Book List

<h2 style="text-align: center;">ကမ္ဘာအမျိုးမျိုးတွင် ဘဝအမျိုးမျိုးခံစားခြင်း</h2> <h2 style="text-align: center;">(စာစဉ်-၅)</h2> <h2 style="text-align: center;"> </h2> <h2 style="text-align: center;">အခန်း (၄၁)</h2> <h2 style="text-align: center;">ပဋိပက္ခ</h2> <h2 style="text-align: center;">*</h2> <p> </p> <p> </p> <p>"ငါ့ရဲ့ သက်စောင့်မျိုးစေ့ နိုးထလာဖို့ အချိန်စောင့်လို့ ရပါသေးတယ်လေ..." လေ့ကျင့်ရေး ကွင်းပြင်တွင် မတ်တပ်ရပ်ရင်း ချင်ဟန် စိတ်ထဲ တွေးလိုက်မိသည်။</p> <p>သက်စောင့်မျိုးစေ့ နိုးထလာအောင် လုပ်ဖို့မှာ အလွန် အန္တရာယ်များသည်။ ချင်ဟန် အနေဖြင့် သက်စောင့်မျိုးစေ့ နိုးထလာစေရန် အခြေခံ လိုအပ်ချက်များ ပြည့်မီနေပြီ ဖြစ်သော်ငြား ယုံကြည်မှု အပြည့်အဝ မရှိသေးသရွေ့ မကြိုးစားသေးသည်က ပိုကောင်းပေမည်။</p> <p>ဤလောက၏ နည်းလမ်းများအရ သူရဲကောင်း တစ်ယောက်က သက်စောင့်မျိုးစေ့ နိုးထလာစေလိုလျှင် တိုက်ပွဲအတွင်း နိုးထလာစေရန် လုပ်ဆောင်ခြင်းက အကောင်းဆုံး နည်းလမ်းပင်။ သေမင်းနှင့် ရင်ဆိုင်ရသော ဖိအားအောက်တွင် သူတို့၏ သက်စောင့်စွမ်းအင်မှာ အစွမ်းကုန် လှုံ့ဆော်ခံရပြီး သက်စောင့်မျိုးစေ့ နိုးထလာစေရန် ကူညီပေးနိုင်၏။</p> <p>သို့သော် ဤကဲ့သို့သော နည်းလမ်းမျိုး၏ အောင်မြင်နိုင်စွမ်းမှာ အတော်လေး နည်းပါးပြီး အန္တရာယ်လည်း အလွန်များပြားသည်။</p> <p>သေခြင်းနှင့် ရှင်ခြင်းကြား အရေးပေါ် အခြေအနေမျိုးတွင် နိုးထလာစေခြင်းက အတော်လေး မိုက်သည်ဟု ထင်ရသော်ငြား တကယ်တမ်းတွင် မိမိအသက်နှင့် လောင်းကြေးထပ်ရခြင်းပင်။</p> <p>အကယ်၍ သူတို့သာ သက်စောင့်မျိုးစေ့ကို အောင်မြင်စွာ နိုးထလာအောင် မစွမ်းဆောင်နိုင်ပါက သေချာပေါက် သေဆုံးရပေလိမ့်မည်။</p> <p>ထို့အပြင် အချို့လူများအတွက် သက်စောင့်မျိုးစေ့ အောင်မြင်စွာ နိုးထလာခဲ့လျှင်တောင် နိုးထပြီးနောက် အားနည်းနေသော အခြေအနေမှ လျင်မြန်စွာ ပြန်လည် မနာလန်ထူနိုင်ပါက သေဆုံးသွားနိုင်သေးသည်။</p> <p>အနည်းငယ် ခြေလှမ်း မှားယွင်းသွားသည်နှင့် တစ်ပြိုင်နက် သူတို့ အသက်ကို ဆုံးရှုံးသွားစေနိုင်၏။</p> <p>ထို့ကြောင့် ချင်ဟန်မှာ သူ့ အခြေခံများကို ခိုင်မာအောင် မလုပ်နိုင်သေးသရွေ့ ဤလမ်းကြောင်းပေါ် လျှောက်လှမ်းမည် မဟုတ်ပေ။</p> <p>သူက ဤလောကမှ လူတစ်ယောက် မဟုတ်သလို အခြား ရွေးချယ်စရာများ မရှိသည်လည်း မဟုတ်ပါလား။</p> <p>"ခန္ဓာကိုယ် သန့်စင်ခြင်း ကျင့်စဉ်..."