Book List

<h2 style="text-align: center;">အခန်း ၁၉၉</h2> <h2 style="text-align: center;">မင်းက အဖမ်းခံချင်တယ်လို့ ပြောနေတာလား...</h2> <h2 style="text-align: center;">*</h2> <p> </p> <p>[ ယာယီ မစ်ရှင် - မစ္စဝမ် သေဆုံးမှု၏ အမှန်တရားကို စုံစမ်းစစ်ဆေးပါ၊ မစ္စဝမ်၏ စစ်မှန်သော ဝိညာဉ်ကို စုစည်းပြီး စကားများတဲ့ မင်းသားလေးကို ထိပ်တိုက် ရင်ဆိုင်ပါ။ ]</p> <p>[ မစ်ရှင် ကျရှုံးပါက ပြစ်ဒဏ် မရှိပါ။ မစ်ရှင် အောင်မြင်ပါက သက်တမ်း နှစ်တစ်ထောင် နှင့် " ဝိညာဉ် စူးစမ်းခြင်း " စွမ်းရည်ကို ဆုလာဘ် အဖြစ် ရရှိမည် ဖြစ်သည်။ ]</p> <p>သူ့ရှေ့ရှိ ဤမစ်ရှင်ကို ကြည့်ရင်း လီယီတောင်း ချက်ချင်းပင် ကိစ္စများစွာကို တွေးမိသွားလေသည်။</p> <p>မစ္စဝမ်...။</p> <p>စောစောက Live ထဲမှာ ပြောသွားတဲ့ စကားများတဲ့ မင်းသားလေးရဲ့ မိန်းမ ဖြစ်ရမယ် မဟုတ်လား...။</p> <p>နောက်ပိုင်း ကားအက်ဆီးဒင့်နဲ့ သေသွားတဲ့ အမျိုးသမီးလေ...။</p> <p>ဒီလို အခြေအနေမျိုးမှာ... အများကြီး စဉ်းစားနေစရာ မလိုပါဘူး... ဒီကိစ္စမှာ တစ်ခုခုတော့ သေချာပေါက် မှားနေပြီ ဆိုတာ ရှင်းနေတာပဲ...။</p> <p>ကြည့်ရတာ မစ္စဝမ်ရဲ့ သေဆုံးမှုက အပြင်ပန်းမှာ မြင်ရသလောက်တော့ သေချာပေါက် မရိုးရှင်းဘူး...။</p> <p>ရာခိုင်နှုန်း အများဆုံးကတော့ အဲဒါကို စကားများတဲ့ မင်းသားလေးက စီစဉ်ပြီး ဆိုးရွားတဲ့ ကားအက်ဆီးဒင့် ဖြစ်အောင် ဖန်တီးခဲ့တာပဲ...။</p> <p>ဒီမှာ ငတုံး တစ်ယောက်မှ မပါဘူး... ဒီကိစ္စ တစ်ခုလုံးကလည်း အင်တာနက်ပေါ်မှာ တော်တော်လေး ဆွေးနွေးခဲ့ကြပြီးသားလေ...။ ဒီ Streamerရဲ့ စရိုက်ကိုလည်း အဲဒီတုန်းက လူတိုင်း သိခဲ့ကြတာပဲ...။</p> <p>ဒါကြောင့်... ကွာရှင်းမယ့် မတိုင်ခင် တစ်ရက်အလိုမှာ ရုတ်တရက် ကားအက်ဆီးဒင့် ဖြစ်သွားတာ... အရာအားလုံးက တအားကို တိုက်ဆိုင်လွန်းနေတယ်...။</p> <p>ဒါပေမဲ့ ဒီကိစ္စက နောက်ဆုံးတော့ အဖြေမပေါ်ဘဲ ပြီးသွားခဲ့တယ်...။</p> <p>ဘာပဲဖြစ်ဖြစ်... သက်သေမှ မရှိတာ... အဲဒီ အရာအားလုံးရဲ့ နောက်ကွယ်က ကြိုးကိုင်ရှင် ကကော...။</p> <p>ဆောရီးပဲ... ဘာသဲလွန်စမှ မရှိဘူး...။</p> <p>တကယ်တော့ အစကတည်းက သံသယတွေ ရှိခဲ့တာပါ...