Book List

<h2 style="text-align:center">အပိုင်း ၁၀ </h2> <h2 style="text-align:center">ဂုဏ်သတင်း တန်ဖိုးနှင့် အိုင်ကျူခွန်</h2> <h2 style="text-align:center">*</h2> <p> </p> <p> </p> <p style="text-align:justify">ကလေးများအတွက် ပြင်ဆင်ထားသည့် သစ်သီးဝလံများမှာ မင်းကွတ်သီး၊ ချယ်ရီသီး စသည့် နိုင်ငံခြားမှ တိုက်ရိုက် တင်သွင်းထားသော အဆင့်မြင့် အသီးအနှံများချည်းသာ ဖြစ်သည်။ နာနတ်သီး ဆိုလျှင်လည်း နိုင်ငံခြားမျိုးစိတ် ဖြစ်သော ရွှေနာနတ်သီး အမျိုးအစား ဖြစ်သဖြင့် လတ်ဆတ်သော သစ်သီးရနံ့များက တစ်ခန်းလုံးတွင် မွှေးကြိုင် ပျံ့နှံ့နေလေသည်။</p> <p style="text-align:justify">မမရွှီ တစ်ယောက် ကျောင်းဝင်းအတွင်းမှ ပြန်လည် ထွက်ခွာလာခဲ့သည့် အချိန်တွင်မူ အံ့ဩလွန်းသဖြင့် အိပ်မက်မက်နေသလိုပင် ခံစားနေရရှာသည်။ သူမ၏ ရင်ထဲတွင်လည်း ဝမ်းသာလွန်းသည့် စိတ်လှုပ်ရှားမှုများကြောင့် နှလုံးခုန်သံများမှာ တဒိန်းဒိန်းနှင့် ခုန်လှုပ်နေဆဲပင် ဖြစ်သည်။</p> <p style="text-align:justify">သူမ၏ ချစ်လှစွာသော ကလေးငယ်သည် ယခုကဲ့သို့ အဘက်ဘက်မှ ပြည့်စုံ ကောင်းမွန်လွန်းလှသည့် မူကြိုကျောင်းမျိုးတွင် တက်ရောက်ခွင့် ရလိမ့်မည်ဟု သူမ၏ တစ်သက်တာ ဘဝတွင် ဘယ်တုန်းကမှ စိတ်ကူးပင် မယဉ်ဖူးခဲ့ပါချေ။</p> <p style="text-align:justify">...</p> <p style="text-align:justify">ထိုနေ့ မနက်ခင်း တစ်ခုလုံးတွင် ကြယ်တာရာ မူကြိုကျောင်း၏ ရှေ့၌ ကလေးလာအပ်ကြသည့် မိဘများမှာ တဖွဲဖွဲနှင့်ပင် ဝင်ထွက် သွားလာနေကြသည်။</p> <p style="text-align:justify">မူလကတော့ မိဘအများစုမှာ "၂၆၀ ယွမ်" ဆိုသည့် အလွန် ချိုသာသော ဈေးနှုန်းကို မက်မောသဖြင့်သာ လာရောက် ကြည့်ရှုခဲ့ကြခြင်း ဖြစ်သည်။ သို့သော်လည်း ကျောင်း၏ အရည်အသွေးနှင့် အပြင်အဆင်များက ဒီလောက်အထိ ကောင်းမွန်နေလိမ့်မည်ဟု သူတို့ လုံးဝ ထင်မှတ်မထားခဲ့ကြပေ။ </p> <p style="text-align:justify">ထို့ကြောင့် သံသယများစွာနှင့် ရောက်ရှိလာကြသည့် မိဘတိုင်းမှာ မြင်တွေ့လိုက်ရသည့် မြင်ကွင်းများကြောင့် အိပ်မက်မက်နေသလိုမျိုး ပါးစပ်အဟောင်းသားနှင့် မှင်သက်ကုန်ကြရသည်။ သူတို့၏ ခြေရင်းနားသို့ ကောင်းကင်ပေါ်မှ မမျှော်လင့်ထားသော ကံကောင်းခြင်းကြီး ပြုတ်ကျလာသလိုမျိုးပင် ... လူတိုင်းအတွက် ယုံကြည်ရ ခက်ခဲလွန်းသည့် အနေအထား ဖြစ်နေလေသည်။</p> <p style="text-align:justify">ကျောင်းတွင် အသုံးပြုထားသည့် ကျောင်းကားနှင့် ကလေးများကို ကျွေးမွေးသည့် အစားအသောက်များက အဆင့်မြင့်မားလွန်းနေရုံသာ မကသေးပေ။</p> <p