Book List

<h2 style="text-align: center;">အခန်း (၄၅၇)</h2> <h2 style="text-align: center;"> မဟာသူတော်စင်အဖြစ် တက်လှမ်းခြင်းနှင့် အချက်အလက်ပြဇယားအင်္ဂါရပ်အသစ်များ (၂)</h2> <h2 style="text-align: center;">*</h2> <h2 style="text-align: center;"> </h2> <p> </p> <p> </p> <p> </p> <p>ကံကောင်းထောက်မစွာဖြင့် ယခုအခါ အဆင့်မြှင့်တင်ရေးအမှတ်များမှာ ငါးထောင်ကျော်သွားခဲ့ပြီ ဖြစ်သည်။ ကုချင်းဖန်သည် နောက်ထပ်ခြေတစ်လှမ်းကို နောက်ဆုံးတွင် လှမ်းလှမ်းနိုင်တော့မည်ဖြစ်သည်။</p> <p> </p> <p>“အဆင့်မြှင့်တင်ရေးအမှတ် ငါးထောင်”</p> <p> </p> <p>“မဟာသူတော်စင်နယ်ပယ်ကို ချိုးဖျက်ဖို့ လုံလောက်ပြီ”</p> <p> </p> <p>ကုချင်းဖန်သည် အသက်ကို ပြင်းပြင်းရှူလိုက်ပြီး ရှေ့သို့ လှမ်းလိုက်ရာ သူ၏ ပုံရိပ်မှာ ထိုနေရာမှ ချက်ချင်း ပျောက်ကွယ်သွားတော့သည်။</p> <p> </p> <p>ကိုးပြည်နယ်၏ အပြင်ဘက် ဟင်းလင်းပြင်ဟာလာဟင်းလင်းထဲတွင် ကုချင်းဖန်သည် သူ၏ စိတ်အာရုံဖြင့် အဆင့်မြှင့်တင်ရေးအမှတ် ငါးထောင်မှာ ဒီရေအလား တဖြည်းဖြည်း လျော့နည်းသွားသည်ကို ကြည့်နေခဲ့သည်။ ထိုခဏမှာပင် မှတ်ဉာဏ်များစွာမှာ ဒလဟော စီးဝင်လာတော့သည်။</p> <p> </p> <p>၎င်းတို့မှာ ‘ကောင်းကင်ကိုးထပ်ကျမ်း၏ မဟာသူတော်စင် အခန်းကဏ္ဍဆိုင်ရာ မှတ်ဉာဏ်များ ဖြစ်သည်။ ကုချင်းဖန်သည် မဟာသူတော်စင်အခန်း၏ နက်နဲမှုများကို နောက်ဆုံးတွင် နားလည်သဘောပေါက်သွားပြီး သူတော်စင် နဝမအဆင့်၏ အတားအဆီးကို ချိုးဖျက်ကာ မဟာသူတော်စင်နယ်ပယ်သို့ အောင်မြင်စွာ တက်လှမ်းနိုင်ခဲ့သည်။</p> <p> </p> <p>‌ကောင်းကင်ကိုးထပ်ကျမ်းကို ချိုးဖျက်နိုင်သည်နှင့်အမျှ ကုချင်းဖန်၏ ခန္ဓာကိုယ်အတွင်းရှိ သွေးနှင့် စွမ်းအင်များမှာ ယခင်ကထက် ဆယ်ဆမျှ ပိုမိုကြောက်မက်ဖွယ်ကောင်းအောင် မြင့်တက်လာခဲ့သည်။ သူ၏ ခန္ဓာကိုယ်တစ်ခုလုံးမှာ ‘တွင်းနက်’ တစ်ခုကဲ့သို့ စကြဝဠာဟင်းလင်းပြင်အတွင်းရှိ စွမ်းအင်အားလုံးကို ရူးသွပ်စွာ ဝါးမြိုနေတော့သည်။</p> <p> </p> <p>တစ်ချိန်တည်းမှာပင် ဟင်းလင်းပြင်ထက်၌ ‘မဟာသူတော်စင် ကောင်းကင်ဘေးဒဏ်’ မှာ တိတ်တဆိတ် ကျရောက်လာခဲ့သည်။ ကုချင်းဖန် တုံ့ပြန်ရန်ပင် အချိန်မရမီမှာပင် ကြောက်မက်ဖွယ်ကောင်းသော မိုးကြိုးများမှာ ပြင်းထန်စွာ ရိုက်ခတ်လာပြီး မိုင်ပေါင်းများစွာသော ဟင်းလင်းပြင်ကို ဖုန်မှုန့်များအဖြစ် ပြောင်းလဲပစ်တော့သည်။</p> <p> </p> <p>စကြဝဠာကြီးက မဟာသူတော်စင်နယ်ပယ်မှ မည်သည့်သက်ရှိကိုမျှ မွေးဖွားခွင့်မပေးလိုသကဲ့သို့ ဘေးဒဏ်၏ စွမ်းအားမှာ အလွန်ပင် အံ့အားသင့်စရာ ကောင်းလှသည်။ သို့သော်လည်း မဟာသူတော်စင် ဘေးဒဏ်မှာ မည်မျှပင် ပြင်းထန်ပါစေ ကုချင်းဖန်အပေါ် မည်သည့်သက်ရောက်မှုမျှ မရှိခဲ့ပေ။ သူ၏ ခန္ဓာကိုယ်မှာ အစကတည်းက ပြည့်စုံနေသဖြင့် မိုးကြိုးများ မည်သို့ပင် ပစ်ခတ်ပါစေ သူသည် ထာဝရကျောက်ဆောင်ကြီးတစ်ခုကဲ့သို့ မလှုပ်မယှက် ရှိနေခဲ့သည်။</p> <p> </p> <p>ထို့နောက် ဘေးဒဏ်မှာ ပုံစံပြောင်းသွားခဲ့သည်။ ဘေးဒဏ်တိမ်တိုက်များထဲမှ ရှေးဟောင်းပုံရိပ်များ ပေါ်ထွက်လာပြီး ကုချင်းဖန်ကို နတ်ဘုရားစွမ်းရည်များစွာဖြင့် တိုက်ခိုက်လာကြသည်။ ဤပုံရိပ်များမှာ ခေတ်အဆက်ဆက် မဟာသူတော်စင် ဘေးဒဏ်ကို ဖြတ်ကျော်ခဲ့ကြသော အင်အားကြီးသူများ၏ ပုံရိပ်များ ဖြစ်သည်။ ကောင်းကင်တာအို ထဲတွင် ပုံရိပ်ကျန်ရစ်ခဲ့သည်မှာ ထိုသူတို့သည် သူတို့၏ ခေတ်များတွင် ထိပ်တန်းအဆင့်များ ဖြစ်ခဲ့ကြသောကြောင့်ပင်။</p> <p> </p> <p>သို့သော်လည်း ပုံရိပ်မှာ ပုံရိပ်သာ ဖြစ်သည်။ မဟာသူတော်စင်နယ်ပယ်တွင် တစ်ချိန်က အနှိုင်းမဲ့ဖြစ်ခဲ့သော ထိုသူတို့မှာ ယခုအခါ သူတို့၏ အတိတ်က စွမ်းအားများကို အပြည့်အဝ မထုတ်ဖော်နိုင်ကြတော့ပေ။ ကုချင်းဖန်၏ အခြေခံခိုင်မာမှုဖြင့်ဆိုလျှင် မဟာကောင်းကင်ကြော သုံးသွယ်ကိုပင် အသုံးမပြုဘဲ ထိုသူတို့ကို ယှဉ်ပြိုင်နိုင်သည်။</p> <p> </p> <p>သို့သော် ဤရှေးဟောင်းပုံရိပ်များကို ရင်ဆိုင်ရစဉ် ကုချင်းဖန်သည် စိတ်ထဲ၌ အံ့အားသင့်နေမိသည်။</p> <p> </p> <p>“ဒီစကြဝဠာကြီးက တကယ်ပဲ အံ့မခန်း ပါရမီရှင်တွေကို မွေးထုတ်ပေးခဲ့တာပဲ။ ကျန်ရစ်ခဲ့တဲ့ ပုံရိပ်တစ်ခုကတောင် သာမန် မဟာသူတော်စင်တစ်ယောက်ကို ဖိနှိပ်နိုင်တဲ့ စွမ်းအားရှိနေတယ်”</p> <p> </p> <p>ကုချင်းဖန်သည် သူ၏ ခွန်အားမှာ မဟာသူတော်စင်နယ်ပယ်အတွင်း အင်အားကြီးသော အုပ်စုထဲတွင် ပါဝင်သည်ဟု တွေးတောမိသည်။ အကယ်၍ အဆင့်တူ တိုက်ပွဲဆိုလျှင် မည်သူမျှ သူ့ကို ယှဉ်နိုင်မည်မဟုတ်ပေ။ သို့သော် သူ့ရှေ့မှ ပုံရိပ်မှာ သူ့ကို ဖိအားအချို့ ပေးနေခဲ့သည်။ အထူးသဖြင့် ဂုဏ်သိက္ခာကြီးမားသော ပုံရိပ်တစ်ခုမှာ လက်တစ်ချက်ဝှေ့ယုံဖြင့် ထူးကဲသော နတ်ဘုရားစွမ်းရည်များကို ထုတ်ဖော်နေပြီး ကြောက်မက်ဖွယ်စွမ်းအားများမှာ ကြယ်စင်မြစ်များကို တိမ်းမှောက်စေနိုင်ပြီး ကြယ်စင်များကို ဖျက်ဆီးပစ်နိုင်သည့်အလား ဖြစ်နေသည်။</p> <p> </p> <p>ကုချင်းဖန်သည် အသက်ကို ပြင်းပြင်းရှူလိုက်ပြီး သူ၏ သွေးနှင့် စွမ်းအင်များကို ဆူပွက်လာစေကာ လက်တစ်ချက်ဝှေ့၍ ‘ကောင်းကင်ဓား’ကို ဖန်တီးကာ ဟင်းလင်းပြင်ကို တိုက်ရိုက် ခွဲထုတ်လိုက်သည်။ ထို့နောက် သူသည် လက်ကို ပြန်မြှောက်ကာ ‘ကောင်းကင်ဖီးနစ် နတ်ဘုရားစွမ်းရည်’ ကို ထုတ်ဖော်လိုက်ရာ နတ်ဘုရားမီးလျှံများ ပေါ်ထွက်လာပြီး အရာရာကို ပြာကျစေနိုင်သော ဖီးနစ်ငှက်ကြီးတစ်ကောင်အဖြစ် ပြောင်းလဲကာ ကောင်းကင်သို့ ပျံတက်သွားတော့သည်။</p> <p> </p> <p>ဝုန်း</p> <p> </p> <p>ကုချင်းဖန်သည် ရှေးဟောင်းပုံရိပ်များနှင့် တိုက်ခိုက်ရင်း မဟာတာအို နတ်ဘုရားစွမ်းအားများစွာကို ထုတ်ဖော်ခဲ့ရာ အံ့မခန်း ခမ်းနားသော မြင်ကွင်းတစ်ခု ဖြစ်ပေါ်လာခဲ့သည်။ သူထုတ်ဖော်သမျှ နတ်ဘုရားစွမ်းရည်တိုင်းမှာ အနှိုင်းမဲ့စွမ်းအားများ ရှိကြပြီး တိုက်ခိုက်မှုတစ်ခုတည်းနှင့်ပင် သာမန် မဟာသူတော်စင်တစ်ဦးကို အမှုန့်ပြုပစ်ရန် လုံလောက်လှသည်။</p> <p> </p> <p>အချိန်အတော်ကြာပြီးနောက် ပုံရိပ်မှာ ရုတ်တရက် ပျက်စီးသွားတော့သည်။ ထို့နောက် ကုချင်းဖန်၏ ခန္ဓာကိုယ်အတွင်းမှ အားကောင်းသော စွမ်းအားတစ်ခု နိုးထလာခဲ့သည်။ ထိုစွမ်းအား၏အရှိန်အဝါကြောင့် မရေမတွက်နိုင်သော ကြယ်စင်များမှာ ကြေမွသွားခဲ့ရသည်။</p> <p> </p> <p> </p> <p>အမည်: ကုချင်းဖန်</p> <p> </p> <p>အသက်: ၈၀ / ၈၀၀၀</p> <p> </p> <p>နယ်ပယ်: မဟာသူတော်စင်နယ်ပယ် ပထမအဆင့်</p> <p> </p> <p>ကျင့်စဉ်များ: ကောင်းကင်သွေးကြောကျမ်း(တတိယအလွှာ)၊ကောင်းကင်ဓား (ပြီးပြည့်စုံ)၊ မဟာတောရိုင်းလက်သီးကျမ်းစာ(ပြီးပြည့်စုံ)၊ နေနတ်ဘုရားကျင့်စဉ် (ပြီးပြည့်စုံ)၊ ရှေးဟောင်းကောင်းကင်ဓား(ပြီးပြည့်စုံ)၊ ခရမ်းရောင်အထွတ်အထိပ်တာအိုကျမ်း (ပြီးပြည့်စုံ), လီဖုန်းကျမ်း  (ပြီးပြည့်စုံ)၊ နိဗ္ဗာန်တာအိုကျမ်း (တာအိုနန်းတော်နယ်ပယ် ဆဌမအလွှာ)၊ ကောင်းကင်ဖီးနစ်နတ်ဘုရားစွမ်းရည်(အောင်မြင်မှုအနည်းငယ်)၊ ကောင်းကင်ကိုးထပ်ကျမ်း (သူတော်စင်နယ်ပယ် နဝမအဆင့်)၊ နတ်ဘုရားကောင်းကင်မိုးကြိုး (ပြီးပြည့်စုံ)၊ ပေတုတာအိုကျမ်း (ပြီးပြည့်စုံ)၊ နဝမဆင့်ကဲပြောင်းလဲမှုရှေးဦးသိုင်း (ပြီးပြည့်စုံ)</p> <p> </p> <p>အဆင့်မြှင့်တင်ရေးအမှတ် : ၁၃၆</p> <p> </p> <p>“မဟာသူတော်စင်နယ်ပယ်”</p> <p> </p> <p>ကုချင်းဖန်သည် သူ၏ ခန္ဓာကိုယ်အတွင်းပိုင်းကို စစ်ဆေးပြီး အချက်အလက်ပြဇယားကို ကြည့်လိုက်ရာ သူ၏ ကျင့်ကြံမှုမှာ မဟာသူတော်စင်နယ်ပယ်သို့ ပြောင်းလဲသွားသည်ကို တွေ့လိုက်ရသည်။ သူ၏ သက်တမ်းမှာလည်း နှစ်ပေါင်း တစ်ထောင် တိုးလာခဲ့သည်။ စုစုပေါင်း သက်တမ်း ရှစ်ထောင်အနက် ကုချင်းဖန်မှာ တစ်ရာခိုင်နှုန်းပင် မနေရသေးပေ။</p> <p> </p> <p>သို့သော် ကုချင်းဖန် အမှန်တကယ် စိတ်ဝင်စားသည်မှာ သူ၏ လက်ရှိခွန်အား ပြောင်းလဲမှုပင် ဖြစ်သည်။ ယခင် သူတော်စင် နဝမအဆင့်မှာပင် မဟာကောင်းကင်ကြောကို အသုံးမပြုပါက သူ၏ ခွန်အားမှာ မဟာသူတော်စင် ဆဋ္ဌမအဆင့်နှင့် ညီမျှသည်။ ယခု မဟာသူတော်စင်နယ်ပယ်သို့ တက်လှမ်းပြီးနောက် သူ၏ ခွန်အားမှာ မဟာသူတော်စင် နဝမအဆင့်၏ အထွတ်အထိပ်သို့ တိုက်ရိုက် ရောက်ရှိသွားပြီး ‘သူတော်စင်ဘုရင်’ (Saint King) နယ်ပယ်နှင့် ရင်ဘောင်တန်းရန် ခြေတစ်လှမ်းသာ လိုတော့သည်။</p> <p> </p> <p>“မဟာသူတော်စင် ပထမအဆင့် ကျင့်ကြံမှု”</p> <p> </p> <p>“မဟာသူတော်စင် နဝမအဆင့် ခွန်အား”</p> <p> </p> <p>“အကယ်၍ ငါ မဟာကောင်းကင်ကြော တစ်ခုကို အသုံးချရင် ငါ့ရဲ့ ခွန်အားက သူတော်စင်ဘုရင် အဆင့်တွေထဲကို ရောက်သွားလိမ့်မယ်”</p> <p> </p> <p>“အကယ်၍ သုံးသွယ်လုံးကို အသက်သွင်းလိုက်ရင်တော့ သူတော်စင်ဘုရင် တတိယအဆင့်နဲ့ ရင်ဆိုင်နိုင်လိမ့်မယ်”</p> <p> </p> <p>ကုချင်းဖန်သည် ဤပြောင်းလဲမှုအပေါ် အလွန်ကျေနပ်မိသည်။ မဟာသူတော်စင်နယ်ပယ် ပထမအဆင့်မှာပင် ဤမျှဖြစ်ပါက သူသည် မဟာသူတော်စင် နဝမအဆင့်သို့ တက်လှမ်းနိုင်လျှင် ဧကရာဇ်လက်နက်ကို အသုံးမပြုဘဲ ‘ဧကရာဇ်တစ်ပိုင်း’ အဆင့်ရှိသူကိုပင် ယှဉ်ပြိုင်နိုင်လိမ့်မည်ဟု ကုချင်းဖန် ယုံကြည်နေသည်။</p> <p> </p> <p>ဤသို့တွေးရင်း ကုချင်းဖန်သည် ဟင်းလင်းပြင်ထဲသို့ လှမ်းကြည့်လိုက်သည်။ မဟာသူတော်စင်နယ်ပယ်သို့ တက်လှမ်းပြီးနောက် သူ၏ နတ်ဘုရားအာရုံမှာ ဆယ်ဆမျှ ပိုမိုထက်မြက်လာသဖြင့် ယခင်က မသိနိုင်ခဲ့သော အရာအများစုမှာ ယခုအခါ ရှင်းလင်းလာခဲ့သည်။ ကျယ်ပြောလှသော စကြဝဠာထဲတွင် အန္တရာယ်ရှိသော အရှိန်အဝါ အများအပြားကို သူ ခံစားမိနေသည်။</p> <p> </p> <p>သိသာလှသည်မှာ စကြဝဠာဟင်းလင်းပြင်သည် ရိုးရှင်းသည်မဟုတ်ပေ။ သို့သော် ကုချင်းဖန်သည် ချက်ချင်း ခရီးထွက်ရန် အစီအစဉ်မရှိသေးသဖြင့် ဟင်းလင်းပြင်ကို တစ်ချက်ကြည့်ကာ ပြန်လည် ထွက်ခွာလာခဲ့သည်။</p> <p> </p> <p>ကိုးပြည်နယ်သို့ ပြန်ရောက်သောအခါ ကုချင်းဖန်သည် အဆင့်တက်ခြင်းကြောင့် ရရှိလာသော အပြောင်းအလဲများကို လေ့လာလေသည်။ မဟာသူတော်စင်နယ်ပယ်သို့ ရောက်ရှိလာခြင်းက သူ၏ ခွန်အားကို ပြောင်းလဲစေရုံသာမက သူ၏ ‘ရွှေလက်ချောင်း’ စနစ်ကိုလည်း အနည်းငယ် ပြောင်းလဲစေခဲ့သည်။</p> <p> </p> <p>သတင်းအချက်အလက်ပြဇယားနှင့် အချက်အလက်ပြဇယားတို့အပြင် ‘ပေါင်းစပ်ခြင်းဇယား’  အသစ်တစ်ခု ပေါ်ထွက်လာသည်။ ကုချင်းဖန်၏ အကြည့်က ထိုဇယားပေါ် ကျရောက်သွားသည်နှင့် သက်ဆိုင်ရာ အချက်အလက်များ ပေါ်လာတော့သည်။</p> <p> </p> <p>ပေါင်းစပ်ခြင်းဇယား:</p> <p>လောကအတွင်းရှိ ကျင့်စဉ်များနှင့် နတ်ဘုရားစွမ်းရည်များကို