Book List

<h2 style="text-align: center;">အခန်း (၉၆)</h2> <h2 style="text-align: center;">ငါက သံယောဇဉ်ကြီးတဲ့သူပါ၊ ဒါပေမဲ့ ငါက သံယောဇဉ်မဲ့တဲ့သူလည်း ဟုတ်ပါတယ်</h2> <h2 style="text-align: center;">*</h2> <p> </p> <p> </p> <p>"သံယောဇဉ်အရိုးတွေနဲ့ မွေးဖွားလာပေမယ့် သံယောဇဉ်မဲ့တဲ့ သူတစ်ယောက်လို ပြုမူနေရတာ..."</p> <p>"ငါ့ရဲ့ ရေသူမျိုးနွယ်စုရဲ့တာအိုက သေချာပေါက် မှားယွင်းနေတာပဲ..."</p> <p>ရေသူဧကရီသည် မဟာကြီးကြပ်ရေးမှူးအား ငုံ့ကြည့်လိုက်ရာ သူမ၏ နှလုံးသားထဲတွင် အလွန် ဆိုးရွားသော ခံစားချက်တစ်ခု ထွက်ပေါ်လာခဲ့၏။</p> <p>"မှန်တယ်..."</p> <p>"ကျွန်မတို့ ရေသူမျိုးနွယ်စုဟာ သံယောဇဉ်အရိုးတွေနဲ့ မွေးဖွားလာတာပါ..."</p> <p>"သံယောဇဉ်ကနေတစ်ဆင့် တာအိုထဲဝင်ပြီး တာအိုကို ပုလဲတစ်လုံးအဖြစ် ပြောင်းလဲလိုက်တဲ့အခါ ဒီပုလဲက ရေသူမျက်ရည်ဖြစ်သလို ခွဲခွာခြင်းပုလဲလည်းဖြစ်တယ်..."</p> <p>"ဒဏ်ရာ နက်ရှိုင်းလေလေ မျက်ရည်ပုလဲက ပိုတန်ဖိုးရှိလေလေပဲ၊ တာအိုဒဏ်ရာတွေကို ကုသပေးနိုင်တဲ့ အစွမ်းတောင် ရှိတယ်လေ..."</p> <p>"သံယောဇဉ်ကနေတစ်ဆင့် တာအိုထဲဝင်ပြီး တာအိုကို ဆီအဖြစ် ပြောင်းလဲလိုက်တဲ့အခါ ဒီဆီက ရေသူအဆီဖြစ်သွားတာပဲ..."</p> <p>"တစ်ခါ မီးညှိလိုက်တာနဲ့ နှစ်ပေါင်း တစ်သောင်းတိုင်အောင် မငြိမ်းဘဲ တောက်လောင်နိုင်ပြီး လူတစ်ယောက်ရဲ့ စိတ်အခြေအနေကို အာဟာရ ဖြည့်တင်းပေးပြီး သွေးပေးနိုင်စွမ်း ရှိတယ်..."</p> <p>"ဒါတွေအားလုံးက သံယောဇဉ်တာအိုဟာ ကျွန်မတို့ ရေသူမျိုးနွယ်စုအတွက် အသင့်တော်ဆုံး ဖြစ်တယ်ဆိုတာကို ညွှန်ပြနေတာပဲ..."</p> <p>မဟာကြီးကြပ်ရေးမှူး စကားပြောလိုက်သည်နှင့် သူမ၏ လှပသော မျက်လုံးများက မျှော်လင့်ချက်များဖြင့် တောက်ပနေခဲ့၏။</p> <p>ရေသူမျက်ရည်! ရေသူအဆီ!</p> <p>ရှေးခေတ်ဝိညာဉ်ကုန်းမြေတွင် ကျင့်ကြံခြင်း အရင်းအမြစ်များ မဖွံ့ဖြိုးသေးမီက ဤအရာများသည် အစွမ်းအထက်ဆုံး ကျင့်ကြံခြင်း ကုန်ကြမ်းများ ဖြစ်ခဲ့ကြလေသည်။</p> <p>"အပြစ်မရှိတဲ့ သူတစ်ယောက်က သူ့ရဲ့ ရတနာကြောင့် အပြစ်ရှိတဲ့သူ ဖြစ်သွားရတာပဲ..."