Book List

<h2 style="text-align: center;">အခန်း (၄၅)</h2> <h2 style="text-align: center;">မီးလျှံအကြေးခွံသားရဲ</h2> <h2 style="text-align: center;">*</h2> <p> </p> <p>ဟွမ်လုံဈေးကွက်အတွင်း၌ 'ချင်းဖူးဖန်' သည် အကြီးဆုံးသော အရောင်းဆိုင်ကြီး ဖြစ်သော်ငြားလည်း 'ငါးပါးဓာတ် စီးဆင်းခြင်း အစီအရင်' အတွက် လိုအပ်သမျှသော ပစ္စည်းအစုံအလင်ကိုမူ တစ်ကြိမ်တည်းနှင့် မရရှိနိုင်ခဲ့ချေ။</p> <p> </p> <p>အရန်ပစ္စည်း နှစ်ဆယ်ကျော်မှာ အလွယ်တကူ ရရှိနိုင်သော်လည်း အဓိကအမာခံပစ္စည်း ငါးမျိုးအနက် 'နှစ်ထောင်ချီ နက်နဲသောသစ်သား'၊ 'ရွှေအနှစ်သာရ' နှင့် 'မြေဓာတ်ပျော်ဝင်မြေသား' တည်းဟူသော သုံးမျိုးကိုသာ ဝယ်ယူရရှိခဲ့သည်။</p> <p> </p> <p> ကြွင်းကျန်သော 'ကွေ့ရေဓာတ်ကျောက်' နှင့် အဆင့် (၂) မီးဓာတ်ဝိညာဉ်သားရဲ အမြုတေတို့မှာမူ ရှားပါးလှသည်ဖြစ်ရာ ထိုစဉ်က ဈေးကွက်အတွင်း ရှာမရနိုင်ဖြစ်နေတော့၏။</p> <p> </p> <p>နင်တောက်ရန်သည် မျက်မှောင်ကြုတ်မိသွားချေသည်။ ဤပစ္စည်းအနည်းငယ်မျှကိုပင် အနိမ့်တန်း ဝိညာဉ်ကျောက်တုံး သုံးထောင်ကျော် ပေးဆောင်ခဲ့ရပေရာ 'ငါးပါးဒြပ် စီးဆင်းခြင်း အစီအရင်' တစ်ခုလုံး ပြီးမြောက်အောင် ဖော်စပ်ရန်အတွက် ဝိညာဉ်ကျောက် ငါးထောင်ခန့် ကုန်ကျပေလိမ့်မည်။</p> <p> </p> <p> ထိုသို့ ကုန်ကျခြင်းမှာလည်း ဖြစ်တန်ရာပေသည်။ အစီအရင်ကို ကောင်းစွာ ထိန်းချုပ်နိုင်ပါက 'အုတ်မြစ်တည်ဆောက်ခြင်းအဆင့်' ကျင့်ကြံသူကိုပင် သတ်ဖြတ်နိုင်စွမ်း ရှိပေရာ အစီအရင်၏ တန်ဖိုးမှာ ကျင့်ကြံသူတစ်ဦး၏ အသက်တန်ဖိုးနှင့် ညီမျှနေခြင်းမှာ ကျိုးကြောင်းဆီလျော်လှသည်ဟု ဆိုရပေမည်။</p> <p> </p> <p>အဆုံး၌ ဟွမ်လုံဈေးကွက် တစ်ခုလုံးနှင့် မှောင်ခိုဈေးကွက်အထိ လှည့်လည်ရှာဖွေခဲ့သော်လည်း 'ကွေ့ရေဓာတ်ကျောက်' နှင့် အဆင့် (၂) မီးဒြပ်အမြုတေကိုမူ မတွေ့ရှိခဲ့ရပေ။</p> <p> </p> <p>...