Book List

<h2 style="text-align: center;">အခန်း (၄၈)</h2> <h2 style="text-align: center;">အပိုဆောင်း တန်ဖိုး</h2> <h2 style="text-align: center;">*</h2> <h2 style="text-align: center;"> </h2> <p> </p> <p>"မျှော်လင့်ထားတဲ့ အတိုင်း အကျိုးသက်ရောက်မှုက တော်တော် ကောင်းတာပဲ..."</p> <p>ချင်ဟန်က အတန်ကြာ လေ့ကျင့်ပြီးနောက် သူ့တိုးတက်မှုကို အာရုံခံပြီး စိတ်ကျေနပ်စွာ ခေါင်းညိတ်လိုက်သည်။</p> <p>သူ မျှော်လင့်ထားသည့် အတိုင်းပင် သွေးချီကို လှည့်ပတ်နေစဉ် သက်စောင့်ခွန်အားကို လောင်ကျွမ်းစေခြင်းက အတော်လေး ကောင်းမွန်သော အကျိုးသက်ရောက်မှုများ ရှိခဲ့ပြီး ကျောက်ခဲမာ ခန္ဓာကိုယ် သန့်စင်ခြင်း ကျင့်စဉ် လေ့ကျင့်ရာတွင် သူ့တိုးတက်မှုကို များစွာ မြန်ဆန်သွားစေခဲ့သည်။</p> <p>သို့သော် ပြဿနာများလည်း ရှိနေဆဲပင်။</p> <p>သူ့ပင်ပန်းနွမ်းနယ်မှု ခံစားချက်က ကြီးမားစွာ တိုးလာခဲ့၏။</p> <p>အကယ်၍ ဤအတိုင်း ရေရှည် ဆက်သွားပါက သူ့ခန္ဓာကိုယ်အတွက် အတော်လေး ဆိုးရွားပေလိမ့်မည်။</p> <p>သို့သော် လတ်တလောတွင်တော့ ကြီးမားသော ပြဿနာ တစ်ခု မဟုတ်သေးချေ။</p> <p>မည်သို့ပင်ဖြစ်စေ သူ့ခန္ဓာကိုယ်မှာ ငယ်ရွယ်နေသေးပြီး အသက် နှစ်ဆယ်ကျော် အရွယ်သာ ရှိသေးသည် မဟုတ်ပါလား။ ဤကဲ့သို့ ထိခိုက်မှုမျိုးက သိပ်မများလှ။</p> <p>သို့သော် သူ့ခန္ဓာကိုယ်ရှိ ပင်ပန်းနွမ်းနယ်မှုကို ခံစားမိသည်နှင့် ချင်ဟန်လည်း ပို၍ သတိထားရန် ဆုံးဖြတ်ပြီး ကောင်းမွန်စွာ ပြန်သက်သာလာစေရန် သေချာ ဂရုစိုက်လိုက်သည်။</p> <p>ဤလောကသို့ ရောက်လာပြီးကတည်းက သူ့ခန္ဓာကိုယ်ကို များစွာ အာရုံစိုက်ခဲ့ပြီး သူ့စားသောက်မှု ပုံစံကိုလည်း အလွန် အလေးအနက် ထားခဲ့၏။</p> <p>အခြားလူများ အနေဖြင့် သူ့ အစားအစာများ အားလုံးမှာ အလွန် ရိုးရှင်းလွန်းပြီး ရွံစရာပင် ကောင်းနေပေလိမ့်မည်။ သို့သော် ထိုအရာများ အားလုံးက အလွန် အာဟာရ ပြည့်ဝလှသည်။ အရသာ သိပ်မရှိလျှင်ပင် သူ့ခန္ဓာကိုယ်အတွက် ကောင်းမွန်သော အရာများချည်းသာ ဖြစ်၏။</p> <p>ထို့အပြင် သူ့ခန္ဓာကိုယ်ကို ပိုသန်မာလာစေရန် ဖြည့်စွက် အာဟာရ အချို့ကိုလည်း တိတ်တဆိတ် စားသုံးနေခဲ့သည်။</p> <p>မဟုတ်ပါက သူ ဤအတိုင်းသာ ဆက်လေ့ကျင့်နေလျှင် မည်သည့် ရလဒ်မှ မရရှိခင်မှာပင် သေဆုံးသွားပေလိမ့်မည်။</p> <p>ထိုအကြောင်း