Book List

<h2 style="text-align: center;">အခန်း (၁၇၂)</h2> <h2 style="text-align: center;">မိစ္ဆာဘုရင်များ စုဝေးခြင်း</h2> <h2 style="text-align: center;">*</h2> <p style="text-align:justify"> </p> <p style="text-align:justify">ချန်မုတောင်မှ မိစ္ဆာမျိုးနွယ်စုများ အားလုံး အမြစ်ပြတ် သုတ်သင်ခံလိုက်ရလေပြီ။</p> <p style="text-align:justify">ထိုသတင်းက လဝက်ခန့်အကြာတွင် ယွီတောင်တန်းသို့ ရောက်ရှိလာ၏။</p> <p style="text-align:justify">ရှောက်တောင်၊ ဆွေ့ရွှီးနန်းတော်…</p> <p style="text-align:justify">မိစ္ဆာသခင် လေးပါးက ထိုသတင်းကို ဆွေးနွေးရန် အတူတကွ စုဝေးနေကြသည်။</p> <p style="text-align:justify">မီးလျှံနီက အာဝဇ္ဇန်းရွှင်စွာဖြင့် ပြောဆိုနေ၏။</p> <p style="text-align:justify">“အိုမင်းနေတဲ့ ဧကရာဇ်ရဲ့ အသုံးမကျတဲ့ သားတော်ကို ချန်မုတောင် မိစ္ဆာမျိုးနွယ်စုရဲ့ ခေါင်းဆောင် မြွေမိစ္ဆာက လုပ်ကြံလိုက်တာလို့ ကြားတယ်... သူက မိစ္ဆာဘုရင်တစ်ပါး မဟုတ်ဘဲ ဓမ္မနယ်ပယ်ရဲ့ ဆဋ္ဌမမြောက် ကောင်းကင်ဘုံ အဆင့်မှာပဲ ရှိပေမဲ့ သူ့အဖေကတော့ မိစ္ဆာဘုရင်တစ်ပါးပဲလေ...”</p> <p style="text-align:justify">“မိစ္ဆာဘုရင်အိုကြီး ကျဆုံးသွားတဲ့အခါ စိတ်အာရုံထိန်းချုပ်တဲ့ ကူး လို့ခေါ်တဲ့ လျှို့ဝှက်ရတနာတစ်ခု ချန်ထားခဲ့တယ်... အဲဒီရတနာက မိစ္ဆာဘုရင်အိုကြီးရဲ့ နှလုံးသွေးနဲ့ နှစ်တစ်ရာတိုင်တိုင် ပြုစုပျိုးထောင်ထားတာ... မြွေမိစ္ဆာက အဲဒီပစ္စည်းနဲ့ ထိန်းချုပ်ပြီး အသုံးမကျတဲ့ အိမ်ရှေ့မင်းသားကို သူ့ကိုယ်သူ သတ်သေအောင် လုပ်ခဲ့တာ...”</p> <p style="text-align:justify">“ကံဆိုးတာက သူ့လုပ်ရပ်တွေက သဲလွန်စတွေ ကျန်ရစ်ခဲ့တယ်... မဟာယွီ နန်းတော်က သဲလွန်စတွေနောက် လိုက်ရင်း ချန်မုတောင်ကို တွေ့သွားပြီး မိစ္ဆာတွေဆီ ဘေးဒုက္ခ ဆိုက်ရောက်လာတာပဲ”</p> <p style="text-align:justify">“ဒီတိုက်ပွဲအတွက် နန်းတော်က သတ္တမမြောက် ကောင်းကင်ဘုံအဆင့်ရှိတဲ့ မြို့စားမင်း နှစ်ပါးကို စေလွှတ်ခဲ့တယ်လို့ ကြားတယ်... တော်ဝင် နက္ခတ္တဗေဒဌာနက ချီသန့်စင်သူ အများအပြားကလည်း တောင်တစ်လုံးလုံးကို ပိတ်လှောင်ဖို့ မဟာသိုင်းကွက်အစီအရင်တစ်ခု ချထားခဲ့ကြတယ်...”