Book List

<h2 style="text-align: center;">အပိုင်း (၇၉၀)</h2> <h2 style="text-align: center;">သွေးမြို့တော်ကို ပြန်လည်ဆောက်ပြီ</h2> <h2 style="text-align: center;">*</h2> <p> </p> <p> </p> <p>လက်တွေကမ္ဘာနှင့် အတွင်းကမ္ဘာအကြားရှိ လမ်းကြောင်းမှာ လင်းထိန်နေခဲ့သည်။ အမှောင်ထုကြီး ဆုတ်ခွာသွားပြီး သွေးရောင်မီးလျှံများ ပြင်းပြင်းထန်ထန် တောက်လောင်နေသည်မှာ အိပ်မက်တစ်ခုနှယ် မယုံကြည်နိုင်စရာ မြင်ကွင်းတစ်ခု ဖြစ်နေတော့သည်။</p> <p>ကောင်းယန်၏ အသံက မီးလျှံများအတွင်းမှ ခုန်ထွက်လာသည်။ သူ၏ အစစ်အမှန် ခန္ဓာကိုယ်သည် ပုန်းကွယ်နေဆဲဖြစ်ပြီး စွမ်းအားအသစ်နှင့် အသားကျအောင် လုပ်ဆောင်နေပုံရသည်။</p> <p>“မင်း တကယ်ပဲ သွေးမြို့တော်ကို ပြန်လည်တည်ဆောက်ဖို့ ပြင်ဆင်ပြီးပြီလား၊ အဲ့ဒါကို ပြန်တည်ဆောက်ဖို့ ဘယ်လောက်ခက်ခဲတယ်ဆိုတာ မင်းသိရဲ့လား”</p> <p>တစ်ချိန်က ဦးနှောက်တစ်ခုတည်းသာ ရှိခဲ့သော နံပါတ် ၂ သည် မပြောသင့်သူများထဲတွင် အမျှော်အမြင်အရှိဆုံးသူ ဖြစ်သည်။</p> <p>“မပြောထိုက်သူ၊ မကြားထိုက်သူ၊ မသိထိုက်သူ ဆိုတဲ့ မပြောသင့်သူအဆင့်သုံးမျိုးရှိတယ်၊ မင်းတို့ ဟန်ဟိုင်းက မပြောသင့်သူ နယ်ပယ်ထဲကို အခုမှခြေချရုံရှိသေးတဲ့ အိပ်မက်သရဲတစ်ကောင်ပဲ ရှိတာ၊ သွေးမြို့တော်တစ်ခုလုံးရဲ့ ဖိအားနဲ့ နာကျင်မှုကို မင်း လုံးဝခံနိုင်မှာ မဟုတ်ဘူး”</p> <p>ကျင်းထောင်ရှန်း အပါအဝင် လူအုပ်ကြီးမှာ နံပါတ် ၂ ကို လျစ်လျူရှုထားကြသည်။ လူတိုင်းက လမ်းကြောင်းအတွင်း တောက်လောင်နေသော မီးလျှံများကိုသာ စိုက်ကြည့်နေကြလေသည်။ သူတို့သည် ထိုမီးလျှံများထဲတွင် ကောင်းယန် ရပ်နေသည်ကို မြင်နေရသကဲ့သို့ ဖြစ်နေသည်။</p> <p>ဟန်ဟိုင်းသွေးမြို့တော်ကို ပြန်လည်တည်ဆောက်ခြင်းသည် ဟန်ဟိုင်းတွင် နေထိုင်ကြသော သရဲတစ္ဆေတိုင်းအတွက် ထူးခြားသော အဓိပ္ပာယ်ရှိပေသည်။</p> <p>“သဘောတူတယ်”</p> <p>အကြင်နာဆုံးဖြစ်သလို အတင်းကြပ်ဆုံးလည်းဖြစ်သော ယန်ရှီကျီးက ပထမဆုံး စကားပြောလိုက်သည်။</p> <p>သူမနောက်တွင် လူများစွာက ထပ်မံသဘောတူလိုက်ကြသည်။ စုံစမ်းစစ်ဆေးရေးဌာနမှ စုံစမ်းရေးမှူးများပင်လျှင် သူတို့၏မျက်နှာပေါ်တွင် ရိုသေလေးစားမှုများ ပေါ်ပေါက်နေခဲ့သည်။</p> <p>မွေးနေ့ဖယောင်းတိုင်များ တောက်လောင်လာပြီး မီးလျှံများနှင့် ပေါင်းစည်းသွားသည်။ တစ္ဆေဆုတောင်းက ကောင်းယန်ကို ထောက်ခံကြောင်း လက်တွေ့ပြသလိုက်သောအခါ ညှင်းပန်းနှိပ်စက်ခန်းအတွင်းရှိ လူအားလုံးက ကောင်းမင်ကို နောက်ဆုံးတွင် လှည့်ကြည့်လိုက်ကြသည်။</p> <p>“သဘောတူတယ်”</p> <p>အိပ်မက်သရဲသုံးကောင်လုံးက ယင်းကို သဘောတူလိုက်ကြရာ နံပါတ် ၂ မှာ ရူးမတတ် ဖြစ်သွားတော့၏။</p> <p>“အရူးတွေပဲ၊ မင်းတို့က မြို့တော်တစ်ခုလုံးရဲ့ အသက်တွေနဲ့ အလောင်းအစားလုပ်နေကြတာပဲကွ”</p> <p>“ရှင်းလု သွေးမြို့တော်က တခြားသွေးမြို့တော်တွေရဲ့ အာရုံစိုက်မှုကို ငါတို့အတွက် ဆွဲထုတ်ပေးထားတာ၊ အခု ငါတို့ ဒါကို မဖြေရှင်းခဲ့ဘဲ ရှင်းလု သွေးမြို့တော်သာ ခွဲယူခံလိုက်ရရင် ဘေးကပ်ဆိုးက ငါတို့ဆီကို ကျရောက်လာဦးမှာပဲ”</p> <p>ကောင်းယန်က ဤအချက်ကို ထည့်သွင်းစဉ်းစားထားပြီးဖြစ်သည်။</p> <p>“ငါ အိပ်မက်သရဲ သုံးကောင်နဲ့အတူ ဟန်ဟိုင်းကို ပြန်သွားမယ်၊ ကျန်တဲ့လူတွေထဲက အချို့ကတော့ အတွင်းကမ္ဘာဆီကို သတင်းပို့ဖို့အတွက် မင်းတို့နဲ့အတူ ရှင်းလုသွေးမြို့တော် လမ်းကြောင်းထဲကို လိုက်သွားကြလိမ့်မယ်”</p> <p>မီးလျှံများထဲမှ တစ်ခု ပြုတ်ကျလာသည်။ ဟွမ်ရင်၏ အမှောင်ကျိန်စာသည် ပျောက်ကွယ်သွားပြီဖြစ်ပြီး ကောင်းမင်၏ အသားကျိန်စာ တစ်ခုတည်းသာ ကျန်ရှိတော့သည်။</p> <p>“ဟန်ဟိုင်းသွေးမြို့တော်ကို ပြန်တည်ဆောက်ပြီးရင် ငါတို့ ပြန်လာခဲ့မယ်၊ အဲ့ဒီအခါကျရင် ငါတို့က အခုလိုမျိုး သနားစရာကောင်းတဲ့ အခြေအနေမှာ ရှိနေမှာ မဟုတ်တော့ဘူး”</p> <p>ကောင်းယန်က ဟွမ်ရင်ကို ကောင်းမင်၏ ညှင်းပန်းနှိပ်စက်ခန်းအတွင်းသို့ ဝင်လာရန် ပေါ့ပေါ့ပါးပါး ဖိတ်ခေါ်လိုက်ပြီး သူတို့၏ ကံကြမ္မာများကို ချည်နှောင်ပေးလိုက်သည်။ အကယ်၍ ကောင်းမင် သေဆုံးပြီး ပြန်လည်မွေးဖွားလာပါက ဟွမ်ရင်သည်လည်း ညှင်းပန်းနှိပ်စက်ခန်းအတွင်း၌ အစသစ်တစ်ခုကို ရရှိမည်ဖြစ်သည်။</p> <p>“ကျုပ် သူတို့နဲ့အတူ ရှင်းလုသွေးမြို့တော်ကို လိုက်သွားမယ်”</p> <p>ပထမဆုံး ညရဲ၏ စိတ်ဆန္ဒကို ဆက်ခံထားသော