Book List

<h2 style="text-align: center;">အခန်း (၉၃)</h2> <h2 style="text-align: center;">တားမြစ်နယ်မြေနတ်သမီး စိတ်ကူးယဥ်ဆန်မှု၊ ပန်း၊ နှင်းနှင့် လ</h2> <h2 style="text-align: center;">*</h2> <p> </p> <p> </p> <p>တာအိုဗုဒ္ဓအလင်းတန်းများ လှိုင်းထနေပြီး ကောင်းကင်ယံတွင် မြင့်မားစွာ ချိတ်ဆွဲထားကာ လောကကြီးကို လင်းထိန်စေခဲ့သည်။</p> <p>အနောက်ပိုင်းဒေသတစ်ခုလုံး ဆူပွက်သွားသည်။</p> <p>တစ်စုံတစ်ယောက်က အံ့အားသင့်စွာ မေးမြန်းလိုက်သည်။</p> <p>“ဘာတွေ ဖြစ်နေတာလဲ"</p> <p>အခြားတစ်ယောက်ကလည်း ဝင်ရောက်ပြောဆိုလိုက်လေသည်။</p> <p>"ဘာလို့ ငါတို့အနောက်ပိုင်းဒေသက တာအိုဗုဒ္ဓတွေက ဒီအချိန်မှာ သူတို့ရဲ့ တာအိုဗုဒ္ဓရည်ရွယ်ချက်နဲ့ တစ်ဖက်ကမ်းဓမ္မကို ပြသနေရတာလဲ"</p> <p>တစ်ဖက်ကမ်းဓမ္မ။</p> <p>မဟာယာနဗုဒ္ဓဘာသာ၏ လျှို့ဝှက် အတတ်ပညာများထဲမှ တစ်ခု ဖြစ်သည်။</p> <p>ထိုဓမ္မသည် ဤကမ်းကို မစွဲလမ်းခြင်း၊ တစ်ဖက်ကမ်းကို မစွဲလမ်းခြင်း၊ ရေစီးကြောင်း အလယ်တွင် မတန့်နေခြင်းတို့ကို အလေးပေးပြီး၊ သက်ပြင်းတစ်ချက် ချလိုက်ရုံဖြင့် လောကကြီးသည် ဆောင်းဦးရာသီသို့ ပြောင်းလဲသွားသည်။</p> <p>မဟာယာနဗုဒ္ဓဘာသာ ကျင့်ကြံသူများက လုပ်ဆောင်သောအခါ ထိုအရာသည် တစ်ဖက်ကမ်း တံတားကို ဖွဲ့စည်းရန် သူတို့၏ ကိုယ်ပိုင် တာအိုဗုဒ္ဓသဘာဝ၏ အနှစ်သာရကို ထုတ်ယူသည်။</p> <p>အောင်မြင်သွားသည်နှင့် တံတားပေါ်ရှိ သူများသည် ဖြူစင်သော နေမင်းကို ထိုးဖောက်သွားသည့် ကြည်လင်သော အလင်းတန်းကဲ့သို့ လေဟာနယ်အချိန် တာအိုဗုဒ္ဓဓမ္မကို ကျင့်ကြံနေခြင်းပင် ဖြစ်သည်။</p> <p>အနောက်ပိုင်းဒေသ ကျင့်ကြံသူတစ်ဦးက ရှင်းပြလိုက်လေသည်။</p> <p>"ငါတို့ အနောက်ပိုင်းဒေသက လန်ခဲကျောင်းတော်ရဲ့ တာအိုလင်းဗုဒ္ဓဟာ လူတစ်ယောက်ကို ကယ်တင်ဖို့ ရေသူနိုင်ငံတော်ကို သွားချင်နေတယ်လေ။ ငါတို့တာအိုဗုဒ္ဓဂိုဏ်းက