Book List

<h2 style="text-align: center;">အခန်း (၃၅)</h2> <h2 style="text-align: center;">ပင်လယ်အောက်ခြေမှ ရတနာသိုက်</h2> <h2 style="text-align: center;">*</h2> <p> </p> <p> </p> <p> </p> <p>ရွှေတုံးများ မြပြာကျောက်ရိုင်းများ ငွေတုံးများနှင့် မပျက်စီးသေးသော ရှေးဟောင်းစာအုပ်များကြောင့်အန်နာဘဲလ် တစ်ယောက် လက်ခုပ်မတီးဘဲ မနေနိုင်တော့ပေ။ ဤကဲ့သို့သော တိုက်ရိုက်ထုတ်လွှင့်မှုမျိုးသည် သူတို့၏ စိတ်ကူးထက်ပင် ကျော်လွန်နေပြီဖြစ်သည်။ လုပေါင်၏ ထုတ်လွှင့်မှုကို တစ်ခါမှ မမြင်ဖူးခဲ့သော အောဒရစ်ချ် နှင့် သူ၏အဖွဲ့မှာမူ အံ့သြလွန်း၍ ပါးစပ်အဟောင်းသား ဖြစ်နေကြပြီဖြစ်၏။</p> <p> </p> <p> </p> <p>တရုတ်လူမျိုးများ၏ တိုက်ရိုက်ထုတ်လွှင့်မှုများသည် အမှန်တကယ် ကြောက်စရာကောင်းနေ၍ စိတ်လှုပ်ရှားဖို့ ကောင်းလွန်နေခဲ့သည်။</p> <p> </p> <p> </p> <p>ဒီလောက်ကြီးမားသည့်ပင်လယ်နက်ပိုင်း မြွေဟောက်ကြီးမျိုးသည် တစ်ခါမှ မကြားဖူးသောအရာပင်ဖြစ်သည်။သို့သော် ယခုအချိန်တွင် အဲဒီအကောင်ကြီးသည် သူ့၏ဘေးမှာတင် လှည့်လည်သွားလာနေသည်။</p> <p> </p> <p> </p> <p>“ဆာဗာ က နည်းနည်း လေးလာပြီ အွန်လိုင်းအသုံးပြုသူ အရေအတွက်က ၄ သန်း ရောက်သွားပြီ။” </p> <p> </p> <p>လုလင်းဟွာကရုတ်တရက် ပြောလိုက်သဖြင့် လူတိုင်း သတိပြန်ဝင်လာကြသည်။ .</p> <p> </p> <p> </p> <p>“ဘုရားရေ.. ဒီအတိုင်းသာ ဆက်သွားရင် ဆာဗာက ပျက်ကျသွားတော့မှာလား။မဟုတ်ဘူး အတိအကျ ပြောရရင် ဒီနှုန်းအတိုင်းဆိုရင်တော့ ကျိန်းသေပေါက် ပျက်ကျတော့မှာပဲ။”</p> <p> </p> <p> </p> <p>“ဒါတွေအားလုံးက အကောင့်အစစ်တွေချည်းပဲ။”</p> <p> </p> <p> </p> <p>Ansike ကုမ္ပဏီမှ နည်းပညာရှင် တစ်ဦးကလည်း အော်ဟစ်လိုက်ပြန်သည်။သူတို့ အရင်က ထားခဲ့သော မာနထောင်လွှားသည့် အမူအရာများ ပျောက်ကွယ်သွားပြီး သရဲမြင်လိုက်ရသည့်အလား တုန်လှုပ်ချောက်ချားနေသော မျက်နှာများက အစားထိုးဝင်ရောက်လာသည်။</p> <p> </p> <p> </p> <p>ယင်းနှင့် ဆန့်ကျင်ဘက်အနေဖြင့် Ocean live stream၏ ဝန်ထမ်းများမှာမူ ပြုံးစိစိဖြင့် တစ်ယောက်နှင့်တစ်ယောက် တိုးတိုးတိတ်တိတ် ပြောနေကြသည်။”</p> <p> </p> <p> </p> <p>“ကြည့်စမ်း... သူတို့တွေကြောင်တောင်တောင်ဖြစ်ကုန်ပြီ။”</p> <p> </p> <p> </p> <p>“ရှူး... စကားမပြောနဲ့။ တိတ်တိတ်လးပဲ ကြည့်နေစမ်းပါ။”</p> <p> </p> <p> </p> <p>“အဟမ်း... ဗီဒီယိုပဲ ကြည့်  ဗီဒီယိုပဲ ကြည့်။”</p> <p> </p> <p> </p> <p>အန်နာဘဲလ်သည်လည်း ထိုလှောင်ပြောင်သံအချို့ကို ကြားလိုက်ရသော်လည်း သူမ ဂရုမစိုက်နိုင်တော့ပေ။ သူမသည် ချက်ချင်းပင် သူမ၏အဖွဲ့ကို အလုပ်စခိုင်းတော့သည်။သို့သော်လည်း ဆာဗာ ပေါက်ကွဲမည့်အချိန်ကို ခေတ္တမျှသာ ဆွဲဆန့်ထားနိုင်မည်ကို သူမ သိနေသည်။</p> <p> </p> <p> </p> <p>အသုံးပြုသူတွေသည် ရေစီးကြောင်းလို အဆက်မပြတ် တိုးဝင်လာနေတုန်းဖြစ်၏။</p> <p> </p> <p> </p> <p>“Live အခန်းတစ်ခုတည်းအပေါ်ကို သက်ရောက်နေတဲ့ ဝန်အားက အရမ်းများနေတယ်။ အရင်ဆုံး ထုတ်လွှင့်မှု မပြတ်တောက်အောင် လုပ်ထားပါ။ သူ live လွှင့်ပြီးတာနဲ့ကျွန်မတို့ ဆာဗာ တွေကို အဆင့်မြှင့်ပေးပါ့မယ်။ အခု ကျွန်မတို့ပဲ တာဝန်ယူလိုက်ပါ့မယ်။”</p> <p> </p> <p> </p> <p>အန်နာဘဲလ်သည် ယခုအခါ အလွန်လေးနက်သွားပြီး သူမနှင့်အတူ ပါလာသော နည်းပညာရှင်များအားလုံးသည်လည်း အလုပ်ထဲသို့ စိတ်ရောကိုယ်ပါ နှစ်မြှုပ်လိုက်ကြသည်။</p> <p> </p> <p> </p> <p>“ကောင်းပါပြီ။”</p> <p> </p> <p> </p> <p>လုလင်းဟွာသည် သူတို့ကို ချက်ချင်း လွှဲပြောင်းပေးလိုက်သည်။ သူသည်လည်း ဆာဗာ မပေါက်ကွဲသွားရန် မျှော်လင့်နေသည်။လုပေါင်၏ စွမ်းဆောင်ရည်က တကယ်ကို ခမ်းနားလွန်းနေသည် မဟုတ်ပါလား။</p> <p> </p> <p> </p> <p>တစ်ချိန်လုံး စကားတစ်လုံးမှ မပြောသော်လည်း တိုက်ရိုက်ထုတ်လွှင့်မှု၏ အကြောင်းအရာက လူတိုင်းကို တုန်လှုပ်စေခဲ့သည်။</p> <p> </p> <p> </p> <p>တိုက်ရိုက်ထုတ်လွှင့်မှုတွင် အနည်းငယ် လိုင်းထစ်ခြင်း များ ပေါ်လာသဖြင့် အသုံးပြုသူအချို့က ညည်းညူလာကြသည်။ ထုတ်လွှင့်မှုတစ်ခု ရုပ်ရှင်တစ်ခု ကြည့်နေစဉ်တွင် အနှောင့်အယှက် အဖြစ်ဆုံးအရာမှာ လိုင်းထစ်ခြင်းပင် ဖြစ်သည်။ သို့သော် လောလောဆယ်တွင် အနည်းငယ်မျှသာ ဖြစ်သဖြင့် အဆင်ပြေနေပါသေးသည်။</p> <p> </p> <p> </p> <p>သို့သော်လည်း အခန်းထဲသို့ ဝင်လာသူ အရေအတွက်မှာ ဆက်လက် မြင့်တက်နေဦးမည်ဖြစ်ရာ ပို၍သာ ထစ်လာပေလိမ့်မည်။</p> <p> </p> <p> </p> <p>“ပင်မအခန်းကို ပိတ် လိုက်ပြီး ခွဲထွက်အခန်းတွေကို ဖွင့်လိုက်ပါ။ အသစ်ဝင်လာတဲ့သူတွေကို ခွဲထွက်အခန်းတွေထဲ လွှဲပေးလိုက်။” </p> <p> </p> <p> </p> <p>အောဒရစ်ချ်သည်လည်းအလုပ်ထဲ ဝင်ပါလာသည်။ သူတို့ အလုပ်လုပ်ချိန်တွင် အလွန်ပင် အာရုံစိုက်ထားကြသည်။</p> <p> </p> <p> </p> <p>လုလင်းဟွာသည် နည်းပညာဌာနမှူးကို ချက်ချင်း အချက်ပြကာ ၎င်းကို လေ့လာခိုင်းလိုက်သည်။ဤကဲ့သို့သော နည်းလမ်းမျိုးကို သူ ပထမဆုံးအကြိမ် ကြားဖူးခြင်းဖြစ်သည်။</p> <p> </p> <p> </p> <p>“လက်ဆောင်ပေးတဲ့ Effect တွေအားလုံးကို ပိတ်လိုက်ပြီး Clean Mode ပြောင်းလိုက်ပါ။ Fan Level ၁၀ အောက်က User တွေကို စာရိုက်ခွင့် ပိတ် လိုက်ပါ။ Level ၁၀ နှင့် အထက် User တွေကတော့ တစ်မိနစ်မှာ စာတစ်စောင်ပဲ ပို့လို့ရမယ်။”</p> <p> </p> <p> </p> <p>အန်နာဘဲလ်တို့ဘက်မှလည်း ဆာဗာ ၏ ဖိအားကို လျှော့ချရန် ဂရုတစိုက် လုပ်ဆောင်နေကြသည်။</p> <p> </p> <p> </p> <p>“အခမဲ့လက်ဆောင်တွေကို Display မပြတော့နဲ့။”</p> <p> </p> <p> </p> <p>“Member ဝင်တွေ ဝင်လာတဲ့ Effect တွေနဲ့ ကြေညာချက်တွေ အားလုံးကို ရပ်လိုက်။”</p> <p> </p> <p> </p> <p>အန်နာဘဲလ်နှင့် အောဒရစ်ချ်တို့ တာဝန်ယူလိုက်ပြီးနောက် ထစ်ငေါ့နေသော ဆာဗာ မှာ ပြန်လည် တည်ငြိမ်လာသည်။ ထို့အပြင် ခွဲထွက်အခန်းများ ဖွင့်လှစ်လိုက်သဖြင့် အသုံးပြုသူသစ်များသည် အခြားအခန်းများထဲသို့ စီးဝင်သွားကြသည်။</p> <p> </p> <p> </p> <p>လုပေါင်၏ ပင်မအခန်းတွင်မူ လူဦးရေကို ကန့်သတ်လိုက်ပြီဖြစ်ရာ လူများ ထွက်သွား၍ ရသော်လည်း အသစ်ဝင်၍ မရတော့ပေ။</p> <p> </p> <p> </p> <p>“အန်နာ... ဒါက ရေရှည်မှာ မဖြစ်နိုင်ဘူး။ အွန်လိုင်းမှာ ရှိနေတဲ့သူ ၇ သန်း ကျော်သွားတာနဲ့ ဆာဗာ က တောင့်မခံနိုင်တော့ဘဲ ပေါက်ကွဲသွားဦးမှာပဲ။”  </p> <p> </p> <p> </p> <p>ဂရေးက အသက်တစ်ချက်ရှူပြီး သတိပေးလိုက်သည်။</p> <p> </p> <p> </p> <p>“သူ့ရဲ့ ထုတ်လွှင့်မှု မပြတ်တောက်အောင် အရင်လုပ်ထားပါ။ အခု တက်နေတဲ့နှုန်းအရဆိုရင်တော့ နောက်ထပ် မိနစ် ၂၀ လောက် ထိန်းထားနိုင်သေးတယ်။”</p> <p> </p> <p> </p> <p>အန်နာဘဲလ်သည် လုပေါင် အသက်ရှုရန် အပေါ်သို့ ပြန်မတက်လာတော့ဘူးလားဟု တွေးမိသည်။</p> <p> </p> <p> </p> <p>“သူ အောက်မှာ နေတာ တော်တော်ကြာနေပြီ၊ ဒီလူက ငါးမန်းဝင်စားတာများလား။”</p> <p> </p> <p> </p> <p>“တကယ်ကို အထင်ကြီးဖို့ ကောင်းတဲ့နည်းပညာပဲ။” </p> <p> </p> <p> </p> <p>လုလင်းဟွာသည်တည်ငြိမ်သွားသော ဆာဗာ ကို ကြည့်ပြီး ချီးကျူးလိုက်မသည်။</p> <p> </p> <p> </p> <p>“ခွဲထွက်အခန်းတွေ ဖွင့်နိုင်လိမ့်မယ်လို့ ကျွန်တော်တို့ တကယ် မစဉ်းစားမိခဲ့ဘူး။ ဘယ်သူ့အခန်းမှ လူ ၅ သိန်း မကျော်ဖူးဘူးလေ။အခုက ၅ သန်းတောင် ဖြစ်နေတာကိုး။”</p> <p> </p> <p> </p> <p>ကြီးကြပ်ရေးမှူးကလည်း သူတို့၏ တုံ့ပြန်မှုကို အသိအမှတ်ပြုသည်။ ခွဲထွက်အခန်းများ လက်ဆောင် Effect များ ပိတ်ခြင်း Clean Mode Level အလိုက် စကားပြောကန့်သတ်ခြင်း ဝင်လာသည့် Effect များနှင့် ကြေညာချက်များ ပိတ်ခြင်း ဤအရာများက ဆာဗာ ၏ ဝန်ကို အမှန်တကယ် လျှော့ချပေးခဲ့သည်။</p> <p> </p> <p> </p> <p>အထူးသဖြင့် Chat box သည် ချက်ချင်းပင် ပုံမှန်ဖတ်၍ ရသည့် အခြေအနေသို့ ရောက်သွားပြီး ကွန်ပျူတာ Code များ ပြေးနေသကဲ့သို့ မဖြစ်တော့ပေ။</p> <p> </p> <p> </p> <p>သူတို့အတွက် အဆင်ပြေသွားသော်လည်း ပရိသတ်များမှာမူ မပျော်ကြပေ။</p> <p> </p> <p> </p> <p>သူတို့ စကားပြော၍ မရတော့သည်ကို တွေ့လိုက်ရပြီး စကားပြောနိုင်သူများမှာလည်း Level ၁၀ နှင့် အထက်များသာ ဖြစ်သည်။ ဤသည်မှာ စကားပြောဆိုမှုအပေါ် ကန့်သတ်ချက်ဖြစ်ကြောင်း လူတိုင်း နားလည်ကြသည်။</p> <p> </p> <p> </p> <p>ပင်မအခန်းက အဆင်ပြေသော်လည်း ခွဲထွက်အခန်းထဲမှ ပိုက်ဆံပိုသုံးထားသူများမှာမူ မကျေနပ်ကြပေ။</p> <p> </p> <p> </p> <p>“ဒါက ဘာသဘောလဲ။ငါတို့က ပိုက်ဆံသုံးထားတာတောင် ပင်မအခန်းမှာ မကြည့်ရဘူးလား။ဘာလို့ အတုအခန်း ထဲ ထည့်ထားတာလဲ။”</p> <p> </p> <p> </p> <p>“ဘာလို့ လူ ၅ သိန်းပဲ ရှိတာလဲ။လူအများကြီးရှိတဲ့ အခန်းထဲ ငါ ဘာလို့ ဝင်လို့မရတာလဲ။”</p> <p> </p> <p> </p> <p>“တောက်... ပိုက်ဆံကုန်ခံပြီး အတုကြည့်နေရတာလား