ပေါင်းစပ်ပေးနိုင်ပြီး ပိုမိုမြင့်မားသောအဆင့်သို့ တက်လှမ်းနိုင်ရန် အခွင့်အရေးရှိသည်။ ထို့အပြင် ပေါင်းစပ်အောင်မြင်သော မည်သည့်ကျင့်စဉ်မဆို တိုက်ရိုက် ‘ပြည့်စုံခြင်းအဆင့်’ သို့ ရောက်ရှိမည်ဖြစ်သည်။</p> <p> </p> <p>“ကျင့်စဉ်တွေကို ပေါင်းစပ်နိုင်တာလား”</p> <p> </p> <p>“ချက်ချင်း ပြည့်စုံခြင်းအဆင့် ရောက်မယ်ဆိုတော့… ငါသာ မဟာဧကရာဇ်အဆင့် ကျင့်စဉ်ကို ပေါင်းစပ်နိုင်ရင် ချက်ချင်း မဟာဧကရာဇ် ဖြစ်သွားမှာပေါ့”</p> <p> </p> <p>ဤအတွေးဖြင့် ကုချင်းဖန်သည် ‘‌ကောင်းကင်ကိုးထပ်ကျမ်း’ နှင့် ‘နိဗ္ဗာန်တာအိုကျမ်း’ တို့ကို ပေါင်းစပ်နိုင်ခြင်း ရှိမရှိ စမ်းသပ်ကြည့်လိုက်သည်။ ကျင့်စဉ်နှစ်ခု ပေါ်လာသည်နှင့် ပေါင်းစပ်ခြင်းမျက်နှာပြင်တွင် စာသားများ ပေါ်လာတော့သည်။</p> <p>သူတော်စင်ဘုရင်အဆင့်နိမ့်ကျင့်စဉ် ‘‌ကောင်းကင်ကိုးထပ်ကျမ်း’ ကို ရှာဖွေတွေ့ရှိသည်</p> <p>မဟာသူတော်စင်အဆင့်မြင့်ကျင့်စဉ် ‘နိဗ္ဗာန်တာအိုကျမ်း’ ကို ရှာဖွေတွေ့ရှိသည်</p> <p>ဤကျင့်စဉ်နှစ်ခုကို ပေါင်းစပ်ပါက:</p> <p>သူတော်စင်ဘုရင်အဆင့်နိမ့်ကျင့်စဉ် ရရှိနိုင်ခြေ ၈၀%</p> <p>မဟာသူတော်စင်အဆင့်မြင့်ကျင့်စဉ် ရရှိနိုင်ခြေ ၁၀%</p> <p>သူတော်စင်ဘုရင်အဆင့်လတ်ကျင့်စဉ် ရရှိနိုင်ခြေ ၅%</p> <p>သူတော်စင်ဘုရင်အဆင့်မြင့်ကျင့်စဉ် ရရှိနိုင်ခြေ ၃%</p> <p>သူတော်စင်ဘုရင်အထွတ်အထိပ်ကျင့်စဉ် ရရှိနိုင်ခြေ ၁%</p> <p>ဧကရာဇ်တစ်ပိုင်းအဆင့်နိမ့်ကျင့်စဉ် ရရှိနိုင်ခြေ ၀.၁%</p> <p> </p> <p>ဤပေါင်းစပ်ခြင်းအတွက် အဆင့်မြှင့်တင်ရေးအမှတ် တစ်သောင်း လိုအပ်သည်</p> <p> </p> <p>ဖြစ်နိုင်ခြေ အမျိုးမျိုးကို မြင်လိုက်ရသောအခါ ကုချင်းဖန်၏ မျက်လုံးများမှာ အရောင်တောက်သွားသည်။ သူတော်စင်ဘုရင် အထွတ်အထိပ်ကျင့်စဉ်ဆိုသည်မှာ ‘ဧကရာဇ်တစ်ပိုင်း’ အဆင့်သို့ပင် တက်လှမ်းနိုင်သော ကျင့်စဉ်မျိုး ဖြစ်သည်။ ၎င်းမှာ သူတော်စင်ဘုရင်အဆင့်တွင် အမြင့်ဆုံးသော ကျင့်စဉ်ပင်။</p> <p> </p> <p> </p> <p> </p> <p style="text-align: center;">***</p>


Save