Book List

<h2 style="text-align:center">အခန်း (၁၇၇)</h2> <h2 style="text-align:center">ကျင်းပြည်နယ်မှ အကူအညီတောင်းခံခြင်း</h2> <h2 style="text-align:center">ဝတ်ရုံဖြူ၏ အကြံအစည်</h2> <h2 style="text-align:center">*</h2> <p style="text-align:justify"> </p> <p style="text-align:justify">ကျင်းပြည်နယ်တွင် တိုက်ပွဲခေါ်သံများက အဆက်မပြတ် ထွက်ပေါ်နေပြီး သွယ်တန်းနေသော တောင်တန်းကြီးများကို တုန်ခါသွားစေသည်။</p> <p style="text-align:justify">လူသားမျိုးနွယ်စုနှင့် မိစ္ဆာမျိုးနွယ်စုတို့ကြားတွင် စစ်ပွဲကြီးတစ်ခု ပေါက်ကွဲလာခဲ့ပြီး မှော်ပညာများက ရူးသွပ်စွာ ပျံသန်းနေကာ နတ်ဘုရားစွမ်းရည်များက တစ်ခုနှင့်တစ်ခု အပြင်းအထန် ရိုက်ခတ်နေကြ၏။ ဧရာမ ရေစီးကြောင်းကြီး နှစ်ခု ဝင်တိုက်မိသကဲ့သို့ များပြားလှသော စစ်သည်တော်များက အပြင်းအထန် တိုက်ခိုက်နေကြ၏။</p> <p style="text-align:justify">မကြာမီမှာပင် ပတ်ဝန်းကျင်တွင် အလောင်းများက တောင်လိုပုံသွားပြီး သွေးများကို မြစ်တစ်စင်းလို စီးဆင်းသွားစေတော့သည်။</p> <p style="text-align:justify">ကျင်းပြည်နယ်၏ ကြီးမြတ်သော မိစ္ဆာသခင် ခြောက်ပါးက စုဝေးကာ သူတို့၏ တပ်ဖွဲ့များကို ဦးဆောင်၍ ခုခံတိုက်ခိုက်နေကြ၏။ ဝမ်မုသစ်တောနှင့် ယှဉ်ပြိုင်နိုင်စွမ်းရှိသော ရစ်ခွေတောင်ပင်လျှင် ပါဝင်လာခဲ့သည်။</p> <p style="text-align:justify">လူသားမျိုးနွယ်စုက ကြီးမားသော ခွန်အားနှင့် ထက်မြက်သော လက်နက်များကို ပိုင်ဆိုင်ထား၏။</p> <p style="text-align:justify">မိစ္ဆာမျိုးနွယ်စုကတော့ ပထဝီဝင် အနေအထား အားသာချက်နှင့် ကွဲပြားစုံလင်သော မှော်ပညာများကို ပိုင်ဆိုင်ထားသည်။ လောလောဆယ်တွင် နှစ်ဖက်စလုံးက အင်အားချင်း မျှတနေ၏။</p> <p style="text-align:justify">နှစ်လဟူသော အချိန်တိုလေး အတွင်းမှာပင် မျိုးနွယ်စု နှစ်စုက အကြီးအသေး တိုက်ပွဲပေါင်း ဒါဇင်ချီ ဆင်နွှဲခဲ့ကြပြီး ဖြစ်သည်။</p> <p style="text-align:justify">မရေမတွက်နိုင်သော မိစ္ဆာငယ်များ အဖြစ်ဆိုးနှင့် သေဆုံးခဲ့ရပြီး များစွာသော စစ်သည်တော်များ သွေးမြေကျခဲ့ရ၏။ မဟာမိစ္ဆာများနှင့် စစ်သူကြီးများပင်လျှင် တစ်ယောက်ပြီး တစ်ယောက် ကျဆုံးသွားခဲ့ကြသည်။</p> <p style="text-align:justify">တောင်များ ပြိုကျပြီး သစ်ပင်များ ပြန့်ကျဲကာ မီးလောင်ကျွမ်း၍ မည်းနက်နေ၏။ မြစ်ရေများ စီးဆင်းမှု ရပ်တန့်သွားပြီး ရေနေသတ္တဝါများစွာ သေဆုံးဒဏ်ရာရခဲ့ကြသည်။</p> <p style="text-align:justify">သို့သော်လည်း အချိန်ကြာလာသည်နှင့်အမျှ လူသားမျိုးနွယ်စု ဂိုဏ်းများ ပိုမို ပါဝင်လာခဲ့ပြီး ကျင်းပြည်နယ် မိစ္ဆာမျိုးနွယ်စုက တဖြည်းဖြည်း အရေးနိမ့်လာခဲ့၏။ ဆောင်းနှောင်းပေါက်လာချိန်တွင်တော့ သူတို့က နယ်မြေအများအပြားကို ဆုံးရှုံးခဲ့ရပြီး ဖြစ်သည်။</p> <p style="text-align:justify">ရစ်ခွေတောင်…</p> <p style="text-align:justify">အမည်နှင့် လိုက်ဖက်စွာပင် ထိုတောင်မှာ အကွေ့အကောက် ကိုးခုနှင့် အချိုးအကွေ့ တစ်ဆယ့်ရှစ်ခု ရှိပြီး ရှည်လျားသော မြွေကြီးတစ်ကောင် မြေပြင်ပေါ်တွင် ရစ်ခွေနေသကဲ့သို့ ကွေ့ကောက်နေသော တောင်တန်းများ ရှိကာ အဆိပ်ငွေ့များနှင့် ထူထပ်သော မြူခိုးများဖြင့် ပြည့်နှက်နေ၏။</p> <p style="text-align:justify">ဤနေရာက ကျင်းပြည်နယ် မိစ္ဆာမျိုးနွယ်စုအတွက် သန့်စင်သော နယ်မြေတစ်ခု ဖြစ်သည်။ အဆိပ်ပြင်းသော အင်းဆက်များ၊ မြွေများ၊ ပုရွက်ဆိတ်များနှင့် မိစ္ဆာမျိုးနွယ်စုဝင် အများအပြား ပုန်းအောင်းနေထိုင်ရာ နေရာလည်း ဖြစ်၏။</p> <p style="text-align:justify">သို့သော်လည်း ယခုအခါ ရစ်ခွေတောင်၏ အရှိန်အဝါများမှာ ကျဆင်းနေပြီး ကျယ်ဝန်းသော ဂူကြီးတစ်ခုအတွင်း၌ ကျင်းပြည်နယ် မိစ္ဆာသခင်များ စုဝေးနေကြကာ အားလုံးက မျက်မှောင်ကြုတ်လျက် စစ်ပွဲအကြောင်း ဆွေးနွေးနေကြသည်။</p> <p style="text-align:justify">“လူသားမျိုးနွယ်စုက အရမ်း အင်အားကြီးလာနေတယ်... ကျင်းပြည်နယ် မိစ္ဆာမျိုးနွယ်စုရဲ့ အင်အားတစ်ခုတည်းကိုပဲ အားကိုးနေမယ်ဆိုရင် ခုခံဖို့ ခက်ခဲလိမ့်မယ်... ပြင်ပအကူအညီ ရှာတာက ဖြေရှင်းနည်းပဲ”</p> <p style="text-align:justify">“ဟုတ်တယ်... လူသားမျိုးနွယ်စုက ငါတို့ ကျင်းပြည်နယ် မိစ္ဆာမျိုးနွယ်စုကို အမြစ်ပြတ် သုတ်သင်ဖို့ ရည်ရွယ်ထားတာ ရှင်းနေတာပဲ... ငါတို့ လက်ပိုက်ကြည့်နေလို့ မရဘူး... အလယ်ပိုင်းလွင်ပြင် ဒေသတွေမှာ လူသားမျိုးနွယ်စုကို မကျေနပ်တဲ့ မိစ္ဆာတွေ မရေမတွက်နိုင်အောင် ရှိတယ်... သူတို့ကို စည်းရုံးနိုင်မှသာ ငါတို့ရဲ့ ကျင်းပြည်နယ် မိစ္ဆာမျိုးနွယ်စုကို