောက်ကို ပြုစုပျိုးထောင်ခြင်းနှင့် နှိုင်းယှဉ်ပါက ၎င်းမှာ ဘာမှမဟုတ်ချေ။</p> <p>သဘာဝကျစွာပင် အဆိုပါ သုံးစွဲလိုက်သော အရာများကို အမှန်တကယ် အသုံးပြုနိုင်မည်ဟူသော အချက်အပေါ် အခြေခံထားခြင်းပင် ဖြစ်သည်။</p> <p>သို့သော် လက်ရှိ အခြေအနေမှာ သိသိသာသာ မှားယွင်းနေခဲ့သည်ပင်။</p> <p>နင်းဖန်သည် ပထမအဆင့် ဝိညာဉ် ပြန်လည်နာလန်ထူခြင်း ဆေးညွှန်း ကို မသန့်စင်မီ ဆေးမီးဖို ကို အကြိမ် ကိုးဆယ့်ရှစ်ကြိမ်တိတိ ပေါက်ကွဲစေခဲ့ရာ ဆေးသန့်စင်ခြင်း တာအိုတွင် သူ၏ ပါရမီမှာ ယုံကြည်နိုင်စရာ မရှိလောက်အောင် ညံ့ဖျင်းနေကြောင်း ပြသနေ၏။</p> <p>သို့သော် အများဆုံးအနေဖြင့် အားလုံးက ဤနယ်ပယ်တွင် သူ၏ ကျွမ်းကျင်မှု ကင်းမဲ့ခြင်းအတွက် ဝမ်းနည်းရုံသာ ဝမ်းနည်းခဲ့ကြသည် ။ သူ့အပေါ် မည်သည့် မလိုမုန်းထားမှုမျှ သူတို့ရှိမည် မဟုတ်ချေ ။</p> <p>ထို "နဂါး ဆင် အရိုး သန့်စင်ခြင်း ဆေးလုံး" ကို ကျင့်ကြံရန် စားသုံးရန်အတွက် ဆေးခန်းမ ၏ အပေါ် ဆုံးထပ်သို့ နင်းဖန် အမြန်သွားလိမ့်မည်ဟုပင် သူတို့ မျှော်လင့်ခဲ့ကြသည် ။</p> <p>ဒါပေမယ့် ရလဒ်ကရော။</p> <p>နင်းဖန် မသွားခဲ့ရုံသာမက ဒသမအဆင့် နတ်ဘုရားအဆင့် ဆေးလုံး ကိုပင် ဆက်လက် မျက်စိကျနေပြီး လက်တွေ့မကျသော အိပ်မက်များကို မက်နေခဲ့သည်ပင်။</p> <p>ဝိညာဉ် ပြန်လည်နာလန်ထူခြင်း ဆေးညွှန်း ကို အောင်မြင်စွာ သန့်စင်ပြီးရုံဖြင့် သူသည် ဒုတိယအကြိမ် သန့်စင်ရန်အတွက် အမျိုးမျိုးသော ရှားပါး ပစ္စည်းများ ကို ကမ္ဘာဦး အပျက်အစီး ဆေးမီးဖို သို့ ယူလာ ရဲခဲ့သည်။</p> <p>ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးညွှန်း ကို သန့်စင်ရန် ပစ္စည်းများသည် ထိုအနှစ်တစ်သန်း သက်တမ်းရှိ ဝိညာဉ်အပင်များ ထက်ပင် ပို၍ အဖိုးတန်ကြောင်း သင် သိထားရမည် ဖြစ်သည်။</p> <p>နင်းဖန်၏ လုပ်ရပ်နှင့် နှစ်ပေါင်းများစွာ ဂိုဏ်းက ခက်ခဲစွာ စုဆောင်းထားခဲ့သော အခြေခံအုတ်မြစ် ကို လမ်းပေါ်သို့ ပစ်ချခြင်းကြား ဘာကွာခြားမှု ရှိပါသနည်း ။ ထိုကဲ့သို့သော ဖြုန်းတီးသည့် အပြုအမူကို ကြည့်ရန် ရိုးရှင်းစွာပင် သည်းမခံနိုင်လောက်အောင် ဖြစ်နေခဲ့သည်။</p> <p>စွန်းချီယွမ် သည် သူ၏ စိတ်ခံစားမှုများကို မထိန်းချုပ်နိုင်ဘဲ ဤမျှ ဒေါသထွက်နေသည်မှာ အံ့သြစရာ မဟုတ်ပေ ။ သူ၏ ဘဝတွင် ဖြုန်းတီးခြင်းကို အမုန်းဆုံး ဖြစ်လေသည်။</p> <p>ဆေးဥယျာဉ်ရှိ မည်သည့် ဝိညာဉ်အပင်မဆို မည်မျှ အသုံးမဝင်စေကာမူ ၎င်းအတွက် ဆေးညွှန်းတစ်ခု ဖန်တီးရန် နည်းစနစ်ကို သူ ရှာတွေ့လိမ့်မည် ။ ကျိုးပဲ့နေသော ဆေးမီးဖို တစ်လုံးကိုပင် သူ လွှင့်မပစ် ရက်ချေ ။</p> <p>ထျန်းကုန်းတောင်ထိပ် မှ မှော်လက်နက်ဖန်တီးခြင်း တပည့်များထံသို့ သူ ပေးမည်ဖြစ်ပြီး အနည်းငယ် ပြုပြင်ပြီးနောက် ၎င်းကို ရတနာတစ်ခုကဲ့သို့ ဆက်လက် အသုံးပြုရန် ပြန်ယူလာမည် ဖြစ်သည် ။</p> <p>ထို့ကြောင့် နင်းဖန်၏ လက်ရှိ လုပ်ရပ်သည် စွန်းချီယွမ် ၏ အားနည်းချက်ကို ရှင်းလင်းစွာ ထိုးဆွ လိုက်ခြင်းပင် ။</p> <p>ဆေးဖက်ဝင်အပင်တစ်ရာတောင်ထိပ် ၏ ပင်မ တောင်ထိပ်အရှင်သခင် ဖြစ်သော ရှောင်ချာ နှင့် ပတ်သက်၍မူ သူ၏ တုံ့ပြန်မှုမှာ ကွဲပြားလေသည် ။ ဖြုန်းတီးသွားသော ပစ္စည်းများ ကြောင့် သူ နာကျင်မှု မခံစားရချေ ။</p> <p>အဘယ်ကြောင့်ဆိုသော် မူလအစ သူတော်စင် စမ်းရေ နှင့် ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးညွှန်း နှစ်မျိုးလုံးသည် ဒသမအဆင့် နတ်ဘုရားအဆင့် ဆေးလုံး များ သန့်စင်ရန်အတွက် သာ အသုံးပြုသောကြောင့်ပင် ။</p> <p>သူ၏ ဆေးသန့်စင်ခြင်း အဆင့်ဖြင့် သူ၏ ဘဝလက်ကျန် အချိန်များတွင် နဝမအဆင့် ဆေးဆရာ အဖြစ် သာ ရပ်တန့်နေလိမ့်မည်ဟု သူ ခန့်မှန်းထားသည် ။ ဤဘဝတွင် ဤပစ္စည်းများ ကို အသုံးပြုရန် အခြေခံ အားဖြင့် မျှော်လင့်ချက် မရှိနေချေ ။</p> <p>ထို့ကြောင့် နင်းဖန်သည် ဂိုဏ်း၏ အခြေခံအုတ်မြစ် ကို ထိခိုက်စေသည်ဟု တွေးမည့်အစား သူ သူ့ကိုယ် သူ မတော်တဆ ထိခိုက်မိမည်ကို ရှောင်ချာ က ပို၍ စိုးရိမ်နေခဲ့သည် ။</p> <p>ဒသမအဆင့် ဆေးမီးဖို