Book List

<h2 style="text-align: center;">အခန်း ၁၉၇</h2> <h2 style="text-align: center;">သေမင်းကို ဆင့်ခေါ်ခြင်း</h2> <h2 style="text-align: center;">*</h2> <p> </p> <p>အစ်ကိုယီတောင်း၏ Follow လုပ်သည့် ကိစ္စက ဆက်လက် ဂယက်ရိုက်နေဆဲပင်။</p> <p>တမင်သက်သက်ပဲ ဖြစ်ဖြစ်၊ မတော်တဆပဲ ဖြစ်ဖြစ် လီယီတောင်း ယခုလေးတင် Follow လိုက်သော လူများအကြောင်း အချက်အလက်များက အင်တာနက်ပေါ်တွင် အဆက်မပြတ် တက်လာနေလေသည်။</p> <p>လူများစွာနှင့် အဖြစ်အပျက် အများအပြားက အွန်လိုင်းတွင် လုံလောက်သော ဖော်ပြမှုများကို အခါအားလျော်စွာ ရရှိခဲ့ပြီး အစ်ကိုယီတောင်း မကြာသေးမီက Follow ခဲ့သူများ အကြောင်းကို လူတိုင်းအား နက်ရှိုင်းစွာ နားလည်သွားစေခဲ့၏။</p> <p>ဒီလူအုပ်စုက ဖက်ခ်... အမှိုက်ကောင်တွေချည်းပဲ...။</p> <p>တစ်ယောက်မှ ကောင်းတဲ့သူ မပါဘူး...။</p> <p>လူသတ်သမား မဟုတ်ရင် မူးယစ်ဆေးဝါး မှောင်ခိုသမားတွေ...။ လူကုန်ကူးတဲ့ အထဲမှာ ပါတဲ့သူတွေလည်း ရှိသလို... လိမ်လည်မှု၊ သူလျှိုလုပ်မှု စတာတွေမှာ ပါဝင်နေတဲ့ သူတွေလည်း ရှိသေးတယ်...။</p> <p>ဘာပဲဖြစ်ဖြစ်...</p> <p>ဒီလို အခြေအနေမျိုးမှာ အချက်တစ်ချက်ကို ဖော်ပြချင်တာက သဘာဝပါပဲ...။</p> <p>အဲဒါက ဒီတစ်ခေါက် လီယီတောင်းရဲ့ ဝင်ရောက် စွက်ဖက်မှုက တရားမျှတပြီး အကြောင်းပြချက် ခိုင်လုံတယ် ဆိုတာကို သွယ်ဝိုက်ပြီး ပြသနေတာပဲလေ...။</p> <p>တကယ်တမ်းတွင် ဤအချက်အလက်များက အပြည့်အဝ မှန်ကန်နေခြင်း မဟုတ်သလို လျှို့ဝှက် အသေးစိတ် အချက်အလက် အများအပြားကိုလည်း ဖော်ထုတ်ထားခြင်း မရှိပေ။ ဤအချက်အလက်များကို တူးဖော်နေသော " ကျွမ်းကျင်သူ " ဆိုသူများကို တပ်ဖွဲ့ ၃၆က နောက်ကွယ်မှ ကြိုးကိုင်နေပြီး တမင်သက်သက် လုပ်ဆောင်နေခြင်း ဖြစ်၏။</p> <p>ဒီ " ကျွမ်းကျင်သူ " ဆိုတဲ့ လူတွေတောင် သူတို့ စီစဉ်ထားတာလေ...။</p> <p>ရည်ရွယ်ချက်ကတော့ ရှင်းပါတယ်... မလိုလားအပ်တဲ့ အမြင်တွေကို ဖယ်ရှားပစ်ဖို့ပဲ...။</p> <p>ဥပမာအားဖြင့် လီယီတောင်းက ကွပ်မျက်သူ တစ်ယောက် ဖြစ်တယ်၊ ဒါမှမဟုတ် သူ ထောင်ချခံရသင့်တယ် ဆိုတဲ့ အဆိုမျိုးတွေ... ဒီလို မှတ်ချက်တွေနဲ့ တခြား စကားတွေ အကုန်လုံးကို ဖယ်ရှားပစ်ဖို့ပေါ့...