ကျင့်ကြံသူတွေဟာ တာအိုလင်းဗုဒ္ဓအတွက် လမ်းဖွင့်ပေးဖို့ သက်ရှိ အားလုံးရဲ့ ဆန္ဒစွမ်းအားကို စုစည်းနေကြတာပါ"</p> <p>အခြားကျင့်ကြံသူတစ်ဦးက ချီးကျူးလိုက်လေသည်။</p> <p>"တာအိုလင်းဗုဒ္ဓဟာ တကယ့်ကို စစ်မှန်တဲ့စရိုက်ရှိတဲ့ လူတစ်ယောက်ပဲ၊ သူ့ရဆရာ့မိန်းမကို ကယ်တင်ဖို့အတွက် သူက တောင်ပေါ်လာလည်ဖို့ ဖိတ်စာ တစ်စောင်ပို့ခဲ့တယ်၊ လူမှုရေး အဆက်အသွယ်တွေကို သုံးပြီး လမ်းဖွင့်ပေးဖို့လေ"</p> <p>"အသက်တစ်ချောင်းကို ကယ်တင်တာက ခစေတီခုနှစ်ဆူ တည်ဆောက်တာထက် ပိုပြီး ကုသိုလ်ရတယ်ဆိုတာ သိထားရမယ်"</p> <p>"ထပ်ပြောရရင် အခုကယ်တင်ရမယ့်သူက တာအိုလင်းဗုဒ္ဓရဲ့ ဆရာ့မိန်းမပဲလေ၊ သူက ဘယ်လိုလုပ် အစွမ်းကုန် မကြိုးစားဘဲ နေနိုင်မှာလဲ"</p> <p>အနောက်ပိုင်းဒေသ ကျင့်ကြံသူများ အသက်ဝင်စွာ ဆွေးနွေးနေကြသည်။</p> <p>တာလော့ဂိုဏ်းချုပ်က ပြောဆိုလိုက်လေသည်။</p> <p>"ကြည့်ရတာ ဒီကိစ္စက ငါတို့၊ လူကြီးပိုင်းတွေ လှုပ်ရှားဖို့ မလိုဘူး ထင်တယ်"</p> <p>တာလော့ဂိုဏ်းချုပ်အတွင်း၊ လက်ဝါးတာအိုသင်ကြားခြင်းကောင်းကင်၌။</p> <p>တာလော့ဂိုဏ်းချုပ်သည် အနောက်ပိုင်းဒေသမှ အလယ်ပိုင်းဒေသသို့ တိုက်ရိုက်ဆန့်ထွက်နေသော တစ်ဖက်ကမ်း တံတားကို ကြည့်လိုက်ပြီးနောက် သူ၏ လက်ထဲရှိ ကျောက်စိမ်းစာလိပ်ပေါ်မှ ဂိုဏ်းအသီးသီး၏ အကြောင်းပြန်စာများကို ကြည့်လိုက်ရာ၊ သူ၏ နှုတ်ခမ်းများတွင် အပြုံးတစ်ခု ပေါ်လာသော်လည်း သူ၏ခြေလှမ်းများ အနည်းငယ် တန့်သွားသည်။</p> <p>ကျိုးယွင်...</p> <p>ထိုသူမှာ တာလော့ဂိုဏ်းချုပ်၏ မြေးတပည့်ပင်ဖြစ်သည်။</p> <p>ရေသူနိုင်ငံတွင် ဖြစ်ပျက်နေသော ကိစ္စကို သူ သဘာဝကျကျပင် သိထားသည်။</p> <p>သူ၏‌မြေးတပည့်တွင် သူ၏ကိုယ်ပိုင် ဂုဏ်သိက္ခာရှိပြီး သူ၏ကိုယ်ရေးကိုယ်တာ ကိစ္စများဖြင့် သူ့ဂိုဏ်းချုပ်ကို မနှောင့်ယှက်လိုသည်မှာ မှန်သော်လည်း၊ ဤအရာက တာလော့ဂိုဏ်းချုပ်က ဘာမှ လုပ်မည် မဟုတ်ဟု