Book List

<h2 style="text-align: center;">အခန်း (၁၀၆)</h2> <h2 style="text-align: center;">သရဲအင်မော်တယ်တွေက အောက်ကျတယ် ဟုတ်လား... ငါတို့ လက်မခံဘူး!</h2> <h2 style="text-align: center;">*</h2> <p> </p> <p> </p> <p>"အင်မော်တယ်ဆိုတဲ့ နာမည်တော့ ရှိပေမယ့် အင်မော်တယ် အစစ်အမှန်တော့ မဟုတ်ဘူး ဟုတ်လား..."</p> <p>လင်းရီ၏ နှလုံးသားထဲတွင် လှုပ်ရှားသွားခဲ့၏။</p> <p>"မှန်တယ်..."</p> <p>"သရဲတာအိုထဲ ဝင်သွားပြီဆိုတာနဲ့ အင်မော်တယ်ဖြစ်လာပြီး ဖျက်ဆီးလို့ မရနိုင်တော့ဘူး၊ သက်တမ်းရဲ့ ကန့်သတ်ချက်လည်း မရှိတော့ဘူး..."</p> <p>"ပေးဆပ်ရမယ့် တန်ဖိုးကတော့ ငါတို့ သရဲ အင်မော်တယ်တွေက ကောင်းကင်တံခါးထဲကို ပြန်ဝင်ခွင့်မရတော့ဘူး..."</p> <p>မြေအောက်ကမ္ဘာ ဘိုးဘေးက လင်းရီကို အဓိပ္ပာယ်ပါပါ ကြည့်လိုက်လေသည်။</p> <p>"ဒီလိုကိုး..."</p> <p>လင်းရီက ချက်ချင်း နားလည်သွားခဲ့၏။</p> <p>မြေအောက်ကမ္ဘာ ဘိုးဘေးသည် ပဉ္စမမြောက်နေရာတွင် ပြိုင်ဘက်ကင်းဖြစ်ပြီး၊ အံ့မခန်းပါရမီများရှိကာ ရှည်လျားသော နှစ်ပေါင်းများစွာ အသက်ရှင်နေထိုင်ခဲ့သော်လည်း တစ်ခါမျှ ကပ်ဘေးချိုးဖျက်ခြင်းနယ်ပယ်သို့ မဝင်ရောက်ခဲ့ခြင်းမှာ အံ့ဩစရာ မဟုတ်ချေ။</p> <p>တကယ်တော့ မြေအောက်ကမ္ဘာ ဘိုးဘေးက ကပ်ဘေးချိုးဖျက်ခြင်းနယ်ပယ်သို့ မဝင်ရောက်ချင်၍ မဟုတ်ဘဲ မဝင်ရောက်နိုင်ခဲ့ခြင်းပင် ဖြစ်သည်။</p> <p>"သရဲအင်မော်တယ်တွေရဲ့ တာအိုက အင်မော်တယ်တာအိုတွေထဲမှာ အဆင့်နိမ့်တာအိုတစ်ခုပဲလေ..."</p> <p>မြေအောက်ကမ္ဘာ ဘိုးဘေးက ပခုံးတွန့်ကာ ပြောလိုက်၏။</p> <p>"ဒီအဘိုးကြီးကတော့ ကပ်ဘေးချိုးဖျက်ခြင်းနယ်ပယ်ကို မဝင်ရောက်နိုင်တဲ့ တာအို ရှိတယ်ဆိုတာကို တစ်ခါမှ မယုံခဲ့ဘူး..."</p> <p>ဤအချိန်တွင် သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက ဝင်ပြောလိုက်လေသည်။</p> <p>"မင်းက ဘာသိလို့လဲ..."</p> <p>"ကောင်းကင်တံခါးဆိုတာ တာအိုရဲ့ လူဝင်စားခြင်းတစ်ခုပဲ... သရဲကျင့်ကြံသူတွေရဲ့ တာအိုကတော့ တာအိုနဲ့ သီးခြားတည်ရှိနေတာ..."</p> <p>"အဲဒါက ကောင်းကင်တံခါးရဲ့ချီကို အကြောက်ဆုံးပဲ..."</p> <p>မြေအောက်ကမ္ဘာဘိုးဘေးက လှောင်ပြောင်လိုက်၏။</p> <p>"ကောင်းကင်တံခါးပဲ မဟုတ်ဘူးလား..."</p> <p>"ဘာကြောက်စရာရှိလို့လဲ..."</p> <p>ကောင်းကင်တံခါးအကြောင်း ပြောလာသောအခါ သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက အလွန် ဂုဏ်ယူနေခဲ့သည်။</p> <p>"ကောင်းကင်တံခါးကို မကြောက်ဘူး ဟုတ်လား..."</p> <p>"ဘယ်သူက ကောင်းကင်တံခါးကို မကြောက်ဘဲ နေနိုင်မှာလဲ..."</p> <p>မြေအောက်ကမ္ဘာဘိုးဘေးက မျက်မှောင်ကြုတ်သွားခဲ့၏။</p> <p>"စီနီယာမြေအောက်ကမ္ဘာ..."</p> <p>"ဒါက သေခြင်းရှင်ခြင်းတံခါးရဲ့ တတိယမြောက်မျိုးဆက် ဘိုးဘေးပါ..."</p> <p>လင်းရီက အပြုံးဖြင့် ပြောလိုက်သည်။</p> <p>"အော်... မင်းက ကောင်းကင်တံခါးကို စိန်ခေါ်ခဲ့တဲ့ အဲဒီလူမိုက်ကြီးကိုး..."</p> <p>မြေအောက်ကမ္ဘာဘိုးဘေးက အံ့အားသင့်သွားခဲ့၏။</p> <p>သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေး၏ နာမည်ဂုဏ်သတင်းမှာ အလွန် ကြီးမားလှပေသည်။</p> <p>သူသည် အင်္သချေဂိုဏ်းကို အချိန်တိုင်းအတွက် လင်းထိန်သွားစေခဲ့သည်ဟုဆိုလျှင် ပိုပြောရာ မရောက်ချေ။</p> <p>သေမင်းကို ဖိတ်ခေါ်ရာတွင် ဤမျှ ကျွမ်းကျင်သောသူကို သူ တစ်ခါမျှ မမြင်ဖူးခဲ့ချေ။ သူသည် ဝိညာဉ်ကုန်းမြေရှိ ကျင့်ကြံသူအားလုံးအတွက် ဆန့်ကျင်ဘက် ဥပမာတစ်ခု ဖြစ်လေသည်။</p> <p>သူ၏ နာမည်ကျော်ကြားမှုမှာ သူ၏ ဆရာသခင် သေခြင်းရှင်ခြင်းတာအိုကျင့်ကြံသူထက်ပင် ပိုမိုကြီးမားသေး၏။</p> <p>"ဘာလူမိုက်ကြီးလဲ... ဒီအဘိုးကြီးရဲ့ စိတ်အခြေအနေက ပြိုင်ဘက်ကင်းပဲကွ..."</p> <p>"ဝိညာဉ်ကုန်းမြေမှာ ရှိသမျှကပ်ဘေးတိုင်းကို ငါ စမ်းကြည့်ပြီးပြီ..."</p> <p>"လာလိုက်သွားလိုက်နဲ့ အင်မော်တယ်ဖြစ်ပြီး ဖျက်ဆီးလို့ မရဘူး..."</p> <p>"အကယ်၍ ငါသာ ကောင်းကင်တံခါးကို မစိန်ခေါ်ခဲ့ဘူးဆိုရင် ဘဝမှာ ကြီးမားတဲ့ နောင်တတစ်ခု ဖြစ်သွားမှာပေါ့..."</p> <p>"ငါက လူ့လောကမှာ ပြိုင်ဘက်ကင်းပဲ... အကယ်၍ ကောင်းကင်ကြီးနဲ့ မတိုက်ခိုက်ရင် ငါ ဘယ်သူနဲ့ သွားတိုက်ခိုက်ရမှာလဲ..."</p> <p>သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက ယုံကြည်ချက် အပြည့်ဖြင့် ပြောလိုက်လေသည်။</p> <p>အကယ်၍ နောက်ထပ် အခွင့်အရေး တစ်ကြိမ်သာရမည်ဆိုလျှင် သူ ထပ်မံ စိန်ခေါ်ဦးမည်သာ ဖြစ်၏။</p> <p>သေသည်အထိ တိုက်ခိုက်မည်။</p> <p>သေခြင်းရှင်ခြင်းတံခါးမှ ကျင့်ကြံသူများသည် တစ်သက်လုံး ချောမောခန့်ညားနေကြလေသည်။</p> <p>သေခြင်းဆိုသည်မှာ အဘယ်နည်း။</p> <p>"မိုက်တယ်ကွာ..."</p> <p>မြေအောက်ကမ္ဘာ ဘိုးဘေးသည် သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးကို ရိုးသားစွာဖြင့် လက်မထောင်ပြလိုက်၏။</p> <p>"ဒီအဘိုးကြီးက သေခြင်းရှင်ခြင်းလမ်းစဉ်ကို မဟာပြီးပြည့်စုံခြင်းအထိ ကျင့်ကြံပြီးပြီဆိုတော့ အစကနေ ပြန်ကျင့်ဖို့က အဓိပ္ပာယ်မရှိတော့ဘူး..."</p> <p>"သရဲအင်မော်တယ်တွေရဲ့ တာအိုက အဆင့်နိမ့်တာအိုဖြစ်ပြီး ကောင်းကင်တံခါးထဲကို ဝင်ခွင့်မရှိဘူးလို့ မင်း ပြောခဲ့တယ် မဟုတ်လား..."</p> <p>"ဒီအဘိုးကြီးကတော့ အဲဒီ အဆိုးအညစ်တွေကို လုံးဝမယုံဘူးကွ..."</p> <p>"ငါက သရဲအင်မော်တယ်တစ်ပါးအနေနဲ့ တာအိုကို အောင်မြင်အောင် လုပ်ပြမယ်လို့ ဆုံးဖြတ်ထားတယ်..."</p> <p>သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက စိတ်အားထက်သန်နေခဲ့၏။</p> <p>*ဒီလောကမှာ သူ မလုပ်ရဲတဲ့အရာဆိုတာ မရှိဘူး*</p> <p>"ကောင်းတယ်၊ ကောင်းတယ်၊ ကောင်းတယ်..."</p> <p>"မင်း အဲဒီလိုပြောမှတော့ ဒီဘိုးဘေးကလည်း အဖော်ရလို့ ဝမ်းသာပါတယ်..."</p> <p>"ငါ့ရဲ့ သရဲအင်မော်တယ်တွေက တာအိုကို မအောင်မြင်နိုင်ဘူးလို့ ဘယ်သူပြောလဲ..."</p> <p>မြေအောက်ကမ္ဘာ ဘိုးဘေးကလည်း စိတ်အားထက်သန်လာခဲ့လေသည်။</p> <p>ဤဘိုးဘေးသည် သေခြင်းတရားမှ မွေးဖွားလာခြင်း ဖြစ်၏။</p> <p>ငရဲမှနေ၍ ကိုယ်ပိုင်အစွမ်းအစဖြင့် ပြန်လည်ရောက်ရှိလာနိုင်ခြင်းက မူလကတည်းက သူ့ကို သေခြင်းရှင်ခြင်းတံခါးအတွက် မျိုးစေ့ကောင်းတစ်ခု ဖြစ်လာစေခဲ့လေသည်။</p> <p>ယခု သူတို့နှစ်ဦး တွေ့ဆုံသောအခါ နှစ်ပေါင်းများစွာကတည်းက သိကျွမ်းခဲ့သူများကဲ့သို့ ဖြစ်သွားကြလေသည်။</p> <p>"သူတို့နှစ်ယောက်လုံးကို ဒီမှာ ထားခဲ့လိုက်၊ မင်း သွားလို့ရပြီ..."