Book List

<h2 style="text-align: center;">အခန်း (၃၄)</h2> <h2 style="text-align: center;">နှစ်ဝက်အတွင်း ပြောင်းလဲမှုများ</h2> <h2 style="text-align: center;">*</h2> <p> </p> <p> </p> <p>နံနက်စောစော အချိန်… နေမင်းက ပုံမှန်အတိုင်းပင် ထွက်ပေါ်လာခဲ့၏။</p> <p>အပြင်ဘက်တွင် မိုးဖွဲဖွဲ ရွာသွန်းနေပြီး နေရောင်ခြည်က မိုးစက်များကြားမှ တဆင့် ဖြာကျနေသည်။</p> <p>ချင်ဟန် အိပ်ရာမှထပြီး ရင်းနှီးနေသော ကွင်းပြင်ကျယ်ဆီသို့ လျှောက်သွားလိုက်၏။</p> <p>ကွင်းပြင်ကျယ်သို့ ရောက်သည်နှင့် သူက ခန္ဓာကိုယ် သန့်စင်ခြင်း မစတင်မီ ဓားသိုင်းများကို အရင်လေ့ကျင့်ပြီးနောက် ထူးဆန်းသော လှုပ်ရှားမှုအချို့ကို စတင် လုပ်ဆောင်တော့သည်။</p> <p>ထိုလှုပ်ရှားမှုများမှာ အခြေခံ ခန္ဓာကိုယ် သန့်စင်ခြင်း ကျင့်စဉ်ပင်။</p> <p>သိုင်းကွက် တစ်ဆက်စာ ပြီးဆုံးသွားပြီးနောက် ချင်ဟန် ရပ်တန့်လိုက်၏။</p> <p>“နောက်ဆုံးတော့ ခန္ဓာကိုယ် သန့်စင်ခြင်းကို အောင်မြင်သွားပြီပဲ…”</p> <p>ကွင်းပြင်ကျယ်တွင် ရပ်နေစဉ် ချင်ဟန် တစ်ကိုယ်လုံးမှ ချွေးများ တောက်တောက်ကျနေ၏။ ထိုခံစားချက်ကို သတိပြုမိသွားပြီးနောက် ချင်ဟန်က တိတ်တဆိတ် သက်ပြင်းချရင်း တွေးတောနေမိသည်။</p> <p>သူ ဤလောကသို့ ရောက်ရှိလာခဲ့သည်မှာ တစ်နှစ်ခန့် ရှိနေလေပြီ။</p> <p>ဤတစ်နှစ်တာ ကာလအတွင်း သူက အောင်မြင်မှုများစွာ ရရှိခဲ့၏။</p> <p>တစ်နှစ်ကြာပြီးနောက် နောက်ဆုံးတွင်တော့ သူက ခန္ဓာကိုယ် သန့်စင်ခြင်းကို အပြည့်အဝ အောင်မြင်သွားခဲ့ခြင်း ဖြစ်သည်။</p> <p>သူရဲကောင်း အသက်ရှူကျင့်စဉ်တွင်လည်း အများကြီး တိုးတက်လာခဲ့သည်။</p> <p>မူလက အားနည်းနေသော သက်စောင့်စွမ်းအင်မှာ ခန္ဓာကိုယ် သန့်စင်ခြင်းကို လေ့ကျင့်လေလေ တဖြည်းဖြည်း ကြီးထွားလာလေပင်။ ယခုအခါတွင် သူက ထိုစွမ်းအင်ကို ရှင်းရှင်းလင်းလင်း ခံစားလာရသော်လည်း အပြည့်အဝတော့ မထိန်းချုပ်နိုင်သေးပေ။</p> <p>ဤမျှဆိုလျှင်ပင် အတော်လေး