Book List

<h2 style="text-align: center;">အခန်း (၄၆၁)</h2> <h2 style="text-align: center;"> ရှေးဟောင်းချင်မိသားစု (၂)</h2> <h2 style="text-align: center;">*</h2> <p> </p> <p> </p> <p> </p> <p> </p> <p>...</p> <p>“အဖေ”</p> <p> </p> <p>ဒီနေ့မှာတော့ ကုယန်ဟာ ကုမိသားစုစံအိမ်ကို ကိုယ်တိုင်ရောက်ရှိလာသည်။</p> <p> </p> <p>ကုချင်းဖန်က တစ်ဖက်လူကို တစ်ချက်ကြည့်လိုက်ပြီး အေးအေးဆေးဆေးပဲ မေးလိုက်သည်။</p> <p> </p> <p>“ဘာကိစ္စရှိလို့လဲ”</p> <p> </p> <p>“အလယ်ပိုင်းဒေသမှာ ဖျက်ဆီးခြင်းအဆင့်ရှိတဲ့ နတ်ဆိုးဝိညာဉ်တစ်ခု ပေါ်ထွက်လာတယ်လို့ သတင်းရပါတယ်၊ ‘မဟာကျိုးမင်းဆက်’ လည်း ပျက်စီးသွားပြီ၊ ပြည်နယ်တစ်ခုလုံးမှာရှိတဲ့ သက်ရှိအားလုံး သေဆုံးကုန်ပြီး နတ်ဆိုးဝိညာဉ်ရဲ့ အစာဖြစ်သွားကြပြီ”</p> <p> </p> <p>ကုယန်ရဲ့ မျက်နှာအမူအရာဟာ အလွန်ပဲ လေးနက်နေပြီး စကားတစ်လုံးချင်းစီကို ဂရုတစိုက် ပြောကြားနေသည်။ ဒါကို ကြားလိုက်ရတဲ့အခါ ကုချင်းဖန်ရဲ့ မျက်နှာဟာ ရုတ်တရက် အနည်းငယ် ပြောင်းလဲသွားသည်။</p> <p> </p> <p>“ဖျက်ဆီးခြင်းအဆင့် နတ်ဆိုးဝိညာဉ်”</p> <p> </p> <p>သူဟာ မဟာကျိုးမင်းဆက်အကြောင်း အနည်းငယ် ကြားဖူးပေမဲ့ အသေးစိတ်ကိုတော့ မသိပေ။ မဟာကျိုးမင်းဆက်ဟာ အလယ်ပိုင်းဒေသမှာ ရှိပြီး ကိုးပြည်နယ်ဟာ အရှေ့ပိုင်းဒေသနဲ့ ကပ်လျက်ရှိတာကြောင့် အလွန်အလှမ်းဝေးလှသည်။ ဒါပေမဲ့ ‘ဧကရာဇ်မင်းဆက်’ လို့ ခေါ်ဝေါ်နိုင်တဲ့ ဘယ်အင်အားစုမဆို သူတို့ရဲ့ အခြေခံခိုင်မာမှုဟာ ရိုးရှင်းတာတော့ မဟုတ်ချေ။</p> <p> </p> <p>ဒါ့အပြင် အလယ်ပိုင်းဒေသဟာ ရှေးဟောင်းလောကရဲ့ ဗဟိုချက်ဖြစ်သလို အစည်ကားဆုံးနေရာလည်း ဖြစ်သည်။ အဲဒီနေရာမှာ ရပ်တည်နိုင်တဲ့ မင်းဆက်တစ်ခုဟာ တခြားမင်းဆက်တွေထက် အစွမ်းထက်မှာကတော့ မြေကြီးလက်ခတ်မလွဲပဲဖြစ်သည်။ အခု အဲဒီမင်းဆက်ကြီး ပျက်စီးသွားပြီဆိုတာက ကုချင်းဖန်ကိုတောင် စိတ်မအေးဖြစ်စေသည်။</p> <p> </p> <p>ကုယန်က ဆက်ပြောသည်။ “မဟာကျိုးမင်းဆက် ပျက်စီးသွားတာဟာ နတ်ဆိုးဝိညာဉ်ကြောင့် ဖြစ်ပေါ်တဲ့ သဘာဝဘေးအန္တရာယ်တစ်ခုလို့ ဆိုရမယ်၊ ဘယ်သူမှ အခြေအနေအမှန်ကို အတိအကျမသိဘူး။ ဒါပေမဲ့ ဒီကိစ္စက အိပ်စက်နေတဲ့ ရှေးဟောင်းသူတော်စင်တစ်ပါးကို နိုးထလာစေခဲ့တယ်။ အဲဒီသူတော်စင်ဟာ ‘ရှေးဟောင်းလမင်းပြည်နယ်’ ထဲကို တစ်ဦးတည်း ဝင်သွားခဲ့ပေမဲ့ ပြန်ထွက်လာတဲ့အခါမှာတော့ ဒဏ်ရာအပြင်းအထန် ရလာခဲ့တယ်။”</p> <p> </p> <p>“ကျိုးဒေသမှာ ဖျက်ဆီးခြင်းအဆင့် နတ်ဆိုးဝိညာဉ် ပေါ်လာပြီ၊ ပြည်နယ်ထဲက ကျင့်ကြံသူအားလုံး သေဆုံးကုန်ပြီလို့ အဲဒီသူတော်စင်က အတိအလင်း ပြောခဲ့တယ်။ ဒီနတ်ဆိုးဝိညာဉ် ပေါ်ထွက်လာတာဟာ ရှေးဟောင်းလောကတစ်ခုလုံးကို ထိခိုက်စေမယ့် ဘေးဒုက္ခပဲ”</p> <p> </p> <p>စကားဆုံးတာနဲ့ ကုချင်းဖန်က ရုတ်တရက် မေးလိုက်သည်။ “အဲဒီသူတော်စင် ဘာဖြစ်သွားလဲ”</p> <p> </p> <p>“သေဆုံးသွားပါပြီ”</p> <p> </p> <p>“သေသွားပြီ ဟုတ်လား”</p> <p> </p> <p>“ဟုတ်ကဲ့” ကုယန်က ခေါင်းညိတ်ပြသည်။</p> <p> </p> <p>“သူ ပြန်လာပြီး ရက်အနည်းငယ်အကြာမှာပဲ ရူးသွပ်သွားပြီး သေဆုံးသွားတာပါ။ သူသေဆုံးပြီးနောက်မှာ သူ့ရဲ့ ရုပ်အလောင်းက ထူးဆန်းတဲ့ ပြောင်းလဲမှုတွေ ဖြစ်လာပြီး နတ်ဆိုးဝိညာဉ်အဖြစ် ပြန်လည်နိုးထလာမယ့် လက္ခဏာတွေ ပြနေတယ်လို့ သတင်းထွက်နေတယ်။ အဲဒီနိုးထမှုကို စိုးရိမ်တဲ့အတွက် သူပိုင်ဆိုင်တဲ့ အင်အားစုက နည်းလမ်းအမျိုးမျိုးနဲ့ ရုပ်အလောင်းကို နှိမ်နင်းထားရတယ်လို့ သိရပါတယ်။”</p> <p> </p> <p>ဒါကို ကြားလိုက်ရတဲ့အခါ ကုချင်းဖန် နားလည်သွားသည်။ မင်းဆက်တစ်ခုကို ဖျက်ဆီးနိုင်ပြီး သူတော်စင်တစ်ပါးကိုတောင် သေစေနိုင်တဲ့အရာဟာ ‘ဖျက်ဆီးခြင်းအဆင့်’ နတ်ဆိုးဝိညာဉ် ဖြစ်သည်။</p> <p> </p> <p>နတ်ဆိုးဝိညာဉ်တွေကို အဆင့်ခွဲခြားရာမှာ ‘ဧကရာဇ်တစ်ပိုင်း’အဆင့်နဲ့ ယှဉ်နိုင်မှသာ ဖျက်ဆီးခြင်းအဆင့်လို့ သတ်မှတ်နိုင်သည်။ ဒါဟာ သဘာဝဘေးအန္တရာယ်အဆင့်ထက် များစွာ ကျော်လွန်လှသည်။ အားနည်းဆုံးသော ဖျက်ဆီးခြင်းအဆင့် နတ်ဆိုးဝိညာဉ်ဟာတောင် ဧကရာဇ်တစ်ပိုင်းနဲ့ ညီမျှပြီး အင်အားအကြီးဆုံးတွေကတော့ အနှိုင်းမဲ့ ‘မဟာဧကရာဇ်’တွေနဲ့တောင် ရင်ဘောင်တန်းနိုင်သည်။</p> <p> </p> <p>“အခု အလယ်ပိုင်းဒေသက ဘာတွေစီစဉ်နေလဲ” ကုချင်းဖန် မေးလိုက်သည်။</p> <p> </p> <p>“‘လောကီမသေမျိုးဂိုဏ်း နဲ့ ရှေးဟောင်းလောကရဲ့ ‘ကုမိသားစု’ လိုမျိုး