</p> <p>မြေအောက်ကမ္ဘာ ဘိုးဘေးက သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေး၏ အစစ်အမှန်ဝိညာဉ်နှင့် ထန်ကျင်းကျုံးတို့ကို လက်ညှိုးထိုးကာ ပြောလိုက်၏။</p> <p>"ဟင်... ကျုပ်က ဘာလို့နေခဲ့ရမှာလဲ..."</p> <p>"ကျုပ်က သရဲတာအိုထဲ ဝင်မှာမှ မဟုတ်တာ..."</p> <p>ထန်ကျင်းကျုံးက အံ့အားသင့်သွားခဲ့သည်။</p> <p>"ငါက မင်းကို နေခဲ့လို့ပြောရင် နေခဲ့ပေါ့၊ အဓိပ္ပာယ်မရှိတာတွေ ဘာလို့ လျှောက်ပြောနေတာလဲ..."</p> <p>မြေအောက်ကမ္ဘာ ဘိုးဘေးက စကားမပြောရသေးမီမှာပင် သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက စိတ်မရှည်စွာဖြင့် အရင် ဝင်ပြောလိုက်လေသည်။</p> <p>*မင်း ခုနက ငါ့ကို ရိုက်ခဲ့တယ် မဟုတ်လား*</p> <p>*အဲဒီ အချက်သုံးထောင်ကို ပြန်မရိုက်ရသေးခင် ထွက်သွားဖို့တော့ မစဉ်းစားနဲ့*</p> <p>"မှန်တယ်..."</p> <p>မြေအောက်ကမ္ဘာ ဘိုးဘေးကလည်း တိုးတိုးလေး ဝင်ပြောလိုက်၏။</p> <p>*မင်းက မြေအောက်ကမ္ဘာ တားမြစ်နယ်မြေထဲကို ဝင်လာပြီးရင် လွတ်လွတ်လပ်လပ် ပြန်ထွက်သွားလို့ ရမယ် ထင်နေတာလား*</p> <p>*အိပ်မက်မက်နေလိုက်*</p> <p>"ဒါဆို ကျုပ် နေခဲ့ရမှာလား..."</p> <p>ထန်ကျင်းကျုံး၏ ပါးစပ်က တွန့်သွားပြီး လင်းရီကို အကူအညီ တောင်းသည့် အကြည့်ဖြင့် ကြည့်လိုက်လေသည်။</p> <p>"နေခဲ့လိုက်ပါ..."</p> <p>"စီနီယာနှစ်ယောက်က လူစားတာမှ မဟုတ်တာ..."</p> <p>လင်းရီက တောက်ပစွာ ပြုံးလိုက်၏။</p> <p>ဤစကားကို ကြားသောအခါ ထန်ကျင်းကျုံးခမျာ ငိုရမလို ရယ်ရမလို အပြုံးတစ်ခုကို မဖော်ပြဘဲ မနေနိုင်တော့ချေ။</p> <p>"စီနီယာ..."</p> <p>"စီနီယာ့ရဲ့ကိစ္စလည်း ပြေလည်သွားပြီဆိုတော့ ကျွန်တာအိုစည်းတံဆိပ်ကို ချိုးဖျက်မယ့် နည်းလမ်းကို ဒီမျိုးဆက်သစ်ကို လက်ဆင့်ကမ်းပေးဖို့ အချိန်တန်ပြီ မဟုတ်လား..."