Book List

<h2 style="text-align: center;">အခန်း (၃၂)</h2> <h2 style="text-align: center;">ချီတက်ခြင်း</h2> <h2 style="text-align: center;">*</h2> <p> </p> <p> </p> <p>သက်စောင့်စွမ်းအင်မှ ထူးခြားသော တုံ့ပြန်မှုများ ဖြစ်ပေါ်လာခြင်းမှာ လုံးဝကို သာမန် မဟုတ်ချေ။</p> <p>သက်စောင့်မျိုးစေ့ကို နိုးထစေပြီး အစစ်အမှန် သူရဲကောင်း တစ်ယောက် မဖြစ်လာမီတွင် သူရဲကောင်းများ အနေဖြင့် သူတို့၏ သက်စောင့်စွမ်းအင်ကို မထိန်းချုပ်နိုင်ကြပေ။</p> <p>ပုံမှန်အားဖြင့် သူရဲကောင်းများ၏ သက်စောင့်စွမ်းအင်မှာ အကန့်အသတ်ရှိသော အခြေအနေများမှ လွဲ၍ သူတို့၏ ခန္ဓာကိုယ်အတွင်း၌ ငြိမ်းချမ်းစွာ ပုန်းအောင်းနေလေ့ ရှိပြီး တုံ့ပြန်မှု သိပ်မပြတတ်ချေ။</p> <p>ချင်ဟန်အတွက်မူ သူ့ သက်စောင့်စွမ်းအင်မှာ သူရဲကောင်း အသက်ရှူကျင့်စဉ်ကို လေ့ကျင့်နေချိန်မှသာ တုံ့ပြန်လေ့ ရှိပြီး သူ့ ခန္ဓာကိုယ်အတွင်း အလိုအလျောက် လှည့်ပတ်နေမည် ဖြစ်သည်။</p> <p>လက်ရှိတွင် သူက သူရဲကောင်း အသက်ရှူကျင့်စဉ်ကို လေ့ကျင့်နေခြင်း မဟုတ်သော်ငြား သက်စောင့်စွမ်းအင်များ ဆူပွက်လာနေ၏...</p> <p>"ဖြစ်နိုင်တာက..."</p> <p>ဖြစ်နိုင်ချေ တစ်ခုအား တွေးမိသွားသဖြင့် သူ့အမူအရာမှာ အံ့အားသင့်သွားတော့သည်။</p> <p>"သူ ငါတို့ကို သင်ပေးနေတာက ရိုးရှင်းတဲ့ ဓားသိုင်း မဟုတ်ဘဲ ထူးခြားတဲ့ သူရဲကောင်း အသက်ရှူကျင့်စဉ်များ ဖြစ်နေမလား..."</p> <p>ထိုဖြစ်နိုင်ချေအား တွေးမိသည်နှင့် ချင်ဟန် အနည်းငယ် တုန်လှုပ်သွားရ၏။</p> <p>သူရဲကောင်း အသက်ရှူကျင့်စဉ်များ ဆိုသည်မှာ မယုံနိုင်လောက်အောင် အဖိုးတန်သော အမွေအနှစ်များ မဟုတ်ပါလား။ များသောအားဖြင့် အစွမ်းထက်သော ဘိုးဘေးများ ရှိသည့် ရှေးဟောင်း မိသားစုများတွင်သာ ထိုကဲ့သို့ အမွေအနှစ်မျိုး ရှိတတ်ကြသည်။</p> <p>ဤကဲ့သို့သော အရာများကို အဖိုးမဖြတ်နိုင်သော ရတနာများဟု ခေါ်ဆိုကြပြီး ဝယ်ယူရန်မှာလည်း လုံးဝ မဖြစ်နိုင်ချေ။</p> <p>ယခင် ပုံရိပ်ယောင်ကမ္ဘာထဲတွင် ချင်ဟန်က ကြေးစား