တစ်ခုအနေဖြင့် ကမ္ဘာဦး အပျက်အစီး ဆေးမီးဖို သည် ၎င်း၏ ပစ္စည်းများ တွင် ရှုပ်ထွေးရုံသာ မဟုတ်ချေ ။ ၎င်းပေါ်တွင် ထွင်းထုထားသော မီးစွဲလမ်းကြောင်း ဝင်္ကပါ မှာလည်း ကွဲပြားပြီး ပို၍ ပြင်းထန်ကာ ထိန်းချုပ်ရန် ခက်ခဲပေသည် ။</p> <p>နင်းဖန်သည် ဝိညာဉ် ပြန်လည်နာလန်ထူခြင်း ဆေးညွှန်း ကိုပင် ပေါက်ကွဲစေနိုင်သည် ။ ယခု ဤဒသမ အဆင့် ဆေးမီးဖို ကို ကမ္ဘာဦး အပျက်အစီးကင်းမဲ့သော ခန္ဓာကိုယ် မူလအစ ဆေးညွှန်း ကို သန့်စင်ရန် အရမ်းကာရော ထိန်းချုပ်လိုက်ပါက ပစ္စည်းများ ကို ပစ်ထည့်လိုက်သည်နှင့် ဆေးမီးဖို အောက်ရှိ မြေကြီးမီး သည် ထိန်းချုပ်မရ ဖြစ်သွားမည်ကို သူ စိုးရိမ်နေခဲ့သည်ပင်။</p> <p>ထိုကဲ့သို့သော အခြေအနေမျိုးတွင် ပေါက်ကွဲမှုကြောင့် ဒဏ်ရာရခြင်းသည် ကောင်းမွန်သော ရလဒ် တစ်ခု ဖြစ်ပေလိမ့်မည် ။</p> <p>လူကိုယ်တိုင် ချက်ချင်း အရည်ပျော်သွားပြီး လေထဲသို့ ပျောက်ကွယ်သွားမည်ကို သူ စိုးရိမ်နေခဲ့သည် ။ ထို့ကြောင့် အနည်းငယ် တုံ့ဆိုင်းပြီးနောက် ရှောင်ချာ သည် အခြားသူများကို အရာအားလုံး ချက်ချင်း ဖွင့်ပြောပြလိုက်သည်။</p> <p>ဂိုဏ်းချုပ် ဖေ့ချင်းယွီ ဤသည်ကို ကြားသောအခါ သူ၏ အမူအရာလည်း ချက်ချင်း လေးနက်သွား ခဲ့လေသည် ။ ဒသမအဆင့် နတ်ဘုရားအဆင့် ဆေးလုံး တစ်လုံး သန့်စင်ခြင်းသည် ဤမျှ အန္တရာယ် များလိမ့်မည်ဟု သူ မမျှော်လင့်ထားမိခဲ့ချေ ။</p> <p>အသက်ဆုံးရှုံးရခြင်းနှင့် နှိုင်းယှဉ်ပါက ကျရှုံးခြင်းမှာ အသေးအမွှား ကိစ္စတစ်ခုသာ ဖြစ်ပေသည် ။</p> <p>ဂိုဏ်းချုပ် ဖေ့ချင်းယွီသည် ဤမြင်ကွင်းကို မြင်သောအခါ အရေးတကြီး အမိန့်ပေးလိုက်သည်</p> <p>"ချီလဲ့ကွမ် နင်းဖန်ကို တားဖို့ သားရဲလေးကို မင်း သုံးနိုင်မလား ကြည့်လိုက် သူ့ကို စိတ်လိုက်မာပါ မလုပ်စေနဲ့...