Book List

<h2 style="text-align: center;">အခန်း (၃၃)</h2> <h2 style="text-align: center;">မြပြာကျောက်တစ်လုံးကို ဆယ်ယူခြင်း</h2> <h2 style="text-align: center;">*</h2> <p> </p> <p> </p> <p> </p> <p>ပင်လယ်ရေလှိုင်းများ၏ကြားတွင် လုပေါင်သည် ငါးတစ်ကောင်၏အလျှင်နှင့် ကူးခတ်နေသည်။ ယခုအခါ သူသည် ရေငုပ်မျက်မှန်ပင် တပ်ဆင်ထားခြင်း မရှိတော့ပေ</p> <p> </p> <p> </p> <p>ပင်လယ်ဘုရင် ခန္ဓာကိုယ်၏ စွမ်းအားသည်  တကယ်ကို ကြောက်စရာကောင်းလှသည်။</p> <p> </p> <p> </p> <p>မီတာ ၃၀... မီတာ ၅၀... မီတာ ၁၀၀... ပင်လယ်ထဲတွင် အမျိုးမျိုးသော ငါးများကို သူ မကြာခဏ မြင်တွေ့နေရသည်။ သူ၏ စွမ်းဆောင်ရည်မှာ ဂရေးနှင့် အောဒရစ်ချ်တို့ကဲ့သို့ နည်းပညာရှင်များကိုပင် ဆွံ့အသွားစေသည်။ သူသည် ထိုအတိုင်း ပင်လယ်အောက်ခြေတွင် ရတနာရှာတော့မည်ဖြစ်သည်။</p> <p> </p> <p> </p> <p>သူ၏ ရေငုပ်နှုန်းမှာ အလွန်မြန်ဆန်လှသဖြင့် မီတာ ၃၀၀ အနက်သို့ ရောက်ရှိနေပြီဖြစ်သော်လည်း အလင်းရောင်မှာ အလွန်ပင် လုံလောက်နေသေးသောကြောင့် လူများကို မီတာ ၁၀၀ ဝန်းကျင်မှာသာ ရှိနေသေးသကဲ့သို့ ထင်ယောင်ထင်မှား ဖြစ်စေသည်။</p> <p> </p> <p> </p> <p>“ဘုရားသရေ... သူက တကယ်ပဲ Streamer တစ်ယောက်လား။”</p> <p> </p> <p> </p> <p>ဂျူလီက အံ့သြတကြီး ရေရွတ်မိသည်။ ဤကဲ့သို့သော လူမျိုးသည် အမှန်စင်စစ်Streamer တစ်ယောက် ဖြစ်နေသည်လော။</p> <p> </p> <p> </p> <p>ကမ္ဘာ့အသန်မာဆုံး ပရော်ဖက်ရှင်နယ် ရေငုပ်အားကစားသမားတွေတောင် သူ့လောက် လုပ်ပြနိုင်မည်မဟုတ်ပေ။</p> <p> </p> <p> </p> <p>“ဟို... ဟိုဘက်က ဘာကြီးလဲ။အိုး... ဘုရားရေ ဧရာမပြည်ကြီးငါးကြီးပဲ။”</p> <p> </p> <p> </p> <p>“ဧရာမပြည်ကြီးငါးကြီးလား။ဒါက‌လေ။”</p> <p> </p> <p> </p> <p>“ဒါက ဘယ်လိုလုပ် ဧရာမပြည်ကြီးငါးကြီးဖြစ်နိုင်မှာလဲ။ဧရာမပြည်ကြီးငါးကြီးတွေက ပင်လယ်အောက်ခြေ မီတာရာပေါင်းများစွာ အနက်မှာ နေကြတာလေ။”</p> <p> </p> <p> </p> <p>နိုင်ငံခြားသားများကိုမပါဝင်‌သေးသောလုပေါင်၏ ပရိသတ်များပင်လျှင် ဤကူးခတ်နေသော ပင်လယ်သတ္တဝါကြီးကို ကြည့်ပြီး