Book List

<h2 style="text-align: center;">အခန်း (၃၂)</h2> <h2 style="text-align: center;">တစ်ချက်ခေါ်ရုံဖြင့် လူသောင်းချီတုံ့ပြန်ခြင်း</h2> <h2 style="text-align: center;">*</h2> <p> </p> <p> </p> <p> </p> <p>လရောင်သည် ချင်းကျန်း မြို့ပေါ်သို့ ဖြာကျနေသည်။ လုပေါင်သည် မြို့၏ နာမည်ကြီးရပ်ကွက်တစ်ခု၏ပန်းခြံသို့ ရောက်ရှိနေပြီး သူ၏ ကျောပြင်ကိုသာ ပြသထားကာ မျက်နှာကိုမူ လုံးဝ ပြခြင်းမရှိပေ။ သူသည် ဖျတ်လတ်သော မျောက်တစ်ကောင်ကဲ့သို့ သစ်ပင်များအကြား လျင်မြန်စွာ ကူးလွှတ်ခုန်ပျံနေသည်။ ညကောင်းကင်အောက်တွင် သူသည် သိုင်းဆရာတစ်ဦးနှင့်ပင် တူနေတော့၏။</p> <p> </p> <p> </p> <p>မျောက်သိုင်းပညာ ၏ အကြီးမားဆုံး အားသာချက်မှာ အံ့အားသင့်ဖွယ် ကောင်းလှသော အရှိန်အဟုန်ပင် ဖြစ်သည်။</p> <p> </p> <p> </p> <p>စူပါ Live Eye သည် သူ၏ အရိပ်ပမာ နောက်မှ ထပ်ကြပ်မကွာ လိုက်လံရိုက်ကူးနေသည်။ ပန်းခြံအဆုံးသို့ ရောက်သောအခါ လုပေါင်သည် လပြည့်ဝန်းကြီးဆီသို့ ဦးတည်ကာ ရုတ်တရက် ခုန်တက်လိုက်ရာ သူ၏ ပုံရိပ်မှာ လမင်းဆီသို့ ပျံသန်းသွားသယောင်ဖြစ်နေတော့၏။</p> <p> </p> <p> </p> <p>လုပေါင်သည် ဗီဒီယိုကို ကျေနပ်စွာ ကြည့်ရှုပြီးနောက် ချက်ချင်းပင် Upload တင်လိုက်သည်။ပြီးစီးသွားပြီဖြစ်သည်။</p> <p> </p> <p> </p> <p>နောက်တစ်နေ့ မနက်တွင် လုပေါင် နိုးနိုးချင်း ပထမဆုံး လုပ်ဆောင်သည့်အရာမှာ Follower မည်မျှ တိုးလာသနည်းဆိုသည်ကို စစ်ဆေးခြင်း ဖြစ်သည်။ သူသည် ညဉ့်နက်မှ ဗီဒီယိုတင်ပြီး ပြန်အိပ်ပျော်သွားခဲ့ခြင်း ဖြစ်သည်။</p> <p> </p> <p> </p> <p>၁.၀၇ မီလီယံကျော်ရှိနေပြီဖြစ်သည်။ဒီကိန်းဂဏန်းက ထင်သလောက် မများဘဲ သာမန်ပဲဟု ထင်ရသည်။</p> <p> </p> <p> </p> <p>အင်တာနက် နာမည်ကျော် အကြီးစားKOLများတွင် Follower သန်းပေါင်းများစွာ အလွယ်တကူ ရှိတတ်သည်ကို လုပေါင် သိသည်။ သို့သော် ocean  App တွင်လူသုံးနည်းလွန်းလှသည်။ ဒီလောက် ရရှိခြင်းမှာ ၈၀ ရာခိုင်နှုန်းခန့်မှာ ocean Live Stream