Book List

<h2 style="text-align: center;">အခန်း ၁၉၃</h2> <h2 style="text-align: center;">သေစမ်း</h2> <h2 style="text-align: center;">*</h2> <p> </p> <p> </p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : ငါမရူးဘူး... ဘယ်သူ့ကို ကြောက်ရမှာလဲ ]</p> <p>[ သေဆုံးမှု အခြေအနေ စစ်ဆေးခြင်း - မကြာမီ လူလုပ် မတော်တဆမှုများကြောင့် သေဆုံးမည်၊ သေဆုံးနိုင်ခြေ ၈၃% ]</p> <p>[ သင့် အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : အစ်ကိုကျန်း ]</p> <p>[ သေဆုံးမှု အခြေအနေ စစ်ဆေးခြင်း - မကြာမီ လူလုပ် မတော်တဆမှုများကြောင့် သေဆုံးမည်၊ သေဆုံးနိုင်ခြေ ၈၃% ]</p> <p>[ သင့် အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>[ ကတောင်... အရည်အသွေးမြင့် ဖောက်သည်ကို ရှာဖွေတွေ့ရှိပါသည်၊ ID : ငါ့ကို ဖမ်းလို့မရဘူး ]</p> <p>[ သေဆုံးမှု အခြေအနေ စစ်ဆေးခြင်း - မကြာမီ ရောဂါကြောင့် သေဆုံးမည်၊ သေဆုံးနိုင်ခြေ ၈၃% ]</p> <p>[ သင့် အနေဖြင့် ဤအရည်အသွေးမြင့် ဖောက်သည်အား ချက်ချင်း Follow လုပ်ရန် အကြံပြုအပ်ပါသည်။ ]</p> <p>အချက်အလက်များကို ကောက်ယူပြီး ဓာတ်ပုံများကို ကြည့်လိုက်သည်နှင့် အသိပေးချက်များ တစ်ခုပြီး တစ်ခု ပေါ်လာလေသည်။ ရိုးရိုးသားသား ဆိုရလျှင် လီယီတောင်း တစ်ယောက် အနည်းငယ် ဇဝေဇဝါ ဖြစ်သွားရ၏။</p> <p>' ဘာတွေ ဖြစ်နေတာလဲ... ငါ ဗီဒီယိုတွေတောင် မကြည့်ရသေးဘူး... ဓာတ်ပုံ ကြည့်ရုံနဲ့တင် အသိပေးချက်တွေ ဒီလောက် အများကြီး ဘယ်လိုလုပ် ပေါ်လာရတာလဲ... '</p> <p>' ဒါက... စနစ်က နောက်တစ်ခါ အဆင့်မြှင့်သွားပြန်ပြီလား... ဒါပေမဲ့ မကြာသေးခင်က စနစ် အဆင့်မြှင့်တဲ့ အသိပေးချက်မှ မရှိခဲ့တာ... ဓာတ်ပုံတွေကနေတစ်ဆင့် Follow လုပ်လို့ ရသွားတာကတော့ တကယ်ကို မိုက်တယ်... '</p> <p>အတွေးထဲ နစ်မျောနေသော လီယီတောင်းကို အကဲခတ်ရင်း ချီယွီချန်က အကြီးအကဲလျန်ကို လှမ်းကြည့်လိုက်မိ၏။အကြီးအကဲ တည်ငြိမ်နေသည်ကို မြင်သောအခါ သူလည်း ပြန်လည် တည်ငြိမ်သွားပြီး ဘာမှ အထူးတလည် မတုံ့ပြန်တော့။</p> <p>" ဒါအကုန်ပဲလား... "</p> <p>လီယီတောင်းက ခေါင်းမော့ကာ ချီယွီချန်ကို ကြည့်လိုက်သည်။</p> <p>အခု ပြထားတဲ့ အချက်အလက်တွေကို ပေးနိုင်တယ် ဆိုရင် နောက်ထပ် အများကြီး ရှိဦးမှာပဲ...။</p> <p>ဒီလူတွေဆီမှာ ဗီဒီယို မှတ်တမ်းတွေ ရှိတယ်လို့ ချီယွီချန်က စောစောက ပြောခဲ့တယ်လေ...