Book List

<h2 style="text-align: center;">အခန်း ၁၉၈</h2> <h2 style="text-align: center;">ယာယီ မစ်ရှင်တဲ့လား</h2> <h2 style="text-align: center;">*</h2> <p> </p> <p> </p> <p>Live ထဲတွင် ဆက်တိုက် တက်လာနေသော comment များကို ကြည့်ရင်း စကားများတဲ့ မင်းသားလေး၏ နှုတ်ခမ်းထောင့်တွင် အပြုံးဖျော့ဖျော့လေး တစ်ခု ပေါ်လာလေသည်။</p> <p>" ကြည့်ရတာ အားလုံး တော်တော် စိတ်ဝင်စားနေတဲ့ပုံပဲ... "</p> <p>" အစ်ကိုယီတောင်းကို ဆင့်ခေါ်နေကြတာက တစ်ခုခုကို သက်သေပြချင်လို့များလား... ဟုတ်တယ် မလား... "</p> <p>" လက်ရှိ အခြေအနေ အရတော့ အားလုံး အမြင်ပဲလေ... ဒါပေမဲ့ ကျွန်တော် အရင် ရှင်းပြချင်တာက အစ်ကိုယီတောင်းကို ကျွန်တော် အထင်သေးတာ မဟုတ်ပါဘူး... တကယ်တော့ သူ့ကို ကျွန်တော် လုံးဝ ဂရုမစိုက်တာပါ... "</p> <p>" သူက အဝေးကြီးကနေ ဓားတစ်လက်နဲ့ လူတွေကို သတ်နိုင်တယ်လို့ ခင်ဗျားတို့ တကယ် ယုံနေကြတာလား... ဒါမှမဟုတ် သူ Follow လိုက်တဲ့ သူတွေ အကုန် သေမယ်လို့ကော ယုံနေတာလား... "</p> <p>" သူ့ရဲ့ Follow စာရင်းကို သေချာ ကြည့်လိုက်မယ် ဆိုရင်... သူ Follow ထားတဲ့ သူတွေထဲက သေတဲ့ ရာခိုင်နှုန်းက အများဆုံး ၅၀ ရာခိုင်နှုန်းပဲ ရှိတယ်... "</p> <p>" ' Big Data ' ဆိုတာကို ခင်ဗျားတို့ သိ၊ မသိတော့ ကျွန်တော် မသိဘူး... ဒီသတင်းအချက်အလက် ခေတ်ကြီးမှာ ပြည့်စုံတဲ့ အချက်အလက်တွေ အပေါ် အခြေခံပြီး Streamer တစ်ယောက်ရဲ့ ကျန်းမာရေး အခြေအနေကို ရှာဖွေနိုင်သလို တချို့ အခြေအနေတွေကိုလည်း ခန့်မှန်းလို့ ရတယ်လေ... "</p> <p>" ရိုးရိုးလေး ပြောရရင် ဒါက ဖြစ်နိုင်ခြေ ပြဿနာ သက်သက်ပါပဲ... ဒါကြောင့် အစ်ကိုယီတောင်းကို နတ်ဘုရား တစ်ပါးလို စိတ်ကူးယဉ် မနေကြပါနဲ့... သူကလည်း လူတစ်ယောက် ပါပဲ... "</p> <p>" လူတစ်ယောက် အနေနဲ့ သူကလည်း ဥပဒေရဲ့ အပြစ်ပေးမှုကို ခံရမှာပဲလေ... အဲဒီလူတွေက လူဆိုးတွေပဲ ဖြစ်ဖြစ်၊ ဘယ်လို ရာဇဝတ်မှုတွေပဲ ကျူးလွန်ခဲ့တာပဲ ဖြစ်ဖြစ် ကျွန်တော် မေးချင်တာ တစ်ခုပဲ ရှိတယ်... "</p> <p>" တကယ်တမ်းတော့ သူတို့ အတွက်ကလည်း သူတို့ အသက်တွေက အသက်တွေပဲလေ... သူတို့မှာ အပြစ်ရှိရင်တောင် ဥပဒေ စနစ်ကနေတစ်ဆင့် တရားစီရင်ရမှာပေါ့... အစ်ကိုယီတောင်းက ဘာကို ကိုယ်စားပြုနေလို့လဲ... "</p> <p>သို့သော် ပရိတ်သတ်များဆီမှ comment များ ဆက်တိုက် တက်လာပြန်သည်။</p> <p>" ဖက်ခ်... ဘယ်လို ယုတ္တိဗေဒ ပါရမီရှင်ကြီးလဲ... ဘာတွေ လာပြောနေတာလဲ... "</p> <p>" ဒီလို အတွေးမျိုး ရှိတဲ့လူ ဘယ်လိုလုပ် ရှိနေနိုင်ရတာလဲ... ဒီအမှိုက်ကောင်က ဘာကို ဖော်ပြချင်နေတာလဲ... "</p> <p>" ဟား... ပထမဆုံး အနေနဲ့ သူငယ်ချင်း... မင်းရူးနေတာလား... အစ်ကိုယီတောင်းရဲ့ Follow တွေက တိုက်ဆိုင်လို့ သေတာလို့ မင်း ပြောခဲ့တယ် မဟုတ်လား... ပြီးတော့ အခုကျတော့ ဒီလူဆယ်ယောက်ကျော် သေတာက အစ်ကိုယီတောင်း ကြောင့်လို့ မင်းက စွပ်စွဲနေပြန်ပြီ... မင်းရဲ့ တွေးခေါ်ပုံက ဘယ်လိုကြီးလဲ... "</p> <p>" ဟားဟား... ဒါက တကယ့်ကို အမှိုက် အစစ်ပဲ... သူ့ကို ငါ ဆက်ပြီးတောင် မဝေဖန်ချင်တော့ဘူး... အရမ်းကို အဓိပ္ပာယ် မရှိလွန်းလို့... "</p> <p>" အစ်ကိုယီတောင်းက ဘာလို့ ပေါ်မလာသေးတာလဲ... ဒီကောင်ကို မြန်မြန် ထိန်းလိုက်ပါတော့... "</p> <p>" စိတ်မပူပါနဲ့... အစ်ကိုယီတောင်း သေချာပေါက် လာနေပါပြီ... ဒီကောင် မကြာခင် ငိုရတော့မှာပါ... "</p> <p>" ငါ သိချင်တာက... ဒီကောင်က တကယ် သတ္တိကောင်းတာလား၊ ဒါမှမဟုတ် အာရုံစိုက်ခံချင်လို့ နာမည်ကျော်ကြားမှုကို အခွင့်ကောင်း ယူဖို့ ကြိုးစားနေတာလား... "</p> <p>" ငါ့ အထင်တော့... နာမည်ကြီးအောင် ကြိုးစားနေတာ ဖြစ်ဖို့ များတယ်... ပြီးတော့ မင်းတို့သာ သူ့ရဲ့ အရင်က ဖြစ်ခဲ့တဲ့ ကိစ္စတွေကို သိရင် သူ ဘယ်လို လူစားမျိုးလဲ ဆိုတာကို နားလည်သွားလိမ့်မယ်... "</p> <p>" အရင်က ဖြစ်ခဲ့တဲ့ ကိစ္စတွေ ဟုတ်လား... ဘာဖြစ်ခဲ့လို့လဲ... "</p> <p>" Google မှာ ကိုယ့်ဘာသာ သွားရှာကြည့်လိုက်... စကားများတဲ့ မင်းသားလေး မိန်းမ ရိုက်တဲ့ ကိစ္စလို့ ရှာကြည့်လိုက်တာနဲ့ မင်း အကုန် သိသွားလိမ့်မယ်... "</p> <p>" မိန်းမ ရိုက်တယ် ဟုတ်လား... အဲဒီလို လူမျိုးက တစ်သက်လုံး နာမည်ပျက်စာရင်း အသွင်းခံရသင့်တာ... "</p> <p>" လခွမ်း... ဒေါသထွက်လိုက်တာ... ဒါလေး ကြည့်ပြီးတာနဲ့ ငါ Unfollow လုပ်တော့မယ်... ခုနက သူ့ကို ငါ ဘာလို့များ Follow လုပ်ခဲ့မိပါလိမ့်... "</p> <p>" ပြီးတော့... မင်းတို့ သေချာ မသိလောက်ဘူး... သူ့မိန်းမက ကားအက်ဆီးဒင့်နဲ့ သေသွားတာ... စုံစမ်းစစ်ဆေးမှုတွေ အားလုံးက မတော်တဆမှုလို့ ပြောပေမဲ့... တစ်ခုခုတော့ မှားနေတယ်လို့ ငါ ခံစားနေရတုန်းပဲ... "</p> <p>" ဘာ... ဖက်ခ်... အဲဒါ တကယ်လား... "</p> <p>" သေချာပေါက် မရိုးရှင်းဘူး... အစ်ကိုယီတောင်းက ဒီအမှိုက်ကောင်ကို ရှင်းလင်းပေးဖို့ လိုတယ်... သူ့ကို လွတ်သွားခွင့် ပေးလို့ မဖြစ်ဘူး... "</p> <p>" ကဲပါ... ကဲပါ... ဒီကောင် ကြာကြာ ခံမှာ မဟုတ်ပါဘူး... စောင့်သာ ကြည့်နေ... "</p> <p>" ဟားဟား... အစ်ကိုယီတောင်း