</p> <p>ရေသူဧကရီက သက်ပြင်းချလိုက်၏။</p> <p>ယခင်ရေသူနိုင်ငံတော်သည် အရှေ့ပင်လယ်ကမ်းနားတွင် နေထိုင်ခဲ့ပြီး ရေရောက်ရှိရာ နေရာတိုင်းသည် ရေသူမျိုးနွယ်စု၏ နယ်မြေဖြစ်ခဲ့သည်။ ၎င်းသည် အဆင့်ဆယ်အင်အားစု တစ်ခုလည်း ဖြစ်ခဲ့လေသည်။ နှမြောစရာ ကောင်းသည်မှာ ၎င်းသည် သံယောဇဉ်ကြောင့် အောင်မြင်ခဲ့သလို သံယောဇဉ်ကြောင့်လည်း ကျရှုံးခဲ့ရခြင်းပင် ဖြစ်လေသည်။ ရေသူမျိုးနွယ်စုသည် သူတို့၏ သံယောဇဉ် အရိုးများက ကြီးမားသော ဘေးအန္တရာယ်ကို ယူဆောင်လာလိမ့်မည်ဟု ဘယ်သောအခါမျှ ထင်မှတ်မထားခဲ့ကြချေ။</p> <p>အလှပြကွက် တစ်ခုလိုပင်။ ၎င်းသည် အမျိုးသားဖြစ်စေ၊ အမျိုးသမီးဖြစ်စေ ပါဝင်ပတ်သက်နေသော အလှတစ်ရားတစ်ခုသာဖြစ်ပြီး ၎င်းသည် အလှတရားအပေါ်တွင် ဘယ်သောအခါမျှ မမူတည်ခဲ့ချေ။ ၎င်းမှာ သူတို့၏ လူငယ်ဘဝမှ အမျိုးသား၊ အမျိုးသမီးများ၏ နှလုံးသားထဲတွင် ကျန်ရစ်နေသော နောင်တတရားများ၊ 'လရောင်ဖြူ' သက်သက်သာ ဖြစ်လေသည်။ ဤကဲ့သို့သော လူမျိုးတစ်ယောက် ထွက်ပေါ်လာသည်နှင့် ၎င်းသည် ကောင်းကင်နှင့် မြေကြီး ထိပ်တိုက်တွေ့ဆုံမှုကဲ့သို့ ထိန်းချုပ်၍မရသော စွမ်းအားတစ်ခု ဖြစ်လာခဲ့၏။</p> <p>သံယောဇဉ်အရိုးများရှိသော ရေသူမျိုးနွယ်စု။</p> <p>သူတို့ချစ်မိသွားပြီဆိုလျှင် ၎င်းမှာ အရိုးထဲအထိ စွဲမြဲသွားပြီး မည်သည့်အခါမျှ ယိမ်းယိုင်ခြင်း မရှိခဲ့ချေ။ ထိုနှစ်များအတွင်းက သံယောဇဉ်အလွန်ကြီးမားသော ရေသူမျိုးနွယ်စု၏ ဧကရီတစ်ပါး ရှိခဲ့ဖူး၏။ ထိုသူမှာ တာအိုကျင့်ကြံသူ တစ်ဦးဖြစ်လေသည်။ သူသည် ယဉ်ကျေးပြီး ပြိုင်ဘက်ကင်းအောင် ချောမွေ့လှပကာ စကားတစ်ခွန်း၊ လုပ်ရပ်တိုင်းမှာ တောက်ပနေပြီး ကောင်းကင်နှင့် မြေကြီး၏ အဓိက ဇာတ်ဆောင်တစ်ဦးနှင့် တူနေပေသည်။</p> <p>သူတို့နှစ်ဦး တွေ့ဆုံခဲ့ကြ၏။ စစ်မှန်သော အချစ်နှင့် တစ်ကြိမ်တွေ့ဆုံခြင်းက သေမျိုးကမ္ဘာမှ မရေမတွက်နိုင်သော အခိုက်အတန့်များကို ကျော်လွန်သွားခဲ့လေသည်။ သူတို့၏ မင်္ဂလာဦးညတွင် ဂုဏ်သရေရှိ ဧည့်သည်တော်များက