Book List

<h2 style="text-align: center;">အခန်း (၄၅၉)</h2> <h2 style="text-align: center;">ထိုက်ရွှီမြင့်မြတ်နယ်မြေမှ အကူအညီတောင်းခံခြင်း (၂)</h2> <h2 style="text-align: center;">*</h2> <h2> </h2> <h2> </h2> <p> </p> <p> </p> <p> </p> <p>ထိုတာအိုနန်းတော်နယ်ပယ် ကျွမ်းကျင်သူသည် ၎င်းကိုမြင်လျှင် ဒေါသတကြီး ဟိန်းဟောက်လိုက်ပြီး တစ်ကိုယ်လုံးရှိ သွေးနှင့်စွမ်းအင်များကို ရုန်းကြွစေကာ ကောင်းကင်ယံကို နေမင်းကြီးအလား လင်းထိန်သွားစေသည်။ သူ၏ ပြင်းထန်လှသော လက်သီးချက်များက ဟင်းလင်းပြင်ကို ရိုက်ခွဲကာ နတ်ဆိုးဝိညာဉ်၏ တိုက်ခိုက်မှုကို တားဆီးရန် ကြိုးပမ်းလိုက်သည်။</p> <p> </p> <p>နောက်တစ်ခဏတွင်မူ ထိုနေမင်းကြီးမှာ အစိတ်စိတ်အမွှာမွှာ ကွဲအက်သွားတော့သည်။</p> <p> </p> <p>တာအိုနန်းတော်နယ်ပယ် ကျင့်ကြံသူသည် တစ်ကိုယ်လုံး တုန်ရင်သွားကာ ပါးစပ်မှ သွေးအသစ်များ အန်ထုတ်လိုက်ရပြီး မျက်နှာမှာ ဖြူလျော့သွားခဲ့သည်။</p> <p> </p> <p>ရှုံးနိမ့်သွားပြီ။</p> <p> </p> <p>တစ်ချက်တည်းနှင့် ရှုံးနိမ့်သွားခြင်းပင်။</p> <p> </p> <p>ဤမြင်ကွင်းကို ကြည့်နေကြသော ကျင့်ကြံသူအားလုံးမှာ စိတ်ပျက်အားငယ်မှုများဖြင့် ပြည့်နှက်သွားကြသည်။ တာအိုနန်းတော်နယ်ပယ်မှာ ရှိရှိသမျှလူထဲတွင် အမြင့်ဆုံး ကျင့်ကြံမှုအဆင့်ဖြစ်သော်လည်း နတ်ဆိုးဝိညာဉ်၏ တစ်ချက်တည်းသော တိုက်ခိုက်မှုကိုပင် မခုခံနိုင်ခဲ့ပေ။ ၎င်း၏ အစွမ်းက လူတိုင်းကို လုံးဝ မျှော်လင့်ချက်မဲ့သွားစေသည်။</p> <p> </p> <p> </p> <p>မြို့တော်ကြီး ကျဆုံးတော့မည့် အခြေအနေသို့ ရောက်ရှိနေစဉ်မှာပင် ရှေးဟောင်းမှန်ချပ်တစ်ခုမှာ ကောင်းကင်သို့ ပျံတက်လာပြီး ထူးကဲသော နတ်ဘုရားအလင်းတန်းများက ကောင်းကင်နှင့် မြေကြီးကို ထိုးဖောက်သွားခဲ့သည်။ လိမ့်တက်လာသော အမည်းရောင် မြူခိုးများသည် ထိုနတ်ဘုရားအလင်းနှင့် ထိတွေ့မိသည်နှင့် မျက်စိဖြင့် မြင်နိုင်သော အရှိန်နှုန်းဖြင့် အရည်ပျော်သွားတော့သည်။</p> <p> </p> <p>“ဝူး...”