Book List

<h2 style="text-align: center;">အပိုင်း ( ၂၂၅ )</h2> <h2 style="text-align: center;">​*</h2> <p> </p> <p> </p> <p>သင် အတွေ့အကြုံများ ရရှိလိုက်ပါပြီ။</p> <p>​သင်သည် အဆင့် ၂၇၃ သို့ ရောက်ရှိသွားပါပြီ။ ခွန်အား ၂၊ လျင်မြန်မှု ၁၊ ကျန်းမာရေး ၁၊ မှော်စွမ်းအင် ၁ တိုးလာပါမည်။</p> <p>​သင်သည် အဆင့် ၃၁၁ အာရေးရယ်လ်၏ မှတ်တမ်းကို ရရှိလိုက်ပါပြီ။</p> <p>​ယူးအီဟန်၏ လှံချက်မှာ ရန်သူကို ထိုးစိုက်ရုံမျှဖြင့် အဆုံးမသတ်ခဲ့ပေ။ အထိရောက်ဆုံး တိုက်ခိုက်မှု ပေါ်လာသည်ကို သူက ကံကောင်းသည်ဟု တွေးလိုက်သော်လည်း သူက ရန်သူ၏ အားနည်းချက်ကို ထိုးစိုက်မိပြီး တစ်ချက်တည်းဖြင့် သတ်ပစ်လိုက်နိုင်ပုံရသည်။ တစ်ချက်တည်းဖြင့် သတ်ပစ်လိုက်သဖြင့် သေမင်းတမန် စွမ်းရည်မှာ သက်ဝင်နေဆဲဖြစ်ရာ ၎င်းက အတော်လေး အမြတ်ထွက်စေသည်။</p> <p>​"အာရေးရယ်လ် အာရေးရယ်လ် အား ရန်သူလား မင်း ဘယ်မှာလဲ"</p> <p>​ငါးမန်းတစ်ကောင်နှင့် ဆင်တူသော ခေါင်းပုံစံရှိသည့် အဆင့်မြင့်မြတ်သူက ၎င်း၏ လူသေဆုံးသွားသည်ကို မြင်လိုက်ရသဖြင့် အကြောက်တရားဖြင့် ပတ်ဝန်းကျင်ကို လှည့်ပတ်ရှာဖွေလိုက်သော်လည်း တိုက်ခိုက်သူကို ရှာမတွေ့ခဲ့ပေ။</p> <p>​သို့ရာတွင် ၎င်းက တိုက်ခိုက်လိုက်၍ အဆင့်နိမ့်သူတစ်ဦးတစ်ယောက် ထိခိုက်သွားပါက ဖျက်ဆီးခြင်းနတ်ဆိုးတပ်မတော်၏ စည်းမျဉ်းများကို ချိုးဖောက်သည်ဟု သတ်မှတ်ခံရပြီး အဆင့်နိမ့်သူအဖြစ်သို့ ချက်ချင်း ကျဆင်းသွားမည်ဖြစ်သည်။ တတ်နိုင်မည်ဆိုလျှင် ဤနေရာမှ တတ်နိုင်သမျှ မြန်မြန် ထွက်ပြေးသွားရန်သာ ရှိတော့သည်။</p> <p>​"ကျစ် ဒါ ဘယ်လို နတ်ဆိုးမျိုးလဲ သဘာဝအလျောက် ဖြစ်တည်လာတာဆိုရင်တောင် အဓိပ္ပာယ်မရှိဘူး ကျစ် ကျစ်"</p> <p>​၎င်းက ဘာမှမတတ်နိုင်တော့ကြောင်း သဘောပေါက်သွားပုံရပြီး လှည့်ကာ ထွက်ပြေးတော့သည်။ ၎င်းက ဒီအတိုင်းပင် ကမ္ဘာကို စွန့်ခွာသွားတော့မည့်ပုံ ပေါ်သော်လည်း မည်မျှပင် မြန်မြန်ပြေးစေကာမူ ယူးအီဟန်နှင့် ယူးမီးရ်တို့ကို ကျော်လွန်ပြေးနိုင်မည် မဟုတ်ပေ။</p> <p>​"ကဲ အဲ့ဒါဆိုလည်း"</p> <p>​ယူးအီဟန်က မြေပြင်သို့ ကျဆင်းသွားသော အာရေးရယ်လ်၏ အလောင်းကို အရင်ကောက်ယူလိုက်ပြီး ထိုကောင်၏ ကျောဘက်ဆီသို့ ပျံသန်းသွားနေစဉ်မှာပင် မီးရ်၏ ခေါင်းကို ပွတ်သပ်ရင်း စကားဆိုလိုက်သည်။</p> <p>​"မီးရ် လေ့ကျင့်မှုလေး နည်းနည်း လုပ်ကြည့်ကြမလား ဖေဖေ နှစ်ခါတောင် ပြထားပြီးပြီဆိုတော့ သား လုပ်နိုင်တယ် မဟုတ်လား"</p> <p>​"ဒါ ဒါပေမဲ့ သူက သိပ်ကြောက်စရာကောင်းတာပဲ သား သူ့ကို မသတ်နိုင်ဘူး"</p> <p>​"ဘယ်လိုပဲဖြစ်ဖြစ် သားက သူ့ကို တစ်ချက်တည်းနဲ့ မသတ်နိုင်ပါဘူး အဲ့ဒါကြောင့် အထိရောက်ဆုံး တိုက်ခိုက်မှုတစ်ခု ရဖို့ကို ပထမရည်မှန်းချက်အနေနဲ့ ထားလိုက်ကြတာပေါ့ သားမှာ သာမန်ထက်လွန်ကဲသောခွန်အား နဲ့ အထိရောက်ဆုံး တိုက်ခိုက်မှု စွမ်းရည်တွေ ရှိတယ် မဟုတ်လား"</p> <p>​"ဟုတ် သား အဲ့ဒီနှစ်ခုလုံးကို အပြည့်အဝ ကျွမ်းကျင်တော့မှာ ပြီးတော့ သားဆီမှာ တခြား အထောက်အပံ့ပေးနိုင်တဲ့ စွမ်းရည်တွေလည်း အများကြီး ရှိသေးတယ်"</p> <p>​"ကောင်းတယ် သိပ်ကောင်းတာပေါ့"</p> <p>​ယူးမီးရ်သည် ယူးအီဟန်ထံမှ သာမန်ထက်လွန်ကဲသောခွန်အား စွမ်းရည်ကို အမွေဆက်ခံရရှိထားသည်။ ထို့အပြင် သူ၏ မှော်စွမ်းအင်နှင့် ခွန်အားကို အဆပေါင်းများစွာ တိုးမြှင့်ပေးနိုင်သော နတ်ဘုရားခွန်အား စွမ်းရည်လည်း ရှိနေသေးသည်။ ၎င်းကို သူ စတုတ္ထအဆင့်သို့ ရောက်ရှိချိန်က ရရှိခဲ့ခြင်းဖြစ်သည်။ သာမန်ထက်လွန်ကဲသောခွန်အား စွမ်းရည်သည် မူလက နဂါးတစ်ကောင်အနေဖြင့် သင်ယူခွင့်မရှိသော စွမ်းရည်ဖြစ်သော်လည်း သွေးနှောတစ်ဦးဖြစ်သော မီးရ်အတွက်မူ ယူးအီဟန်ထံမှ အမွေဆက်ခံခွင့် ရရှိခဲ့ခြင်းဖြစ်သည်။ လီဆစ်ဒ်နာက တကယ်ကို ဉာဏ်ပညာကြီးမားသော နဂါးတစ်ကောင်ပင်။</p> <p>​ထိုနည်းတူစွာပင် နဂါးများသည် မွေးရာပါ အနားယူခြင်း စွမ်းရည်ကို သင်ယူနိုင်စွမ်းမရှိသဖြင့် ထူးကဲသောပြန်လည်ကုစားခြင်း စွမ်းရည်ကိုလည်း မသင်ယူနိုင်ကြပေ။ သို့သော် မီးရ်က ယူးအီဟန်ထံမှ အနားယူခြင်း စွမ်းရည်ကို အမွေဆက်ခံရရှိထားသဖြင့် လက်ရှိတွင် သူ၏ အနားယူခြင်း စွမ်းရည်မှာ အဆင့် ၉၁ သို့ပင် ရောက်ရှိနေပြီ ဖြစ်သည်။</p> <p>​ယူးမီးရ်သာ အနားယူခြင်း စွမ်းရည်ကို အပြည့်အဝ ကျွမ်းကျင်သွားပြီး ထူးကဲသောပြန်လည်ကုစားခြင်း စွမ်းရည်အဖြစ် ဆင့်ကဲပြောင်းလဲနိုင်ခဲ့ပါက သူ၏ ကိုယ်ပိုင်စွမ်းရည်ဖြစ်သော နဂါးသွေး ပြန်လည်ကုစားခြင်း စွမ်းရည်နှင့် ပေါင်းစပ်သွားကာ ယူးအီဟန်ထက်ပင် ပိုမို ကြောက်မက်ဖွယ်ကောင်းသော ပြန်လည်ကုစားနိုင်စွမ်းကို ရရှိသွားနိုင်ပေသည်။</p> <p>​"ဟုတ်ပြီ ပထမဆုံးအချက်က အရာအားလုံးကို တတ်နိုင်သမျှ သေချာစောင့်ကြည့်ဖို့ပဲ ရွေ့လျားနေတဲ့ သက်ရှိတိုင်းမှာ အားနည်းချက်တစ်ခုတော့ ရှိစမြဲပဲလေ"</p> <p>​"ဟုတ်"</p> <p>​အတောင်ပံများကို ခတ်နေစဉ်မှာပင် ယူးမီးရ်၏ အမြင်အာရုံက ရန်သူထံသို့ စူးစိုက်သွားသည်။ ရန်သူ့အပေါ် အာရုံစိုက်လိုက်သောအခါ ယူးမီးရ်၏ ပျံသန်းမှုအမြန်နှုန်းမှာ ပိုမိုမြန်ဆန်လာသည်။</p> <p>​"အထိရောက်ဆုံး ဖြစ်မယ့် တိုက်ခိုက်ရမယ့် နေရာတစ်ခုတော့ ရှိရမယ် ပြီးတော့ သူရဲ့ မာနာစွမ်းအင် စီးဆင်းမှုပုံစံကို စောင့်ကြည့်တာကလည်း အထောက်အကူ ဖြစ်စေလိမ့်မယ် သူက မာနာစွမ်းအင်တွေ အကုန်ထုတ်ပြီး အသေအလဲ ထွက်ပြေးနေတာဆိုတော့ စောင့်ကြည့်ရတာ လွယ်ကူတယ် မဟုတ်လား"</p> <p>​"ဟုတ် သူက သိပ်သန်မာပေမဲ့ သား မြင်ရသလိုပဲ"</p> <p>​ပုံမှန်အားဖြင့် နဂါးများအတွက်ပင် အဆင့်မြင့်မြတ်သူ တစ်ပါး၏ မာနာစွမ်းအင် စီးဆင်းမှုပုံစံကို ဖတ်ရှုရန် မဖြစ်နိုင်သော်လည်း ရန်သူက လက်ရှိတွင် အရာအားလုံးကို ဂရုမစိုက်ဘဲ ထွက်ပြေးနေသဖြင့် အလွန်လွယ်ကူနေသည်။ ယူးမီးရ်၏ မျက်ဝန်းများ အရောင်လက်သွားသည်။</p> <p>​"ဘယ်နေရာကို တိုက်ခိုက်ရမလဲဆိုတာ သား ဆုံးဖြတ်လိုက်ပြီ"</p> <p>​"သားရဲ့ တိုက်ခိုက်မှုကို အားဖြည့်ပေးနိုင်တဲ့ နည်းလမ်းတွေအကုန်လုံး အသက်သွင်းလိုက်ပြီး တစ်နေရာတည်းကိုပဲ အာရုံစိုက်ထားလိုက်"</p> <p>​"နားလည်ပြီ ဖေဖေ"</p> <p>​"ပြီးတော့ အဆင်သင့်ဖြစ်ပြီဆိုတာနဲ့ ချက်ချင်း တိုက်ခိုက်လိုက် ဖေဖေက ချက်ချင်း ဝင်ကူပေးမှာမို့ နောက်ကနေ ဘာတွေလာမလဲဆိုတာကို