နေရာအပြည့် ရှိနေခဲ့ကြ၏။ ဘယ်သောအခါမှ အလွယ်တကူ မပိတ်လေ့ရှိသော ရေသူနိုင်ငံတော်၏ ကာကွယ်ရေးဝင်္ကပါကို အရပ်မျက်နှာအားလုံးမှ ဧည့်သည်များကို ဧည့်ခံရန် ထိုညတွင် အပြည့်အဝ ဖွင့်လှစ်ပေးထားခဲ့သည်။</p> <p>၎င်းမှာလည်း ထိုညတွင်ပင် ဖြစ်လေသည်။</p> <p>ရေသူဧကရီက လုံးဝ သတိလက်လွတ် ဖြစ်နေချိန်တွင် ထိုတာအိုကျင့်ကြံသူက သေစေနိုင်သော ကျိန်စာတစ်ခုကို တည်ဆောက်လိုက်ရာ ရေသူမျိုးနွယ်စု တစ်ခုလုံး နှလုံးစားအဆိပ် သင့်သွားခဲ့ရလေသည်။ တစ်ညတာ ကုန်ဆုံးပြီးနောက် ရေသူမျိုးနွယ်စုသည် ထာဝရကျွန်အဖြစ်ခံယူရန် တာအိုကတိသစ္စာတစ်ခုကို အတင်းအကျပ် ပြုလုပ်ခဲ့ရ၏။ သူတို့သည် မဟာတာအို ကျွန်တံဆိပ်ဖြင့်ပင် ခတ်နှိပ်ခြင်း ခံလိုက်ရလေသည်။</p> <p>နောက်ထပ်နှစ်ပေါင်း သုံးထောင်တိုင်အောင် ရေသူမျိုးနွယ်စုသည် ကျွန်မျိုးနွယ်တစ်ခု လုံးလုံးလျားလျား ဖြစ်သွားခဲ့ရ၏။ ထိုစဉ်က ဂိုဏ်းများ၏ ခေါင်းဆောင်ဖြစ်သော အင်္သချေဂိုဏ်းဟု အမည်ရသည့် ထိုဂိုဏ်းဖြစ်သည်။ နောက်ပိုင်းတွင် တာလော့၏ ဓားတစ်ချက်တည်းဖြင့် သုတ်သင်ဖျက်ဆီးခြင်း ခံလိုက်ရလေသည်။ ရေသူမျိုးနွယ်စုသည်လည်း ဤအကြောင်းကြောင့်ပင် ကယ်တင်ခြင်း ခံခဲ့ရခြင်းဖြစ်၏။</p> <p>နောက်ပိုင်းတွင် သူတို့သည် လန်ခဲကျောင်းတော်မှ လောကသခင်တစ်ပါးနှင့် ဖုန်းလိုင်မှ အင်မော်တယ်တစ်ပါးတို့ထံမှ ကရုဏာတော်ကို ခံယူခဲ့ရပြီး အင်မော်တယ်ပြောင်းပြန် အဆင့်သုံးဆင့်ကို နားလည်သဘောပေါက်ကာ သံယောဇဉ်မဲ့သော တာအိုနည်းလမ်းကို ကျင့်ကြံခဲ့ကြလေသည်။ ထိုအချိန်မှစ၍ ရေသူမျိုးနွယ်စုသည် အကိုင်းအခက် နှစ်ခုကွဲသွားခဲ့၏။</p> <p>တစ်ခုမှာ အတိအကျပင် ထိုစဉ်က ရေသူဧကရီ၏ သွေးမျိုးဆက်ဖြစ်ပြီး မဟာကြီးကြပ်ရေးမှူးမျိုးနွယ်စုအဖြစ် ပြောင်းလဲကာ ရေသူမျိုးနွယ်စု၏ ချစ်ခြင်းမေတ္တာနှင့် သံယောဇဉ်ကို စောင့်ကြည့်ကြီးကြပ်ခဲ့သည်။ မဟာကြီးကြပ်ရေးမှူး မျိုးနွယ်စုသည် ထိုစဉ်က အရှက်ရစရာကို မှတ်မိနေစေရန် ကျွန်တံဆိပ်ကို သတိပေးချက်တစ်ခုအဖြစ် ဆက်လက် ထိန်းသိမ်းထားခဲ့၏။ ရေသူမျိုးနွယ်စုသည် ချစ်ခြင်းမေတ္တာနှင့် သံယောဇဉ်ကြောင့် ဘေးအန္တရာယ်ကို နောက်တစ်ကြိမ် ထပ်မံ မဖိတ်ခေါ်မိစေရန် ပင်ဖြစ်လေသည်။</p> <p>ဒုတိယတစ်ခုမှာ လက်ရှိရေသူဧကရီ၏ သွေးမျိုးဆက်ဖြစ်ပြီး သူတို့မှာ ထိုစဉ်က ဧကရီမိသားစု၏ အနွယ်ဝင်များ ဖြစ်ကြသည်။ ရေသူမျိုးနွယ်စုအတွင်းရှိ ကျွန်တာအိုစည်းတံဆိပ်ကို ထိုစဉ်က မဟာကြီးကြပ်ရေးမှူးမျိုးနွယ်စုက သူတို့၏ အသက်ပေါင်း ရှစ်ဆယ်ရာခိုင်နှုန်းကို အရင်းပြု၍ ဖျက်ဆီးပေးခဲ့ခြင်း ဖြစ်၏။</p> <p>"ဒါပေမဲ့ ရှင် ပြောခဲ့သလိုပါပဲ..."</p> <p>"ဒီကိစ္စက ကျော်လွန်သွားတာ ကြာပါပြီ... ကျွန်မတို့ ရေသူမျိုးနွယ်စု လုပ်သင့်တာက အဲဒါကို သတိပေးချက်တစ်ခုအဖြစ် ယူဖို့ပဲ၊ နာကျင်မှုထဲမှာ နစ်မြုပ်နေပြီး ရုန်းမထွက်နိုင်တာမျိုး မဖြစ်သင့်ဘူး..."</p> <p>"ဒါကြောင့် ကျွန်မတို့ ရေသူမျိုးနွယ်စုက ကျွန်မတို့ရဲ့ မူလတာအိုဆီကို ပြန်သွားသင့်တယ်..."</p> <p>မဟာကြီးကြပ်ရေးမှူးက စိတ်အားထက်သန်သော မျက်လုံးများဖြင့် ပြောလိုက်၏။ သံယောဇဉ်မဲ့သော တာအိုသည် ရေသူမျိုးနွယ်စုနှင့် မကိုက်ညီကြောင်း အချက်အလက်များက သက်သေပြနေပေသည်။ ထိုစဉ်က အဆင့်လွန် အဆင့်ရှိခဲ့သော အင်အားစုကြီးသည် ဤနှစ်များတစ်လျှောက် ပြန်လည် နာလန်ထူရန် ကြိုးစားခဲ့သော်လည်း ယခုအခါ ကိုးဆင့်အဆင့်တွင်သာ မနည်း ရုန်းကန်နေရလေသည်။</p> <p>"အကယ်၍ ဒီလိုဆိုရင်တော့ ကျိုးယွင် ပြန်လာပြီး ဖုန်းဟွာကို ကယ်တင်မယ့်အချိန်ကိုပဲ ငါတို့စောင့်ဖို့ လိုတယ်၊ ပြီးရင် ငါတို့ရဲ့တာအိုကို ဖြည်းဖြည်းချင်း ပြောင်းလဲသွားလို့ ရတာပဲ..."</p> <p>ရေသူဧကရီက ပြောလိုက်၏။</p> <p>"ငါတို့က စောင့်နိုင်ပေမယ့် ဖုန်းဟွာကတော့ မစောင့်နိုင်တော့ဘူး..."</p> <p>မဟာကြီးကြပ်ရေးမှူးက ခေါင်းခါယမ်းလိုက်သည်။</p> <p>"မူလက ဖုန်းဟွာမှာ သုံးလအချိန် ရသေးပေမယ့် တစ်စုံတစ်ရာသော အကြောင်းရင်းကြောင့် သူမရဲ့ အစစ်အမှန်ဝိညာဉ် ပျောက်ကွယ်တဲ့ အရှိန်က ရုတ်တရက် မြန်လာတယ်..."</p> <p>"မူလက သုံးလရှိတာကနေ သုံးရက်ပဲ ကျန်တော့တယ်..."</p> <p>"အဲဒီအချိန်ရောက်ရင် ဖုန်းဟွာရဲ့ အစစ်အမှန်ဝိညာဉ်က ပြန့်ကျဲပြီး ပြာအဖြစ် ပြောင်းလဲသွားလိမ့်မယ်..."</p> <p>"တာလော့က သေချာပေါက် ဒေါသထွက်မှာပဲ..."</p> <p>"ငါ့ရဲ့ ရေသူနိုင်ငံတော်ရဲ့ အသက်ရှင်ခြင်းနဲ့ သေဆုံးခြင်းက တာလော့ရဲ့ အတွေးတစ်ချက်အပေါ်မှာပဲ မူတည်နေတယ်..."</p> <p>မဟာကြီးကြပ်ရေးမှူးက ပြောလိုက်လေသည်။</p> <p>"တာလော့အင်မော်တယ်ဂိုဏ်းက မျိုးဖြုတ်သတ်တာမျိုးတွေ မလုပ်ပါဘူး..."</p> <p>ရေသူဧကရီက သေချာပေါက် ပြောလိုက်၏။</p> <p>"အဲဒါ မှန်ပေမယ့် ငါ့ရဲ့ရေသူမျိုးနွယ်စုက ရှင်သန်ခွင့်မျှော်လင့်ချက်ကို တခြားသူတွေရဲ့ လက်ထဲမှာ ဘယ်လိုလုပ် အပ်ထားလို့ ရမှာလဲ..."</p> <p>မဟာကြီးကြပ်ရေးမှူးက အလေးအနက် ပြောလိုက်သည်။</p> <p>"ဒါကြောင့် တချို့အရာတွေကို ငါတို့ရဲ့ မဟာကြီးကြပ်ရေးမှူး မျိုးနွယ်စုက လုပ်ကိုင်ရပါမယ်..."</p> <p>"ဒီရက်ပိုင်းတွေမှာ ငါ့ရဲ့ မဟာကြီးကြပ်ရေးမှူးမျိုးနွယ်စုက ဖုန်းဟွာရဲ့ အစစ်အမှန်ဝိညာဉ် အစအနလေး ပျောက်ကွယ်မသွားအောင် ငါတို့ရဲ့ ကိုယ်ပိုင်အသက်ဓာတ်တွေကို အသုံးပြုနေခဲ့တာ..."</p> <p>"မဟာကြီးကြပ်ရေးမှူး မျိုးနွယ်စုမှာ မူလက မျိုးနွယ်စုဝင်ရှစ်ဆယ့်တစ် ယောက်ရှိခဲ့တယ်..."</p> <p>"အခုတော့ ကျွန်မအပါအဝင် ကိုးယောက်ပဲ ကျန်တော့တယ်..."</p> <p>"အဲဒီရှစ်ယောက်က နောက်ထပ် သုံးရက်လောက် ထပ်ခံနိုင်ဦးမယ်... သုံးရက်ပြီးရင် ကျွန်မ တာဝန်ယူမယ်..."</p> <p>"ကျွန်မရဲ့စွမ်းအားနဲ့ဆိုရင် နောက်ထပ် ခုနစ်ရက်လောက် ထပ်တောင့်ခံနိုင်မယ်..."</p> <p>"ဒီဆယ်ရက်အတွင်းမှာ ဖုန်းဟွာကို ကယ်တင်လို့ မရရင်တော့ ကျွန်မရဲ့ နောက်ဆုံး စွမ်းအားကို အသုံးပြုပြီး ဖုန်းဟွာရဲ့အရိုးတည်ဆောက်ပုံကို ရှောင်ချီဆီ ပြောင်းရွှေ့ပေးလိုက်မယ်..."</p> <p>"အဲဒီအချိန်ရောက်ရင် တာလော့အင်မော်တယ်ဂိုဏ်းရဲ့ ဒေါသကို ကျွန်မတို့ မဟာကြီးကြပ်ရေးမှူး မျိုးနွယ်စုကပဲ ခံယူပါ့မယ်..."</p> <p>"လူတစ်ယောက်သေသွားရင် သူ့ရဲ့ ကြွေးမြီတွေ ကုန်သွားပြီလေ..."