style="text-align:justify">ကျောင်းအပေါ် စိတ်မချသေးသည့် မိဘများအတွက်လည်း ကလေးငယ်များနှင့် အတူတူ နေ့လယ်စာကို ကိုယ်တိုင် ဝင်ရောက် မြည်းစမ်း စားသောက်ခွင့် ပြုလိုက်လေသည်။ ထိုသို့ ဟိုတယ်အဆင့်မီ ထမင်းတစ်နပ်ကို ကိုယ်တိုင် စားသောက်ပြီးသွားသည့် နောက်တွင်တော့ မိဘများ အားလုံး၏ စိတ်ထဲရှိ သံသယများမှာ လုံးဝ ကင်းရှင်းသွားကြတော့သည်။</p> <p style="text-align:justify">ထိုသို့ စိတ်ကျေနပ်သွားကြသည့် မိဘတချို့က ကြယ်တာရာ မူကြိုကျောင်း၏ အဆင့်မြင့်လှသော အစားအသောက် မီနူးများကို ဓာတ်ပုံရိုက်ယူကာ WeChat ရှိ "မေမေတို့ ဂရု" ထဲသို့ ချက်ချင်းပင် မျှဝေလိုက်ကြသည်။</p> <p style="text-align:justify">ထိုအခါ ချက်ချင်းဆိုသလိုပင် ထိုအုပ်စုထဲတွင် သတင်းက ပွက်လောရိုက် သွားတော့သည်။ ကလေးငယ်လေးများက ဒီလောက်အထိ ကောင်းမွန် အဖိုးတန်သည့် အစားအစာများကို စားသောက်ရသည် ဆိုတာကို ကြားရသူ အားလုံးက မယုံနိုင်အောင် ဖြစ်နေကြသည်။</p> <p style="text-align:justify">"တကယ်ကြီး ၂၆၀ ပဲလား။ သစ်သီးတွေက အကောင်းစားတွေချည်းပဲ"</p> <p style="text-align:justify">ယခုလက်ရှိ ပြင်ပ ပေါက်ဈေးအရ ဆိုလျှင် ယခုကျောင်းတွင် ကျွေးနေသော သစ်သီးမျိုးကို မိဘများ ကိုယ်တိုင်ပင်လျှင် နေ့တိုင်း ဝယ်မစားနိုင်ကြပါချေ။</p> <p style="text-align:justify">"သစ်သီးတင် မကဘူး။ စားဖိုမှူးက ကျန်ပေ ဟိုတယ်ကြီးက စားဖိုမှူးချုပ်တဲ့"</p> <p style="text-align:justify">"မြန်မြန် လုပ်ကြ ... ဆရာမထန် ဖုန်းနံပါတ် ပို့ပေးစမ်းပါ"</p> <p style="text-align:justify">"ကျောင်းပိုင်ရှင်က ၂၆၀ နဲ့ ပရဟိတ လုပ်နေတာလား"</p> <p style="text-align:justify">ထိုသို့ အားတက်သရော ပြောဆိုနေကြသော်လည်း တချို့ကမူ အခြေအနေကို ဘေးမှနေ၍ အဆိုးမြင် သုံးသပ်ကာ ထောက်ပြကြပြန်သည်။</p> <p style="text-align:justify">"ဟေး ... ဒါက အစပိုင်း ရက်တွေမို့လို့ နေမှာပါ။ ၅ ရက်လောက် နေရင် ပုံမှန် ပြန်ဖြစ်သွားမှာ"</p> <p style="text-align:justify">သို့သော်လည်း ထိုသို့ ပြောဆိုသူများကို တခြားသော မိဘများက မကျေမနပ်ဖြင့် ဝိုင်းဝန်း ချေပလိုက်ကြသည်။</p> <p style="text-align:justify">"ယွမ် ၂၆၀ နဲ့ ဒီလောက် ရနေတာ နင်တို့က ဘာလိုချင်သေးလို့လဲ"</p> <p style="text-align:justify">ထိုအခါ မီးလောင်ရာ လေပင့်ကာ အပြစ်လိုက်ရှာချင်သူများပင် ဘာမှ ဆက်လက် မပြောနိုင်တော့ပါချေ။ ဟုတ်သည်လေ ... ကုန်ကျစရိတ်က တစ်လလုံးမှ ၂၆၀ တည်းသာ မဟုတ်ပါလား။</p> <p style="text-align:justify">အကယ်၍ ရက်အနည်းငယ်လောက်သာ ယခုလို ကောင်းမွန်နေမည် ဆိုလျှင်တောင်မှ ပေးရသည့် ဈေးနှုန်းနှင့် ဆိုလျှင် အလွန်အမင်း တန်နေသေးသည်ဟု အားလုံးက ယူဆကြသည်။</p> <p style="text-align:justify">"ဆရာမထန်လည်း ရှိတယ်တဲ့ဟေ့"</p> <p style="text-align:justify">ထိုသတင်းက ပို၍ပင် အားကောင်းသွားစေသည်။ အကြောင်းမှာ ဆရာမထန် ဆိုသည်မှာ မူကြိုပညာရေး လောကတွင် အလွန် ဂုဏ်သတင်း ကြီးမားသူ တစ်ဦး ဖြစ်သောကြောင့်ပင်။</p> <p style="text-align:justify">မိဘအုပ်စုလေး အတွင်းတွင်တော့ ဤသတင်းမှာ ပွဲဆူသွားတော့သည်။ အထူးသဖြင့် ကလေးမိခင်များအတွက် ဤမျှ ကောင်းမွန်သည့် အခွင့်အရေးမှာ ရင်ထဲထိတိုင်အောင် ထိရှသွားစေသည့် သတင်းကောင်း ဖြစ်လေသည်။</p> <p style="text-align:justify">ကလေးဆိုသည်မှာ မိဘများ၏ အသည်းနှလုံး ဖြစ်သည်ဆိုတာကို လောကတွင် လူတိုင်း သိကြပြီးသားပင် ဖြစ်သည်။</p> <p style="text-align:justify">ကောက်ကျစ်သော စီးပွားရေး သမားများကလည်း ဤအချက်ကို ကောင်းစွာ သိကြသဖြင့်၊ ကလေးကို ဓားစာခံ တစ်ခုလို လုပ်ကာ မိဘများဆီကနေ ပိုက်ဆံများကို နည်းလမ်းအမျိုးမျိုးဖြင့် ညှစ်ယူကြလေသည်။</p> <p style="text-align:justify">ဟိုကြေး ဒီကြေး ဆိုသည့် ခေါင်းစဉ်မျိုးစုံ ပြကာ ပိုက်ဆံများ တောင်းခံကြသည်။ တကယ့် လက်တွေ့ဘဝတွင် အသုံးမဝင်လှသည့် အရာများအတွက် အိုင်ကျူခွန်များ ဆောင်ခိုင်းနေခြင်း ဖြစ်သော်လည်း၊ မိဘများမှာမူ ကလေးမျက်နှာကို ထောက်ထားရသဖြင့် မည်သို့မျှ မငြင်းရဲကြပါချေ။</p> <p style="text-align:justify">တကယ်တမ်း ကျပြန်တော့လည်း ပိုက်ဆံ အလွန်အမင်း ပေါများသည့် သူဌေးများမှာ လူနည်းစုသာ ဖြစ်ပြီး၊ ကျန်သည့် လူအများစုမှာ သာမန် ရုန်းကန်နေရသည့် မိသားစုများသာ ဖြစ်ကြသည်။</p> <p style="text-align:justify">ထိုသို့သော အချိန်တွင်မှ ၂၆၀ ဆိုသည့် ဈေးနှုန်းထားဖြင့် "လောက၏ မေတ္တာရှင်" ကဲ့သို့သော ကျောင်းမျိုး ပေါ်ပေါက်လာတော့ အားလုံးမှာ ဝမ်းသာလွန်းသဖြင့် မျက်ရည်ပင် ကျမတတ် ဖြစ်ကုန်ကြရသည်။</p> <p style="text-align:justify">ဒါပေမဲ့ ဂရုထဲတွင် လက်ရှိ ကျောင်းထားရမည့် အရွယ် ကလေးရှိသည့် မိခင်များမှာ နည်းပါးနေသေးသည်။ အများစုမှာ ကိုယ်ဝန်ဆောင် မိခင်လောင်းများသာ ဖြစ်ကြသည်။ သို့သော် သူတို့ အားလုံးကလည်း "ကြယ်တာရာ မူကြိုကျောင်း" ဆိုသည့် နာမည်ကို ရင်ထဲတွင် အသေအချာ မှတ်သားလိုက်ကြသည်။ နောက်တစ်ချိန် ကလေး မွေးဖွားလာလျှင် ဒီကျောင်းကိုပဲ ထားတော့မည်ဟု ဆုံးဖြတ်လိုက်ကြသည်။</p> <p style="text-align:justify">တချို့ကလည်း နောက်ပြောင်သည့် သဘောဖြင့် ပြောကြသည်။</p> <p style="text-align:justify">"ကျန်ပေ ဟိုတယ် စားဖိုမှူး လက်ရာ ငါတောင် မစားဖူးသေးဘူး။ ကလေးတွေက