Book List

<h2 style="text-align: center;">အခန်း ၆၀</h2> <h2 style="text-align: center;">ဝိညာဉ်သန့်စင်ခြင်း</h2> <h2 style="text-align: center;">*</h2> <p> </p> <p> </p> <p> </p> <p> </p> <p style="text-align:justify">ကျန်းယွီဟယ်က ရေကန်အလယ်ရှိ ကျွန်းငယ်လေးကို အလျင်အမြန် အကဲခတ်ကြည့်လိုက်ပြီးနောက် ကျေနပ်စွာ ခေါင်းညိတ်လိုက်သည်။</p> <p style="text-align:justify">"ဒီနေရာဆို ရပြီ"</p> <p style="text-align:justify">ညာလက်ကို တစ်ချက်ပင့်လိုက်ရာ ဓားစွမ်းအင်များက ကျွန်းပေါ်သို့ လှည်းကျင်းတိုက်ခတ်သွားပြီး သစ်ပင်များနှင့် ပေါင်းပင်များကို ရှင်းလင်းသွားလေသည်။ သိပ်မကြာမီမှာပင် ကျန်းယွီဟယ်သည် ကျွန်း၏ အလယ်ဗဟို၌ ကြီးမားသော မြေကွက်လပ်တစ်ခုကို ရှင်းလင်းနိုင်ခဲ့သည်။ မြေကွက်လပ်၏ အလယ်ဗဟိုတွင် ဓားစွမ်းအင်များဖြင့် ခုတ်ပိုင်းထားသောကြောင့် အနည်းငယ် မို့မောက်နေသည့် စင်မြင့်တစ်ခု ရှိနေသည်။</p> <p style="text-align:justify">ကျန်းယွီဟယ်က ထိုစင်မြင့်ပေါ်သို့ ခုန်တက်လိုက်ပြီးနောက် ညာလက်ကို ဝှေ့ယမ်းလိုက်ရာ မြင့်မားသော တိုင်လုံးကြီးများက ကျွန်းပတ်လည်သို့ လျင်မြန်စွာ ပျံသန်းသွားကြသည်။ ရန်ရေ မိုးကြိုးစုပ်ယူခြင်း အစီအရင်။ ဤသည်မှာ စာကြည့်တိုက်တွင် သူ တွေ့ရှိခဲ့သော အစီအရင်တစ်ခု ဖြစ်သည်။</p> <p style="text-align:justify">ကျင့်ကြံသူတစ်ယောက် ဘေးဒဏ်ကျော်ဖြတ်နေချိန်တွင် ကောင်းကင်ဘုံ ဘေးဒဏ်၏ စွမ်းအားကို အတိုင်းအတာတစ်ခုအထိ အားနည်းသွားစေနိုင်သည်မှလွဲ၍ ဤအစီအရင်တွင် အခြားအသုံးဝင်မှု မရှိပေ။ သူ၏ အလုပ်လုပ်ပုံ သဘောတရားမှာ ကမ္ဘာဂြိုဟ်ရှိ မိုးကြိုးလွှဲများနှင့် အနည်းငယ် ဆင်တူသည်။ သေချာသည်ကတော့ အစီအရင်တစ်ခု၏ လက်တွေ့ လုပ်ဆောင်မှု စည်းမျဉ်းများက မိုးကြိုးလွှဲတစ်ခုနှင့်တော့ သေချာပေါက် ကွာခြားမည်ဖြစ်သည်။</p> <p style="text-align:justify">ထိုတိုင်လုံးများကို မိုးကြိုးစုပ်တိုင်များဟု ခေါ်ဆိုကြသည်။ စုစုပေါင်း မိုးကြိုးစုပ်တိုင် ၂၈ တိုင် ရှိပြီး ကျွန်း၏ အပြင်ဘက် ပတ်လည်တွင် ကြယ်ပုံသဏ္ဍာန် အနေအထားဖြင့် နေရာယူထားကြသည်။ မိုးကြိုးစုပ်တိုင်များကို သီးသန့် အသုံးပြုမည်ဆိုပါက ၎င်းတို့သည် အထူး ကောင်းကင်ဘုံ ဝိညာဉ်ရတနာ တစ်မျိုးပင် ဖြစ်သည်။ ထိုအရာတို့၏ စွမ်းအားမှာ ပုံမှန် ကောင်းကင်ဘုံ ဝိညာဉ်ရတနာ တစ်ခုထက် သိပ်မလျော့နည်းလှပေ။</p> <p style="text-align:justify">ကျန်းယွီဟယ်က ပြိုင်ဘက်ကင်း လက်နက်ဖန်တီးခြင်း စွမ်းရည်များကို ပိုင်ဆိုင်ထားပြီး ဟယ်နှင့် လီ မိသားစုကို မျိုးဖြုတ်ခဲ့စဉ်က ကုန်ကြမ်းပစ္စည်း အမြောက်အမြားကို စုဆောင်းနိုင်ခဲ့၍သာဖြစ်မည်။ သို့မဟုတ်ပါက ဤတိုင်များအတွက် လုံလောက်သော ကုန်ကြမ်းများ စုဆောင်းရန် တကယ်ကို ခက်ခဲလှပေမည်။ သာမန် နတ်ဘုရားသန္ဓေအဆင့် ကျင့်ကြံသူတစ်ယောက်အတွက် ဤမိုးကြိုးစုပ်တိုင် နှစ်ဆယ့်ရှစ်တိုင်တည်းဖြင့်ပင် တစ်သက်လုံး ရုန်းကန်ရလျှင်တောင် ဖြေရှင်းနိုင်မည် မဟုတ်ပေ။ မသေမျိုးကျင့်ကြံခြင်းဆိုသည်မှာ ပါရမီ လိုအပ်ရုံသာမက ကျွမ်းကျင်မှုတစ်ခုခုကိုလည်း တတ်မြောက်ထားရန် လိုအပ်သည်။</p> <p style="text-align:justify">သေချာသည်ကတော့ အခြားသော ကျွမ်းကျင်မှု အများအပြားကိုပါ တတ်မြောက်ထားနိုင်ပါက ပို၍ပင် ကောင်းမွန်ပေလိမ့်မည်။ ကျန်းယွီဟယ်ကဲ့သို့ပင် သူက ဆေးဖော်စပ်ခြင်းဖြစ်စေ လက်နက်ဖန်တီးခြင်းဖြစ်စေ အဆောင်ရေးဆွဲခြင်းနှင့် အစီအရင်များ ရေးထွင်းခြင်းဖြစ်စေ အရာအားလုံးကို ကိုယ်တိုင် လုပ်ဆောင်နိုင်သည်။ မည်သူ့ကိုမျှ မည်သည့်အရာအတွက်မှ အကူအညီတောင်းနေစရာ လိုမည်မဟုတ်ပေ။</p> <p style="text-align:justify">မိုးကြိုးစုပ်တိုင် နှစ်ဆယ့်ရှစ်တိုင် နေရာချထားပြီးနောက် ကျန်းယွီဟယ်က ကျွန်းပတ်လည်တွင် အစီအရင်ပုံစံများကို လျင်မြန်စွာ ရေးထွင်းလိုက်သည်။အချိန်တိုအတွင်းမှာပင် ဤမိုးကြိုးစုပ်တိုင်များသည် အစီအရင်ပုံစံများဖြင့် ချိတ်ဆက်သွားကြသည်။ ကျန်းယွီဟယ်က လက်သင်္ကေတတစ်ခု ပြုလုပ်လိုက်သည်။</p> <p style="text-align:justify">"အစီအရင် ပွင့်စေ"</p> <p style="text-align:justify">မိုးကြိုးစုပ်တိုင်များဆီမှ ဖျော့တော့သော အပြာရောင်အလင်းတန်းတစ်ခု မြောက်တက်လာပြီးနောက် အဝေးရှိ ရေကန်ဆီသို့ လှည်းကျင်းသွားလေသည်။ သိပ်မကြာမီမှာပင် ရေကန်မျက်နှာပြင် တစ်ခုလုံးသည် ဖျော့တော့သော အပြာရောင် အလင်းတန်းများဖြင့် ဖုံးလွှမ်းသွားသည်။</p> <p style="text-align:justify">"ပြီးပြီ"</p> <p style="text-align:justify">မိုးကြိုးစုပ်ယူခြင်း အစီအရင်ကို အောင်မြင်စွာ တည်ဆောက်ပြီးသွားသည်ကို မြင်သောအခါ ကျန်းယွီဟယ် အသက်ကို ပြင်းပြင်းတစ်ချက် ရှူထုတ်လိုက်မိသည်။ သာမန် အဆင့် (၆) အစီအရင်များနှင့် နှိုင်းယှဉ်ပါက မိုးကြိုးစုပ်ယူခြင်း အစီအရင်သည် အမှန်တကယ်ပင် ရှုပ်ထွေးလှသည်။<br /> မိုးကြိုးစုပ်တိုင် နှစ်ဆယ့်ရှစ်တိုင်ပဲဖြစ်ဖြစ်၊ နေရာမှာတင် ရေးထွင်းရတဲ့ အစီအရင်ပုံစံတွေပဲဖြစ်ဖြစ် ဤအရာများက သာမန် နတ်ဘုရားသန္ဓေအဆင့် ကျင့်ကြံသူများ ကိုင်တွယ်နိုင်မည့် အရာများ မဟုတ်ပေ။</p> <p style="text-align:justify">မိုးကြိုးစုပ်ယူခြင်း အစီအရင်က အသက်ဝင်လာပြီဖြစ်သည်။ ကျန်းယွီဟယ်က ကျွန်းအလယ်ရှိ စင်မြင့်ဆီသို့ ရောက်ရှိလာပြီး တင်ပျဉ်ခွေ ဖြည်းညှင်းစွာ ထိုင်ချလိုက်သည်။ ညာလက်ကို တစ်ချက်ဝှေ့ယမ်းလိုက်ရာ အစီအရင်အလံ ငါးခုက စင်မြင့်၏ အရပ်လေးမျက်နှာဆီသို့ ကျဆင်းသွားကြသည်။ ထို့နောက် အနက်ရောင် အစီအရင်ဗန်းတစ်ခုကို ထုတ်ယူကာ သူနှင့် သိပ်မဝေးသော နေရာတွင် ချထားလိုက်သည်။သဘာဝငါးပါး ဝိညာဉ်စုဆောင်းခြင်း အစီအရင်။</p> <p style="text-align:justify">ကျင့်ကြံသူတစ်ယောက် အဆင့်တစ်ဆင့်ကို ထိုးဖောက်ဝင်ရောက်သောအခါ ပတ်ဝန်းကျင်မှ ဝိညာဉ်စွမ်းအင် အမြောက်အမြားကို ဆွဲဆောင်လေ့ရှိသည်။ ကျင့်ကြံမှုအဆင့်ကို ထိုးဖောက်ဝင်ရောက်ခြင်းက သဘာဝအရကို ဝိညာဉ်စွမ်းအင် အမြောက်အမြား လိုအပ်သည်။ ပုံမှန်အားဖြင့် ပြင်ပလောကမှ စုဆောင်းရရှိသော ဝိညာဉ်စွမ်းအင်များက ထိုးဖောက်ဝင်ရောက်ရန်အတွက် လုံလောက်လေ့ရှိသည်။</p> <p style="text-align:justify">သို့သော် ကျန်းယွီဟယ် တွေးနေသည်မှာ သဘာဝငါးပါး ဝိညာဉ်စုဆောင်းခြင်း အစီအရင်၏ ကောင်းချီးပါ ထပ်ပေါင်းလိုက်လျှင် ပိုမကောင်းပေဘူးလား။ ဝိညာဉ်စွမ်းအင် ပိုများနေခြင်းက ဘယ်တော့မှ ဆိုးကျိုးမဖြစ်စေနိုင်ပေ။ အက္ခရာများကို