Book List

<h2 style="text-align: center;">အခန်း ၁၉၁</h2> <h2 style="text-align: center;">သက်တမ်း ကုန်ဆုံးမှု</h2> <h2 style="text-align: center;">*</h2> <p> </p> <p> </p> <p>ဆယ်မိနစ် အကြာတွင် အနက်ရောင် လုပ်ငန်းသုံး ကားတစ်စီး နာရေးဝန်ဆောင်မှု ဆိုင်ရှေ့၌ လာရပ်လေသည်။</p> <p>လီယီတောင်း ဘာစကားမျှ မဆိုဘဲ အိမ်ထဲမှ ထွက်လာကာ ကားပေါ်သို့ တန်းတက်သွား၏။ ၎င်းမှာ သူ့ကို လာကြိုရန် ချီယွီချန် စီစဉ်ပေးထားခြင်း ဖြစ်သည်။</p> <p>ကားပေါ်တွင် ယာဉ်မောင်း အပြင် ခရီးသည် ထိုင်ခုံ၌ နောက်ထပ် လူတစ်ယောက် ပါလာသေး၏။</p> <p>သူတို့ သုံးယောက်စလုံး ဘာစကားမျှ မဟကြပေ။</p> <p>အနက်ရောင် လုပ်ငန်းသုံး ကားကြီးက လမ်းမပေါ်တွင် အရှိန်ပြင်းပြင်း မောင်းနှင်နေလေသည်။</p> <p>လမ်းဆုံ လမ်းခွ အတော်များများတွင် မီးပွိုင့်များက အလိုအလျောက် စိမ်းသွား၏။</p> <p>တစ်ယောက်ယောက်က ဒါကို တမင်တကာ ထိန်းချုပ်နေတာပဲ...။</p> <p>တပ်ဖွဲ့ ၃၆ က သြဇာအာဏာ အချို့ကို သုံးနေကြောင်း ခန့်မှန်း၍ ရနိုင်လေသည်။</p> <p>အခြား ရှုထောင့်မှ ကြည့်လျှင် ဒဏ်ရာရနေသူမှာ အရေးပါသော အဖွဲ့ဝင် တစ်ဦး ဖြစ်နိုင်ပေသည်။</p> <p>ထိုမျှမကသေးပေ။ သူတို့ ပြောစကားများအရ ထိုသူမှာ လက်ရှိတွင် သေမင်းနှင့် အပြင်းအထန် စစ်ခင်းနေရလေသည်။</p> <p>အဲဒီလိုမှ မဟုတ်ရင် ဒီလို အစီအစဉ်တွေ လုပ်နေစရာ အကြောင်း မရှိဘူးလေ...။</p> <p>မိနစ် နှစ်ဆယ်ပင် မပြည့်မီ လုပ်ငန်းသုံး ကားကြီးက ကျန်းမြို့တွင်းမှ ထွက်ခွာသွားပြီး မြို့ပြင် ဆင်ခြေဖုံး ရပ်ကွက်ဆီသို့ အရှိန်ပြင်းပြင်း ဆက်လက် မောင်းနှင်သွား၏။</p> <p>နောက်ထပ် ဆယ်မိနစ် ကုန်ဆုံးသွားပြန်သည်။</p> <p>သံဇကာများဖြင့် ကာရံထားသော နေရာတစ်ခု လီယီတောင်း ရှေ့တွင် ပေါ်လာလေသည်။</p> <p>ဤနေရာက သူတို့၏ ခရီးဆုံး ဖြစ်ကြောင်း ထင်ရှားလှပေသည်။</p> <p>စိုးရိမ်ပူပန်နေသော ချီယွီချန်ကို လီယီတောင်း မြင်လိုက်ရ၏။</p> <p>သူ တံခါးဝတွင် ဘယ်လောက်ကြာကြာ စောင့်နေခဲ့ရမှန်းပင် မသိနိုင်ပေ။</p> <p>ကားရပ်သွားသည်နှင့် ရှေ့သို့ ခပ်သွက်သွက် တိုးလာပြီး ကားတံခါးကို ဖွင့်ပေးလိုက်၏။</p> <p>" လူနာက အခု အသက်ရှူစက်ကိုပဲ လုံးလုံးလျားလျား အားကိုးပြီး အသက်ဆက်နေရတာ... "</p> <p>" သူ့ ခန္ဓာကိုယ် ဖွဲ့စည်းပုံသာ နည်းနည်း မထူးခြားရင် ဒီအချိန်အထိတောင် တောင့်ခံနိုင်ခဲ့မှာ မဟုတ်ဘူး... "</p> <p>" အခု အချိန်သိပ်မကျန်တော့လို့ ခင်ဗျား အကူအညီကို တောင်းလိုက်ရတာပါ... "</p> <p>လီယီတောင်း ဘာစကားမျှ မဆိုဘဲ ခေါင်းညိတ်ပြလိုက်၏။</p> <p>သူ လာဖို့ ဆုံးဖြတ်ပြီးကတည်းက အပို စကားတွေ ပြောနေစရာ မလိုတော့ဘူးလေ...။</p> <p>အသေးစိတ် အချက်အလက်တွေ နောက်မှမေးမယ်… လူ အရင်ကယ်မှ ဖြစ်မယ်… အသက်ရှင်မှ ဆက်မေးလည်း ရတာပဲ… တကယ်လို့ ဒီကိစ္စသာ ငါနဲ့ ပတ်သတ်နေဦးမယ်ဆို လွယ်လွယ်နဲ့တော့ မပြီးပြန်ဘူး…။</p> <p>မကြာမီ ချီယွီချန် ဦးဆောင်မှုဖြင့် လီယီတောင်း တစ်ယောက် ဒဏ်ရာရ လူနာ ကုသပေးနေသည့် အခန်းသို့ ရောက်ရှိသွားလေသည်။</p> <p>အခန်း တစ်ခုလုံးတွင် ဆေးဘက်ဆိုင်ရာ စက်ပစ္စည်း အများအပြားဖြင့် ပြည့်နှက်နေ၏။</p> <p>လီယီတောင်း တစ်ခါမျှ မမြင်ဖူးသော ကိရိယာ အချို့ပင် ရှိနေသေးသည်။</p> <p>ထိုမျှမကသေးဘဲ ထိုနေရာ တစ်ခုလုံးကို လွှမ်းခြုံထားသော ပြင်းထန်သည့် သက်စောင့်စွမ်းအင်များကို သူ ခံစားလိုက်ရ၏။</p> <p>ဒါက သာမန် လူတွေတောင် ခံစားလို့ရတဲ့ သက်စောင့်စွမ်းအင် အငွေ့အသက်မျိုးပဲ...။</p> <p>လူနာ ကုတင်ခေါင်းရင်းတွင် ပန်းအိုး တစ်အိုး ရှိနေသည်ကို တွေ့လိုက်ရလေသည်။</p> <p>ပန်းအိုးက သိပ်မကြီးလှဘဲ အထဲတွင် အမည်မသိ အစိမ်းရောင် အပင် တစ်ပင်သာ ရှိ၏။</p> <p>ပြင်းထန်သော သက်စောင့်စွမ်းအင်များက ဤအပင်ထံမှ ထွက်ပေါ်လာခြင်း ဖြစ်ကြောင်း လီယီတောင်း ခံစားသိရှိနိုင်လေသည်။</p> <p>ထို့ကြောင့် ဝိညာဉ် ရှာဖွေခြင်း စွမ်းရည်ဖြင့် ကြည့်လိုက်ရာ ဘေးပတ်ဝန်းကျင်ကို လွှမ်းခြုံထားသော အစိမ်းရောင် အလင်းတန်း ဖျော့ဖျော့လေးကို လီယီတောင်း ခံစားမိလိုက်၏။</p> <p>၎င်းက ကုတင်ပေါ်ရှိ ဒဏ်ရာရ လူနာကို ဖုံးအုပ်ထားရန် လုံလောက်ရုံလေးသာ။</p> <p>' တကယ်ပါပဲ... '</p> <p>' ဒီကမ္ဘာပေါ်မှာ ငါ နားမလည်သေးတဲ့ အရာတွေ အများကြီး ရှိနေသေးတာပဲ... '</p> <p>" လူနာက အမျိုးသား၊ အသက် ၁၉ နှစ်၊ အသွားတုံးတဲ့ လက်နက်နဲ့ ဝမ်းဗိုက်ကို အထိုးခံရပြီး ကိုယ်တွင်း အင်္ဂါ အမျိုးမျိုး ဒဏ်ရာ ရထားပါတယ်... "</p> <p>" လောလောဆယ် အလှူရှင် မရနိုင်သေးလို့ ဘာခွဲစိတ်မှုမှ လုပ်လို့ မရသေးပါဘူး... အလှူရှင်က နောက်တစ်နာရီလောက် နေမှ ရောက်လာမှာပါ... "</p> <p>" ဒါပေမဲ့... ဆရာဝန် အဆိုအရ လက်ရှိ ဒဏ်ရာ ပြင်းထန်မှုကြောင့် အလှူရှင် ရရင်တောင် အသက်ရှင်နိုင်ခြေက သုံးရာခိုင်နှုန်း အောက်မှာပဲ ရှိတယ်တဲ့... "</p> <p>" ဒါကြောင့်... ခင်ဗျားကို ဒုက္ခပေးရတာပါ... ခင်ဗျား ဝင်ပါမှပဲ သူ့ရဲ့ ခွဲစိတ်မှုကို ချောချောမွေ့မွေ့ ပြီးမြောက်အောင် သေချာ လုပ်နိုင်မှာမို့လို့ပါ... "</p> <p>ချီယွီချန်မှာ ယခုအခါ လီယီတောင်း အကြောင်းကို အသိဆုံး လူအနည်းငယ်ထဲမှ တစ်ဦး ဖြစ်သည်ဟု ဆိုနိုင်ပေသည်။</p> <p>ထို့ကြောင့် အချက်တစ်ချက်ကို သူ အလွန် ကောင်းကောင်း နားလည်ထား၏။</p> <p>လီယီတောင်း ဝင်ပါလိုက်လျှင် အနည်းဆုံးတော့ ခွဲစိတ်မှု ပြဿနာ မရှိဘဲ ပြီးဆုံးသွားမည်ကို သေချာစေလေသည်။</p> <p>ယခင်က ကျန်းချောင်ယန်နှင့် ဘာသာတရား ကိုင်းရှိုင်းသူလေးတို့ နှစ်ယောက်လုံးက အလားတူ အခြေအနေမျိုးနှင့် ကြုံတွေ့ခဲ့ရသည် မဟုတ်ပါလား။</p> <p>ခွဲစိတ်မှုမှာ သေမင်းနှင့် လွန်ဆွဲရသော ပွဲ ဖြစ်သော်လည်း လီယီတောင်း၏ အကူအညီဖြင့် သေဘေး အကျပ်အတည်းကို အလွယ်တကူ ကျော်လွှားနိုင်ခဲ့ကြပေသည်။</p> <p>" အင်း... "</p> <p>လီယီတောင်း ဘာစကားမျှ မဆိုပေ။</p> <p>အခုလေးတင် စမ်းသပ်ကြည့်လိုက်ရာ တစ်ဖက်လူ၏ ဝိညာဉ် ရှိနေသေးကြောင်း တွေ့ရှိရလေသည်။</p> <p>အသက်ရှူနှုန်းတွေက ရှိနေတုန်းပဲ...။</p> <p>နတ်ဘုရားလက်ကို သုံးဖို့ ဘာပြဿနာမှ မရှိဘူး...။</p> <p>သူ ကုတင်အနီးသို့ ဖြည်းညင်းစွာ ချဉ်းကပ်သွားလိုက်ပြီး ကုတင်ပေါ်ရှိ လူငယ်လေးကို ကြည့်လိုက်သည်။</p> <p>သူ့မျက်နှာက အလွန် ဖြူရော်နေပြီး မျက်လုံးများက တင်းကျပ်စွာ မှိတ်ထားလျက်။</p> <p>ကုတင်ဘေးရှိ စောင့်ကြည့်ရေး စက်က တစ်ခါတစ်ရံ အချက်ပြသံ မြည်နေပြီး နောက်ဆုံး အချိန်ကို ရောက်နေပြီ ဖြစ်ကြောင်း သက်သေပြနေလေသည်။</p> <p>အသွားတုံးသော အရာတစ်ခု ဖောက်ထွင်းသွားသည့် ဝမ်းဗိုက်ပေါ်မှ ဒဏ်ရာကို ကြည့်ရင်း လီယီတောင်း အံ့အားမသင့်ဘဲ မနေနိုင်တော့ပေ။</p> <p>' ဒါက သူ့ရဲ့ ထူးခြားတဲ့ ခန္ဓာကိုယ် ဖွဲ့စည်းပုံကြောင့်လား... '</p> <p>' ဒါမှမဟုတ် ဒီလူငယ်လေးမှာလည်း အထူး စွမ်းရည် တချို့ ရှိနေလို့များလား... '</p> <p>' တပ်ဖွဲ့ ၃၆ ရဲ့ အထူး နည်းလမ်းတွေနဲ့ ပေါင်းစပ်လိုက်တော့ အခုအချိန်အထိ သူ့အသက်ကို ထိန်းထားနိုင်တာပေါ့... '</p> <p>' မဟုတ်ရင်... '</p> <p>' ဒီလို ဒဏ်ရာမျိုးနဲ့ဆို လူက ချက်ချင်း သေသွားလောက်ပြီ... '</p> <p>လီယီတောင်း အပို လှုပ်ရှားမှုများ မလုပ်တော့ပေ။</p> <p>သူ လက်လှမ်းကာ တစ်ဖက်လူ၏ လက်ကို တိုက်ရိုက် ဆုပ်ကိုင်လိုက်လေသည်။</p> <p>နတ်ဘုရားလက်...။</p> <p>သက်တမ်း ၉၈ နှစ်...။</p> <p>အသိပေးချက်ကို မြင်သောအခါ လီယီတောင်း မသိစိတ်မှပင် မျက်မှောင်ကြုတ်လိုက်မိ၏။</p> <p>' ဒီကောင်က ဒီလောက် အကြာကြီး အသက်ရှင်နိုင်သေးတယ်ပေါ့... '</p> <p>' သူ့ရဲ့ လက်ရှိ အသက်ကိုပါ ပေါင်းလိုက်ရင် နှစ်တစ်ရာတောင် အများကြီး ကျော်နေပြီလေ... '</p> <p>' တကယ် ရူးချင်စရာပဲ... '</p> <p>လီယီတောင်း မျက်မှောင်ကြုတ်သွားသည်ကို မြင်သောအခါ ဘေးရှိ ချီယွီချန် အပြင် အခန်းထဲရှိ အခြား နှစ်ယောက်လုံး အလွန် စိုးရိမ်သွားကြလေသည်။</p> <p>ပြုံးနေတဲ့ တရုတ် တိုင်းရင်းဆေး ဆရာဝန်ကို မကြောက်ဘူး၊ မျက်မှောင်ကြုတ်နေတဲ့ တရုတ် တိုင်းရင်းဆေး ဆရာဝန်ကိုပဲ ကြောက်တာတဲ့...။</p> <p>အခု လီယီတောင်းက တရုတ် တိုင်းရင်းဆေး ဆရာဝန် မဟုတ်ပေမဲ့ ဒီဥပမာနဲ့ နှိုင်းယှဉ်ရတာ တော်တော်လေး သင့်တော်နေတယ်လေ...။</p> <p>ခဏမျှ စဉ်းစားပြီးနောက် ချီယွီချန်နှင့် အခြားသူများက အသံထွက် မမေးရဲကြသေးပေ။</p> <p>လီယီတောင်းကလည်း အတန်ကြာ စဉ်းစားပြီးနောက် ကုသရာတွင် အစွမ်းကုန် ကြိုးစားရန် ရွေးချယ်လိုက်လေသည်။</p> <p>ချီယွီချန်၏ စကားများအရ…</p> <p>ဒီရုပ်ရှင် ပွဲတော် အဖြစ်အပျက်က ပိုမိုကြီးမားတဲ့ အကျပ်အတည်း မဖြစ်စေဘဲ ဒီလောက် လွယ်လွယ်ကူကူ ပြီးဆုံးသွားတာ... အဲဒါ အကုန်လုံးက ဒီလူ့ ကျေးဇူးကြောင့်ပဲလေ...။</p> <p>ငါ့မှာ သက်တမ်း သုံးထောင်ကျော် စုဆောင်းထားပြီးသား ဆိုပေမဲ့ တကယ်လို့ အဲဒါတွေ ကုန်သွားရင် ဆက်ပြီး ရပ်တည်နိုင်မှာ မဟုတ်ဘူး...။</p> <p>ထို့ပြင် ဤနှစ်သုံးထောင်ထဲမှ နှစ်ထောင်မှာ ယာယီ မစ်ရှင် နှစ်ခုမှ ရရှိထားသော လက်ဆောင်များ ဖြစ်၏။</p> <p>နောက်ဆုံး ယာယီ မစ်ရှင်မှ ရရှိသော ဆုလာဘ်မှာ ဝိညာဉ် စုစည်းခြင်း ဖြစ်ပြီး ဖွင့်လိုက်သော နတ်ဘုရား လက်ဆောင်မှာ သက်တမ်း နှစ်တစ်ထောင် ဖြစ်လေသည်။</p> <p>အခြား ရရှိသော လက်ဆောင်များမှာလည်း အဆောင်လက်ဖွဲ့ အချို့သာ ဖြစ်၏။</p> <p>သို့သော် ဤအဆောင်လက်ဖွဲ့များမှာ ယခင်က ကာကွယ်ရေး အဆောင်လက်ဖွဲ့များလို မဟုတ်ဘဲ သတ်ဖြတ်ရန်အတွက် ဖြစ်လေသည်။</p> <p>နတ်ဘုရားလက်ကို အသက်သွင်းလိုက်သည်နှင့် ဆေးရုံ ကုတင်ပေါ်ရှိ အမျိုးသား မျက်လုံးများ လှုပ်ရှားသွားသည်ကို ဘေးနှစ်ဖက်ရှိ လူများ မြင်လိုက်ရလေသည်။</p> <p>ဤမြင်ကွင်းကို မြင်တွေ့လိုက်ရချိန်တွင် လူတိုင်း၏ မျက်လုံးများထဲ၌ အံ့အားသင့်မှု အရိပ်အယောင်များ လင်းလက်သွားတော့၏။</p> <p>မှန်းဆနေစရာ မလိုပါဘူး... သူတို့ အားလုံး သိကြပါတယ်...။</p> <p>ဒါက သေချာပေါက် အစ်ကိုယီတောင်းရဲ့ စွမ်းရည် အလုပ်လုပ်နေတာပဲ...။</p> <p>သေချာ အကဲခတ်ကြည့်မည် ဆိုလျှင် ဒဏ်ရာများ ဖြည်းညင်းစွာ ကျက်လာနေသည်ကိုပင် မြင်တွေ့နိုင်လေသည်။</p> <p>သေချာတာပေါ့...။</p> <p>ဒဏ်ရာတွေက အရမ်း ပြင်းထန်လွန်းလို့ ကိုယ်ဟာ့ကိုယ် အနာကျက်ဖို့ ဆိုတာ မဖြစ်နိုင်ပါဘူး...။</p> <p>ခွဲစိတ်မှုကတော့ သေချာပေါက် လိုအပ်ပါတယ်...။</p> <p>ပြင်လို့ ရတဲ့ အရာတွေကို ပြင်နေတုန်းမှာ... တကယ်လို့ တစ်ခုခုက လုံးဝ ပြင်လို့ မရတော့ဘူး ဆိုရင်တော့ အစားထိုးရမှာပဲလေ...။</p> <p>" ကောင်းပြီ... ခွဲစိတ်ဖို့ စောင့်ကြတာပေါ့... "</p> <p>လီယီတောင်း၏ ပေါ့ပေါ့ပါးပါး မှတ်ချက်ကြောင့် လူတိုင်း စိုးရိမ်ပူပန်မှုများ လျော့ပါးသွားလေသည်။</p> <p>ထို့ပြင် လက်ရှိ လူအုပ်ကြီးမှာ လီယီတောင်း၏ စွမ်းရည်များကို ပိုမို ယုံကြည်လာပြီး အံ့အားသင့်နေကြပြီ ဖြစ်၏။</p> <p>ရိုးရိုးလေး လက်ဆွဲ နှုတ်ဆက်လိုက်ရုံပဲလေ...။</p> <p>အဲဒါနဲ့တင် ပြီးသွားပြီလား...။</p> <p>တကယ်ကို ထူးဆန်းတဲ့ စွမ်းရည်ပဲ...။</p> <p>အခန်းထဲရှိ လူတိုင်းတွင် ကိုယ်ပိုင် စွမ်းရည် အသီးသီး ရှိကြလေသည်။</p> <p>ဒါပေမဲ့... ဘယ်သူ့ရဲ့ စွမ်းရည်မှ ဒီလောက် ပေါ့ပေါ့ပါးပါး အလွယ်လေး ဖော်ပြလို့ မရဘူးလေ...။</p> <p>ဘယ်လောက်တောင် ကြောက်စရာ ကောင်းလိုက်လဲ...။</p> <p>ကုသမှု ပြီးဆုံးသွားသည်နှင့် လီယီတောင်းက ချီယွီချန်ကို တည်ငြိမ်စွာ ကြည့်လိုက်၏။</p> <p>ထို့နောက် ဩဇာညောင်းသော လေသံဖြင့်...</p> <p>" ကဲ... အခု ကျွန်တော့်ကို အခြေအနေ အသေးစိတ်ကို ပြောပြပါလား... " ဟု ပြောလိုက်လေသည်။</p> <p> </p> <p> </p> <p style="text-align: center;">***</p>


Save