။</p> <p>ဘာပဲဖြစ်ဖြစ်... ဒီ " အစစ်အမှန် " လို့ ခေါ်တဲ့ သတင်းအချက်အလက်တွေက လီယီတောင်းရဲ့ အခြေအနေကို တည်ငြိမ်သွားစေခဲ့တာပဲ...။</p> <p>ဒီ " အတွင်းရေး သတင်းတွေ " ဆိုတာတွေကပဲ အခြေအနေကို ငြိမ်ကျသွားစေခဲ့တာ...။</p> <p>အင်တာနက် သုံးစွဲသူတွေရဲ့ comment ဦးတည်ချက်ကလည်း စတင် ပြောင်းလဲလာခဲ့ပြီ...။</p> <p>" ဒီတစ်ခါတော့ အစ်ကိုယီတောင်းက ပြည်သူတွေ အတွက် အန္တရာယ်ကို ဖယ်ရှားပေးလိုက်ပြန်ပြီ... ဒီလူတွေကို ကြည့်စမ်းပါဦး... တကယ်လို့ သူတို့ကိုသာ မရှင်းလင်းရင်... နောက်ထပ် လူဘယ်နှယောက်ကို ဒုက္ခပေးဦးမလဲ ဆိုတာ ဘယ်သူ သိနိုင်မှာလဲ... "</p> <p>" ဟုတ်တယ်... အရင်က လှောင်ခဲ့ကောင်တွေ... သူတို့ ဘာတွေ တွေးနေလဲ ဆိုတာ ငါ မသိဘူး... ဟားဟား... အခု ထွက်လာပြီး ထပ်ငြင်းကြည့်ကြပါဦးလား... "</p> <p>" ဟမ့်... ဘာကို ငြင်းရမှာလဲ... အစကတည်းက ဒီလူတွေ ဘယ်လောက်ပဲ ဆိုးဆိုး အစ်ကိုယီတောင်းမှာ သူတို့ကို ပစ်မှတ်ထားခွင့် မရှိဘူးလေ... "</p> <p>" ဟုတ်တယ်... ဖြစ်သလို လိုက်လုပ်နေတာ... အဲဒါက ဘာသဘောလဲ... "</p> <p>" လခွမ်း... ငါတော့ သည်းမခံနိုင်တော့ဘူး... ဒါက အစ်ကိုယီတောင်း နဲ့ ဆိုင်လား၊ မဆိုင်ဘူးလား ဆိုတာကို ခဏလောက် ဘေးဖယ်ထားလိုက်... တကယ်လို့ ဆိုင်တယ် ဆိုရင်တောင် မင်းတို့ဆီမှာ သက်သေ ရှိလို့လား... "</p> <p>" လာစမ်းပါ... အပေါ်ကကောင်တွေ... မင်းတို့ လိပ်စာ ပေးရဲလား... ငါ အပြင်မှာ လာပြီး မင်းတို့နဲ့ တကယ် စာရင်းရှင်းမယ်... "</p> <p>" မင်းတို့ကောင်တွေ အစ်ကိုယီတောင်း နဲ့ စကားပြောရတာ လွယ်တယ်လို့ တကယ် ထင်နေတာလား... ဒီမှာ လာပြီး ဖြစ်သလို လျှောက်ပြောနေတာ သေချင်နေလို့လား... အစ်ကိုယီတောင်း မင်းတို့ကို Follow လာမှာကို မကြောက်ဘူးလား... "</p> <p>" ဖက်ခ်... ညီအစ်ကိုတို့... တကယ်ကို အကြောက်အလန့် မရှိတဲ့ ကောင်တွေ ရှိတယ်ဟေ့... ခုနလေးတင် စကားများတဲ့ မင်းသားလေးက Live လွှင့်ပြီး အစ်ကိုယီတောင်းကို တိုက်ခိုက်နေတယ်... "</p> <p>" စကားများတဲ့ မင်းသားလေး