။</p> <p>ဥပမာအားဖြင့်... ယာဉ်မောင်းရဲ့ အဖေ ဆေးကုသစရိတ် အတွက် လိုအပ်နေတဲ့ ငွေပမာဏ အများကြီး ရုတ်တရက် ပေါ်လာတာမျိုးပေါ့...။</p> <p>ဒါက တော်တော်လေးကို သိသာနေပြီလေ...။</p> <p>ပိုပြီး ရယ်စရာ ကောင်းတာက အဲဒီပိုက်ဆံက ထီပေါက်လို့ ရတာတဲ့...။</p> <p>ဒါက အဓိပ္ပာယ် မရှိဘူး မဟုတ်လား...။</p> <p>နောက်ဆုံးတော့ မတော်တဆမှုလို့ပဲ သတ်မှတ်လိုက်ရပြီး ယာဉ်မောင်းကတော့ ထောင်ထဲ ရောက်သွားတာပေါ့...။</p> <p>ဒါပေမဲ့ သူ အဲဒီမှာ နေရမယ့် အချိန်က သိပ်မကြာလောက်ပါဘူး...။</p> <p>လူတိုင်းက Live ထဲမှာ comment တွေ ဆက်တိုက် ရေးနေကြဆဲပင်။</p> <p>ဤအချိန်တွင် စကားများတဲ့ မင်းသားလေးလည်း သဘောပေါက်သွားလေပြီ။</p> <p>သူ့နှုတ်ခမ်းထောင့်တွင် အပြုံးဖျော့ဖျော့လေး တစ်ခု ပေါ်လာ၏။</p> <p>" ဟီးဟီး... အစ်ကိုယီတောင်း တကယ် ပေါ်လာလိမ့်မယ်လို့ မထင်ထားဘူး... ဒါပေမဲ့ အစ်ကိုယီတောင်း ဒီမှာ ရှိနေရင်တောင် ခုနက ကျွန်တော် ပြောခဲ့တဲ့ စကားတွေက အတည်ပါပဲ... "</p> <p>" တစ်ချိန်တည်းမှာပဲ... အစ်ကိုယီတောင်းကို မျက်နှာချင်းဆိုင် မေးချင်တာ တစ်ခု ရှိတယ်... လူတွေ ဒီလောက် အများကြီး သတ်ခဲ့တာ... ခင်ဗျား ရင်ထဲမှာ အပြစ်ရှိသလို မခံစားရဘူးလား... "</p> <p>" ကိုယ့်ကိုယ်ကိုယ် သေမင်းတမန် လို့ ထင်ပြီး တကယ်ပဲ အဲဒီလောက်တောင် ရမ်းကားရဲတာလား... "</p> <p>စကားများတဲ့ မင်းသားလေး တွန့်ဆုတ်မနေတော့ဘဲ အဆုံးအစွန်အထိ တိုးနေလေပြီ။</p> <p>သူ ဒီလောက်အထိ လုပ်ပြီးပြီ ဆိုမှတော့... နောက်ဆုံး ရလဒ်က ဘယ်လိုပဲ ဖြစ်ဖြစ် အတူတူလောက်ပါပဲ...။</p> <p>အဲဒါကို တွေးမိတော့ သိပ်ပြောစရာ မရှိတော့ဘူး...။</p> <p>အခု... အစ်ကိုယီတောင်းက အလွယ်တကူ လှုပ်ရှားမှာ မဟုတ်ဘူး ဆိုတာကို သူ လောင်းကြေး ထပ်ထားတာ...။</p> <p>အစ်ကိုယီတောင်းရဲ့ ကြင်နာမှုကို သူ လောင်းကြေး ထပ်ထားတာ မဟုတ်ဘူး... သူ့ရဲ့ စွမ်းရည်တွေ အပေါ်မှာ အထူး ကန့်သတ်ချက် တချို့ ရှိနေနိုင်တယ် ဆိုတဲ့ ဖြစ်နိုင်ခြေ အပေါ်မှာ လောင်းကြေး ထပ်ထားတာ...။</p> <p>တကယ်တော့...</p> <p>သူ ထီပေါက်သွားတယ်လို့ ပြောရမယ်...။</p> <p>အစ်ကိုယီတောင်းရဲ့ Follow တွေမှာ တကယ်ပဲ ကန့်သတ်ချက်တွေ ရှိတယ်လေ...။</p> <p>ဒါပေမဲ့...