</p> <p style="text-align:justify">“ချန်မုတောင် မိစ္ဆာမျိုးနွယ်စုကတော့ တစ်ကောင်မှ မကျန်အောင် အကုန် သတ်ဖြတ်ခံလိုက်ရတာပဲ... ကွင်းပြင်တစ်ခုလုံးမှာ အလောင်းတွေ ပြည့်နှက်နေပြီး ပြတ်တောက်နေတဲ့ ခြေလက်တွေက နေရာအနှံ့ လွင့်စဉ်နေပြီးတော့ သွေးတွေက မြစ်တစ်စင်းလို စီးဆင်းသွားခဲ့တယ်”</p> <p style="text-align:justify">“တိုက်ပွဲကို စောင့်ကြည့်နေတဲ့ မိစ္ဆာဘုရင်တွေ ရှိခဲ့ပေမဲ့ ဘယ်သူကမှ ဝင်မတားရဲကြဘူး”</p> <p style="text-align:justify">“ဘယ်လိုပဲဖြစ်ဖြစ် လူသားမျိုးနွယ်စုရဲ့ အိုမင်းနေတဲ့ ဧကရာဇ်က သူ့သားကို ဆုံးရှုံးလိုက်ရတာလေ... ဒီကိစ္စမှာ မိစ္ဆာမျိုးနွယ်စုဘက်က မှားယွင်းနေတာမို့ မိစ္ဆာဘုရင်တွေက မဟာယွီရဲ့ ပစ်မှတ်ထားခံရပြီး ကိုယ့်ကိုယ် မီးဟပ်လာမှာကို ကြောက်ကြတာပေါ့”</p> <p style="text-align:justify">ချန်မုတောင်၏ ကြေကွဲဖွယ် အခြေအနေကို ပြောပြနေစဉ် မီးလျှံနီမှာ ထိတ်လန့်တုန်လှုပ်နေပြီး ကိုယ်ချင်းစာစိတ်၊ ကူကယ်ရာမဲ့မှု၊ ဒေါသထွက်မှုနှင့် သနားကြင်နာမှုများ ရောယှက်ခံစားနေရ၏။</p> <p style="text-align:justify">ကျိုကွမ်းက သက်ပြင်းချရင်း ပြောလိုက်သည်။</p> <p style="text-align:justify">“မိစ္ဆာမိတ်ဆွေ မီးလျှံနီ ပြောတာ မှန်တယ်... ကင်းထောက်တွေရဲ့ သတင်းပေးပို့ချက်တွေအရ အဲဒီချန်မုတောင်က မြွေမိစ္ဆာဟာ မသေခင်မှာ လူသားမျိုးနွယ်စုကို ကျေးဇူးကန်းတယ်ဆိုပြီး ကျိန်ဆဲသွားခဲ့သေးတယ်... သူပြောတာက မဟာယွီ တော်ဝင်မိသားစုက ယန်မိသားစုအဖြစ် ရှိနေသေးတဲ့ အချိန်တုန်းက မိစ္ဆာဘုရင်အိုကြီးဟာ ယန်မိသားစုရဲ့ ဘိုးဘေးအိုကြီး တစ်ယောက်နဲ့ အင်မတန် ရင်းနှီးခဲ့ပြီး နှစ်တစ်ရာလောက် သိကျွမ်းခဲ့ကြတယ်တဲ့...”</p> <p style="text-align:justify">“ဒါပေမဲ့ လွန်ခဲ့တဲ့ နှစ်နှစ်ရာတုန်းက အဲဒီယန်ဘိုးဘေးကြီးဟာ သူ့သက်တမ်းကို တိုးဖို့အတွက် အသက်ကယ်ခဲ့ဖူးတဲ့ ကျေးဇူးကို လုံးဝ လျစ်လျူရှုခဲ့တယ်... သူက မိစ္ဆာဘုရင်အိုကြီးကို တောင်ပေါ်က ဆင်းလာအောင် လှည့်စားပြီး အထူးစီမံထားတဲ့ ကန့်စိမ်းဝိုင်ကို တိုက်ခဲ့တယ်...”</p> <p style="text-align:justify">“ပြီးတော့ ကိုးထပ်ရွှမ်းမျှော်စင်က လူသားမျိုးနွယ်စု ချီသန့်စင်သူတွေနဲ့ ပူးပေါင်းပြီး မြွေဘုရင်ကို ထောင်ချောက်ဆင် ဖမ်းဆီးခဲ့တယ်… အဲ့ဒီနောက် မိစ္ဆာအမြုတေနဲ့ သည်းခြေကို ယူဖို့ သတ်ပစ်ခဲ့ကြတာ... တကယ့်ကို ရူးသွပ်စရာ ကောင်းလွန်းတယ်”</p> <p style="text-align:justify">“အသတ်ခံရတဲ့ ဖခင်တစ်ယောက်ရဲ့ ရန်ငြိုးက ဘယ်လိုမှ ပြေလည်နိုင်စရာ အကြောင်းမရှိဘူး”</p> <p style="text-align:justify">“မြွေမိစ္ဆာက လူသားမျိုးနွယ်စုရဲ့ အိုမင်းနေတဲ့ ဧကရာဇ်ကို ချစ်ရသူ ဆုံးရှုံးရတဲ့ နာကျင်မှုအရသာကို ခံစားရစေချင်လို့ အသုံးမကျတဲ့ အိမ်ရှေ့မင်းသားကို သတ်ပစ်ခဲ့တာပဲ”</p> <p style="text-align:justify">ထိုစကားကို ကြားသောအခါ ကျန်သည့် မိစ္ဆာသခင် သုံးပါးမှာ တိတ်ဆိတ်သွားကြ၏။</p> <p style="text-align:justify">မိစ္ဆာဘုရင်အိုကြီး၏ အဖြစ်အပျက်ကြောင့် သူတို့၏ ရင်ထဲတွင်လည်း စိုးရိမ်ထိတ်လန့်မှုများ ဖြစ်ပေါ်နေကြသည်။</p> <p style="text-align:justify">ကိုးထပ်ရွှမ်းမျှော်စင် အကြောင်း ဧကရီယွီလီ ပြောပြဖူးသည်ကို သူတို့ ကြားခဲ့ဖူး၏။</p> <p style="text-align:justify">ရှေးခေတ်ကာလများကတည်းက လူသားမျိုးနွယ်စုနှင့် မိစ္ဆာမျိုးနွယ်စုတို့မှာ အဆက်မပြတ် ပဋိပက္ခများ ရှိခဲ့ကြသည်။ လူသားမျိုးနွယ်စုကို မိစ္ဆာမျိုးနွယ်စုအပေါ် ထားရှိသည့် သဘောထားအပေါ် မူတည်၍ ရှေးရိုးစွဲ၊ ကြားနေနှင့် ပြုပြင်ပြောင်းလဲရေးဟူ၍ အုပ်စုသုံးစု ခွဲခြားထား၏။</p> <p style="text-align:justify">ရှေးရိုးစွဲသမားများက မိမိတို့ မျိုးနွယ်စု မဟုတ်သူများတွင် ကွဲပြားသော စိတ်သဘောထား ရှိမည်သာဖြစ်ပြီး လောကရှိ မိစ္ဆာအားလုံးကို သုတ်သင်ရှင်းလင်းသင့်သည်ဟု ယုံကြည်ကြသည်။ ကိုးထပ်ရွှမ်းမျှော်စင်က ဤအမြင်ကို ကိုယ်စားပြုသော အဖွဲ့အစည်း ဖြစ်၏။ သူတို့၏ အင်အားက ဓားနတ်ဘုရားတောင်တန်းထက်ပင် သာလွန်သေးသည်။ ခေတ်အဆက်ဆက် အဋ္ဌမမြောက် ကောင်းကင်ဘုံအဆင့် အရှင်သခင်ကြီးများ အဆက်မပြတ် ထွက်ပေါ်ခဲ့ပြီး ထာဝရအမွေအနှစ်များနှင့် နက်ရှိုင်းသော အခြေခံအုတ်မြစ်များကို ပိုင်ဆိုင်ထားသည်။</p> <p style="text-align:justify">ကိုးထပ်ရွှမ်းမျှော်စင်အကြောင်း တွေးမိသည်နှင့် ဂျီမိုက ရုတ်တရက် ဝမ်းသာစရာ ကိစ္စတစ်ခုကို အမှတ်ရသွားပြီး ပြောလိုက်သည်။</p> <p style="text-align:justify">“မဟာယွီ နန်းတော်က ချန်မုတောင်ကို ဝိုင်းရံတုန်းက ကိုးထပ်ရွှမ်းမျှော်စင်ကလည်း ပါဝင်ပတ်သက်ခဲ့ပြီး အကြီးအကဲ နှစ်ယောက်နဲ့ ထူးချွန်တဲ့ တပည့်တချို့ကို ကူညီဖို့ စေလွှတ်ခဲ့တယ်... အဲဒီမြွေမိစ္ဆာက ရန်သူတွေနဲ့အတူ ပူးတွဲသေဆုံးဖို့ စောစောကတည်းက ရည်ရွယ်ထားတာလေ...”