ဟုတ်လား... ပါးစပ်ကို ဆွဲဖြဲပစ်ချင်စရာ ကောင်းတဲ့ အဲဒီ Streamer လား... "</p> <p>" အေး... အဲဒီကောင်ပဲ... သူက အစ်ကိုယီတောင်းကို တကယ်ကြီး စိန်ခေါ်နေတာ... တော်တော်လေး ကြည့်ကောင်းတယ်... "</p> <p>" တကယ်ကြီးလား... သူက အာချောင်ပေမဲ့ ပုံမှန် အခြေအနေတွေမှာတော့ အဆင်ပြေပါတယ်... ဝေဖန်ရင်တောင် အတိုင်းအတာ တစ်ခုလောက်တော့ ရှိသေးတယ်... နှုတ်စောင့်တယ်… "</p> <p>" အတိုင်းအတာ ဟုတ်လား... ဒီတစ်ခါတော့ သူ သေချင်နေပြီလို့ ငါထင်တယ်... ပြီးခဲ့တဲ့ ကိစ္စပြီးကတည်းက သူ့ရဲ့ Follower တော်တော်များများ ဆုံးရှုံးသွားတော့ အခု အစ်ကိုယီတောင်း နာမည်ကို သုံးပြီး အခွင့်ကောင်း ယူချင်နေတာ နေမှာ... "</p> <p>" အခွင့်ကောင်း ယူချင်တယ် ဟုတ်လား... လခွမ်း... အစ်ကိုယီတောင်းရဲ့ နာမည်ကို အခွင့်ကောင်း ယူဖို့ ကြိုးစားတဲ့ Streamer တွေ အများကြီး အသတ်ခံခဲ့ရတာကို... ဒီကောင်က အဲဒီလောက်တောင် သတ္တိကောင်းနေတာလား... "</p> <p>" သတ္တိကောင်း၊ မကောင်းတော့ ငါ မသိဘူး... ဒါပေမဲ့ ဒီကောင်က တော်တော်လေး မိုက်မဲတာတော့ အမှန်ပဲ... မင်းဘာသာ သွားကြည့်လိုက်... "</p> <p>" သွားကြစို့... သွားကြည့်ကြမယ်... "</p> <p>" အတူတူ သွားကြမယ်... ဒီကောင် ဘယ်လောက်တောင် သွေးကောင်းနေလဲ ဆိုတာ ငါ တကယ် ကြည့်ချင်တယ်... "</p> <p>" ... ဟားဟား... "</p> <p>သို့သော်...</p> <p>မည်သူမျှ မသိခဲ့သည့် အရာမှာ... ယခုလေးတင် စကားပြောသွားသူက သူတို့ ဆွေးနွေးနေသည့် စကားများတဲ့ မင်းသားလေး ဆိုသူ၏ အကောင့်တုပင် ဖြစ်နေခြင်းကိုပင်။</p> <p>ဤအချိန်တွင် ကျန်းမြို့ရှိ လူနေတိုက်ခန်း တစ်ခု၏ အပေါ်ဆုံးထပ်၊ အထပ်နှစ်ထပ်ပါ အခန်းတစ်ခု အတွင်း၌ အသက် နှစ်ဆယ်ကျော်ခန့် ရှိမည့် လူငယ် တစ်ဦးက ကွန်ပျူတာ စခရင်ရှေ့တွင် ပြုံးလျက် ထိုင်နေလေသည်။</p> <p>သူ၏ လက်ချောင်းများက ကီးဘုတ်ပေါ်တွင် အဆက်မပြတ် လှုပ်ရှားနေ၏။</p> <p>အနီးကပ် သေချာ ကြည့်မည် ဆိုပါက ဖွင့်ထားသော chat window ဆယ်ခုခန့် တစ်ပြိုင်နက်တည်း ရှိနေသည်ကို တွေ့နိုင်လေသည်။</p> <p>ထိုမျှမကသေးပေ။ သူ့ဘေးတွင် Live လွှင့်ရန် ကင်မရာ တစ်လုံးလည်း