။</p> <p>သေချာတာပေါ့... ဗီဒီယို မှတ်တမ်း မရှိတဲ့ သူတွေလည်း ရှိဦးမှာပဲ...။</p> <p>ထို့ကြောင့် လီယီတောင်း ဤမေးခွန်းကို မေးလိုက်ခြင်း ဖြစ်၏။</p> <p>ချီယွီချန်က အကြီးအကဲလျန်ကို တစ်ချက် လှမ်းကြည့်ရာ ခေါင်းညိတ်ပြသဖြင့်...</p> <p>" ဟုတ်ကဲ့... ရှိပါတယ်... " ဟု ပြန်ဖြေလိုက်လေသည်။</p> <p>ထိုသို့ ပြောပြီးနောက် သူ လှည့်ထွက်သွား၏။</p> <p>နောက်ထပ် အချက်အလက်များ သွားယူမည်မှာ ထင်ရှားလှပေသည်။</p> <p>အကြီးအကဲလျန်က လက်ဖက်ရည် ဆက်သောက်နေပြီး လီယီတောင်းကတော့ အနီးရှိ တက်ဘလက်ကို တည်ငြိမ်စွာ ကောက်ယူလိုက်လေသည်။</p> <p>သူ တစ်ခုခု လုပ်တော့မယ် ဆိုရင်  သူ့ရဲ့ သဘောထားကို ပြသဖို့ လိုတယ်လေ...။</p> <p>တိတ်တဆိတ် Follow လုပ်နေတာက သိပ်ပြီး အဓိပ္ပာယ် မရှိဘူး...။ ဒီတစ်ခါတော့ သူတို့ကို အကြောက်တရား ဆိုတာ ဘာလဲ သိအောင် လုပ်ပြမယ်...။</p> <p>' ငါ့ကို တိုက်ခိုက်ရဲတယ်ပေါ့လေ... အဲဒါဆိုရင်တော့ ဆောရီးပဲကွာ... မင်းတို့ အကုန် ဇာတ်သိမ်းပြီ... '</p> <p>ခုနကတင် သူ စမ်းကြည့်ပြီးပြီလေ...။</p> <p>ဒီလူတွေ အတွက်... သေမင်းဓားသွားကို သူ သုံးလို့ ရတယ်...။</p> <p>ပြီးတော့ သက်တမ်း ကုန်ဆုံးမှုကလည်း နှစ်ဆ မဖြစ်သွားဘူး... တစ်ဝက် လျော့သွားတာ၊ ဒါမှမဟုတ် အဲဒီထက်တောင် ပိုလျှော့ပေးသေးတယ်...။</p> <p>ဤမြင်ကွင်းကို ကြည့်ရင်း စနစ်က အသံတိတ် အဆင့်မြှင့်တင်မှုများ ပြုလုပ်ခဲ့ခြင်း ဖြစ်နိုင်ကြောင်း သို့မဟုတ် ယခင်က သူ သတိမထားမိခဲ့သော ဤကဲ့သို့ ရွေးချယ်စရာမျိုး ရှိနေခဲ့ခြင်း ဖြစ်နိုင်ကြောင်း လီယီတောင်း ခန့်မှန်းမိလေသည်။</p> <p>Follow လုပ်ပြီးသား လူတစ်ယောက်ကို သေမင်းဓားသွား အသုံးပြုခြင်းက သေဆုံးနိုင်ခြေ အပေါ် မူတည်ပြီး သက်တမ်း လျှော့ချပေးပုံ ရ၏။</p> <p>ဒါက တော်တော်လေး ယုတ္တိရှိပါတယ်...။</p> <p>အခုဆို ဒီလူ ဆယ်ယောက်ကျော် အားလုံး ပေါင်းမှ သက်တမ်း နှစ် သုံးရာတောင် မပြည့်ဘူး...။ လီယီတောင်း အတွက်တော့ ဒါက ပင်လယ်ထဲက ရေတစ်စက်လောက်ပဲ ရှိတာလေ...။</p> <p>တက်ဘလက် ပွင့်လာသည်နှင့် ပလက်ဖောင်းထဲသို့ အလိုအလျောက် ဝင်သွားပြီး ဤလူများကို စစ်ထုတ်လိုက်၏။လီယီတောင်း တစ်ချက်လေးမျှ မတုံ့ဆိုင်းတော့ပေ။ အားလုံးကို တစ်ပြိုင်နက်တည်း Like ပေးပြီး Follow လုပ်လိုက်လေတော့သည်။</p> <p>ထို့နောက်...