ပြီးတော့ တစ်မိနစ်မှာ စာတစ်စောင်ပဲ ပို့ရမယ်ဆိုတာကရော ဘာကြီးလဲ။”</p> <p> </p> <p> </p> <p>“Ocean live stream ကတကယ်ပဲ ဒီလောက် မာနကြီးနေတာလား။”</p> <p> </p> <p> </p> <p>“ရှေ့နေကိုစာပို့ပြီး သတိပေးလိုက်မယ်။”</p> <p> </p> <p> </p> <p>“ဒါကလည်း ကောင်းပါတယ် ချက်ချင်း ငြိမ်သွားတာပဲ။ အခုမှပဲ အေးအေးဆေးဆေး ကြည့်ရတော့မယ်။”</p> <p> </p> <p> </p> <p>၅ သိန်း... ၆ သိန်း... ၇ သိန်း... ၈ သိန်း... ယခုအခါ အန်နာဘဲလ်တို့အဖွဲ့မှာ ဤအခန်း၏ အသုံးပြုသူတိုးပွားလာမှုကို စိုက်ကြည့်နေကြသည်။ ၎င်းသည် ၂ သန်း ကျော်သွားပါက သူတို့တွင်လည်း နည်းလမ်းမရှိတော့ပေ။</p> <p> </p> <p> </p> <p>သို့သော် လုပေါင်၏ ထုတ်လွှင့်မှုမှာ အလွန်ပင် ရေပန်းစားနေသည်။လူကြီးရော ကလေးပါ ကြည့်ချင်ကြသည်။အထူးသဖြင့် သူ့နောက်မှ လိုက်နေသည့် ပင်လယ်မြွေဟောက်ကြီးကြောင့်ပင်ဖြစ်သည်။</p> <p> </p> <p> </p> <p>လုပေါင်သည် ocean ကုမ္ပဏီ၏ လုပ်ဆောင်ချက်များကို မသိပေ။ သူသည် ပတ်ဝန်းကျင်ကို ရှာဖွေကြည့်ပြီးနောက်  ပိုမိုကောင်းမွန်သည့် ပစ္စည်းများကို ထပ်မတွေ့တော့သဖြင့် သူ ရှာဖွေထားသည်များနှင့်အတူ အပြင်သို့ ထွက်လာခဲ့သည်။</p> <p> </p> <p> </p> <p>ပင်လယ်မြွေဟောက်ကြီးက သူ့နောက်မှ ထပ်ကျပ်မခွါ လိုက်ပါလာသည်။</p> <p> </p> <p> </p> <p>ယခုအခါ သင်္ဘောပျက်ကြီးကို ကမ္ဘာက သိစေရမည့်အချိန်ကို ရောက်ပြီဖြစ်၏။လုပေါင်သည် အရှိန်လျှော့ကာ မြပြာကျောက်ရိုင်းတုံးများကို တစ်ခုချင်း ကျော်ဖြတ်သွားပြီး ပင်လယ်ရေအောက်ရှိ ရတနာသိုက်ကြီးမှာ မည်သို့ရှိသည်ကို ပရိသတ်များအား ပြသလိုက်သည်။</p> <p> </p> <p> </p> <p>ပင်လယ်ကြီး၏ ကျယ်ပြောမှုနှင့် လျှို့ဝှက်ချက်များကို လူတိုင်းက ပိုမိုနားလည်လာကြပြီး အံ့သြသံများမှာလည်း အဆက်မပြတ် ထွက်ပေါ်နေသည်။</p> <p> </p> <p> </p> <p>ထောင့်ချိုးတစ်ခုသို့ ရောက်သောအခါ လုပေါင် ကွေ့လိုက်သည်။ စူပါ Live eye ၏ မြင်ကွင်းတွင်ကောင်းကင်ထက်ကြယ်များကဲ့သို့တဖျတ်ဖျက်တောက်ပနေသော မြပြာကျောက်မြေပြင်ကြီးကို မြင်လိုက်ရချိန်တွင် လူတိုင်း ခြေကုန်လက်ပန်းကျ သွားကြသည်။</p> <p> </p> <p> </p> <p>သူတို့ကို ပို၍ပင် တုန်လှုပ်စေသည့်အရာမှာ ထိုနားရှိရှေးဟောင်း သင်္ဘောပျက်ကြီးပင် ဖြစ်သည်။</p> <p> </p> <p> </p> <p>“ဘုရား...