</p> <p style="text-align:justify">“သူက တောင်ထဲမှာ မဟာသိုင်းကွက်အစီအရင်တစ်ခုကို ဖုံးကွယ်ထားပြီး နန်းတော်က ဆဋ္ဌမမြောက် ကောင်းကင်ဘုံအဆင့် စစ်သူကြီး နှစ်ယောက်နဲ့ ကိုးထပ်ရွှမ်းမျှော်စင်က သံတမန်တွေကိုပါ ငရဲပြည်ကို အတူတူ ဆွဲခေါ်သွားခဲ့တာ...”</p> <p style="text-align:justify">“ချန်မုတောင်ကို သွားခဲ့တဲ့ ကိုးထပ်ရွှမ်းမျှော်စင်ရဲ့ ချီသန့်စင်သူတွေ အကုန်လုံး အမြစ်ပြတ်သွားတယ်... အခုလောက်ဆိုရင် ကိုးထပ်ရွှမ်းမျှော်စင်ရဲ့ သခင်ကြီး ဒေါသထွက်ပြီး ခုန်ပေါက်နေလောက်ပြီလို့ ကျွန်မတော့ ထင်တာပဲ”</p> <p style="text-align:justify">သူမ စကားဆုံးသည်နှင့် မိစ္ဆာသခင် လေးပါးစလုံး ဟက်ဟက်ပက်ပက် ရယ်မောလိုက်ကြ၏။</p> <p style="text-align:justify">ကိုးထပ်ရွှမ်းမျှော်စင်က အကျိုးအမြတ်မရှိဘဲ ဘယ်တော့မှ မလှုပ်ရှားသလို မိစ္ဆာများ၏ အမြုတေများကို ယူရန်အတွက် မကြာခဏ သတ်ဖြတ်လေ့ရှိသည်။ သူတို့ ချန်မုတောင်သို့ သွားခြင်းက ကောင်းကျိုးတစ်ခုမှ ဖြစ်မလာနိုင်သဖြင့် ယခုလို သူတို့ ကျဆုံးသွားခြင်းက မိစ္ဆာများအတွက် အမှန်တကယ်ပင် ကျေနပ်အားရစရာ ဖြစ်နေ၏။</p> <p style="text-align:justify">ထို့ပြင် တရားခံကလည်း သေဆုံးသွားပြီ ဖြစ်သည်။ ကိုးထပ်ရွှမ်းမျှော်စင်က သူတို့၏ ဒေါသကို ဖွင့်ထုတ်ချင်လျှင်တောင် အခြားသော လူသားမျိုးနွယ်စု အင်အားစုများနှင့် မိစ္ဆာမျိုးနွယ်စုမှ မိစ္ဆာဘုရင် အသီးသီးက ခွင့်ပြုမည်လား ဆိုသည်ကို ကြည့်ရဦးမည် ဖြစ်၏။ သူတို့အနေဖြင့် ဤခါးသီးသော အဖြစ်အပျက်ကို တိတ်ဆိတ်စွာဖြင့်သာ မြိုချလိုက်နိုင်ပေသည်။</p> <p style="text-align:justify">“မိစ္ဆာမျိုးနွယ်စုထဲက အတော်များများက ဒီကိစ္စအတွက် အောင်ပွဲခံနေကြလောက်ပြီ”</p> <p style="text-align:justify">ဖူရှောင်ကွမ်း၏ စကားက မမှားပေ။</p> <p style="text-align:justify">ကိုးထပ်ရွှမ်းမျှော်စင်အပေါ် ရန်ငြိုးရှိသော မိစ္ဆာများမှာ အလွန်တရာ ဝမ်းသာပျော်ရွှင်နေကြ၏။ အချို့က ထျန်းယီ မိစ္ဆာနတ်ဘုရား၏ အစောင့်အရှောက်ကို ကျေးဇူးတင်ကြပြီး အချို့က ပျော်ရွှင်စွာဖြင့် ကျိန်ဆဲနေကြကာ အချို့ကတော့ ချန်မုတောင်မှ မြွေမိစ္ဆာအတွက် ယဇ်ပူဇော်မှုများ ပြုလုပ်ပေးနေကြသည်။</p> <p style="text-align:justify">ဖူရှောင်ကွမ်းက သတင်းကို ချေဖျက်သုံးသပ်ပြီးနောက် ကျန်မိစ္ဆာသခင် သုံးပါးကို တိုက်တွန်းလိုက်သည်။</p> <p style="text-align:justify">“ဒီကိစ္စက ပြီးသွားပြီဆိုပေမဲ့ မျိုးနွယ်စု နှစ်စုကြားက ဆက်ဆံရေးကတော့ ထိခိုက်သွားနိုင်တယ်... ကိုးထပ်ရွှမ်းမျှော်စင်က အပေါ်ယံမှာတော့ အလျင်စလို မလုပ်ရဲပေမဲ့ သူတို့က အမြဲတမ်း အနိုင်ကျင့် ဗိုလ်ကျတတ်တဲ့သူတွေမို့ နောက်ကွယ်ကနေ လက်တုံ့မပြန်ဘူးလို့ အာမမခံနိုင်ဘူး...”