။"</p> <p>သူ၏ အသံမှာ အလွန်အရေးကြီးနေပြီး သူ့ကို ဂျူနီယာညီလေး ဟု ခေါ်ရန်ပင် မေ့သွားခဲ့လေသည်။</p> <p>ချီလဲ့ကွမ် ၏ မျက်နှာမှာလည်း လေးနက်နေပြီး အမှိုက်သံတုံး ချုံးချီလေး နှင့် အလျင်အမြန် ဆက်သွယ်ကာ နင်းဖန်ကို တားဆီးရန် အတွင်းခန်းမ၏ ဆေးသန့်စင်သည့် အခန်းထဲသို့ ပြေးဝင်သွား ခဲ့လေသည် ။</p> <p>ဤအချိန်တွင် ဂိုဏ်း၏ အခြေခံအုတ်မြစ် ကို ထိခိုက်စေခြင်း သို့မဟုတ် ကောင်းကင်နဲ့မြေကြီး ၏ ရှားပါး ရတနာ များကို ဖြုန်းတီးခြင်း ဖြစ်စေ နင်းဖန်၏ အသက်လောက် ဘာမှ အရေးမကြီးချေ ။</p> <p>နင်းဖန်ကို အသံကျယ်ကျယ်ဖြင့် ဆုံးမနေခဲ့သော စွန်းချီယွမ် ပင်လျှင် ယခုအခါ တိတ်ဆိတ်သွားခဲ့သည် ။ အခြားအကြီးအကဲများ၏ တုံ့ပြန်မှုများမှာလည်း အတူတူပင် ဖြစ်သည် ။ မျက်မှောင်ကြုတ်ကာ တင်းမာ​မှုများဖြင့် အောက်ဘက်ကို သူတို့ ကြည့်နေခဲ့ကြလေသည် ။</p> <p>ပတ်ဝန်းကျင်ရှိ တပည့်များစွာသည် တစ်ယောက်ကိုတစ်ယောက် ကြည့်ကာ တီးတိုးပြောဆိုနေကြ လေသည် ။</p> <p>"နင်းဖန် ပြဿနာ ရှာနေပြန်ပြီ...။"</p> <p>"သူ့ရဲ့ ဆေးသန့်စင်ခြင်း ပါရမီ ဘယ်လောက် ညံ့တယ်ဆိုတာ သူ တကယ်ပဲ မသိတာလား...။"</p> <p>"သူ အကြိမ်များစွာ ကျရှုံးခဲ့လို့ ရှက်စိတ်နဲ့ ဒေါသထွက်လာပြီး အဲဒီ အဖိုးတန် ပစ္စည်း တွေကို တမင်တကာ ဖျက်ဆီးနေတာများလား...။"</p> <p>"ပြောရခက်တယ် ဘာပဲဖြစ်ဖြစ် ဂိုဏ်းထဲမှာ သူ တစ်ယောက်တည်း ကျန်တော့တာလေ ဒီလို အခြေ အနေမျိုးမှာ သူ့ရဲ့ အမှောင်ဘက်ခြမ်းက ကြီးထွားလာတာ ပုံမှန်ပါပဲ...။"</p> <p>"ဒါပေမယ့် ပြဿနာက ကမ္ဘာဦး အပျက်အစီး ဆေးမီးဖို ကို ထိပ်တန်းအဆင့် ဆေးဆရာ တွေပဲ အသက်သွင်းနိုင်တယ် ဆိုတာကို သူ သဘောမပေါက်တာပဲ အကယ်၍ သာမန်လူတစ်ယောက်က အဲဒါကို အရမ်းကာရော ကြိုးစားမယ်ဆိုရင် သူတို့ကိုယ်သူတို့ မီးလောင်ရာ လေပင့်သလို ဖြစ်သွား လိမ့်မယ်...။"</p> <p>"ဒီကောင် သူ့ကိုယ်သူ တကယ်ပဲ ပေါက်ကွဲအောင် လုပ်တော့မှာတော့ မဟုတ်ပါဘူးနော်...။"</p> <p>ဂိုဏ်း၏ အစစ်အမှန်တပည့် များနှင့် ဂုဏ်ထူးဆောင်တပည့် တပည့်များသည် ပွဲကြည့်နေသည့် မျက်နှာ များ ရှိကြသည်။ သို့မဟုတ် တိတ်တဆိတ် လှောင်ပြောင်နေကြသည် သူတို့၏ စိတ်ပိုင်းဆိုင်ရာ တုံ့ပြန်မှု များမှာ ကွဲပြားနေကြလေသည်။</p> <p>သူတော်စင် ဇူယွင်ကျယ် သည် ဤရင်းနှီးနေသော မြင်ကွင်းကို ကြည့်နေသော်လည်း သူ၏ အမူအရာ မှာ တည်ငြိမ်နေခဲ့သည် ။</p> <p>"ဟီးဟီး ဘာကမှ ငါ့ကို မထိခိုက်နိုင်တော့ဘူး...