မဆိုလိုပါချေ။</p> <p>ထိုစဉ်က ဖုန်းဟွာ တာအိုအဖြစ် အသွင်ပြောင်းသွားသည့်အချိန်မှာ၊ တာလော့ဂိုဏ်းချုပ်သည် တွက်ချက်မှုများကို လုပ်ပြီးသား ဖြစ်သည်။</p> <p>ယခုအခါ ကျိုးယွင် ပင်လယ်သို့ ထွက်သွားသည်။ ဖာတောင်သခင် လီတိရှန်းကို စိန်ခေါ်သည်။ ပြီးတော့ လင်းရီက အသက်တံခါး သေခြင်းစံအိမ်ထဲသို့ ဝင်ရောက်သွားသည်။ အားလုံးမှာ လူတစ်ယောက်ကို ကယ်တင်ရန် သက်သက်သာ ဖြစ်လေသည်။</p> <p>တာလော့ဂိုဏ်းချုပ်သည် အရာအားလုံးကို သဘာဝကျကျပင် နားလည်သည်။</p> <p>ထို့ကြောင့် တာလော့ဂိုဏ်းချုပ်သည် ဖုန်းဟွာ၏ ကိစ္စအတွက် အစီအစဉ်များ ချမှတ်ထားပြီး ဖြစ်သည်။</p> <p>မူလက ဖုန်းဟွာ၏ အစစ်အမှန်ဝိညာဉ်ကို ပြန်လည်ယူဆောင်လာရန် ကိုယ်တိုင် လှုပ်ရှားရန် ရည်ရွယ်ထားသော်လည်း၊ ယခု လင်းရီ၏ ပြတ်သားစွာ လှုပ်ရှားမှုများကို မြင်တွေ့ရပြီး၊ လောကရှိ လူတိုင်းအတွက် လမ်းဖွင့်ပေးရန် လူမှုရေး အဆက်အသွယ်များကို ကျယ်ကျယ်ပြန့်ပြန့် အသုံးပြုသည့် ခမ်းနားသော အမူအရာကိုပင် ပြသလာသောအခါ သူ၏ မူလ အစီအစဉ်ကို စွန့်လွှတ်လိုက်သည်။</p> <p>ကလေးတွေ ကတိတည်တဲ့အခါ လူကြီးတွေ စိတ်အေးနိုင်ပေသည်။</p> <p>ထိုအရာက ဘယ်လောက်တောင် ကောင်းလိုက်သနည်း။</p> <p>တာလော့ဂိုဏ်းချုပ်က တွေးတောလိုက်သည်။</p> <p>"ဖုန်းဟွာကို ကယ်တင်ဖို့အတွက်၊ သူမရဲ့ အစစ်အမှန်ဝိညာဉ်ရဲ့ တစ်စွန်းတစ်စလေး မပျက်စီးအောင် ကာကွယ်ဖို့ အသက်စမ်းရေကို လိုအပ်တယ်၊ သူမရဲ့ ခန္ဓာကိုယ်အတွက် ကောင်းကင်နဲ့ မြေကြီး ဖန်တီးမှုကို လုယူဖို့ အသက်ချုပ်ငြိမ်း ရတနာရည်ကို လိုအပ်တယ်၊ ပြီးတော့ နောက်ဆုံးမှာ သူမရဲ့ဝိညာဉ်ကို ပြန်လည်ရှင်သန်စေဖို့ ဖုန်းလိုင်အင်မော်တယ် ဆေးလုံးကို လိုအပ်တယ်”</p> <p>"လင်းရီဆီမှာ အသက်စမ်းရေနဲ့ အသက်ချုပ်ငြိမ်းရတနာရည်တွေရှိနေပြီ။ သူ့မှာ ဖုန်းလိုင်အင်မော်တယ်ဆေးလုံးပဲ လိုတော့တာ"</p> <p>"ကျိုးယွင်က ငါ့ကို မပါဝင်စေချင်ဘူး၊ ဒါပေမဲ့ ငါက ဘယ်လိုလုပ် လက်ပိုက်ကြည့်နေနိုင်မှာလဲ"</p> <p>"တာအိုဟာ အစမရှိတဲ့ နေရာကနေ မြစ်ဖျားခံတယ်၊ သူ့ရဲ့ခြေရာတွေက အာရုံခံမှုကို တုံ့ပြန်တယ်၊ အံ့သြစရာကောင်းတဲ့ တစ်ခုတည်းသော အရာကနေ မွေးဖွားလာတယ်..."