ကောင်းမွန်နေပြီ ဖြစ်ရာ ကော်ရီပို ကိုယ်တိုင်ပင် ချင်ဟန်၏ တိုးတက်မှုအပေါ် အလွန်အမင်း အံ့အားသင့်နေခဲ့သည်။</p> <p>ထိုသည်မှာ ချင်ဟန်တွင် ကောင်းမွန်သော ပါရမီ ရှိနေသောကြောင့် သက်သက်တော့ မဟုတ်ချေ။</p> <p>ချင်ဟန် ကိုယ်တိုင်၏ ခံစားချက်အရ သူ့ သူရဲကောင်း ပါရမီမှာ သာမန်မျှသာ။</p> <p>ဤမျှမြန်ဆန်စွာ တိုးတက်လာရခြင်း အကြောင်းရင်းမှာ သူ့တွင် ယခင်က အတွေ့အကြုံများ ရှိနေသောကြောင့်ပင်။</p> <p>ယခင် ဇာတ်တိုက်လေ့ကျင့်မှုတွင် သူက သူရဲကောင်း အသက်ရှူကျင့်စဉ်ကို နှစ်ပေါင်းများစွာ ကျင့်ကြံခဲ့ဖူးသည်။ ပါရမီ အားနည်းချက်ကြောင့် နက်နက်ရှိုင်းရှိုင်း မလေ့လာနိုင်ခဲ့သည့်တိုင် အတွေ့အကြုံများတော့ ရှိနေဆဲပင်။</p> <p>ဤသည်မှာ အကြောင်းရင်း တစ်ခုပင်။</p> <p>အခြား အကြောင်းရင်း တစ်ခုကတော့ ခန္ဓာကိုယ် သန့်စင်ခြင်း ကျင့်စဉ်နှင့် သူရဲကောင်း အသက်ရှူကျင့်စဉ်တို့က တစ်ခုနှင့်တစ်ခု အထောက်အကူ ပြုနေသောကြောင့် ဖြစ်ပေမည်။</p> <p>ပုံမှန် လေ့ကျင့်မှုများ ပြုလုပ်နေစဉ် ခန္ဓာကိုယ် သန့်စင်ခြင်း ကျင့်စဉ်က သူရဲကောင်း အသက်ရှူကျင့်စဉ် အတွက် အသုံးဝင်ကြောင်း ချင်ဟန် ခံစားမိ၏။</p> <p>နှစ်ခုလုံးမှာ ခန္ဓာကိုယ်ကို သန့်စင်ပေးသော ကျင့်စဉ်များ ဖြစ်သောကြောင့် အချင်းချင်း ထောက်ပံ့ပြီး အားဖြည့်ပေးနေသည်မှာလည်း ယုတ္တိတန်လှသည်။</p> <p>ကိုင်ဆန်မြို့စား၏ နယ်မြေတွင် လေ့ကျင့်ခဲ့သော နှစ်ဝက်တာ အချိန်များနှင့် လုံလောက်သော အခြေခံကောင်းများ ပေါင်းစပ်လိုက်ချိန်တွင် သူက အံ့မခန်း အရှိန်အဟုန်ဖြင့် တိုးတက်လာခဲ့ခြင်း ဖြစ်သည်။</p> <p>သူ့ လက်ရှိပုံစံမှာ ဤနေရာသို့ စရောက်လာချိန်ကနှင့် လုံးဝ ကွဲပြားခြားနားသော လူတစ်ယောက် အလားပင်။</p> <p>“ကိုင်လင်း… မင်း အစောကြီး ထလာပြန်ပြီလား”</p> <p>အဝေးမှ အသံတစ်သံ ထွက်ပေါ်လာ၏။</p> <p>ချင်ဟန် မော့ကြည့်ရာ မနီးမဝေးတွင် ရပ်၍ သူ့အား ကြည့်နေသော ဖရူဒိုကို တွေ့လိုက်ရသည်။</p> <p>ဖရူဒိုက