။"</p> <p>သူ၏ အကြည့်များမှာ အေးစက်နေသည် အတက်အကျ အကြိမ်ပေါင်းများစွာ တွေ့ကြုံပြီးနောက် ထို တာအို နှလုံးသား သည် တဖြည်းဖြည်း တည်ငြိမ်လာခဲ့သည် ။ ယခု နင်းဖန်နှင့် ပတ်သက်၍ ဘာပဲဖြစ် ဖြစ် သူသည် စကားလုံး နှစ်လုံးဖြင့်သာ တုံ့ပြန်တော့သည်။</p> <p>"မယုံဘူး…။"</p> <p>ပထမအဆင့် ဆေးလုံးတစ်လုံး သန့်စင်ရန် ကိုးဆယ့်ရှစ်ကြိမ် ကျရှုံးသည်ဖြစ်စေ၊ ကမ္ဘာဦး အပျက်အစီး ဆေးမီးဖို ဖြင့် ပေါက်ကွဲခံရသည်ဖြစ်စေ သို့မဟုတ် ဒသမအဆင့် နတ်ဘုရားအဆင့် ဆေးလုံး သန့်စင် ရန် ကျရှုံးသည်ဖြစ်စေ သူတော်စင်သည် သဘောထား တစ်ခုတည်းကိုသာ ထိန်းသိမ်းထားရင်း စိတ်ထဲမှ ရေရွတ်လိုက်သည်။</p> <p>"မင်း ကျရှုံးတယ်လို့ ပြောရင် ငါ မယုံဘူး၊ မင်း အောင်မြင်နိုင်တယ်လို့ ပြောရင်လည်း ငါ မယုံဘူး၊ ဘာပဲဖြစ်ဖြစ် ငါ လုံးဝ မယုံဘူး ။ဒီလိုဆိုရင် တာအို နှလုံးသား ခိုင်မာနိုင်တယ် အဲဒါ ဖြစ်သင့်တယ် ဟုတ်တယ်မလား...။"</p> <p>သူတော်စင်သည် သူ့ဘာသာသူ တိတ်တဆိတ် တွေးနေခဲ့သည်။</p> <p>တစ်ချိန်တည်းမှာပင် ဆေးသန့်စင်သည့် အခန်း အတွင်း၌ နင်းဖန် တင်ပျဉ်ခွေ ထိုင်နေပြီး သူ၏ မျက်လုံး များတွင် တောက်ပသော အလင်းရောင်များ လင်းလက်နေခဲ့သည် ။</p> <p>"အကြိမ်တစ်ရာမြောက်...။"</p> <p>ရွှေရောင် ပါရမီ အကြိမ်တစ်ရာ သန့်စင်ပြီးနောက် ဆေးလုံးဖြစ်တည်ခြင်း ၏ အကျိုးသက်ရောက်မှု အသက်ဝင်တော့မည် ဖြစ်သည် ။ စိတ်မလှုပ်ရှားဘဲ နေရန်မှာ မဖြစ်နိုင်ချေ ။</p> <p>မည်သို့ပင်ဆိုစေ ယခင်က ဆက်တိုက် ကျရှုံးမှုများက ဆေးသန့်စင်ခြင်း ၏ အခက်အခဲကို သူ့အား နက်ရှိုင်းစွာ သဘောပေါက်သွားစေခဲ့သည်။</p> <p>သူ ဂရုမစိုက်ချင်လျှင်ပင် စိတ်ပျက်မှု အနည်းငယ်က သူ၏ နှလုံးသားထဲတွင် ပေါ်လာခဲ့သေးသည်။</p> <p>ထို့ကြောင့် ယခု သူသည် ၎င်းကို သက်သာစေရန်နှင့် ယုံကြည်မှု အချို့ ပြန်လည်ရရှိရန် နတ်ဘုရား အဆင့် ဆေးလုံး တစ်လုံးကို သန့်စင်ရန် အလွန်အမင်း လိုအပ်နေခဲ့သည်ပင်။</p> <p>ဤဆေးလုံးကို မည်သို့ သန့်စင်ခဲ့သည်၊ လှည့်စားမှုတစ်ခုကို အားကိုးခဲ့သလား ဆိုသည်နှင့် ပတ်သက်၍ မူ….