</p> <p style="text-align:justify">“နောက်ပြီး မဟာယွီ နန်းတော်ရဲ့ အစီအစဉ်က ဘာလဲဆိုတာ အခုထိ မသေချာသေးဘူး... လက်ရှိအချိန်မှာ သခင်မလေးက တံခါးပိတ် ကျင့်ကြံနေတာဆိုတော့ စိတ်သဘောထား သေးသိမ်တဲ့သူတွေ တိုက်ခိုက်ဖို့ အခွင့်အရေး မရသွားအောင် ငါတို့ရဲ့ သတိကို လျှော့ချထားလို့ မရသေးဘူး”</p> <p style="text-align:justify">မိစ္ဆာသခင် သုံးပါးက ခေါင်းညိတ်လိုက်ကြ၏။ သူတို့လည်း ဤအခြေခံသဘောတရားများကို နားလည်ကြသည်။ ဤသို့သော အချိန်မျိုးရောက်လေလေ ပေါ့ဆ၍ မရလေလေပင်။</p> <p style="text-align:justify">အနည်းငယ် ဆွေးနွေးပြီးနောက် သူတို့က လူစုခွဲလိုက်ကြသည်။</p> <p style="text-align:justify">ဖူရှောင်ကွမ်းက လျိုနျန်ခန်းမသို့ ပြန်သွားပြီး အချိန်အတန်ကြာ ကျင့်ကြံကာ အိပ်စက်အနားယူလိုက်၏။</p> <p style="text-align:justify">…</p> <p style="text-align:justify">ချန်မုတောင်၏ နေရာဟောင်း…</p> <p style="text-align:justify">မီးတောက်ကြီးတစ်ခုက တောင်တစ်လုံးလုံးကို ပြာကျသွားစေခဲ့သည်။ မရေမတွက်နိုင်သော သက်ရှိများ သေဆုံးကာ အများစုမှာ ဒဏ်ရာရခဲ့ကြပြီး နေရာအနှံ့တွင် မီးလောင်ကျွမ်းထားသော မြေပြင်များသာ ကျန်ရစ်တော့၏။</p> <p style="text-align:justify">ထိုစဉ် ခေါင်းလောင်းသံ တချွင်ချွင် မြည်လာပြီး မြည်းတစ်ကောင်ကို ပြောင်းပြန်စီးလာသော ဝတ်ရုံဖြူ ပုံရိပ်တစ်ခု တောင်ခြေသို့ ရောက်ရှိလာသည်။ ထိုသူက ဝတ်ရုံဖြူ မိစ္ဆာဘုရင်ပင် ဖြစ်၏။</p> <p style="text-align:justify">ဝတ်ရုံဖြူ မိစ္ဆာဘုရင်က မြေပြင်ပေါ်သို့ ခြေချလိုက်ပြီး မီးခိုးငွေ့များ ထွက်နေဆဲဖြစ်သော သူ့ရှေ့မှ တောင်ကြီးကို ကြည့်လိုက်ရာ သူ၏ နက်ရှိုင်းသော မျက်လုံးများထဲတွင် ဝမ်းနည်းမှုနှင့် သနားကြင်နာမှုများ ဖြတ်ပြေးသွားသည်။</p> <p style="text-align:justify">တစ်ခဏမျှ တိတ်ဆိတ်သွားပြီးနောက် သူက အမွှေးတိုင် သုံးတိုင်ကို ထုတ်ယူကာ လက်ချောင်းတစ်ချက် ခတ်၍ မီးညှိလိုက်ပြီး လေးကြိမ်တိုင်တိုင် အရိုအသေပေးလိုက်၏။</p> <p