</p> <p>သူ မသိခဲ့တာက ဒီတစ်ခေါက်တော့ သူ တကယ်ကို ကန့်သတ်ချက် အစွန်အဖျား အထိ တွန်းပို့လိုက်မိပြီ ဆိုတာကိုပဲ...။</p> <p>စကားများတဲ့ မင်းသားလေး၏ အသံ တိတ်သွားသည်နှင့် Live ထဲရှိ ပရိသတ်များက နောက်တစ်ကြိမ် ရိုင်းစိုင်းလာကြပြန်သည်။</p> <p>" လခွမ်း... ဒီလူက ဘာလို့ ဒီလောက် မောက်မာနေရတာလဲ... အစ်ကိုယီတောင်း ရောက်နေတာတောင် ဒီလောက် ရဲတင်းနေတုန်းပဲလား... "</p> <p>" ဟီးဟီး... အစ်ကိုယီတောင်းက သူ့ကို Follow လိုက်တာနဲ့ သူ ပါးစပ်ပိတ်သွားလိမ့်မယ်... စောင့်သာကြည့်... "</p> <p>" အစ်ကိုယီတောင်းက သူ့ကို Follow လိုက်တာနဲ့ သူ ဆက်ပြီး မောက်မာနိုင်ဦးမလား ကြည့်ရသေးတာပေါ့... "</p> <p>" @ယီတောင်း နာရေးဝန်ဆောင်မှု... ကျွန်တော်က ပြဿနာ ရှာတတ်တဲ့ သူမျိုး မဟုတ်ပါဘူး... ဒါပေမဲ့ တစ်ယောက်ယောက်က ဒီလောက် မောက်မာနေတာကိုတော့ ကျွန်တော် သည်းမခံနိုင်ဘူး... "</p> <p>" ဟုတ်တယ်... ငါလည်း သည်းမခံနိုင်ဘူး... အစ်ကိုယီတောင်း... သေမင်းဓားသွားကို ခဏလောက် ငှားလို့ ရမလား... @ယီတောင်း နာရေးဝန်ဆောင်မှု... "</p> <p>" ဘာတွေ ထပ်တွေးနေစရာ လိုသေးလို့လဲ... ချသာချ... ကျွန်တော်တို့ သေမင်းတမန် တပ်ဖွဲ့က အစ်ကို့ရဲ့ ခိုင်မာတဲ့ ကျောထောက်နောက်ခံတွေပဲ... "</p> <p>" Streamer... အခု မင်း လိပ်စာပေး... မင်းကို ငါ တကယ် ရှာချင်နေတာ... ဒါပေမဲ့ မင်း လိပ်စာကို ရှာမရဘူး ဖြစ်နေတယ်... အခု ဖော်ပြရဲလား... "</p> <p>" အစ်ကိုယီတောင်း... ဘာလို့ ဘာမှ မပြောတာလဲ... "</p> <p>ဤအချိန်တွင် လီယီတောင်းက စနစ်၏ အသိပေးချက်ထဲမှ ထွက်လာခဲ့ပြီ ဖြစ်၏။</p> <p>မစ်ရှင်က ကျလာပြီ ဆိုတော့... ဘယ်လို ဆက်လုပ်ရမလဲ ဆိုတာ သူ စဉ်းစားရတော့မှာပေါ့...။</p> <p>တစ်ခုတည်းသော အခက်အခဲက မစ္စဝမ်ရဲ့ ဝိညာဉ်ကို ဘယ်မှာ သွားစုစည်းရမလဲ ဆိုတာပဲ...။</p> <p>သူ ခဏမျှ စဉ်းစားကြည့်လိုက်ရာ ဖြစ်နိုင်ခြေ အများဆုံး နေရာ သုံးခု ရှိလေသည်။</p> <p>တစ်ခုက သူမရဲ့ အရင် အိမ်... အဲဒါက စကားများတဲ့ မင်းသားလေးရဲ့ အိမ်ပဲ...။</p> <p>နောက်ထပ် ဖြစ်နိုင်ခြေ တစ်ခုကတော့ မတော်တဆမှု ဖြစ်ခဲ့တဲ့ နေရာ...။ သူမရဲ့ အသိစိတ်က အဲဒီမှာ အမြဲတမ်း ပိတ်မိနေတာလည်း ဖြစ်နိုင်တယ်...။</p> <p>ထောင်ကျသွားတဲ့ ယာဉ်မောင်း အနားမှာ ရှိနေနိုင်ခြေလည်း ရှိသေးတယ်...