။</p> <p>အဲဒါကို စိတ်မပူပါနဲ့….။</p> <p>နင်းဖန်သည် ကျောက်စိမ်းပြား ရှိ သန့်စင်ခြင်း လုပ်ငန်းစဉ် ဖော်ပြချက်ကို ပြန်လည် သတိရလိုက်ပြီး လေးနက်သော မျက်နှာဖြင့် ရေရွတ်လိုက်လေသည်။</p> <p>"ပထမဆုံး ဖျက်ဆီး၍မရသော ရွှေရောင် အရိုး ကို အရည်ပျော်အောင် အစစ်အမှန် နေမင်း မီးတောက် ကို သုံးမယ်။ ပြီးတော့ ဆေးဖက်ဝင် ဂုဏ်သတ္တိတွေကို ဟန်ချက်ညီအောင် အစစ်အမှန် လမင်း မီးတောက် ကို သုံးမယ်။ ဆေးစွမ်းအင်တွေ ပြီးပြည့်စုံစွာ ပေါင်းစပ်သွားအောင် ကိုးကြိမ် ထပ်ခါတ လဲလဲ လုပ်ရမယ်...။"</p> <p>ထို့နောက် ဖျက်ဆီး၍မရသော ရွှေရောင် အရိုး နှင့် အဆင့်ကိုးဆင့် နီဗားနား မြက် ကို ကောက်ကိုင်ကာ အစဉ်လိုက် ဆေးမီးဖို ထဲသို့ ပစ်ထည့်ရန် ပြင်ဆင်လိုက်သည် ။</p> <p>ဂိုဏ်းချုပ် ဖေ့ချင်းယွီ ဤမြင်ကွင်းကို မြင်သောအခါ အသည်းအသန် အော်ဟစ်လိုက်လေသည်။</p> <p>"မြန်မြန် သူ့ကို တား...။"</p> <p>ချီလဲ့ကွမ် ၏ နဖူးမှ ချွေးများ ကျဆင်းနေပြီး သူ၏ နတ်ဘုရားစိတ်အာရုံ သည် ပိုက်ကွန်တစ်ခုကဲ့သို့ ရုပ်သေး သားရဲကို ဆေးသန့်စင်သည့် အခန်း အပြင်ဘက်မှ လျှင်မြန်စွာ ပျံသန်းသွားစေရန် ထိန်းချုပ် နေခဲ့လေသည် ။</p> <p>​သို့သော် နောက်ဆုံးတွင် တစ်လှမ်း နောက်ကျသွားလေခဲ့သည်။</p> <p>ကျယ်လောင်သော "ဒိုင်း"ဆိုသည့်အသံနှင့်အတူ အမှိုက်သံတုံး ချုံးချီလေး သည် နင်းဖန်ကို မတားဆီး နိုင်ခဲ့ရုံသာမက ကမ္ဘာဦး အပျက်အစီး ဆေးမီးဖို ကို တိုက်ရိုက် ဝင်တိုက်မိပြီး ပက်လက်လန် လဲကျ သွားခဲ့လေသည်။</p> <p>ထို့ပြင် နင်းဖန်၏လက်ထဲရှိ ပစ္စည်းများမှာလည်း အထဲသို့ ရောက်သွားခဲ့ပြီ ဖြစ်လေ၏။</p> <p> </p> <p> </p> <p> </p> <p style="text-align: center;">***</p>


Save