</p> <p>သူ၏ comment တွင် သူ၏ နာမည်ကျော် ကြော်ငြာစာသား မပါတော့ပေ။ စကားတစ်ခွန်းတည်းသာ ပါဝင်တော့၏။</p> <p>" သေစမ်း... "</p> <p>ဤစကားတစ်ခွန်းတည်းကပင် သူ၏ သဘောထားကို တိုက်ရိုက် ဖော်ပြနေလေပြီ။</p> <p>' ငါ့ကို လှည့်စားလို့ ရမယ် ထင်နေတာလား... ထောင်ချောက်ဆင်လို့ ရမယ် ထင်နေတာလား... '</p> <p>' အင်း... ဆောရီးပဲကွာ... '</p> <p>' ငါ့မှာ ပြောစရာ စကားတစ်ခွန်းပဲ ရှိတယ်... သေစမ်း... '</p> <p>လီယီတောင်း၏ လုပ်ရပ်များကို စောင့်ကြည့်နေသော အကြီးအကဲလျန်မှာ ရိုးရိုးသားသား ဆိုရလျှင် ခဏတာ မှင်သက်သွားရလေသည်။ သူ၏ ရှေ့မှ အရာအားလုံးကို ကြည့်ရင်း သူ တကယ်ကို အံ့အားသင့်နေကြောင်း ထင်ရှားလှပေသည်။</p> <p>ဒါက တအားကို တည့်ဆန်လွန်းတယ်...။ ဘာအဓိပ္ပာယ်လဲ...။</p> <p>ဒါက စစ်ကြေညာတာပဲ...။ သူ့ရဲ့ ကိုယ်ပိုင် အင်အားနဲ့ အဖွဲ့အစည်း တစ်ခုလုံးကို စစ်ကြေညာလိုက်တာပဲ...။</p> <p>ထိုမျှမကသေးပေ။</p> <p>ဒီလူတချို့က ဒီအဖွဲ့အစည်း ကချည်းပဲ မဟုတ်ဘူးလေ...။</p> <p>သူတို့ ပေးလိုက်တဲ့ စာရင်းထဲမှာ... ကိုယ်ကျိုးရှာမှု တချို့ သေချာပေါက် ပါနေတာပဲ...။</p> <p>သူတို့ထဲက တချို့က တပ်ဖွဲ့ ၃၆ နဲ့ ဆန့်ကျင်ဘက် အဖွဲ့အစည်း ကနေ ဖြစ်နိုင်တယ်...။</p> <p>သေချာတာပေါ့...။</p> <p>ဒီလူတွေက သေချာပေါက် ရာဇဝတ်မှုတွေ အများကြီး ကျူးလွန်ထားတဲ့ သူတွေပဲ...။</p> <p>လီယီတောင်းရဲ့ စရိုက်ကို သူတို့ သိတယ်လေ... သူ ဘယ်လို ရွေးချယ်မလဲ ဆိုတာကိုလည်း နားလည်တယ်...။</p> <p>ဒါကြောင့် သူတို့က ဒီလူတွေကို သွယ်ဝိုက်တဲ့ နည်းလမ်းနဲ့ပဲ ရှင်းလင်းမှာပါ... အနည်းဆုံးတော့ လီယီတောင်း လှုပ်ရှားဖို့ အကြောင်းပြချက် တစ်ခု ပေးလိုက်တာပေါ့...။</p> <p>စုစုပေါင်း လူ ၁၃ ယောက်... လီယီတောင်းက ငါးမိနစ်တောင် မကြာဘဲ အကုန်လုံးကို Follow လုပ်နိုင်ခဲ့တယ်...။</p> <p>သို့သော်...</p> <p>သေမင်းဓားသွားကို အသုံးပြုရန် သူ အလျင်မလိုသေးပေ။</p> <p>သူ ကိုယ်တိုင် လှုပ်ရှားဖို့ ရည်ရွယ်ထားမှတော့... ဒီကိစ္စရဲ့ ဂယက်ကို  ပိုကျယ်ပြန့်အောင် လုပ်ရမှာပေါ့...။ ဒီသတင်း နည်းနည်းလောက် ပျံ့သွားတဲ့ အထိ စောင့်ပြီးမှ သူ ဆုံးဖြတ်မယ်...။</p> <p>အနည်းဆုံးတော့... တစ်ဖက်လူကို သူ သိစေချင်တယ်... " ငါ မင်းတို့ကို Follow လိုက်ပြီ... ငါ မင်းတို့ကို သတ်တော့မယ်... ပြီးတော့ မင်းတို့ကို လွတ်သွားခွင့် ပေးမှာ မဟုတ်ဘူး " ဆိုတာကိုပေါ့...။</p> <p>လီယီတောင်း Follow လိုက်သည်နှင့် သူ့ကို စောင့်ကြည့်နေသော အင်တာနက် သုံးစွဲသူများ လုံးဝ အံ့အားသင့်သွားကြတော့၏။</p> <p>အစ်ကိုယီတောင်းရဲ့ နောက်ဆုံး တိုက်ပွဲက ဘယ်တုန်းကလဲ...