ရောက်လာတဲ့ အခါ အာရုံစိုက်ခံချင်တဲ့ အကျိုးဆက်ကို သူ သိသွားလိမ့်မယ်... "</p> <p>" "</p> <p>တစ်ယောက်ယောက်က သူ၏ အတိတ်က ကိစ္စများကို ပြန်လည် တူးဖော်နေသည်ကို မြင်သောအခါ စကားများတဲ့ မင်းသားလေး ဟု လူသိများသော သူမှာ ဒေါသထွက်သွားလေသည်။</p> <p>သို့သော် သူ ဘာမှ အများကြီး မပြောခဲ့ပေ။</p> <p>ဒါပေမဲ့ သူ ဘာမှ မတတ်နိုင်ဘူးလေ...။</p> <p>မကျေနပ်လည်း ဖုန်းစခရင်ထဲကနေ လှမ်းထိုးလို့မှ မရတာ…။</p> <p>သို့သော် အချိန်နှင့် တပြေးညီ တက်လာနေသော comment များကို မြင်သောအခါ သူ၏ နှုတ်ခမ်းထောင့်တွင် အပြုံးဖျော့ဖျော့လေး တစ်ခု ပေါ်လာလေသည်။</p> <p>အဲဒါက သူ့အတွက် လုံလောက်ပါတယ်...။</p> <p>ကားအက်ဆီးဒင့် ကိစ္စ အတွက်ကတော့... သက်သေ ဘယ်မှာလဲ...။</p> <p>သက်သေ မရှိသရွေ့ အဲဒါ သူလုပ်တာလို့ ဘယ်သူမှ သက်သေပြနိုင်မှာ မဟုတ်ဘူးလေ...။</p> <p>ပြီးတော့ တစ်နေ့နေ့ကျရင် သူက အပြစ်ကင်းကြောင်း ထွက်ဆိုပြီး သနားစိတ်တောင် နည်းနည်း ရလာနိုင်သေးတယ်...။</p> <p>ဘာပဲဖြစ်ဖြစ်... သူ နောင်တရကြောင်း ပြသခဲ့ပြီးပြီလေ... သစ္စာစောင့်သိမှုကို ပြသတဲ့ အနေနဲ့ သူ့လက်ချောင်း တစ်ချောင်းကိုတောင် ခုတ်ဖြတ်လုနီးပါး ဖြစ်ခဲ့တာ... အဲဒါက စစ်မှန်တဲ့ နောင်တရမှုရဲ့ သက်သေ မဟုတ်ဘူးလား...။</p> <p>နောက်ထပ် ဇာတ်ညွှန်းအတွက် သူ ဆက်လက် ပြင်ဆင်ရန် ပြင်လိုက်ချိန်မှာပင် အသိပေးချက် တစ်ခုက သူ့ကို လုံးဝ မှင်သက်သွားစေခဲ့လေသည်။</p> <p>[ ယီတောင်း နာရေးဝန်ဆောင်မှုက Live ထဲသို့ ဝင်ရောက်လာပါပြီ။ ]</p> <p>သိသာ ထင်ရှားသော ဤအသိပေးချက်ကို ကြည့်ရင်း သူ ခဏတာ ဇဝေဇဝါ ဖြစ်သွားရ၏။</p> <p>သူတို့ တကယ်ကြီး ဆင့်ခေါ်လိုက်တာလား...။</p> <p>သို့သော်...</p> <p>တကယ့် သေမင်းတမန် ရောက်လာချိန်တွင်တော့ သူ၏ ရင်ထဲ၌ စိုးရိမ်ထိတ်လန့်မှု အချို့ စိမ့်ဝင်လာလေသည်။</p> <p>Live ထဲရှိ ပရိသတ်များကတော့ အစ်ကိုယီတောင်း ဝင်လာသည်ကို မြင်သောအခါ အားလုံး လုံးဝ စိတ်လှုပ်ရှားသွားကြလေသည်။</p> <p>" သေမင်းတမန် ရောက်လာပြီဟေ့... စကားများတဲ့ မင်းသားလေး... သေဖို့သာ ပြင်ထားတော့... "</p> <p>" ဟားဟား... အစ်ကိုယီတောင်း ရောက်လာပြီ... မင်းသားလေး... ဒီတစ်ခါတော့ မင်း ပြဿနာ တက်ပြီ... "</p> <p>" အစ်ကိုယီတောင်းရဲ့ အစွမ်းကို ပြသဖို့ စောင့်နေတယ်... သူက ဘုရားသခင်လို့ မင်း ထင်နေတာလား... "</p> <p>" ဘုရားသခင်ကတောင် သူ့ကို အလိုလိုက်မှာ မဟုတ်ဘူး... နာမည်ကျော်ကြားမှုကို အခွင့်ကောင်း ယူတာက ပြဿနာ မရှိပါဘူး... အစ်ကိုယီတောင်းရဲ့ သတင်းတွေကို မင်း ပေါ့ပေါ့ပါးပါး ပြောလို့ ရတယ်... ဘယ်သူမှ ဘာမှ ပြောမှာ မဟုတ်ဘူး... ဒါပေမဲ့ မင်း အခု လုပ်နေတာက ရန်စနေတာကွ... "</p> <p>" သူ့ကို ရှင်းပစ်လိုက်... သနားနေစရာ မလိုဘူး... အစ်ကိုယီတောင်း... သူ့ကို ရှင်းပစ်လိုက်ပါ... "</p> <p>" သူ့ကို ရှင်းပစ်လိုက်... ရှင်းပစ်လိုက်... "</p> <p>တကယ်တမ်းတွင် ဤအချိန်၌ Live ထဲသို့ ဝင်လာသော လီယီတောင်းက အနည်းငယ် ဇဝေဇဝါ ဖြစ်နေလေသည်။ သူ ဖုန်းကို အေးအေးဆေးဆေး ပွတ်နေစဉ် noti များ ဆက်တိုက်တက်လာ၏။</p> <p>ထို့ကြောင့် ဝင်ကြည့်ရန် သူ ဆုံးဖြတ်လိုက်ခြင်း ဖြစ်၏။</p> <p>သို့သော်...</p> <p>ဘာတွေ ဖြစ်နေသလဲ ဆိုတာကို သူ သေချာ မသိသေးပေ။</p> <p>" ဘာတွေ ဖြစ်နေကြတာလဲ… "</p> <p>" ကြည့်ကြ... အစ်ကိုယီတောင်းက မင်းကို မေးနေတယ်... ဟားဟား... မင်း စိတ်လှုပ်ရှားနေပြီလား... "</p> <p>" အစ်ကိုယီတောင်း... ခင်ဗျားရဲ့ ဓားသွားကို လွတ်လွတ်လပ်လပ်သာ လွှဲချလိုက်ပါ... ဒီအမှိုက်ကောင် အတွက် လက်တွန့်နေစရာ မလိုပါဘူး... "</p> <p>" ဟုတ်တယ်... သူ့ကို ရှင်းပစ်လိုက်... မတွန့်ဆုတ်ဘဲ သူ့ကို ရှင်းပစ်လိုက်... "</p> <p>" အော်မနေကြနဲ့တော့... အစ်ကိုယီတောင်းက ဘာတွေ ဖြစ်နေလဲ ဆိုတာ မသိလို့ နေမှာပါ... "</p> <p>" ဟုတ်တယ်... အစ်ကိုယီတောင်းက ဘာဖြစ်လို့လဲ... သူ့ကို ဘာလို့ ဆင့်ခေါ်တာလဲ လို့ မေးနေတာ ဖြစ်ရမယ်... "</p> <p>" လောလောဆယ် မက်ဆေ့ချ်တွေ မပို့ကြနဲ့ဦး... အစ်ကိုယီတောင်းကို ငါ ရှင်းပြလိုက်မယ်... အစ်ကိုယီတောင်း... "</p> <p>အင်တာနက် သုံးစွဲသူ တစ်ဦးက အခြေအနေကို အစအဆုံး ရှင်းပြလိုက်ရာ လီယီတောင်း တစ်ယောက် ဘာတွေ ဖြစ်သွားသလဲ ဆိုသည်ကို နားလည်သွားလေသည်။ စကားများတဲ့ မင်းသားလေး ဟု အမည်ရသော Streamerကို သူက ခပ်တင်းတင်း မျက်နှာထားဖြင့် ကြည့်လိုက်၏။</p> <p>သို့သော် သူ သေချာ အကဲခတ်နေစဉ်မှာပင် စနစ်၏ အသိပေးသံက တစ်ပြိုင်နက်တည်း ထွက်ပေါ်လာလေသည်။</p> <p>ဒါပေမဲ့ ဒီတစ်ခါတော့ သေဆုံးမှု အသိပေးချက် မဟုတ်ဘူး...။</p> <p>ဒါက ယာယီ မစ်ရှင် အသိပေးချက်ပဲ...။</p> <p>မစ်ရှင် တစ်ခု ဝင်မလာတာ တော်တော် ကြာသွားပြီ...။</p> <p>မစ်ရှင် အသေးစိတ်ကို စစ်ဆေးကြည့်ပြီးနောက် လီယီတောင်း ခဏတာ မှင်သက်သွားရလေသည်။ ထို့နောက် သူ ခေါင်းမော့ကာ Live ထဲရှိ စကားများတဲ့ မင်းသားလေးကို တစ်ချက် ကြည့်လိုက်၏။</p> <p>ဟီးဟီး...</p> <p>တကယ်ကို စိတ်ဝင်စားစရာ ကောင်းတာပဲ...။</p> <p> </p> <p> </p> <p> </p> <p style="text-align: center;">***</p>


Save