</p> <p> </p> <p>[အနန္တဂိုဏ်း]</p> <p> </p> <p> နင်တောက်ရန်နှင့် သမင်သည် 'အကျိုး ဆောင်ခန်းမ'  သို့ ဆိုက်ဆိုက်မြိုက်မြိုက် ရောက်ရှိလာကြသည်။ နင်တောက်ရန်သည် အဆင့် (၂) မီးဒြပ်အမြုတေကို ဦးစွာရရှိရန် ဆုံးဖြတ်လိုက်၏။</p> <p> </p> <p> အကျိုးဆောင်ခန်းမတွင် ဝိညာဉ်စွမ်းအင်သန့်စင်မှု အဆင့်မြင့်ပိုင်းရှိ တပည့်များ စုပေါင်းလုပ်ဆောင်ရမည့် သားရဲအမဲလိုက် တာဝန်များရှိကြောင်း ကြားသိထားသဖြင့် သူ စမ်းသပ်ကြည့်လိုနေခြင်း ဖြစ်သည်။</p> <p> </p> <p>"ညီလေးနင် မဟုတ်လား..."</p> <p> </p> <p>ကောင်တာနောက်ကွယ်ရှိ ကျောက်လီချန်က ပြုံးရွှင်စွာဖြင့် "မတွေ့ရတာ ကြာပြီပဲ၊ နေကောင်းရဲ့လား" ဟု နှုတ်ဆက်လာသည်။</p> <p> </p> <p>"ကောင်းပါတယ်... ကောင်းပါတယ်... စီနီယာကျောက်ကို ဂါရဝပြုပါတယ်ခင်ဗျာ" ဟု နင်တောက်ရန်က ခေါင်းညိတ်နှုတ်ဆက်လိုက်သည်။</p> <p> </p> <p>ကျောက်လီချန်နှင့် ခဏတာ စကားစမြည် ပြောဆိုဖြစ်ကြရာမှ အဆင့် (၂) မီးဒြပ်အမြုတေအကြောင်း ရောက်ရှိသွားသောအခါ ကျောက်လီချန်မှာ အတန်ငယ် တုံ့ဆိုင်းသွားသည်။</p> <p> </p> <p>"ညီလေးက အဆင့် (၂) အမြုတေကို ရှာမလို့လား... ဒါက နောက်စရာ မဟုတ်ဘူးနော်၊ မင်းက တိုက်ခိုက်ရေးမှာ အားနည်းတာ၊ ပြီးတော့ အဲဒီသားရဲတွေက အုတ်မြစ်တည်ဆောက်ခြင်းအဆင့် ကျင့်ကြံသူတွေထက်တောင် ပိုပြီး ကြမ်းတမ်းကြတာ..."</p> <p> </p> <p>"စိတ်မပူပါနဲ့ စီနီယာ၊ ကျွန်တော် ဘာလုပ်ရမလဲဆိုတာ သိပါတယ်" ဟု နင်တောက်ရန်က ယုံကြည်မှုရှိရှိ ပြောလိုက်သည်။</p> <p> </p> <p>"ဒါဆိုရင်လည်း... ငါ လူတစ်ယောက်နဲ့ မိတ်ဆက်ပေးမယ်၊ ခဏစောင့်ဦး"</p> <p> </p> <p>ကျောက်လီချန်က ဆက်သွယ်ရေး စာချွန်လွှာတစ်ခုကို ပေးပို့လိုက်ရာ မကြာမီမှာပင် အဖြူရောင် ဝတ်ရုံကို ဆင်မြန်းထားသော အထက်တန်းတပည့်တစ်ဦး တောင်ပေါ်မှ ဆင်းသက်လာသည်။</p> <p> </p> <p>ထိုသူမှာ မျက်ခုံးကောင်းကောင်းနှင့် သူရဲကောင်းဆန်သော အသွင်ရှိပြီး 'လင်းကျော့ကျွင်း' ဟု အမည်ရ၏။ သူသည် အဆင့် (၂) မီးလျှံအကြေးခွံသားရဲကို သုတ်သင်ရန် တာဝန်ယူထားသူဖြစ်ပြီး အင်အားစုဆောင်းနေသူလည်း ဖြစ်သည်။</p> <p> </p> <p>"ညီလေးနင်..."