။</p> <p>Live လွှင့်ဖို့တောင် သူ သိပ်အချိန်မရတာ ဆိုတော့... လူတစ်ယောက်ကို Follow မလုပ်တာ တော်တော်လေး ကြာသွားပြီလေ...။</p> <p>အခုကျတော့ရော...။</p> <p>သူက လူဆယ်ယောက်ကျော်ကို တစ်ခါတည်း Follow လိုက်တာလား...။</p> <p>ထိုမျှမကသေးပေ။</p> <p>အရေးအကြီးဆုံးက အစ်ကိုယီတောင်းရဲ့ comment ပဲ...။</p> <p>အဲဒါက " သေစမ်း " တဲ့...။</p> <p>ဖက်ခ်...။</p> <p>ဒီလောက် ပြင်းထန်တဲ့ သတ်ဖြတ်လိုစိတ်ကြီး...။</p> <p>ဒီလူတွေက ဘာဖြစ်လို့လဲ...။</p> <p>အစ်ကိုယီတောင်း၏ ပရိသတ် ဂရု ဖိုရမ်တွင် အချို့သော အသုံးပြုသူများက ဤသတင်းကို တင်လိုက်ကြလေပြီ။</p> <p>ဖိုရမ် တစ်ခုလုံး မျက်စိတစ်မှိတ် အတွင်း ပေါက်ကွဲသွားတော့၏။</p> <p>မရေမတွက်နိုင်သော အင်တာနက် သုံးစွဲသူများ အလုံးအရင်း ဝင်ရောက်လာကြပြီး ဖိုရမ် ဆာဗာပင် ကျလုနီးပါး ဖြစ်သွားလေသည်။</p> <p>" ဘယ်ကောင်က အစ်ကိုယီတောင်းကို သွားစော်ကားတာလဲ... ငါ လုံးဝကို မှင်သက်သွားတာပဲ... "</p> <p>" အစ်ကိုယီတောင်းက နောက်ဆုံးတော့ သူ့အစွမ်းကို ထုတ်ပြလိုက်ပြီ... ဒီတစ်ခါတော့ မပုန်းတော့ဘူးဟေ့... "</p> <p>" သေစမ်း... လခွမ်း... ဒီစကားလုံးလေး တစ်လုံးတည်းကို မြင်ရုံနဲ့တင် ငါ ဆွံ့အသွားပြီ... "</p> <p>" သတ်... သတ်... သတ်... သေမင်းတမန် တပ်ဖွဲ့ နေရာယူပြီးပြီ... အစ်ကိုယီတောင်း အတွက် ငါတို့ အားပေးနေတယ်... "</p> <p>" ငါ တအား သွေးဆူလာပြီဟေ့... ဒီတစ်ခေါက် အစ်ကိုယီတောင်း Follow လိုက်တဲ့ လူတွေက နိုင်ငံခြားက ဖြစ်ပုံရတယ် ဆိုတာ မင်းတို့ သတိထားမိကြလား... "</p> <p>" ဟုတ်တယ်... နေဦး... အဲဒီအထဲမှာ တရုတ်လူမျိုး နှစ်ယောက် ပါနေသလိုပဲ... "</p> <p>" သူတို့ရဲ့ အချက်အလက်တွေကို ခုနကတင် ငါ စစ်ကြည့်ပြီးပြီ... အဲဒီ နှစ်ယောက်က တရုတ် နိုင်ငံသား မဟုတ်တော့ဘူး... "</p> <p>" ဟားဟား... ငါ သိချင်တာက ဘာတွေ ဖြစ်နေတာလဲ ဆိုတာပဲ... အစ်ကိုယီတောင်း... ပြောပြလို့ ရမလား... @ယီတောင်း နာရေးဝန်ဆောင်မှု... "</p> <p>" ဟီးဟီး... ဟုတ်တယ်... အစ်ကိုယီတောင်း ဒီတစ်ခါ ဘာဖြစ်တာလဲ... နည်းနည်းတော့ ကြောက်စရာ ကောင်းနေပြီ... "</p> <p>" အင်း... ငါ ကြောက်ကြောက်နဲ့ မေးလိုက်မယ်... အစ်ကိုယီတောင်းရဲ့ လုပ်ရပ်က... ရာဇဝတ်မှု မြောက်သလား... "</p> <p>" အဓိပ္ပာယ် မရှိတာ... ငါက XXကို သတ်ချင်တယ်လို့ ပြောရုံနဲ့ သူတို့ သေသွားတာက ငါနဲ့ ဆိုင်တယ်လို့ ဘယ်သူ သက်သေပြနိုင်မှာလဲ... "</p> <p>" ဘာတွေလဲဟ... မင်းက XX သေအောင် လုပ်လိုက်တာလား... "</p> <p>" သူ တကယ် သေသွားတာလား... မဖြစ်နိုင်တာ... နောက်မနေနဲ့... တစ်ခုခု ဖြစ်သွားရင် ငါ့အတွက် တအား တိုက်ဆိုင်လွန်းနေပြီ... "</p> <p>" ကျွတ်... မင်း ဘယ်လောက် လန့်နေလဲ ကြည့်ဦး... ဘာမှ မဟုတ်ပါဘူး... အစ်ကိုယီတောင်း ဘယ်လောက် တည်ငြိမ်နေလဲ ကြည့်လိုက်ဦး... လူတွေ ဒီလောက် အများကြီး သေသွားတာတောင် အစ်ကိုယီတောင်း လက်ချက်လို့ ဘယ်သူ ပြောနိုင်မှာလဲ... "</p> <p>" ဖက်ခ်... ကဲပါ... မင်းတို့တွေ ဆက်မပြောကြနဲ့တော့... ဆက်ပြောနေရင် အစ်ကိုယီတောင်းကို ထောင်ထဲ တကယ် ပို့လိုက်သလို ဖြစ်သွားမယ်... ဒါပေမဲ့ အစ်ကိုယီတောင်း Follow လိုက်တဲ့ ဒီလူတွေ ဘယ်တော့ သေမလဲ ဆိုတာကိုတော့ ငါ တကယ် သိချင်နေပြီ... "</p> <p>" ဟီးဟီး... စောင့်သာ ကြည့်နေ... ဒီနေ့ အစ်ကိုယီတောင်းရဲ့ comment တွေက မတူဘူး... သူတို့ အသက်မရှင်တော့ဘူး ဆိုတာကို ပြနေတာပဲ... သုံးရက်တောင် ခံမှာ မဟုတ်ဘူး... သေချာတယ်... "</p> <p>" သုံးရက် ဟုတ်လား... နောက်နေတာလား... ငါကတော့ ၂၄ နာရီပဲ... "</p> <p>" ၂၄ နာရီ ဟုတ်လား... ကြာလွန်းတယ်... ကြာလွန်းတယ်... ငါကတော့ တစ်ရက်လို့ ပြောမယ်... "</p> <p>" ဟင်... ၂၄ နာရီ ဆိုတာ တစ်ရက် မဟုတ်ဘူးလား... "</p> <p>" ဟားဟား... ဆက်မငြင်းကြနဲ့တော့... ငါ ပြောမယ်... တစ်နာရီ အတွင်း သူတို့ သေချာပေါက် သေလိမ့်မယ်... မသေရင် ငါ ဇောက်ထိုးရပ်ပြီး ချေးစားပြမယ်... Live လွှင့်ပြီးကို စားပြမှာ... "</p> <p>အင်တာနက် သုံးစွဲသူများ စိတ်အားထက်သန်စွာ ဆွေးနွေးနေကြစဉ် အွန်လိုင်း ကမ္ဘာ တစ်ခုလုံး မုန်တိုင်းထဲ ရောက်သွားတော့၏။</p> <p>တစ်ချိန်တည်းမှာပင် နိုင်ငံ တစ်ခုရှိ အခြေစိုက် စခန်းတစ်ခု အတွင်း... တစ်ကိုယ်လုံး တက်တူးများ အပြည့် ထိုးထားသော လူလတ်ပိုင်း အမျိုးသား တစ်ဦးက သူ၏ ဖုန်းထဲမှ မက်ဆေ့ချ်ကို ကြည့်ကာ ခဏတာ မှင်သက်သွားလေသည်။</p> <p>" ယီတောင်း နာရေးဝန်ဆောင်မှု မှ သင့်အား Follow လိုက်ပါသည်။ "</p> <p>ထို့ပြင် သွေးရောင်ရဲနေသော ထို comment ကိုလည်း သူ တွေ့လိုက်ရ၏။</p> <p>" သေစမ်း... "</p> <p>ထိုအခိုက်အတန့်တွင် သူ့တစ်ကိုယ်လုံး ကျောချမ်းသွားတော့၏...။</p> <p> </p> <p> </p> <p> </p> <p style="text-align: center;">***</p>


Save