တုန်လှုပ်သွားကြသည်။</p> <p> </p> <p> </p> <p>ဧရာမပြည်ကြီးငါးများသည် ရေလွှာအမျိုးမျိုးတွင် နေထိုင်ကြပြီး ပင်လယ်နက်ပိုင်းတွင်ရှိသောသတ္တဝါများ မဟုတ်ကြသေးပေ။ သူတို့၏ အဓိက နေထိုင်ရာ အနက်မှာ မီတာ ၂၀၀ မှ ၄၀၀ ခန့်ပင် ဖြစ်၏။ ယခု လုပေါင် တွေ့လိုက်ရသော သတ္တဝါမှာ တစ်ကိုယ်လုံး သွေးကဲ့သို့ နီရဲနေ၍မျက်လုံးအိမ်ကြီးများပါရှိသော ဧရာမပြည်ကြီးငါး ဖြစ်သည်။</p> <p> </p> <p> </p> <p>တိုက်ရိုက်ထုတ်လွှင့်မှုမှ ပရိသတ်များမှာ ရူးချင်ချင် ဖြစ်ကုန်ကြသည်။</p> <p> </p> <p> </p> <p>“ပြည်ကြီးငါးကြီးကို သွားဖမ်းလိုက်စမ်းပါ။”</p> <p> </p> <p> </p> <p>“အား... ငါ့မှာသာ ဒီအရည်အချင်းရှိရင် ပင်လယ်အောက်ခြေကို နေ့တိုင်း ဆင်းမှာပဲ။”</p> <p> </p> <p> </p> <p>“ဝေးဝေးမှာနေ... အနားမကပ်နဲ့ဦး။”</p> <p> </p> <p> </p> <p>“အမလေး... သူကတော့ ရဲတင်းတာပဲ။သူက ထွက်မပြေးဘဲ အနားသွားကြည့်ဖို့ အရင်စဉ်းစားနေတာလား။ မြန်မြန် ထွက်ခဲ့ပါတော့။”</p> <p> </p> <p> </p> <p>“ဒါက...”</p> <p> </p> <p> </p> <p>လုပေါင်က ပြည်ကြီးငါးကြီးအနားသို့ ချဉ်းကပ်သွားသော်လည်း ၎င်းက သူ့ကို တိုက်ခိုက်ခြင်း မရှိသည့်အပြင် လုပေါင်ကို ပြန်လည် စူးစမ်းနေသည်ကို မည်သူမှ မထင်မှတ်ထားခဲ့ကြပေ။</p> <p> </p> <p> </p> <p>ယခင်က ဝေလငါးကြီးလက်ဆောင်ပေးခဲ့သော ပြည်ကြီးငါးနှင့် နှိုင်းယှဉ်လျှင် ဤတစ်ကောင်မှာ ပို၍ သေးငယ်ပြီး အရှည် ၁၃ မီတာခန့်သာ ရှိသည်။</p> <p> </p> <p> </p> <p> </p> <p>“ဘုတ် ဘုတ်”</p> <p> </p> <p> </p> <p> </p> <p>လုပေါင်က ပြည်ကြီးငါးကြီးကို နှစ်ချက် ပုတ်လိုက်သည်။ ပြည်ကြီးငါးကြီးမှာ လန့်သွားပြီး အမြန်ပင် ထွက်ပြေးသွားတော့သည်။</p> <p> </p> <p> </p> <p>သူ၏ ရင်းနှီးမှုစွမ်းရည်သည်  နတ်ဘုရားဆန်လှသည်။</p> <p> </p> <p> </p> <p>ရေ၏အနက်နှင့် ပင်လယ်အောက်ခြေရှိ ရတနာများအကြောင်းကို စဉ်းစားရင်း လုပေါင်သည် ခတ္တအနားယူကာ စူပါ live eye ၏ ထုတ်လွှင့်မှုကို ခေတ္တရပ်ဆိုင်းလိုက်ပြီး ငါးမန်းတစ်ကောင်ကဲ့သို့ ပင်လယ်အောက်ခြေကိုဒုံးကျည်ကဲ့သို့ ထိုးဆင်းသွားတော့သည်။</p> <p> </p> <p> </p> <p>ထုတ်လွှင့်မှုမှာ စက္ကန့် ၃၀ မပြည့်မီမှာပင် ပြန်လည် ကောင်းမွန်လာသည်။ ထုတ်လွှင့်မှု