Book List

<h2 style="text-align: center;">အပိုင်း ( ၂၂၄ )</h2> <h2 style="text-align: center;">​*</h2> <p> </p> <p> </p> <p>"မီးရ်က တကယ် မြန်တာပဲကွာ"</p> <p>​"သား တကယ်ကြီး မြန်လာတယ်နော် ဖေဖေ"</p> <p>​ယူးမီးရ်၏ ကျောပေါ်တွင် စီးနင်းရင်း ယူးအီဟန် တစ်ယောက် အံ့သြတကြီး ရေရွတ်လိုက်မိသည်။ ခုန်ပျံခြင်း စွမ်းရည်ကို ဆက်တိုက်အသုံးပြုကာ လေထဲတွင် ခုန်ပျံသွားလာသည့် အမြန်နှုန်းထက် အနည်းငယ် နှေးသော်လည်း လေစွမ်းအင်ကို အပြည့်အဝ အသုံးပြုထားသော ယူးမီးရ်၏ အမြန်နှုန်းက ပို၍ သဘာဝကျသော ဆွဲဆောင်မှုတစ်ခု ရှိနေသည်။</p> <p>​"ဒီလိုမျိုးလေး ကမ္ဘာပတ်သွားလို့ရရင် သိပ်ကောင်းမှာပဲ"</p> <p>​"ဖေဖေ ဒီမှာရှိနေတော့ သားလည်း ပိုပြီး သန်မာလာသလို ခံစားရတယ်"</p> <p>​"အဲ့ဒါ အမှန်ပဲလေ"</p> <p>​သူ နဂါးစီးသူရဲ အလုပ်အကိုင်ကို ရရှိလာချိန်က ရရှိခဲ့သော နဂါး-လူသား ပဲ့တင်ထပ်မှု စွမ်းရည်က နဂါးတစ်ကောင်နှင့်အတူ တိုက်ခိုက်သည့်အခါ သူ့စွမ်းရည်များကို ၁၀ ရာခိုင်နှုန်း တိုးလာစေပြီး နဂါး၏ ကျောပေါ်တွင် စီးနင်းတိုက်ခိုက်ပါက နောက်ထပ် ၁၀ ရာခိုင်နှုန်း ထပ်မံတိုးလာစေသည်။</p> <p>​ယူးမီးရ်က ယူးအီဟန်၏ အုပ်စိုးခြင်း စွမ်းရည်အောက်တွင် ရှိနေသဖြင့် နောက်ထပ် ၁၀ ရာခိုင်နှုန်း ထပ်ဆောင်းရရှိသေးသည်။ ထို့ကြောင့် ယူးအီဟန်က ယူးမီးရ်၏ ကျောပေါ်တွင် စီးနင်းလိုက်ရုံနှင့်ပင် သူ၏ တိုက်ခိုက်နိုင်စွမ်းက ၃၀ ရာခိုင်နှုန်းအထိ မြင့်တက်သွားခြင်း ဖြစ်သည်။</p> <p>​ဤသည်မှာ ယူးအီဟန် အတွက်သာမက ယူးမီးရ် အတွက်ပါ အကျုံးဝင်သည်။ သို့သော် ယခုအချိန်အထိ ယူးမီးရ်မှာ အရွယ်ရောက်ပြီးသော နဂါးတစ်ကောင် မဟုတ်သေးသလို သူတို့နှစ်ဦး အတူတကွ တိုက်ခိုက်ရန် လိုအပ်ချက်များစွာ မရှိခဲ့သောကြောင့် ယခုအချိန်အထိ အသုံးမချနိုင်ခဲ့ခြင်း ဖြစ်သည်။</p> <p>​"ဖေဖေက တကယ်ကို အံ့သြစရာကြီးပဲ"</p> <p>​"မီးရ်ကလည်း အများကြီး အံ့သြစရာကောင်းပါတယ်ကွာ အခုကစပြီး ငါတို့ အတူတူ နေကြမယ်နော် ဟုတ်လား"</p> <p>​"ဟုတ်"</p> <p>​ယူးအီဟန်က ယူးမီးရ်၏ ခေါင်းလေးကို ပွတ်သပ်ပေးလိုက်သည်။ ရွှေရောင်ဖျော့ဖျော့ အကြေးခွံများ ဖုံးလွှမ်းနေသော သူ၏ ပုံစံလေးက အလွန်ပင် လှပပြီး ယူးအီဟန်၏ နှလုံးသားကို နွေးထွေးသွားစေသည်။ အနာဂတ်တွင်လည်း ယခုကဲ့သို့ သားအဖနှစ်ယောက် အချိန်ဖြုန်းနိုင်လျှင် ကောင်းမည်ဟု သူ တွေးလိုက်မိသည်။</p> <p>​ပြဿနာကတော့ သူတို့ စကားပြောရင်း ဦးတည်သွားနေသော နေရာမှာ ဖျက်ဆီးခြင်းနတ်ဆိုးတပ်မတော် ရှိနေမည့် ရန်သူများ၏ ဗဟိုဌာနချုပ်ပင် ဖြစ်နေသည်။</p> <p>​"ဖေဖေ သား သန်မာတဲ့ စွမ်းအင်တချို့ကို ခံစားနေရတယ်"</p> <p>​"အင်း ဟုတ်တယ်"</p> <p>​အလွန်ကြမ်းတမ်းပြီး ခက်ထန်သော မာနာစွမ်းအင်များက နေရာတစ်ခုတွင် သာယာဖွယ်မရှိစွာ လွင့်မျောနေပြီး ယူးအီဟန် ယခင်က ဒါရူး ကမ္ဘာတွင် ခံစားခဲ့ရဖူးသော စွမ်းအင်များနှင့် အတော်လေး ဆင်တူနေသည်။ ရန်သူများက သူ့ထက် သန်မာနေကြောင်း သိလိုက်ရသဖြင့် ယူးမီးရ်မှာ ချက်ချင်းပင် တွန့်ဆုတ်သွားသော်လည်း ယူးအီဟန်က သူ့ကို ချက်ချင်း ပြန်လည်နှစ်သိမ့်ပေးလိုက်သည်။</p> <p>​"ဖေဖေက ပိုသန်မာတာမို့ စိတ်မပူနဲ့နော်"</p> <p>​"ဟုတ် ဖေဖေ"</p> <p>​ယူးအီဟန်က လက်ဖဝါးထဲမှ အမြီးရှစ်ချောင်းနဂါးလှံကို ထုတ်ယူကာ ဆုပ်ကိုင်လိုက်သည်။ ငရဲနဂါး ကိုယ်ထည်မှ ရရှိသော အကျိုးသက်ရောက်မှုအရ ခုခံမှုစွမ်းရည်၏ ၂၀ ရာခိုင်နှုန်းမှာ လှံ၏ တိုက်ခိုက်မှုစွမ်းအားပေါ်သို့ ထပ်ပေါင်းသွားမည်ဖြစ်ရာ လှံကို ထုတ်ယူလိုက်ရုံနှင့်ပင် ယူးအီဟန်ထံမှ ထွက်ပေါ်လာသော ဖိအားမှာ အဆပေါင်းများစွာ မြင့်တက်သွားသည်။ ရန်သူများအနေဖြင့် သူတို့ သေဆုံးသွားချိန်အထိပင် ထိုအချက်ကို သိနိုင်မည် မဟုတ်သော်လည်း။</p> <p>​သူ ထပ်ပြီး ပျံသန်းချင်ပါသေးသည်။ သို့သော် ကံမကောင်းစွာဖြင့် ရန်သူများ၏ ဗဟိုဌာနချုပ်မှာ ထိုမျှလောက် အဝေးကြီးတွင် မဟုတ်ပေ။ အယ်လ်ဖော့စ်၏ နယ်မြေအများစုကို သိမ်းပိုက်ပြီးဖြစ်ရာ သူတို့က မြို့တစ်မြို့လုံးကို ဖျက်ဆီးပစ်ကာ ဗဟိုဌာနချုပ်အဖြစ် ဖန်တီးထားကြသည်။</p> <p>​"ဟား တိုက်ပွဲက အတော်လေး ကြာနေသလိုပဲနော်"</p> <p>​"တိုက်ပွဲအခြေအနေ အစီရင်ခံစာ လာရမှာလေ ဘာလို့ အရိပ်အယောင်တောင် မတွေ့ရသေးတာလဲ"</p> <p>​"သန့်စင်တဲ့နယ်မြေက အန္တရာယ်များတယ်လို့ ပြောကြတယ်လေ ဧကရာဇ်မင်းမြတ် ကိုယ်တိုင် မသွားတာကလည်း အဲ့ဒီအချက်ကို ညွှန်ပြနေတာ မဟုတ်ဘူးလား"</p> <p>​"ဘယ်လိုပဲဖြစ်ဖြစ် သူ ငါတို့နဲ့အတူ ဒီအထိ လိုက်လာတာက အံ့သြစရာပဲနော် သူက သူတော်စင်မလေးကို အဲ့ဒီလောက်တောင် လိုချင်နေတာလား"</p> <p>​"ငါ တစ်ခါက သူတော်စင်မလေးကို အဝေးကနေ မြင်ဖူးတယ် ခြေထောက်တွေ ခွေကျပြီး အဲ့ဒီနေရာမှာပဲ လဲကျသွားတာ ငါတော့ သူတို့ ဘာလို့ သူ့ကို နတ်ဘုရားတစ်ပါးလို ကိုးကွယ်နေကြလဲဆိုတာ လက်ခံနိုင်သွားပြီ"</p> <p>​"ကျစ် အဲ့ဒီလို မိန်းမမျိုးနဲ့ တစ်ညလောက် အတူနေခွင့်ရရင် သိပ်ကောင်းမှာပဲကွာ"</p> <p>​အစောင့်များမှာ အတော်လေး ပေါ့လျော့နေကြသည်။ ပတ်ဝန်းကျင်တွင် ရန်သူများ မရှိသည့်အပြင် ကျန်ရှိနေသော ရန်သူများကို အဆုံးသတ်ရန် အင်အား နှစ်သိန်းရှိသော တပ်မတော်ကြီး ချီတက်သွားခဲ့ပြီ ဖြစ်သောကြောင့် ဤသည်မှာ အံ့သြစရာတော့ မဟုတ်ပေ။ ပျံသန်းနိုင်သော ရဲတိုက်ကြီးတစ်ခု ရုတ်တရက် ပေါ်လာပြီး သူတို့အားလုံးကို သုတ်သင်ရှင်းလင်းပစ်မည်ကိုတော့ သူတို့ ဘယ်သောအခါမျှ သိနိုင်တော့မည် မဟုတ်ပေ။</p> <p>​ဒါပေမဲ့လည်း ဒါက သိပ်လွန်လွန်းပါတယ်။</p> <p>​"တပ်မတော်ရဲ့ စိတ်ဓာတ်ခွန်အားရယ် တပ်မတော်ရဲ့ အခြေအနေရယ်က လူသားတွေထဲမှာ သန်မာတဲ့သူ တစ်ယောက်မှ မရှိဘူးလား"</p> <p>​သူ အာရုံခံမိသော စတုတ္ထအဆင့် လူသားအရေအတွက်မှာ သုံးဦးသာ ရှိသည်။ တပ်မတော်၏ လက်ရွေးစင်များဟု ခေါ်ဆိုရန်ပင် အနည်းငယ် အားနည်းလွန်းနေသည်။ အင်း... စတုတ္ထအဆင့် နတ်ဆိုး ဆယ့်နှစ်ကောင် အပြည့်ရှိနေတာဆိုတော့ သူတို့ရဲ့ တကယ့်တိုက်ခိုက်နိုင်စွမ်းကတော့ အတော်လေး သိသာမှာပါ။ ဒါပေမဲ့ နတ်ဆိုးတွေဆိုတာ နောက်ဆုံးတော့ ဖျက်ဆီးခြင်းနတ်ဆိုးတပ်မတော်ရဲ့ အင်အားစုတွေပဲလေ။</p> <p>​သူတို့က အယ်လ်ဖော့စ်နဲ့ စစ်ပွဲမှာ သေကုန်တာလား ဒါမှမဟုတ် သုံးယောက်ဆိုရင် လုံလောက်ပြီလို့ ယူဆပြီး ဒီကိုလွှတ်လိုက်တာလား ဒါမှမဟုတ် ပြဿနာတချို့ကြောင့် သူတို့ကို မြို့တော်ဆီ ပြန်ခေါ်သွားတာလား။ ယူးအီဟန်၏ တွေးခေါ်ဆုံးဖြတ်မှုက