ကယ်တင်နိုင်မှာ… လူသားမျိုးနွယ်စုကိုတောင် ပြန်လည် တိုက်ခိုက်နိုင်လောက်တယ်”</p> <p style="text-align:justify">“အဆိုးဆုံး အခြေအနေဆိုရင် မျိုးနွယ်စု နှစ်စုကြားက စစ်ပွဲကို ပြန်စလိုက်မယ်... ငါတို့ မိစ္ဆာမျိုးနွယ်စုက သူတို့ကို ကြောက်နေလို့လား”</p> <p style="text-align:justify">“တောင်ပိုင်းနယ်စပ်ကနေလည်း အကူအညီ တောင်းဖို့ လိုတယ်... ဒီတစ်ကြိမ် သူတို့က လူသားမျိုးနွယ်စု ဧကရီကို တိုက်ခိုက်ခဲ့တာလေ... ငါတို့ ကျင်းပြည်နယ် မိစ္ဆာမျိုးနွယ်စုက အားဖြည့်ပေးရုံသက်သက်ပါ… ငါတို့က မူလဇစ်မြစ်တူတဲ့သူတွေပဲ... သူတို့ လက်ပိုက်ကြည့်နေလို့ မရဘူး...”</p> <p style="text-align:justify">“ကောင်းကင်ဘုံ တရားရုံးရဲ့ တားဆီးမှုနဲ့ စောင့်ကြည့်မှုတွေကြောင့် စစ်တပ်ကြီးတစ်ခု စေလွှတ်ဖို့ ခက်ခဲတယ်ဆိုရင်တောင် မိစ္ဆာသခင် နှစ်ပါးသုံးပါးလောက် စေလွှတ်တာကတော့ ပြဿနာ မဖြစ်လောက်ပါဘူး”</p> <p style="text-align:justify">“စီနီယာ... ဘယ်လိုထင်ပါသလဲ”</p> <p style="text-align:justify">ထိုစကားများအဆုံးတွင် မိစ္ဆာသခင်များ အားလုံးက ထိပ်ဆုံးနေရာတွင် ထိုင်နေသော မိစ္ဆာအိုကြီးကို ကြည့်လိုက်ကြ၏။</p> <p style="text-align:justify">ဤသူက ရစ်ခွေတောင်၏ သခင်ဖြစ်ပြီး အဋ္ဌမမြောက် ကောင်းကင်ဘုံအဆင့်တွင် ရှိသော ကင်းခြေများ မိစ္ဆာတစ်ကောင် ဖြစ်ကာ မျက်လုံးတစ်ထောင်ဟု အမည်ရသည်။ သူ၏ နတ်ဘုရားစွမ်းရည်များက ကျယ်ပြန့်ပြီး သူ၏ တိုက်ခိုက်ရေး စွမ်းအားကလည်း ကြီးမားလှ၏။ ကျင်းပြည်နယ် မိစ္ဆာမျိုးနွယ်စု တစ်ခုလုံးက သူ၏ ဦးဆောင်မှုကို လိုက်နာကြသည်။</p> <p style="text-align:justify">မိစ္ဆာသခင် မျက်လုံးတစ်ထောင်က ချက်ချင်း စကားမပြောပေ။ တစ်ခဏမျှ စဉ်းစားပြီးနောက် သူ၏ စူးရှသော အသံက ပဲ့တင်ထပ်လာ၏။</p> <p style="text-align:justify">“မင်းတို့အားလုံး ပြောတဲ့အတိုင်းပဲ လုပ်ကြတာပေါ့... ငါတို့ ကျင်းပြည်နယ် မိစ္ဆာမျိုးနွယ်စုက သန်မာတယ်ဆိုပေမဲ့ သစ်ပင်တစ်ပင်တည်းနဲ့ တောမဖြစ်နိုင်ဘူးလေ... ငါ ကျားဟိန်းသံတောင်ကို ချက်ချင်း ဆက်သွယ်လိုက်မယ်”</p> <p style="text-align:justify">နွေဦးရာသီ မိစ္ဆာသခင်များ စုဝေးပွဲတွင် ကျားဟိန်းသံတောင်က လူသားမျိုးနွယ်စုနှင့် စစ်ခင်းရန် အစီအစဉ်များ ရှိခဲ့သော်လည်း ဝမ်မုသစ်တောက ဆန့်ကျင်ခဲ့၏။ ယခု ကျားဟိန်းသံတောင်ထံမှ အကူအညီ တောင်းခံမည်ဆိုပါက အခွင့်အရေး အတော်လေး များပြားနိုင်ပေသည်။</p> <p style="text-align:justify">“ပြီးတော့ ငါတို့ရဲ့ မျှော်လင့်ချက်တွေ အကုန်လုံးကို ကျားဟိန်းသံတောင် တစ်ခုတည်းအပေါ် ပုံချထားလို့ မရဘူး... တခြား မိစ္ဆာမျိုးနွယ် အင်အားစုတွေဆီကနေလည်း အကူအညီ တောင်းသင့်တယ်... တကယ်လို့ သူတို့က ကူညီမယ်ဆိုရင် ဒါက ငါတို့ ကျင်းပြည်နယ် မိစ္ဆာမျိုးနွယ်စုအတွက် ကောင်းချီးတစ်ခုပဲ”</p> <p style="text-align:justify">သဘောတူညီမှု ရရှိသွားပြီးနောက် မိစ္ဆာသခင်များ အားလုံးမှာ လှုပ်ရှားလိုက်ကြတော့သည်။</p> <p style="text-align:justify">…</p> <p style="text-align:justify">ကျင်းပြည်နယ်မှ မျိုးနွယ်စု နှစ်ခု၏ စစ်ပွဲသတင်းများက ယွီတောင်တန်းဆီသို့ အဆက်မပြတ် ရောက်ရှိလာ၏။ တစ်နေ့တခြား ရှုပ်ထွေးလာသော အခြေအနေများကြောင့် ယွီတောင်တန်းမှ မိစ္ဆာအားလုံးက အသက်အောင့်ကာ စစ်ပွဲအတွက် အပြည့်အဝ ပြင်ဆင်ကျင့်ကြံနေကြသည်။</p> <p style="text-align:justify">ယွီတောင်တန်း တစ်လျှောက်ရှိ ခရိုင်သုံးခုကလည်း တပ်ဖွဲ့များကို အဆက်မပြတ် တိုးချဲ့နေကြပြီး သူတို့ကြားတွင် တင်းမာသော ဆက်ဆံရေးများ ရှိနေ၏။</p> <p style="text-align:justify">ရှောက်တောင်၊ ဆွေ့ရွှီးနန်းတော်…</p> <p style="text-align:justify">ဖူရှောင်ကွမ်းက အချိန်စွမ်းအားများဖြင့် လွှမ်းခြုံခံထားရသည်။ မြေဓာတ် ဝိညာဉ်စွမ်းအင် အနည်းငယ်က အချိန်စွမ်းအားများနှင့် ရောယှက်နေ၏။</p> <p style="text-align:justify">နောက်တစ်နေ့တွင် သူက မျက်လုံးများကို ဖွင့်လိုက်ရာ သူ၏ ငွေရောင်သူငယ်အိမ်များက တောက်ပလင်းလက်နေသည်။</p> <p style="text-align:justify">သူက ယွင်ရှောင်စင်မြင့်ပေါ်သို့ တက်လှမ်းလိုက်ပြီး ရှောက်တောင်ခြေတွင် တစ်နေ့တခြား များပြားလာသော မိစ္ဆာများကို ငုံ့ကြည့်ပြီး ဝမ်းသာမှုနှင့် စိုးရိမ်မှုများကိုပါ ရောယှက်ခံစားနေရ၏။</p> <p style="text-align:justify">ဝမ်းသာရခြင်းက သူ၏ လက်အောက်ခံ မိစ္ဆာများ ပိုမို များပြားလာခြင်းကြောင့် ဖြစ်သည်။ စိုးရိမ်ရခြင်းက ဤမိစ္ဆာများက တောင်အပြင်ဘက်မှ လာရောက်ကြခြင်းကြောင့်ပင်။</p> <p style="text-align:justify">မြေအောက် မိစ္ဆာဈေးတန်းမှ ပြောင်းရွှေ့လာသော