</p> <p>လင်းရီက အပြုံးဖြင့် ပြောလိုက်သည်။</p> <p>"အင်း..."</p> <p>"ခေါင်းလောင်းကို ချည်တဲ့သူကပဲ ပြန်ဖြုတ်ရမယ်ဆိုတဲ့ စကားပုံ ရှိတယ်လေ..."</p> <p>"အဲ့ဒီကျွန်တာအိုစည်းတံဆိပ်ကို ချိုးဖျက်မယ့် နည်းလမ်းကလည်း မင်္ဂလာဝတ်စုံ အင်မော်တယ်ဝင်္ကပါအပေါ်မှာပဲ မှီခိုနေရတယ်..."</p> <p>သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက အပြုံးဖြင့် ပြောလိုက်၏။</p> <p>"မင်္ဂလာဝတ်စုံအင်မော်တယ်ဝင်္ကပါအပေါ်မှာ မှီခိုရတယ် ဟုတ်လား..."</p> <p>လင်းရီက အံ့အားသင့်သွားခဲ့သည်။</p> <p>"မှန်တယ်..."</p> <p>"မင်းက ဘာလို့ ဒီလောက်တောင် ခေါင်းမာနေရတာလဲ..."</p> <p>"အရာအားလုံးက ပြောင်းလွယ်ပြင်လွယ် ရှိဖို့ လိုတယ်လေ..."</p> <p>"မင်္ဂလာဝတ်စုံ အင်မော်တယ်ဝင်္ကပါက အရာအားလုံးကို ပြောင်းရွှေ့ပေးနိုင်တယ်၊ အဲဒီအထဲမှာ သဘာဝကျကျပဲ ကျွန်တာအိုစည်းတံဆိပ်လည်း ပါဝင်တာပေါ့..."</p> <p>"အဲဒီတုန်းက ဒီအဘိုးကြီးက ကျွန်တာအိုစည်းတံဆိပ်ကို အရင် စမ်းကြည့်ပြီးတော့ မင်္ဂလာဝတ်စုံ အင်မော်တယ်ဝင်္ကပါကို ထပ်စမ်းကြည့်ခဲ့တာ... မင်္ဂလာဝတ်စုံ မဖြစ်သွားတဲ့အပြင် ကျွန်တာအိုစည်းတံဆိပ်ကို အဲဒီတုန်းက အင်္သချေဂိုဏ်းရဲ့ ဂိုဏ်းချုပ်ဆီကိုပါ ပြောင်းရွှေ့ပေးနိုင်ခဲ့လိမ့်မယ်လို့ ငါ လုံးဝ မထင်ထားခဲ့ဘူး..."</p> <p>"ငါက အင်္သချေဂိုဏ်းရဲ့ လိုက်လံ ဖမ်းဆီးတာကို နှစ်ပေါင်းများစွာ ခံခဲ့ရပေမယ့် အဲဒါက တကယ့်ကို တန်ပါတယ်..."</p> <p>"ငါက ကျွန်တစ်ယောက်ကို အလကားရလိုက်တဲ့အပြင် အခုဒီနည်းလမ်းနဲ့ အခြေအနေကိုတောင် ပြောင်းပြန်လှန်ပစ်နိုင်ပြီ..."</p> <p>သေခြင်းရှင်ခြင်းတံခါး၏ တတိယမြောက် မျိုးဆက် ဘိုးဘေးက အလွန် ဂုဏ်ယူစွာဖြင့် ပြောလိုက်လေသည်။</p> <p>လင်းရီနှင့် အခြားသူများအားလုံးက ဤစကားကို ကြားသောအခါ ကြောင်သွားကြ၏။</p> <p>မင်းလို အနှောင့်အယှက် ပေးနိုင်စွမ်းရှိတဲ့သူ တစ်ယောက်တည်းကသာ ကျွန်တာအိုစည်းတံဆိပ်နဲ့ မင်္ဂလာဝတ်စုံ အင်မော်တယ်ဝင်္ကပါ နှစ်ခုလုံးကို တစ်ပြိုင်နက်တည်း ပိုင်ဆိုင်ထားမှာလို့ သူတို့ စိတ်ထဲကနေ တွေးလိုက်ကြ၏။</p> <p>ပုံမှန်လူတွေကတော့ ထိုအရာတွေကို စမ်းကြည့်ဖို့ နေနေသာသာ စဉ်းစားရုံနဲ့တင် ရူးသွားလိမ့်မည်။</p> <p>ပြောင်းလွယ်ပြင်လွယ်ရှိတာကို အသာထား။</p> <p>"ဒီနည်းလမ်းက မင်္ဂလာဝတ်စုံ အင်မော်တယ်ဝင်္ကပါကို အခြေခံထားပြီး 'လီတိုင်ထောင်ကျန်း' (ဘေးအန္တရာယ်ကနေ ရှောင်လွှဲဖို့ ကိုယ်စားလှယ် အသုံးပြုခြင်း) လို့ ခေါ်တယ်..."</p> <p>"ရေသူနိုင်ငံတော်မှာ အဆင်သင့်ဖြစ်နေတဲ့ မင်္ဂလာဝတ်စုံ အင်မော်တယ်ဝင်္ကပါ ရှိပြီးသားပဲ..."</p> <p>"မင်းက အနည်းငယ် ပြုပြင်ပြောင်းလဲလိုက်ရုံနဲ့ အဲ့ဒါကို 'လီတိုင်ထောင်ကျန်း' ဝင်္ကပါ းအဖြစ် ပြောင်းလဲပစ်လို့ရတယ်..."</p> <p>"အဲဒီအချိန်ကျရင် အင်မော်တယ် သန္ဓေသားဝင်္ကပါပေါ်မှာ တစ်ခုခုကိုရှာပြီး တင်ထားလိုက်ရုံနဲ့ ကျွန်တာအိုစည်းတံဆိပ်ကို ပြောင်းရွှေ့ပစ်လို့ရပြီ..."</p> <p>သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေး၏ အစစ်အမှန်ဝိညာဉ် တုန်ခါသွားသည်နှင့်အမျှ ကျမ်းစာလိပ် တစ်ခုသည် လင်းရီ၏ နားထဲသို့ ရောက်ရှိသွားခဲ့ပြီ ဖြစ်၏။</p> <p>လင်းရီက ၎င်းကို တိတ်တဆိတ် မှတ်သားလိုက်ပြီး သေချာစွာ နားလည်သဘောပေါက်အောင် ကြိုးစားလိုက်သည်။ ခဏအကြာတွင် သူ ထရပ်ကာ ဦးညွှတ်လိုက်ပြီး "ဒီ မျိုးဆက်သစ်က ရေသူမျိုးနွယ်စုကိုယ်စား စီနီယာ့ကို ကျေးဇူးတင်ပါတယ်..." ဟု ပြောလိုက်လေသည်။</p> <p>"ငါတို့လိုအပ်တာတွေကို ငါတို့ ရလိုက်ရုံပါပဲ..."</p> <p>သေခြင်းရှင်ခြင်းတံခါး၏ တတိယမြောက်မျိုးဆက် ဘိုးဘေးက ဂရုမစိုက်ဟန်ဖြင့် ပြောလိုက်၏။</p> <p>"ဒီမျိုးဆက်သစ် ခွင့်ပြုပါဦး..."</p> <p>လင်းရီက ခေါင်းညိတ်လိုက်ပြီး ဟွေကွမ်ကို ခေါ်ကာ တိမ်တိုက်လှေကား ဝင်္ကပါပြား ပေါ်သို့ နောက်တစ်ကြိမ် တက်သွားခဲ့သည်။ လျှပ်တစ်ပြက်အတွင်းမှာပင် သူ ပျောက်ကွယ်သွားခဲ့၏။</p> <p>"အား..."