</p> <p> </p> <p>ရွှံ့နွံထူသော နတ်ဆိုးဝိညာဉ်သည် အန္တရာယ်တစ်ခုကို အာရုံခံမိပုံရပြီး အစွမ်းကုန် ခုခံရန် ကြိုးစားသော်လည်း ဤတိုက်ခိုက်မှုကို လုံးဝ မယှဉ်နိုင်ခဲ့ပေ။ နောက်ဆုံးတွင် နတ်ဘုရားအလင်း ရိုက်ခတ်သွားသောအခါ နတ်ဆိုးဝိညာဉ်၏ ရင်ဘတ်မှာ ထိုးဖောက်ခံလိုက်ရပြီး အမည်းရောင်သွေးများ စီးကျလာသည်။</p> <p> </p> <p>“ထိုက်ရွှီ ရှေးဟောင်းမှန်ချပ် ”</p> <p> </p> <p>“မြင့်မြတ်တဲ့ အရှင်သခင်က ပါဝင်ပတ်သက်လာပြီ”</p> <p> </p> <p>ထိုက်ရွှီမြင့်မြတ်နယ်မြေမှ ကျင့်ကြံသူများသည် ဤသည်ကို မြင်သောအခါ အလွန်အမင်း ဝမ်းသာပီတိ ဖြစ်သွားကြသည်။ ထိုက်ရွှီ ရှေးဟောင်းမှန်ချပ်မှာ ထိုက်ရွှီမြင့်မြတ်နယ်မြေ၏ အထွတ်အထိပ် ရတနာဖြစ်သည်။ ယခု ၎င်းပေါ်လာခြင်းမှာ ‘ယန်လင်ယွင်’ ရောက်ရှိလာခြင်းကို ဆိုလိုသည်။ အကြောင်းမှာ ထိုက်ရွှီမြင့်မြတ်နယ်မြေတစ်ခုလုံးတွင် ယန်လင်ယွင် တစ်ဦးတည်းသာ ဤမှန်ချပ်ကို ကိုင်တွယ်ရန် အရည်အချင်းရှိသောကြောင့်ပင်။</p> <p> </p> <p>အမှန်တကယ်ပင် ထိုက်ရွှီ ရှေးဟောင်းမှန်ချပ်က နတ်ဆိုးဝိညာဉ်ကို အပြင်းအထန် ဒဏ်ရာရစေပြီးနောက် ယန်လင်ယွင်သည် ကောင်းကင်ထက်သို့ ခြေလှမ်းလှမ်းကာ ရောက်ရှိလာသည်။ သူတော်စင်တစ်ပိုင်းနယ်ပယ် ၏ ဖိအားများမှာ ချက်ချင်းပင် အရပ်မျက်နှာအနှံ့ ပျံ့နှံ့သွားတော့သည်။</p> <p> </p> <p>“ထိုက်ရွှီမြင့်မြတ်နယ်မြေရဲ့ တပည့်အားလုံး ငါ့အမိန့်ကို နာခံကြ၊ ငါနဲ့အတူ နတ်ဆိုးဝိညာဉ်ကို သတ်ဖြတ်ကြစို့”</p> <p> </p> <p>စကားဆုံးသည်နှင့် ယန်လင်ယွင်သည် ထိုက်ရွှီ ရှေးဟောင်းမှန်ချပ်ကို ထပ်မံဆင့်ခေါ်လိုက်ရာ ကြီးကျယ်သော သူတော်စင်စွမ်းအားများ ကျရောက်လာသည်။ နတ်ဆိုးဝိညာဉ်မှာ သေဘေးကို အာရုံခံမိပြီး လှည့်ထွက်ပြေးရန် ကြိုးစားသော်လည်း ထိုက်ရွှီ နတ်ဘုရားအလင်းမှာ အလွန်ပင် မြန်ဆန်လှသည်။ တုံ့ပြန်ရန်ပင် အချိန်မရမီ နတ်ဆိုးဝိညာဉ်၏ ဦးခေါင်းမှာ အလင်းတန်းဖြင့် အဖောက်ခံလိုက်ရပြီး ကျန်ရှိသော ကိုယ်ထည်မှာလည်း မှန်ချပ်၏ စွမ်းအားကြောင့် ချက်ချင်းပင် ပြာအဖြစ် ပြောင်းလဲသွားတော့သည်။</p> <p> </p> <p>နတ်ဆိုးဝိညာဉ် ကျဆုံးသွားသည်နှင့် အခြားသော အသက်မဲ့ဝိညာဉ်များမှာလည်း သက်ရှိအင်အားများ ဆုံးရှုံးသွားပုံရပြီး မည်သည့်အသံမျှ မထွက်ဘဲ မြေပြင်ပေါ်သို့ ပြိုလဲကျသွားကြသည်။</p> <p> </p> <p>“ပြီးသွားပြီ”</p> <p> </p> <p>၎င်းကို မြင်သောအခါ လူတိုင်း သက်ပြင်းချနိုင်ကြပြီး သေဘေးမှ သီသီလေး လွတ်မြောက်လာသော ဝမ်းသာမှုများ မျက်နှာတွင် ပေါ်လာကြသည်။ သို့သော် ယန်လင်ယွင် တစ်ဦးတည်းသာ မည်းမှောင်နေသော မြေပြင်ကို ကြည့်ရင်း မျက်နှာမှာ အထူးပင် လေးနက်နေခဲ့သည်။</p> <p> </p> <p>“နတ်ဆိုးဝိညာဉ်”</p> <p> </p> <p>ယန်လင်ယွင်သည် သူ၏ရှေ့မှ ဖြစ်ပျက်မှုမှာ အရှေ့ပိုင်းဒေသတစ်ခုလုံး၏ သေးငယ်သော အစိတ်အပိုင်းမျှသာ ဖြစ်ကြောင်း ကောင်းစွာ သိရှိထားသည်။ နတ်ဆိုးဝိညာဉ်များ၏ လှုပ်ခတ်မှုမှာ ထင်ထားသလောက် မရိုးရှင်းပေ။</p> <p> </p> <p>ထို့အပြင် ယခုလေးတင် နတ်ဆိုးဝိညာဉ်ကို သတ်ဖြတ်နိုင်ခဲ့သော်လည်း ၎င်း၏ စွမ်းအားမှာ သူတော်စင်တစ်ပိုင်း အတားအဆီးကို ချိုးဖျက်ပြီး သူတော်စင်အဆင့်နှင့် ညီမျှနေပြီဖြစ်ကြောင်း သူ ကောင်းစွာ သိသည်။ အကယ်၍ ထိုက်ရွှီ ရှေးဟောင်းမှန်ချပ်ကို အသုံးမပြုပါက ယန်လင်ယွင်သည် ထိုနတ်ဆိုးဝိညာဉ်ကို နှိမ်နင်းနိုင်ရန် ယုံကြည်ချက် ရှိမည်မဟုတ်ပေ။</p> <p> </p> <p>“ဒီ ‘ဓမ္မဆုတ်ယုတ်သောခေတ်’မှာ သူတော်စင်တွေ မပေါ်ထွက်တော့ဘူး။ အခုဆိုရင် နတ်ဆိုးဝိညာဉ်တစ်ခုကတောင် သူတော်စင်နဲ့ ယှဉ်နိုင်တဲ့ စွမ်းအားရှိနေပြီ။ အကယ်၍ ဒီထက် ပိုအစွမ်းထက်တဲ့ နတ်ဆိုးဝိညာဉ်သာ ပေါ်လာရင် အကျိုးဆက်က ကြောက်စရာပဲ”</p> <p> </p> <p>ယန်လင်ယွင်၏ မျက်နှာမှာ ပို၍ လေးနက်လာသည်။ သူတော်စင်အဆင့်ရှိသော နတ်ဆိုးဝိညာဉ်ကို ထိုက်ရွှီမြင့်မြတ်နယ်မြေက ခုခံနိုင်သော်လည်း