</p> <p> </p> <p>လင်းကျော့ကျွင်းက မျက်မှောင်ကို အနည်းငယ် ကြုတ်လျက် "ငါတို့ရဲ့ ပစ်မှတ်က အုတ်မြစ်တည်ဆောက်ခြင်း အစောပိုင်းအဆင့် ကျင့်ကြံသူထက် ပိုအစွမ်းထက်တဲ့ သားရဲပဲ၊ ညီလေးက ဝိညာဉ်စွမ်းအင်သန့်စင်မှု အဆင့် ၇ ပဲ ရှိသေးတာဆိုတော့... ငါတို့နဲ့ ပူးပေါင်းဖို့အတွက် ဘယ်လို ထူးခြားတဲ့ စွမ်းရည်မျိုး ရှိသလဲဆိုတာ သိပါရစေဦး" ဟု မေးမြန်းလိုက်သည်။</p> <p> </p> <p>သူ၏ အဓိပ္ပာယ်မှာ ရှင်းလင်းလှ၏။ အချောင်လိုက်၍ ပစ္စည်းခွဲတမ်းယူမည့်သူကို သူ အလိုမရှိပေ။</p> <p> </p> <p>"ကျွန်တော်က အဆင့် (၁) အလတ်တန်းစား မျက်လှည့်အစီအရင်နဲ့ ဝေဝေဝါးဝါးဖြစ်စေတဲ့ အစီအရင်တွေကို ဖော်ဆောင်နိုင်ပါတယ်၊ အဲဒါက အကူအညီဖြစ်မှာပါ"</p> <p> </p> <p>"အို... ဟုတ်ပါ့မလား" ဟု လင်းကျော့ကျွင်း၏ မျက်လုံးများ တောက်ပသွားသည်။</p> <p> </p> <p>"စီနီယာ့ကို ကျွန်တော် မလိမ်ပါဘူး"</p> <p> </p> <p>နင်တောက်ရန်သည် သူ၏ သိုလှောင်အိတ်ကို ပုတ်လိုက်ရာ အစီအရင်အလံ သုံးခုနှင့် အစီအရင်ကျောက်ပြား တစ်ခု ပျံထွက်လာသည်။</p> <p> </p> <p>ယင်းမှာ အဆင့် (၁) အလတ်တန်းစား 'စိမ်းလန်းသော ဝါးတောအစီအရင်' အတွက် အသင့်ပြင်ထားခြင်း ဖြစ်သည်။</p> <p> </p> <p>ထိုစဉ် အကျိုးပြုခန်းမအတွင်းရှိ လင်းရှန့်ကလည်း နင်တောက်ရန်ကို မြင်သွားကာ</p> <p>"ညီလေးနင် လင်းကျော့ကျွင်း... မင်းလည်း ညီလေးနင်နဲ့ သိတာလား" ဟု အံ့အားသင့်စွာ မေးလိုက်သည်။</p> <p> </p> <p>"ဟုတ်တယ် စီနီယာလင်းရှန့်၊ ခင်ဗျားလည်း သူ့ကို သိတာလား"</p> <p> </p> <p>"သိတာပေါ့..." ဟု လင်းရှန့်က ရှေ့သို့ တိုးလာပြီး နင်တောက်ရန်နှင့် သမင်ကြီး၏ ခေါင်းကို တစ်ဖက်တစ်ချက်စီ ဖက်လိုက်ကာ ပြုံးရွှင်စွာ ပြောတော့သည်။ "ငါတို့က ညီအစ်ကိုတွေလို ဖြစ်နေတာ ကြာပြီလေ... ဘာလဲ ညီလေးနင်က လင်းကျော့ကျွင်းရဲ့ အဖွဲ့ထဲ လိုက်မလို့လား"</p> <p> </p> <p>"ဟုတ်ကဲ့၊ အစီအရင်အတွက် အဆင့် (၂) မီးဒြပ်အမြုတေ လိုအပ်နေလို့ စီနီယာလင်းကျော့ကျွင်းနဲ့ ပူးပေါင်းမလို့ပါ"</p> <p> </p> <p>လင်းရှန့်က လင်းကျော့ကျွင်းကို လှည့်ကြည့်ကာ "အကျိုးပြုမှတ်တွေအပြင် အဲဒီသားရဲရဲ့ ဘယ်အစိတ်အပိုင်းကို မင်း လိုချင်တာလဲ" ဟု မေးရာ—</p> <p>"အရိုးပါ၊ ကျွန်တော့်ရဲ့ ဝိညာဉ်အမြုတေနဲ့ လိုက်ဖက်မယ့် အထူးကောင်းမွန်တဲ့ ဝိညာဉ်လက်နက် သွန်းလောင်းဖို့အတွက် အကြေးခွံသားရဲရဲ့ မီးဒြပ်အရိုးကို လိုအပ်တာပါ"</p> <p> </p> <p>"ဒါဆိုရင်တော့... ငါနဲ့ ညီမလေးရူယန်လည်း ဒီခရီးမှာ ပါဝင်မယ်၊ သားရဲရဲ့ အရေခွံကိုတော့ ရူယန်ကို ပေးလိုက်ပေါ့၊ သူက အဆင့် (၂) မန္တန်စက္ကူတွေ ဖော်စပ်ဖို့ သုံးလိမ့်မယ်၊ ငါကတော့ သွေးအားကောင်းစေဖို့အတွက် အသားအချို့ကို ယူမယ်၊ ဘယ်လိုလဲ"</p> <p> </p> <p>လင်းကျော့ကျွင်းမှာ အတိုင်းမသိ ဝမ်းသာသွားပြီး "စီနီယာလင်းရှန့်နဲ့ စီနီယာမလေးရူယန်တို့သာ ပါဝင်မယ်ဆိုရင်တော့ ငါတို့ အောင်မြင်ဖို့ သေချာပြီပဲ၊ စီနီယာလင်းရှန့်ရဲ့ 'စစ်မှန်သော ယန်မီးဖိုကျင့်စဉ်' နဲ့ စီနီယာမလေးရဲ့ မန္တန်စက္ကူတွေသာ ရှိရင်တော့ အခက်အခဲ ရှိတော့မှာ မဟုတ်ဘူး" ဟု မြွက်ဆိုလေသည်။</p> <p> </p> <p>" မောင်လေးနင်ရော အဆင်ပြေရဲ့လား" ဟု လျှိူရုယန်က ပြုံးလျက် မေးသည်။</p> <p> </p> <p>"ပြေပါတယ်ခင်ဗျာ" နင်တောက်ရန်က ခေါင်းညိတ်လိုက်၏။ လင်းရှန့်သည် သူ ဟွမ်လုံတောင်တန်းထဲသို့ သွားရောက်ရာတွင် အန္တရာယ်ရှိမည်စိုးသဖြင့် လိုက်လံကာကွယ်ပေးလိုခြင်းဖြစ်ကြောင်း သူ သိနားလည်ပေရာ ဤကဲ့သို့သော ညီအစ်ကိုသံယောဇဉ်ကို သူ မငြင်းသာခဲ့ပေ။</p> <p> </p> <p>လျှိူရူယန်က ပါးချိုင့်ကလေးများ ပေါ်အောင် ပြုံးလိုက်ပြီး "ဒါဆိုရင်တော့ အဆင်သင့်ပြင်ထားကြဦး၊ မနက်ဖြန် မနက်မှာပဲ ခရီးထွက်ကြတာပေါ့" ဟု ဆိုလေသည်။</p> <p> </p> <p>...