Book List

<h2 style="text-align: center;">အပိုင်း (၇၈၈)</h2> <h2 style="text-align: center;">သွေးမီးလျှံများ</h2> <h2 style="text-align: center;">*</h2> <h2 style="text-align: center;"> </h2> <p> </p> <p>ကျင်းထောင်ရှန်းသည် မြို့တော်ခန်းမအတွင်း၌ အကြိမ်ကြိမ် စုံစမ်းစစ်ဆေးခံရမှုများမှ ရှောင်ကွင်းလွတ်မြောက်ခဲ့ပြီး သူ၏ကိုယ်ပိုင်အင်အားစုကို တိတ်တဆိတ် တည်ထောင်ခဲ့သည်။ သူတို့သည် မြို့တော်ဝန်၏ အဆိုပြုချက်အားလုံးကို ဆန့်ကျင်ခဲ့ကြပြီး အနက်ရောင်တောင်တန်း တားမြစ်နယ်မြေ ဆုံးရှုံးမှုကြောင့် မြို့တော်ခန်းမ၏ ဂုဏ်သိက္ခာ ထိုးကျသွားချိန်တွင် ၎င်းကို အောင်မြင်စွာ ခွဲထုတ်နိုင်ခဲ့သည်။</p> <p>ဟန်ဟိုင်းစုံစမ်းစစ်ဆေးရေးဌာန၏ သစ္စာရှိလက်ပါးစေတစ်ဦးဖြစ်သော ကျင်းထောင်ရှန်းသည် အိပ်မက်သရဲအသစ်ဖြစ်လာရန် စိတ်ပိုင်းဖြတ်ထားသူဖြစ်သည်။ သူသည် ပြည်သူများကို ကယ်တင်ရန်နှင့် တားမြစ်နယ်မြေများကို ထိန်းချုပ်ရန်ဟူသော အကြောင်းပြချက်ကို အသုံးချကာ သူ့အင်အားစုများကို စုစည်းပြီး ထိန်းချုပ်မှုလွတ်နေသော တားမြစ်နယ်မြေအမျိုးမျိုးအတွင်းသို့ ဝင်ရောက်ကာ ယဇ်ပလ္လင်ပိုင်ရှင်၏ မှတ်ဉာဏ်များကို စုဆောင်းခဲ့သည်။ ထိုမှတစ်ဆင့် ၎င်း၏ ဝိညာဉ်ကို ရှာဖွေနိုင်ရန် သူ မျှော်လင့်ထားခဲ့သည်။</p> <p>ကောင်းမင်နှင့် သူ့အဖွဲ့တို့ ရှေ့တန်းမှနေ၍ ရန်သူ့အာရုံကို လွှဲထားချိန်တွင် ကျင်းထောင်ရှန်းက အရိပ်ထဲတွင် လှုပ်ရှားနေခဲ့သည်။ နောက်ပိုင်းတွင် မြို့တော်ခန်းမသည် အမှောင်စည်းမျဉ်းများ၏ သင်္ကေတဖြစ်ကြောင်း နတ်ဘုရား၏ မှတ်ဉာဏ်များမှတစ်ဆင့် သူသိရှိခဲ့ရသည်။ အမှောင်စည်းမျဉ်းများကို အပြည့်အဝရရှိရန်အတွက် သူသည် မြို့တော်ဝန်ရာထူးကို သိမ်းပိုက်ရန် ကြံစည်တော့သည်။</p> <p>သူသည် အင်အားသုံးခြင်း၊ ပရိယာယ်သုံးခြင်းနှင့် အကွက်ဆင်ခြင်း စသည့် နည်းလမ်းမျိုးစုံကို အသုံးပြုခဲ့သည်။ သို့သော်လည်း နောက်ဆုံးတွင် ကျင်းထောင်ရှန်းမှာ အကွက်ဆင်ခံလိုက်ရပြီး ခရိုင် ၁၃ရှိ သူ့ရုံးခန်းအတွင်း၌ပင် သူ့ကိုယ်သူ သတ်သေခဲ့ရသည်။</p> <p>မြို့တော်ဝန်ရာထူးကို မရရှိခဲ့သော်လည်း