</p> <p>"တာလော့အင်မော်တယ်ဂိုဏ်းရဲ့ သဘောထားကြီးမှုနဲ့ဆိုရင် ငါ့ရဲ့ရေသူမျိုးနွယ်စုကို ဒုက္ခပေးမှာ မဟုတ်တော့ဘူး..."</p> <p>"ရှင့်တို့အတွက်ကတော့ ငါတို့ မဟာကြီးကြပ်ရေးမှူး မျိုးနွယ်စုရဲ့ စောင့်ကြည့်ကြီးကြပ်မှုမရှိတော့ရင် ရှင့်တို့ဘာသာ အသစ်ကနေ ပြန်လည် တည်ဆောက်နိုင်ပြီလေ..."</p> <p>"အနာဂတ်မှာ သံယောဇဉ်တာအိုနဲ့ သံယောဇဉ်မဲ့တာအို နှစ်ခုလုံးကို ကျင့်ကြံပြီးရင် ငါ့ရဲ့ရေသူမျိုးနွယ်စုကို တက်လှမ်းနိုင်ဖို့ မျှော်လင့်ချက် ရှိနေသေးတယ်..."</p> <p>မဟာကြီးကြပ်ရေးမှူးက ရေသူဧကရီကို အဓိပ္ပာယ်ပါပါ ကြည့်လိုက်၏။</p> <p>"ရေသူအဆီလား..."</p> <p>"မဟာကြီးကြပ်ရေးမှူး၊ ရှင်က ဖုန်းဟွာရဲ့ အစစ်အမှန်ဝိညာဉ် ပျောက်ကွယ်မသွားအောင် ရေသူအဆီကို အသုံးပြုနေတာလား..."</p> <p>ရေသူဧကရီကအလွန် ထိတ်လန့်သွားခဲ့သည်။</p> <p>"မှန်တယ်..."</p> <p>"အချိန်တွေ အများကြီး ကြာသွားပြီဆိုတော့ ငါတို့ရေသူ မျိုးနွယ်စုရဲ့ ရေသူအဆီက အသက်ကို ဆက်လက်ရှင်သန်စေနိုင်တဲ့ ဆေးကောင်းတစ်ခွက်ဖြစ်တယ်ဆိုတာကို လူတွေ မေ့နေကြပြီထင်တယ်..."</p> <p>"တကယ်တော့ ကျွန်မ တစ်ယောက်တည်းမှ မဟုတ်တာ... ဧကရီ ကိုယ်တိုင်လည်း လုပ်နေတာ မဟုတ်ဘူးလား..."</p> <p>မဟာကြီးကြပ်ရေးမှူးက ရှေ့သို့ တိုးလာပြီး ရေသူဧကရီ၏ အင်္ကျီလက်ကို မလိုက်ရာ ရေသူဧကရီ၏ ကျောက်စိမ်းလက်လေးမှာ အရိုးစု သက်သက်သာ ဖြစ်နေသည်ကို မြင်တွေ့လိုက်ရ၏။</p> <p>ရေသူဧကရီ၏ မျက်လုံးများထဲတွင် ထိတ်လန့်မှု အရိပ်အယောင်တစ်ခု လျှပ်တစ်ပြက် ဖြတ်သန်းသွားပြီးနောက် သူမက လေးနက်စွာ ပြောလိုက်သည်။</p> <p> "ငါက သူမရဲ့အမေလေ... ငါ သူမကို မကယ်ရင် ဘယ်သူ ကယ်မှာလဲ..."</p> <p>"ရှင် ပြောတာ မှန်ပါတယ်..."</p> <p>"ကိုယ်ရေးကိုယ်တာ အနေနဲ့တော့ ဖုန်းဟွာက ရှင့်ရဲ့သမီးပေါ့..."</p> <p>"ဒါပေမဲ့ အများသူငါ ရှုထောင့်ကနေ ကြည့်ရင်တော့ ဖုန်းဟွာက ငါ့ရဲ့ရေသူ မျိုးနွယ်စုရဲ့ နောက်ထပ်ဧကရီတစ်ပါးပဲ..."</p> <p>"ရေသူအရိုးတည်ဆောက်ပုံ အစွမ်းထက်ဆုံး ရှိတဲ့သူလေ..."</p> <p>"သူမက ရေသူမျိုးနွယ်စု အနာဂတ်မှာ ပြန်လည်တက်လှမ်းနိုင်ဖို့အတွက် မျှော်လင့်ချက်ပဲ..."