ဘက်ကနေ လာခြင်း ဖြစ်ပေလိမ့်မည်။</p> <p> </p> <p> </p> <p>Ocean App သည် မူလက အစွန့်ပစ်ခံထားရပြီး ဆုံးရှုံးလုနီးပါး အခြေအနေတွင်သာ ရှိနေခဲ့သည်ကို သူ မသိခဲ့ပေ။</p> <p> </p> <p> </p> <p>ယခုမူ သူ၏ ကျေးဇူးကြောင့် သန်းခေါင်ယံမှ ယခုအချိန်အထိ အသုံးပြုသူသစ် ၈ သိန်းကျော် တိုးလာခဲ့ပြီး အရေအတွက်မှာ ဆက်လက် မြင့်တက်နေဆဲ ဖြစ်သည်။ ဤအကျိုးသက်ရောက်မှုမှာ လူအများ အံ့သြရလောက်အောင် ပြင်းထန်လှသည်။</p> <p> </p> <p> </p> <p>ဒါဟာ အသုံးပြုသူ ကြည့်ရှုမှုအနည်းဆုံးအချိန်မှာတောင် ဖြစ်ပေါ်လာခြင်းဖြစ်၏။</p> <p> </p> <p> </p> <p>တစ်ချိန်တည်းမှာပင် သူ၏ ယနေ့ တိုက်ရိုက်ထုတ်လွှင့်မှုအတွက် အကြံပြုချက် အမျိုးမျိုး ရောက်ရှိလာသည်။App အသိပေးချက်များ App ဖွင့်လိုက်လျှင် ပေါ်လာသည့် ကြော်ငြာများ Banner များ Ocean live stream ကို ဖွင့်လိုက်သည်နှင့် သူ၏ လာမည့် ထုတ်လွှင့်မှုအကြောင်း သတင်းစကားမျိုးစုံကို မြင်တွေ့နိုင်သည်။</p> <p> </p> <p> </p> <p>“လျှို့ဝှက်ဆန်းကြယ်သော ပင်လယ်ရတနာသိုက် ပေါ်ထွက်လာပြီ။”</p> <p> </p> <p> </p> <p>“ပင်လယ်နက်အောက်ခြေမှ ရတနာသိုက်။”</p> <p> </p> <p> </p> <p>“လက်ငင်းငွေသား သိန်းပေါင်းများစွာ သင့်ကို စောင့်ကြိုနေသည်။”</p> <p> </p> <p> </p> <p>လုပေါင်သည် ထုတ်လွှင့်မည့်အချိန်ကို မနက် ၁၀ နာရီဟု သတ်မှတ်ထားသည်။ ယခု မနက် ၈ နာရီသာ ရှိသေးသော်လည်း တိုက်ရိုက်ထုတ်လွှင့်မည့် အခန်းထဲတွင် လူပေါင်း ၁ သိန်းကျော်က စကားပြောရင်း စောင့်ဆိုင်းနေကြပြီ ဖြစ်သည်။ ဤလူများအားလုံးမှာ လုပေါင်၏ အမာခံ ပရိသတ်များ ဖြစ်လာကြသည်။</p> <p> </p> <p> </p> <p>တစ်ချိန်တည်းမှာပင် ocean Live stream ကုမ္ပဏီတွင် ဝန်ထမ်းအားလုံး အလုပ်ရှုပ်နေကြသည်။ ယနေ့သည် နေ့ကြီးရက်ကြီး တစ်နေ့ ဖြစ်သည်။</p> <p> </p> <p> </p> <p>မနက် ၉ နာရီအချိန်ကျရောက်ပြီဖြစ်သည်။</p> <p> </p> <p> </p> <p>“သူဌေး... စာချုပ် လက်မှတ်ထိုးပြီးပါပြီ။ တကယ်လို့ ဆာဗာ Load တက်ပြီး ပျက်ကျသွားရင် သူတို့က