ပေါ့ပေါ့ပါးပါး ရေးထွင်းပြီးနောက် ကျန်းယွီဟယ်က လက်သင်္ကေတ ပြုလုပ်ကာ သဘာဝငါးပါး ဝိညာဉ်စုဆောင်းခြင်း အစီအရင်ကို လျင်မြန်စွာ အသက်သွင်းလိုက်သည်။ အစီအရင် အဆင်သင့်ဖြစ်သွားသည်နှင့် သူ၏ လက်စွပ်ထဲမှ ကျောက်စိမ်းပုလင်းငယ်များကို ထုတ်ယူကာ သူ့ရှေ့တွင် ချထားလိုက်သည်။</p> <p style="text-align:justify">ထိုကျောက်စိမ်းပုလင်းများထဲတွင် မှော်စွမ်းအင်များ ပြန်လည်ပြည့်ဝစေရန်နှင့် ဒဏ်ရာများ ကုသရန်အတွက် ဆေးလုံးအမျိုးမျိုး ပါဝင်သည်။ ဘေးဒဏ်ကို ပထမဆုံးအကြိမ် ရင်ဆိုင်ရမည်ဖြစ်ရာ ကျန်းယွီဟယ်က အနည်းငယ်မျှပင် ပေါ့ဆရန် မဝံ့ရဲပေ။ အခြားသူများ ဘေးဒဏ်ကျော်ဖြတ်သည်ကို သူ တစ်ခါမျှ မမြင်ဖူးသော်လည်း ရှေးဟောင်းမှတ်တမ်းများအရ မည်သည့် ကောင်းကင်ဘုံ ဘေးဒဏ်မျိုးမဆို ၎င်း၏ စွမ်းအားက အလွန်တရာ အားကောင်းလှပြီး အထင်မသေးသင့်ပေ။ ဝိညာဉ်သန့်စင်ခြင်းအဆင့်သို့ ထိုးဖောက်ဝင်ရောက်ချိန်တွင် ကျင့်ကြံသူများ ရင်ဆိုင်ရမည့် ဘေးဒဏ်ကို ခုနစ်-ကိုး ကောင်းကင်ဘုံ ဘေးဒဏ် ဟု ခေါ်ဆိုကြသည်။</p> <p style="text-align:justify">စုစုပေါင်း ခုနစ်ကျော့ ပါဝင်ပြီး တစ်ကျော့လျှင် ကောင်းကင်ဘုံ ဘေးဒဏ် ကိုးခုစီ ပါဝင်သည်။ ဆိုလိုသည်မှာ သူသည် ကောင်းကင်ဘုံ ဘေးဒဏ် စုစုပေါင်း ၆၃ ခုကို ရင်ဆိုင်ဖြေရှင်းရမည်ဖြစ်သည်။<br /> ထိုကောင်းကင်ဘုံ ဘေးဒဏ်တစ်ခုစီတိုင်းက ဝိညာဉ်သန့်စင်ခြင်းအဆင့် ကျင့်ကြံသူတစ်ယောက်၏ တိုက်ခိုက်မှုလောက် အားကောင်းသည်။ ထို့အပြင် နောက်ပိုင်းရောက်လေ ပို၍ အားကောင်းလာလေဖြစ်သည်။ ပိုဆိုးသည်မှာ ရှေးဟောင်းကျမ်းစာများအရ ကောင်းကင်ဘုံ ဘေးဒဏ်များ၏ စွမ်းအားက လူတစ်ဦးနှင့်တစ်ဦး မတူညီကြပေ။</p> <p style="text-align:justify">ကျင့်ကြံသူတစ်ယောက်၏ ပါရမီနှင့် စွမ်းရည်က ပိုမို အားကောင်းလေ သူ ဆင့်ခေါ်မိမည့် ကောင်းကင်ဘုံ ဘေးဒဏ်ကလည်း ပိုမို ကြောက်မခန်းလိလိ ဖြစ်လေပင်။ ယွီဖန်ကောင်းကင်ဘုံ၏ သမိုင်းတစ်လျှောက်တွင် မရေမတွက်နိုင်သော ပါရမီရှင်များမှာ ကောင်းကင်ဘုံ ဘေးဒဏ်၏ သားကောင်များ ဖြစ်ခဲ့ရပြီးဖြစ်သည်။ ဤအကြောင်းကို တွေးမိသည်နှင့် ကျန်းယွီဟယ် ခေါင်းကိုက်လာသည်။</p> <p style="text-align:justify">ပါရမီနဲ့ စွမ်းရည်ပိုင်းမှာဆိုရင် သမိုင်းတစ်လျှောက် ယွီဖန်ကောင်းကင်ဘုံက ဘယ်သူက သူ့ကို ယှဉ်နိုင်မှာလဲ။ ဝိညာဉ်သန့်စင်ခြင်းအဆင့်ကို ထိုးဖောက်ဝင်ရောက်ချိန်မှာ သူ ဆင့်ခေါ်မိမယ့် ကောင်းကင်ဘုံ ဘေးဒဏ်က ဘယ်လောက်တောင် အားကောင်းမလဲဆိုတာ မှန်းဆရတောင် ခက်တယ်။</p> <p style="text-align:justify">“နည်းနည်းတော့ ကြောက်လာပြီ။”</p> <p style="text-align:justify">ထို့ကြောင့် ကျန်းယွီဟယ်က ထိုဘေးဒဏ်ကို ရင်ဆိုင်ရန်အတွက် ပြင်ဆင်မှုများကို အကျယ်တဝင့် လုပ်ဆောင်ခဲ့ခြင်းဖြစ်သည်။</p> <p style="text-align:justify">"မျှော်လင့်မထားတဲ့ ကိစ္စတွေ ဘာမှမဖြစ်ပါစေနဲ့လို့ပဲ ဆုတောင်းရတော့မှာပဲ"</p> <p style="text-align:justify">ထိုဘေးဒဏ်ကို အသက်ရှင်လျက် ကျော်ဖြတ်ပြီးသွားပါက နောက်ပိုင်း ဘာလုပ်ရမည်ကို သူ ပိုမို နားလည်သဘောပေါက်လာပေလိမ့်မည်။</p> <p style="text-align:justify">ဟူး...</p> <p style="text-align:justify">ကျန်းယွီဟယ်က ညင်သာစွာ သက်ပြင်းချလိုက်သည်။</p> <p style="text-align:justify">"လာစမ်းပါ... သေမလား ရှင်မလား ကောင်းကင်ဘုံ ဘေးဒဏ်က တကယ်ပဲ ဘယ်လောက် အားကောင်းလဲဆိုတာ ကြည့်ကြသေးတာပေါ့"</p> <p style="text-align:justify">ကျန်းယွီဟယ်က မူလဟွန်ယွမ် ကောင်းကင်ကျမ်းစာကို တိတ်တဆိတ် လည်ပတ်လိုက်ရာ ပတ်ဝန်းကျင်ရှိ ဝိညာဉ်စွမ်းအင်များက သူ့ထံသို့ လျင်မြန်စွာ အလုအယက် စီးဝင်လာကြသည်။<br /> ဝိညာဉ်စွမ်းအင်များ စီးဝင်လာသည်နှင့်အမျှ တန်ထျန်ထဲရှိ ဝိညာဉ်စွမ်းအင် ပင်လယ်မှာ မိုးထိမတတ် မြင့်မားသော လှိုင်းလုံးကြီးများနှင့်အတူ စတင် လှိုင်းထန်လာသည်။ တောက်ပလင်းထိန်သော အလင်းရောင်များ ဖြာထွက်နေသည့် ရွှေရောင် လူငယ်ပုံရိပ်လေးတစ်ခုက ဝိညာဉ်စွမ်းအင် ပင်လယ်အထက်တွင် မျောပါနေသည်။</p> <p style="text-align:justify">ရုတ်တရက် ရွှေရောင် ပုံရိပ်လေးက မျက်လုံးများကို ဖွင့်လိုက်ပြီး ပါးစပ်ဟကာ ဝိညာဉ်စွမ်းအင် အမြောက်အမြားကို စုပ်ယူလိုက်သည်။ ရွှေရောင် ပုံရိပ်လေး မျက်လုံးဖွင့်လိုက်သည်နှင့် မိုင်သောင်းချီ ပတ်ဝန်းကျင်ရှိ ဝိညာဉ်စွမ်းအင်များမှာ ရေကန်ဆီသို့ ရူးသွပ်စွာ စီးဝင်လာကြတော့သည်။</p> <p style="text-align:justify">ယွမ်မန်းတောင်တန်းရှိ သားရဲများမှာ အန္တရာယ်တစ်ခုခုကို အာရုံခံမိလိုက်သည့်အလား ရေကန်မှနေ၍ အဝေးသို့ အလုအယက် ထွက်ပြေးကုန်ကြသည်။ ဝိညာဉ်စွမ်းအင်များ လျင်မြန်စွာ စီးဝင်လာသည်နှင့်အမျှ ကျန်းယွီဟယ်၏ ရောင်ဝါမှာလည်း ဖြည်းညှင်းစွာ စတင် မြင့်တက်လာသည်။ ရုတ်တရက် သူ၏ တန်ထျန်စွမ်းအင်ပင်လယ် အထက်တွင် မျောပါနေသော ရွှေရောင် ပုံရိပ်လေးဆီမှ တောက်လောင်နေသော အလင်းရောင်များ ထွက်ပေါ်လာသည်။ ရွှေရောင်အလင်းတန်းတစ်ခုက လှည်းကျင်းသွားပြီး တန်ထျန်တစ်ခုလုံးကို ရွှေရောင် သမုဒ္ဒရာကြီးအဖြစ် ပြောင်းလဲပစ်လိုက်သည်။<br /> ရွှေရောင် လူငယ်ပုံရိပ်လေးမှာ တဖြည်းဖြည်း ပိုမို ပီပြင်လာသည်။</p> <p style="text-align:justify">စိတ်ကူးယဉ်သည့်အရာ ရုပ်လုံးပေါ်လာစေခြင်းကို အာရုံစိုက်သန့်စင်ခြင်း ဟုခေါ်ဆိုသည်။ ကျင့်ကြံသူတစ်ယောက် ဝိညာဉ်သန့်စင်ခြင်းအဆင့်သို့ မရောက်မီ သူတို့၏ တန်ထျန်ထဲရှိ နတ်ဘုရားသန္ဓေမှာ မူလက မြင်တွေ့နိုင်သော်လည်း လေဟာနယ် ခန္ဓာကိုယ်သာ ဖြစ်သည်။ ၎င်းက ခန္ဓာကိုယ်ပြင်ပသို့ ထွက်ခွာနိုင်ပြီး ထူးကဲစွမ်းရည်များနှင့် မှော်ရတနာများကိုပင် အသုံးပြုကာ တိုက်ခိုက်နိုင်သည်။</p> <p style="text-align:justify">သို့သော် ဤအချိန်တွင် နတ်ဘုရားသန္ဓေမှာ တကယ်တမ်း၌ ပုံရိပ်ယောင် ခန္ဓာကိုယ်တစ်ခုသာ ဖြစ်သည်။ နတ်ဘုရားသန္ဓေက ပုံရိပ်ယောင် ဖြစ်တည်မှုတစ်ခု ဖြစ်သော်လည်း ထူးကဲစွမ်းရည်များနှင့် မှော်ရတနာများကို အသုံးပြု၍ တိုက်ပွဲများတွင် ပါဝင်နိုင်သည်။ သို့ရာတွင် နတ်ဘုရားသန္ဓေကိုယ်တိုင်က အလွန်တရာ နုနယ်လွန်းလှပြီး တိုက်ခိုက်ခံရပါက ချက်ချင်း လွင့်စင်ပျောက်ကွယ်သွားမည်ဖြစ်သည်။</p> <p style="text-align:justify">ကျင့်ကြံသူတစ်ယောက်အတွက် နတ်ဘုရားသန္ဓေ လွင့်စင်ပျောက်ကွယ်သွားခြင်းဆိုသည်မှာ သေဆုံးခြင်းကို ဆိုလိုသည်။ ထို့ကြောင့် ဝိညာဉ်သန့်စင်ခြင်းအဆင့်သို့ မရောက်မီ ကျင့်ကြံသူတိုင်းနီးပါးသည် သူတို့၏ နတ်ဘုရားသန္ဓေကို ခန္ဓာကိုယ်ပြင်ပသို့ ထွက်ကာ တိုက်ပွဲဝင်ခွင့် ပြုလေ့မရှိကြပေ။ ရန်သူကြောင့် ရုပ်ပိုင်းဆိုင်ရာ ခန္ဓာကိုယ် ဖျက်ဆီးခံလိုက်ရချိန်မှသာ ကျင့်ကြံသူက နတ်ဘုရားသန္ဓေကို ခန္ဓာကိုယ်မှ ထွက်ခွာ၍ ထွက်ပြေးခွင့် ပြုလေ့ရှိသည်။</p> <p style="text-align:justify">သူတို့ ထွက်ပြေးလွတ်မြောက်နိုင်၊ မနိုင် ဆိုသည်ကတော့ အခြားတစ်ကဏ္ဍဖြစ်သည်။ ကျင့်ကြံသူတစ်ယောက် ဝိညာဉ်သန့်စင်ခြင်းအဆင့်သို့ ထိုးဖောက်ဝင်ရောက်ခြင်းဆိုသည်မှာ အခြေခံအားဖြင့် နတ်ဘုရားသန္ဓေသည် ပုံရိပ်ယောင်အဖြစ်မှ အစစ်အမှန်အဖြစ်သို့ ပြောင်းလဲသွားသည့် လုပ်ငန်းစဉ်ပင်ဖြစ်သည်။ ထိုအချိန်တွင် ကျန်းယွီဟယ်၏ တန်ထျန်ထဲရှိ နတ်ဘုရားသန္ဓေမှာ ဖြည်းညှင်းစွာ ရုပ်လုံးပေါ်လာနေသည်။ ပတ်ဝန်းကျင်မှ ဝိညာဉ်စွမ်းအင်များ ဆက်လက် စီးဝင်နေပြီး သဘာဝငါးပါး ဝိညာဉ်စုဆောင်းခြင်း အစီအရင်ကလည်း လျင်မြန်စွာ လည်ပတ်နေသည်။</p> <p style="text-align:justify">ကျန်းယွီဟယ်ကို ဝန်းရံထားသော ဝိညာဉ်စွမ်းအင်များမှာ အလွန်တရာ သိပ်သည်းလွန်းလှရာ မိုးပေါက်များကဲ့သို့ သူ၏ တန်ထျန်ဆီသို့ လှိုင်းလုံးများအသွင်ဖြင့် စုဝေးစီးဝင်နေလေတော့သည်။ အချိန်များ ဖြည်းညှင်းစွာ ကုန်လွန်သွားသည်။</p> <p style="text-align:justify">ရေကန်ပတ်လည်ရှိ ဝိညာဉ်စွမ်းအင် လှိုင်းလုံးကြီးများက သုံးရက်တိတိ ကြာမြင့်ခဲ့သည်။ ရုတ်တရက် ကျန်းယွီဟယ်၏ တန်ထျန်ထဲရှိ ရွှေရောင် ပုံရိပ်လေးဆီမှ တောက်လောင်နေသော ရွှေရောင်အလင်းတန်းများ တစ်ဖန် ပြန်လည် ထွက်ပေါ်လာပြန်သည်။ ကျန်းယွီဟယ်က ကန့်သတ်ချက်တစ်ခုကို ကျော်ဖြတ်ပြီး ကမ္ဘာသစ်တစ်ခုဆီသို့ ခြေလှမ်းဝင်ရောက်သွားရသကဲ့သို့ စိတ်သက်သာရာရမှုတစ်ခုကို ခံစားလိုက်ရသည်။</p> <p style="text-align:justify">နတ်ဘုရားသန္ဓေက ဤသို့ဖြင့် ရုပ်လုံးပေါ်လာခဲ့ပြီဖြစ်သည်။ ဝိညာဉ်သန့်စင်ခြင်းအဆင့်ကို အောင်မြင်စွာ ရောက်ရှိသွားချေပြီဖြစ်သည်။ ရုတ်တရက် ပတ်ဝန်းကျင်ရှိ ရာသီဥတုက အကြီးအကျယ် ပြောင်းလဲသွားပြီး ကောင်းကင်ယံ တစ်ခုလုံး အမှောင်ထုထဲတွင် ဖုံးလွှမ်းသွားလေတော့သည်။<br /> ***</p>


Save