</p> <p>ထိုခဏ၌ ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်၏ အကြောင်းအရာများက ချင်ဟန်၏ စိတ်ထဲ ပေါ်လာတော့သည်။</p> <p>ချင်ဟန်၏ ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်မှာ လျူရီက သူ့အား ပေးအပ်ခဲ့ခြင်း ဖြစ်ပြီး ကျောက်တုံးမာ ကျောင်းတော်၏ စစ်မှန်သော အမွေအနှစ် တစ်ခုပင်။</p> <p>သာမန် ခန္ဓာကိုယ် သန့်စင်ခြင်း ကျင့်စဉ်များနှင့် နှိုင်းယှဉ်လျှင် ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်မှာ ပိုအစွမ်းထက်ပြီး နက်နဲသည်။ ထို့အတူ ၎င်း လိုအပ်သော အခြေအနေများမှာလည်း ပိုတင်းကျပ်၏။</p> <p>ချင်ဟန် သိထားသလောက် ခန္ဓာကိုယ် သန့်စင်ခြင်း ပြီးပြည့်စုံသည့် အဆင့်သို့ မရောက်ရှိသေးသရွေ့ ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်ကို ကျင့်ကြံရန် အရည်အချင်းပင် ပြည့်မီမည် မဟုတ်ပေ။</p> <p>ချင်ဟန် ဤသရုပ်ဖော်ကမ္ဘာသို့ စတင် ဝင်ရောက်လာချိန်မှ ယခုအချိန်အထိ တစ်နှစ်ခန့် ကြာမြင့်ခဲ့လေပြီ။ ယခုအချိန်တွင် သူက လုံးဝ အတွေ့အကြုံ မရှိသော လူသစ် တစ်ယောက် ဘဝမှ ခန္ဓာကိုယ် သန့်စင်ခြင်း ပြီးပြည့်စုံသည့် အဆင့်သို့ ရောက်ရှိနေပြီ ဖြစ်သည်။</p> <p>သူ့ သူရဲကောင်း ကျင့်စဉ်မှာ အကျပ်အတည်း တစ်ခုနှင့် ရင်ဆိုင်နေရပြီ ဖြစ်သောကြောင့် သူ့ အာရုံကို ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်ဘက်သို့ ပြောင်းလဲရန် အချိန်ကောင်းပင်။</p> <p>ချင်ဟန်မှာ သူ့ ရည်မှန်းချက်ကို မေ့ပျောက်မသွားခဲ့ပေ။</p> <p>အဆုံးတွင်တော့ သူက ဤလောကမှ မဟုတ်ဘဲ ခေတ်သစ် လူ့အဖွဲ့အစည်းမှ လာသူ တစ်ယောက်သာ မဟုတ်လော။</p> <p>သူရဲကောင်း အသက်ရှူ ကျင့်စဉ်နှင့် နှိုင်းယှဉ်လျှင် ခန္ဓာကိုယ် သန့်စင်ခြင်း ကျင့်စဉ်က သူ့ အခြေခံ အုတ်မြစ် ဖြစ်ပြီး သူ ဤနေရာသို့ လာရခြင်း အကြောင်းရင်းများထဲမှ တစ်ခုလည်း ဖြစ်သည်။</p> <p>အစပိုင်းတွင် အမှတ်များ ရယူခြင်းအပြင် ချင်ဟန်၏ အဓိက ရည်မှန်းချက်မှာ သူ့ ပင်မခန္ဓာကိုယ်အတွက် အခြေခံ အုတ်မြစ် တစ်ခု တည်ဆောက်ရန် ဤသရုပ်ဖော်ကမ္ဘာတွင် ကျောက်ဆောင် ခန္ဓာကိုယ် သန့်စင်ခြင်း ကျင့်စဉ်ကို ကျင့်ကြံရန်ပင်။</p> <p>ယခုတော့ အချိန်တန်လေပြီ။</p> <p>ထိုအကြောင်းကို တွေးမိရင်း ချင်ဟန်၏ အမူအရာမှာ တည်ငြိမ်နေပြီး တိတ်ဆိတ်စွာပင် လှုပ်ရှားမှု အချို့ကို စတင် ပြုလုပ်တော့သည်။</p> <p>...</p> <p>အချိန်များ တဖြည်းဖြည်း ကုန်လွန်သွားသည်။</p> <p>ရက်အနည်းငယ် အကြာတွင် မြင်းလှည်း တစ်တန်းက ဖြတ်သန်းသွားပြီး စံအိမ်တော် တစ်ခု၏ အပြင်ဘက်၌ ရပ်တန့်လိုက်၏။</p> <p>"မင်းနဲ့ မင်းသမီး အိုလီဗီယာရဲ့ ဆက်ဆံရေးက သာမန်တော့ မဟုတ်တဲ့ပုံပဲ..."</p> <p>ထိုစံအိမ်တော်အား ကြည့်ရင်း ချင်ဟန်က သူ့ ဘေးတွင် ရှိနေသော ကယ်လီအား လှည့်ကြည့်ကာ ထူးဆန်းသော အမူအရာဖြင့် ပြောလိုက်သည်။</p> <p>ဤစံအိမ်တော်မှာ ကယ်လီ သူ့ စားသောက်ပွဲ ကျင်းပခဲ့သော နေရာပင်။</p> <p>မင်းသမီး အိုလီဗီယာ ကျင်းပမည့် စားသောက်ပွဲမှာလည်း ဤနေရာ၌ပင် ဖြစ်ကြောင်း ထင်ရှားနေသည်။</p> <p>"အဲ့ဒါက..." ချင်ဟန်၏ အကြည့်ကို ရင်ဆိုင်ရချိန်တွင် ကယ်လီ အနည်းငယ် အနေခက်သွား၏။</p> <p>အဆုံးတွင် ကယ်လီလည်း…</p> <p>"မင်းသမီး အိုလီဗီယာနဲ့ ငါ့အဖေကြားမှာ ဆက်သွယ်မှု တစ်ခု ရှိတယ်..."</p> <p>သူ များများစားစား မပြောဘဲ အနည်းငယ်သာ ထုတ်ဖော် ပြောဆိုလိုက်ခြင်းပင်။</p> <p>ချင်ဟန်က ကယ်လီ ပြောချင်သည့် အရာကို ချက်ချင်း နားလည်သွားသည်။</p> <p>ရှောင်နှင့် သူ့ မိသားစုမှာ မင်းသမီး အိုလီဗီယာအား ထောက်ခံ အားပေးထားပုံ ရသည်။</p> <p>ထိုသို့ဆိုလျှင် ဤစားသောက်ပွဲ၏ ရည်ရွယ်ချက်ကို သေချာ စဉ်းစားကြည့်ရန် ထိုက်တန်သည်။</p> <p>မင်းသမီး အိုလီဗီယာက ဤအခွင့်အရေးကို အသုံးချပြီး သူ့အား သူမဘက်သို့ ဆွဲဆောင်ချင်နေခြင်းလော။</p> <p>ချင်ဟန် ထိုအကြောင်းကို မတွေးဘဲ မနေနိုင်တော့ချေ။</p> <p>သေချာသည်က အပြင်ပန်းတွင် သူက တည်ငြိမ်နေဆဲ ဖြစ်ပြီး အနည်းငယ် ပြုံး၍ ခေါင်းညိတ်ပြလိုက်၏။ ထို့နောက် မြင်းလှည်းပေါ်မှ ဆင်းကာ ဖြည်းညှင်းစွာ လျှောက်ထွက်လာခဲ့သည်။</p> <p>အပြင်ဘက် လောကမှာ အတော်လေး လင်းထိန်နေသည်။ ပတ်ဝန်းကျင်ကို လင်းထိန်စေရန် ဖယောင်းတိုင် အများအပြား ထွန်းညှိထား၏။</p> <p>ချင်ဟန်က ခေါင်းမော့ ရင်ကော့၍ ရှေ့သို့ လျှောက်လှမ်းသွားသည်။</p> <p>ကယ်လီ ဦးဆောင်မှုဖြင့် သူက စံအိမ်တော်ထဲသို့ ဝင်ရောက်လာခဲ့၏။</p> <p>နေရာက အတူတူပင် ဖြစ်ပြီး အလှဆင်ထားမှု အများစုမှာလည်း အတူတူပင်။ သို့သော် လူအများစုမှာတော့ ကွာခြားနေလေပြီ။</p> <p>အစောင့်အရှောက်များ ပိုများပြားနေကြောင်းလည်း ထင်ရှားစွာ မြင်တွေ့ရသည်။</p> <p>ယခင် စားသောက်ပွဲတုန်းက ဧည့်သည် အများအပြား ရှိခဲ့သော်ငြား အများစုမှာ မှူးမတ်မျိုးနွယ်များ၏ သားသမီးများသာ ဖြစ်ပြီး သူတို့ကိုယ်တိုင်တွင် မြင့်မားသော အဆင့်အတန်းများ မရှိကြပေ။</p> <p>ယခုတစ်ကြိမ် ဤနေရာရှိ ဧည့်သည်များမှာ အသက် အတော်လေး ကြီးရင့်နေကြပြီး အများစုမှာ ချင်ဟန်၏ အဘိုးအရွယ်ပင် ရှိနေကြလေပြီ။</p> <p>ဤဧည့်သည် အများစုမှာ ကြီးမြတ်သော မိသားစုများ၏ သားသမီးများသာ မဟုတ်ဘဲ လူ့အဖွဲ့အစည်းရှိ အထက်တန်းလွှာ စစ်စစ်များ ဖြစ်ကြောင်း ထင်ရှားနေသည်။</p> <p>ထိုသည်ကို မြင်လျှင် ချင်ဟန် သဘောပေါက်သွားပြီး ရှေ့သို့ ဆက်လက် လျှောက်လှမ်းသွား၏။</p> <p>ကယ်လီက သူ့အား ထိုင်ခုံ နေရာကို ညွှန်ပြလိုက်ရာ သူလည်း တိတ်ဆိတ်စွာ လျှောက်သွားလိုက်သည်။</p> <p>လူများ ရှိနေသော်ငြား ချင်ဟန် ရောက်လာချိန်တွင် အများအပြား၏ အာရုံစိုက်မှုကို ရရှိခဲ့သည်။</p> <p>လူအများအပြားက သူ့ထံသို့ လှမ်းကြည့်လာပြီး သူတို့အကြည့်များကို သူ့အပေါ် စူးစိုက်ထားကြသည်။</p> <p>"ဒါက မစ္စတာ ကော်ရီပိုရဲ့ ကျောင်းသားလား..." ဘေးဘက်မှ သရော်လှောင်ပြောင်သော လေသံဖြင့် အသံတစ်ခု ထွက်ပေါ်လာသည်။ "သူက ထူးချွန်တဲ့ လူငယ်လေး တစ်ယောက် ဖြစ်မယ်လို့ ငါထင်ခဲ့တာ... ဒါပေမဲ့ ကြည့်ရတာ ဒီလောက်ပါပဲ"</p> <p>ထိုအသံကို ကြားလျှင် ချင်ဟန် မျက်မှောင်ကြုတ်သွားပြီး ထိုစကားများက ဘယ်ကနေ ဘယ်လို ထွက်လာမှန်း နားမလည်နိုင် ဖြစ်သွား၏။</p> <p>သူက ကူတူး တော်ဝင်မြို့တော်တွင် အမြဲတမ်း သတိထားနေထိုင်ခဲ့ပြီး အခြားသူများကို မည်သည့်အခါမျှ စော်ကားခဲ့ခြင်း မရှိပေ။ ဤလူက အဘယ်ကြောင့် ဤကဲ့သို့သော နေရာမျိုးတွင် သူ့အပေါ် ရန်လိုသော စကားများ ပြောဆိုရသနည်း။</p> <p>သူ မသိလိုက်ဘဲ တစ်ယောက်ယောက်ကို စော်ကားမိသွားတာလား... ဒါမှမဟုတ် ထိုသူက သူ့ကို အနိုင်ကျင့်ချင်ရုံ သက်သက်များလား။</p> <p>ဒါမှမဟုတ် တခြား အကြောင်းရင်း တစ်ခုခု ရှိနေသေးတာလား။</p> <p>ထိုခဏ၌ ချင်ဟန် စိတ်ထဲ ဖြစ်နိုင်ချေ များစွာကို တွေးတောနေမိသည်။ အဆုံးတွင် သူက မတ်တပ်ရပ်၍ တည်ငြိမ်စွာပင်...