</p> <p>"ထွက်လာခဲ့စမ်း"</p> <p>တာလော့ဂိုဏ်းချုပ် သူ့ဘာသာ ရေရွတ်နေစဉ် သူ၏ ခန္ဓာကိုယ်မှ အပြာရောင် ချီတစ်မျှင် ပျံထွက်လာပြီး သာမန်ပုံပေါက်သော တာအိုကျင့်ကြံသူတစ်ဦးအဖြစ် ပြောင်းလဲသွားသည်။</p> <p>တာလော့ဂိုဏ်းချုပ်က တည်ငြိမ်စွာ ပြောဆိုလိုက်လေသည်။</p> <p>"သွား"</p> <p>"အရှေ့ပင်လယ်ထဲကို ဝင်လိုက်"</p> <p>"တကယ်လို့ ကျိုးယွင်က ဖုန်းလိုင်အင်မော်တယ်ဆေးလုံးကို ပြန်ယူလာနိုင်ရင် မင်း အဲဒီအတိုင်း ကြည့်နေလိုက်။ တကယ်လို့ သူ မယူလာနိုင်ရင် မင်းကိုယ်တိုင် လှုပ်ရှားလိုက်"</p> <p>တာအိုကျင့်ကြံသူက ပြုံး၍ ဦးညွှတ်ကာ ပြောဆိုလိုက်လေသည်။</p> <p>"ဒီနှိမ့်ချတဲ့ တာအိုကျင့်ကြံသူ ထွက်ခွာသွားပါပြီ"</p> <p>ထို့နောက် ထွက်ခွာရန် လှည့်ထွက်သွားသည်။</p> <p>တာလော့ဂိုဏ်းချုပ်က မိမိဘာသာ ရေရွတ်လိုက်လေသည်။</p> <p>"လင်းရီက လောကကြီးအတွက် လမ်းကြောင်းတစ်ခု ဆွဲပေးခဲ့ပြီ"</p> <p>"ဒီကိစ္စက ကိုယ်ရေးကိုယ်တာကိစ္စလို့ သူ ပြောခဲ့ပေမဲ့၊ သူက ဘာပဲဖြစ်ဖြစ် တာလော့ဝိုင်တောင်ရဲ့ အရှင်သခင်ပဲလေ၊ အဲဒါက ဂိုဏ်းအသီးသီးက သူ့အတွက် လမ်းဖွင့်ပေးဖို့ လုံလောက်ပါတယ်"</p> <p>"တားမြစ်နယ်မြေဆယ့်နှစ်ခုဟာ အန္တရာယ်များပေမဲ့၊ သူ့ဘေးမှာ ဟွေ့ကွမ်နဲ့ ထန်ကျင်းကျုံးရှိနေတော့ သူက အတားအဆီးမရှိဘဲ ဖြတ်သန်းသွားနိုင်ပါတယ်"</p> <p>"တားမြစ်နယ်မြေကြီး နှစ်ခုနဲ့ ပတ်သက်ပြီးတော့ လေ၊ ပန်း၊ နှင်း နှင့် လရဲ့လေ အင်မော်တယ်နဲ့ ပန်း အင်မော်တယ်တို့က အပေါ်ယံ အကျဆုံးပဲ၊ လင်းရီက သူ့ရဲ့ရုပ်ရည်ကိုပဲ အားကိုးပြီး ဖြတ်သန်းသွားလို့ ရပါတယ်"</p> <p>"အဲဒီမြေအောက်ကမ္ဘာ တားမြစ်နယ်မြေထဲက