style="text-align:justify">လေးကြိမ် အရိုအသေပေးပြီးနောက် အမွှေးတိုင်များက လျင်မြန်စွာ လောင်ကျွမ်းသွားပြီး အစိမ်းရောင် မီးခိုးငွေ့များအဖြစ် ပြောင်းလဲကာ ချန်မုတောင်အတွင်းသို့ ပျော်ဝင်သွားသည်။</p> <p style="text-align:justify">သို့သော်လည်း တောင်ပေါ်ရှိ သက်ရှိအားလုံး၏ ဝိညာဉ်များမှာ ဝိညာဉ်လွင့်စင် ပျောက်ကွယ်သွားခြင်းကို ခံစားခဲ့ရပြီး ဖြစ်သဖြင့် မိစ္ဆာဘုရင်၏ ယဇ်ပူဇော်မှု အမွှေးတိုင်ကို ခံစားနိုင်မည့် ဝိညာဉ်များ မရှိတော့ချေ။</p> <p style="text-align:justify">“မင်းတို့ရဲ့ ပေးဆပ်မှုတွေကို ကျုပ်က ကျောက်စိမ်းစာလိပ်တွေထဲမှာ မှတ်တမ်းတင်ထားပါ့မယ်... ကျုပ်တို့ မိစ္ဆာမျိုးနွယ်စုရဲ့ ကြီးကျယ်ခမ်းနားတဲ့ ရည်မှန်းချက် အောင်မြင်ပြီး အထွတ်အထိပ်ကို ပြန်ရောက်လာတဲ့အခါ မင်းတို့အားလုံးက ကျုပ်တို့ မိစ္ဆာမျိုးနွယ်စုရဲ့ သူရဲကောင်းတွေ ဖြစ်လာပြီး ခေတ်အဆက်ဆက် အမှတ်ရကာ မိစ္ဆာအားလုံးရဲ့ ပူဇော်မှုကို ခံရလိမ့်မယ်...”</p> <p style="text-align:justify">စကားဆုံးသည်နှင့် ဝတ်ရုံဖြူ မိစ္ဆာဘုရင်က သူ၏ မြည်းကိုစီး၍ ထွက်ခွာသွား၏။ တစ်ချိန်တည်းမှာပင် သူက သတင်းစကားများ ပေးပို့ရန်အတွက် ကျောက်စိမ်းစာလိပ်တစ်ခုကို ထုတ်ယူကာ အမိန့်များ ချမှတ်လိုက်သည်။</p> <p style="text-align:justify">အလယ်ပိုင်းလွင်ပြင် ဒေသများက နောက်တစ်ကြိမ် အန္တရာယ်များပြီး ခန့်မှန်းရခက်သည့် အခြေအနေသို့ ရောက်ရှိသွားပြန်၏။</p> <p style="text-align:justify">ဖုန်းယွမ်မြို့မှာလည်း ပြင်းထန်သော မြေအောက်ရေစီးကြောင်းများဖြင့် ပိုမို ပြည့်နှက်နေတော့သည်။</p> <p style="text-align:justify">ဖူရှောင်ကွမ်းကတော့ လတ်တလောတွင် ဤအကြောင်းအရာ အားလုံးကို မသိရှိသေးပေ။</p> <p style="text-align:justify">တစ်ဖက်တွင် သူက အရေးပေါ် အခြေအနေများအတွက် မိစ္ဆာများကို စစ်ရေးလေ့ကျင့်မှုများ အရှိန်မြှင့်လုပ်ဆောင်ရန် အမိန့်ပေးထားသလို အရပ်လေးမျက်နှာမှ သတင်းများကိုလည်း နားစွင့်နေ၏။ အခြားတစ်ဖက်တွင်တော့ သူ၏ စွမ်းအားကို မြှင့်တင်ရန်အတွက် ကျင့်ကြံခြင်းတွင် အပြည့်အဝ နစ်မြုပ်နေခဲ့သည်။</p> <p style="text-align:justify">ယခုအခါ သူက အခြားသော မြေဓာတ် နည်းစနစ် နှစ်ခုကိုလည်း ကျွမ်းကျင်ပိုင်နိုင်နေပြီ ဖြစ်ပြီး သူ၏ အသက်ရှူခြင်းနှင့် ချီစွမ်းအင် စုဆောင်းခြင်းများက