။</p> <p>တစ်ဖက်လူက အခုလောက်ဆို ထွက်လာလောက်ပြီ ဆိုတော့... သူ့ကို ရှာဖို့ သိပ်မခက်လောက်ဘူး...။</p> <p>ဒီနေရာ သုံးခုထဲက တစ်ခုခု ဖြစ်ဖို့ များတယ်...။</p> <p>လီယီတောင်း ခဏမျှ စဉ်းစားပြီးနောက် comment တွင် တိုက်ရိုက် မေးလိုက်လေသည်။</p> <p>" မင်း မိန်းမကို သတ်ဖို့ မင်း ငှားခဲ့တဲ့ ယာဉ်မောင်း ဘယ်မှာ နေလဲ ဆိုတာ မင်း သိလား... ငါ သူ့ဆီမှာ ကိစ္စလေး ရှိလို့ သူ့လိပ်စာလေး လိုချင်တယ်... "</p> <p>ဤ comment တက်လာသည်နှင့် တစ်ပြိုင်နက် Live တစ်ခုလုံး တိတ်ဆိတ်သွားတော့၏။</p> <p>အစ်ကိုယီတောင်းက ဘာကို ဆိုလိုတာလဲ...။</p> <p>အဲဒါ ဘာအဓိပ္ပာယ်လဲ...။</p> <p>အစ်ကိုယီတောင်းက တစ်ခုခု သိနေတာများလား...။</p> <p>ပုံမှန် အခြေအနေ အရ ဆိုလျှင် ဤစကားက စကားများတဲ့ မင်းသားလေး၏ ဇနီးကို သူ ကိုယ်တိုင် စီစဉ်ထားသော သူ တစ်ဦးဦးက တမင်တကာ သတ်ဖြတ်ခဲ့ခြင်း ဖြစ်နိုင်ခြေ အများဆုံး ဖြစ်ကြောင်း ညွှန်ပြနေလေသည်။</p> <p>လီယီတောင်း၏ အမေးကို မြင်သောအခါ ရိုးရိုးသားသား ဆိုရလျှင် စကားများတဲ့ မင်းသားလေး တစ်ယောက် နေရာမှာပင် မှင်သက်သွားလေသည်။</p> <p>သူ့မျက်လုံးများထဲရှိ အကြောက်တရားများက အစစ်အမှန်ပင်။</p> <p>လီယီတောင်း၏ မေးခွန်းက အတည်ပြုချက် တစ်ခုလို ဖြစ်နေသဖြင့် သူ အံ့အားသင့်သွားရခြင်း ဖြစ်၏။</p> <p>တစ်နည်းအားဖြင့် ပြောရလျှင် လီယီတောင်းက မိမိဇနီးသည်မှာ မိမိ စီစဉ်ထားသော သူတစ်ယောက်၏ သတ်ဖြတ်ခြင်းကို ခံခဲ့ရသည်ဟု ယုံကြည်နေခြင်းပင်။</p> <p>သူ အတတ်နိုင်ဆုံး မျက်နှာမပျက်အောင် ထိန်းထားသော်လည်း လီယီတောင်းက မြင်ဖြစ်အောင် မြင်လိုက်သေးသည်။</p> <p>' အင်း... ဒီအချိန်မှာတော့ စနစ်ရဲ့ အသိပေးချက်က မလိမ်ဘူး ဆိုတာကို ငါ အတည်ပြုလို့ ရပြီ... '</p> <p>" အစ်ကိုယီတောင်း... ကျွန်တော့်ကို နောက်နေတာလား... ကျွန်တော့် မိန်းမ သေတာက အဲဒီ တရားခံရဲ့ အပြစ်လေ... ကျွန်တော်တို့ ကြားမှာ ပွတ်တိုက်မှု တချို့ ရှိခဲ့တာ မှန်ပေမဲ့... အဲဒါက ဒီလို ကိစ္စမျိုးကို ကျွန်တော် လုပ်တဲ့အထိတော့ သေချာပေါက် မဖြစ်စေဘူးလေ... ဟုတ်တယ် မလား... "</p> <p>" ပြီးတော့ ရဲတွေကလည်း ကျွန်တော့်မှာ အပြစ်မရှိဘူး ဆိုတာ ရှင်းလင်းပေးပြီးပြီ... ရဲတွေလည်း မှားနေတယ်လို့ ခင်ဗျားက ပြောချင်နေတာလား... "</p> <p>စကားများတဲ့ မင်းသားလေး၏ တုံ့ပြန်မှုက မြန်ဆန်လှ၏။</p> <p>ပြီးတော့ သူက အချက်အလက်တွေနဲ့ တိုက်ရိုက် ပြောလာတာ...