Book List

<p>မိုးတွေသည်းကြီးမည်းကြီးရွာပြီး လျှပ်ပန်းလျှက်နွယ်တွေတလက်လက်နဲ့ အုံ့မှိုင်းနေတဲ့ အဲ့ဒီနေ့။ အဲ့ဒီနေ့က'ဖိုးခွား'တို့မောင်နှမနှစ်‌ယောက်ရဲ့ကမ္ဘာထဲကို ဂြိုလ်ဆိုးဝင်တဲ့နေ့ဆိုလည်းမမှားဘူး။ အပြင်မှာမိုးတွေသည်းသည်းမည်းမည်းရွာနေတာမို့ အလုပ်ကပြန်လာတာနောက်ကျနေတဲ့ အစ်ကိုဖြစ်သူ 'ဖိုးခွား'ကို 'ပန်းမှုန်' တစ်ယောက်စိတ်ပူလို့နေတယ်။ မိုးရွာထဲမှာအပြေးအလွှားနဲ့ ပြေးလာနေတဲ့အရိပ်မဲတစ်ခုက သူရှိရာ ဦးတည်လာနေတယ်။သူရှိရာပြေးလာနေသူဟာ အစ်ကိုဖြစ်သူမှတ်ပြီး အိမ်ထဲကိုပြေးဝင်ကာ ရေစိုနေတဲ့အဝတ်တွေလဲဖို့ အဝတ်အစားတွေရှာနေခဲ့တယ်။ မိုးတွေကရွာနေတာကတစ်ကြောင်း ၊ ဘာကိုမှသဲသဲကွဲကွဲမမြင်ရတာကတစ်ကြောင်းနဲ့မို့ သူရှိရာလာနေတဲ့သူဟာ အစ်ကိုဖြစ်သူ'ဖိုးခွား'လား ၊ လူယုတ်မာ ' မင်းခေါင်' လားဆိုတာ 'ပန်းမှုန်'မသိခဲ့ရှာဘူး။အိမ်ခန်းထဲမှာ အဝတ်အစားတွေရှာနေခိုက် နောက်ကနေသိုင်းဖက်လိုက်တဲ့ အထိအတွေ့ကြောင့် 'ပန်းမှုန်'လန့်သွားရတယ်။</p> <p> </p> <p>" ဟင် ရှင် ရှင်ဘယ်သူလဲ။ ကိုကြီး ကိုကြီးမဟုတ်ဘူးလား။"</p> <p> </p> <p>"ဘယ်ကကိုကြီးလဲ 'ပန်းမှုန်'ရယ်။ ကိုကြီးမဟုတ်ပါဘူး။ အနာဂတ်မှာ 'ပန်းမှုန်'ရဲ့ လင်ယောက်ျားဖြစ်လာမဲ့ 'ကိုမင်းခေါင်'ကြီးပါတဲ့ဗျာ။"</p> <p> </p> <p>"ရှင် ဘယ်လိုလုပ်ပြီး ကျုပ်အိမ်ကိုရောက်လာတာလဲ။ ဖယ်စမ်း။ လွှတ်စမ်း။"</p> <p> </p> <p>"အို ဒီအထိတောင်ရောက်လာပြီးမှတော့ လွှတ်မပေးနိုင်တော့ဘူး 'ပန်းမှုန်'။ မင်းအစ်ကို့ကို လက်ထပ်မယ်ဆိုမှ လွှတ်ပေးမယ်။"</p> <p> </p> <p>"ကျုပ်က ရှင့်ကိုဘာကိစ္စလက်ထပ်ရမှာတုန်း။ ရှင့်ကိုလည်းကျုပ်မသိဘူး။ ဖယ်ပါ။ လွှတ်ပါဆိုတော်။"</p> <p> </p> <p>"မင်းအစ်ကို့ကို တကယ်လက်မထပ်ဘူးလား။"</p> <p> </p> <p>"ရှင့်ကိုကျုပ်သိလည်းမသိဘူး။ စိတ်လည်းမဝင်စားဘူး။ အခုချက်ချင်းလွှတ်နော်။"</p> <p> </p> <p>"ဒီလောက်တောင်ရှိတဲ့ဟာမ ကဲကွာ။ခွပ်။"</p> <p> </p> <p>ချော့မော့ပြောနေတဲ့ကြားက အတင်းရုန်းကန်နေတဲ့ 'ပန်းမှုန်'ကို 'မင်းခေါင်'လက်သီးနဲ့ထိုးကာ တွန်းလှဲလိုက်တယ်။စောနက သူဖက်လိုက်လို့ ရေတွေစိုနေတဲ့ 'ပန်းမှုန်'ရဲ့အလှဟာ 'မင်းခေါင်'ရဲ့စိတ်ကိုရူးသွပ်သွားစေနိုင်တဲ့အထိပဲ။</p> <p> </p> <p>"ရှင် ရှင်မယုတ်မာနဲ့နော်။ ကယ်ကြပါအုံးရှင်။ ကာ်ကြပါအုံး။ ဒီလူယုတ်မာ ကျုပ်ကို မတော်မတရားကြံနေလို့ပါ။"</p> <p> </p> <p>"အော်စမ်း။ မင်းအကြိုက်အော်လိုက်စမ်း။ ဒီလိုမိုးရွာနေပုံနဲ့ဆို မင်းအော်တဲ့အသံကို ဘယ်သူမှမကြားနိုင်ဘူးကွ။ဟားးးဟားးးးဟားးးး။"</p> <p> </p> <p>သည်းကြီးမည်းကြီးရွာနေတဲ့မိုးနဲ့အတူ 'ပန်းမှုန်'ရဲ့ဘဝဟာလည်း ကြေမွပျက်ဆီးခဲ့ရတယ်။ မိုးလည်းဆဲလုပြီမို့ အိမ်ပြန်လာတဲ့ 'ဖိုးခွား' က သူ့အိမ်ထဲကနေ အူယားဖားယား‌ပြေးထွက်လာတဲ့ 'မင်းခေါင်'ကို လှမ်းမြင်လိုက်ရတယ်။ တစ်ခုခုတော့ဖြစ်နေပြီဆိုတာကို သဘောပေါက်လိုက်တဲ့ 'ဖိုးခွား'က အိမ်ထဲကိုအမြန်ပြေးဝင်လိုက်ချိန် သွေးအိုင်ထဲမှာ လဲကျနေတဲ့ ညီမဖြစ်သူ 'ပန်းမှုန်'ကို သွေးပျက်ဖွယ်တွေ့မြင်လိုက်ရတယ်။</p> <p> </p> <p>"ညီ ညီမလေး။ 'ပန်းမှုန်' ညီမလေး။ ဘယ်လိုဖြစ်ရတာလဲညီမလေးရာ။ ကိုကြီးပြန်လာပြီလေညီမလေးရဲ့။ မျက်လုံးဖွင့်ပါအုံးညီမလေးရာ။အီးးးးး။ဟီးးးးး။"</p> <p> </p> <p>သွေးအိုင်ထဲမှာအသက်မရှိပကတိငြိမ်သက်နေတဲ့ 'ပန်းမှုန်'ကိုပွေ့ဖက်ရင်း အရူးတစ်ယောက်လို ငိုကြွေးနေတဲ့ 'ဖိုးခွား'ရဲ့ဒေါသတွေက ထိန်းလို့မရနိုင်အောင်ဖြစ်သွားတော့တယ်။ ဖရိုဖရဲဖြစ်နေတဲ့ ညီမလေးရဲ့အလောင်းကို သေချာဖုံးအုပ်ပေးပြီးတာနဲ့ သွေးတွေပေကျံနေတာကိုတောင် မဆေးကြောတော့ပဲ ငှက်ကြီးတောင်ဓားကို ကိုင်ကာ 'အိမ်မွှေး'ရွာသူကြီးအိမ်ရှိရာကို ဒေါကြီးမောကြီးနဲ့ထွက်သွားတော့တယ်။</p> <p> </p> <p>"ဟေ့ကောင် မင်းခေါင်။ ထွက်ခဲ့စမ်း။ ‌ခွေးကျင့်ခွေးကြံ ကြံပြီးသွားကာမှ အခုလိုရှောင်ပြေးနေလို့ရမလားကွ။ ငါပြောနေတာကြားလား။မင်း ယောက်ျားဆိုရင်ထွက်ခဲ့လေကွာ။"</p> <p> </p> <p>"အိမ်ရှေ့မှာအော်ကြီးဟစ်ကျယ်နဲ့ ရမ်းကားနေတာ ဘယ်ကောင်လဲကွ။"</p> <p> </p> <p>သူကြီးအိမ်ရှေ့မှာ ငှက်ကြီးတောင်ဓားကိုဝံ့ကာ အော်ဟစ်ဆဲဆိုနေသူကား ညီမဖြစ်သူရဲ့စိတ်နဲ့ အရူးမီးဝိုင်းနေရှာတဲ့ 'ဖိုးခွား'။ မိမိအိမ်ရှေ့မှာ အော်ဟစ်ရမ်းကားနေတာကို