ကျင်းထောင်ရှန်းသည် မြို့တော်ကောင်စီကို အတွင်းမှနေ၍ အားနည်းသွားအောင် လုပ်ဆောင်နိုင်ခဲ့သည်။ သူသည် ကောင်စီဝင်များနှင့် သူတို့၏ နောက်ကွယ်မှ ထောက်ပံ့သူများအကြား ဖရိုဖရဲတိုက်ပွဲများကို ဖြစ်ပေါ်စေခဲ့ပြီး ခရိုင် ၁၃၏ အခိုင်အမာတည်ရှိမှုကို ပြိုကွဲစေခဲ့သည်။</p> <p>“အမှောင်ယဇ်ပလ္လင်ထဲမှာ ဟန်ဟိုင်းကလူတွေ ကျန်နေသေးတာလား”</p> <p>ကျင်းထောင်ရှန်းသည် သူသေဆုံးချိန်အထိ ပုန်းအောင်းနေခဲ့သဖြင့် သူကိုယ်သူ နောက်ဆုံးထွက်လာသူဟု ယုံကြည်နေခြင်း ဖြစ်သည်။</p> <p>“အများကြီး ကျန်သေးတယ်”</p> <p>ကောင်းမင်မှာမူ ပြန်လည်ကောင်းမွန်ရန် ကြိုးစားနေသည်မှာ ကြာပြီဖြစ်သော်လည်း မြေပြင်ပေါ်တွင် လဲလျောင်းနေရဆဲဖြစ်ကာ မတ်တပ်ပင် မရပ်နိုင်သေးပေ။</p> <p>ကျင်းထောင်ရှန်းနောက်တွင် ဟန်ဟိုင်းမှ သရဲများ ထပ်မံရောက်လာကြပြန်သည်။ လမ်းကြောင်းအတွင်းရှိ သွေးနီရောင်သည် အမှောင်ထုထဲသို့ ပိုမိုနက်ရှိုင်းစွာ ထိုးဖောက်သွားပြီး တစ်ချက်တွင် ထက်မြက်သော ဓားတစ်လက်အလား အတွင်းပိုင်းအထိ ထိုးဝင်သွားတော့သည်။ တစ်ချိန်တည်းမှာပင် ညရဲတပ်ဖွဲ့ဝင် ကျီးကန်းနက်ဟု လူသိများသော ပိုင်ရှောင်ဦးဆောင်သည့် သရဲများနှင့် စုံစမ်းရေးမှူး ၃၀ ကျော်သည် ညှင်းပန်းနှိပ်စက်ခန်းအတွင်းသို့ ပြန်လည်ရောက်ရှိလာကြသည်။</p> <p>ပိုင်ရှောင်သည် စုံစမ်းစစ်ဆေးရေးဌာန၏ အဖွဲ့ဝင်တစ်ဦးဖြစ်သည်။ သို့သော်လည်း ပိုင်ရှောင် ပြန်ရောက်လာသည်ကို မြင်သောအခါ ကောင်းမင်သည် ကျင်းထောင်ရှန်းထက်ပင် ပိုမိုစိတ်လှုပ်ရှားသွား၏။ သူသည် လက်တစ်ဖက်ဖြင့် မြေပြင်ကို အားပြုကာ တဖြည်းဖြည်း ထရပ်လိုက်သည်။</p> <p>ကောင်းမင်၏ ‘အမှောင်ထဲ တွားသွားနေမှု’ ကို မြင်သောအခါ ကျင်းထောင်ရှန်းသည် တစ်စုံတစ်ခုကို သဘောပေါက်သွားပုံရသည်။သူက ပိုင်ရှောင်ရှေ့သို့ အရင်တိုးကပ်သွားသည်။</p> <p>“မင်း အမှောင်ယဇ်ပလ္လင်ပိုင်ရှင်ရဲ့ ဝိညာဉ်ကို ရခဲ့လား”</p> <p>ပိုင်ရှောင်က ခေါင်းကို အနည်းငယ်ခါယမ်းရင်း လမ်းကြောင်းအတွင်းရှိ အမှောင်ထုကို လှမ်းကြည့်လိုက်သည်။</p> <p>“မြို့တော်ကောင်စီက ညရဲတပ်ဖွဲ့ကို ပစ်မှတ်မထားခင်မှာပဲ ကျုပ်က အဖွဲ့တစ်ဖွဲ့ကို ဦးဆောင်ပြီး