</p> <p> </p> <p>ညနေစောင်းတွင် လင်းရှန့်နှင့် လျှိူရူယန်တို့သည် နံပါတ် (၇၇) ဝိညာဉ်လယ်ကွင်းခြံဝင်းသို့ ရောက်ရှိလာကြသည်။ အဝစား သုံးဆောင်ပြီးနောက် လိုအပ်သည်များကို ကြိုတင်ပြင်ဆင်ကြ၏။</p> <p> </p> <p>"ညီလေး... ဒီတစ်ခေါက်က အရင်လို မဟုတ်ဘူးနော်၊ အဆင့် (၂) အစောပိုင်းအဆင့် သားရဲနဲ့ ရင်ဆိုင်ရမှာ၊ သူက အုတ်မြစ်တည်ဆောက်ခြင်းအဆင့်ထက်တောင် ပိုကြမ်းတာမို့ သေချာပြင်ဆင်ရမယ်" ဟု လင်းရှန့်က လေးနက်စွာ မှာကြားသည်။</p> <p> </p> <p>"စိတ်မပူပါနဲ့ အစ်ကို၊ အမလျှိူဆီက ရထားတဲ့ မန္တန်စက္ကူတွေ အကုန်ရှိပါသေးတယ်၊ အခုတစ်ခေါက် သားရဲကို သတ်တဲ့နေရာမှာ သေချာပေါက် သုံးပါ့မယ်" ဟု နင်တောက်ရန်က ပြန်ပြောလိုက်သည်။</p> <p> </p> <p>"ဒါဆိုလည်း တော်သေးတာပေါ့..."</p> <p> </p> <p>လျှိူရူယန်က သူ၏ လှပသော မျက်ဝန်းများဖြင့် နင်တောက်ရန်ကို ကြည့်ကာ "လင်းကျော့ကျွင်းရဲ့ အစီအစဉ်အရ သားရဲကို မျှားခေါ်ပြီး မင်းရဲ့ အစီအရင်ထဲကို သွင်းရမှာ... မင်း တကယ်ပဲ အဆင့် (၁) အလတ်တန်းစား ဝါးတောအစီအရင်ကို ဖော်ဆောင်နိုင်တာလား" ဟု သံသယဖြင့် မေးမြန်းလာသည်။</p> <p> </p> <p>"ရပါတယ် အစ်မလျှိူ၊ အခု အပြင်မှာ ခင်းကျင်းထားတဲ့ 'တိမ်တိုက်မြူခိုး အစီအရင်' ကလည်း အဆင့် (၁) အလတ်တန်းစားပါပဲ၊ ကျွန်တော်သာ အစီအရင်ကို မဖွင့်ပေးထားရင် အစ်မ ဝင်လာနိုင်မှာ မဟုတ်ဘူး၊ စမ်းကြည့်မလား"</p> <p> </p> <p>လျှိူရူယန်မှာ ခစ်ခနဲပြုံးမိသွားပြီး "ငါက အစီအရင်ဖြတ်ကျော် မန္တန်စက္ကူတွေကို မဖော်စပ်နိုင်သေးတော့ အဲဒီထဲကို မဝင်ရဲပါဘူး" ဟု ချစ်စဖွယ် ပြန်ပြောရှာသည်။</p> <p> </p> <p>ထို့နောက် နင်တောက်ရန်က အသံကို နှိမ့်လိုက်ပြီး "အစ်ကိုလင်း၊ မမလျှိူ... ကျွန်တော် သတိထားမိလို့ပါ၊ လင်းကျော့ကျွင်းနဲ့ ခင်ဗျားတို့ ရင်းနှီးရဲ့လား" ဟု မေးမြန်းလိုက်သည်။</p> <p> </p> <p>"ရင်းနှီးပါတယ်၊ ညီလေးက သူ့ကို စိုးရိမ်နေတာလား" ဟု လင်းရှန့်က မျက်မှောင်ကြုတ်လျက် မေးပြီးမှ "မစိုးရိမ်ပါနဲ့၊ သူက ချင်းယွမ်ဒေသက လင်းမိသားစုဝင်ပဲ၊ အဲဒီမိသားစုက နဂိုက 