အနက်ရောင် အင်္ကျီအကျပ်ကို ဝတ်ဆင်ထားပြီး လက်ထဲတွင်လည်း ဓားတစ်လက် ကိုင်ဆောင်ထားရာ လေ့ကျင့်ရန် ပြင်ဆင်နေသည့်ပုံပင်။</p> <p>ချင်ဟန်က ပြုံး၍…</p> <p>“သိပ်လုပ်စရာ မရှိလို့ စောစော ထွက်လာတာပါ… မင်းလည်း စောတာပဲ”</p> <p>ဖရူဒို၏ မျက်နှာမှာ ညှိုးငယ်သွားပြီး…</p> <p>“မင်းကိုမင်းလည်း ကြည့်ဦးလေ… မင်းမှာ ကောင်းမွန်တဲ့ ပါရမီ ရှိနေပြီးသားကို ဒီလောက်တောင် ကြိုးစားနေတာ… ငါသာ နည်းနည်းလောက် ပျင်းလိုက်ရင် မင်းနောက်မှာ အပြတ်အသတ် ကျန်ခဲ့တော့မှာပေါ့…”</p> <p>လွန်ခဲ့သော နှစ်ဝက်အတွင်း ဖရူဒို၏ သူရဲကောင်း ပါရမီများလည်း ထွက်ပေါ်လာခဲ့ပြီး ကော်ရီပိုက သူ့အား ဝံပုလွေ သူရဲကောင်း ကျောင်းတော်၏ တပည့်တစ်ယောက်အဖြစ် တရားဝင် လက်ခံခဲ့လေပြီ။</p> <p>ချင်ဟန်နှင့် ယှဉ်လျှင် ပြီးခဲ့သည့် နှစ်ဝက်အတွင်း သူ့ တိုးတက်မှုက အများကြီး နှေးကွေးနေ၏။ သူလည်း သက်စောင့်စွမ်းအင်ကို နိုးကြားစေနိုင်ခဲ့သော်ငြား ချင်ဟန်ကိုမူ မယှဉ်နိုင်သေးပေ။</p> <p>သေချာသည်က ဤသည်မှာ ပါရမီ ပြဿနာ သက်သက်ကြောင့်တော့ မဟုတ်ချေ။</p> <p>ချင်ဟန်၏ အမြင်အရ ဖရူဒို၏ ပါရမီမှာ သူ့ထက်ပင် သာလွန်နေဖို့ များသည်။</p> <p>ခန္ဓာကိုယ် သန့်စင်ခြင်း ကျင့်စဉ်နှင့် သူရဲကောင်း အသက်ရှူကျင့်စဉ်တို့ကြားရှိ အပြန်အလှန် အထောက်အကူပြုမှုက အလွန် ကောင်းမွန်နေခြင်းကြောင့်သာ။ ထို့အပြင် ချင်ဟန်က အခြားလူများထက် ပိုကြိုးစားသူ ဖြစ်ရာ ဖရူဒိုထက် ပိုမြန်မြန် တိုးတက်လာခဲ့ခြင်း ဖြစ်ပေမည်။</p> <p>ချင်ဟန်က ဖရူဒိုကို ကြည့်၍ ရယ်မောလိုက်သော်လည်း ဘာမှ ရှင်းမပြတော့ပေ။</p> <p>“မနက်ဖြန် ကယ်လီရဲ့ စားသောက်ပွဲ ရှိတယ်… အတူတူ သွားကြမလား” အတန်ကြာပြီးနောက် ချင်ဟန်က မေးလိုက်၏။</p> <p>ဖရူဒိုက မထီမဲ့မြင်ဟန်ဖြင့် ခေါင်းခါယမ်း၍…</p> <p>“ကယ်လီ… ဟိုမိန်းမလျာလေးလား… ထားလိုက်ပါတော့… သူ့ကို မြင်တာနဲ့တင် ငါ စိတ်တိုလာတာ… အဲ့ဒီအချိန်ကို သိုင်းလေ့ကျင့်ဖို့ သုံးလိုက်တာကမှ မကောင်းဘူးလား”</p> <p>ချင်ဟန်က အံ့ဩဟန် မပြဘဲ တည်ငြိမ်စွာ ခေါင်းညိတ်ရင်း…</p> <p>“ကောင်းပြီလေ… ကြည့်ရတာ ငါတစ်ယောက်တည်း သွားရမယ့်ပုံပဲ”</p> <p>“အဲ့ဒီ ပျင်းစရာကောင်းတဲ့ စားသောက်ပွဲတွေမှာ ဘာတွေများ စိတ်ဝင်စားစရာ ရှိနေလဲဆိုတာ ငါ တကယ် နားမလည်နိုင်ဘူး” ဖရူဒိုက ခေါင်းခါရင်း ညည်းတွားတော့သည်။</p> <p>“လူတစ်စုက ကဗျာမျိုးစုံ ရွတ်ဆိုပြီး တစ်ယောက် ဘိုးဘေးကို တစ်ယောက် မြှောက်ပင့် ချီးမွမ်းနေကြတာလေ… အဲ့ဒါက ဘာအဓိပ္ပာယ် ရှိလို့လဲ”</p> <p>ချင်ဟန်က ပြုံးယုံသာ ပြုံးပြီး ဘာမှ ဝင်မပြောတော့ချေ။</p> <p>လွန်ခဲ့သော နှစ်ဝက်အတွင်း ချင်ဟန်မှာ ဤနေရာရှိ လူများနှင့် နေရာဒေသများကို ဘာမှမသိခဲ့ရာမှ ယခုအခါ အတော်လေး ရင်းနှီးကျွမ်းဝင်နေခဲ့လေပြီ။</p> <p>သူက အဆင့်အတန်း မြင့်မားသူများ၊ ထူးကဲသော ခွန်အား ပိုင်ဆိုင်ထားသူများနှင့် ဖရူဒိုကဲ့သို့ အရည်အချင်းရှိသူ အများအပြားနှင့် ရင်းနှီးခဲ့၏။</p> <p>လွန်ခဲ့သော တစ်နှစ်တာ ကာလအတွင်း သူက အများကြီး အောင်မြင်မှု ရရှိခဲ့သည်။</p> <p>အဆင့်အတန်း မြင့်မားသူများက ချင်ဟန်ကို မငြင်းဆန်ခဲ့ကြပေ။ အကြောင်းမှာ သူက ကော်ရီပို၏ တပည့် ဖြစ်ရုံသာမက သက်စောင့်စွမ်းအင်ကို နိုးကြားစေခဲ့သော ပညာသင် သူရဲကောင်း တစ်ယောက် ဖြစ်နေသောကြောင့်ပင်။ သူက ကူတူး မင်းနေပြည်တော်တွင် အတော်လေး နာမည်ရနေခဲ့ပြီ ဖြစ်သည်။</p> <p>သာမန် အဆင့်အတန်း ရှိသူများအပေါ်တွင်မူ ချင်ဟန်က အလွန် ဖော်ရွေပြီး မကြာခဏ ကူညီပေးတတ်သဖြင့် လူအများက သူ့အပေါ် အမြင်ကောင်းများ ရှိနေကြ၏။</p> <p>နှစ်ဝက်မျှ အချိန်တိုအတွင်းမှာပင် သူက လူများစွာနှင့် ခင်မင်ရင်းနှီးနေခဲ့လေပြီ။</p> <p>ဤကိစ္စတွင်တော့ ဖရူဒိုမှာ သူ့ထက် အများကြီး အားနည်းနေသည်။</p> <p>မြောက်ပိုင်းမှ လာသူ တစ်ယောက် ဖြစ်သောကြောင့် ဖရူဒိုမှာ အခြားလူများ၏ ခွဲခြားဆက်ဆံခြင်းကို အလွယ်တကူ ခံရတတ်ပြီး လူရိုင်းဟုပင် မကြာခဏ အခေါ်ခံရတတ်သည်။</p> <p>ချင်ဟန်၏ အမြင်တွင် ထိုသည်က ပြဿနာကြီး တစ်ခု မဟုတ်ပေ။ မြောက်ပိုင်း အုပ်ချုပ်သူများကို အခြား မှူးမတ်များက အထင်အမြင် သေးတတ်ကြသော်ငြား သူတို့မှာလည်း မှူးမတ်များပင် မဟုတ်ပါလား။ ဖရူဒို ကိုယ်တိုင်ကလည်း သူရဲကောင်း ပါရမီရှင် တစ်ယောက် ဖြစ်ရာ သူသာ အခြားလူများအပေါ် ဖော်ရွေမှု ပြသရန် ဆန္ဒရှိလျှင် သူ့ကို ခင်မင်ချင်သူများ သေချာပေါက် ရှိလာပေလိမ့်မည်။</p> <p>သို့သော် ဖရူဒိုမှာ ဤအပိုင်းတွင် အတော်လေး အားနည်းပြီး ထိုလူများနှင့် ရင်းနှီးအောင် လုပ်ရန် လုံးဝ ဆန္ဒမရှိခဲ့ချေ။</p> <p>ထို့ကြောင့် ချင်ဟန်နှင့် အခြား လူအနည်းငယ်မှလွဲ၍ ကူတူး မင်းနေပြည်တော်တွင် သူ့၌ အခြား မိတ်ဆွေများ မရှိပေ။</p> <p>ချင်ဟန်နှင့် ယှဉ်လိုက်လျှင် ကွာခြားချက်မှာ ကြီးမားလွန်းလှ၏။</p> <p>တစ်နေကုန် လေ့ကျင့်ပြီးနောက် ချင်ဟန်နှင့် ဖရူဒိုတို့လည်း နှုတ်ဆက်၍ သူတို့၏ ကိုယ်ပိုင် အခန်းများဆီ ပြန်လာကြတော့သည်။</p> <p>ချင်ဟန်မှာ ကူတူး တော်ဝင် အကယ်ဒမီမှ ပြောင်းရွှေ့သွားပြီ ဖြစ်ပြီး သူ့ကိုယ်ပိုင် နေအိမ် ရှိနေလေပြီ။</p> <p>သူ့နေအိမ်သစ်မှာ အတော်လေး ကျယ်ဝန်းသော အိမ်ကြီး တစ်လုံး ဖြစ်ပြီး လိုအပ်သည်များ အားလုံး ပြည့်စုံစွာ ရှိနေ၏။ သိပ်မခမ်းနားသော်ငြား ချင်ဟန်က နေချင့်စဖွယ် ကောင်းအောင် ဖန်တီးထားသည်။</p> <p>အိမ်ကြီးထဲတွင် ချင်ဟန်ကို ခစားရန် အစေခံ အနည်းငယ်လည်း ရှိနေသေးသည်။</p> <p>သေချာသည်က ဤအရာအားလုံးအတွက် ငွေကြေး အများအပြား ကုန်ကျပေမည်။</p> <p>သူ့ လက်ရှိ လူနေမှုဘဝကို ထိန်းသိမ်းရန်ပင် ချင်ဟန်မှာ လစဉ် ငွေဒင်္ဂါးပြား အများအပြား သုံးစွဲနေရ၏။</p> <p>ဤကဲ့သို့သော လူနေမှုဘဝမျိုးဖြင့် နေထိုင်နိုင်ခြင်းက သူ့လက်ရှိ ငွေကြေး အခြေအနေကို ဖော်ပြနေသည်။ လွန်ခဲ့သော နှစ်ဝက်နှင့် ယှဉ်လိုက်လျှင် အများကြီး တိုးတက်လာခဲ့ခြင်းပင်။</p> <p> </p> <p> </p> <p style="text-align: center;">End</p> <p style="text-align: center;">***</p>


Save