အရင်ထွက်ခွာခဲ့တယ်၊ ပြီးတော့ ဆင်းရဲသားရပ်ကွက်ထဲမှာ ‘နတ်ဘုရား’ စွန့်ပစ်ခဲ့တဲ့ မှတ်ဉာဏ်အနှစ်သာရကို ရှာတွေ့ခဲ့တယ်၊ အဲ့ဒီ နတ်ဘုရားက မျက်နှာပျက်စီးနေတဲ့ သူနာပြုတစ်ယောက်အဖြစ် ပေါ်လာတာပဲ၊ သူဟာ မပြောသင့်သူ ဖြစ်မလာခင်က အမှောင်ယဇ်ပလ္လင်ရဲ့ အရှင်သခင်လည်း ဖြစ်ခဲ့တယ်”</p> <p>“အဲ့ဒီ သူနာပြုက ဒီလောက်ထိ နောက်ခံကောင်းတာလား”</p> <p>ကောင်းမင်သည် ထိုသူနာပြုကို အရင်ကတည်းက သံသယရှိခဲ့ခြင်း ဖြစ်သည်။</p> <p>“ခရိုင် ၄ကို တောင်ဘုရင်က အမြစ်ပြတ်ချေမှုန်းပြီးတဲ့နောက်တော့ ကျုပ်က ပခုံးတံဆိပ်တပ်ဆင်ထားတဲ့ ညရဲအသစ်တစ်ယောက် ဖြစ်လာခဲ့ပြီး တားမြစ်နယ်မြေ အမျိုးမျိုးကို လှည့်ပတ်သွားလာခဲ့တယ်၊ နောက်ဆုံးမှာတော့ ညရဲတပ်ဖွဲ့ဝင်တွေ ချန်ထားခဲ့တဲ့ သတင်းအချက်အလက်တွေအပေါ် အခြေခံပြီး အမှောင်ယဇ်ပလ္လင်ပိုင်ရှင်ရဲ့ အကျဉ်းချခံထားရတဲ့ ပထမမျိုးဆက် ညရဲတပ်ဖွဲ့ဝင်တစ်ယောက်ကို ကယ်ထုတ်နိုင်ခဲ့တယ်”</p> <p>ပိုင်ရှောင်၏ အဝေးသို့ ငေးကြည့်နေသော အကြည့်များတွင် ရိုသေလေးစားမှုများဖြင့် ပြည့်နှက်နေခဲ့သည်။</p> <p>“အဲ့ဒီ ညရဲက ရှင်းလုသွေးမြို့တော်က လာတာပဲ၊ သူဟာ ဝိညာဉ်အကြွင်းအကျန်လေးတစ်ခုပဲ ဖြစ်ပေမဲ့ မပြောသင့်သူတောင် သူ့ကို အညံ့ခံအောင် မလုပ်နိုင်ခဲ့ဘူး၊ ဘယ်လို အမှောင်ထုကမှလည်း သူ့ရဲ့ ယုံကြည်ချက်ကို မလှုပ်ခါနိုင်ခဲ့ဘူး၊ ယဇ်ပလ္လင်ပိုင်ရှင်က သူ့ကို အပြင်ထွက်ခွင့် ပေးမှာမဟုတ်ဘူးဆိုတာ သူသိလို့ သူ့ရဲ့ နောက်ဆုံးဆန္ဒကို ကျုပ်ဆီ လွှဲအပ်ခဲ့တယ်”</p> <p>သူက လက်ဖဝါးကို ဖြန့်ပြလိုက်ရာ လူတိုင်းသည် သူ့လက်ထဲမှ ပခုံးတံဆိပ်တစ်ခုကို မြင်လိုက်ကြရသည်။ ၎င်းမှာ ညဉ့်ယံ ကျရောက်လာသကဲ့သို့ တစ်ခုလုံး မည်းနက်နေလေသည်။ ပခုံးတံဆိပ်၏ အလယ်ဗဟိုတွင် ဖုန်မှုန့်များ ဖုံးလွှမ်းနေသော မြို့တစ်မြို့ပုံစံရှိပြီး ၎င်းမှာ ရှင်းလုမြို့ဟောင်းနှင့် အနည်းငယ် ဆင်တူနေသည်။</p> <p>“ရှင်းလုက လာတဲ့ ညရဲလား”</p> <p>ကောင်းမင်သည် ထိုပခုံးတံဆိပ်၏ နောက်ကွယ်မှ အဓိပ္ပာယ်ကို မသိသော်လည်း ထိုတံဆိပ်တွင် ထူးခြားသော စိတ်ဆန္ဒအမွေအနှစ်တစ်ခု ပါဝင်နေသည်ကို ခံစားမိသည်။ သေဆုံးပြီး ဝိညာဉ်များ ပျံ့လွင့်သွားသော်လည်း ထိုစိတ်ဆန္ဒမှာ ဆက်လက် တည်ရှိနေဆဲ ဖြစ်သည်။</p> <p>“ပထမဆုံး ညရဲက ရှင်းဟူက လာတာပဲ၊ သူဟာ အဲ့ဒီမြို့ကို ကာကွယ်ရင်းနဲ့ ပျက်စီးသွားခဲ့တာ ဖြစ်မယ်၊ သူ့ခန္ဓာကိုယ်က ဖုန်မှုန့်တွေ ဖြစ်သွားခဲ့ပေမဲ့ သူ့ရဲ့ စိတ်ဆန္ဒနဲ့ စွဲလမ်းမှုတွေက အမှောင်ထုထဲမှာ ပျံ့လွင့်နေခဲ့တာ၊ နောက်တော့ အမှောင်ယဇ်ပလ္လင်ပိုင်ရှင်ရဲ့ ဖမ်းဆီးတာကို ခံခဲ့ရတာပဲ”</p> <p>ပိုင်ရှောင်က ပခုံးတံဆိပ်ကို လေးလေးနက်နက် ပြန်သိမ်းလိုက်သည်။</p> <p>“အကြီးအကဲကျင်းထောင်ရှန်းက မြို့တော်ကောင်စီကို ခွဲထုတ်လိုက်တယ်၊ အမှောင်ထုရဲ့ အစီအစဉ်တွေ ပြိုလဲသွားတယ်၊ အဲ့ဒီအချိန်မှာ ကျုပ်က ပခုံးတံဆိပ်တပ်ထားတဲ့ အသက်ရှင်ကျန်ရစ်တဲ့ တခြား ညရဲနှစ်ယောက်နဲ့ ဆက်သွယ်ခဲ့တယ်၊ ကျုပ်တို့က ဂိုဏ်းတချို့နဲ့ ပူးပေါင်းပြီး ခရိုင် ၁၃ ကို ဝိုင်းရံတိုက်ခိုက်ခဲ့ကြတယ်၊ နောက်ဆုံးမှာတော့ ပထမဆုံး ညရဲတပ်ဖွဲ့ဝင်ရဲ့ စိတ်ဆန္ဒကို အသုံးချပြီး အငိုက်ဖမ်းတိုက်ခိုက်ပြီး မြို့တော်ဝန်ကို အောင်အောင်မြင်မြင် သတ်ဖြတ်နိုင်ခဲ့တယ်၊ မြို့တော်ကောင်စီရဲ့ အုပ်ချုပ်မှုကိုလည်း အဆုံးသတ်စေခဲ့တယ်”</p> <p>“နေပါဦး”</p> <p>ကျင်းထောင်ရှန်းက ပိုင်ရှောင်ကို စိုက်ကြည့်လိုက်သည်။</p> <p>“မင်း မြို့တော်ကောင်စီကို ဖြုတ်ချနိုင်ခဲ့ပြီဆိုရင် ဘာလို့ ယဇ်ပလ္လင်ကမ္ဘာထဲကနေ အပြင်ကို ကန်ထုတ်ခံရတာလဲ၊ ဘာလို့ အဲ့ဒီအခွင့်အရေးကို သုံးပြီး ယဇ်ပလ္လင်ကို မထိန်းချုပ်ခဲ့တာလဲ”</p> <p>“ကျုပ် မလုပ်နိုင်ခဲ့ဘူး”</p> <p>ပိုင်ရှောင်က ခါးသီးစွာ ပြုံးလိုက်သည်။</p> <p>“ကျုပ် မြို့တော်ဝန်ကို သတ်ဖို့ နည်းလမ်းပေါင်းစုံ သုံးခဲ့တယ်၊ ဒါပေမဲ့ မြို့တော်ကောင်စီ ပြိုလဲသွားတာက အမှောင်ထု ပျောက်ကွယ်သွားတယ်လို့ မဆိုလိုဘူး၊ အဲ့ဒီဂိုဏ်းတွေက ကျုပ်နဲ့ တခြား အပြင်လူတွေအပေါ် ဓားဦးလှည့်လာကြတယ်၊ ဆိုးယုတ်မှုတွေက မြို့သူမြို့သားတိုင်းရဲ့ နှလုံးသားထဲမှာ အမြစ်တွယ်နေကြတာ၊ ယဇ်ပလ္လင်ကမ္ဘာထဲက လူအားလုံးကို သတ်ပစ်နိုင်မှပဲ အမှောင်ထုကို လုံးဝ အမြစ်ဖြတ်နိုင်လိမ့်မယ် ထင်တယ်”</p> <p>ပိုင်ရှောင်သည် မကောင်းသောခံစားချက်တစ်ခုဖြင့် လမ်းကြောင်းအတွင်းရှိ အမှောင်ထုကို စိုက်ကြည့်နေမိသည်။ ယခုအချိန်တွင် သွေးနီရောင်က နေရာအတော်များများကို ဖုံးလွှမ်းထားသော်လည်း လူတွေရဲ့ နှလုံးသားထဲ၌ အမှောင်ထု ရှိနေသရွေ့ ယဇ်ပလ္လင်ပိုင်ရှင်ကို အမှန်တကယ် သတ်ဖြတ်နိုင်မည် မဟုတ်သလို နတ်ဘုရားနေရာကို လုယူခြင်းကလည်း အောင်မြင်မည် မဟုတ်ပေ။</p> <p>“ကောင်းမင်က နတ်ဘုရားရဲ့ စိတ်ဆန္ဒကို ချေမှုန်းပြီး အမှောင်ယဇ်ပလ္လင်ကို ဖျက်ဆီးခဲ့တယ်၊ ကွေ့ယွမ်က နတ်ဘုရားရဲ့ အသွေးအသားတွေနဲ့အတူ ပျက်စီးခံခဲ့တယ်၊ ခင်ဗျားက အမှောင်စည်းမျဉ်းတွေကို ခွဲထုတ်ခဲ့တယ်၊ ကျုပ်ကတော့ သေခါနီးအချိန်မှာ နတ်ဘုရားရဲ့ မှတ်ဉာဏ်အနှစ်သာရကို ကိုယ်တိုင် သတ်နိုင်ခဲ့တယ်၊ ဒါပေမဲ့ ဒါက လုံးဝ မလုံလောက်သေးဘူး”</p> <p>ပိုင်ရှောင်သည် ထိုစကားများကို အလွန်နာကျင်စွာဖြင့် ပြောလိုက်ခြင်းဖြစ်သည်။ သို့သော်လည်း ကျင်းထောင်းရှန်းမှာမူ သူဘာကြောင့် နာကျင်နေရသည်ကို နားမလည်ပေ။</p> <p>“အခု အဲ့ဒီအမှောင်မြို့တော်ထဲမှာ ယဇ်ပလ္လင်ပိုင်ရှင်ရဲ့ ဝိညာဉ်ပဲ ကျန်တော့တယ်၊ အဲ့ဒီဝိညာဉ်က အဆုံးစွန်အမှောင်ထုကို ကိုယ်စားပြုသလို လူတိုင်းရဲ့ နှလုံးသားထဲမှာ မြှုပ်နှံထားတဲ့ ဆိုးယုတ်မှုတွေရဲ့ အရင်းအမြစ်လည်း ဖြစ်တယ်...”</p> <p>ကောင်းမင်က လက်သီးကို တင်းတင်းဆုပ်လိုက်သည်။</p> <p>“အခွင့်အရေး ရှိပါသေးတယ်၊ ငါတို့မှာ အခွင့်အရေးတစ်ခု ရှိနေတုန်းပဲ”</p> <p>ပိုင်ရှောင်နှင့် အခြားသူများ ယဇ်ပလ္လင်ထဲက ထွက်လာပြီးနောက်တွင် သွေးနီရောင် ပြန့်ကားလာမှုက ရပ်တန့်သွားခဲ့သည်။ အမှောင်ထုက တလိပ်လိပ်တက်လာပြီး သေးငယ်သော အနက်ရောင် လက်တံများ ထွက်ပေါ်လာကာ သွေးနီရောင်အတွင်းသို့ ထိုးဖောက်ဝင်ရောက်လာတော့သည်။</p> <p>ညှင်းပန်းနှိပ်စက်ခန်းအတွင်းရှိ လူများက ဂရုတစိုက် စောင့်ကြည့်နေကြသည်။ အကယ်၍ သွေးနီရောင်ကသာ ဆုတ်ခွာသွားပါက အိပ်မက်သရဲများသည် တိုက်ရိုက် တိုက်ခိုက်ရေးတွင် မကျွမ်းကျင်သဖြင့် သူတို့ ချက်ချင်း ဆုတ်ခွာရပေလိမ့်မည်။</p> <p>“ယဇ်ပလ္လင်ထဲ ဆင်းသွားတဲ့သူ အများစု ပြန်ရောက်လာကြပြီ၊ ဒါပေမဲ့ အမှောင်ထုက မပျောက်ကွယ်သေးဘူး”</p> <p>ကျင်းထောင်ရှန်းသည် သူ့နှလုံးသားထဲသို့ ဓားတစ်လက်ဖြင့် ထိုးလိုက်ပြီး သူ ကြိုတင်ပြင်ဆင်ထားသော အရန်အစီအစဉ်ကို စတင်ရန် ပြင်လိုက်သည်။</p> <p>“ငါတို့ စုံစမ်းစစ်ဆေးရေးဌာနဆီကနေ ချက်ချင်း အကူအညီ တောင်းသင့်တယ်၊ အိပ်မက်သရဲ တစ်ကောင်လောက်သာ ထပ်ရောက်လာရင်...”