အိမ်ပေါ်ကနေအသံပြုရင်းထွက်လာသူကတော့ 'အိမ်မွှေးရွာ'သူကြီးဦးမင်းမောင်။</p> <p> </p> <p>"သူကြီး ကျုပ်ရှည်ရှည်ဝေးဝေးမပြောချင်ဘူး။ ခင်ဗျားသားဘယ်မတုန်း။ အခုချက်ချင်းထုတ်ပေးဗျာ။ မထုတ်ပေးရင် ကျုပ်လက်ထဲကဓားကိုမြင်လား။ အကုန်ခုတ်ပစ်မယ်။"</p> <p> </p> <p>"ဟကောင်ရ။ ဘာကိစ္စငါက မင်းပြောတဲ့အတိုင်းလုပ်ပေးရမှာတုန်း။ မင်းနဲ့ငါ့သားနဲ့ကြားမှာ ဘာပြဿနာရှိလို့တုန်း။ မင်းတွေ့ချင်နေတဲ့ငါ့သားကလည်း အခုထိအိမ်ပြန်မရောက်သေးဘူးကွ။"</p> <p> </p> <p>"ခင်ဗျားကြီး ကူလီကူမာလုပ်မယ်မကြံနဲ့နော်။"</p> <p> </p> <p>"လူကြီးကို လူကြီးမှန်းမသိ မင်းအတော်ရိုင်းတဲ့ကောင်ပဲကွ။"</p> <p> </p> <p>သူကြီးနဲ့ 'ဖိုးခွား'တို့အချေအတင်စကားများနေခိုက် ဘုမသိဘမသိ အိမ်ထဲကိုဝင်လာတဲ့ မင်းခေါင်ကိုတွေ့လိုက်ရတာမို့ 'ဖိုးခွား'ဟာသူ့လက်ထဲကဓားနဲ့ ဒေါသတွေထွက်ပြီး လိုက်လံခုတ်ပိုင်းတော့တယ်။</p> <p> </p> <p>"ခွေးမသား။ မျိုးမစစ်ကောင်။ ငါ့ညီမကို စော်ကားသွားတဲ့အမျိုးယုတ်။ သေပေတော့။"</p> <p> </p> <p>"ဒုတ်။ ဒုတ်။ ဒုတ်။"</p> <p> </p> <p>လက်ထဲကဓားနဲ့ လိုက်ခုတ်နေပေမဲ့ ဒေါသတွေထွက်လွန်းပြီး ခုတ်ရာတစ်ခြား ရှရာတစ်ခြားဖြစ်နေတယ်။</p> <p> </p> <p>"ဟေ့ ဟေ့ကောင်တွေ ဝိုင်းဆွဲကြပါဟ။ ဝိုင်းဆွဲကြပါဟ။"</p> <p> </p> <p>ဆူဆူညံညံအသံတွေကြောင့် သူကြီးအိမ်ဝိုင်းထဲကိုလာကြည့်ကြတဲ့ ကာလသားတွေက ငှက်ကြီးတောင်ဓားနဲ့လိုက်ခုတ်နေတဲ့ 'ဖိုးခွား'ကို ဝိုင်းဝန်းဖမ်းဆီးပြီး ချုပ်ထားလိုက်ကြတယ်။</p> <p> </p> <p>"ဟေ့လူတွေ။ ကျုပ်ကဘာအပြစ်မှလုပ်မထားဘူး။ အပြစ်လုပ်ထားတာက ခင်ဗျားတို့ရွာသူကြီးရဲ့သား မင်းခေါင်ဆိုတဲ့ကောင်ပဲ။ အဲ့ကောင်အတော်ယုတ်မာတဲ့ကောင်ဗျ။ ကျုပ် ကျုပ်ညီမလေးကိုဗျာ။ ကျုပ်ညီမလေးကိုမှ လုပ်ရက်တယ်ဗျာ။ အီးးးးးဟီးးးးး။"</p> <p> </p> <p>လှုပ်မရအောင်ချုပ်ထားတဲ့ကြားက အတင်းရုန်းကန်နေရင်း ငိုယိုပြီး ညီမဖြစ်သူ'ပန်းမှုန်'ရဲ့အဖြစ်ကို ရွာသူရွာသားတွေအားလုံးသိအောင်ပြန်ပြောပြရှာတယ်။ ရွာသူရွာသားတွေအားလုံးကလည်း သူကြီးရဲ့သားဖြစ်သူအမှားမှန်းသိတော့ 'ဖိုးခွား'ကိုချုပ်နှောင်မထားတော့ပဲ လွှတ်ပေးလိုက်ကြတယ်။</p> <p> </p> <p>"ဟေ့ကောင် မင်းခေါင်။ မင်းဘာတွေဇာတ်ရှုပ်လာပြန်ပြီလဲ။ ဟိုကောင်ပြောတာဟုတ်သလား။"</p> <p> </p> <p>ရွာသူရွာသားတွေအားလုံးက ဖြစ်ကြောင်းကုန်စင်ကိုသိကုန်ကြပြီမို့ သားဖြစ်သူကို ထိုက်သင့်တဲ့အပြစ်က မပေးလို့လည်း မရပြန်ဘူး။ ဒါ့ကြောင့်သူကြီးကိုယ်တိုင်သူ့သားကိုမေးတော့တယ်။</p> <p> </p> <p>"ငါမေးနေတယ်လေကွာ။ ဖြေစမ်း။"</p> <p> </p> <p>" ဟုတ် ဟုတ်ပါတယ်အဘ။ ကျုပ် ကျုပ်မှားခဲ့ပါတယ်။"</p> <p> </p> <p>"တောက်။ မင်းကြောင့်ငါ့မျက်နှာကိုဘယ်မှာသွားထားရတော့မလဲကွ။ဟမ် ဟေ့ကောင်။"</p> <p> </p> <p>" ကဲ ဟိုကမောင်ရင်လည်း သူ့အဖေဖြစ်တဲ့ကျုပ်ကပဲကြားထဲကတောင်းပန်တယ်။ သူနဲ့ထိုက်သင့်တဲ့ပြစ်ဒဏ်ကိုရစေရမယ်လို့လည်းအာမခံတယ်။ ဒီလိုဆိုအဆင်ပြေပြီမလား။"</p> <p> </p> <p>သူကြီးက သားဖြစ်သူကို စိတ်ဆိုး‌ဒေါသထွက်ဟန်ပြုပြီး 'ဖိုးခွား'ကျေနပ်အောင် ဟန်ဆောင်ချွေးသိပ်လိုက်သေးတာ။</p> <p> </p> <p>"ခင်ဗျားအဲ့လိုလုပ်လိုက်တော့ရော ကျုပ်ညီမလေးက အသက်ပြန်ရှင်လာမှာလား။ဟမ် သူကြီး။ ကျုပ်မေးတာဖြေလေဗျာ။"</p> <p> </p> <p>"အဲ့ အဲ့ဒါကတော့။"</p> <p> </p> <p>'ဖိုးခွား'ရဲ့အမေးကို မဖြေနိုင်တော့ပဲ မျက်နှာလွှဲနေတဲ့သူကြီး ၊ ညီမဖြစ်သူကို ရက်ရက်စက်စက် အဓမ္မကျင့်ပြီးသတ်သွားတဲ့ သူကြီးသား မင်းခေါင်တို့ရဲ့မျက်နှာတွေကို အဲ့ဒီနေ့ကစလို့ 'ဖိုးခွား'ရဲ့ရင်ထဲမှာ မှတ်ကျောက်တင်ထားခဲ့တယ်။ သူကြီးသားကို မြို့ဂတ်က ပုလိပ်တွေလာရောက်ဖမ်းဆီးသွားပြီဆိုတော့မှ 'ဖိုးခွား' တစ်ယောက် လက်ထဲကဓားကိုချကာ လေးလံတဲ့ခြေလှမ်းတွေနဲ့အတူ အိမ်ကိုပြန်လာခဲ့တယ်။အဲ့ဒီနောက် 'ဖိုးခွား'ဟာ ညီမဖြစ်သူရဲ့နာရေးကိစ္စအဝဝ ပြီးသွားတဲ့အချိန်မှာတော့ အိမ်နဲ့ခြံကိုရောင်းပြီး 'သုံးကန်'ရွာလေးကနေ ပျောက်ချင်းမလှပျောက်သွားခဲ့တော့တယ်။</p> <p> </p> <p>အထက်ပါအကြောင်းအရာကတော့ သူကြီးဦးမင်းမောင်ရဲ့သား မင်းခေါင် ဘယ်လိုကြောင့်ထောင်ကျသွားရတယ်ဆိုတဲ့အကြောင်းပေါ့။</p> <p> </p> <p style="text-align: center;">***</p>


Save