ပိုင်ရှောင်က ရှေ့တိုးလာ၏။</p> <p>“ဟွမ်ရင်က နံပါတ် ၂ ရဲ့ အသိစိတ်အပိုင်းအစကို မခံနိုင်ပေမဲ့ ကျုပ် ခံနိုင်တယ်”</p> <p>“ဒါဆို ဒီလိုပဲ ဆုံးဖြတ်လိုက်ပြီ”</p> <p>ကောင်းမင်က ဆုံးဖြတ်ချက်ချလိုက်ပြီး နံပါတ် ၂ ၏ ကျန်ရှိနေသော အသိစိတ်နှင့် စကားပြောစက်ကို ပိုင်ရှောင်ထံ လွှဲအပ်ပေးလိုက်သည်။ သရဲအချို့ကိုလည်း ပိုင်ရှောင်လက်အောက်သို့ ထည့်ပေးလိုက်သည်။</p> <p>သူတို့ ညှင်းပန်းနှိပ်စက်ခန်းထဲမှ ထွက်ခွာသွားပြီးနောက် ကောင်းယန်နှင့် ကောင်းမင်တို့က သူတို့အပေါ်တွင် အမှတ်အသားများ အသီးသီး ချန်ထားခဲ့ကြသည်။ ပိုင်ရှောင်နှင့် နံပါတ် ၂ တို့သည် ရှင်းလုတွင် ဟန်ဟိုင်းသွေးမြို့တော် ဆင်းသက်လာမည့် တည်နေရာပြ အမှတ်အသားများ ဖြစ်လာကြပေလိမ့်မည်။</p> <p>အဖွဲ့နှစ်ဖွဲ့မှာ လမ်းခွဲလိုက်ကြသည်။ တစ်ဖွဲ့က ပိုမိုနက်ရှိုင်းသော အတွင်းကမ္ဘာအတွင်းသို့ ဝင်သွားပြီး ကျန်တစ်ဖွဲ့မှာမူ လက်တွေ့ကမ္ဘာသို့ ပြန်လာခဲ့ကြသည်။</p> <p>တောက်လောင်နေသော မီးလျှံများက ကောင်းမင်၏ ညှင်းပန်းနှိပ်စက်ခန်းအတွင်းသို့ ပြန်လည်ရောက်ရှိလာသည်။ ကောင်းယန်သည် ညှင်းပန်းနှိပ်စက်ခန်း၏ ထူးခြားချက်များကို သတိထားမိသော်လည်း ညှင်းပန်းနှိပ်စက်ခန်းအတွင်းသို့ ဝင်ရန်သာ ရွေးချယ်ခဲ့သည်။သူသည် ကောင်းမင်ကို ယခင်ကထက် ပိုမိုယုံကြည်လာခဲ့သည်။</p> <p>“မင်း မပြောသင့်သူဖြစ်လာတော့ ဘာတွေ မြင်ခဲ့ရလဲ”</p> <p>ကောင်းယန်သည် မပြောသင့်သူဖြစ်လာပြီးနောက် ထူးခြားသွားသည်ကို ကောင်းမင် ခံစားမိသည်။ သူသည် အသေးစိတ်ကို မေးမြန်းရန် ကြိုးစားသော်လည်း ကောင်းယန်က နှုတ်ဆိတ်နေပြီး သူ၏ အစစ်အမှန်စွမ်းရည်များကိုပင် ထုတ်မပြောသဖြင့် အလွန်လျှို့ဝှက်ဆန်းကြယ်နေသည်။</p> <p>လက်တွေ့ကမ္ဘာတွင် မသေဆေးကုမ္ပဏီက ကျန်းမင်လီနှင့် ကျန်းတင်းတို့ကို ရှင်းလုနှင့် ဟန်ဟိုင်းအကြားတွင် အဆက်မပြတ် လိုက်လံဖမ်းဆီးနေကြစဉ် ကောင်းမင်နှင့် ကောင်းယန်တို့သည် ထိုအခွင့်အရေးကို အရယူကာ မသေဆေးကုမ္မဏီ၏ အခြားဓာတ်ခွဲခန်းအချို့ကို ဝင်ရောက်စီးနင်းခဲ့ကြသည်။</p> <p>အိပ်မက်ချန်ထားခဲ့သော ယဇ်ပလ္လင်ငါးခု ရှိသည်။ ကောင်းမင်နှင့် သားစားကြူးနတ်ဘုရားတို့က