</p> <p>လင်းရီထွက်သွားသည်နှင့် တစ်ပြိုင်နက် မြေအောက်ကမ္ဘာ တားမြစ်နယ်မြေ အတွင်းမှ ထန်ကျင်းကျုံး၏ အလွန် စူးရှသော အော်ဟစ်သံတစ်ခု ထွက်ပေါ်လာခဲ့လေသည်။</p> <p>လင်းရီသည် အဝေးမှ အော်ဟစ်သံများကို နားထောင်ရင်း သူ၏ မျက်နှာပေါ်တွင် အပြုံးတစ်ခု ထွက်ပေါ်လာခဲ့၏။</p> <p>"အကြီးအကဲထန်ရဲ့ ပါရမီက ကန့်သတ်ချက်ရှိတယ်... ကောင်းကင်အလိုကို ဆန့်ကျင်တဲ့ ကံကောင်းမှုမျိုး မရှိဘဲနဲ့တော့ ကပ်ဘေးချိုးဖျက်ခြင်းနယ်ပယ် ပြီးပြည့်စုံခြင်းဆိုတာ သူ့အတွက် အမြင့်ဆုံး ကန့်သတ်ချက်ပဲ..."</p> <p>"အခု ဒီမြေအောက်ကမ္ဘာ ဘိုးဘေးနဲ့ သေခြင်းရှင်ခြင်းတံခါးရဲ့ တတိယမြောက် မျိုးဆက် ဘိုးဘေးတို့က အကြီးအကဲထန် ရဲ့ ကံကောင်းမှုတွေပဲ..."</p> <p>လင်းရီက မှေးမှိန်စွာ ပြုံးလိုက်ပြီး ဆက်လက် နှောင့်နှေးမနေတော့ဘဲ ချက်ချင်း ထွက်ခွာသွားခဲ့လေသည်။</p> <p>ဝှစ်။</p> <p>လင်းရီ အရှေ့ပင်လယ်ကမ်းစပ်သို့ ပြန်ရောက်သည်နှင့် တစ်ပြိုင်နက် အရှေ့ဘက် မိုးကုပ်စက်ဝိုင်းမှ ခရမ်းရောင်ချီ များ ဆက်တိုက်ရောက်ရှိလာသည်ကို မြင်တွေ့လိုက်ရ၏။</p> <p>ခရမ်းရောင်ချီများအတွင်း၌ ကျိုးယွင်သည် သူ၏ ဓားကို စီးနင်းကာ ရောက်ရှိလာပြီး ကျိုးယွင်၏ အနောက်တွင် တာအိုကျင့်ကြံသူနှစ်ဦး လိုက်ပါလာခဲ့သည်။</p> <p>တာအိုကျင့်ကြံသူနှစ်ဦးအနက် တစ်ဦးမှာ သာမန်ရုပ်ရည်ရှိသော်လည်း ထူးခြားသော အမူအကျင့် ရှိလေသည်။ လင်းရီက သူ၏ ချီကို အာရုံခံလိုက်ပြီး သူသည် တာလော့ဂိုဏ်းချုပ်ဖြစ်ကြောင်း အတည်ပြုလိုက်၏။</p> <p>၎င်းမှာ ဂိုဏ်းချုပ်၏ ဝိညာဉ် လူဝင်စားခြင်းဖြစ်ရမည်ဟု ခန့်မှန်းရပေသည်။</p> <p>အခြားတာအိုကျင့်ကြံသူမှာမူ အင်မော်တယ်ကဲ့သို့သော အရှိန်အဝါရှိပြီး ငှက်ကျားဖြူတစ်ကောင်ကို စီးနင်းလာကာ လောကီနှင့် ကင်းကွာသော အင်မော်တယ် အမူအကျင့် ရှိလေသည်။</p> <p>မြေကမ္ဘာအင်မော်တယ်။</p> <p>တစ်ချက်ကြည့်လိုက်ရုံဖြင့် ဤ တာအိုကျင့်ကြံသူမှာ မြေကမ္ဘာအင်မော်တယ် တစ်ပါးဖြစ်ကြောင်း လင်းရီ အတည်ပြုနိုင်ခဲ့၏။</p> <p>သူတို့ သုံးဦးသည် အရှေ့ပင်လယ်၏ အဆုံးမှ မျက်တောင်တစ်ခတ်အတွင်း ရောက်ရှိလာပြီး ရေသူနန်းတော်၏ အထက်တွင် ထွက်ပေါ်လာခဲ့လေသည်။</p> <p>လင်းရီကလည်း သူ၏တိမ်တိုက်လှေကား ဝင်္ကပါပြားဖြင့် အလျင်အမြန် လိုက်သွားခဲ့၏။</p> <p>"တပည့်လင်းရီက ဂိုဏ်းချုပ် ဘိုးဘေးကြီး၊ ဆရာနဲ့ စီနီယာတို့ကို နှုတ်ဆက်ပါတယ်..."