မိစ္ဆာများ ပိုများလေလေ၊ အခြေအနေက အကောင်းမြင်စရာ မရှိကြောင်း ပိုမို ထင်ရှားလေလေ ဖြစ်၏။</p> <p style="text-align:justify">သူက လက်ဝါးကို ဖြန့်လိုက်ရာ ငွေရောင်သဲများက လက်ဖဝါးအတွင်း၌ လည်ပတ်နေပြီး တစ်ခါတစ်ရံ လေဆင်နှာမောင်းတစ်ခုအဖြစ်၊ တစ်ခါတစ်ရံ သဲနွံအဖြစ်၊ တစ်ခါတစ်ရံ အလင်းကန့်လန့်ကာအဖြစ်၊ တစ်ခါတစ်ရံ တစ်နေ့တာပိုးအဖြစ် ပြောင်းလဲသွားကာ ပုံသဏ္ဌာန်အမျိုးမျိုး အဆက်မပြတ် ပြောင်းလဲနေသည်။</p> <p style="text-align:justify">လပေါင်းများစွာ တံခါးပိတ် ကျင့်ကြံပြီးနောက် သူ၏ အကြီးမားဆုံးသော ရိတ်သိမ်းရရှိမှုက ဓမ္မစွမ်းအားနှင့် မိစ္ဆာရုပ်ခန္ဓာ မဟုတ်သလို အချိန်၏ အခြေခံသဘောတရားများနှင့် ဝိညာဉ်အာရုံလည်း မဟုတ်ခဲ့ပေ။ သူ၏ တတိယမြောက် နတ်ဘုရားစွမ်းရည်ပင် ဖြစ်၏။</p> <p style="text-align:justify">လက်ရှိတွင် ဤမြေဓာတ် အချိန်နတ်ဘုရားစွမ်းရည်က တစ်ဝက်တစ်ပျက် ပုံသွင်းပြီးစီးနေပြီ ဖြစ်ပြီး အချိန်တန်လျှင် သေချာပေါက် အပြည့်အဝ ပုံပေါ်လာမည် ဖြစ်သည်။ ယခု သူလုပ်ရန် လိုအပ်သည်မှာ သူ၏ အခြေခံအုတ်မြစ်ကို စုဆောင်းရန်ပင်။</p> <p style="text-align:justify">ရက်အနည်းငယ် အကြာတွင် ယွီတောင်တန်းက ကျင်းပြည်နယ်မှ သတင်းစကား တစ်ခုကို လက်ခံရရှိခဲ့သည်။</p> <p style="text-align:justify">ဘီယွင်ရေကန်၊ တိမ်ပြာကျွန်း၊ ဝါးမျှော်စင်…</p> <p style="text-align:justify">ယွီလီက လက်ဝှေ့ယမ်းကာ စာကို ဖျက်ဆီးပစ်လိုက်၏။ ယွီတောင်တန်း၏ အခြေခံအုတ်မြစ်က ပါးလွှာသေးသဖြင့် တက်ကြွစွာ ပြဿနာရှာမည် မဟုတ်သလို စစ်ပွဲထဲသို့လည်း အလွယ်တကူ ဝင်ရောက်မည် မဟုတ်ပေ။</p> <p style="text-align:justify">သူမက ဝိုင်တစ်ကျိုက် မော့သောက်လိုက်ပြီး သူမ၏ တောက်ပသော မျက်လုံးများမှာ လမင်းကြီးကို ရောင်ပြန်ဟပ်နေသကဲ့သို့ အတွေးများက သူမ၏ စိတ်ထဲတွင် လည်ပတ်နေ၏။ လက်ရှိ အခြေအနေက ရှင်းလင်းနေဆဲပင်။</p> <p style="text-align:justify">သို့သော်လည်း ကျင်းပြည်နယ်က အကူအညီ တောင်းခံလာသဖြင့် စစ်ပွဲက ရှုပ်ထွေးသွားနိုင်ပြီး မျိုးနွယ်စု နှစ်စုကြား စစ်ပွဲက ပိုမို ကြီးမားလာနိုင်၏။ ယွီတောင်တန်း၏ အင်အားက အလွန် အားနည်းနေဆဲပင်။</p> <p style="text-align:justify">ထိုသို့တွေးရင်း ယွီလီက မိစ္ဆာသခင် ငါးပါးထံ သတင်းစကား