</p> <p>“စုံစမ်းစစ်ဆေးရေးဌာနက အဲ့ဒီအဘိုးကြီးတွေက အသက်စွန့်ပြီး လာလိမ့်မယ်လို့ မင်းထင်နေတာလား၊ ဒါ့အပြင် သူတို့အားလုံးသာ ထွက်လာကြရင် ဟန်ဟိုင်းကို စောင့်ကြည့်နေတဲ့ မပြောသင့်သူက သေချာပေါက် နောက်က လိုက်လာလိမ့်မယ်”</p> <p>ကောင်းမင်က ကျင်းထောင်ရှန်းကို တစ်ချက်ကြည့်လိုက်သည်။</p> <p>“မင်း စုံစမ်းစစ်ဆေးရေးဌာနထဲမှာ စစ်မှန်တဲ့ မပြောသင့်သူတစ်ယောက် ပေါ်လာစေချင်တာ ငါသိတယ်၊ ငါ မင်းကို အခွင့်အရေး ပေးခဲ့ပေမဲ့ မင်းတို့အားလုံးက ငြင်းပယ်ခဲ့တာပဲ”</p> <p>“ငြိမ်ငြိမ်လေး စောင့်နေကြစို့”</p> <p>ယန်ရှီကျီးက ဝင်ပြောလိုက်သည်။ အဘွားအိုသည် အချင်းချင်း ပြဿနာဖြစ်သည်ကို မနှစ်သက်သော်လည်း မည်သူမျှ သူမစကားကို နားမထောင်ကြပေ။ ထို့နောက် ကွေ့ယွမ်၏ မွေးနေ့ဖယောင်းတိုင်များ လင်းလာသောအခါမှသာ အားလုံး တိတ်ဆိတ်သွားကြသည်။ ကွေ့ယွမ်သည် စစ်မှန်သော ငြိမ်းချမ်းရေးသမား ဖြစ်သဖြင့် ငြိမ်းချမ်းရေးကို ပျက်ပြားစေမည့် မည်သည့်အရာကိုမဆို ဖယ်ရှားပစ်တတ်သူ ဖြစ်သည်။</p> <p>နာရီလက်တံများက အကြိမ်ကြိမ် လည်ပတ်နေပြီး ညှင်းပန်းနှိပ်စက်ခန်းအတွင်းရှိ နံပါတ် ၂ ကလည်း သူတို့ကို အဖန်တလဲလဲ တိုက်တွန်းနေခဲ့သည်။</p> <p>တစ်လတိတိ ကုန်ဆုံးသွားပြီးနောက်တွင် လမ်းကြောင်းအတွင်းရှိ သွေးနီရောင်မှာ ရုတ်တရက် တောက်ပလာတော့သည်။ သေးငယ်သော မီးပွားစတစ်ခု ပေါ်ပေါက်လာပြီး ပြင်းထန်စွာ လောင်ကျွမ်းတော့သည်။ ဟန်ဟိုင်း အိပ်မက်သရဲများနှင့် မြို့သူမြို့သားများ၏ သွေးများဖြင့် ခင်းကျင်းထားသော သွေးနီရောင်မှာ လောင်စာဖြစ်သွားပြီး ထိုမီးပွားကို ပြင်းထန်သော မီးလျှံကြီးတစ်ခုအဖြစ် ပြောင်းလဲပေးလိုက်သည်။ ၎င်းသည် အဆုံးမရှိသော အမှောင်ထုထဲတွင် ခေါင်းကိုမော့ကာ တောက်လောင်နေတော့သည်။</p> <p> </p> <p> </p> <p style="text-align: center;">***</p>


Save