Book List

<h2 style="text-align:center">အခန်း (၃၁)</h2> <h2 style="text-align:center">အမြီးနံ့နေတဲ့ကောင်က ရတနာနတ်ဘုရား မဟုတ်ဘူးလား</h2> <h2 style="text-align:center">*</h2> <p> </p> <p> </p> <p> </p> <p>လုပေါင်သည် သတင်းကို ရရှိသောအခါ သူ၏ မိဘများ၏ ပြတ်သားမှုအပေါ် အတော်လေး အထင်ကြီးသွားမိသည်။</p> <p> </p> <p> </p> <p>အမှန်စင်စစ်တွင် တင်းလင် နှင့် လုပိုင်ဟောက် တို့သည်လည်း သေချာစွာ စဉ်းစားဆွေးနွေးခဲ့ကြခြင်း ဖြစ်သည်။ အမှတ် (၁) မြေကွက်၏ ပိုင်ရှင်သည် သူတို့နှင့် အလွန်ရင်းနှီးပြီး မျိုးရိုးအမည်မှာလည်း လု ပင် ဖြစ်သဖြင့် အရာအားလုံးက ရင်းနှီးကျွမ်းဝင်နေသလိုပင်။ ထို့ကြောင့် လုပိုင်ဟောက်သည် သူတို့၏ ဆွေမျိုးသားချင်းများအားလုံးကို လိုက်လံစုံစမ်းခဲ့သေးသည်။</p> <p> </p> <p> </p> <p> </p> <p>မည်သူမှန်း အတိအကျ မသိရသေးသော်လည်း ၎င်းသည် သူတို့အတွက် လောင်းကြေးထပ်ရန် ထိုက်တန်နေဆဲပင်ဖြစ်နေသည်။</p> <p> </p> <p> </p> <p> ဘီလီယံရရှိရန်အတွက် ၂၅၀ မီလီယံလောက် စွန့်စားရခြင်းသည် ကြောက်စရာမရှိပေ။</p> <p> </p> <p> </p> <p>“အိုလု... မင်း အမှတ် (၁) မြေကွက်ပိုင်ရှင်ကို တကယ်မသိဘူးဆိုတာ သေချာရဲ့လား။”</p> <p> </p> <p> </p> <p>စုန့်ခွန်လင်းမှာ လုပိုင်ဟောက်၏ လုပ်ရပ်ကြောင့် ဇဝေဇဝါ ဖြစ်နေခဲ့သည်။ ဤကဲ့သို့သောအခြေအနေမျိုးတွင် သူသည် မြေကွက်ကို လွှဲပြောင်းရယူချင်နေသည်။</p> <p> </p> <p> </p> <p>“ငါကိုယ်တိုင်ကရော အမှတ် (၁) မြေကွက်ပိုင်ရှင်လို့ မင်းမထင်မိဘူးလား။”</p> <p> </p> <p>လုပိုင်ဟောက်ကစာချုပ်ကို နှုတ်ခမ်းထက်တွင်လှောင်ပြုံးကိုချိတ်ဆွဲ၍ ပြန်ပြောလိုက်သည်။</p> <p> </p> <p> </p> <p>“မင်းမှာ အဲဒီလို အရည်အချင်းမျိုး မရှိပါဘူး။”</p> <p> </p> <p> </p> <p>ဤသို့ပြောနေစဉ်တွင် စုန့်ခွန်လင်းသည် ဂုဏ်ယူဝင့်ကြွားမှုကို ခံစားနေရဆဲပင်ဖြစ်သည်။ သူတိုနှစ်ဦးသည် ပြိုင်ဘက်တွေ ဖြစ်သော်လည်း သူသည် လုပိုင်ဟောက်ကို အလွန် အထင်သေးထားခြင်း ဖြစ်သည်။</p> <p> </p> <p> </p> <p>သို့သော်ဤမြေကွက်ကို လုပိုင်ဟောက်က လွှဲပြောင်းယူမည်ဖြစ်သဖြင့် စုန့်ခွန်လင်းလည်း သက်ပြင်းချကာ စိတ်အေးသွားရသည်။</p> <p> </p> <p> </p> <p>နောက်ထပ် လုပ်ဆောင်ရမည့်အချက်များကို သဘောတူညီပြီးနောက် လုပိုင်ဟောက်သည် သူ၏လူများနှင့်အတူ ထွက်ခွာသွားခဲ့သည်။</p> <p> </p> <p> </p> <p>“သူက ဘယ်လိုလုပ် ဝယ်ရဲတာလဲ။”</p> <p> </p> <p> </p> <p>“ဘာလို့ မဝယ်ရဲရမှာလဲ။သူတို့က အစတုန်းက ဒီလောကကိုဘယ်လိုတက်လာတာလဲ။လောင်းကစားဆန်ဆန် စွန့်စားခဲ့လို့ မဟုတ်ဘူးလား။အဲဒီလူက ငါ့ကိုပဲ ပစ်မှတ်ထားနေတာလို့ သူတို့ကထင်ပြီးလောင်းကြေးထပ်ချင်နေတာ ဖြစ်မှာပေါ့။ ဟွန်း...သောက်ပေါတွေပဲ။ တစ်ဖက်လူက ငါ့ကို ပစ်မှတ်ထားနေမှတော့ ဒီလောက်ကြီးမားတဲ့ အမြတ်အစွန်းကို သူတို့က ဘယ်လိုလုပ် လက်လွှတ်ခံမှာလဲ။”</p> <p> </p> <p> </p> <p>စုန့်ခွန်လင်းသည် လုပိုင်ဟောက် အရှက်ရမည့်အချိန်ကိုသာစောင့်မျှော်နေခဲ့ခြင်းဖြစ်၏။ နောက်ဆုံးတွင်ဤမျှ အကျိုးအမြတ်များတဲ့ကိစ္စကို အမှတ် (၁) မြေကွက်ပိုင်ရှင်က အမှတ် (၂) မြေကွက်ကို ဈေးပေါပေါနဲ့ ရဖို့အတွက် ဖန်တီးထားတာပဲ ဖြစ်ရမည်။သူတို့လက်ထဲ ရောက်ခါနီး မုန့်ချိုကို တခြားလူက လုယူသွားတာကို သူတို့ ဘယ်လိုကြည့်နေကြမည်မဟုတ်ဟု ထင်နေခဲ့သည်။</p> <p> </p> <p> </p> <p>Ansk နည်းပညာကုမ္ပဏီမှ နည်းပညာအဖွဲ့အသည်းများသည် ဟီလ်တန်ဟိုတယ်သို့ ရောက်ရှိနေပြီဖြစ်ပြီး အချက်အလက်အချို့ကို စတင်စုဆောင်းနေပြီဖြစ်သည်။</p> <p> </p> <p> </p> <p>အန်နာဘဲလ် သည် လုပေါင်၏ တိုက်ရိုက်ထုတ်လွှင့်မှုကိုပြန်လည်ကြည့်ရှူရင်း ဒေတာအချက်အလက်များကိုလည်း မှတ်တမ်းတင်နေသည်။</p> <p> </p> <p> </p> <p>“မစ္စအန်နာ... ကျွန်တော်တို့ အပြင်ထွက်လာရပြီပဲ။ အလုပ်တွေ အရမ်းမလုပ်ပါနဲ့ဦ။အပျော်အပါးလးလေးအရင်ရှာရအောင်လေ။”</p> <p> </p> <p> </p> <p>အန်နာ၏ လက်ထောက်က လာရောက်မဲဆွယ်တော့သည်။ တရုတ်နိုင်ငံ၏တိုက်ရိုက်ထုတ်လွှင့်မှုများသည် အထွေအထူး ထူးခြားခြင်းမရှိပေ။</p> <p> </p> <p> </p> <p> </p> <p>“မင်းတို့ပဲ သွားပျော်ကြပါ။ ငါ ဒေတာတွေကို လေ့လာလိုက်ဦးမယ်။” </p> <p> </p> <p> </p> <p>အန်နာဘဲလ်သည်လုပေါင်၏ မျောက်ဖြူဂူထုတ်လွှင့်မှုကိုပြန်လည် ကြည့်ရှုနေခြင်းဖြစ်သည်။ သူမသည် ဗီဒီယိုထဲမှ ထူးခြားလှသော မြင်ကွင်းများကို ကြည့်ပြီး အလွန်အံ့ဩနေမိသည်။</p> <p> </p> <p> </p> <p>“ဒေတာတွေကို လေ့လာနေစရာ မလိုပါဘူး။ မနက်ဖြန်ကျရင် သွားကြည့်လိုက်တာနဲ့ သိရမှာပါ။ တရုတ်လူမျိုးတွေက လှည့်ကွက်လေးတွေနဲ့လူတွေကို ကစားရတာ ဝါသနာပါကြတာပဲ။ ဒါဆိုကျွန်တော်သွားလိုက်ပါအုံးမယ် မစ္စအန်နာ။”</p> <p> </p> <p> </p> <p> </p> <p>“သွားပါ။”</p> <p> </p> <p> </p> <p>ဒါတွေက တကယ်ပဲ လှည့်ကွက်လေးတွေလဖြစ်နိုင်သည်လော။လုပေါင်သည်မျောက်ဖြူတစ်ကောင်ကို ရိုက်ထုတ်လိုက်တာကို ကြည့်ပြီး အန်နာဘဲလ် တစ်ယောက် လုပေါင်အစားချွေးပြန်မိသည်။ဤအခြေအနေမျိုးမှာ သူက ဘယ်လိုတောင် လက်တုံ့ပြန်ရဲသနည်း။</p> <p> </p> <p> </p> <p>သူမသည် မျောက်ဘုရင်ကြီး ကို မြင်လိုက်ရသောအခါ အံ့ဩလွန်းကာ အော်မိသွားသည်။။ ဤလောက်ကြီးတဲ့ မျောက်ဖြူကြီးလော။မျောက်ဖြူကြီးက လူစကားပြောလိုက်တဲ့အခါမှာတော့ သူမ လုံးဝ တုန်လှုပ်သွားခဲ့ရသည်။ ထို့နောက် သူမသည် လုပေါင်၏ ထုတ်လွှင့်မှုများကို တစ်ခုပြီးတစ်ခု ဆက်တိုက်ကြည့်ရှုနေခဲ့ရာ ညနက်သည့်တိုင်အောင်ပင်။ သူမ၏ စိတ်ခံစားချက်များ ငြိမ်သက်သွားရန် အချိန်အတော်ကြာယူခဲ့ရသည်။ တရုတ်လူမျိုးတွေက တကယ်ကို ကြောက်စရာကောင်းတာပဲ။</p> <p> </p> <p> </p> <p>လုပေါင်၏ဘက်တွင်မူ လုလင်းဟွာ က သူ့ထံသို့ ဖုန်းတောက်လျှောက် ခေါ်နေသည်။</p> <p> </p> <p> </p> <p>“Ocean App မှာ အကောင့်တစ်ခု ဖွင့်လိုက်ပါ။ မနက်ဖြန် ဗီဒီယိုတစ်ခုခု တင်လိုက်ရုံပါပဲ။ကျွန်တော်တို့ အဲဒါကိုသုံးပြီး လူကြည့်များအောင် လုပ်ပေးမယ်။ ရတနာနတ်ဘုရား အဆင်ပြေရဲ့လား။”</p> <p> </p> <p> </p> <p>Ocean app သည် ocean Live stream ပလက်ဖောင်း၏ App တစ်ခုဖြစ်သည်။ သို့သော် Douyin သို့မဟုတ် Kuaizhi ကဲ့သို့ ထိပ်တန်း App များနှင့် နှိုင်းယှဉ်ပါက သူ၏ ocean app သည် လူကြည့် အလွန်နည်းပါးနေခဲ့သည်။</p> <p> </p> <p> </p> <p>“ကောင်းပြီ ခင်ဗျားပဲ စီစဉ်လိုက်ပါ။”</p> <p> </p> <p> </p> <p>လုပေါင်က အဆင်ပြေသည်ဟု ယူဆလိုက်သည်။</p> <p> </p> <p> </p> <p> </p> <p>“ဗီဒီယိုတင်ဖို့ဆိုတော့... ဘာတင်ရမလဲ။”</p> <p> </p> <p> </p> <p>သူသည် ကုတင်ဘေးက စားပွဲပေါ်တွင် သစ်စေ့များ ခွဲစားနေသော နှင်းလုံးလေးကို ကြည့်လိုက်ပြီးနောက် ကြမ်းပြင်ပေါ်တွင် နှင်းလုံးလေးကို မော့ကြည့်နေသော ဒါပေါင်   ကို ကြည့်လိုက်ကာ စိတ်ကူးတစ်ခု ရသွားခဲ့သည်။</p> <p> </p> <p> </p> <p>ဖုန်းချပြီးနောက် သူသည် ကုတင်ပေါ်မှ ဆင်းကာ ဒါပေါင်နှင် နှင်လုံးလေးတို့ဆီ သွားပြီး ပြောလိုက်သည်။</p> <p> </p> <p> </p> <p>“ငါ့ရဲ့အချစ်ကလေးတို့ရေ... ငါ့ကို အကူအညီတစ်ခုလောက် ပေးနိုင်မလား။”</p> <p> </p> <p> </p> <p>“ဝု...”</p> <p> </p> <p> </p> <p>“ဂူး...”</p> <p> </p> <p> </p> <p>ငါးမိနစ်အကြာတွင် စူပါLive Eyeသည်စတင်အလုပ်လုပ်လာသည်။ ကောင်းကင်မျက်လုံး တွင် ဗီဒီယိုများကိုမှတ်တမ်းတင်နိုင်စွမ်း ရှိသည်။ နှင်းလုံးလေးက ဒါပေါင်၏ ခေါင်းပေါ်တွင် ရပ်နေပြီး သတ္တဝါလေးနှစ်ကောင်စလုံးက ဗီဒီယိုကင်မရာကို ခေါင်းလေးစောင်းကာ ကြည့်နေကြသည်။</p> <p> </p> <p> </p> <p>သူတို့၏ အမူအရာလေးများက အလွန်ပင် ချစ်စရာကောင်းနေသည်။</p> <p> </p> <p> </p> <p>“အားလုံးပဲ မင်္ဂလာပါ။” </p> <p> </p> <p> </p> <p>ကြက်တူရွေးကြီးကလူစကားကို လုပေါင်၏ အသံနှင့် အလွန်တူအောင် ပြောလိုက်သော်လည်း သူ၏ ပုံစံမှာ ကြောင်တောင်တောင်နှင့် ချစ်စရာကောင်းနေသည်။</p> <p> </p> <p> </p> <p>“ဝု ဝု... “</p> <p> </p> <p> </p> <p> </p> <p>ဒါပေါင်ကလည်း လေးနက်သော အမူအရာဖြင့် ဟောင်လိုက်သည်။</p> <p> </p> <p> </p> <p> </p> <p>“ကျွန်တော် ရတနာနတ်ဘုရားဟာ ဒီနေ့ပဲ ocean app ပလက်ဖောင်းကို စတင်ဝင်ရောက်လာပါပြီ။ အားပေးကြတဲ့ မိသားစုဝင်အားလုံးကို ကျေးဇူးတင်ပါတယ်။ ကျွန်တော်... ဂူး... ဂူး... နောက်က ဘာဆက်ပြောရမှာလဲ။”</p> <p> </p> <p> </p> <p>ကြက်တူရွေးကြီးက လည်ပင်းကို ဆန့်ထုတ်ကာ လုပေါင်ကို ကြည့်လိုက်သည်။ စာကြောင်းက ရှည်လွန်းသဖြင့် သူ၏ ဦးနှောက်လေးမှာ ရှော့ ဖြစ်သွားပုံရသည်။</p> <p> </p> <p> </p> <p>“မင်းဘာသာ မင်း သင့်တော်အောင် ပြောလိုက်။” </p> <p> </p> <p> </p> <p>လုပေါင်ကအလျင်အမြန် အချက်ပြလိုက်သည်။</p> <p> </p> <p> </p> <p>“ဂူး...”</p> <p> </p> <p> </p> <p>“ဝု ဝု”</p> <p> </p> <p> </p> <p>“နှင်းလုံးလေးက... လိမ္မာတယ်။ ပါပါးကို ဗီဒီယိုတင်ပြီး လူတွေ Follow လုပ်အောင် ဝိုင်းညာပေးကြစမ်းပါ။ ပါပါး မနက်ဖြန်ကျရင် သစ်စေ့အိတ်ကြီး တစ်အိတ် ဝယ်ပေးမယ်။ အဲဒီ User တွေက လှည့်စားရတာ အရမ်းလွယ်တယ်။”</p> <p> </p> <p> </p> <p>ကြက်တူရွေးကြီးက ခဏလောက် စဉ်းစားပြီးနောက် ကောင်းကင်မျက်လုံးကို ကြည့်ကာ အော်ပြောလိုက်သည်။</p> <p> </p> <p> </p> <p> </p> <p>ဒါပေါင်၏ မျက်လုံးလေးများက သူ၏ ခေါင်းပေါ်မှ ကြက်တူရွေးဆီသို့ ဖြည်းဖြည်းချင်း ရောက်သွားသည်။ ထို့နောက် လုပေါင်ကို လူကဲ့သို့ အမူအရာဖြင့် တစ်ချက်ကြည့်ကာ တိတ်တဆိတ် နောက်ဆုတ်သွားပြီး အမြီးလေးနန့်ကာ လူမရိပ်မိအောင် ဟိုကြည့်ဒီကြည့် လုပ်နေသည်။</p> <p> </p> <p> </p> <p>“အဲဒီ ငတုံးသူဌေးကြီးက ပါပါးကို ပိုက်ဆံပေးရင်... မင်းတို့ ငါနဲ့အတူ ချမ်းချမ်းသာသာနေရတော့မှာ။”</p> <p> </p> <p> </p> <p>ကြက်တူရွေးကြီးမှာ သူ၏ အခြေအနေမှာ အန္တရာယ်ရှိနေပြီဖြစ်ကြောင်း မသိဘဲ သေးနှုတ်သီးကို ဖြဲကာ လုပေါင်၏ အသံကို ပီပြင်စွာ ဆက်လက်တုပနေလေသည်။</p> <p> </p> <p> </p> <p>“ဝု ဝု”</p> <p> </p> <p> </p> <p>ကင်မရာရှေ့တွင် ဒါပေါင်က ရုတ်တရက် လှည့်ပြေးတော့သည်။ ကြက်တူရွေးကြီးမှာ ကော်ဇောပေါ်သို့ ခေါင်းစိုက်ကျသွားပြီး အတောင်ပံကို ခါကာ ပြန်ထလာသည်။ ထို့နောက် ဒါပေါင်နောက်သို့ ဆဲဆိုကာ မြေပြင်ပေါ် ပြေးလွှားလိုက်တော့သည်။</p> <p> </p> <p>“ဝု ဝု”(မြန်မြန်ပြေး... မဟုတ်ရင် အထုခံရလိမ့်မယ်)။</p> <p> </p> <p> </p> <p> ပြန်ရိုက်ရမလားလုပေါင်မှာ စကားမပြောနိုင်လောက်အောင် ဖြစ်သွားရသည်။ ဒီကြက်တူရွေးကြီးမှာ စကားသင်တဲ့အခါ အားနည်းချက်တစ်ခု ရှိသည်။စာကြောင်းရှည်လျှင် မေ့တတ်သော်လည်း စာကြောင်းတိုလေးများကိုမူ အလွန်မှတ်မိပြီး ပီပြင်အောင် ပြောတတ်သည်။</p> <p> </p> <p> </p> <p>“ကောင်းကင်မျက်လုံး... ပြန်ပြပေး။” </p> <p> </p> <p> </p> <p>စူပါ live eyeကဗီဒီယိုအတိုကို ချက်ချင်း ပြန်ပြသည်။ပြန်ကြည့်ပြီးနောက် လုပေါင် ပါးစပ်အဟောင်းသားဖြစ်သွားသည်။ ဗီဒီယိုက တကယ်ကို ကောင်းနေပုံရသည်။အထူးသဖြင့် သူတို့၏ လူကဲ့သို့ အမူအရာများနှင့်ကြောင်တောင်တောင်ပုံစံများမှာချစ်စရာကောင်းသည်။</p> <p> </p> <p> </p> <p>“သူဌေးကို စော်ကားသလို ဖြစ်နေတာကလွဲရင်ပေါ့... ထားလိုက်ပါတော့ တင်လိုက်တော့မယ်။”</p> <p> </p> <p> </p> <p>လုပေါင်သည် ဗီဒီယိုကို အနည်းငယ် တည်းဖြတ်ပြီးနောက် သူ၏ ဘဝတွင် ပထမဆုံးသော ဗီဒီယိုအတိုကို တိုက်ရိုက် တင်လိုက်သည်။</p> <p> </p> <p> </p> <p>ငါးမိနစ်အကြာတွင် ဗီဒီယိုမှာ စစ်ဆေးမှု အောင်မြင်သွားပြီး လူကြည့်များရန် ထောက်ပံ့မှုုံများကိုလည်း ရရှိသွားသည်။ Follower အရေအတွက်မှာ အရှိန်အဟုန်ဖြင့် တက်လာခဲ့သည်။ တစ်ချိန်တည်းမှာပင် ဗီဒီယိုကို ocean Live stream ပလက်ဖောင်းနှင့် လုပေါင်ကို Follow လုပ်ထားသော User များ၏ ချန်နယ်များတွင်လည်း