ကျွန်တော်တို့ရဲ့ ဆုံးရှုံးမှုတွေအတွက် တာဝန်အပြည့်အဝ ယူမှာဖြစ်သလို ဆာဗာတွေကိုလည်း အခမဲ့ အဆင့်မြှင့တင်ပေးပါလိမ့်မယ်။”</p> <p> </p> <p> </p> <p>လုလင်းဟွာ၏ အတွင်းရေးမှူးက စာချုပ်ကို ယူဆောင်လာသည်</p> <p> </p> <p> </p> <p>“ကောင်းပြီ။” </p> <p> </p> <p> </p> <p>လုလင်ဟွာကလက်ထဲမှ စာချုပ်ကို ကြည့်ကာ ပြုံးလိုက်သည်။ဤအရာသူတို့ဘာသာ ရွေးချယ်ခဲ့ခြင်းပင်။</p> <p> </p> <p> </p> <p>“လူကြည့်များတာ မှန်ပေမယ့် အခုထိ ဆာဗာ က အေးဆေးပဲ မဟုတ်လား။” </p> <p> </p> <p> </p> <p>ဂရေးက လက်ရှိ ဒေတာတွေကို ကြည့်ပြီး အထင်သေးသော အမူအရာဖြင့် ပြောလိုက်သည်။</p> <p> </p> <p> </p> <p>အောဒရစ်ချ်က လှောင်ပြုံးပြုံးကာ</p> <p> </p> <p> </p> <p>“ဒီတရုတ်လူမျိုး သူဌေးက လူကြည့်နှုန်း ၁၀ ဆလောက် ရုတ်တရက် တက်လာမယ်လို့ တကယ်ကြီး ထင်နေတာလား။အမှန်တရားက မျက်စိရှေ့မှာ ရှိနေတာတောင် သူတို့က လက်မခံနိုင်ကြသေးဘူး။”</p> <p> </p> <p> </p> <p>“ပိုက်ဆံ မသုံးချင်လို့ ဒီလို ရယ်စရာကောင်းတဲ့ အကြောင်းပြချက်တွေ ပေးနေတာပဲ။”</p> <p> </p> <p> </p> <p>“ဟား ဟား”</p> <p> </p> <p> </p> <p>Ansike ကုမ္ပဏီမှ နည်းပညာရှင်များနှင့် ကျွမ်းကျင်သူများ အားလုံး လှောင်ရယ်နေကြသည်။ အန်နာဘဲလ် တစ်ယောက်သာ လုပေါင်၏ တိုက်ရိုက်ထုတ်လွှင့်မည့် အခန်းမှ ဒေတာများကို ငေးကြည့်နေမိသည်။ သူမသည် တစ်ညတည်းနှင့် လုပေါင်၏ ပရိသတ် ဖြစ်သွားခဲ့ပြီ။ ဤအံ့ဖွယ် တရုတ်အမျိုးသားသည် သူမကို လုံးဝ အံ့အားသင့်စေခဲ့သည်။</p> <p> </p> <p> </p> <p>ဝံပုလွေအုပ်ကြားထဲ အိပ်စက်ခြင်း ကျားဂူထဲသွားပြီး ကျားတွေကို ပွက်သပ်ပေးခြင်း မျောက်ဖြူဂူကို သွားပြီး မျောက်ဘုရင်ကြီးနှင့်ယှဥ်ပြိုင်ခြင်း ပင်လယ်အောက်ခြေကို ဆင်းပြီး ကမ္ဘာ့စံချိန်က်ိုရိုက်ချိုးနိုင်ခြင်းသည် နတ်ဘုရားကဲ့သို့စွမ်းဆောင်ရည်ရှိ၏။</p> <p> </p> <p> </p> <p> </p> <p>“ကြည့်စမ်း... အဲဒီ အန်နာဘဲလ်က ကုမ္ပဏီရဲ့ အဆင့်မြင့် အမှုဆောင်တစ်ဦးပဲ။ လှရုံတင်မကဘူး။ချမ်းလည်း