ပေးပို့လိုက်သည်။</p> <p style="text-align:justify">ငွေရောင်ဆံပင်နှင့် လူငယ်လေးက လရောင်ထဲမှ ထွက်ပေါ်လာ၏။ ဖူရှောင်ကွမ်းက ဦးစွာ ရောက်ရှိလာပြီး ဝါးစိမ်းပင်ပေါ်တွင် လှဲလျောင်းနေသော ဧကရီယွီလီကို အရိုအသေပေးကာ ဘေးတွင်ရပ်၍ တိတ်ဆိတ်စွာ စောင့်ဆိုင်းနေလိုက်သည်။</p> <p style="text-align:justify">မကြာမီမှာပင် အနီးအနားတွင်ရှိသော မိစ္ဆာသခင် ချူချုံးကလည်း ရောက်ရှိလာ၏။</p> <p style="text-align:justify">မိစ္ဆာသခင် ငါးပါးစလုံး ရောက်ရှိလာသောအခါ ယွီလီက သူမ၏ အင်္ကျီလက်ကို တိုက်ရိုက် ခါရမ်းကာ သေတ္တာငါးလုံးကို ပေးပို့လိုက်သည်။</p> <p style="text-align:justify">“အထဲမှာ ဝိညာဉ်ပစ္စည်းတချို့ ပါတယ်... အခု ကျင်းပြည်နယ် စစ်ပွဲက ကြီးမားလာနေပြီဆိုတော့ ယွီတောင်တန်းက ဖျင်ပြည်နယ်ရဲ့ အဝေးမှာ ရှိနေတယ်ဆိုပေမဲ့ ငါတို့ ကာကွယ်ရမယ့် ကိစ္စတချို့ ရှိတယ်... မင်းတို့အားလုံး ကြိုးကြိုးစားစား ကျင့်ကြံရမယ်… တစ်ချိန်တည်းမှာပဲ မင်းတို့ရဲ့ လက်အောက်ခံ မိစ္ဆာတွေကို မပေါ့ဆဖို့ တိုက်တွန်းရမယ်”</p> <p style="text-align:justify">“ကျေးဇူးတင်ပါတယ် ဧကရီ... အရှင်မရဲ့ အမိန့်ကို တဝေမသိမ်း လိုက်နာပါ့မယ်…”</p> <p style="text-align:justify">မိစ္ဆာသခင် ငါးပါး၏ ရင်ထဲတွင် စိုးရိမ်မှုနှင့် ဝမ်းသာမှုများ ရောထွေးနေ၏။ သူတို့က ကျင့်ကြံခြင်းဆိုင်ရာ ပြဿနာများကို အသီးသီး မေးမြန်းပြီးနောက် ထွက်ခွာသွားကြသည်။</p> <p style="text-align:justify">ဖူရှောင်ကွမ်းက ရှောက်တောင်ပေါ်တွင် ရပ်ကာ အောက်ဘက်ရှိ စည်ကားနေသော မိစ္ဆာဈေးတန်းကို ကြည့်၍ တိတ်ဆိတ်စွာ သက်ပြင်းချလိုက်သည်။ ဧကရီယွီလီ ပေးသနားသော ဝိညာဉ်ပစ္စည်းများက သူ့ကို ဝမ်းသာစေသော်လည်း မျိုးနွယ်စု နှစ်စုကြားရှိ စစ်ပွဲကလည်း သူ့ကို စိတ်မအေးဖြစ်စေ၏။</p> <p style="text-align:justify">“ယွီတောင်တန်းက ဘယ်လောက်ကြာကြာ တည်ငြိမ်နေနိုင်ဦးမလဲ မသိဘူး”</p> <p style="text-align:justify">သူက တစ်ယောက်ထဲ တီးတိုးရေရွတ်ပြီးနောက် စိုးရိမ်ပူပန်မှုများကို ခေတ္တ ဖယ်ထားလိုက်ပြီး လျိုနျန်ခန်းမသို့ ပြန်ကာ ဆုလာဘ်များကို စစ်ဆေးရန် လှည့်ထွက်သွားတော့သည်။</p> <p style="text-align:justify">ထိုညနေခင်းတွင် ဖူရှောင်ကွမ်းက သူ၏ ယုံကြည်ရသူများကို ခေါ်ယူကာ အဝါရောင်အဆင့် ဝိညာဉ်ပစ္စည်းများကို ပေးသနားပြီး ကျင့်ကြံခြင်းအပေါ် အာရုံစိုက်ရန် သတိပေးလိုက်သည်။ ထို့နောက် ဝိညာဉ်ပစ္စည်းများကို ယူ၍ တံခါးပိတ် ကျင့်ကြံခြင်းသို့ နောက်တစ်ကြိမ် ဝင်ရောက်သွားတော့၏။</p> <p style="text-align:justify">…</p> <p style="text-align:justify">ကျယ်ပြန့်သော မြက်ခင်းပြင်ကြီး တစ်ခုပေါ်တွင် မီးပုံများ တောက်လောင်နေပြီး အမှောင်ထုကို ဖယ်ရှားကာ အလင်းနှင့် အပူဓာတ်များကို ဖြာထွက်နေစေသည်။</p> <p style="text-align:justify">မြေပြင်ပေါ်တွင် ထိုင်နေသော ဝတ်ရုံဖြူ မိစ္ဆာသခင်က ဆက်သွယ်ရေး ကျောက်စိမ်းစာလိပ်ကို ထုတ်ယူလိုက်၏။ ကျင်းပြည်နယ် မိစ္ဆာမျိုးနွယ်စုက အလယ်ပိုင်းလွင်ပြင်ရှိ အခြား မိစ္ဆာသခင်များထံမှ အကူအညီ တောင်းခံနေကြောင်း မြင်သောအခါ သူ၏ နှုတ်ခမ်းများက အပြုံးတစ်ခုအဖြစ် ကွေးတက်သွားပြီး သူ၏ မျက်ခုံးနှင့် မျက်လုံးများက ပြေလျော့သွားသည်။</p> <p style="text-align:justify">ထိုစဉ် မြည်းခေါင်းတစ်ခုက ဆန့်ထွက်လာ၏။ သူက သတင်းစကားကို မြင်သောအခါ ပြုံးဖြီးဖြီး လုပ်လိုက်သည်။</p> <p style="text-align:justify">“ဂုဏ်ယူပါတယ် အရှင်မင်းကြီး... ကျင်းပြည်နယ်က ပရမ်းပတာ ဖြစ်နေပြီဆိုတော့ မျိုးနွယ်စု နှစ်စုကြားက အမုန်းတရားကလည်း သေချာပေါက် ပိုနက်ရှိုင်းလာမှာပဲ... အခု သူတို့က ပြင်ပအကူအညီကို ရှာနေပြီဆိုမှတော့ စစ်မြေပြင်က သေချာပေါက် ကျယ်ပြန့်လာတော့မှာ...”</p> <p style="text-align:justify">“မိစ္ဆာသခင်တွေ ပိုမို ပါဝင်လာတာနဲ့အမျှ စစ်ပွဲက အဲဒီအိုမင်းနေတဲ့ ဧကရာဇ်တောင် ထိန်းချုပ်လို့မရတဲ့အထိ ဆိုးရွားသွားပြီး အလယ်ပိုင်းလွင်ပြင်က နောက်တစ်ကြိမ် ဆူပူအုံကြွမှုတွေ ဖြစ်လာလိမ့်မယ်...”</p> <p style="text-align:justify">“အဲဒီအချိန်ကျရင် အရှင်မင်းကြီးက ကောင်းကင်ဘုံ တရားရုံးရဲ့ မဟာသိုင်းကွက်အစီအရင်ကို ဆွဲဖြဲလိုက်တာနဲ့ တောင်ပိုင်းနယ်စပ်က မိစ္ဆာစစ်တပ်ကြီး ဝင်ရောက်လာပြီး အလယ်ပိုင်းလွင်ပြင်ကို သွေးနဲ့ဆေးကြောပြီး ငါတို့ မိစ္ဆာမျိုးနွယ်စုရဲ့ ဂုဏ်သိက္ခာကို ပြန်လည်ထူထောင်နိုင်မှာပါ...”