။</p> <p>ဒါပေမဲ့...</p> <p>အစ်ကိုယီတောင်းက အဲဒါတွေကို ဂရုစိုက်မယ် ထင်နေတာလား...။</p> <p>ဟီးဟီး...</p> <p>လီယီတောင်း စာရိုက်သည့် အကွက်ကို ဆက်ဖွင့်လိုက်၏။</p> <p>" အင်း... ကောင်းပြီလေ... ဥပဒေ အရတော့ အဲဒါကို သက်သေပြဖို့ အထောက်အထား မရှိတာ မှန်ပါတယ်... ဒီလို ပြန်မေးကြည့်မယ်... မင်း ငှားခဲ့တဲ့ ယာဉ်မောင်း အခု ဘယ်မှာလဲ ဆိုတာ မင်း သိလား... "</p> <p>လီယီတောင်းက ဘာမှ ထောက်ထားညှာတာမှု မပြခဲ့ပေ။ ဥပဒေ အရ စကားများတဲ့ မင်းသားလေး မှာ အပြစ်မရှိသော်လည်း ကိုယ်ကျင့်တရား အရတော့... သူက ရှင်းလင်းစွာ ဖော်ပြလိုက်ခြင်း ဖြစ်၏။</p> <p>လူတစ်ယောက်ကို ကားနဲ့ တိုက်တာက တခြား ကိစ္စလေ...။</p> <p>လီယီတောင်း၏ စကားဆုံးသွားသည်နှင့် အွန်လိုင်း ပရိသတ်များ နောက်တစ်ကြိမ် ပေါက်ကွဲသွားပြန်၏။</p> <p>" အိုး ဖက်ခ်... ဒီမှာ သေချာပေါက် တစ်ခုခုတော့ ရှိနေပြီ... "</p> <p>" သေချာတယ်... လုံးဝ သေချာတယ်... လခွမ်း... "</p> <p>" ဒါက... အစ်ကိုယီတောင်း ဆီမှာ သက်သေ တချို့ ရှိနေပြီလို့ ဘာလို့ ငါ ခံစားနေရတာလဲ... အစ်ကိုယီတောင်း... သက်သေ ပြဖို့ လိုသေးလို့လား... "</p> <p>" ဟီးဟီး... သက်သေ ဟုတ်လား... အစ်ကိုယီတောင်းက သက်သေ လိုလို့လား... "</p> <p>" အို... ဟုတ်တယ်... ဟုတ်တယ်... ငါ့အမြင် ကျဉ်းသွားတာပါ... အစ်ကိုယီတောင်းက သက်သေ လုံးဝ မလိုဘူးလေ... "</p> <p>" တကယ်ပဲ စကားများတဲ့ မင်းသားလေး အကြောင်းချည်းပဲလား... အဲဒီလောက် အစွန်းရောက်မှာတော့ မဟုတ်ပါဘူးနော်... သူ့မိန်းမကို ရိုက်တာကို ဖော်ထုတ်ရုံလေးပဲ မဟုတ်ဘူးလား... "</p> <p>" သူ့မိန်းမကို ရိုက်တာ တစ်ခုတည်း ပြဿနာ ဖြစ်နေတာလား... အဲဒီအချိန်က စကားများတဲ့ မင်းသားလေး မှာ တခြား မိန်းမ ရှိနေတယ်လို့ ငါ ကြားတယ်... သူ့မိန်းမက ကွာရှင်းဖို့ လုပ်နေတာ... တကယ်လို့ သူသာ နိုင်သွားရင် စကားများတဲ့ မင်းသားလေးရဲ့ ပိုင်ဆိုင်မှုတွေ အကုန်လုံးက သူ့မိန်းမ အပိုင် ဖြစ်သွားမှာလေ... "</p> <p>" ဟင်... တကယ်လား... အနည်းဆုံးတော့ မိသားစု ပိုင်ဆိုင်မှုကို ခွဲဝေယူသင့်တယ် မဟုတ်ဘူးလား... "</p> <p>" အဲဒီလို မဟုတ်ဘူး ထင်တယ်... ဘာပဲဖြစ်ဖြစ် အဲဒီအချိန်တုန်းက တော်တော်လေး ရှုပ်ထွေးခဲ့တာ... တကယ်လို့ စကားများတဲ့ မင်းသားလေးရဲ့ မိန်းမသာ အမှုနိုင်သွားရင် သူက ဘာမှ မရဘဲ ထွက်သွားရုံတင် မကဘူး... သူ့မိန်းမဆီမှာ စကားများတဲ့ မင်းသားလေးကို ထောင်ချလို့ရမယ့် သက်သေ တချို့တောင် ရှိသေးတယ်လို့ ငါ ကြားတယ်... "</p> <p>" ငါ မယုံနိုင်ဘူး... အဲဒါ တကယ်လား... အဲဒီတုန်းက ဒီအကြောင်း သတင်းတွေ သိပ်မပါခဲ့ဘူးနော်... "</p> <p>" ဟီးဟီး... အဲဒါက အရင်တုန်းကလေ... အဲဒီအချိန်က အခြေအနေက တကယ်ကို ရှုပ်ထွေးခဲ့တာ... ဒါပေမဲ့ အခုတော့ အရာအားလုံး အဆင်ပြေသွားပါပြီ... "</p> <p>" ဟုတ်တယ်... အဲဒီအချိန်က အခြေအနေက တကယ်ကို ရှုပ်ထွေးခဲ့တာ... ဟူး... လူတွေရဲ့ စိတ် ဆိုတာ သိရခက်ပါတယ်... "</p> <p>Live ထဲရှိ ဆွေးနွေးမှုများက တဖြည်းဖြည်း လမ်းကြောင်း လွဲသွားပြီး အတိတ်က ကိစ္စများ ပေါ်လာတော့မည်ကို မြင်သောအခါ စကားများတဲ့ မင်းသားလေး၏ မျက်လုံးများထဲတွင် တိတ်ဆိတ်မှုများ ပြည့်နှက်သွားလေသည်။ သူ အသက်ပြင်းပြင်း တစ်ချက် ရှူသွင်းလိုက်ပြီး သူ၏ မျက်နှာထားကို အတတ်နိုင်ဆုံး တည်ငြိမ်အောင် ထိန်းထားလိုက်၏။</p> <p>Live ထဲရှိ ကင်မရာကို ကြည့်ကာ သူက...</p> <p>" အခြေအမြစ် မရှိတဲ့ ကောလာဟလတွေကို နားမယောင်ကြပါနဲ့... ကျွန်တော်က ခင်ဗျားတို့ အားလုံးကို လိမ်လို့ ရရင်တောင် ဥပဒေက ခင်ဗျားတို့ကို လိမ်ပါ့မလား... "</p> <p>" ပြီးတော့... အစ်ကိုယီတောင်း... ကျွန်တော် အမှန်အတိုင်းပဲ ပြောခဲ့တာပါ... ခင်ဗျား ကျွန်တော့်ကို ဒီလို ချောက်ချစရာ မလိုဘူး မဟုတ်လား... တကယ်လို့ ခင်ဗျား ဒီလို ဆက်လုပ်နေမယ် ဆိုရင် ကျွန်တော့် အသရေ ဖျက်မှုနဲ့ ခင်ဗျားကို တရားစွဲဖို့ စဉ်းစားရလိမ့်မယ်... "</p> <p>အဖြေကို တစ်ချက် ကြည့်လိုက်ပြီးနောက် လီယီတောင်း မဲ့ပြုံးပြုံးကာ ဆက်ရိုက်လိုက်၏။</p> <p>" အို... ဘာပဲဖြစ်ဖြစ်လေ... မင်း ငှားခဲ့တဲ့ ယာဉ်မောင်းရဲ့ အိမ်လိပ်စာကို ငါက မေးနေရုံ သက်သက်ပါ... အဲဒါ အဲဒီလောက်တောင် ခက်နေလို့လား... မင်း ငါ့ကို မပြောရင်တောင် ငါ ရှာမတွေ့နိုင်ဘူးလို့တော့ မရှိပါဘူး... "</p> <p>" မင်း ငါ့ကို တရားစွဲချင်ရင် ဆွဲလေ... သူတို့ကို ငါ ကူပြီး ရှာပေးမယ်... "</p> <p>" @ကျန်းမြို့ ရဲတပ်ဖွဲ့... တစ်ယောက်ယောက်က အဖမ်းခံချင်နေတယ်... ထွက်လာခဲ့ပါဦး... "</p> <p>စကားများတဲ့ မင်းသားလေး ဆွံ့အသွားလေသည်။</p> <p>လူတိုင်း ဆွံ့အသွားကြ၏။</p> <p>ဒါက တကယ်ကို ရယ်စရာပဲ...။</p> <p>ဤအချိန်တွင် စကားများတဲ့ မင်းသားလေး သာမက Live ထဲရှိ ပရိသတ်များပင် ကြောင်အမ်းသွားကြလေသည်။</p> <p>ဒါ ဘာကြီးလဲ...။</p> <p>သူက ခင်ဗျားကို တရားစွဲချင်တာကို... ခင်ဗျားက သူ့ကို အဖမ်းခံချင်တယ်လို့ ပြောနေတာလား...။</p> <p>" ငါ Live မှား ဝင်လာတာလား... ဒါမှမဟုတ် အစ်ကိုယီတောင်းက အတုကြီးလား... "</p> <p>" ဟ… အူတက်နေပြီဟေ့… အစ်ကိုကြီးက ဘယ်တုန်းက ဒီလောက် ဟာသဉာဏ် ရှိသွားတာလဲ... သူ့ကို အသရေဖျက်မှုနဲ့ တရားစွဲမယ် ဆိုတာကို... တစ်ဖက်လူက အဖမ်းခံချင်နေတယ် ဆိုပြီး သူက ပြန်တုံ့ပြန်တယ်... "</p> <p>" ဟားဟား... သေချင်တယ်ကွာ... ရယ်ရလွန်းလို့ ငါ့ကောင်မလေး မျက်နှာကို ရေတွေ ထွေးထုတ်မိသွားတာ... အခု ငါ ဒူးထောက်ပြီး ကြမ်းပြင်ကို တိုက်နေရတယ်... ဒါပေမဲ့ ငါ ရယ်နေတုန်းပဲဟေး... "</p> <p>" အပေါ်ထပ်က အစ်ကို... အစ်ကိုကတော့ အဆင်ပြေပါတယ်... ကျွန်တော်က စျေးဝယ်စင်တာမှာ ဒူးရင်းသီး စားနေတုန်း အပြင်ကို ထွေးထုတ်မိသွားတာ... ဘေးက လူတွေက ကျွန်တော့် ပါးစပ်ထဲက ချေးတွေ ပန်းထွက်လာတယ်လို့ ပြောကြတယ်... လခွမ်း... "</p> <p>" အိုး ဖက်ခ်... ဒါဆို ခုနက စျေးဝယ်စင်တာမှာ ချေးတွေ ပန်းထုတ်နေတာ အပေါ်ကကောင်ပေါ့... "</p> <p>" ငါတော့ သည်းမခံနိုင်တော့ဘူး... အစ်ကိုယီတောင်း... စကားများတဲ့ မင်းသားလေးက သူ့မိန်းမကို သတ်ခဲ့တယ် ဆိုတာကို ဒီနေ့ ခင်ဗျား သက်သေပြရမယ်နော်... ဟုတ်တယ် မလား... ခင်ဗျားဆီမှာ သက်သေ ရှိရင် မြန်မြန် ထုတ်ပြလိုက်ပါ... "</p> <p>Live ထဲရှိ comment များကို ကြည့်ရင်း လီယီတောင်း ဂရုမစိုက်ပေ။ ထိုအစား ကျန်းမြို့ ရဲတပ်ဖွဲ့ကို ထပ်မံ Tag တွဲလိုက်လေသည်။</p> <p>" @ကျန်းမြို့ ရဲတပ်ဖွဲ့... သူငှားခဲ့တဲ့ ယာဉ်မောင်းရဲ့ လိပ်စာကို ခင်ဗျားတို့ သိလား... "</p> <p>ကျန်းမြို့ ရဲတပ်ဖွဲ့မှာ ဘာပြောရမည်ကို တကယ် မသိတော့ပေ။</p> <p>သူတို့က ယာဉ်မောင်းရဲ့ လိပ်စာကို သိပါတယ်... ဒါပေမဲ့ သူက " ငှားခဲ့တဲ့ " ဆိုတဲ့ စကားလုံးကို ထည့်သုံးထားတာလေ...