'ရွှေအမြုတေအဆင့်' မိသားစုလို့ ပြောကြတယ်"</p> <p> </p> <p>ထိုမိသားစုတွင် တစ်ချိန်က 'အမြုတေတု'  အဆင့်ရှိသော ဘိုးဘေးနှစ်ဦး ရှိခဲ့ဖူးသော်လည်း သက်တမ်းကုန်၍ ကွယ်လွန်သွားကြသောအခါ 'အုတ်မြစ်တည်ဆောက်ခြင်း' အဆင့်ရှိသော မိသားစုအဖြစ်သို့ တဖြည်းဖြည်း မှေးမှိန်သွားခဲ့ရခြင်း ဖြစ်သည်။</p> <p> </p> <p>သို့သော်လည်း လင်းကျော့ကျွင်းသည် သူ၏ မိသားစုဂုဏ်သိက္ခာကို အထူးတန်ဖိုးထားသူဖြစ်ရာ ဂိုဏ်းတူညီအစ်ကိုများကို ဒုက္ခပေးမည့်သူ မဟုတ်ချေ။</p> <p> </p> <p>"ဒါဆိုရင်တော့ စိတ်ချရပါပြီ... ဒါပေမဲ့ မနက်ဖြန် ဟွမ်လုံတောင်တန်းထဲ ရောက်တဲ့အခါမှာတော့ သတိထားကြပါဦး၊ သားရဲအချို့က ချောင်းမြောင်းတိုက်ခိုက်တတ်တယ်လို့ ကြားဖူးလို့ပါ"</p> <p> </p> <p>လင်းရှန့်ကလည်း လေးနက်စွာဖြင့် ခေါင်းညိတ်ထောက်ခံလေတော့သည်။</p> <p> </p> <p>...</p> <p> </p> <p>မနက်ဖြန် နံနက်တွင် 'အကျိုးဆောင်ခန်းမ' ၌ လင်းကျော့ကျွင်း၊ နင်တောက်ရန်၊ လင်းရှန့်နှင့် လျှိူရုယန့်တို့သည် တာဝန်ခံ စာချွန်လွှာများကို လက်ခံရရှိကြသည်။</p> <p> </p> <p>သမင်အူကြောင်ကြီးမှာလည်း တစ်ခုခုကို လိုချင်သကဲ့သို့ အော်မြည်နေသော်လည်း နင်တောက်ရန်က ယင်း၏ ခေါင်းကို အသာဖိထားလိုက်ရသည်။</p> <p> </p> <p>အန္တရာယ်ရှိနိုင်သော တောင်တန်းအတွင်းသို့ ရောက်ရှိသောအခါ သမင်ကြီးအား သားရဲအိတ်အတွင်းသို့သာ ထည့်ထားရန် သူ ဆုံးဖြတ်ထားပြီး ဖြစ်သည်။</p> <p> </p> <p>"သွားကြစို့... အားလုံးပဲ သတိထားကြပါ" ဟု လင်းကျော့ကျွင်းက ဆိုသည်။</p> <p> </p> <p>နင်တောက်ရန်သည် ဝါးရွက်စိမ်းကို ဆင့်ခေါ်ကာ လျင်မြန်ပေါ့ပါးသော အရှိန်အဟုန်ဖြင့် ပျံသန်းလိုက်ရာ လင်းရှန့်နှင့် လျှိူရုယန့်တို့မှာ အံ့ဩသွားကြရသည်။ ညီလေးနင်သည် တစ်ခါတစ်ရံတွင် အထင်သေး၍ မရသော စွမ်းရည်များ ရှိနေသည် မဟုတ်လား။</p> <p> </p> <p>ဤလူလေးဦးအနက် နင်တောက်ရန်၏ အပြင်ပန်းကျင့်ကြံမှုမှာ အဆင့် ၇ သာရှိ၍ အနိမ့်ဆုံးဖြစ်သော်လည်း