သရဲအဘိုးကြီး တစ်ယောက်တည်းကပဲ အမြဲတမ်း စည်းကမ်းမရှိဘဲ ခေါင်းမာနေတာ၊ သူ ဖြတ်သန်းခွင့် ပေးမလားဆိုတာက သူ့ရဲ့ စိတ်အခြေအနေပေါ်မှာပဲ လုံးဝ မူတည်တယ်"</p> <p>"အာ…ကောင်းပြီလေ၊ ထားလိုက်ပါတော့"</p> <p>"အဲဒီသရဲအဘိုးကြီးက လက်ဖက်ရည် သောက်ရတာ ကြိုက်တယ်ဆိုတော့ သူ့ကို ငါ လက်ဖက်ရည် ကောင်းကောင်းတစ်အိုး တိုက်လိုက်မယ်"</p> <p>တာလော့ဂိုဏ်းချုပ်က မျက်လုံးများကို ကျဉ်းမြောင်းကာ ပြုံးလိုက်ပြီး သူ၏ ခန္ဓာကိုယ်မှ နောက်ထပ်အပြာရောင် ချီတစ်မျှင် ပျံထွက်လာကာ တာအိုကျင့်ကြံသူတစ်ဦးအဖြစ် ပြောင်းလဲသွားသည်။</p> <p>ထို့နောက် သူသည် အနီးနားရှိ အပင်များမှ အရွက်အနည်းငယ်ကို ပေါ့ပေါ့ပါးပါး ခူးယူကာ တာအိုကျင့်ကြံသူထံသို့ ကမ်းပေးလိုက်သည်။</p> <p>တာလော့ဂိုဏ်းချုပ်က ပေါ့ပေါ့ပါးပါး အမိန့်ပေးလိုက်လေသည်။</p> <p>“သွားပြီး မြေအောက်ကမ္ဘာက သရဲအဘိုးကြီးကို ခွက်နည်းနည်းလောက် လာသောက်ဖို့ ဖိတ်လိုက်ပါ၊ ဒီ လက်ဖက်ရည်က ငါ့ဆီက လာတာလို့ပဲ ပြောလိုက်"</p> <p>တာအိုကျင့်ကြံသူက ဖြေကြားလိုက်လေသည်။</p> <p>"ဒီနှိမ့်ချတဲ့ တာအိုကျင့်ကြံသူ ထွက်ခွာသွားပါပြီ"</p> <p>ထို့နောက် တာအိုကျင့်ကြံသူသည် မြက်ရွက်များကိုယူကာ အလားတူပင် ထွက်ခွာရန် လှည့်ထွက်သွားသည်။</p> <p> </p> <p>လင်းရီက တွေ့သွားပြီး ပြောဆိုလိုက်သည်။</p> <p>"ဒီအမြန်နှုန်းက ပုံမှန်ထက် အများကြီး ပိုမြန်နေသလိုပဲ"</p> <p>ဤအခိုက်အတန့်တွင် တိမ်တိုက်လှေကား ဝင်္ကပါပြားပေါ်တွင် ထိုင်နေသော လင်းရီသည် တိမ်တိုက်လှေကား ဝင်္ကပါပြား ၏ ထုတ်လွှင့်မှု တစ်ကြိမ်စီအတွက် အချိန်မှာ များစွာ ပိုတိုတောင်းပြီး ထုတ်လွှင့်သည့် အကွာအဝေးမှာ များစွာ ပိုဝေးကြောင်း တွေ့ရှိခဲ့လေသည်။</p> <p>ထန်ကျင်းကျုံးက ရှင်းပြလိုက်သည်။</p> <p>"တောင်သခင်"</p> <p>"အနောက်ပိုင်းဒေသက တာအိုဗုဒ္ဓတွေက တစ်ဖက်ကမ်းဓမ္မ နဲ့ လမ်းဖွင့်ပေးခဲ့တာပါ။ ဒီဓမ္မဟာ လေဟာနယ်အချိန် တာအိုဗုဒ္ဓဓမ္မပဲ။ အကယ်၍ အထွတ်အထိပ်အထိ ကျင့်ကြံနိုင်ရင် အတိတ်ကို ဖြတ်သန်းပြီး အနာဂတ်ကို ရောက်ရှိနိုင်တယ်လို့ ဆိုကြတယ်၊ အဲဒါက အလွန် လျှို့ဝှက်ဆန်းကြယ်ပါတယ်"</p> <p>"အဲ့ဒီဓမ္မရဲ့ ကောင်းချီးပေးမှုနဲ့ဆိုရင်၊ တိမ်တိုက်လှေကား ဝင်္ကပါပြားရဲ့ စွမ်းအားကလည်း သဘာဝကျကျပဲ အများကြီး ပိုအားကောင်းလာမှာပါ"</p> <p>လင်းရီက …</p> <p>"ဒီလိုကိုး"</p> <p>ထိုစကားကို ကြားသောအခါ လင်းရီသည် တိမ်တိုက်လှေကား ဝင်္ကပါပြားပေါ်တွင် ရပ်ကာ လန်ခဲကျောင်းတော်ရှိရာ အရပ်သို့ ဦးညွှတ်လိုက်သည်။</p> <p>အနောက်ပိုင်းဒေသမှ အလယ်ပိုင်းဒေသသို့ ပြန်ရန် ပုံမှန်အားဖြင့် ဆယ်ရက် ကြာမြင့်သည်။</p> <p>ဤတစ်ကြိမ်တွင် လင်းရီသည် သုံးရက်သာ ကြာမြင့်ခဲ့ပြီး ခုနစ်ရက် သက်သာသွားခဲ့လေသည်။</p> <p>သုံးရက်အကြာတွင် လင်းရီသည် အလယ်ပိုင်းဒေသသို့ ဝင်ရောက်ခဲ့သည်။</p> <p>အလယ်ပိုင်းဒေသတွင် အနီရောင် အလံများ တလွင့်လွင့်ရှိနေပြီး အရှေ့ပိုင်းဒေသအထိ တောက်လျှောက် ဆန့်ထွက်နေလေသည်။</p> <p>နားကွဲမတတ် အသံတစ်ခုက ထွက်လာ၏။</p> <p>"ငါတို့က တောင်သခင်လင်းအတွက် လမ်းဖွင့်ပေးတယ်"</p> <p>တိမ်တိုက်လှေကား ဝင်္ကပါပြားသည် အလယ်ပိုင်းဒေသသို့ ဝင်ရောက်သည်နှင့် နားကွဲမတတ်အသံတစ်ခု ကောင်းကင်နှင့် မြေကြီးကို ဖြတ်၍ ပဲ့တင်ထပ်သွားသည်။</p> <p>ကျူထျန်းက ပြောဆိုလိုက်သည်။</p> <p>"တောင်သခင်လင်း”</p> <p>"ဒသမအဆင့် တိမ်တိုက်လှေကား ဝင်္ကပါပြားက အဆင်သင့် ဖြစ်ပါပြီ"</p> <p>ထိုမျှမကသေးပါချေ။</p> <p>အနောက်ပိုင်းနှင့် အလယ်ပိုင်းဒေသများဆုံရာတွင် တာလော့၏ ချီတောင်သခင် ကျူထျန်းသည် ကောင်းကင်ယံအထက်တွင် တစ်ယောက်တည်းရပ်နေပြီး သူ၏ ခြေအောက်တွင် ဒသမအဆင့် တိမ်တိုက်လှေကား မဟာဝင်္ကပါတစ်ခု ရှိလေသည်။</p> <p>လင်းရီက ဝမ်းသာအားရ ပြောဆိုလိုက်သည်။</p> <p>“ကျေးဇူးတင်ပါတယ်၊ တောင်သခင်ကျူ"</p> <p>လင်းရီ၏ မျက်လုံးများ ဝမ်းသာမှုများဖြင့် တောက်ပလာပြီး သူသည် ဟွေ့ကွမ်သံချပ်ကာနှင့် ထန်ကျင်းကျုံးတို့ကို ဦးဆောင်ကာ ဒသမအဆင့် တိမ်တိုက်လှေကား မဟာဝင်္ကပါ ပေါ်သို့ တက်လှမ်းလိုက်ပြီး နောက်တစ်ကြိမ် ပျောက်ကွယ်သွားသည်။</p> <p>ဒသမအဆင့် တိမ်တိုက်လှေကား မဟာဝင်္ကပါ၏ အမြန်နှုန်းမှာ နဝမအဆင့်နှင့် ကောင်းကင်နှင့် မြေကြီး ကွာခြားသည်။</p> <p>ငါးရက်အတွင်းမှာပင် လင်းရီသည် အလယ်ပိုင်းဒေသကို ဖြတ်ကျော်သွားခဲ့ပြီ ဖြစ်သည်။</p> <p>ဘာပဲဖြစ်ဖြစ် အလယ်ပိုင်းဒေသမှာ ဒေသ ငါးခုထဲတွင် အကြီးဆုံးဖြစ်ပြီး ၎င်း၏ နယ်မြေဟာ တခြားဒေသလေးခုထက် အများကြီး သာလွန်ပေသည်။</p> <p>ဝှီဟူသော အသံထွက်ပေါ်လာသည်။</p> <p>လင်းရီသည် အလယ်ပိုင်းဒေသမှ ထွက်ခွာသည်နှင့် တိမ်တိုက်လှေကား ဝင်္ကပါပြားမှာ အနည်းငယ် တန့်သွားပြီး ရပ်တန့်သွားသည်။</p> <p>အရှေ့တွင် ကျယ်ပြောလှသော မြေပြင်ပေါ်၌ ပန်းများ နေရာအနှံ့ပွင့်လန်းနေပြီး နူးညံ့သော လေပြေများ တိုက်ခတ်နေသည်။</p> <p>ကမ္ဘာကြီးတစ်ခုလုံး မှေးမှိန်သော အင်မော်တယ် အလင်းတန်းဖြင့် လွှမ်းခြုံခံထားရသည်။</p> <p>ဤနေရာတွင် တိမ်တိုက်လှေကား ဝင်္ကပါပြားပင်လျှင် ဖြတ်ကျော်၍ မရနိုင်ပါချေ။</p> <p>ထန်ကျင်းကျုံးက ပြုံး၍ ပြောလိုက်လေသည်။</p> <p>"တောင်သခင်"</p> <p>"ရှေ့မှာ လေ၊ ပန်း၊ နှင်း နှင့် လ တားမြစ်နယ်မြေပါ"</p> <p>ထန်ကျင်းကျုံးက ပန်းအုပ်စုများဖြင့် တန်ဆာဆင်ထားသော မြေပြင်နှင့် ကောင်းကင်တွင် ချိတ်ဆွဲထားသော လမင်းကို ကြည့်ကာ ပြောဆိုလိုက်သည်။</p> <p>လင်းရီက ခေါင်းခါရင်း ပြောဆိုလိုက်လေသည်။</p> <p>"အနီရောင်အလံတွေအဖြစ် ပေါ်လွင်နေတဲ့ မဟာတာအိုမရှိဘူးဆိုတော့ တားမြစ်နယ်မြေက နောက်ဆုံးတော့ ဖြတ်ကျော်ခွင့်မပြုဘူး ထင်တယ်"</p> <p>ဤအခိုက်အတန့်တွင် တားမြစ်နယ်မြေအတွင်းမှ ကြည်လင်သော လေပြေတစ်ခု တိုက်ခတ်လာပြီး