ရှိနေသေး၏။ လက်ရှိတွင် Live စခရင်က ပိတ်ထားကြောင်း ပြသနေလေသည်။</p> <p>ဖိုရမ်နှင့် ဂရုချက် မက်ဆေ့ချ် အမျိုးမျိုးကို သူ ပွဲရှာပေးလိုက်နိုင်ပြီ ဖြစ်ကြောင်း မြင်သောအခါ အသက်ပြင်းပြင်း တစ်ချက် ရှူသွင်းလိုက်ပြီး Liveကို နောက်တစ်ကြိမ် ပြန်ဖွင့်ရန် ပြင်ဆင်လိုက်၏။</p> <p>တကယ်တော့ လီယီတောင်းကို ဤကဲ့သို့ လှည့်စားရဲသည့် အကြောင်းရင်းများ သူ့ထံတွင် ရှိလေသည်။</p> <p>သူက အစ်ကိုယီတောင်း၏ သမိုင်းကြောင်း သို့မဟုတ် စွမ်းရည်များကို မသိနားမလည်သူ မဟုတ်ပေ။</p> <p>အစ်ကိုယီတောင်း အကြောင်းကို သူ အများကြီး သိထားလို့ပဲ...။</p> <p>ပထမဆုံး အချောလေး ကနေစပြီး အခုအချိန် အထိ... အစ်ကိုယီတောင်း Follow ခဲ့တဲ့ လူတိုင်း... သေသွားတဲ့သူရော၊ အသက်ရှင်နေသေးတဲ့သူရော အကုန်လုံးကို သူ သေချာ လေ့လာခဲ့တာ...။</p> <p>ဒါကြောင့်... သူ တစ်ခုတော့ သိတယ်...။</p> <p>အစ်ကိုယီတောင်းရဲ့ Follow လုပ်တာက အဲဒီလောက် မကြောက်စရာ မကောင်းဘူး ဆိုတာကိုပဲ...။</p> <p>အစ်ကိုယီတောင်းက မင်းကို Follow ချင်တယ် ဆိုရင်... ရှောင်ပြေးလို့ မရဘူးလေ...။</p> <p>ဒါကြောင့်မို့...</p> <p>ဒီတစ်ခေါက် အတွက် သူ အသေအချာ ပြင်ဆင်ခဲ့တာပေါ့...။</p> <p>ယခုအခါ တစ်သိန်းပင် မပြည့်တော့သော ကျန်ရှိနေသည့် Follower များကို သူ ကြည့်လိုက်၏။အချို့မှာ အကောင့်တုများ ဖြစ်လေသည်။</p> <p>သူ အသက်ပြင်းပြင်း တစ်ချက် ရှူသွင်းလိုက်သည်။</p> <p>ဒီတစ်ခေါက်တော့ သူ ရှိသမျှ အကုန် ပုံအောတော့မယ်...။</p> <p>သူက တစ်ချိန်တုန်းက Follower တစ်သန်း ပြည့်ခါနီး ဖြစ်ခဲ့တဲ့ နာမည်ကြီး Streamer တစ်ယောက် ဆိုတာ မမေ့ပါနဲ့...။</p> <p>ပြဿနာ သေးသေးလေး တစ်ခုကြောင့် ညတွင်းချင်း သူ့ရဲ့ Follower တွေ နီးပါး အကုန်လုံးက သူ့ကို Unfollow လုပ်သွားခဲ့ကြတာ...။</p> <p>အဲဒီအကြောင်း တွေးမိတိုင်း သူ ဒေါသထွက်တယ်...။</p> <p>အဲဒီ မိန်းမကြောင့် အကုန် ဖြစ်ရတာ...။</p> <p>တကယ်လို့ အဲဒီ မိန်းမကသာ သူ့ကို မဖော်ထုတ်ခဲ့ဘူး ဆိုရင်... ဒီလို ရလဒ်မျိုး ဘယ်လိုလုပ် ဖြစ်လာမှာလဲ...။</p> <p>ကံကောင်းလို့ပေါ့...