</p> <p style="text-align:justify">ဝတ်ရုံဖြူ မိစ္ဆာသခင်၏ အပြုံးက ပိုမို တောက်ပလာ၏။ သူက လက်ချောင်းကို စုတ်တံအဖြစ် အသုံးပြုကာ ညင်သာစွာ ရေးဆွဲလိုက်ပြီး သတင်းစကားများကို ကျောက်စိမ်းစာလိပ်မှတစ်ဆင့် ပေးပို့လိုက်သည်။</p> <p style="text-align:justify">“ဒါပေမဲ့ ကျင်းပြည်နယ် တစ်ခုတည်းနဲ့က လုံးဝ မလုံလောက်သေးဘူး... တခြား ဒေသတွေလည်း ပရမ်းပတာ ဖြစ်သွားရမယ်... ပြီးတော့ ယွီဧကရာဇ်က အတော်လေး သတ္တိရှိတယ်... ဒီခေတ်မှာ လူသားမျိုးနွယ်စုက အင်အားကြီးတယ်လေ...”</p> <p style="text-align:justify">“ငါတို့ မိစ္ဆာမျိုးနွယ်စု အောင်မြင်ဖို့အတွက် ကြောက်မက်ဖွယ်ကောင်းတဲ့ ခွန်အားကို ပိုင်ဆိုင်ထားဖို့ လိုအပ်တဲ့အပြင် လူသားမျိုးနွယ်စုကို အတွင်းပိုင်းကနေ ပြိုကွဲသွားအောင် လုပ်ဖို့လည်း လိုအပ်သေးတယ်...”</p> <p style="text-align:justify">“အရှင်မင်းကြီးက ဉာဏ်ပညာကြီးမားလှပါတယ်...”</p> <p style="text-align:justify">တစ်ခဏမျှ စဉ်းစားပြီးနောက် သူက နောက်ထပ် သတင်းစကား တစ်ခု ထပ်ထည့်လိုက်၏။</p> <p style="text-align:justify">“မဟာပညာရှိမှတ်တမ်းက အခန်းသစ်တွေ မထွက်တာ ကြာပြီ... သူတို့ကို တိုက်တွန်းရမယ့် အချိန်ရောက်ပြီ... ကျုပ်က အဋ္ဌမမြောက် ကောင်းကင်ဘုံမှာ အချိန်အကြာကြီး နေခဲ့ရပြီလေ… အဆင့်တက်ရမယ့် အချိန်ရောက်ပြီ... နဝမမြောက် ကောင်းကင်ဘုံကို ရောက်မှသာ လှိုင်းလုံးတွေကို ပြန်လှည့်ပြီး အခြေအနေကို ပြောင်းလဲပစ်နိုင်စွမ်း ရှိမှာ...”</p> <p style="text-align:justify">“ကြည့်ရတာ ယွီတောင်တန်းက အချိန်အတန်ကြာ တည်ငြိမ်နေဦးမယ့်ပုံပဲ... မဟုတ်ရင် အဲဒီပိုးကောင်လေးက စာအုပ်ရေးဖို့ စိတ်ကူးပေါက်မှာ မဟုတ်ဘူး...”</p> <p style="text-align:justify">“ဒီကိစ္စကို အလျင်စလို လုပ်စရာ မလိုပါဘူး... ဝမ်မုသစ်တောက အလွယ်တကူ လှုပ်ရှားမှာ မဟုတ်ဘူး... ပထမဆုံး လူသားမျိုးနွယ်စုကို မကျေမနပ် ဖြစ်နေကြတဲ့ ကျားဟိန်းသံတောင်နဲ့ တခြား မိစ္ဆာမျိုးနွယ်စု အင်အားစုတွေကို အရင် ဝင်ပါခိုင်းရမယ်...”</p> <p style="text-align:justify">“ဒီကြားနေ အဖွဲ့အစည်းတွေအတွက်တော့ နောက်မှ အစီအစဉ်ဆွဲလည်း နောက်မကျပါဘူး... မျိုးစေ့တွေ ချထားပြီးပြီဆိုတော့ သူတို့က နောက်ဆုံးမှာ အမြစ်တွယ်ပြီး အညှောက်ပေါက်လာမှာပါ...”</p> <p style="text-align:justify">…</p> <p style="text-align:justify"> </p> <p style="text-align:center">***</p> <p style="text-align:justify"> </p>


Save