နှစ်ခုကို သိမ်းပိုက်ထားပြီး တတိယတစ်ခုသည် ဟန်ဟိုင်းတွင် တည်နေရာပြအမှတ်အသားအဖြစ် ရှိနေခြင်းဖြစ်သည်။ ၎င်းကို အချိန်မရွေး သိမ်းပိုက်နိုင်သည်။ ကျန်ရှိသော နှစ်ခုမှာ အလွန်အရေးကြီးလှသည်။</p> <p>ကောင်းမင်အား အိပ်မက်၏ အမွေအနှစ်အားလုံး ဝါးမျိုနိုင်ရန် ကူညီပေးသည့်အနေဖြင့် ကောင်းယန်နှင့် ဟန်ဟိုင်းအဖွဲ့သည် သူတို့အသက်များကို စတေး၍ ထပ်မံစွန့်စားခဲ့ကြသည်။ သူတို့သည် မသေဆေးကုမ္ပဏီသို့ ထိုးဖောက်ဝင်ရောက်ခဲ့ကြပြီး အိပ်မက်၏ စွမ်းရည်များကို အသုံးပြုကာ ဓာတ်ခွဲခန်းအချို့ကို ပြောင်းပြန်လှန်ပစ်ခဲ့ကြသည်။</p> <p>သို့သော်လည်း သူတို့သည် ယဇ်ပလ္လင်တစ်ခုကိုသာ ရှာတွေ့ခဲ့ပြီး နောက်ဆုံးတစ်ခုမှာမူ အလွန်နက်နက်ရှိုင်းရှိုင်း ဝှက်ထားပုံရသည်။၎င်းမှာ အမည်မသိတည်ရှိမှုတစ်ခုနှင့် ဆက်နွှယ်နေပုံရသည်။</p> <p>မသေဆေးကုမ္ပဏီကို စီးနင်းပြီးနောက် ဟန်ဟိုင်းအဖွဲ့သည် အိပ်မက်၏ ယဇ်ပလ္လင်မှတစ်ဆင့် ဟန်ဟိုင်းသို့ တိတ်တဆိတ် ပြန်သွားခဲ့ကြပြီး သွေးမြို့တော်ကို ပြန်လည်တည်ဆောက်ရန် နောက်ဆုံးပြင်ဆင်မှုများကို စတင်လိုက်ကြသည်။</p> <p>လပေါင်းများစွာ ဆက်တိုက်ရွာသွန်းနေသော မိုးက ဟန်ဟိုင်းကို ဖုံးလွှမ်းထား၏။ ထူထပ်သော အနက်ရောင်မြူခိုးများက မိုးမျှော်တိုက်ကြီးများကို အုပ်ဆိုင်းကာ မှိန်ဖျော့ဖျော့အရိပ်တစ်ခုကို ပြသနေသည်။</p> <p>မြောက်ဘက်ဆိပ်ကမ်း မျှော်လင့်ချက်မြို့သစ်ရှိ စုံစမ်းစစ်ဆေးရေးဌာန အခြေစိုက်စခန်းအတွင်း၌ အကြီးအကဲသည် ကျင်းထောင်ရှန်း၏ အစီရင်ခံစာကို နားထောင်နေခဲ့သည်။ ကောင်းမင်နှင့် ကျောင်းသားကောင်စီ ဥက္ကဋ္ဌတို့မှာ သူ့ရှေ့ရှိ စားပွဲဝိုင်းတွင် ထိုင်လျက် ရှိနေကြသည်။</p> <p>ကောင်းယန်၏ ရုပ်ပိုင်းဆိုင်ရာ ခန္ဓာကိုယ်အား မည်သည့်နေရာတွင်မှ မတွေ့ရပေ။ သူ့အသိစိတ်က ဥက္ကဋ္ဌကို ထိန်းချုပ်ထားခြင်းဖြစ်ပြီး တစ်လျှောက်လုံး တိတ်ဆိတ်နေခဲ့သည်။</p> <p>“ဟန်ဟိုင်းသွေးမြို့တော်ကို စောင့်ကြည့်နေတဲ့ မပြောသင့်သူငါးယောက် ရှိတယ်၊ သူတို့က မတူညီတဲ့ သွေးမြို့တော်ငါးခုကနေ လာကြတာပဲ၊ ဒါပေမဲ့ အမှောင်သွေးမြို့တော်နဲ့ ဗဟိုသွေးမြို့တော်အကြား စစ်ပွဲဖြစ်နေတာမို့ အဲ့ဒီမြို့နှစ်မြို့ကလာတဲ့ မပြောသင့်သူတွေ ထွက်သွားကြပြီ၊ ရှင်းလုသွေးမြို့တော်ကို ထိန်းချုပ်ဖို့ ကြိုးစားတဲ့ တိုက်ပွဲမှာ ပုံရိပ်ယောင်သွေးမြို့တော်က လာတဲ့ မပြောသင့်သူကလည်း လွန်ခဲ့တဲ့ ရက်သတ္တပတ် အနည်းငယ်က ပျောက်ကွယ်သွားခဲ့တယ်၊ ကျန်တဲ့ မပြောသင့်သူနှစ်ယောက်ထဲက တစ်ယောက်က ပုပ်သိုးခြင်းသွေးမြို့တော်က လာတာဖြစ်ပြီး ကျန်တစ်ယောက်ကတော့ ပေါ်လာခဲတယ်၊ ကျုပ်တို့ သူရှိနေတာကိုပဲ အကြမ်းဖျင်း ခံစားမိတယ်”</p> <p>ကျင်းထောင်ရှန်းက စာရွက်စာတမ်းတစ်ခုကို ကိုင်ထားရင်း မျက်မှောင်ကြုတ်လိုက်သည်။</p> <p>“ဒီတစ်ခေါက် ဟန်ဟိုင်းမှာ မူမမှန်မှုရှိနေတာကို သိသွားတာက ပုပ်သိုးခြင်း သွေးမြို့တော်က မပြောသင့်သူပဲ၊ သူက အဆက်မပြတ် ချဉ်းကပ်လာနေပြီး ဆွေးမြေ့ပုပ်သိုးခြင်း စွမ်းအားတွေက ဟန်ဟိုင်းထဲကို ထိုးဖောက်ဝင်ရောက်နေပြီ၊ မကြာခင် သူတို့တွေ ဟန်ဟိုင်းထဲမှာ အိပ်မက်သရဲ သုံးကောင်ထက် ပိုရှိနေတာကို သိသွားကြလိမ့်မယ်”</p> <p>အခြားသွေးမြို့တော်များက ဟန်ဟိုင်းအတွက် သတ်မှတ်ထားသော အနီရောင်မျဉ်းမှာ အိပ်မက်သရဲ သုံးကောင်ဖြစ်သည်။ သုံးကောင်ထက် ပိုလာပါက သူတို့သည် ဖယ်ရှားရှင်းလင်းပစ်ရန် အရေးယူကြပေလိမ့်မည်။ အကယ်၍ သူတို့၏ အာရုံစိုက်မှုသည် ရှင်းလု သွေးမြို့တော်ကို ခွဲယူရန်အပေါ်တွင်သာ ရောက်မနေခဲ့ပါက ကောင်းမင်အနေဖြင့် မည်မျှပင် အကြိမ်ကြိမ် ပြန်လည်စတင်ခဲ့စေကာမူ ဤအဆင့်အထိ ဖွံ့ဖြိုးလာရန် အခွင့်အရေး ရရှိလာမည်မဟုတ်ပေ။</p> <p>“အခု ဟန်ဟိုင်းရဲ့ အခြေအနေက သိပ်ကောင်းမနေဘူး၊ သွေးမြို့တော်ကို ပြန်လည်တည်ဆောက်တာက စွန့်စားရတာနဲ့ ထိုက်တန်ပါတယ်”</p> <p>အကြီးအကဲက သူ့ရှေ့တွင်ရှိသော ဒဏ်ရာများကို ကုသပေးသည့် ဆေးရည်များဖြည့်ထားသည့် ခွက်ကို ကိုင်လိုက်သည်။</p> <p>“ဟန်ဟိုင်းကို အခြားသွေးမြို့တော်တွေ သုတ်သင်ခဲ့ပြီးကတည်းက ကောင်းယန်ဟာ ပထမဆုံးသော အစစ်အမှန် မပြောသင့်သူပဲ၊ ငါတို့လို ကျိုးပဲ့ပျက်စီးနေတဲ့ အိပ်မက်သရဲတွေဟာ အချုပ်အနှောင်တွေကနေ လွတ်မြောက်နိုင်ခဲ့ကြပြီ၊ အဲ့ဒီ မပြောသင့်သူတွေကို တုံ့ပြန်ဖို့ လုံးဝအချိန်ပေးလို့မဖြစ်ဘူး”</p> <p>အကြီးအကဲသည် အရာအားလုံး