ချမ်းသာတယ်။ သူက အပျိုလို့လည်း ကြားတယ်။”</p> <p> </p> <p> </p> <p>“ကြည့်မနေနဲ့တော့။ သူက ငါတို့ကို စိတ်ဝင်စားမှာ မဟုတ်ဘူး။ သူတို့ရဲ့ လှောင်ပြုံးတွေကို ကြည့်ရုံနဲ့ သိသာတယ်။ ဒီနည်းပညာသမားတွေက ငါတို့လိုလူတွေကို မြင်ရင် သူတို့ကိုယ်သူတို့ အသာစီးရနေသလို ခံစားနေကြတာ။”</p> <p> </p> <p> </p> <p>“တိုက်ရိုက်ထုတ်လွှင့်မှု စလိုက်လို့ သူတို့ သေမတတ် လန့်သွားတာကို စောင့်ကြည့်လိုက်စမ်းပါ။”</p> <p> </p> <p> </p> <p>“ဟီးဟီး... ကျွန်တော်လည်း စောင့်မျှော်နေပါတယ်။”</p> <p> </p> <p> </p> <p>Ansike ကုမ္ပဏီက တရုတ်လူမျိုးတွေရဲ့ လောဘကို လှောင်ပြောင်နေချိန်မှာ ocean Live stream ၏ဝန်ထမ်းတွေကလည်း ဒီလူတွေ အရှက်ရမယ့်အချိန်ကို စောင့်ကြည့်နေကြပြီး တစ်ယောက်နဲ့တစ်ယောက် အပြန်အလှန် နားလည်မှုဖြင့် တိတ်တဆိတ် စောင့်ဆိုင်းနေကြသည်။</p> <p> </p> <p> </p> <p>အချိန်တွေ ကုန်ဆုံးသွားသည်။ ထုတ်လွှင့်ရန် ၁၀ မိနစ်သာ လိုတော့သည်။</p> <p> </p> <p> </p> <p>လုပေါင်သည် နေရာသို့ ရောက်ရှိနေပြီ ဖြစ်သည်။ ယခုအကြိမ်တွင် သူသည် ကျောပိုးအိတ်တစ်လုံးကိုလည်း ယူဆောင်လာခဲ့သည်။ ကျောပိုးအိတ်၏ အရည်အသွေးမှာ အလွန်ကောင်းမွန်သည်။ သူသည် အောက်ခြေမှ ပစ္စည်းအတော်များများကို သယ်ဆောင်လာရန် စီစဉ်ထားသည်။</p> <p> </p> <p> </p> <p>“မျက်နှာကို အနည်းငယ် ပြုပြင်မယ်... စူပါ live eye ရေအောက် ထုတ်လွှင့်မှုကို စတင်လိုက်တော့။”</p> <p> </p> <p> </p> <p>လုပေါင် တိုက်ရိုက်ထုတ်လွှင့်မှု စတင်ပြီဖြစ်၏။ကျောက်ဆောင်တစ်ခုပေါ်တွင် ရပ်ရင်း လုပေါင်သည် ထုတ်လွှင့်မှုကို ကြည့်လိုက်သည်။ အခန်းထဲတွင် လူပေါင်း ၄ သိန်း စောင့်နေကြပြီ ဖြစ်သည်။ လုပေါင် ပေါ်လာသည်နှင့် တစ်ခန်းလုံး ဆူညံသွားတော့သည်။</p> <p> </p> <p> </p> <p>“သူ လာပြီ...