။</p> <p>အဲဒီ မိန်းမ မမျှော်လင့်ဘဲ ကားအက်ဆီးဒင့် ဖြစ်သွားလို့...။</p> <p>သေချာတာပေါ့...။</p> <p>အဲဒီ အက်ဆီးဒင့် ဖြစ်အောင် သူ လူငှားပြီး စီစဉ်ခဲ့တာလေ...။</p> <p>သူ ကိုယ်တိုင် လုပ်လို့မှ မရတာ...။</p> <p>အဲဒီလိုသာ ဆိုရင် တအား သိသာလွန်းနေမှာပေါ့...။</p> <p>မဟုတ်ရင်... သူ ဘာလို့ ကွာရှင်းပြီး သူ့ပိုင်ဆိုင်မှု တစ်ဝက်ကို အဆုံးရှုံးခံမှာလဲ...။</p> <p>မကြာမီ...</p> <p>Live၏ အွန်လိုင်း ကြည့်ရှုသူ အရေအတွက် တစ်သိန်းကျော်သွားသည်ကို မြင်သောအခါ သူ ပြုံးလိုက်လေသည်။</p> <p>နာမည်ကျော်လာပြီလား...။</p> <p>ဒီ Live အပြီးမှာ Follower အသစ် သောင်းချီပြီး ဆွဲဆောင်နိုင်လိမ့်မယ်လို့ သူ ယုံကြည်တယ်...။ သူ နာမည်အကြီးဆုံး အချိန်ကလောက် မများပေမဲ့ တဖြည်းဖြည်းနဲ့ တက်လာလိမ့်မယ် ဆိုတာကိုတော့ သူ သိတယ်လေ...။</p> <p>အစ်ကိုယီတောင်းက တကယ့် ရွှေတွင်းကြီးပဲ ဆိုတာ သူ သဘောပေါက်သွားပြီ...။ အစ်ကိုယီတောင်းရဲ့ နာမည်ကို ဘယ်လို ယူသုံးရမလဲ ဆိုတဲ့ နည်းလမ်းကိုသာ သိထားရင်... အချိန်တို အတွင်းမှာ Follower တွေကို အမြန်ဆုံး ပြန်ရနိုင်တယ်...။</p> <p>အသက်ပြင်းပြင်း တစ်ချက် ရှူသွင်းလိုက်ပြီး Live ထဲရှိ ပရိသတ်များ ရှေ့တွင် ပြုံးလျက် ပေါ်လာလေသည်။</p> <p>သူက အံ့အားသင့်သွားသည့်ဟန် ဆောင်ကာ...</p> <p>" အို... ကျွန်တော် ရေခဏ သွားချိုးနေတုန်း သူငယ်ချင်းတွေ အများကြီး ရောက်လာကြတာလား... လာကြည့်ပေးကြတဲ့ အားလုံးကို ကျေးဇူးတင်ပါတယ်ဗျာ... အားလုံးပဲ... ချစ်စရာကောင်းတဲ့ လက်ချောင်းလေးတွေကို လှုပ်ရှားပြီး Follow ခလုတ်လေး နှိပ်ပေးကြပါဦး... လက်ဆောင်လေးတွေလည်း ပေးကြပါဦး... "</p> <p>သို့သော် သူ စကားဆက်မပြောနိုင်မီမှာပင် Live ထဲရှိ comment များက ဆက်တိုက် တက်နေပြီ ဖြစ်သည်။</p> <p>" လခွမ်း... မင်းလို ငတုံးက ရယ်တောင် ရယ်နိုင်သေးတယ်ပေါ့... အစ်ကိုယီတောင်းက ခဏနေရင် မင်းကို ဖြုတ်ဖို့ လာလိမ့်မယ်... "</p> <p>" ဟားဟား... မင်းက အစ်ကိုယီတောင်းကို ထောင်ချောက်ဆင်ရဲတယ်ပေါ့လေ... မင်း ဦးနှောက်ထဲမှာ အဝါရောင် အရည်တွေ ပြည့်နေတာလား... "</p> <p>" မင်း