ငါတို့ထက်တောင် ကံကောင်းနေသေးတယ်။ ယွမ် ၂ သန်းတန် ကျောင်းကားကြီး အကြောင်းတော့ ပြောမနေနဲ့တော့"</p> <p style="text-align:justify">တချို့ကလည်း စိတ်လှုပ်ရှားလွန်းသဖြင့် ဒေသတွင်း အွန်လိုင်း ဖိုရမ်များတွင် ကြယ်တာရာ မူကြိုကျောင်း အကြောင်းကို ပို့စ်များ ရေးတင်လိုက်ကြသည်။</p> <p style="text-align:justify">ထို့ကြောင့် ၂၆၀ ဆိုသည့် ကျောင်းလခ ဈေးနှုန်းမှာ အွန်လိုင်း ဖိုရမ်များတွင် အလွန် ရေပန်းစားသော ခေါင်းစဉ် တစ်ခု ဖြစ်သွားတော့သည်။</p> <p style="text-align:justify">မူကြိုကျောင်း တစ်ကျောင်းတွင် နေရာရဖို့အရေး ပြိုင်ဆိုင်မှုများ အလွန် ပြင်းထန်လှသည်ကို လူတိုင်း သိရှိကြသည်။ ဒါပေမဲ့ အခုလို ဈေးနှုန်းပိုင်းမှာ အလွန်အမင်း သက်သာခွင့် ရရှိမည် ဆိုလျှင်တော့ မိခင်များအတွက် အကြီးမားဆုံးသော အကျိုးကျေးဇူး တစ်ခုပင် မဟုတ်ပါလား။</p> <p style="text-align:justify">ထိုသို့ သတင်းများ ပျံ့နှံ့သွားပြီး တစ်ရက်ပင် မပြည့်ခင် အချိန်အတွင်းမှာပင် ...</p> <p style="text-align:justify">ရှင်းဝေ၏ ခေါင်းထဲရှိ စနစ်ကြီးမှာလည်း တက်ကြွစွာ ပွင့်လန်းလာတော့သည်။</p> <p style="text-align:justify">[ဂုဏ်ယူပါတယ်။ လက်ခံသူသည် ဂုဏ်သတင်း တန်ဖိုးများ ရရှိသည့် အတွက် အမှတ် ၃၆,၀၀၀ သို့ ပြောင်းလဲ ပေးလိုက်ပါပြီ။]</p> <p style="text-align:justify">ဒါက ရှင်းဝေ အတွက်တော့ ပထမဆုံး အကြိမ်အဖြစ် ဂုဏ်သတင်း တန်ဖိုးကို ရရှိဖူးခြင်း ဖြစ်သည်။ သူမသည် စနစ်ကို ချက်ချင်းပင် သိလိုစိတ်ဖြင့် မေးလိုက်သည်။</p> <p style="text-align:justify">"ဂုဏ်သတင်း တန်ဖိုး ဆိုတာ ဘာလဲ"</p> <p style="text-align:justify">ထိုအခါ စနစ်က ချက်ချင်းပင် ပြန်လည် ဖြေကြားသည်။</p> <p style="text-align:justify">[လက်ခံသူ အနေနဲ့ ကျော်ကြားမှုနဲ့ ဂုဏ်သတင်း ရရှိသမျှ အရာအားလုံးကို အမှတ် အဖြစ် ပြောင်းလဲပေးမှာ ဖြစ်ပါတယ်။]</p> <p style="text-align:justify">ထိုစကားကို ကြားလိုက်ရချိန်တွင် ရှင်းဝေ၏ မျက်လုံးများမှာ အရောင်တောက်သွားလေသည်။ စနစ်က သူမကို တစ်ကြိမ်တည်းနှင့် ဒီလောက် အမှတ်အများကြီး ပေးတာ ဒါဟာ ပထမဆုံးအကြိမ်ပင် ဖြစ်သည်။</p> <p style="text-align:justify">ထို့ကြောင့် သူမအနေဖြင့် နောင်တွင် ကျောင်းကို ပို၍ နာမည်ကြီးအောင် လုပ်ဖို့အတွက် နည်းလမ်းကောင်းများကို အပူတပြင်း ရှာဖွေရတော့မည်ဟု ဆုံးဖြတ်လိုက်လေတော့သည်။</p> <p style="text-align:justify"> </p> <p style="text-align:justify"> </p> <p style="text-align:justify"> </p> <p style="text-align:center">***</p>


Save