ပြသပေးခဲ့သည်။</p> <p> </p> <p> </p> <p>လုပေါင်သည် ယခုအချိန်တွင် အလွန်ရေပန်းစားနေသူဖြစ်သည်။ သူနှင့်ပတ်သက်သော သတင်းဆိုလျှင် User များက နှိပ်ကြည့်ကြမြဲ။ နှင်းလုံးလေးနှင့် ဒါပေါင်ကို လူများက ချက်ချင်းပင် ချစ်ခင်သွားကြပြီး Follower အရေအတွက်မှာလည်း တရိပ်ရိပ် တက်လာသည်။</p> <p> </p> <p> </p> <p>၁ သောင်း... ၁ သောင်းခွဲ... ၂ သောင်း... ၃ သောင်း... ညနက်ပိုင်းတွင် နာရီဝက်မပြည့်မီမှာပင် Follower ၉ သောင်း တိတိ ရရှိသွားသည်။</p> <p> </p> <p> </p> <p>“ဒါတောင် လူကြည့်သိပ်မများသေးဘူးပဲ။”</p> <p> </p> <p> </p> <p>လုပေါင်က Comment များကို ကြည့်လိုက်သည်။ Comment ပေါင်း ၃ သောင်းကျော် ရှိနေသည်</p> <p>“ဝိုး... မြန်မြန် Like ပေးပြီး Comment ရေးကြစို့။ ရတနာနတ်ဘုရားကို လူသိအောင် ဝိုင်းလုပ်ပေးကြမယ်။ သူက သူဌေးရဲ့ ပလက်ဖောင်းပေါ်မှာ သူဌေးကို ပြန်ဆဲရဲတယ်ဟ။ သူ့သူဌေးမြင်သွားအောင် အပေါ်ရောက်အောင် တွန်းတင်ကြစို့။”</p> <p> </p> <p> </p> <p>“ဟာဟားဟား... နှင်းလုံးလေးက အရမ်းချစ်ဖို့ကောင်းတာပဲ။”</p> <p> </p> <p> </p> <p>“ဟေ့လူတို့ တွေ့ကြလား။နောက်ခံက စင်ပေါ်မှာ ရွှေတုံးတွေနဲ့ အပြာရောင် နီလာခဲကြီး တစ်လုံး ရှိနေတယ်ဟ။”</p> <p> </p> <p> </p> <p>“အမလေး... ဒါ ဘယ်လို မိသားစုမျိုးလဲ။ဘာလို့ ဒီလောက်တောင် ချမ်းသာနေရတာလဲ။”</p> <p> </p> <p> </p> <p>“ရတနာနတ်ဘုရားက ဘာလို့ မျက်နှာမပြတာလဲ။”</p> <p> </p> <p> </p> <p>“အမြီးနန့်နေတဲ့ကောင်က ရတနာနတ်ဘုရား မဟုတ်ဘူးလား။”</p> <p> </p> <p> </p> <p>“ဘာရယ်...”</p> <p> </p> <p> </p> <p>မကြာမီပင် Follower ၁ သိန်း ပြည့်သွားသည်။ သို့သော် ကြည့်ရှူသူများက တွန်းအားပေးနေသော်လည်း ဤမျှသာ တက်ခြင်းမှာ ညနက်ပိုင်းဖြစ်သဖြင့် တိုက်ရိုက်ထုတ်လွှင့်မှု ကြည့်သူ နည်းပါးနေသောကြောင့် ဖြစ်နိုင်သည်။ ထို့အပြင် ocean Live stream ၏ လူသုံးစွဲမှုမှာလည်း အလွန်နည်းပါးနေသေးသည်။</p> <p> </p> <p> </p> <p>“ထားလိုက်ပါတော့... ငါကိုယ်တိုင် တစ်ပုဒ်လောက် ရိုက်လိုက်မယ်။”</p> <p> </p> <p> </p> <p>လုပေါင်သည် အပြင်ဘက်မှ လင်းထိန်နေသော လရောင်ကို ကြည့်လိုက်သည်။ ထို့နောက် သူ၏ ကိုယ်ဟန်မှာ ဝေဝါးသွားပြီး အခန်းထဲမှ တိုက်ရိုက် ပျောက်ကွယ်သွားတော့သည်။”</p> <p>***</p> <p> </p>


Save