တစ်ယောက်အဖြစ် နေရာအနှံ့ ခရီးသွားရင်း သူရဲကောင်း အသက်ရှူကျင့်စဉ်များကို ရှာဖွေရန် ကြိုးစားခဲ့ဖူးသော်လည်း တစ်ခုမျှ မရရှိခဲ့ပေ။</p> <p>သူက ဆော်ရန်ဒိုကို သတ်ဖြတ်ပြီး သူ့ထံမှ ရယူနိုင်ခဲ့မှသာ သူရဲကောင်း အသက်ရှူကျင့်စဉ်ကို ပိုင်ဆိုင်ခွင့် ရရှိခဲ့ခြင်း ဖြစ်သည်။</p> <p>ထိုအရာများ ရရှိရန်မှာ အလွန်တရာ ခက်ခဲလှပြီး သာမန်လူ တစ်ယောက် တွေးကြည့်၍ပင် မရနိုင်သည့် အရာမျိုးပင်။</p> <p>ယခုမူ ကော်ရီပိုက ဤမျှ အဖိုးတန်လှသော သူရဲကောင်း အသက်ရှူကျင့်စဉ်ကို အခြားသူများအား ပေါ့ပေါ့ပါးပါးပင် သင်ကြားပေးနေသည်တဲ့လား...</p> <p>ချင်ဟန်က ရပ်နေရာမှနေ၍ အသက်ပြင်းပြင်း ရှူသွင်းကာ သူ့ကိုယ်သူ တည်ငြိမ်အောင် ထားလိုက်၏။</p> <p>ယင်းနောက်ကွယ်ရှိ အဓိပ္ပာယ်မှာ မယုံနိုင်လောက်အောင် အရေးကြီးလှသည်။</p> <p>မည်သို့ပင် ကြည့်စေကာမူ အဖိုးမဖြတ်နိုင်သော သူရဲကောင်း အသက်ရှူကျင့်စဉ်ကို ဤသို့ ပေးဝေနေသည့် ကော်ရီပို၏ နောက်ခံမှာ လုံးဝ ရိုးရှင်းမနေနိုင်ပေ။</p> <p>သေချာသည်ကတော့ ဤကဲ့သို့ သူရဲကောင်း အသက်ရှူကျင့်စဉ်ကို စေတနာအလျောက် ပေးဝေနေခြင်း၏ နောက်ကွယ်တွင် ရည်ရွယ်ချက် တစ်ခုခုတော့ ရှိနေရမည်သာ။</p> <p>'သူ ဘာလိုချင်နေတာလဲ...' ချင်ဟန် စိတ်ထဲ တွေးတောလိုက်မိသည်။</p> <p>သူရဲကောင်း ပါရမီ ရှိသူတွေကို ရှာဖွေနေတာလား...</p> <p>ဖြစ်နိုင်ချေတော့ ရှိ၏။</p> <p>မည်သို့ပင်ဆိုစေ သူ့ လုပ်ရပ်များအရ ဤသည်မှာ သူ ပစ်မှတ်ထားနေသော အရာပင် ဖြစ်ပုံရသည်။</p> <p>သူရဲကောင်း ပါရမီ ရှိသူများမှာ များသောအားဖြင့် ခန္ဓာကိုယ် ပိုသန်မာကြသဖြင့် အစပိုင်းတွင် ပြေးခိုင်းခဲ့ခြင်းမှာ သန်မာသော ခန္ဓာကိုယ် ပိုင်ဆိုင်ထားသူများကို ရွေးချယ်ရန် စစ်ထုတ်သည့် လုပ်ငန်းစဉ် တစ်ခု ဖြစ်ပေလိမ့်မည်။</p> <p>ဒါက နောက်ထပ် စစ်ထုတ်တဲ့ အဆင့်များလား...