ပြန်တက်လာချိန်တွင် လုပေါင်သည် ပင်လယ်ရေအောက်၏ ချောက်ကြီး တစ်ခု၏ အထက်သို့ ရောက်ရှိနေပြီ ဖြစ်သည်။</p> <p> </p> <p> </p> <p>ထုတ်လွှင့်မှု ခေတ္တရပ်သွားခြင်းကို မည်သူမှ ထူးဆန်းသည်ဟု မထင်ကြပေ။ ပင်လယ်အောက်ခြေကနေ တိုက်ရိုက်ထုတ်လွှင့်နိုင်နေတာကိုက အံ့သြစရာ ဖြစ်နေပြီလေ။ အင်တာနက် မလိုင်းမကျရင်သာ ထူးဆန်းနေဦးမည်ဖြစ်၏။</p> <p> </p> <p> </p> <p>ရှေ့က မြင်ကွင်းကို မြင်လိုက်ရချိန်မှာတော့ ပရိသတ်တွေ အားလုံး ကြောင်အသွားကြတော့သည်။</p> <p> </p> <p> </p> <p>လုပေါင်၏ အရှေ့၌ရှိသော ကျောက်နံရံပေါ်တွင် နွားမျက်လုံး အရွယ်အစားခန့်ရှိသော ကျောက်မျက်ရတနာ တစ်လုံးရှိနေပြီး ၎င်းမှာ တစ်ခုလုံး အပြာရင့်ရောင် တောက်ပနေသည်။ ၎င်းကို အမည်းရောင်သန်းသော ကျောက်သားအလွှာက ဖုံးအုပ်ထားသော်လည်း အတွင်းမှ အပြာရောင်တောက်ပမှုကိုမူ မဖုံးကွယ်နိုင်ပေ။</p> <p> </p> <p> </p> <p>လုပေါင်သည် သူ၏ အိတ်ထဲမှ ဓားမြှောင်ကို ထုတ်ကာ ကျောက်မျက်ရတနာပေါ်ရှိ အညစ်အကြေးကိုဖယ်ထုတ်လိုက်ရာ နွားမျက်လုံးအရွယ်ရှိသော မြပြာကျောက်ရိုင်း တစ်လုံးမှာ လွယ်လွယ်ကူကူပင် ပြုတ်ထွက်လာတော့သည်။</p> <p> </p> <p> </p> <p>ကင်မရာရှေ့တွင် ကျောက်သားအခွံကို ဖြတ်ပြီး မြင်နေရသည့် အပြာရောင်အရည်အသွေးမှာ အတော်လေး ကောင်းမွန်ကြောင်း သိသာနေသည်။</p> <p> </p> <p> </p> <p>သို့သော် ဤကဲ့သို့သော နေရာမျိုးတွင် ဤပစ္စည်းမှာ သာမန်ပစ္စည်းသာ ဖြစ်၏။</p> <p> </p> <p> </p> <p>“ကျောက်မျက်ရတနာ...မြပြာကျောက်ပဲ။” </p> <p> </p> <p> </p> <p>အောဒရစ်ချ်ကအံ့သြတကြီး အော်ဟစ်လိုက်ပြီး သူ၏ အဖော်ကို ဆွဲကာ ပြောလိုက်သည်</p> <p> </p> <p> </p> <p>“ဒါက Pegmatite သတ္တုသိုက်ပဲ ဒါတွေက မြပြာကျောက် အရိုင်းတုံးတွေ  ဘုရားသရေ... ဒါက မြပြာကျောက် သတ္တုတွင်းကြီး ဖြစ်နေနိုင်တယ်။”</p> <p> </p> <p> </p> <p>ကျောက်မျက်သတ္တုတွင်း တစ်ခုက ဘယ်လောက် တန်ဖိုးရှိသလဲဆိုတာ အားလုံး သိကြပေသည်။</p> <p> </p> <p> </p> <p>ဂရေးသည် ထုတ်လွှင့်မှုကို စူးစူးစိုက်စိုက် ကြည့်နေပြီး သူ၏ မျက်လုံးများမှာ လောဘရိပ်များဖြင့် တောက်လောင်နေသည်။</p> <p> </p> <p> </p> <p>လုပေါင်သည် ဓားမြှောင်ကို သုံးကာ ကျောက်သားအခွံကို အကြိမ်အနည်းငယ် ခေါက်လိုက်ရာ အခွံအချို့ ကွာကျသွားပြီး အတွင်းမှ အပြာရင့်ရောင် ကျောက်မျက်ကို ပိုမိုထင်ရှားစွာ မြင်တွေ့လိုက်ရသည်။ ရေအောက်တွင် ၎င်းမှာ ပို၍ပင် လှပနေတော့သည်။</p> <p> </p> <p> </p> <p>“ဖူး...ဖူး” </p> <p> </p> <p> </p> <p>လုပေါင်သည်မြစိမ်းကျောက်ကို ကင်မရာရှေ့သို့ မြှောက်ပြကာ အချက်ပြသည့်အနေဖြင့်ရေပူဖောင်း နှစ်လုံး မှုတ်ထုတ်လိုက်သည်။</p> <p> </p> <p> </p> <p>Chat box ထဲတွင် စာတန်းများမှာ ဖတ်မနိုင်လောက်အောင် မြန်ဆန်နေတော့သည်။</p> <p> </p> <p> </p> <p>“ကျောက်မျက်ရတနာကြီးပဲ။”</p> <p> </p> <p> </p> <p>“အို... ဘုရားသခင်  ပင်လယ်ထဲမှာ တကယ့်ကို ရတနာတွေ အပြည့်ပါလား။ အရမ်းလှတာပဲ။”</p> <p> </p> <p> </p> <p>“အရမ်းလှတယ် ဒါက မြပြာကျောက်ပဲ။ အရည်အသွေးကလည်း အတော်ကောင်းပုံရတယ် ဈေးအများကြီး ရနိုင်တယ်။”</p> <p> </p> <p> </p> <p>“သူဌေးကြီး... ကံစမ်းမဲလုပ်ပေးပါဦး။”</p> <p> </p> <p> </p> <p>“ကံစမ်းမဲ။”</p> <p> </p> <p> </p> <p>“ကံစမ်းမဲ။”</p> <p> </p> <p> </p> <p>Chat box ထဲတွင် ကံစမ်းမဲပေးရန် တောင်းဆိုသံများ ဖုံးလွှမ်းသွားတော့သည်။</p> <p> </p> <p> </p> <p>လုပေါင် ၎င်းကို မြင်လိုက်သည်။ လက်ထဲက မြစိမ်းကျောက်ကို ကြည့်ပြီး သူ ခဏလောက် စဉ်းစားလိုက်သည်။ လုပေါင်က ကံစမ်းမဲပေးဖို့ နှမြောနေတာလားလို့ လူတိုင်းက ထင်နေချိန်မှာပဲ သူက အဲဒီကျောက်မျက်ကို ဒီအတိုင်း ပစ်ချလိုက်လေသည်။</p> <p> </p> <p> </p> <p>“ဟမ်...။”</p> <p> </p> <p> </p> <p>“ဟင်...။”</p> <p> </p> <p> </p> <p>ပစ်ချလိုက်တယ်ဆိုသည်မှာ အဘယ်သဘောနည်း။ထိုသို့အဖိုးတန်သည့်အရာကို ဘာကြောင့်ဒီအတိုင်း ပစ်ချနိုင်ရနည်း။အနည်းဆုံးတော့ကံစမ်းမဲ‌ဖောက်‌ပေးသင့်သည်။</p> <p> </p> <p> </p> <p>လူတိုင်း၏ ခေါင်းထဲတွင် အမေးသင်္ကေတများ ပြည့်နေချိန်မှာပဲ သူတို့ရှေ့က မြင်ကွင်းက လူတိုင်းကို ဆွံ့အသွားစေပြန်သည်။</p> <p> </p> <p> </p> <p>လုပေါင်သည် လူကြီးတစ်ယောက်၏ လက်သီးဆုပ်ခန့်ရှိသော ပိုမိုနက်မှောင်သော အပြာရောင်ပြန်ဟပ်နေသည့် မြပြာကျောက်ကြီး တစ်လုံး၏ ရှေ့သို့ ရောက်သွားသည်။ သူသည် ဓားမြှောင်ကို ထုတ်ကာ ဆက်ပြီး ထွင်းထုတ်လိုက်ရာ ကျောက်မျက်ကြီးမှာ ပြုတ်ထွက်လာတော့သည်။</p> <p> </p> <p> </p> <p>ထို့အပြင် ဤကျောက်မျက်မှာ လေးထောင့်ကျကျ ပုံဆောင်ခဲ ဖြစ်နေပြီး အပြင်ဘက် ကျောက်သားအခွံမှာလည်း အလွန်ပါးလွှာလှသည်။</p> <p> </p> <p> </p> <p>အရှေ့က တစ်လုံးကိုအရည်အသွေးမြင့်ဟု ခေါ်နိုင်လျှင် ဤတစ်လုံးမှာအကောင်းဆုံထဲတွင် ပါဝင်ပေလိမ့်မည်။ တန်ဖိုးမှာလည်း အဆပေါင်းများစွာ ပိုမိုများပြားသွားမည်မှာ သေချာသည်။</p> <p> </p> <p>“ဖူး...ဖူး...”</p> <p> </p> <p> </p> <p>လုပေါင်က ကျောက်မျက်ရတနာကို လက်ချောင်းဖြင့် တောက်ပြရင်း ကင်မရာကို အချက်ပြလိုက်သည်။ ဒီတစ်လုံးကို ကံစမ်းမဲ ဖောက်ပေးတာခြင်းက ပိုကောင်းမည်မဟုတ်လော။</p> <p> </p> <p>“ပေးပါ ပေးပါ။”</p> <p> </p> <p> </p> <p>“ပေး... ပေး... ပေး။</p> <p> </p> <p> </p> <p>“ငါ့ရဲ့ ရတနာနတ်ဘုရားရယ်... ရေပူဖောင်း မှုတ်တာကို လျှော့ပါဦး။ မင်း အသက်ရှုကျပ်သွားမှာကို ငါ အရမ်းစိုးရိမ်လို့ပါ။”</p> <p> </p> <p> </p> <p>“ပေးလိုက်ပါတော့။”</p> <p> </p> <p> </p> <p>“ခြင်းတောင်းလေးထဲထည့်ပြီးကံစမ်းမဲ ဖောက်ပေးလိုက်ပါ။”</p> <p> </p> <p> </p> <p>“ဒါက ကျောက်မျက်သတ္တုတွင်းကြီးပဲ ဘုရားသခင်... ဒါက သတ္တုတွင်း အကြီးကြီး ဖြစ်နိုင်တယ်။ ရတနာနတ်ဘုရားတော့ ချမ်းသာပြီဟေ့။”</p> <p> </p> <p> </p> <p>ယခင်ကမျောက်ဖြူဂူတွင် သန်းပေါင်းများစွာ တန်သော မျောက်အရက်နှင့် ရွှေများ ရရှိခဲ့သည်။ ထိုရတနာကို ရှာဖွေရန် အဖွဲ့များစွာ စုဖွဲ့ခဲ့ကြသော်လည်း ယခုထိ မည်သူမှ ရှာမတွေ့သေးပေ။</p> <p> </p> <p> </p> <p>ယခုမူ ပင်လယ်အောက်ခြေတွင် လုပေါင်သည် အံ့အားသင့်ဖွယ် တန်ဖိုးရှိသော နောက်ထပ် ရတနာသိုက်ကြီး တစ်ခုကို ရှာတွေ့ခဲ့ပြန်ပြီ။၎င်းမှာ ကျောက်မျက်သတ္တုတွင်း ပင်ဖြစ်သည်။</p> <p> </p> <p> </p> <p>၎င်း၏ တန်ဖိုးမှာမျောက်ဖြူဂူထက်ပင် ပိုမို မြင့်မားနိုင်ပေသည်။</p> <p> </p> <p> </p> <p>လုပေါင်သည် ocean Live stream ၏ ထူးခြားသော ခြင်းတောင်းလေးကို ဖွင့်ကာ ကံစမ်းမဲ ဖောက်ပေးရန် ရွေးချယ်လိုက်သည်။ ကံစမ်းမဲတွင် ပါဝင်ရန်အတွက် အခမဲ့ပေးသောငါးအကြေးခွံနီတစ်ခု