မရေမတွက်နိုင်သော ပန်းပွင့်များက လေနှင့်အတူ ရောက်ရှိလာကာ လေမြစ်နှင့် ပန်းပင်လယ်တစ်ခုအဖြစ် စုစည်းသွားပြီး လင်းရီထံသို့ တိုက်ရိုက် လွှမ်းမိုးလာသည်။</p> <p>လန်းဆန်းသော လေပြေတစ်ခုက သူ၏ မျက်နှာကို တိုက်ခတ်သွားသည်။</p> <p>ပန်းရနံ့မှာ သပ်ရပ်ပြီး သန့်စင်လှပေသည်။</p> <p>မှေးမှိန်စွာဖြင့် အင်မော်တယ်အလှတရားတစ်ခု ရစ်ဝဲနေလေသည်။</p> <p>လှပသော အသံတစ်ခုက ထွက်ပေါ်လာလေသည်။</p> <p>"ဒီလောက်တောင် ရိုင်းစိုင်းတဲ့ မိန်းမ၊ နင်က ဘယ်လိုလုပ် ပန်းတွေကို ဖျက်ဆီးနိုင်ရတာလဲ"</p> <p>အခြားအသံတစ်ခုက ပြန်လည်ချေပလိုက်လေသည်။</p> <p>“နင် ဘာသိလို့လဲ"</p> <p>"ဒါကို အပြာရောင်ရေတံခွန်ထဲကို သက်တံကြိုးတွေ မှုတ်ထုတ်တာ၊ ပြီးတော့ စိမ်းလန်းတဲ့ တောအုပ်ထဲက ပန်းပင်လယ်ကို မှောက်လှန်ပစ်တာလို့ ငါ ခေါ်တယ်"</p> <p>လေမြစ်နှင့် ပန်းပင်လယ်အတွင်းမှ ထိုအသံနှစ်ခု ထွက်ပေါ်လာသည်။</p> <p>ပထမတစ်ခုမှာ နူးညံ့သိမ်မွေ့ပြီး၊ ဒုတိယတစ်ခုမှာ အချုပ်အနှောင်ကင်းကာ လွတ်လပ်ပြီး ရွဲ့ပြောင်တတ်သည်။</p> <p>လေမြစ်နှင့် ပန်းပင်လယ်မှာ လင်းရီ၏ရှေ့မှ ဖြတ်သွားပြီး အမျိုးသမီး နှစ်ဦးအဖြစ် ပြောင်းလဲသွားလေသည်။</p> <p>ပထမအမျိုးသမီးမှာ ယိမ်းနွဲ့နေသော ပန်းဂါဝန်ကို ဝတ်ဆင်ထားပြီး တောက်ပပြီး လင်းလက်နေလေသည်။</p> <p>ဒုတိယအမျိုးသမီးမှာ လွင့်ဝဲနေသော အစိမ်းရောင်ဝတ်ရုံကို ဝတ်ဆင်ထားပြီး လွတ်လပ်ကာ အချုပ်အနှောင်ကင်းလေသည်။</p> <p>သူတို့သည် အင်မော်တယ်အမျိုးသမီးနှစ်ဦး ဖြစ်ကြလေသည်။</p> <p>အင်မော်တယ် အမျိုးသမီးနှစ်ဦးစလုံးတွင် တောက်ပပြီး လှပသော မျက်လုံးများ ရှိကြပြီး သူတို့ ပေါ်လာပြီးနောက် သူတို့သည် လင်းရီကို တစ်ပြိုင်နက်တည်း ကြည့်လိုက်ကြရာ သူတို့၏ အမူအရာများမှာ ဝမ်းသာမှုများဖြင့် ပြည့်နှက်နေကြသည်။</p> <p> </p> <p> </p> <p style="text-align: center;">***</p>


Save