</p> <p>ချင်ဟန်၏ စိတ်ထဲတွင် အတွေးများစွာ လျှပ်တစ်ပြက် ဖြတ်သန်းသွား၏။</p> <p>သူ မနေနိုင်တော့ဘဲ စိတ်လှုပ်ရှားလာသည်။</p> <p>အကယ်၍ သူရဲကောင်း ပါရမီ ရှိသူများကို စစ်ထုတ်နေခြင်းသာ အမှန်တကယ် ဖြစ်ခဲ့ပါက ဤသည်မှာ ကြီးမားသော အားသာချက် တစ်ခုပင်။</p> <p>မည်သို့ပင်ဆိုစေ သူ့တွင် သူရဲကောင်း ပါရမီ ရှိနေကြောင်း အတည်ပြုထားပြီး ဖြစ်သည်။ အချိန်ကိုက် ထုတ်ဖော်ပြသနိုင်သရွေ့ ကော်ရီပို အနေဖြင့် သူ့အား အလွန် တန်ဖိုးထားပြီး ပြုစုပျိုးထောင်ပေးဖို့ များလေသည်။</p> <p>ထိုသည်ကို တွေးမိသည်နှင့် ချင်ဟန်က သွားကို တင်းတင်းကြိတ်၍ ဆက်လက် လေ့ကျင့်တော့၏။</p> <p>နောက်ရက်များတွင် လူတိုင်း၏ ရှေ့မှောက်၌ ချင်ဟန်မှာ ပို၍ပင် ကြိုးစား အားထုတ်လာခဲ့သည်။</p> <p>မူလကတည်းက သူက အလွန် လုံ့လဝီရိယ ရှိသူ ဖြစ်၏။ သူက အမြဲတမ်း ပထမဆုံး ရောက်လာသူ ဖြစ်သလို နောက်ဆုံးမှ ပြန်သူလည်း ဖြစ်သည်။</p> <p>လွန်ခဲ့သော ရက်အနည်းငယ် အတွင်း သူက ပို၍ပင် အစွန်းရောက်လာခဲ့လေပြီ။</p> <p>ဘယ်အချိန်ပဲ ဖြစ်ဖြစ် လူတွေက သူ့ကို မြင်လိုက်သည်နှင့် အမြဲတမ်း လေ့ကျင့်နေသည်ကိုသာ တွေ့ရတတ်သည်။</p> <p>သူက ပင်ပန်းနွမ်းနယ်မှုကို မခံစားရသည့်အလား အစွမ်းကုန် လေ့ကျင့်နေခဲ့၏။ ဤကဲ့သို့ မြှုပ်နှံထားမှုက အခြားသူများအား အားကျစွာဖြင့် သက်ပြင်းချမိစေသည်။</p> <p>ဖရူဒိုမှာ အလွန် လုံ့လဝီရိယ ရှိသူ ဖြစ်နှင့်ပြီးသော်ငြား ချင်ဟန်နှင့် ယှဉ်လိုက်ပါက ဘာမှ မဟုတ်တော့သလိုပင်။</p> <p>သေချာသည်ကတော့ ချင်ဟန် ဤသို့ လေ့ကျင့်နေရခြင်းမှာ အခြားသူများ မြင်စေရန် ဖြစ်ပြီး အထူးသဖြင့် ကော်ရီပိုအတွက် ဖြစ်သည်။ ကော်ရီပိုလို လူမျိုးအတွက် သူ့တွင် ထူးခြားချက် တစ်ခုမျှ မရှိပါက ကော်ရီပိုက သူ့အား အဘယ်ကြောင့် ပိုအာရုံစိုက်လာမည်နည်း။</p> <p>လေ့ကျင့်မှုမှ ရရှိလာသော ပင်ပန်းနွမ်းနယ်မှုနှင့် နာကျင်မှုများမှာမူ ချင်ဟန်အတွက် ဘာမှ မဟုတ်ပေ။</p> <p>ဤကမ္ဘာကြီးတွင် သေရေးရှင်ရေးမှလွဲ၍ အခြား မည်သည့်အရာမှ အရေးမကြီးချေ။</p> <p>ထို့အပြင် ချင်ဟန်အတွက် သေရမည်ကို မကြောက်ရွံ့သော်ငြား ဘာတစ်ခုမှ မအောင်မြင်ဘဲ သေဆုံးသွားရမည်ကိုမူ အလွန် ကြောက်ရွံ့မိသည်။</p> <p>ယခင်ဘဝတွင် သူက လူ့အသိုင်းအဝိုင်းထဲသို့ ဝင်ရောက်လာချိန်မှာပင် မထင်မှတ်ဘဲ အကြမ်းဖက်မှုကြောင့် သေဆုံးသွားခဲ့ရ၏။</p> <p>ယခုအခါ နောက်တစ်ကြိမ် အသက်ရှင်ခွင့် ရရှိလာပြီ ဖြစ်သောကြောင့် သူက ဤအခွင့်အရေးကို အလွန် တန်ဖိုးထားလေသည်။</p> <p>ပုံရိပ်ယောင်ကမ္ဘာထဲရှိ အရာအားလုံးမှာ သူ့အတွက် အစစ်အမှန် မဟုတ်သော်ငြား သူ ရရှိခဲ့သမျှ အရာအားလုံး၏ တစ်စိတ်တစ်ပိုင်းကို လက်တွေ့ကမ္ဘာသစ်ဆီသို့ ပြန်လည် သယ်ဆောင်သွားနိုင်မည် မဟုတ်ပါလား။</p> <p>ထို့ကြောင့် သူ လုပ်ဆောင်သမျှ အရာအားလုံးမှာ အနာဂတ်တွင် ပိုကောင်းမွန်စွာ နေထိုင်နိုင်ရန် အတွက်ပင်။</p> <p>ထိုအရာများ အတွက်ဆိုလျှင် ယာယီ ပင်ပန်းနွမ်းနယ်မှုနှင့် နာကျင်မှုများက သူ့အတွက် အရေးမကြီးတော့ချေ။</p> <p>အချိန်များ တဖြည်းဖြည်း ကုန်လွန်သွား၏။</p> <p>သတိမထားမိလိုက်ခင်မှာပင် သုံးလတာ ကုန်လွန်သွားခဲ့လေပြီ။</p> <p>လွန်ခဲ့သော သုံးလအတွင်း ကျောင်းသား ငါးယောက်ရှိသည့် အတန်းမှာ သုံးယောက်သာ ကျန်တော့သည် အထိ လျော့နည်းသွားခဲ့သည်။</p> <p>ချင်ဟန်နှင့် ဖရူဒိုတို့ အပြင် နောက်ထပ် လူတစ်ယောက်သာ ခက်ခက်ခဲခဲ တောင့်ခံထားနိုင်ခဲ့၏။</p> <p>သို့သော် ထိုသူမှာ အတော်လေး ရုန်းကန်နေရပြီး သူတို့နှင့် ရင်ပေါင်တန်းနိုင်ရန်ပင် ခက်ခဲနေလေပြီ။</p> <p>သူလည်း မကြာမီ အတန်းထဲမှ ထွက်သွားရဖို့ များသည်။</p> <p>မွန်းတည့်ချိန်တွင် နေမင်းကြီးက ကောင်းကင်ယံ၌ မြင့်မားစွာ သာယာနေပြီး ပြင်းထန်သော အပူရှိန်နှင့် အလင်းရောင်ကို ပေးစွမ်းနေ၏။</p> <p>ချင်ဟန်က သူ့အတန်းများကို ပြီးဆုံးအောင် တက်ရောက်ပြီးနောက် ထွက်ခွာသွားသော ကော်ရီပိုအား ကြည့်ရင်း စိတ်ထဲ တွေးတောနေလိုက်သည်။</p> <p>"အချိန်တန်ပြီ ထင်တယ်..."</p> <p>လွန်ခဲ့သော သုံးလအတွင်း သူက အချက်အလက် များစွာကို သိရှိခဲ့ပြီး ဖြစ်သည်။</p> <p>ကော်ရီပိုထံမှ သူရဲကောင်း အသက်ရှူကျင့်စဉ်မှာ အတော်လေး မပြည့်စုံသော်ငြား လွန်ခဲ့သော သုံးလအတွင်း အများစုကို သင်ကြားပေးခဲ့ပြီး ဖြစ်၏။</p> <p>ဖရူဒိုနှင့် အပြန်အလှန် စကားပြောဆိုမှုများမှ တစ်ဆင့် ဖရူဒိုမှာလည်း ထူးခြားမှု အချို့ကို စတင် ခံစားနေရကြောင်း ကြားသိခဲ့ရသည်။</p> <p>အချိန်ကို တွက်ချက်ကြည့်လျှင် အတော်လေး ကိုက်ညီနေပြီ ဖြစ်သည်။</p> <p>သူက ရှေ့သို့ လျှောက်သွားပြီး ကော်ရီပိုနောက်သို့ အမီလိုက်သွားလိုက်၏။</p> <p>"မစ္စတာ ကော်ရီပို..."</p> <p>"ဘာကိစ္စလဲ..." ချင်ဟန်၏ အသံကို ကြားလျှင် ကော်ရီပိုက ရပ်တန့်သွားပြီး လှည့်ကြည့်ကာ တည်ငြိမ်စွာ မေးလာ၏။</p> <p>ကော်ရီပိုကို ကြည့်ရင်း ချင်ဟန်က အသက်ပြင်းပြင်း ရှူသွင်းလိုက်ပြီးနောက် အတော်လေး စိုးရိမ်နေဟန်ဖြင့်...</p> <p>"မစ္စတာ ကော်ရီပို... ကျွန်တော့် ခန္ဓာကိုယ်ထဲမှာ တစ်ခုခု မှားယွင်းနေသလိုပဲ..."</p> <p>"မင်းခန္ဓာကိုယ်ထဲမှာ တစ်ခုခု မှားယွင်းနေတယ် ဟုတ်လား..." ကော်ရီပိုက တစ်စုံတစ်ရာကို တွေးမိသွားဟန်ဖြင့် ခဏတာ ရပ်တန့်သွား၏။</p> <p>သူက ရပ်နေရာမှနေ၍ မျှော်လင့်ချက် ကြီးစွာဖြင့် ချင်ဟန်ကို ကြည့်ကာ...</p> <p>"ပြဿနာက ဘာလဲဆိုတာ ငါ့ကို ရှင်းပြပြလို့ ရမလား..."</p> <p>"ဟုတ်ကဲ့..." ကော်ရီပို၏ အကြည့်များနှင့် ဆုံတွေ့ချိန်တွင် ချင်ဟန်၏ အမူအရာမှာ အနည်းငယ် မငြိမ်မသက် ဖြစ်နေပုံရပြီး... "ခင်ဗျား သင်ပေးခဲ့တဲ့ ဓားသိုင်းတွေကို လေ့ကျင့်နေတုန်းက ရုတ်တရက် မသက်မသာ ဖြစ်လာသလို ခံစားလိုက်ရတယ်..."</p> <p>"ကျွန်တော့် ခန္ဓာကိုယ်ထဲမှာ အပူလှိုင်း တစ်ခုက အဆက်မပြတ် လှည့်ပတ် စီးဆင်းနေသလိုပဲ..."</p> <p>သက်စောင့်စွမ်းအင် လှုံ့ဆော်ခံရခြင်း၏ အထင်ရှားဆုံး လက္ခဏာ အနည်းငယ်ကို ဖော်ပြနေစဉ် သူ့ အသံမှာ အနည်းငယ် တုန်ယင်နေခဲ့၏။</p> <p>ချင်ဟန်၏ စကားများကို ကြားလျှင် ကော်ရီပို အမူအရာမှာ နောက်ဆုံး၌ ပြောင်းလဲသွားတော့သည်။</p> <p>"အရမ်း ကောင်းတယ်..." ချင်ဟန်ကို ကြည့်ရင်း သူ့မျက်နှာထက်တွင် အပြုံးရိပ်တစ်ခု ပေါ်ထွက်လာပြီး အလွန် ပျော်ရွှင်နေသလို ထင်မှတ်ရ၏။</p> <p>"မင်း ငါနဲ့ လိုက်ခဲ့..."</p> <p> </p> <p> </p> <p style="text-align: center;">End</p> <p style="text-align: center;">***</p>


Save