ထိုသို့ထွက်ပေါ်လာသည်။</p> <p>​"အဲ့ဒီသုံးချက်ထဲက တစ်ချက်မှ မဟုတ်ရင်တော့"</p> <p>​ယူးအီဟန်က တကယ်လို့များဆိုသည့် အတွေးဖြင့် ရယ်မောလိုက်သည်။ ထိုသို့ဆိုလျှင်တော့ လီ ကတ်ထရီယာနာ ဧကရာဇ်အပေါ် သူ၏ အကဲဖြတ်မှုက အနည်းငယ်တော့ မြင့်တက်သွားမည်ဖြစ်သည်။ သို့သော် ထိုမျှသာ။ ဖျက်ဆီးခြင်းနတ်ဆိုးတပ်မတော်ကလည်း အရူးတွေမှ မဟုတ်တာပဲလေ။</p> <p>​သိပ်ကို စိတ်ဝင်စားစရာကောင်းတဲ့ မြင်ကွင်းတစ်ခုကို လွတ်သွားခဲ့ပြီဟု တွေးမိကာ ယူးအီဟန် တစ်ယောက် နှမြောတသပင် ဖြစ်သွားမိသည်။</p> <p>​တစ်ချိန်တည်းမှာပင် အင်ပါယာစစ်တပ်၏ ဌာနချုပ်အတွင်း၌ ဖျက်ဆီးခြင်းနတ်ဆိုးတပ်မတော်မှဟု ခန့်မှန်းရသော ပဉ္စမအဆင့် သုံးဦး ရှိနေသည်။ သူတို့က အခြားကမ္ဘာတစ်ခုရှိ အဆင့်နိမ့်သူများကို အထင်သေးကာ လျှော့တွက်ထားပုံရပြီး တစ်ဦးနှင့်တစ်ဦး အတော်လေး ခပ်လှမ်းလှမ်းတွင် နေရာယူထားကြသည်။</p> <p>​သူတို့သုံးဦး တစ်ပြိုင်နက်တည်း မတိုက်ခိုက်လျှင် အနိုင်မယူနိုင်သော ရန်သူတစ်ဦး ရောက်ရှိနေသည်ကိုတော့ သူတို့ ဘယ်လိုမှ သိနိုင်မည် မဟုတ်ပေ။ သို့သော်လည်း သူတို့က အတော်လေး ဝေးကွာလွန်းနေသည်။</p> <p>​"ဒါမှမဟုတ် သူတို့က အင်ပါယာစစ်တပ်ကို စောင့်ကြည့်နေတာလား"</p> <p>​"သူတို့က တစ်ဖွဲ့တည်း မဟုတ်ဘူးလား ဖေဖေ"</p> <p>​"မကြာခင်မှာ ဟုတ်တော့မှာ မဟုတ်ဘူး"</p> <p>​ဖျက်ဆီးခြင်းနတ်ဆိုးတပ်မတော်က လိုချင်သည်မှာလည်း နာယူနာဖြစ်ပြီး ဧကရာဇ် လိုချင်သည်မှာလည်း နာယူနာပင် ဖြစ်သည်။ ထို့အပြင် တစ်ဦး၏ လိုအပ်ချက်ကို အခြားတစ်ဦးက သိရှိနေနိုင်ခြေလည်း များသည်။</p> <p>​အစပိုင်းတွင်တော့ သူတို့က တစ်ဦးကိုတစ်ဦး လှည့်စားရင်း မဟာမိတ်ဖွဲ့ခဲ့ကြမည်ဖြစ်သော်လည်း နာယူနာကို ရရှိသည်နှင့် တစ်ပြိုင်နက် ဇာတ်လမ်းက ပြောင်းလဲသွားပေလိမ့်မည်။ နာယူနာ တစ်ယောက်တည်းကြောင့်ပင် အလွန် စိတ်ဝင်စားစရာကောင်းသော မြင်ကွင်းတစ်ခု ဖြစ်ပေါ်လာပေမည်။</p> <p>​အင်း... ယူးအီဟန်သာ ဒီမှာ မရှိဘူးဆိုရင်ပေါ့။</p> <p>​"ဖျက်ဆီးခြင်းနတ်ဆိုးတပ်မတော်က ကောင်တွေကို အရင်ရှင်းလင်းပြီးမှ ကျန်တဲ့ကောင်တွေကို ရှင်းကြတာပေါ့"</p> <p>​"ဖေဖေ ဒီမှာ အကာအကွယ်မှော် အစီအရင် တပ်ဆင်ထားတယ် သားတို့ ဝင်သွားရင် သူတို့ သိသွားနိုင်တယ်နော်"</p> <p>​ယူးမီးရ်က အကာအကွယ်မှော် အစီအရင်ကို စိုးရိမ်နေသည်။ အကာအကွယ်မှော် အစီအရင်အတွင်းရှိ မာနာစွမ်းအင်၏ ဖွဲ့စည်းပုံ၊ အရည်အသွေးနှင့် ပမာဏတို့ကို ကြည့်ခြင်းအားဖြင့် ဤမှော်အစီအရင်သည် ဖျက်ဆီးခြင်းနတ်ဆိုးတပ်မတော်မှ မည်သို့မျှ ဝင်ရောက်စွက်ဖက်ထားခြင်း မရှိကြောင်း ယူးအီဟန် သဘောပေါက်သွားပြီး သူ၏ ခေါင်းကို နောက်တစ်ကြိမ် ပွတ်သပ်ပေးရင်း စကားဆိုလိုက်သည်။</p> <p>​"အဲ့ဒီမှော်အစီအရင်က ငါတို့ကို သိမှာမဟုတ်ဘူး"</p> <p>​"တကယ်လား ဖေဖေ"</p> <p>​"ဒါပေါ့"</p> <p>​ယူးမီးရ် တစ်ယောက်တည်းသာဆိုလျှင်တော့ ဖြစ်ကောင်းဖြစ်နိုင်သည်။ စတုတ္ထအဆင့် မှော်ကျောက်တုံးများစွာဖြင့် ပြုလုပ်ထားသော အကာအကွယ်မှော် အစီအရင်သည် အလွန်ပင် ခိုင်မာတောင့်တင်းပြီး မည်သည့်အရာကိုမျှ ဝင်ခွင့်မပြုတော့မည့်အလား စွမ်းအင်များ ဖြာထွက်နေသည်။ သို့သော်လည်း ကိုယ်ပျောက်ခြင်း စွမ်းရည်၏ အဆင့်မြင့်ပုံစံကိုပင် အပြည့်အဝ ကျွမ်းကျင်ထားသော ယူးအီဟန်အတွက်မူ မည်သည့် မှော်အစီအရင်မျိုးမဆို ရယ်စရာတစ်ခုသာ ဖြစ်သည်။</p> <p>​ထို့အပြင် သူ၏ ကိုယ်ပျောက်ခြင်းက ယူးမီးရ်၏ ကိုယ်ပျောက်ခြင်းနှင့် ဟန်ချက်ညီညီ ပေါင်းစပ်သွားကာ သူတို့၏ တည်ရှိမှုများကို သုညအောက် ရောက်သွားသည်အထိ လျှော့ချပစ်နိုင်သည်။ သာမန်လူနှစ်ဦးဆိုလျှင်တော့ ထိုသို့လုပ်နိုင်မည် မဟုတ်ပေ။ ၎င်းက နဂါးနှင့် နဂါးစီးသူရဲတို့ ဖြစ်သောကြောင့်သာ ဖြစ်နိုင်ခြင်းဖြစ်သည်။</p> <p>​"ဒီအကာအကွယ်မှော် အစီအရင်ကို မရှိဘူးလို့သာ သဘောထားလိုက် ဖေဖေ အချက်ပြလိုက်တာနဲ့ သားက ဘယ်ဘက်အစွန်ဆုံးက ကောင်ဆီကို တန်းပြေးသွားရုံပဲ ကြားလား"</p> <p>​"ဟုတ်ကဲ့ပါ ဖေဖေ"</p> <p>​ယူးမီးရ်၏ အသံတွင်လည်း အကြောက်တရားများ မရှိတော့ပေ။ သူတစ်ယောက်တည်းဆိုလျှင်တော့ ချက်ချင်း လှည့်ပြေးမိမည်မှာ သေချာသော်လည်း သူ့ဖေဖေက ဘယ်သူနဲ့မှ ယှဉ်လို့မရအောင် အစွမ်းထက်တာပဲလေ။ ကြောက်မက်ဖွယ်ကောင်းလှသော လှံကြီးပေါ်ရှိ တောက်ပသော အဖြူရောင် မီးတောက်ကို မြင်လိုက်ရသောအခါ သူ၏ ယုံကြည်မှုများ ပိုမိုမြင့်တက်လာသည်။</p> <p>​"ဟုတ်တယ် ဖေဖေ ရှိနေတာပဲ ဘာမှဖြစ်မှာ မဟုတ်ပါဘူး"</p> <p>​"အဲ့ဒါမှ သားကွ ကဲ အဲ့ဒါဆို"</p> <p>​ယူးအီဟန်က ကိုယ်ကိုကိုင်းချလိုက်ပြီး ယူးမီးရ်၏ ခေါင်းပေါ်သို့ မှီချလိုက်သည်။ အိုရိုချီ၏ အသိစိတ်က အမြီးရှစ်ချောင်းနဂါးလှံ၏ အဖျားဆီသို့ စုစည်းသွားပြီး လှံဖျားတွင် ရောက်ရှိနေသော ထာဝရမီးတောက်က အဖြူရောင် မီးတောက်များကို ပိုမိုထက်မြက်သွားစေသည်။</p> <p>​ဤအချိန်တွင် သူတို့သုံးဦး၏ ဆန္ဒက တစ်ခုတည်း ဖြစ်သွားသည်။ ယူးအီဟန်သည် ဝိညာဉ်များကို အသုံးချနိုင်သော သေမင်းတမန် ဖြစ်နေသောကြောင့်သာ ဤကဲ့သို့ သုံးပါးပေါင်း တစ်ဆူ အသိစိတ်များ ပေါင်းစပ်သွားနိုင်ခြင်း ဖြစ်သည်။ သူ့ကို ရင်ဆိုင်ရမည့်သူများအနေဖြင့် ခန္ဓာကိုယ်ထက် ဝိညာဉ်အပေါ် သက်ရောက်မည့် တုန်လှုပ်မှုကိုသာ ပိုမိုစိုးရိမ်ရမည်ဖြစ်သည်။</p> <p>​"သွားကြမယ်"</p> <p>​ယူးအီဟန် ခပ်တိုးတိုး ရေရွတ်လိုက်သည်နှင့် တစ်ပြိုင်နက် ယူးမီးရ်က သူ၏ မာနာစွမ်းအင်များအားလုံးကို လေစွမ်းအင်အဖြစ် ပြောင်းလဲကာ မြေပြင်ဆီသို့ အရှိန်အဟုန်ပြင်းစွာ ထိုးဆင်းသွားတော့သည်။</p> <p>​"ဝင်တိုက်မိခါနီးလေးတင် အခုပဲ"</p> <p>​ယူးအီဟန်က မျက်လုံးများကို ပြူးကျယ်ထားရင်း သူနှင့် ရန်သူကြားရှိ အကွာအဝေးကို တွက်ချက်လိုက်သည်။ အကာအကွယ်မှော် အစီအရင်ကို ဖောက်ထွက်ကာ ရွက်ဖျင်တဲ၏ မျက်နှာကြက်ကိုပါ ဖောက်ထွင်းပြီးနောက် အထူးပြုလုပ်ထားသော ကုတင်ကြီးပေါ်တွင် အိပ်ပျော်နေသော ၃ မီတာခန့် အရပ်ရှည်သည့် နတ်ဆိုးကြီး၏ ခေါင်းကို လှံဖြင့် ထိုးစိုက်လိုက်လေသည်။</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး"</p> <p>​"အထိ"</p> <p>​"ခွပ်"</p> <p>​ရုတ်တရက် တိုက်ခိုက်ခံလိုက်ရကြောင်း သိလိုက်ရသဖြင့် ၎င်းက မျက်လုံးများကို ဖွင့်လိုက်ချိန်တွင်တော့ အရာအားလုံး နောက်ကျသွားခဲ့လေပြီ။</p> <p>​"မင်း မင်းက"</p> <p>​၎င်းက မျက်လုံးများကို မနည်းအားယူ ဖွင့်ကြည့်လိုက်ပြီး ရွက်ဖျင်တဲကို ဖောက်ထွင်းဝင်ရောက်လာသော