ဧကရာဇ်အဆင့် အင်အားစုတွေက ဦးဆောင်ပြီး ရှေးဟောင်းလောကတစ်ခုလုံးရဲ့ အင်အားကို စုစည်းဖို့ သတင်းစကားတွေ ပေးပို့နေကြတယ်။ မဟာကျိုးမင်းဆက်ကို ဖျက်ဆီးခဲ့တဲ့ နတ်ဆိုးဝိညာဉ်ဟာ နောက်ထပ်တစ်ဆင့်တက်ပြီး မဟာဧကရာဇ်အဆင့်ကို ရောက်သွားမှာကို သူတို့ စိုးရိမ်နေကြတာပါ။ အကယ်၍ မဟာဧကရာဇ်အဆင့် နတ်ဆိုးဝိညာဉ်သာ ပေါ်လာရင် လူသားမျိုးနွယ်တစ်ခုလုံးအတွက် ကပ်ဘေးပဲ” ကုယန်က လေးနက်တဲ့ အသံနဲ့ ပြောကြားလိုက်သည်။</p> <p> </p> <p>ယနေ့ခေတ် ရှေးဟောင်းလောကမှာ မဟာဧကရာဇ်တွေ မရှိတော့တာကြောင့် အကယ်၍ ထိုသို့သော နတ်ဆိုးဝိညာဉ် ပေါ်လာပါက အကျိုးဆက်ဟာ မှန်းဆလို့မရနိုင်ပေ။</p> <p> </p> <p> </p> <p> </p> <p>ကုချင်းဖန်က အသက်ကို ပြင်းပြင်းရှူလိုက်ပြီး တည်ငြိမ်မှုကို ပြန်လည်ထိန်းသိမ်းလိုက်သည်။ “ဒါနဲ့ မင်း ဒီကိုလာရတဲ့ ရည်ရွယ်ချက်က ဘာလဲ”</p> <p> </p> <p>“ရှေးဟောင်းချင်မိသားစုက လူတွေ ရောက်နေပါတယ်၊ အဖေကိုယ်တိုင် အလယ်ပိုင်းဒေသကို ကြွပေးဖို့ သူတို့ မျှော်လင့်နေကြတယ်” ကုယန်က အမှန်အတိုင်း ဖြေလိုက်သည်။</p> <p> </p> <p>“ရှေးဟောင်းချင်မိသားစု” ကုချင်းဖန် ခေါင်းညိတ်လိုက်သည်။</p> <p> </p> <p>ရှေးဟောင်းလောကရှိ ချင်မိသားစုများစွာအနက် ‘ရှေးဟောင်း’ဟူသော စကားလုံးကို ရှေ့ကတပ်နိုင်တာဟာ တစ်ခုတည်းသာ ရှိသည်။ ဒါဟာ ထိုမိသားစုဟာ ရှေးဟောင်းခေတ်ကတည်းက တည်ရှိခဲ့တဲ့ မြင့်မြတ်တဲ့ မျိုးရိုးဖြစ်ကြောင်း ပြသနေတာဖြစ်သည်။ လောကီနတ်မင်းဂိုဏ်းလိုပဲ ရှေးဟောင်းချင်မိသားစုဟာလည်း မဟာဧကရာဇ်တွေကို မွေးထုတ်ပေးခဲ့ဖူးပြီး သူတို့ရဲ့ ကိုယ်ထဲမှာ ဧကရာဇ်သွေးမျိုးဆက်  တွေ စီးဆင်းနေသည်။</p> <p> </p> <p>မဟာဧကရာဇ်ဆိုတာ ရှေးဟောင်းလောကရဲ့ အမြင့်ဆုံး ကျင့်ကြံမှုအဆင့် ဖြစ်သည်။ ဧကရာဇ်တစ်ပိုင်းတွေတောင် မဟာဧကရာဇ်ရှေ့မှာ ပုရွက်ဆိတ်လိုပဲ ရှိကြတာဖြစ်ပြီး မဟာဧကရာဇ်တစ်ဦး ပေါ်ထွက်လာတိုင်း သူရဲ့ တိုက်ရိုက်သွေးမျိုးဆက်အားလုံးဟာ ဧကရာဇ်သွေးမျိုးဆက်အဖြစ် ပြောင်းလဲသွားကြသည်။ အဲဒီအခါ ပါရမီဟာ အံ့မခန်း ပြောင်းလဲသွားပြီး မျိုးဆက်ပေါင်းများစွာတိုင်အောင် အဲဒီစွမ်းအားကို လက်ဆင့်ကမ်းနိုင်ကြသည်။</p> <p> </p> <p>ဒါကြောင့် မဟာဧကရာဇ် ရှိခဲ့ဖူးတဲ့ မိသားစုတွေဟာ ထာဝရ တည်တံ့နိုင်ကြတာဖြစ်သည်။ ယခု ကုယန်ပြောတဲ့ ရှေးဟောင်းချင်မိသားစုမှာလည်း မဟာဧကရာဇ် ကွယ်လွန်ခဲ့တာ ကြာပြီဖြစ်ပေမဲ့ ယနေ့တိုင် အလယ်ပိုင်းဒေသရဲ့ ထိပ်တန်းအင်အားစုအဖြစ် ရှိနေဆဲပင်ဖြစ်ပြီး သူတို့ဆီမှာ သူတော်စင်တွေ၊ သူတော်စင်ဘုရင်တွေနဲ့ ဧကရာဇ်တစ်ပိုင်းတွေဟာ တခြားအင်အားစုတွေထက် ပိုမိုများပြားလှသည်။</p> <p> </p> <p>ကုချင်းဖန် စဉ်းစားမိတာက - အကယ်၍ တစ်နေ့မှာ သူကိုယ်တိုင် မဟာဧကရာဇ်နယ်ပယ်ကို ရောက်ရှိခဲ့ရင် သူရဲ့ ကုမိသားစု သွေးမျိုးဆက်အားလုံးဟာလည်း ဧကရာဇ်သွေးမျိုးဆက်တွေအဖြစ် ပြောင်းလဲသွားမှာဖြစ်ပြီး အဲဒီအခါ သူရရှိမယ့် အဆင့်မြှင့်တင်ရေးအမှတ်တွေဟာ မှန်းဆလို့တောင် မရနိုင်တော့ချေ။</p> <p> </p> <p>သူဟာ ကုယန်ကို ကြည့်ပြီး တည်ငြိမ်စွာ ပြောလိုက်သည်။ “ချင်မိသားစုက လူတွေ ဘယ်မှာလဲ ဒီလို ဧကရာဇ်မိသားစုဆိုတာ ဘာတွေများ ထူးခြားနေလဲဆိုတာ ငါ မြင်ချင်သေးတယ်”</p> <p> </p> <p>“ဒါဆိုရင် မနက်ဖြန်မှာ ရှေးဟောင်းချင်မိသားစုက လူတွေကို ဒီစံအိမ်ကို လာပြီး အဖေ့ကို ဂါရဝပြုဖို့ ကျွန်တော် စီစဉ်လိုက်ပါ့မယ်”</p> <p> </p> <p>ကုယန်ဟာ သိသိသာသာ သက်ပြင်းချနိုင်သွားသည်။ အမှန်အတိုင်းပြောရရင် ရှေးဟောင်းချင်မိသားစုရဲ့ အရှိန်အဝါက သူ့အပေါ် ဖိအားအတော်အတန် ပေးနေခဲ့သည်။ သိုင်းနတ်ဘုရားမင်းဆက်ဟာ ဆယ်စုနှစ်တွေအတွင်း အင်အားကြီးထွားလာခဲ့ပေမဲ့ ရှေးဟောင်းချင်မိသားစုနဲ့ ယှဉ်ရင် ကွာဟချက်ဟာ ကြီးမားနေဆဲ ဖြစ်သည်။ သူတို့ဟာ ဧကရာဇ်လက်နက်တွေကိုတောင် ပိုင်ဆိုင်ထားကြပြီး ကုယန်အတွက် အကြီးမားဆုံး အားကိုးရာဟာ ကုချင်းဖန်ပဲ ဖြစ်သည်။</p> <p> </p> <p>နောက်တစ်နေ့မှာတော့ လူငယ်ကျင့်ကြံသူတစ်ဦး ကုမိသားစုစံအိမ်ကို ရောက်ရှိလာပြီး ဖိတ်ကြားလွှာကို ကုပန် ထံ ကမ်းပေးလိုက်သည်။</p> <p> </p> <p>“ရှေးဟောင်းချင်မိသားစုက ‘ချင်းရော့ဖုန်း’  ပါ၊ ကုချင်းဖန် အရှင်သခင်ကို ဂါရဝပြုဖို့ လာရောက်တာ ဖြစ်ပါတယ်။ ကျွန်တော့်အတွက် လမ်းစဖွင့်ပေးဖို့ မျှော်လင့်ပါတယ်”</p> <p> </p> <p> </p> <p> </p> <p> </p> <p style="text-align: center;">***</p>


Save