။</p> <p>ရဲတွေက... ' ငါတို့ ဘယ်လို ပြန်ဖြေရမလဲ... ငါတို့ သိသိ၊ မသိသိ... မင်းရဲ့ ပြောစကားကို သွယ်ဝိုက်ပြီး အသိအမှတ်ပြုရာ ရောက်နေတယ် မဟုတ်ဘူးလား... ဘုရားရေ... အခု ငါတို့ဆီမှာ တကယ်ကို သက်သေ မရှိသေးဘူး... အရင်ကလည်း သံသယတွေ ရှိခဲ့တာပဲလေ... ' ဟု တွေးနေကြ၏။</p> <p>တစ်ဖက်မှ တိတ်ဆိတ်နေသည်ကို ကြည့်ပြီး လီယီတောင်းက ဆက်ပြောလေသည်။</p> <p>" ယာဉ်မောင်းရဲ့ လိပ်စာကို ပြောပြပါ... ကျွန်တော် ခင်ဗျားတို့ကို အဖြေတစ်ခု ပြန်ပေးပါ့မယ်... "</p> <p>" ကျန်းမြို့ ရဲတပ်ဖွဲ့ : @ယီတောင်း နာရေးဝန်ဆောင်မှု... ခင်ဗျားဆီမှာ တကယ် သက်သေ ရှိလို့လား... "</p> <p>" ယီတောင်း နာရေးဝန်ဆောင်မှု : သက်သေတော့ မရှိဘူး... ဒါပေမဲ့ ထွက်ဆိုပေးမယ့် လူတစ်ယောက်တော့ ကျွန်တော် ရှာပေးနိုင်တယ်... "</p> <p>" ကျန်းမြို့ ရဲတပ်ဖွဲ့ : ဘယ်သူလဲ... "</p> <p>" ယီတောင်း နာရေးဝန်ဆောင်မှု : မစ္စဝမ်... "</p> <p>လူတိုင်း ဆွံ့အသွားကြလေသည်။</p> <p>ကျန်းမြို့ ရဲတပ်ဖွဲ့ အကောင့်ကို ဝင်ရောက် အသုံးပြုနေသော တာဝန်ခံမှာ ရူးတော့မည့် ဆဲဆဲပင်။</p> <p>တကယ်လို့ တခြားသူသာ ဆိုရင် ဖုန်းတစ်ကော ခေါ်ပြီး စကားပြောဖို့ လာခဲ့ပါလို့ ခေါ်လိုက်လောက်ပြီ...။</p> <p>အစ်ကိုယီတောင်းက ဘယ်လို အကွက်တွေ ရွေ့နေတာလဲ…။</p> <p>အဓိပ္ပာယ် မရှိဘူးလေ...။</p> <p>သက်သေ မရှိဘဲနဲ့... အခု သေသွားတဲ့သူက စကားပြောနိုင်တယ်လို့ သူက အကြံပြုနေတာလား...။</p> <p>သူမကို အသက်ပြန်ရှင်အောင် သူ လုပ်နိုင်လို့လား...။</p> <p>သို့သော် ရှင်ပြန်ထမြောက်ခြင်း ဖြစ်နိုင်ခြေကို သူ တွေးမိလိုက်ချိန်တွင် ရုတ်တရက် တုံ့ဆိုင်းသွားတော့၏။ ထို့နောက် သူ၏ ထိုင်ခုံမှ ချက်ချင်း ထရပ်ကာ ခေါင်းဆောင်၏ ရုံးခန်းဆီသို့ အလျင်အမြန် ပြေးသွားလေသည်...။</p> <p>ဖြစ်နိုင်တာက... ပုံမှန် စံနှုန်းတွေနဲ့ တိုင်းတာလို့ မရတဲ့ လီယီတောင်းလို လူမျိုး အတွက်တော့... ဒီလို နည်းလမ်းတွေက လုံးဝ မဖြစ်နိုင်တာတော့ မဟုတ်ဘူး...။</p> <p> </p> <p> </p> <p> </p> <p style="text-align: center;">***</p>


Save