</p> <p>"ငါတို့ မဟာကြီးကြပ်ရေးမှူးမျိုးနွယ်စုက ဖုန်းဟွာအတွက် ငါတို့ရဲ့အသက်တွေ အပါအဝင် အရာအားလုံးကို ပေးဆပ်ရမယ်..."</p> <p>မဟာကြီးကြပ်ရေးမှူး၏ အမူအရာမှာ တည်ငြိမ်နေခဲ့၏။ သူမသည် အသက်ရှင်ခြင်းနှင့် သေဆုံးခြင်းကို ကျော်လွန်၍ ကြည့်မြင်နေခဲ့သည်မှာ ကြာပြီ ဖြစ်လေသည်။</p> <p>"တကယ်တော့ ဧကရီအနေနဲ့ ငါ့ရဲ့ မဟာကြီးကြပ်ရေးမှူး မျိုးနွယ်စုအတွက် ဝမ်းသာပေးသင့်ပါတယ်..."</p> <p>"အဲ့နှစ်က ဘေးအန္တရာယ်ဟာ ငါ့ရဲ့ မဟာကြီးကြပ်ရေးမှူး မျိုးနွယ်စုကနေ မြစ်ဖျားခံခဲ့တာလေ..."</p> <p>"အခုလည်း ငါ့ရဲ့မဟာကြီးကြပ်ရေးမှူး မျိုးနွယ်စုနဲ့ပဲ အဆုံးသတ်သွားမှာပေါ့..."</p> <p>"ငါ့ရဲ့မဟာကြီးကြပ်ရေးမှူးမျိုးနွယ်စုက ဒီလောကမှာ ဆက်လက် အသက်မရှင်တော့ပေမယ့် ငါတို့က အဲဒီတုန်းက အရှက်ရစရာကို ဆေးကြောပြီးပြီ၊ ငါတို့ပေါ်က ကျွန်တာအိုစည်းတံဆိပ်ကလည်း ပျောက်ကွယ်သွားလိမ့်မယ်..."</p> <p>"ငါ့ရဲ့ ရေသူမျိုးနွယ်စုက အတိတ်က အရိပ်အယောင်တွေထဲကနေ လုံးလုံးလျားလျား လွတ်မြောက်သွားလိမ့်မယ်..."</p> <p>"ဒါကို ဘာလို့ဝမ်းမသာရမှာလဲ..."</p> <p>မဟာကြီးကြပ်ရေးမှူးက ရေသူဧကရီကို တည်ငြိမ်စွာ ကြည့်လိုက်ရာ သူမ၏ မျက်လုံးများထဲတွင် စိတ်သက်သာရာရမှုများဖြင့် ပြည့်နှက်နေပြီး တောက်ပစွာ လင်းလက်နေခဲ့လေသည်။</p> <p>ရေသူဧကရီက တိတ်ဆိတ်သွားခဲ့၏။ မဟာကြီးကြပ်ရေးမှူးက ထွက်ခွာရန် ဆုံးဖြတ်ပြီးသား ဖြစ်လေသည်။</p> <p>"ကျွန်တော်က တာလော့ဝိုင်တောင်ရဲ့ အရှင်သခင်လင်းရီပါ၊ ရေသူနန်းတော် အတွင်းသို့ ဝင်ရောက်လိုပါတယ်..."</p> <p>"ရေသူဧကရီအနေနဲ့ ကျွန်တော့်ကို အဆင်ပြေအောင် လုပ်ပေးဖို့ တောင်းဆိုချင်ပါတယ်..."</p> <p>အတိအကျပင် ထိုအချိန်မှာပင် လင်းရီ၏ အသံမှာ ပင်လယ်ပြင်မှ ထွက်ပေါ်လာပြီး ရေသူနန်းတော်အတွင်းသို့ စီးဝင်လာခဲ့လေသည်။</p> <p>ဤသည်က မဟာကြီးကြပ်ရေးမှူး၏ မျက်လုံးများကို အရောင်လင်းသွားစေခဲ့၏။</p> <p> </p> <p> </p> <p style="text-align: center;">***</p>


Save