ဤမျှအထိ ချောချောမွေ့မွေ့ ဖြစ်သွားလိမ့်မည်ဟု မမျှော်လင့်ထားခဲ့ပေ။ သူသည် ခွက်ထဲမှ ဆေးရည်ကို သောက်လိုက်ပြီး သူ့မျက်နှာပေါ်တွင် ပျောက်ဆုံးနေသည်မှာ ကြာပြီဖြစ်သော အပြုံးတစ်ခု ပေါ်ထွက်လာခဲ့သည်။</p> <p>စုံစမ်းစစ်ဆေးရေးဌာန၏ ပစ်မှတ်ထားဖမ်းဆီးခြင်းကို ခံခဲ့ရသော်လည်း ကောင်းမင်သည် ပိုမိုကြီးမားသော ပုံရိပ်ကိုကြည့်ကာ ပိုမိုမှန်ကန်သော ဆုံးဖြတ်ချက်ကို ချရန် ရွေးချယ်ခဲ့သည်။</p> <p>“သွေးမြို့တော်ကို ပြန်လည်တည်ဆောက်ဖို့အတွက် အနည်းဆုံး အချက်သုံးချက် လိုအပ်တယ်၊ အဲ့ဒါကတော့ လုံလောက်တဲ့ လူဦးရေ ထောက်ပံ့မှု၊ အတွင်းကမ္ဘာရဲ့ ဖိအားတွေကို ခံနိုင်ရည်ရှိတဲ့ စုပေါင်းစိတ်ဆန္ဒ၊ ပြီးတော့ မပြောသင့်သူနဲ့ အဆင့်တူတဲ့ စွမ်းအားရှိတဲ့ သရဲတစ်ကောင်ကို စတေးပြီး သူ့ဝိညာဉ်က သွေးမြို့တော်ရဲ့ အခြေခံအုတ်မြစ်အသစ် ဖြစ်လာဖို့ပဲ၊ အခု ငါတို့ဆီမှာ လူဦးရေနဲ့ မပြောသင့်သူအပိုင်းက ပြည့်စုံနေပြီ၊ အတွင်းကမ္ဘာရဲ့ ဖိအားကို ခံနိုင်ရည်ရှိမရှိဆိုတာကိုတော့ ဘယ်သူမှ အသေအချာ မပြောနိုင်ဘူး”</p> <p>အကြီးအကဲက ပုံစံအမျိုးမျိုးရှိသည့် သော့အချို့ကို စားပွဲဝိုင်းပေါ်သို့ တင်လိုက်သည်။</p> <p>“အရိပ်ကမ္ဘာက ဟန်ဟိုင်းလက်တွေ့ကမ္ဘာနဲ့ ကြီးကြီးမားမား ပေါင်းစည်းသွားပြီ၊ ငါ အိပ်မက်သရဲ အားလုံးကို ဦးဆောင်ပြီး အရိပ်ထဲမှာရှိတဲ့ သွေးမြို့တော် အပျက်အစီးတွေဆီ သွားမယ်၊ အဲ့ဒီမှာ ငါတို့ အဆင့်တွေအားလုံးကို ပြီးမြောက်အောင် လုပ်ကြမယ်”</p> <p>“ပုပ်သိုးခြင်း စွမ်းအားတွေက ချဉ်းကပ်လာနေပြီ၊ နောက်ထပ် အမည်မသိ မပြောသင့်သူတစ်ယောက်ကလည်း အမှောင်ထဲမှာ ပုန်းနေတယ်၊ ငါတို့မှာ တခြားရွေးချယ်စရာ မရှိဘူး”</p> <p>အာဏာကို ကိုယ်စားပြုသော သော့ကို ကျောင်းသားကောင်စီဥက္ကဋ္ဌ ကောင်းယန်ထံသို့ လွှဲအပ်ပေးလိုက်သည်။ စုံစမ်းစစ်ဆေးရေးဌာနချုပ် အကြီးအကဲသည် သူ့အမိန့်များကို လွှဲအပ်ပေးခဲ့ပြီး စုံစမ်းစစ်ဆေးရေးဌာနနှင့် ဒေသခံ စုံစမ်းစစ်ဆေးရေးအေဂျင်စီများမှာလည်း အပြည့်အဝ ပူးပေါင်းဆောင်ရွက်ရန် အသင့်ဖြစ်နေကြပြီ ဖြစ်သည်။</p> <p> </p> <p> </p> <p style="text-align: center;">***</p>


Save