ပေးပို့ရုံသာ ဖြစ်သည်။</p> <p> </p> <p> </p> <p>“ဖူး... ဖူး” </p> <p> </p> <p> </p> <p>လုပေါင်ကရေပူဖောင်း နှစ်လုံး ထပ်မှုတ်ပြီး အချက်ပြလိုက်ကာ သူ၏ လက်ဖဝါးကို ငါးချောင်းဖြန့်ပြလိုက်သည်။နောက် ၅ မိနစ်နေရင် ကံစမ်းမဲ ပေါက်သူကို ကြေညာပေးမည်ဟုပြောခြင်းဖြစ်သည်။</p> <p> </p> <p> </p> <p>“ငါလည်း ကံစမ်းကြည့်ဦးမှပဲ။ မင်းတို့အားလုံးလည်း ဖုန်းတွေထုတ်ပြီး ကံစမ်းကြည့်ကြဦးလေ။ ဒီပစ္စည်းက အနည်းဆုံးတော့ တစ်သိန်းကျော်လောက် တန်မှာပဲ။”</p> <p> </p> <p> </p> <p>လုလင်းဟွာက သူ၏ ဝန်ထမ်းများကို လှမ်းအော်ရင်း ရယ်မောကာ သူ၏ ဖုန်းကို ထုတ်လိုက်သည်။</p> <p> </p> <p> </p> <p>“ကြည့်ရှုသူ ၃.၈ မီလီယံ  ရှိနေပြီ သူဌေး။ ပေါက်နိုင်ခြေက သန်းနဲ့ချီပြီးမှ တစ်ယောက်ပါပဲ ထီပေါက်တာထက်တောင် ခက်ပါသေးတယ်။”  </p> <p> </p> <p> </p> <p>မန်နေဂျာကရယ်လည်းရယ် စိတ်လည်းပျက်စွာဖြင့် ပြောလိုက်သည်။ ဘယ်သူက ဒီလောက် ကံကောင်းနိုင်မည်နည်း။</p> <p> </p> <p> </p> <p>“ထီတစ်စောင်တောင် ၂ ယွမ် ပေးရသေးတာပဲလေ။”</p> <p> </p> <p> </p> <p>“အဲဒါလည်း ဟုတ်တာပဲ ဟား ဟား”</p> <p> </p> <p> </p> <p>သူတို့က ရယ်ရယ်မောမော ပြောဆိုနေကြသော်လည်း အန်နာဘဲလ်တို့ အဖွဲ့မှာမူ လူကြည့်နှုန်း ၃.၈ မီလီယံ ဆိုသည့် ကိန်းဂဏန်းကြောင့် ပြောစရာစကားများပျောက်ဆုံးကုန်ကြသည်။ ဒီလောက် တိုတောင်းတဲ့ အချိန်အတွင်းမှာ လုပေါင်ရဲ့ ထုတ်လွှင့်မှု အခန်းထဲ၌လူ ၃.၈ မီလီယံ ရှိနေခြင်းသည် သူတို့ကိုဆွံအသွားစေခဲ့သည်။</p> <p> </p> <p> </p> <p>ဒါဟာ ထုတ်လွှင့်မှု အခန်း တစ်ခုတည်းမှာတင် ရှိနေတဲ့ အရေအတွက်ပင်ဖြစ်သည်။</p> <p> </p> <p> </p> <p>ယခုအခါ သူတို့၏ မျက်နှာများမှာပြေလျော့လာကြပြီ ဖြစ်သည်။ ယခင်က ရှိခဲ့သော သံသယများ နှင့် မာနများသည်လည်း မရှိတော့ပေ။ ထုတ်လွှင့်မှု ၁၀ မိနစ်အတွင်းတွင် များပြားသော ကြည့်ရှုသူအ‌ရေအတွက်က သူတို့အား အမြင်ကျယ်သွားစေခဲ့သည်။</p> <p> </p> <p> </p> <p>တကယ်လို့များ နောက်ထပ် နှစ်နာရီမျှအချိန်ဆိုလျှင် လူဘယ်နှစ်ယောက်တောင် ရှိနေမည်ကိုခန့်မှန်းရန်ပင်မလွယ်ကူတော့ချေ။</p> <p>***</p> <p> </p>


Save