ယူးအီဟန်နှင့် ယူးမီးရ်တို့ကို ကြည့်လိုက်သည်။ အဆင့်မြင့်မြတ်သူတွေက တကယ်ကို အံ့သြစရာကောင်းတယ်လို့ ယူးအီဟန် တွေးလိုက်မိသည်။ အံ့သြစရာတော့ မဟုတ်ပါ။ ယခုလေးတင် သူက ခြေရာခံမရသော လမ်းကြောင်း လှံ စွမ်းရည်ကို အသုံးပြုကာ ၎င်း၏ ခေါင်းနှင့် နှလုံးသား အပါအဝင် ခန္ဓာကိုယ်ပေါ်တွင် အပေါက်ခုနစ်ပေါက်ဖြစ်အောင် ထိုးစိုက်ခဲ့ပြီး ခေါင်း၊ ရင်ဘတ်နှင့် ဗိုက်တို့ကိုပါ ခုတ်ပိုင်းပစ်ခဲ့သည် မဟုတ်ပါလား။</p> <p>​ရန်သူများ၏ အားနည်းချက်များကို မသိသေးသဖြင့် သူက အရာအားလုံးကို ခုတ်ပိုင်းပစ်ရန်သာ စဉ်းစားထားခြင်းဖြစ်သည်။ ယူးအီဟန်၏ တွေးခေါ်မှုများက မလွဲချော်ခဲ့ပေ။ ဤကောင်တွင် အလွန်အားကောင်းသော အသက်ရှင်သန်နိုင်စွမ်း ရှိပုံရပြီး ဦးနှောက်များ ပျက်စီးသွားကာ နှလုံးသား ပေါက်ကွဲထွက်သွားသည့်အပြင် ကျောရိုးများ ကျိုးကြေကာ ခန္ဓာကိုယ်တစ်ခုလုံး သုံးပိုင်းပြတ်သွားသည့်တိုင် မသေသေးပေ။</p> <p>​"တကယ်ကို အံ့သြစရာကောင်းလောက်အောင် သန်မာတဲ့ကောင်ပဲ ဒါပေမဲ့"</p> <p>​ပြတ်ထွက်သွားသော ခေါင်းကြီးက သူ့ဘာသာသူ စကားပြောနေသည်ကို မြင်လိုက်ရသဖြင့် အတော်လေး ကျောချမ်းစရာကောင်းလှသော်လည်း ပြတ်တောက်သွားသော အစိတ်အပိုင်းများက ပြန်လည်ဆက်စပ်လာနေသည်။ သို့သော် ယူးအီဟန်က အရူးမှ မဟုတ်တာ။</p> <p>​"သန်မာတဲ့ကောင် ဒါပေမဲ့ ဘာဖြစ်လဲ"</p> <p>​"အီး ကီး"</p> <p>​သူ၏ လှံချက်တိုင်းတွင် အဖြူရောင် မီးတောက်များ ပါဝင်နေပြီး ယင်းကပင် အလွန်တရာ အစွမ်းထက်မြက်နေပြီ ဖြစ်သည်။ ထို့အပြင် ယူးအီဟန်ထံမှ မီးတောက်စွမ်းရည်၏ အကျိုးသက်ရောက်မှုများပါ ပေါင်းစပ်သွားသောအခါ အဖြူရောင် မီးတောက်များက ခန္ဓာကိုယ် ပြန်လည်ကုစားခြင်းကို အဟန့်အတားဖြစ်စေကာ တဝေဝေလောင်ကျွမ်းရင်း ထပ်ဆောင်းထိခိုက်မှုများပါ ပေးစွမ်းနေလေသည်။</p> <p>​"သန်မာတဲ့ကောင် ဒါပေမဲ့ ဘာဖြစ်လဲ မင်းက ငါ့ကို မနိုင်သေးဘူးလေ လို့ ပြောမလို့လား ဒါမှမဟုတ် ငါ့လူတွေ မကြာခင် ရောက်လာတော့မယ် လို့ ပြောမလို့လား တစ်ခုခုတော့ ပြောလေကွာ ဥပမာ ကုတင်အောက်မှာ ဗုံးဝှက်ထားတာပဲဖြစ်ဖြစ် ငါ့ရဲ့ အဖိုးတန် လက်စွပ်လေးကို မင်း ယူထားတာပဲဖြစ်ဖြစ်"</p> <p>​"အား အု"</p> <p>​၎င်းက ခန္ဓာကိုယ် ပြန်လည်ကုစားနေစဉ်အတွင်း ယူးအီဟန်ကို အပိုင်းပိုင်းအစစ ခုတ်ထစ်ပစ်ရန် စဉ်းစားထားပုံရသည်။ သို့သော်လည်း ၎င်း၏ ခန္ဓာကိုယ်မှ မာနာစွမ်းအင်များကို စုပ်ယူနေသော အဖြူရောင် မီးတောက်များက ငြိမ်းမသွားသည့်အပြင် ပိုမိုပျံ့နှံ့လာနေသည်။ သေချာတာပေါ့ ယူးအီဟန်နဲ့ ယူးမီးရ်တို့ရဲ့ ကိုယ်ပျောက်ခြင်း စွမ်းရည်က အာနိသင်ပြယ်သွားပြီဆိုတော့ စစ်ကူတွေ ရောက်လာတော့မှာလေ။</p> <p>​"စိတ်အနှောင့်အယှက် မဖြစ်ရခင် အမြန် အဆုံးသတ်လိုက်ကြတာပေါ့"</p> <p>​ယူးအီဟန်က လှံဖျားပေါ်ရှိ အစိမ်းရောင် သွေးများကို လျှာဖြင့် လျက်လိုက်သည်။ ထိုမြင်ကွင်းကို မြင်လိုက်ရသောအခါ သုံးပိုင်းပြတ်နေသော နတ်ဆိုးကြီးက အားရပါးရ ရယ်မောလိုက်သည်။ ယူးအီဟန်က အလွန်တရာ မိုက်မဲသော အလုပ်တစ်ခုကို လုပ်လိုက်ပြီဟု ၎င်းက ကောက်ချက်ချလိုက်ခြင်း ဖြစ်သည်။</p> <p>​"မင်း အဲ့ဒါ ဟားဟားဟား မိုက်မဲပြီး မာနကြီးလွန်းတဲ့ကောင်"</p> <p>​"ဟင်း"</p> <p>​ယူးအီဟန်က ၎င်း၏ ပေါက်ကရစကားများကို လျစ်လျူရှုလိုက်ပြီး သူ၏ မှတ်တမ်းကို ခွဲခြမ်းစိတ်ဖြာကာ ထပ်မံဖြည့်စွက်နိုင်ရန် သွေး၏ အရသာကို တတ်နိုင်သမျှ သေချာစွာ မြည်းစမ်းလိုက်သည်။</p> <p>​မှတ်တမ်း စွမ်းရည် အဆင့် ၃ သို့ ရောက်ရှိသွားပါပြီ။</p> <p>​ပြင်းထန်သောအဆိပ်ခုခံမှု စွမ်းရည်ကို အပြည့်အဝ မကျွမ်းကျင်ထားသူများအတွက်မူ ဤအဆိပ်က ခံနိုင်ရည်ရှိမည် မဟုတ်ပေ။ သို့ရာတွင် ၎င်းက ထိုသွေးပိုင်ရှင်အား အကန့်အသတ်မရှိ ပြန်လည်ကုစားနိုင်စွမ်းကို ပေးစွမ်းနိုင်ပြီး မာနာစွမ်းအင်များကိုလည်း သူ့ဘာသာသူ ထုတ်လုပ်ပေးနိုင်သည်။</p> <p>​အင်း အဲ့ဒါဆိုလည်း ဘာရှိသေးလဲ။</p> <p>​"မင်း မင်း ဘယ်လိုလုပ်ပြီး မလဲကျသွားတာလဲ"</p> <p>​"အာ ဟုတ်ပြီ"</p> <p>​ယူးအီဟန်က လှံကို ပြန်လည်ဆွဲကိုင်လိုက်ရင်း နတ်ဆိုးကြီး၏ အနောက်ဘက်တွင် ထွက်ပေါ်နေကာ ဟိုဒီရမ်းနေသော သံချပ်ကာအမြီးကြီးကို လှမ်းကြည့်လိုက်သည်။</p> <p>​"မင်းရဲ့ အမြီးက မင်းရဲ့ အားနည်းချက်ပဲ မဟုတ်လား"</p> <p>​"!"</p> <p>​ယူးအီဟန် ပြောလိုက်သည်နှင့် တစ်ပြိုင်နက် ပြတ်တောက်နေသော ခေါင်းကြီးနှင့် အပေါ်ပိုင်း ကိုယ်ထည်ကြီးက သူ့ထံသို့ ချက်ချင်း ပြေးဝင်လာသည်။ သို့သော် ယူးအီဟန်က ယူးမီးရ်၏ ခေါင်းပေါ်မှ ခုန်ဆင်းကာ ၎င်းကို ရှောင်တိမ်းလိုက်ပြီး သူ၏ အမြီးရှစ်ချောင်းနဂါးလှံကို ပစ်ပေါက်လိုက်သည်။</p> <p>​ယူးမီးရ်က ၎င်းကို တားဆီးရန် လေစွမ်းအင်များ ဖန်တီးနေစဉ်မှာပင် အဖြူရောင် မီးတောက်များ လွှမ်းခြုံထားသော အမြီးရှစ်ချောင်းနဂါးလှံသည် ကြယ်တံခွန်တစ်ခုကဲ့သို့ လမ်းကြောင်းတစ်ခု ဖန်တီးကာ အမြီးကြီးကို ခုတ်ပိုင်းပစ်လိုက်လေသည်။</p> <p>​"အား"</p> <p>​အမြီးကြီး ပြတ်တောက်သွားသည်နှင့် တစ်ပြိုင်နက် လေထဲသို့ သွေးများ အမြောက်အမြား ပန်းထွက်သွားသော်လည်း အဖြူရောင် မီးတောက်များက လေထဲသို့ပါ ပျံ့နှံ့သွားသဖြင့် သွေးများ ချက်ချင်း အငွေ့ပျံသွားတော့သည်။</p> <p>​ပြီးသွားပြီ။ နောက်ထပ် စကားတစ်ခွန်းမျှပင် အော်ဟစ်နိုင်ခြင်း မရှိတော့ဘဲ မြေပြင်ပေါ်သို့ လဲကျကာ သေဆုံးသွားလေသည်။ သီးခြားစီ ဖြစ်နေသော ခန္ဓာကိုယ် အစိတ်အပိုင်းသုံးခု တစ်ပြိုင်နက်တည်း လဲကျသွားသည့် မြင်ကွင်းက အတော်လေး ရယ်စရာကောင်းလှသည်။</p> <p>​သင် အတွေ့အကြုံများ ရရှိလိုက်ပါပြီ။</p> <p>​သင်သည် အဆင့် ၂၇၂ သို့ ရောက်ရှိသွားပါပြီ။ ခွန်အား ၃၊ လျင်မြန်မှု ၂၊ ကျန်းမာရေး ၂၊ မှော်စွမ်းအင် ၃ တိုးလာပါမည်။</p> <p>​သင်သည် အဆင့် ၃၁၇ ဘလာတေးလ်၏ မှတ်တမ်းကို ရရှိလိုက်ပါပြီ။</p> <p>​တစ်ပြိုင်နက်တည်း အဆင့်နှစ်ဆင့် တက်သွားသည်။ ဤသည်မှာ ယူးမီးရ်နှင့် အတွေ့အကြုံများကို ခွဲဝေယူပြီးနောက်မှ ဖြစ်သည်။ အဆင့်မြင့်မြတ်သူများက အဆင့်နိမ့်သူများထက် အတွေ့အကြုံ ပိုမိုများပြားစွာ ပေးစွမ်းနိုင်ခြင်းက အကြောင်းရင်းတစ်ခု ဖြစ်သော်လည်း ယူးအီဟန်၏ အတွေ့အကြုံမှာ အဆင့် ၂၇၁ သို့ ရောက်ခါနီး ဖြစ်နေသောကြောင့်လည်း ပါဝင်သည်။</p> <p>​"ဖေဖေ သား တစ်ခါတည်း အဆင့်နှစ်ဆင့် တက်သွားတယ်"</p> <p>​"အခုကစပြီး သား ပိုမြန်မြန် အဆင့်တက်တော့မှာ"</p> <p>​ယူးအီဟန်က အစိတ်အပိုင်း သုံးခု၊ အမြီးပါ ထည့်ပေါင်းလျှင် လေးခုကို သူ၏ သိုလှောင်ရုံအတွင်းသို့ ထည့်လိုက်ပြီး မြေပြင်ပေါ်တွင် ပြန့်ကျဲနေသော သွေးများကိုပါ စုဆောင်းလိုက်သည်။ ဤသည်မှာ ယူးအီဟန်နှင့် ယူးမီးရ်တို့ ရွက်ဖျင်တဲကို ဖောက်ထွင်းဝင်ရောက်ပြီးနောက် ၂၇ စက္ကန့်အကြာတွင် ဖြစ်သည်။</p> <p>​"သူတို့ သိသွားလောက်ပြီ မဟုတ်လား"</p> <p>​"သူတို့လူ သေသွားပြီဆိုတာကို သိသွားလောက်ပြီ အဲ့ဒါကြောင့် သူတို့ ဒီလို ထွက်ပြေးနေကြတာ မဟုတ်လား"</p> <p>​"သူတို့ ထွက်ပြေးနေကြတာလား"</p> <p>​"ဒါပေါ့"</p> <p>​သူတို့တွေ ဘယ်လောက်တောင် သနားစရာကောင်းလိုက်သလဲ။ ကျန်ရှိနေသော အဆင့်မြင့်မြတ်သူ နှစ်ဦးသည် သူတို့လူ သေဆုံးသွားကြောင်း အတည်ပြုလိုက်သည်နှင့် တစ်ပြိုင်နက် ချက်ချင်း ပူးပေါင်းကာ သူတို့၏ တာဝန်ကျရာနေရာများမှ ထွက်ပြေးသွားကြသည်။ သူတို့၏ ပြိုင်ဘက်မှာ အဆင့်နိမ့်သူတစ်ဦး ဖြစ်ကြောင်း သိနေလျက်နှင့်ပင်။ သူတို့နှစ်ဦး ပူးပေါင်းပြီး တိုက်ခိုက်ဖို့ ကြိုးစားလို့ ရနိုင်တာပဲလေ။</p> <p>​ဤအချက်က ယူးအီဟန် မျှော်လင့်မထားသော အရာဖြစ်သည်။ ထို့ကြောင့် သူ သက်ပြင်းချလိုက်မိသည်။</p> <p>​"မီးရ် သွားကြစို့ မြန်မြန်လုပ်"</p> <p>​"ဟုတ်ကဲ့ပါ ဖေဖေ"</p> <p>​ယူးအီဟန်က မြေပြင်ကို ကန်ထွက်ကာ ယူးမီးရ်၏ ခေါင်းပေါ်သို့ ပြန်တက်လိုက်သည်။ ထိုအချိန်တွင် အင်ပါယာစစ်တပ်သည်လည်း ကျူးကျော်သူ ရောက်ရှိနေကြောင်း သိသွားပြီး အတော်လေး ဆူညံသွားကြသော်လည်း ယူးအီဟန်က သူတို့ မည်သို့တုံ့ပြန်သည်ကို လုံးဝ ဂရုမစိုက်နိုင်တော့ပေ။</p> <p>​"အား"</p> <p>​ယူးမီးရ်က လေစွမ်းအင်များကို စုစည်းကာ အတောင်ပံများ၏ အနောက်ဘက်တွင် ပေါက်ကွဲစေပြီး အရှိန်ကို အစွမ်းကုန် မြှင့်တင်လိုက်သည်။ သူတို့က ရွက်ဖျင်တဲကို ဖောက်ထွက်ကာ နောက်တစ်ကြိမ် ထပ်မံပျံတက်သွားကြပြန်သည်။ စုရုံးရောက်ရှိလာကြသော အင်ပါယာစစ်သားများမှာ အကြောက်လွန်ကာ သတိလစ်မတတ်ပင်။</p> <p>​"န နဂါးကြီး"</p> <p>​"အို ဘုရားရေ နဂါးတွေ တကယ်ရှိနေတာပဲ"</p> <p>​"နေပါဦး နဂါးကြီးပေါ်မှာ လူတစ်ယောက် ရှိနေတယ် ကျစ် သိပ်မှေးမှိန်လွန်းလို့ ငါ သေချာမမြင်ရဘူး"</p> <p>​"မြန်လွန်းတယ် သူတို့ ဒီနေရာကနေ ထွက်သွားကြပြီ သူတို့ ဒီမှာ ဘာလာလုပ်ကြတာလဲ"</p> <p>​ယူးအီဟန်က ခေါင်းမော့ကာ မိုးကုတ်စက်ဝိုင်းကို ကြည့်လိုက်သည်။ အဆင့်မြင့်မြတ်သူ နှစ်ဦးက အတော်လေး ဝေးဝေးသို့ ရောက်နေပြီ ဖြစ်သော်လည်း သူတို့၏ ပုံရိပ်များကို သူ ယခုမြင်နေရပြီ ဖြစ်သည်။</p> <p>​"မီးရ် သား အမီလိုက်နိုင်မလား"</p> <p>​"လိုက်နိုင်တယ် ဖေဖေ"</p> <p>​ယူးမီးရ်က ယုံကြည်မှုအပြည့်ဖြင့် ကြေညာလိုက်သည်။ အမှန်တော့ သူက သူ၏ မာနာစွမ်းအင်အားလုံးကို လေစွမ်းအင်အဖြစ် ပြောင်းလဲကာ ရှေ့သို့ တွန်းကန်နေခြင်း ဖြစ်သည်။</p> <p>​"သား ဒီထက်ပိုမြန်အောင် ပျံနိုင်သေးတယ်"</p> <p>​ထိုအချိန်တွင် သူ၏ ခန္ဓာကိုယ်ကို ဖုံးလွှမ်းထားသော ရွှေရောင် အသက်ရှုစွမ်းအင်က နောက်ထပ် အတောင်ပံတစ်စုံကို ဖန်တီးပေးလိုက်သည့်အလား မူလက မြန်ဆန်နေပြီးသော အမြန်နှုန်းမှာ နှစ်ဆခန့် ပိုမိုမြန်ဆန်သွားသည်။ ယူးမီးရ် တစ်ယောက် လေထုတစ်ခုလုံး၏ အရှင်သခင်ဖြစ်သွားသကဲ့သို့ပင် ခံစားလိုက်ရသည်။</p> <p>​အမြန်နှုန်း