</p> <p>"ကျွန်တော် မစ္စတာ ကော်ရီပိုရဲ့ ကျွမ်းကျင်မှုတွေကို သိပ်မသင်ယူရသေးတာ မှန်ပါတယ်... သိပ်ပြီးတော့လည်း မထူးချွန်ပါဘူး... ဒါပေမဲ့ လူကြီးမင်း ဆန္ဒရှိမယ်ဆိုရင်တော့ လူကြီးမင်းဆီကနေ လမ်းညွှန်မှု တချို့ ခံယူဖို့ ဆန္ဒရှိပါတယ်"</p> <p>သူ့အမူအရာမှာ တည်ငြိမ်နေပြီး ရှေ့သို့ လှမ်းကြည့်လိုက်ရာ ထောင့်တစ်နေရာရှိ အသက်လတ်ပိုင်း အမျိုးသား တစ်ယောက်ထံ သူ့အကြည့်တို့ ကျရောက်သွားတော့သည်။</p> <p>ထိုအမျိုးသားမှာ အနက်ရောင် သံချပ်ကာအပေါ့စားကို ဝတ်ဆင်ထားပြီး နေလောင်ထားသော အသားအရေ ရှိ၏။ သူက မယုံကြည်နိုင်လောက်အောင် အရပ်ရှည်ပြီး တောင့်တင်း ခိုင်မာသော ခန္ဓာကိုယ်ကို ပိုင်ဆိုင်ထားသည်။</p> <p>သူက ထိုနေရာတွင် ထိုင်နေပြီး ချင်ဟန်အား ကြည့်ကာ အနည်းငယ် အံ့အားသင့်သွားဟန်ဖြင့်...</p> <p>"မင်းက ငါ့ကို စိန်ခေါ်ချင်တာလား..."</p> <p>"မဆိုးဘူး... မဆိုးဘူး..."</p> <p>သူက ကျယ်လောင်စွာ ရယ်မောရင်း မတ်တပ်ရပ်ကာ ချင်ဟန်အား ကြည့်လိုက်သည်။ သူ့ မျက်လုံးများက အနည်းငယ် တောက်ပသွားပြီး...</p> <p>"ကြည့်ရတာ မင်းရဲ့ ဆရာက လူကြီးသူမတွေကို လေးစားဖို့ မသင်ပေးလိုက်ဘူး ထင်တယ်..."</p> <p>သူ မတ်တပ်ရပ်လိုက်သည်နှင့် တစ်ပြိုင်နက် ရူးသွပ်ကြမ်းတမ်းသော အငွေ့အသက်တစ်ခု ထွက်ပေါ်လာပြီး ပျံ့နှံ့သွားတော့သည်။ ယင်းမှာ မယုံကြည်နိုင်လောက်အောင် အန္တရာယ်များလှပြီး အနီးအနားရှိ လူများမှာ ကြမ်းတမ်းသော သားရဲကြီး တစ်ကောင်ကို မြင်လိုက်ရသကဲ့သို့ သူတို့ ဦးရေပြားများ ထုံကျဉ်သွားသည်ကို ခံစားလိုက်ရ၏။</p> <p>လေထုမှာ လေးလံသွားပြီး ထိုခဏ၌ လူအများအပြား၏ အမူအရာများ ပျက်ယွင်းသွားကြသည်။ အသက်လတ်ပိုင်း အမျိုးသားအား ကြည့်ရင်း သူတို့၏ သူငယ်အိမ်များ ကျုံ့ဝင်သွားတော့သည်။</p> <p>သေချာသည်က လူအများအပြားက ဤအမျိုးသားအား မှတ်မိကြပြီး သူတို့၏ မျက်နှာပေါ်တွင် အံ့အားသင့် ထိတ်လန့်သွားသော အရိပ်အယောင်များ ထွက်ပေါ်လာလေပြီ။</p> <p> </p> <p> </p> <p style="text-align: center;">End</p> <p style="text-align: center;">***</p>


Save