ပိုမို နက်ရှိုင်းလာကာ နတ်ဘုရားစွမ်းရည် နှစ်ခုကို အသုံးပြုရာတွင်လည်း ပိုမို ကျွမ်းကျင်လာခဲ့သည်။</p> <p style="text-align:justify">သိုင်းကွက်အစီအရင်များဘက်တွင်လည်း တိုးတက်မှုများ ရှိလာခဲ့၏။ အကယ်၍ အဆိုးရွားဆုံး အခြေအနေ အမှန်တကယ် ကျရောက်လာပါက သူက သိုင်းကွက်အစီအရင်များကို အားကိုးခြင်းဖြင့် အနီးကပ်တိုက်ပွဲများတွင် အနိုင်ရရန် အခွင့်အရေး ပိုများလာမည် ဖြစ်သည်။</p> <p style="text-align:justify">လဝက်ခန့် အကြာတွင် ဆောင်းနှောင်းပေါက်လာပြီး သစ်ရွက်များ ကြွေကျလာချိန်၌ ယွီတောင်တန်းထံ ဖိတ်စာတစ်စောင် ရောက်ရှိလာ၏။</p> <p style="text-align:justify">မိစ္ဆာသခင် လေးပါးက သံတမန်ကို နေရာချထားပေးပြီးနောက် ဆွေ့ရွှီးနန်းတော်တွင် နောက်တစ်ကြိမ် စုဝေးလိုက်ကြသည်။</p> <p style="text-align:justify">“အားလုံးပဲ ကြည့်ကြည့်ကြပါဦး... ဒါက ဒီညနေမှ ရောက်လာတာ...”</p> <p style="text-align:justify">ဖူရှောင်ကွမ်းက ဖိတ်စာကို ကျန်သည့် မိစ္ဆာသခင် သုံးပါးထံ ကမ်းပေးလိုက်သည်။ သူတို့က အလှည့်ကျ ယူကာ စိတ်ရှည်လက်ရှည် စစ်ဆေးကြည့်လိုက်ကြ၏။</p> <p style="text-align:justify">ဖိတ်စာက ဖူရှောင်ကွမ်း၏ လက်ထဲသို့ ပြန်ရောက်လာချိန်တွင် မိစ္ဆာသခင် လေးပါးစလုံးမှာ ခေတ္တမျှ စကားမဆိုနိုင်ဘဲ ဖြစ်နေကြသည်။ နောက်ဆုံးတွင် ဖူရှောင်ကွမ်းက မအောင့်နိုင်ဘဲ မေးလိုက်၏။</p> <p style="text-align:justify">“အားလုံး ဘယ်လိုထင်ကြလဲ...”</p> <p style="text-align:justify">ဂျီမိုက ပထမဆုံး စတင်ပြောလိုက်သည်။</p> <p style="text-align:justify">“ဒီအလယ်ပိုင်းလွင်ပြင် မိစ္ဆာဘုရင်တွေရဲ့ စုဝေးပွဲက လက်ရှိ မျိုးနွယ်စု နှစ်စုကြားက တင်းမာနေတဲ့ အခြေအနေနဲ့ သက်ဆိုင်နေဖို့ များတယ်... အဲဒီ ကျားဟိန်းသံ တောင်ရဲ့ တောင်သခင်က လူသားမျိုးနွယ်စုကို အမြဲတမ်း မနှစ်မြို့ခဲ့တာလေ...”</p> <p style="text-align:justify">“ဒီတစ်ကြိမ် မိစ္ဆာဘုရင် အသီးသီးကို ဆက်သွယ်တာက လက်ရှိ အခြေအနေကို အကြောင်းပြချက်လုပ်ပြီး စစ်ပွဲဖြစ်လာအောင် ဖန်တီးဖို့ ဖြစ်နိုင်တယ်... ကံကောင်းတာက သခင်မလေးက တံခါးပိတ် ကျင့်ကြံနေတာဆိုတော့ ဒီကိစ္စကို ငြင်းဆန်ဖို့ ငါတို့မှာ ခိုင်လုံတဲ့ အကြောင်းပြချက် ရှိနေတယ်...”