အသစ်တစ်ခုကို ခံစားလိုက်ရသဖြင့် ယူးအီဟန် အတော်လေး သဘောကျသွားပြီး အပြုံးလေးတစ်ခုဖြင့် ပြင်ဆင်လိုက်သည်။</p> <p>​"ကောင်းပြီ ကိုယ်ပျောက်ခြင်း ပြန်သက်ဝင်လာပြီ"</p> <p>​လေထုကို ခွဲထွက်သွားသော အသံမှာ အလွန်ကျယ်လောင်သော်လည်း သူတို့နှစ်ဦး၏ တည်ရှိမှုများမှာမူ ပျောက်ကွယ်သွားဆဲပင်။ အဆင့်မြင့်မြတ်သူ နှစ်ဦးက ယူးအီဟန် လိုက်ဖမ်းခြင်းကို လက်လျှော့သွားပြီဟု ထင်မှတ်ကာ သူတို့၏ အမြန်နှုန်းကို လျှော့ချလိုက်ကြသည်။</p> <p>​မကြာမီမှာပင် အဖွဲ့နှစ်ဖွဲ့ကြားရှိ အကွာအဝေးမှာ လျင်မြန်စွာ ကျဉ်းမြောင်းလာပြီး ယူးအီဟန်က သူတို့ထဲမှ တစ်ဦးကို လှံဖြင့် လှမ်းပစ်နိုင်သည့် အနေအထားသို့ ရောက်ရှိလာသည်။ အနီးကပ် တိုက်ပွဲဆင်နွှဲခြင်းက ကောင်းမွန်သော်လည်း ဤနေရာမှ အဝေးပစ်တိုက်ခိုက်မှုတစ်ခုကို စမ်းသပ်ကြည့်ရန်လည်း အနေအထား အတော်လေး ကောင်းမွန်နေသည်။</p> <p>​သို့သော် ယူးအီဟန်က ခန္ဓာကိုယ်အတွင်းရှိ မာနာစွမ်းအင်များကို လှုပ်နှိုးနေစဉ်မှာပင် အဆင့်မြင့်မြတ်သူ နှစ်ဦးကြားရှိ စကားပြောသံများကို ကြားလိုက်ရသည်။</p> <p>​"အဆင့်နိမ့်သူ တစ်ယောက်က ဘယ်လိုလုပ်ပြီး ဘလာတေးလ်ကို သတ်နိုင်မှာလဲ"</p> <p>​"ငါလည်း မသိဘူး ငါကတော့ ကမ္ဘာမြေက ယူးအီဟန်ပဲ ဒီလိုမျိုး လုပ်နိုင်မယ်လို့ ထင်ခဲ့တာ"</p> <p>​"အဲ့ဒါ သူလို့ မင်း မထင်ဘူးလား"</p> <p>​"ဘယ်လိုမှ မဖြစ်နိုင်တာ သူက ကမ္ဘာမြေကနေ ထွက်သွားလို့ မရဘူးလေ ကောင်းကင်ဘုံတပ်မတော်က ကျိန်ဆဲချင်စရာကောင်းတဲ့ ကောင်တွေဖြစ်ပေမဲ့ အနည်းဆုံးတော့ စေ့စပ်ညှိနှိုင်းရေး စားပွဲပေါ်မှာ သူတို့ လိမ်မှာမဟုတ်ဘူး"</p> <p>​"..."</p> <p>​"ဖေဖေ"</p> <p>​ယူးအီဟန်က ဘာမှဝင်မပြောသောအခါ ယူးမီးရ်က စိုးရိမ်တကြီးဖြင့် လှမ်းခေါ်လိုက်သည်။ သို့သော် ယူးအီဟန်က ခေါင်းညိတ်ပြကာ တည်ငြိမ်စွာ ပြန်ဖြေလိုက်သည်။</p> <p>​"ဒီကောင်တွေကို ရှင်းပြီးမှပဲ အဲ့ဒီအကြောင်းကို စဉ်းစားကြတာပေါ့"</p> <p>​ပုံမှန်အားဖြင့် ဝတ္ထုတစ်ပုဒ်ထဲတွင် ဇာတ်လိုက်ဖြစ်သူသည် မဟာမိတ်၏ သစ္စာဖောက်မှုကို သိလိုက်ရသောအခါ အလွန်အမင်း ထိတ်လန့်သွားပြီး သစ်ကိုင်းကို နင်းမိခြင်း သို့မဟုတ် လက်နက် ပြုတ်ကျခြင်းများ ဖြစ်ပေါ်ကာ သူ၏ တည်ရှိမှုကို ရန်သူများ သိရှိသွားလေ့ရှိသော်လည်း ယူးအီဟန်ကမူ နေရာမှ တစ်လက်မမျှပင် မရွေ့လျားဘဲ သူ၏ လှံအတွင်းသို့ မာနာစွမ်းအင်များ ထည့်သွင်းကာ ရန်သူဆီသို့ လှမ်းပစ်လိုက်လေသည်။</p> <p>​"အထိရောက်ဆုံး တိုက်ခိုက်မှု"</p> <p>​"အား"</p> <p>​"ဟူး ငါ့ကိုများ ပုံမှန်ဇာတ်လိုက် တစ်ယောက်လို ဖြစ်အောင် လုပ်ဖို့ ကြိုးစားရဲသေးတယ်ပေါ့လေ"</p> <p>​"ဖေဖေက သိပ်မိုက်တာပဲ"</p> <p>​အထီးကျန်သမား ဘဝ။ အမြဲတမ်း နောက်ကျောကို ဓားနဲ့ အထိုးခံခဲ့ရသဖြင့် ဤမျှလောက် သစ္စာဖောက်ခံရခြင်းမှာ သူ့အတွက် ပြောပလောက်စရာ မရှိပေ။ ယူးအီဟန်က ယနေ့တွင်လည်း ကြိုတင်နိမိတ်ပြမှုများကို တိုက်ခိုက်အနိုင်ယူကာ နောက်တစ်ကြိမ် အောင်ပွဲခံနိုင်ခဲ့ပြန်လေပြီ။</p> <p>​</p> <p> </p> <p style="text-align: center;">အပိုင်း ( ၂၂၄ ) ပြီးဆုံး။</p> <p style="text-align: center;">***</p> <p> </p>


Save