။”</p> <p> </p> <p> </p> <p>“အား... ရေအောက်ရတနာကို ကြည့်ချင်လှပြီ။”</p> <p> </p> <p> </p> <p>“ရတနာနတ်ဘုရားက ထာဝရ နတ်ဘုရားပါပဲဗျို့။”</p> <p> </p> <p> </p> <p>“စောသေးတာပဲ ငါ မြန်မြန်လာတာမှီလို့ တော်သေးတာပေါ့။”</p> <p> </p> <p> </p> <p>“ငွေသိန်းပေါင်းများစွာရေ... ငါ လာပြီဟေ့။ဟာ... ဘယ်သူက ဒီလောက်တောင် ကြမ်းနေတာလဲ ထုတ်လွှင့်တာနဲ့ ချက်ချင်းပင်လယ်ရတနာသိုက်တွေလက်ဆောင်ပေးနေကြပြီပဲ။”</p> <p> </p> <p> </p> <p>ရတနာသိုက် လက်ဆောင်များ တစ်ခုပြီးတစ်ခု တက်လာသည်။ ရွှေရောင်တောက်နေသော ရတနာမြေပုံကြီးများသည် ထုတ်လွှင့်မှုမျက်နှာပြင်ပေါ်တွင် တဖျပ်ဖျပ် ပေါ်လာသည်။ အခန်းထဲရှိ လူအရေအတွက်မှာလည်း ၁ သန်းကျော်အထိ တဟုန်ထိုး တက်သွားသည်။</p> <p> </p> <p> </p> <p>“ဒီထုတ်လွှင့်မှုအတွက် ကျွန်တော် မနေ့ညက တစ်ညလုံး လိုက်ရှာပြီး ရေအောက်ရတနာသိုက်တစ်ခုကို ရှာတွေ့ခဲ့ပါတယ်။ ၎င်းရဲ့ တန်ဖိုးကတော့ သန်းပေါင်းများစွာ ရှိနိုင်ပါတယ်။ခဏနေရင် အတူတူ ဖော်ထုတ်ကြရအောင်ပါ။”</p> <p> </p> <p> </p> <p>“ဒါဟာ ရေအောက်ထုတ်လွှင့်မှု ဖြစ်တဲ့အတွက် ကျွန်တော် တစ်ချိန်လုံး စကားပြောနိုင်မှာ မဟုတ်ပါဘူး။ အားလုံးပဲ ပျော်ပျော်ရွှင်ရွှင် ကြည့်ရှုနိုင်ကြပါစေလို့ မျှော်လင့်ပါတယ်။ တစ်ခုခု တောင်းဆိုချင်တာ ရှိရင် Chat မှာ ရေးခဲ့ပါ။ကျွန်တော် မြင်နိုင်ပါတယ်။ ကဲ... အချိန်စဖို့ ၅ မိနစ်ပဲ လိုပါတော့တယ်။ခဏလောက် စောင့်ကြရအောင်။”</p> <p> </p> <p> </p> <p>လုပေါင် အချိန်ကို စစ်ဆေးလိုက်သည်။ သူက ၁၀ နာရီဟု ပြောထားသဖြင့် ၁၀ နာရီအတိတွင် စရမည်။ စောစီးစွာ စတင်လိုက်ပါက လူအများ လွတ်သွားနိုင်သောကြောင့် ဖြစ်သည်။</p> <p> </p> <p> </p> <p>ထိုအချိန်တွင် ocean ကုမ္ပဏီ၌ အန်နာဘဲလ်နှင့် အခြားသူများမှာ ဤအချိန်အတွင်း တက်လာသော ဒေတာများကို ကြည့်ပြီး တုန်လှုပ်သွားကြသည်။ ၉ နာရီ မိနစ် ၂၀ ဝန်းကျင်မှ စတင်ကာ လူကြည့်နှုန်းမှာ တရိပ်ရိပ် တက်လာခဲ့သည်။ ယခုအခါ အခြား Streamer အားလုံးနီးပါးမှာ လူကြည့်မရှိတော့ဘဲ ယခုမှ စတင်လိုက်သော ဤအခန်း တစ်ခုတည်းတွင်သာ လူများ စုပြုံရောက်ရှိနေသည်ကို တွေ့လိုက်ရသဖြင့် သူတို့ ဆွံအသွားကြသည်။</p> <p> </p> <p> </p> <p>ဒီအခန်းတစ်ခုတည်းမှာတင် လူပေါင်း ၁ သန်းကျော် စုနေတာပဲ။</p> <p> </p> <p> </p> <p>“ဒီဒေတာတွေက တကယ်လား အတုတွေလား။”</p> <p> </p> <p> </p> <p>ဂရေးသည်မယုံနိုင်ဖြစ်နေ၏။ထိုဒေတာမျိုးက တကယ် ဖြစ်နိုင်ပါ့မည်လော။</p> <p> </p> <p> </p> <p>“တကယ့်အစစ်တွေပါ။”</p> <p> </p> <p> </p> <p>အန်နာဘဲလ်သည် ထုတ်လွှင့်မှုကို စူးစူးစိုက်စိုက် ကြည့်ရင်း ပြောလိုက်သည် ။</p> <p> </p> <p> </p> <p>“လူဝင်နှုန်း ပြောင်းလဲပုံကို ကြည့်လိုက်ဦး။ ပျမ်းမျှအားဖြင့် တစ်မိနစ်ကို လူပေါင်း သောင်းနဲ့ချီပြီး ဝင်လာနေတာ။Ovean ရဲ့ ဆာဗာ ပြတ်တောက်ရတဲ့ အကြောင်းရင်းက ဒီ Streamer ကြောင့်ပဲ။”</p> <p> </p> <p> </p> <p>အခန်းထဲရှိ လူအရေအတွက်မှာ ၁.၂ မီလီယံမှ ၁.၃၃ မီလီယံ ထို့နောက် ၁.၅ မီလီယံ စသည်ဖြင့်ဆက်မပြတ် တက်နေဆဲ ဖြစ်သည်။ ၁၀ နာရီ မထိုးမီလေးတွင် လူအရေအတွက်မှာ ၂.၇ မီလီယံသို့ ရောက်ရှိသွားသည်။ ဤသည်မှာ ဒေတာများမှာအစစ်အမှန်များပင်ဖြစ်၏။</p> <p> </p> <p> </p> <p> </p> <p>၎င်းသည် robotsတွေ မဟုတ်ပေ။တကယ်ကြည့်နေတဲ့ လူဦးရေ အစစ်အမှန်တွေသာဖြစ်၏။</p> <p> </p> <p> </p> <p> </p> <p>“ပရိတ်သက်တို့ရေ... ၁၀ နာရီ ထိုးတော့မယ်။ အောက်မှာ ကျွန်တော့်ရဲ့ Ocean app အကောင့် Link ပေးထားပါတယ်။ မနေ့ညကမှ ဖွင့်ထားတာပါ။ အားလုံးပဲ Follow လုပ်ထားပေးကြပါဦး နောက်ပိုင်း ဗီဒီယိုလေးတွေ မကြာခဏ တင်ပေးသွားပါ့မယ်။”</p> <p> </p> <p> </p> <p>အချိန် ၁ မိနစ်သာ လိုတော့သည်ကို မြင်သောအခါ လုပေါင်သည် သူ၏ Ocean app ကို ချက်ချင်း ကြော်ငြာလိုက်သည်။</p> <p> </p> <p> </p> <p>လူကြည့်များခြင်းသည် အဓိကပင်ဖြစ်၏။ သူသည် သူ၏ အကောင့်ကို စနစ်တကျ တိုးတတ်စေရန် လိုအပ်သည်။ အနည်းဆုံးတော့ ပရိသတ်များနှင့် ဆက်သွယ်နိုင်မည့် နေရာတစ်ခု ရှိနေရမည်။</p> <p> </p> <p> </p> <p>အိုးရှန်း ကုမ္ပဏီတွင် လုလင်းဟွာသည် စိတ်လှုပ်ရှားစွာ လက်ခုပ်တီးလိုက်သည်။ သူသည် ဤကိစ္စကို မေ့နေခဲ့ခြင်း ဖြစ်သည်။ လုပေါင်က ဤအရေးကြီးသော အချိန်တွင် ကြည့်ရှူသူများကိုအာရုံ လွှဲပြောင်းပေးရန် သတိရလိမ့်မည်ဟု သူ မထင်ထားခဲ့ပေ။</p> <p> </p> <p> </p> <p>တစ်ချက်ခေါ်ရုံဖြင့် သောင်းချီတုံ့ပြန်ခြင်းဖြစ်၏။</p> <p> </p> <p> </p> <p>သို့သော် ဘေးထွက်ဆိုးကျိုးများ ပေါ်လာတော့သည်။Ocean App သည် ဤမျှများပြားလှသော လူအုပ်ကြီးကို မခံနိုင်တော့ပေ။ တစ်မိနစ်အတွင်း လူပေါင်း သိန်းချီ ဝင်ရောက်လာခြင်းမှာ မည်သည်ကိုဆိုလိုသနည်း။App မှာ ချက်ချင်းပင် ပျက်ကျ သွားတော့သည်။</p> <p> </p> <p> </p> <p>“ဟို... သူဌေး ကျွန်တော်တို့ရဲ့ Ocean app က ဒီလောက်များတဲ့ လူတွေကို မခံနိုင်လို့ ပျက်ကျသွားပါပြီ။”</p> <p> </p> <p> </p> <p>App တာဝန်ခံမှာ ငိုချတော့မလို မျက်နှာဖြင့် ပြေးလာသည်။ တစ်မိနစ်အတွင်း လူပေါင်း သိန်းချီ ဝင်လာလိမ့်မည်ဟု မည်သူက ထင်ထားမည်နည်း။သိန်းနှင့်ချီသော လူများက တစ်ပြိုင်တည်း Download လုပ်ပြီး ဝင်လာခြင်းမှာ မည်မျှ ကြီးမားသော ပမာဏနည်း။</p> <p> </p> <p> </p> <p>သူတို့ အအောင်မြင်ဆုံး အချိန်မှာတောင် ဤမျှကြည့်ရှုနှုန်းကိုမရခဲ့ဖူးပေ။လုလင်းဟွာက အန်နာဘဲလ်ကို လှမ်းကြည့်လိုက်သည်။</p> <p> </p> <p> </p> <p>“ကျွန်မတို့ဆီကရောလား။” </p> <p> </p> <p> </p> <p>အန်နာဘဲလ်ကပီပြင်သော တရုတ်စကားဖြင့် မေးလိုက်သည်။</p> <p> </p> <p> </p> <p>“ဟုတ်ကဲ့။”</p> <p> </p> <p> </p> <p>“ဒါဆို ကျွန်မတို့အဖွဲ့ကိုပဲ လွှဲပေးလိုက်ပါ။”</p> <p> </p> <p> </p> <p>မျက်မြင်ကိုယ်တွေ့ ကြုံရမှ ယုံကြည်တတ်ကြစမြဲ။ အန်နာဘဲလ်သည်လည်း ပြတ်သားသူ ဖြစ်သည်။</p> <p> </p> <p> </p> <p>“တောက်... ဘာတွေ ဖြစ်ကုန်တာလဲ။ထုတ်လွှင့်မှု အခန်းတစ်ခုတည်းမှာတင် လူ ၃ သန်း ရှိနေတာလား။” </p> <p> </p> <p> </p> <p>အောဒရစ်ချ်ကလုပေါင်၏ အခန်းကို မယုံနိုင်သော မျက်နှာဖြင့် ကြည့်နေမိသည်။ </p> <p> </p> <p>“ဒါကဘာကြီးလဲ။မင်းတို့တွေ ဘာတွေ ကိုကြည့်နေကြတာလဲ။လူတစ်ယောက် ငြိမ်ငြိမ်လေး ရပ်နေတာကိုပဲ ကြည့်နေကြတာလား။တရုတ်လူမျိုးတွေရဲ့ အကြိုက်က ဘာလဲဟ။”</p> <p>***</p> <p> </p>


Save