</p> <p style="text-align:justify">ကျိုကွမ်းက သဘောတူသည့်အနေဖြင့် ခေါင်းညိတ်လိုက်၏။</p> <p style="text-align:justify">“မိစ္ဆာမိတ်ဆွေ ဂျီမို ပြောတာ အဓိပ္ပာယ်ရှိတယ်... လက်ရှိမှာ ငါတို့ရဲ့ ယွီတောင်တန်းက အခြေခံအုတ်မြစ် ပါးလွှာသေးပြီး လူသားမျိုးနွယ်စုနဲ့ ပတ်သက်ရင် ကိုယ့်ကိစ္စကိုယ်သာ ဂရုစိုက်လေ့ရှိတာ... ခေါင်းထွက်လာတဲ့ ငှက် မဖြစ်တာ အကောင်းဆုံးပဲ... နောက်ပိုင်း သခင်မလေး တံခါးပိတ်ကျင့်ကြံတာ ပြီးသွားတဲ့အခါမှ ဘာလုပ်မယ်ဆိုတာ ဆုံးဖြတ်ကြတာပေါ့...”</p> <p style="text-align:justify">မီးလျှံနီကလည်း ကန့်ကွက်စရာ မရှိပေ။</p> <p style="text-align:justify">“ယွီတောင်တန်းက ဒီရွှံ့ဗွက်ထဲ ဝင်မတိုးသင့်ဘူးလို့ ကျုပ်လည်း ထင်တယ်...”</p> <p style="text-align:justify">သူက ဓမ္မနယ်ပယ်၏ စတုတ္ထမြောက် ကောင်းကင်ဘုံအဆင့်တွင်သာ ရှိသေး၏။ မျိုးနွယ်စု နှစ်စုကြား စစ်ပွဲသာ ပေါက်ကွဲလာပါက သူ၏ စွမ်းအားကို ထုတ်ပြရန် နေနေသာသာ၊ သူ့အသက်ကိုတောင် ကယ်တင်နိုင်ပါ့မလား ဆိုသည်က ပြောရခက်လှသည်။</p> <p style="text-align:justify">ဖူရှောင်ကွမ်းက နောက်ဆုံး ဆုံးဖြတ်ချက်ကို ချလိုက်သည်။</p> <p style="text-align:justify">“ကျုပ်ရဲ့ အမြင်ကလည်း ခင်ဗျားတို့နဲ့ ထပ်တူပါပဲ... ဒါဆိုရင် သံတမန်ကို ကျုပ်တို့ ငြင်းလိုက်ကြမယ်... သခင်မလေးရဲ့ တံခါးပိတ် ကျင့်ကြံခြင်းကို မနှောင့်ယှက်ကြတာပေါ့... နောက်ပြီး မျက်စိကန်းနေတဲ့ အရူးတချို့က ဒီကိစ္စကို အကြောင်းပြုပြီး ယွီတောင်တန်းကို ပစ်မှတ်မထားလာနိုင်အောင် မိစ္ဆာမိတ်ဆွေ ကျိုကွမ်းကို ယီပြည်နယ်က ဝမ်မုသစ်တောဆီ တစ်ခေါက်လောက် သွားပေးဖို့ အကူအညီတောင်းချင်တယ်...”</p> <p style="text-align:justify">“စိတ်မပူပါနဲ့ မိစ္ဆာမိတ်ဆွေ... ကျုပ် သေချာပေါက် အောင်မြင်အောင် လုပ်ခဲ့ပါ့မယ်...”</p> <p style="text-align:justify">ဤကိစ္စအပေါ် သဘောတူညီမှု ရရှိသွားပြီးနောက် သူတို့က ယွီတောင်တန်း၏ ကာကွယ်ရေးနှင့် တောင်အပြင်ဘက်ရှိ မိစ္ဆာများကို နေရာချထားရေး ကိစ္စများကို ဆွေးနွေးပြီးလျှင် လူစုကွဲသွားကြ၏။</p> <p style="text-align:justify">နောက်တစ်နေ့၌ သံတမန်မှာ မကျေမနပ်ဖြင့် ထွက်ခွာသွားတော့သည်။</p> <p style="text-align:justify">…</p> <p style="text-align:justify"> </p> <p style="text-align: center;">***</p> <p style="text-align:justify"> </p>


Save