ဘုရား”</p> <p> </p> <p> </p> <p>“ရှေးဟောင်း သင်္ဘောပျက်ကြီးပဲ။”</p> <p> </p> <p> </p> <p>“ချင်မင်းဆက်က သင်္ဘောပျက်နဲ့ တူတယ်။”</p> <p> </p> <p> </p> <p>“အို... ဘုရားရေ။”</p> <p> </p> <p> </p> <p> </p> <p>လူတိုင်းထိုအရာမှ မရုန်းထွက်နိုင်သေးမီမှာပင် သူတို့အားလုံး live အခန်းထဲမှ ကန်ထုတ်ခံလိုက်ရသည်။သူတို့ Ocean live stream ထဲသို့ အမြန်ပြန်ဝင်ရန် ကြိုးစားချိန်တွင် စာမျက်နှာတစ်ခုလုံး ပျက်ကျသွားသည်ကို တွေ့လိုက်ရသည်။</p> <p> </p> <p> </p> <p>Ocean ကုမ္ပဏီတွင် လုလင်းဟွာသည် လက်နှစ်ဖက်ဖြင့်ဆံပင်ကိုထိုးဖွရင် အလွန်နှမြောတသဖြစ်နေသည်။</p> <p> </p> <p>“အရေးကြီးဆုံးအချိန်ကျမှ တကယ်ကြီး ပျက်ကျသွားရတာလားကွာ။”</p> <p> </p> <p> </p> <p>“၆.၈၈ မီလီယံ။”</p> <p> </p> <p> </p> <p>နည်းပညာရှင်တစ်ဦးက ကိန်းဂဏန်းတစ်ခုကို တင်ပြလိုက်သည်။</p> <p> </p> <p> </p> <p>အန်နာဘဲလ်နှင့် သူမ၏အဖွဲ့မှာလည်း အလွန်အရှက်ရသွားကြပြီး သူတို့၏ မျက်နှာများမှာ အထုခံထားရသကဲ့သို့ ဖောင်းကားနေသည်ဟု ခံစားနေရသည်။ မနေ့က ရောက်ခါစတွင် သူတို့ပြောခဲ့သော မာနကြီးလှသည့် စကားများကို ပြန်သတိရမိသော်လည်း ယခုမူ ဆာဗာသည် ပျက်ကျသွားခဲ့ပြီ မဟုတ်ပါလား။</p> <p> </p> <p> </p> <p>“မြန်မြန်... ကြေညာချက်တစ်ခု တင်လိုက်။”</p> <p> </p> <p> </p> <p>ယခုအချိန်သည် သူတို့ကို ပြဿနာရှာရမည့်အချိန် မဟုတ်သေးကြောင်း လုလင်းဟွာ သိသည်။အနည်းဆုံးတော့ အခုမဟုတ်သေးပေ။အကယ်၍ သူ့ကို Upgrade မလုပ်ပေးဘူးဆိုရင် သူ့ရဲ့ ပလက်ဖောင်းက နောက်ပိုင်းတွင် နေ့တိုင်း ပေါက်ကွဲနေတော့မှာ မဟုတ်ပါလား။</p> <p> </p> <p> </p> <p>ပင်လယ်ရေအောက် အနက်ပိုင်းတွင်မူ လုပေါင်သည် ပြတ်တောက်သွားသော ထုတ်လွှင့်မှု မျက်နှာပြင်ကို ကြောင်ကြည့်နေပြီးနောက် သင်္ဘောပျက်ကြီးဘက်သို့ လှည့်ကြည့်လိုက်သည်။</p> <p> </p> <p> </p> <p>“တောက်... အရေးကြီးတဲ့ အချိန်ကျမှ ဘာဖြစ်သွားတာလဲကွ။”</p> <p>***</p> <p> </p>


Save