ကျန်သုံးဦးမှာ အဆင့် ၉ ရှိကြပြီး လင်းရှန့်နှင့် လင်းကျော့ကျွင်းတို့မှာ အထွတ်အထိပ်အဆင့်သို့ပင် ရောက်ရှိနေကြပြီဖြစ်သည်။</p> <p> </p> <p>တကယ်တမ်း၌ ၎င်းတို့လေးဦးစလုံးမှာ အနန္တဂိုဏ်း၏ 'အုတ်မြစ်တည်ဆောက်ခြင်း' လောင်းလျာများသာ ဖြစ်ကြပေရာ အကြီးအကဲများက ဘေးကင်းလုံခြုံမှုကို အထူးသတိပေးထားကြလေသည်။</p> <p> </p> <p>...</p> <p> </p> <p>နံနက်ခင်း၏ ဟွမ်လုံတောင်တန်းမှာ စိမ်းလန်းစိုပြည်လှ၏။ သစ်ပင်တောအုပ်များကြားမှ နေရောင်ခြည်များ ဖြာကျနေပြီး နှင်းစက်ကလေးများမှာလည်း တောက်ပနေကြသည်။</p> <p> </p> <p>တိမ်တိုက်မြူခိုးများကြားတွင် လင်းရှန့်က ရှေ့ဆုံးမှ ပျံသန်းကာ နင်တောက်ရန်က အလယ်တွင်ရှိပြီး လင်းကျော့ကျွင်းနှင့် လျှိူရုယန့်တို့က ဝဲယာမှ ရံ၍ လိုက်ပါလာကြသည်။ အားလုံးက ကျင့်ကြံမှုအနည်းဆုံးဖြစ်သော နင်တောက်ရန်ကို အမှတ်မထင် ကာကွယ်ပေးထားကြခြင်း ဖြစ်သည်။</p> <p> </p> <p>နင်တောက်ရန်မှာမူ အားနာစိတ် ဖြစ်မိသွား၏။ အမှန်စင်စစ် တိုက်ခိုက်ရေးစွမ်းရည်ကို တိုင်းတာမည်ဆိုပါက သူသည် အားလုံးထက် သာလွန်နေသည်မှာ မြေကြီးလက်ခတ်မလွဲပေ။</p> <p> </p> <p>"ညာဘက်ကို သတိထား" ဟု လင်းကျော့ကျွင်းက သတိပေးလိုက်သည်။</p> <p> </p> <p>ဝံပုလွေကြီးတစ်ကောင်၏ ဟိန်းသံ ထွက်ပေါ်လာရာ ယင်းမှာ အဆင့် (၁) အဆင့်မြင့်ပိုင်း သားရဲတစ်ကောင် ဖြစ်ပေလိမ့်မည်။ လင်းရှန့်နှင့် လင်းကျော့ကျွင်းတို့ကဲ့သို့ အတွေ့အကြုံရှိသူများအဖို့မူ ၎င်းကို ဂရုထားစရာ မလိုသော်လည်း မကြာမီမှာပင် ဝံပုလွေ သုံးကောင်ထက်မနည်း ထပ်မံပေါ်ပေါက်လာပြန်သည်။ ၎င်းတို့မှာ အုပ်စုလိုက် နေထိုင်တတ်ကြခြင်း ဖြစ်သည်။</p> <p> </p> <p>မွန်းလွဲပိုင်း ရောက်သောအခါ တာဝန်ခံ စာချွန်လွှာများထံမှ အလင်းတန်းများ ထွက်ပေါ်လာရာ မီးလျှံအကြေးခွံသားရဲနှင့် နီးကပ်နေပြီဖြစ်ကြောင်း သိလိုက်ကြရသည်။</p> <p> </p> <p>"မြေပြင်ပေါ် ဆင်းကြစို့... ဒီသားရဲက အဆင့် (၂) မီးလျှံတွေကို မှုတ်ထုတ်နိုင်တာမို့ ဝေဟင်မှာဆိုရင် ငါတို့အတွက် ခံစစ်မရှိသလို ဖြစ်နေလိမ့်မယ်" ဟု လင်းကျော့ကျွင်းက ဆိုပြီး နင်တောက်ရန်အား အစီအရင် ခင်းကျင်းရန် ညွှန်ကြားလိုက်သည်။</p> <p> </p> <p>နင်တောက်ရန်သည် မြေပြင်ပေါ်သို့ သက်ဆင်းကာ သူ၏ သိုလှောင်အိတ်မှ အစီအရင်ပစ္စည်းများကို ထုတ်ယူလျက် စွမ်းအားများ ထည့်သွင်းလိုက်ရာ အစီအရင်အလံများနှင့် ကျောက်ပြားများမှာ လည်ပတ်၍ မြေပြင်ပေါ်သို့ ကျဆင်းသွားကြသည်။</p> <p> </p> <p>"စီနီယာတို့... အစီအရင်ကနေ မှားယွင်းတိုက်ခိုက်တာမျိုး မရှိရအောင် ခင်ဗျားတို့ရဲ့ အငွေ့အသက်အချို့ကို အစီအရင်ကျောက်ပြားထဲ ထည့်သွင်းပေးဖို့ လိုအပ်ပါတယ်"</p> <p> </p> <p>နင်တောက်ရန်သည် ၎င်းတို့၏ အငွေ့အသက်များကို မှတ်တမ်းတင်ပြီးနောက် "အဆင်သင့်ဖြစ်ပါပြီ" ဟု ပြောလိုက်သည်။</p> <p> </p> <p>လင်းကျော့ကျွင်းက တောင်ကုန်းဘက်သို့ လှည့်ကြည့်ကာ "ဒီသားရဲက ငါတို့ကို တွေ့သွားပြီပဲ... အားလုံး သတိထားပြီး လူစုခွဲလိုက်ကြ၊ သူ့ကို အစီအရင်ထဲ မျှားခေါ်ကြရအောင်၊ ညီလေးနင်က အစီအရင်ကို တာဝန်ယူပေးပါ" ဟု မှာကြားလေသည်။</p> <p> </p> <p>လူသုံးဦးမှာ တိမ်တိုက်များကြားသို့ ပျောက်ကွယ်သွားကြစဉ် နင်တောက်ရန်သည် သူ၏ အငွေ့အသက်ကို ဖျောက်ကွယ်၍ သစ်ပင်ကြီးတစ်ပင်နောက်တွင် ပုန်းကွယ်လိုက်၏။</p> <p> </p> <p>မကြာမီမှာပင် သစ်ပင်တောအုပ်တစ်ခုလုံး တုန်ခါသွားစေလောက်သော သားရဲကြီး၏ ဟိန်းသံ ထွက်ပေါ်လာတော့သည်။ ဧရာမ သားရဲကြီးတစ်ကောင်သည် လူတစ်ဦးနောက်သို့ လိုက်လံတိုက်ခိုက်နေပြီး ထိုသူမှာ အခြားမဟုတ်၊ အရှိန်မြှင့်မန္တန်စက္ကူကို သုံး၍ သားရဲအား မီးလျှံဓားအလင်းတန်းများဖြင့် ရန်စနေသော လင်းရှန့်ပင် ဖြစ်တော့သည်။</p> <p> </p> <p>နင်တောက်ရန်မှာမူ ကြည့်ရင်းနှင့်ပင် ဆွံ့အမိသွားရသည်။ စီနီယာလင်းရှန့်မှာတော့ ထင်သည့်အတိုင်းပင်... အလွန်ပင် ရဲတင်းလွန်းလှချေတည်း။</p> <p> </p> <p style="text-align: center;">***</p> <p> </p>


Save