မဟာသူတော်စင်သို့မဟုတ် သူတော်စင်ဘုရင်  အဆင့်ရှိသော နတ်ဆိုးဝိညာဉ် ပေါ်လာခဲ့လျှင်ကော အခုခေတ် ထိုက်ရွှီမြင့်မြတ်နယ်မြေ မဆိုထားနှင့်၊ အတိတ်က အထွတ်အထိပ် ရောက်နေချိန်မှာပင် ခုခံရန် ခက်ခဲပေလိမ့်မည်။</p> <p> </p> <p>နတ်ဆိုးဝိညာဉ်များသည် ရှေးဟောင်းခေတ်ကတည်းက ရှိခဲ့ခြင်း ဖြစ်သည်။ ထိုခေတ်က ရှေးဟောင်းလောကကို စိုးမိုးခဲ့သော ‘ထိုက်ရိနတ်ဘုရားမင်းဆက်’ ပင်လျှင် နတ်ဆိုးဝိညာဉ်များကို အမြစ်ပြတ် မချေမှုန်းနိုင်ခဲ့ခြင်းက ၎င်းတို့၏ ကြောက်စရာကောင်းမှုကို ပြသနေသည်။ ယခုအခါ နတ်ဆိုးဝိညာဉ်များ ပြန်လည် နိုးထလာသော်လည်း ရှေးဟောင်းလောကတွင် ဒုတိယမြောက် ထိုက်ရိနတ်ဘုရားမင်းဆက် မရှိတော့ပေ။</p> <p> </p> <p>“ထိုက်ရွှီမြင့်မြတ်နယ်မြေ ကိုးခုမြောက်တောင်ထိပ်က အကြီးအကဲ ‘ဖူဟယ်၊ ဧကရာဇ်ကုကို ဂါရဝပြုပါတယ်”</p> <p> </p> <p>နန်းတွင်းခန်းမအတွင်း၌ ခရမ်းရောင်ဝတ်စုံ ဝတ်ဆင်ထားသော ဖူဟယ်သည် အထက်တွင်ရှိသော ကုယန်ကို ရိုသေစွာ နှုတ်ဆက်လိုက်သည်။ သူသည် ကုရွှမ်း၏ ဆရာဖြစ်သော်လည်း ကုယန်၏ ရှေ့တွင် အနည်းငယ်မျှပင် ပေါ့ဆစွာ မပြုမူဝံ့သလို လူကြီးတစ်ယောက်အဖြစ်လည်း မပြောဆိုဝံ့ပေ။ အကြောင်းမှာ သူ၏ရှေ့မှ ပုဂ္ဂိုလ်သည် သိုင်းနတ်ဘုရားမင်းဆက်၏ လက်ရှိ အုပ်ချုပ်သူ ဖြစ်နေသောကြောင့်ပင်။</p> <p> </p> <p>အရှေ့ပိုင်းဒေသရှိ ခရိုင်ပေါင်း ၃၇၃ ခု၏ ကိစ္စရပ်များက ကုယန်၏ သံမဏိစည်းကမ်းနှင့် နည်းလမ်းများကို ဖူဟယ်အား သိစေခဲ့ပြီး ဖြစ်သည်။ သိသာလှသည်မှာ သူ၏ရှေ့မှ ဧကရာဇ်ကုသည် အမှန်တကယ်ပင် အာဏာစက်ကြီးမားသော ပုဂ္ဂိုလ် ဖြစ်သည်။ အကယ်၍ သူ့ကို စော်ကားမိပါက မည်သို့ဖြစ်လာမည်ကို ဖူဟယ် စဉ်းစားရုံနှင့် သိနိုင်သည်။</p> <p> </p> <p>သို့သော် ဖူဟယ်က ရိုသေလေးစားသော်လည်း ကုယန်၏ အမူအရာမှာမူ နူးညံ့ပျော့ပျောင်းနေခဲ့သည်။</p> <p> </p> <p>“အကြီးအကဲဖူ… အခုလို လာရတဲ့ အကြောင်းရင်းကို သိပါရစေ”</p> <p> </p> <p>ကုယန်သည် ဖူဟယ်နှင့် မစိမ်းပေ။ သူ၏ ဒုတိယညီ၏ ဆရာအပေါ်တွင် သူသည် အလွန်ပင် လေးစားမှု ရှိသည်။ ယခုအခါ သူသည် မင်းဆက်တစ်ခု၏ အုပ်ချုပ်သူ ဖြစ်သလို တာအိုနန်းတော်နယ်ပယ် ပဉ္စမအဆင့်  ကျွမ်းကျင်သူ ဖြစ်နေသော်လည်း၊ ပထမအဆင့်တွင်သာ ရှိသော ဖူဟယ်ကို ကုယန်က ယဉ်ကျေးစွာ ဆက်ဆံနေဆဲ ဖြစ်သည်။</p> <p> </p> <p>ကုယန်၏ နူးညံ့သော စကားများကို ကြားသောအခါ ဖူဟယ်သည် စိတ်သက်သာရာရသွားပြီး အဓိက အကြောင်းရင်းကို တိုက်ရိုက် တင်ပြလိုက်တော့သည်။</p> <p> </p> <p>“အရှင်မင်းကြီး… ထိုက်ရွှီမြင့်မြတ်နယ်မြေဟာ နတ်ဆိုးဝိညာဉ်တွေရဲ့ တိုက်ခိုက်မှုကို ခံနေရပါတယ်။ အခုဆိုရင် ပြည်နယ် ၃ ခု ကျဆုံးသွားပြီဖြစ်ပြီး ကျင့်ကြံသူ ကုဋေတစ်ရာကျော် သေဆုံးခဲ့ရပါပြီ။ ကျွန်တော်တို့ အစွမ်းကုန် ခုခံနေပေမဲ့ နတ်ဆိုးဝိညာဉ်တွေရဲ့ ကျူးကျော်မှုကို မတားဆီးနိုင်တော့ပါဘူး။”</p> <p> </p> <p>“ဒါကြောင့် သိုင်းနတ်ဘုရားမင်းဆက်အနေနဲ့ နတ်ဆိုးဝိညာဉ်တွေကို ခုခံဖို့ ထိုက်ရွှီမြင့်မြတ်နယ်မြေကို ကူညီပေးပါရန် ကျွန်တော် လာရောက် တောင်းခံခြင်း ဖြစ်ပါတယ်။”</p> <p> </p> <p>ပြောပြီးနောက် ဖူဟယ်သည် ကုယန်ကို ဦးညွှတ်လိုက်သည်။</p> <p> </p> <p>အကူအညီ တောင်းခံခြင်း။</p> <p> </p> <p>ဖူဟယ်၏ စကားကို ကြားသောအခါ ကုယန်၏ မျက်နှာမှာ ရှင်းလင်းသွားသည်။ ထို့နောက် သူက ပြုံး၍ ပြောလိုက်သည် -</p> <p> </p> <p> </p> <p> </p> <p>“ထိုက်ရွှီမြင့်မြတ်နယ်မြေနဲ့ သိုင်းနတ်ဘုရားမင်းဆက်ဟာ မဟာမိတ်တွေ ဖြစ်ပါတယ်။ အခုလို မဟာမိတ် အခက်အခဲ တွေ့နေချိန်မှာ သိုင်းနတ်ဘုရားမင်းဆက်က သဘာဝအတိုင်း ကူညီမှာပါ။ အကြီးအကဲအနေနဲ့ မြို့တော်မှာ ရက်အနည်းငယ် နားနေပါ၊ ကျွန်တော် လိုအပ်တာတွေ စီစဉ်လိုက်ပါ့မယ်”</p> <p> </p> <p>“ဒါဆိုရင် ကျေးဇူးတင်ပါတယ် အရှင်မင်းကြီး”</p> <p> </p> <p>ဖူဟယ်သည် သိသိသာသာ စိတ်သက်သာရာရသွားပြီး သူ၏ တင်းမာသော မျက်နှာတွင် အပြုံးတစ်ခု ပေါ်လာခဲ့သည်။</p> <p> </p> <p>နန်းတွင်းညီလာခံ ပြီးဆုံးပြီးနောက် ကုယန်သည် ကုယီကို ဆင့်ခေါ်လိုက်သည်။</p> <p> </p> <p>“ထိုက်ရွှီမြင့်မြတ်နယ်မြေနဲ့ နတ်ဆိုးဝိညာဉ်တွေရဲ့ အခြေအနေနဲ့ ပတ်သက်ပြီး သတင်းအချက်အလက်အားလုံးကို ကျင်ယီအစောင့်တပ်ကနေ စုဆောင်းပေးပါ။ ၃ ရက်အတွင်း ပြီးနိုင်မလား”</p> <p> </p> <p>“ကျွန်တော်မျိုး အစွမ်းကုန် ဆောင်ရွက်ပါ့မယ်”</p> <p> </p> <p>ကုယီသည် လေးနက်သော အမူအရာဖြင့် အမိန့်ကို နာခံလိုက်သည်။</p> <p> </p> <p>“နတ်ဆိုးဝိညာဉ်တွေရဲ့ လှုပ်ခတ်မှု”</p> <p> </p> <p>“ဒီကိစ္စက တကယ်ကို သေးငယ်တဲ့ ပြဿနာ မဟုတ်ဘူး”</p> <p> </p> <p>ကုယန်၏ အမူအရာမှာ လေးနက်နေသည်။</p> <p> </p> <p>ကိုးပြည်နယ်အတွင်း၌ နတ်ဆိုးဝိညာဉ်များ မည်သို့ပင် သောင်းကျန်းနေပါစေ၊ သိုင်းနတ်ဘုရားမင်းဆက်၏ အင်အားဖြင့် တိုက်ရိုက် နှိမ်နင်းနိုင်သည်။ ထို့အပြင် ကိုးပြည်နယ်၏ တည်ငြိမ်မှုအတွက် အကြီးမားဆုံး အချက်မှာ ‘ကုချင်းဖန်’ ရှိနေခြင်းပင် ဖြစ်သည်။ သူရှိနေသမျှ ကာလပတ်လုံး ကုယန်သည် နတ်ဆိုးဝိညာဉ်များအတွက် စိုးရိမ်စရာ မရှိပေ။</p> <p> </p> <p>သို့သော် ကိုးပြည်နယ်ကို နတ်ဆိုးဝိညာဉ်များ မထိခိုက်နိုင်သော်လည်း အရှေ့ပိုင်းဒေသရှိ ခရိုင် ၃၇၃ ခုမှ သတင်းများအရ နတ်ဆိုးဝိညာဉ် လှုပ်ရှားမှုများ ရှိနေကြောင်း သိရသည်။ ယခု ထိုက်ရွှီမြင့်မြတ်နယ်မြေ၏ အကူအညီတောင်းခံမှုက နတ်ဆိုးဝိညာဉ် ပြဿနာမှာ သူထင်ထားသည်ထက် ပိုမို ပြင်းထန်နိုင်ကြောင်း ကုယန်ကို သတိပြုမိစေခဲ့သည်။</p> <p> </p> <p>၃ ရက်အကြာတွင် ကုယီသည် စုဆောင်းထားသော သတင်းများကို တင်ပြလာသည်။ စာရွက်စာတမ်းအားလုံးကို ဖတ်ပြီးနောက် ကုယန်၏ မျက်နှာမှာ ပို၍ပင် လေးနက်လာခဲ့သည်။</p> <p> </p> <p>“ထိုက်ရွှီမြင့်မြတ်နယ်မြေရဲ့ အခြေအနေက ဒီလောက်အထိ ဆိုးရွားနေလိမ့်မယ်လို့ မထင်ထားခဲ့ဘူး၊ ဖူဟယ် ကိုယ်တိုင် အကူအညီ လာတောင်းတာ မဆန်းတော့ဘူး”</p> <p> </p> <p>အခြေအနေကို နားလည်ပြီးနောက် ကုယန်သည် ဆုံးဖြတ်ချက် ချလိုက်သည်။ အကူအညီ ပေးရမည် မဖြစ်မနေ ပေးရမည် ‘နှုတ်ခမ်းမရှိရင် သွားတွေ ချမ်းတတ်တယ်’ ဆိုသည့် စကားကို ကုယန် မည်သို့ နားမလည်ဘဲ နေမည်နည်း။</p> <p> </p> <p>ထိုက်ရွှီမြင့်မြတ်နယ်မြေ ပျက်စီးသွားပါက နတ်ဆိုးဝိညာဉ်များကို နောက်ထပ် ရင်ဆိုင်ရမည့်သူမှာ သိုင်းနတ်ဘုရားမင်းဆက် ဖြစ်လာပေလိမ့်မည်။ အပြန်အလှန်အားဖြင့် သိုင်းနတ်ဘုရားမင်းဆက်က တပ်ဖွဲ့စေလွှတ် ကူညီလိုက်ပါက ထိုက်ရွှီမြင့်မြတ်နယ်မြေက နတ်ဆိုးဝိညာဉ်များကို ခုခံနိုင်မည်ဖြစ်ပြီး သိုင်းနတ်ဘုရားမင်းဆက်အပေါ် ကျရောက်မည့် ဖိအားများမှာလည်း များစွာ လျော့နည်းသွားမည် ဖြစ်သည်။</p> <p> </p> <p>ထို့အပြင် ကြယ်တာရာမင်းဆက် ကျူးကျော်စဉ်ကလည်း ထိုက်ရွှီမြင့်မြတ်နယ်မြေက ပါဝင်ကူညီခဲ့ဖူးသည်။ ထို့ကြောင့် မည်သည့်ဘက်မှ ကြည့်ကြည့် ကုယန်အနေဖြင့် လျစ်လျူရှုထားရန် မဖြစ်နိုင်ပေ။</p> <p> </p> <p>ထို့ကြောင့် ကုယန်သည် ရှီကျင်းကို ထပ်မံဆင့်ခေါ်ကာ အထူးတပ်ဖွဲ့ဝင် ၁၀ သန်းကို ဦးဆောင်ပြီး ‘နတ်ဘုရားသတ်လှံ’  ကို ယူဆောင်၍ ထိုက်ရွှီမြင့်မြတ်နယ်မြေသို့ သွားရောက်ကာ နတ်ဆိုးဝိညာဉ်များကို နှိမ်နင်းရန် အမိန့်ပေးလိုက်တော့သည်။</p> <p> </p> <p>ဤသတင်းကို ကြားရသောအခါ ဖူဟယ်မှာ အတိုင်းမသိ ဝမ်းသာသွားခဲ့သည်။</p> <p> </p> <p>“မြို့တော်စောင့်ရှောက်ရေး မြို့စားကိုယ်တိုင် ပါဝင်မယ်ဆိုရင်တော့ ဒီတစ်ကြိမ် နတ်ဆိုးဝိညာဉ်တွေရဲ့ အန္တရာယ်က စိုးရိမ်စရာ မရှိတော့ဘူး”</p> <p> </p> <p>ဖူဟယ်သည် ရှီကျင်း၏ ကျော်ကြားမှုကို သဘာဝအတိုင်း ကြားဖူးနားဝ ရှိသည်။ သူသည် ကွေ့ယွမ်မင်းဆက်ကို ဖျက်ဆီးရာတွင် ဦးဆောင်ခဲ့သော ထိပ်တန်းကျွမ်းကျင်သူ ဖြစ်သည်။ ကုယန်က ရှီကျင်းကို စေလွှတ်လိုက်ခြင်းမှာ ထိုက်ရွှီမြင့်မြတ်နယ်မြေကို ကူညီရန် သိုင်းနတ်ဘုရားမင်းဆက်က မည်မျှအထိ အလေးထားကြောင်း ပြသနေခြင်းပင် ဖြစ်သည်။</p> <p> </p> <p> </p> <p> </p> <p> </p> <p style="text-align: center;">***</p>


Save