တွေးမိသည်နှင့် ချင်ဟန်၏ အကြည့်တို့က တည်ငြိမ်သွားပြီး ဓားကို တိတ်ဆိတ်စွာ ချထားကာ ဘေးဘက်သို့ လျှောက်သွားလိုက်သည်။</p> <p>ထိုစဉ် ကမန်းကတန်း လျှောက်လာသော ခြေသံအချို့ ထွက်ပေါ်လာ၏။</p> <p>ချင်ဟန် လှည့်ကြည့်လိုက်ရာ ဖရူဒိုက သူ့ထံသို့ လျင်မြန်စွာ လျှောက်လာသည်ကို တွေ့လိုက်ရသည်။ ဖရူဒို၏ ပုံစံကို ကြည့်ရသလောက် အရေးတကြီး ပြောစရာ တစ်ခုခု ရှိနေပုံပင်။</p> <p>"မင်း မေဒါနဲ့ တိုက်ခိုက်ခဲ့တာလား"</p> <p>ဖရူဒိုက ချင်ဟန်ရှေ့သို့ ရောက်လာပြီး လေးနက်သော အမူအရာဖြင့် မေးလာသည်။</p> <p>"ဟုတ်တယ်" ဖရူဒို၏ စကားကို ကြားလျှင် ချင်ဟန် အတော်လေး အံ့အားသင့်သွားပြီး ပြန်မေးလိုက်သည်။ "မင်း ဘယ်လို သိတာလဲ"</p> <p>"အခုချိန်ဆို လူတိုင်း သိနေလောက်ပြီ" ဖရူဒိုက ခေါင်းခါယမ်းရင်း ဆက်ပြောသည်။</p> <p>"ငါ အကယ်ဒမီမှာ လေ့ကျင့်နေတုန်း အဲ့ဒီအကြောင်း ပြောနေကြတဲ့ လူတချို့ရဲ့ စကားကို ကြားလိုက်ရလို့ မင်းအခြေအနေကို လာကြည့်တာ... ဒါပေမဲ့ ကြည့်ရတာ မင်း အဆင်ပြေနေပုံပဲ... အဲ့ဒါဆိုလည်း ကောင်းပါတယ်"</p> <p>"ဒီလောက်တောင် မြန်မြန် ပျံ့သွားတာလား" ချင်ဟန် အတော်လေး အံ့အားသင့်သွားရသည်။</p> <p>မနေ့ညက တိုက်ပွဲ ပြီးကတည်းက ဖြစ်ပျက်ခဲ့သမျှကို သတင်းဖြန့်ရန် လူအချို့ လွှတ်သင့်၊ မလွှတ်သင့် သူ တွေးတောနေခဲ့မိ၏။ မည်သို့ပင်ဖြစ်စေ ဤသည်မှာ သူ့ဂုဏ်သတင်းကို မြှင့်တင်ရန် နည်းလမ်းတစ်ခု ဖြစ်သဖြင့် လက်လွတ်မခံလိုပေ။</p> <p>သို့သော် သတင်းများက သူ ထင်ထားသည်ထက် များစွာ ပိုလျင်မြန်စွာ ပျံ့နှံ့သွားပုံ ရသည်။</p> <p>သတင်းဖြန့်ရန် သူ ဘာမှ မလုပ်ရသေးခင်မှာပင် ဖရူဒိုက ကြားသိနေခဲ့ပြီ ဖြစ်၏။</p> <p>အကယ်၍ လူပေါင်း သိပ်မဆံ့သော ဖရူဒိုကဲ့သို့ လူမျိုးပင် သိနေလျှင် အခြားလူ အများစုလည်း သိနေလောက်ပြီ ဖြစ်သည်။</p> <p>သူ သိစေချင်သော လူများလည်း ယခုချိန်ဆို သိနေကြလောက်ပြီ။</p> <p>ထိုအကြောင်း တွေးမိသည်နှင့် ချင်ဟန် ပြုံးမနေဘဲ မနေနိုင်တော့ချေ။</p> <p>ဤသည်မှာ ထိုသေးငယ်သော ပဋိပက္ခများနှင့် မတူပေ။ သူက နာမည်ကျော် သူရဲကောင်း တစ်ယောက်နှင့် တိုက်ရိုက် ရင်ဆိုင်ခဲ့ရပြီး လုံးဝ ယုတ်လျော့သွားသည့် အရိပ်အယောင် မပြခဲ့သည် မဟုတ်ပါလား။</p> <p>ဤတိုက်ပွဲမှ ရလဒ်များမှာ ယခင်ကထက် များစွာ ပို၍ ကောင်းမွန်လှသည်။</p> <p>အကင်းပါးသူများ အားလုံး ဤသည်က ဘာကို ဆိုလိုကြောင်း နားလည်ကြပေလိမ့်မည်။</p> <p>ဤတိုက်ပွဲအပြီး ကူတူး တော်ဝင်မြို့တော်တွင် ချင်ဟန်၏ ဂုဏ်သတင်းမှာ ပိုကြီးမားလာမည် ဖြစ်ပြီး အထက်တန်းစား ပုဂ္ဂိုလ်များပင် သူ့နာမည်ကို သိလာကြမည်သာ။</p> <p>ဤသည်မှာ ချင်ဟန် လိုချင်သော အရာပင်။</p> <p>ထိုအကြောင်း တွေးရင်း သူ အတော်လေး ပျော်ရွှင်သွားသည်။</p> <p>"မင်းက ဒီလို ကိစ္စကြီးကိုတောင် ဘာမှမဟုတ်သလိုမျိုး လုပ်နိုင်ခဲ့တာပဲ" ဖရူဒိုက ချင်ဟန်ကို ကြည့်ရင်း အနည်းငယ် စိုးရိမ်ဟန်ဖြင့် မေးလာ၏။ "မေဒါနဲ့ တိုက်ပြီးတာတောင် မင်း ဘာမှ မဖြစ်ဘူးမလား"</p> <p>"စိတ်မပူပါနဲ့" ချင်ဟန်က ခပ်ရေးရေး ပြုံးရင်း... "မေဒါက ငါ့စီနီယာဆိုတော့ ငါ့အပေါ် သိပ်မကြမ်းပါဘူး... ငါ ဘာဒဏ်ရာမှ မရခဲ့ဘူး"</p> <p>"စီနီယာ... သူကလား" ချင်ဟန်၏ စကားကို ကြားလျှင် ဖရူဒို၏ အမူအရာ ပြောင်းလဲသွားပြီး အထင်သေးဟန်ဖြင့် ဆက်ပြောသည်။</p> <p>"ငါ့အဘိုး ပြောပုံအရဆို သူက ခွေးရူး တစ်ကောင်ပဲ... တစ်ခါ တိုက်ခိုက်ပြီဆိုရင် တစ်ဖက်လူကို သေတဲ့အထိ မကိုက်ရမချင်း လက်မလျှော့တတ်ဘူးတဲ့"</p> <p>"မစ္စတာ စလိုင်းက အဲ့ဒီလို ပြောတာလား" ဖရူဒို၏ စကားကို ကြားလျှင် ချင်ဟန် အတော်လေး အံ့အားသင့်သွားရသည်။</p> <p>ဖရူဒို၏ အဘိုးအမည်မှာ စလိုင်း ဖြစ်ပြီး အလွန် ကြင်နာတတ်သော သက်ကြီးရွယ်အို သူရဲကောင်း တစ်ယောက် ဖြစ်သည်။</p> <p>လွန်ခဲ့သော နှစ်ဝက်ကျော် အတွင်း ဖရူဒိုကို စည်းရုံးနိုင်ရန် သူက စလိုင်းထံ အထူးတလည် သွားရောက် ဂါရဝပြုခဲ့ဖူး၏။</p> <p>အရင်က အရပ်သား တစ်ယောက် ဖြစ်ခဲ့ဖူး၍လားတော့ မသိ၊ သူရဲကောင်း စလိုင်းမှာ မောက်မာသည့် ပုံစံ လုံးဝ မရှိဘဲ ချင်ဟန်နှင့် အတော်လေး အဆင်ပြေခဲ့သည်။ သူတို့ နှစ်ယောက်စလုံး တစ်ယောက်အပေါ် တစ်ယောက် အမြင်ကောင်းများ ရှိခဲ့ကြသည်။</p> <p>ဤမျှ ကြင်နာတတ်သော သက်ကြီးရွယ်အို သူရဲကောင်း တစ်ယောက်က မေဒါနှင့် ပတ်သက်၍ ထိုကဲ့သို့ ပြောလိမ့်မည်ဟု ချင်ဟန် တစ်ခါမှ မတွေးမိခဲ့ချေ။</p> <p>သို့သော် မကြာမီမှာပင် တစ်စုံတစ်ခုကို သူ တွေးမိသွားသည်။</p> <p>မင်းသမီး အိုလီဗီယာ၏ ပိုင်နက်မှာ မြောက်ပိုင်းတွင် ရှိပြီး ထိုနေရာရှိ အသီးနှံ အထွက်တိုးဆုံး မြေများကို သူမ သိမ်းပိုက်ထားခဲ့၏။</p> <p>ဖရူဒို၏ မိသားစုမှာ အိမ်ရှေ့စံ မင်းသမီးကို ဘယ်တုန်းကမှ သဘောမကျခဲ့သလို အတိတ်က သူတို့ကြားတွင် ပဋိပက္ခ အချို့ ရှိခဲ့ပုံပေါ်သည်။</p> <p>မင်းသမီး အိုလီဗီယာ၏ သူရဲကောင်း သုံးယောက်ထဲမှ တစ်ယောက် အနေဖြင့် မေဒါက ဖရူဒိုတို့ မိသားစုနှင့် ပဋိပက္ခတွင် ပါဝင်ပတ်သက်ခဲ့ပြီး သူတို့နှင့် တိုက်ခိုက်ခဲ့ဖူးခြင်းလည်း ဖြစ်နိုင်သည်။</p> <p>အကယ်၍ ဤသို့သာ ဆိုလျှင် သူရဲကောင်း စလိုင်း အနေဖြင့် ထိုကဲ့သို့ ပြောဆိုခြင်းမှာ နားလည်ပေးနိုင်စရာပင်။</p> <p>ချင်ဟန် ရုတ်တရက် တစ်ခုခုကို သဘောပေါက်သွားတော့သည်။</p> <p>အခြားလူများနှင့် ယှဉ်လျှင် သူ့၌ အားသာချက် တစ်ခု ရှိနေ၏။</p> <p>ဤလောကရှိ မှူးမတ်များမှာ အုပ်စု အသီးသီး ကွဲပြားနေကြပြီး ပြင်ပလူများကို အတော်လေး ပိတ်ပင်ထားတတ်ကြသည်။</p> <p>ထိုအထဲတွင် မြောက်ပိုင်း အုပ်ချုပ်သူများမှာ ပြင်ပလူများကို ပိတ်ပင်ရာ၌ အဆိုးရွားဆုံး ဖြစ်ပြီး ဤကဲ့သို့ နေထိုင်ခြင်းကြောင့်ပင် နာမည်ကြီးသည်။</p> <p>အခြား မှူးမတ်များက သူတို့ကို အရိုင်းအစိုင်းများဟု ခေါ်ဆိုရခြင်း၏ တစ်စိတ်တစ်ပိုင်းမှာ ဤအချက်ကြောင့်ပင် ဖြစ်၏။</p> <p>သို့သော် အသိအမှတ်ပြုရမည့် အချက်မှာ ဤမြောက်ပိုင်း အုပ်ချုပ်သူများ၏ စွမ်းအားက လုံးဝ အားနည်းမနေခြင်းသာ။</p> <p>မြောက်ပိုင်းမှာ အတော်လေး ဆင်းရဲသော်လည်း သူတို့ တပ်ရေးအင်အားမှာ ထူးချွန်ပြောင်မြောက်ပြီး ဖရူဒိုတို့ကဲ့သို့ သူရဲကောင်း မိသားစု များစွာ ရှိကြသည်။</p> <p>သူတို့တွင် ကြီးမားသော တပ်ရေးအင်အား ရှိပြီး ထည့်သွင်း စဉ်းစားရမည့် အင်အားစု တစ်ခုဟု ဆိုလျှင်လည်း မမှားပေ။</p> <p>သို့သော် သူတို့၏ သီးသန့်နေတတ်သော သဘာဝကြောင့်သာ မင်းသမီး အိုလီဗီယာနှင့် အခြား မင်းသားများက သူတို့ကို မိမိတို့ဘက် ပါလာအောင် မစည်းရုံးနိုင်ခဲ့ကြခြင်း ဖြစ်သည်။</p> <p>အထူးသဖြင့် မင်းသမီး အိုလီဗီယာ အတွက်ဆိုလျှင် အတိတ်က ကိစ္စအချို့ကြောင့် မြောက်ပိုင်း အုပ်ချုပ်သူ အများစုမှာ သူမအပေါ် အတော်လေး ရန်လိုနေကြဆဲပင်။</p> <p>ထို့ကြောင့် ချင်ဟန် အနေဖြင့် မြောက်ပိုင်း အုပ်ချုပ်သူများနှင့် ဆက်ဆံရေး ကောင်းမွန်နေခြင်းက သူ့ကို ပိုတန်ဖိုး ကြီးမားလာစေတော့သည်။</p> <p> </p> <p> </p> <p style="text-align: center;">End</p> <p style="text-align: center;">***</p>


Save