</p> <p>လင်းရီက ဦးညွှတ်လိုက်သည်။</p> <p>"ကောင်းတဲ့ ကောင်လေး..."</p> <p>တာလော့ဂိုဏ်းချုပ်၏ ဝိညာဉ် လူဝင်စားခြင်းက အနည်းငယ် ခေါင်းညိတ်ပြလိုက်၏။</p> <p>"လင်းရီ... မင်း ပင်ပန်းသွားပြီ..."</p> <p>ကျိုးယွင်ကလည်း လင်းရီ၏ ပခုံးကို ပုတ်ကာ ပြောလိုက်၏။ သူသည် လင်းရီ လုပ်ခဲ့သမျှကို ရှင်းလင်းစွာ သိရှိထားပုံ ရလေသည်။</p> <p>"ဒါတွေ အားလုံးက တပည့်တစ်ယောက်အနေနဲ့ လုပ်သင့်လုပ်ထိုက်တာတွေပါ..."</p> <p>လင်းရီက တောက်ပစွာ ပြုံးလိုက်သည်။</p> <p>တစ်နေ့နေ့တွင် သူသာ ကျိုးယွင်၏ အကူအညီ လိုအပ်လာပါက ကျိုးယွင်သည်လည်း အစွမ်းကုန် ကြိုးစားကူညီပေးလိမ့်မည်ဟု လင်းရီယုံကြည်ထား၏။</p> <p>"လင်းရီ..."</p> <p>"ဒါက ဖုန်းလိုင်အင်မော်တယ်ကျွန်းရဲ့ ကျွန်းသခင်ပဲ..."</p> <p>ကျိုးယွင်က မိတ်ဆက်ပေးလိုက်သည်။</p> <p>"မျိုးဆက်သစ်လင်းရီက ဖုန်းလိုင် ကျွန်းသခင်ကို နှုတ်ဆက်ပါတယ်..."</p> <p>လင်းရီက ဦးညွှတ်လိုက်၏။</p> <p>"တောင်သခင်လင်းရီက ယဉ်ကျေးလွန်းနေပါပြီ..."</p> <p>"တာလော့အင်မော်တယ်ဂိုဏ်းကနေ ပြိုင်ဘက်ကင်းတဲ့၊ အားလုံးက ထူးခြားတဲ့ တာအိုအခြေခံအုတ်မြစ်တစ်ရာပါတဲ့ ပါရမီရှင်တစ်ယောက် ထွက်ပေါ်လာတယ်လို့ ဒီအဘိုးကြီး ကြားခဲ့ရတာ... အခု သူ့ကို တွေ့လိုက်ရတော့ သူ့ရဲ့တာအိုအရိုးတွေက တကယ့်ကို သဘာဝအလျောက် ဖြစ်တည်နေတာပဲ..."</p> <p>ဖုန်းလိုင်ကျွန်းသခင်က လင်းရီကို ကြည့်ကာ ပြောလိုက်သည်။</p> <p>"စီနီယာက မြှောက်ပြောနေပါပြီ..."</p> <p>လင်းရီက ပြန်ဖြေလိုက်၏။</p> <p>"စကားမစပ်... ဒီအဘိုးကြီး ဒီတစ်ကြိမ် ကိုယ်တိုင်ကိုယ်ကျ လာခဲ့ရတာက တောင်သခင်လင်းရီနဲ့ မျက်နှာချင်းဆိုင် ဆွေးနွေးချင်တဲ့ ကိစ္စတစ်ခု ရှိနေလို့ပါ..."</p> <p>ဖုန်းလိုင်ကျွန်းသခင်က ဤအချိန်တွင် လေးနက်စွာ ပြောလိုက်လေသည်။</p> <p> </p> <p> </p> <p style="text-align: center;">***</p>


Save