တော်တော် သတ္တိကောင်းတာပဲ... အစ်ကိုယီတောင်း နဲ့ အမြန်ဆုံး တွေ့ရပါစေလို့ ဆုတောင်းပေးပါတယ်... "</p> <p>" @ယီတောင်း နာရေးဝန်ဆောင်မှု... အစ်ကိုယီတောင်း... ဒီမှာ တစ်ယောက်ယောက်က အစ်ကို့ အကြောင်း မကောင်း ပြောနေတယ်... အစ်ကို ဒါကို သည်းခံနိုင်လို့လား... ဘာပဲဖြစ်ဖြစ် ကျွန်တော်ကတော့ သည်းမခံနိုင်ဘူး... "</p> <p>" ဝါး... အပေါ်ကကောင်က ပါရမီရှင်ပဲ... အကွက်တွေ ရှယ်ကစားနေတာပဲ... ငါလည်း ဝင်ပါမယ်... သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" ဟားဟား... မင်းတို့ကောင်တွေ တကယ် ကစားတတ်တာပဲ... သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" အားလုံးက အဲဒီလောက် ဖြစ်နေလား... တကယ်ကြီး ဆင့်ခေါ်လို့ ရလို့လား... ငါ စမ်းကြည့်မယ်... သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" လာ... အားလုံးပဲ ဆင့်ခေါ်ကြမယ်... သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" ဂုဏ်ပြုတဲ့ အနေနဲ့ ငါ အရင် ဆင့်ခေါ်မယ်... သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>" သေမင်းကို ဆင့်ခေါ်ခြင်း... @ယီတောင်း နာရေးဝန်ဆောင်မှု... "</p> <p>Live ထဲက comment များကို သူ ကြည့်လိုက်သည်။</p> <p>သူ့မျက်လုံးများထဲတွင် ဝမ်းသာမှု အရိပ်အယောင်လေး ဖြတ်ပြေးသွား၏။</p> <p>အဲဒါပဲ...။</p> <p>ဒါက သူ လိုချင်တဲ့ အကျိုးသက်ရောက်မှုပဲ...။</p> <p>လူတိုင်းက တစ်ပုံစံတည်း တူညီတဲ့ စာသားတွေနဲ့ ဆက်တိုက် ရေးလာမှသာ အများဆုံး လူအာရုံစိုက်မှုကို ဖန်တီးနိုင်မှာလေ...။</p> <p>ဒီ ပရိုမိုးရှင်း နည်းလမ်းကို သူ ကောင်းကောင်း သိတယ်...။</p> <p>ပြီးတော့ အခု...</p> <p>Liveက comment တွေနဲ့ ပြည့်လျှံနေပြီ... အကုန်လုံးက အဲဒီလို ပရိုမိုးရှင်း စာသားတွေနဲ့ သေမင်းကို ဆင့်ခေါ်နေကြတာ...။</p> <p>ဘယ်လောက်တောင် အစွမ်းထက်လိုက်လဲ...။</p> <p>ကျန်တာကတော့ သူ့ရဲ့ ဖျော်ဖြေမှု အပေါ်မှာပဲ မူတည်တော့တယ်...။</p> <p>ပြသရမယ့် အချိန် ရောက်ပြီဟေ့...။</p> <p> </p> <p> </p> <p> </p> <p style="text-align: center;">***</p>


Save