စိတ်မပူနဲ့ သားစိတ်ကြိုက်သာ တိုက်ခိုက်လိုက်"</p> <p>​"ဟုတ်ကဲ့ပါ"</p> <p>​ယူးမီးရ်က နောက်ဆုံးအကြိမ်အနေဖြင့် အရှိန်မြှင့်လိုက်ပြီး သူ၏ ရှေ့လက်သည်းများဖြင့် တိုက်ခိုက်ရန် ပြင်ဆင်လိုက်သည်။ ယူးအီဟန် ဒါရူးတွင် တွေ့ခဲ့ဖူးသော နဂါးများနှင့် မတူဘဲ သူ၏ ရှေ့လက်သည်းများမှာ ပိုမိုတုတ်ခိုင်နေပြီး ၎င်းကို ဖုံးလွှမ်းထားသော ရွှေရောင် အသက်ရှုစွမ်းအင်က ဆန်းကြယ်သော ပုံစံဖြင့် တုန်ခါသွားကာ လက်သည်းများကို ပိုမိုရှည်လျား ထက်မြက်သွားစေသည်။</p> <p>​"ဟူး"</p> <p>​ယူးမီးရ်၏ လက်သည်းများက လက်နက်အများစုထက်ပင် ပိုမိုရှည်လျားလာသည်။ လက်သည်း၏ အဖျားတွင် လေစွမ်းအင်များ စုစည်းနေသည်။ ရုပ်လုံးပေါ်လာသည်အထိ သိပ်သည်းနေသော လေစွမ်းအင်များက သူ၏ လက်သည်းများကို အလွှာပေါင်းများစွာ ဖုံးလွှမ်းသွားပြီး အလွှာတစ်ခုစီက လက်သည်းကို ဗဟိုပြုကာ မတူညီသော လမ်းကြောင်းများဆီသို့ လည်ပတ်နေသဖြင့် ကြောက်မက်ဖွယ်ကောင်းသော အသံတစ်ခု ထွက်ပေါ်နေသည်။ ၎င်းကို မြင်လိုက်ရသောအခါ ယူးအီဟန်က မနေနိုင်တော့ဘဲ မေးလိုက်မိသည်။</p> <p>​"အဲ့ဒါ သား ဖန်တီးထားတဲ့ မှော်ပညာလား"</p> <p>​"ဟုတ်တယ် ရွှေရောင် အသက်ရှုစွမ်းအင်ကြောင့် ဖြစ်နိုင်သွားတဲ့ မှော်ပညာလေ သားရဲ့ လေစွမ်းအင် ထိန်းချုပ်မှုက ပိုကောင်းလာလို့ အခု တကယ့်တိုက်ပွဲမှာ သုံးလို့ရသွားပြီ"</p> <p>​ယူးမီးရ်က တက်ကြွသော အသံလေးဖြင့် ပြန်ဖြေလိုက်သော်လည်း သူ၏ လက်သည်းများကို ကြည့်ရသည်မှာ သူပြောသလောက် လွယ်ကူမည့်ပုံ မပေါ်ပေ။ သူ၏ သားလေးမှာ မွေးကတည်းက အနည်းငယ် ကြောက်စရာကောင်းသည်ဟု ယူးအီဟန် တွေးလိုက်မိသော်လည်း ၎င်းက အခြားသူများ သူ့အပေါ် မြင်သည့်အမြင်နှင့်တော့ ဘာမှကွာခြားမည် မဟုတ်ပေ။</p> <p>​"အဲ့ဒါဆိုရင် အိ"</p> <p>​မှော်ပညာနှင့် စွမ်းရည်တို့ ပြီးပြည့်စုံစွာ ဟန်ချက်ညီသွားသည်နှင့် တစ်ပြိုင်နက် ယူးမီးရ်က နောက်ဆုံး အရှိန်ယူရန် အတောင်ပံများကို ခေါက်ချလိုက်သည်။ တိုက်တိုက်ဆိုင်ဆိုင်ပင် ရန်သူက အနည်းငယ် ပင်ပန်းသွားကာ အမြန်နှုန်း အနည်းငယ် လျော့ကျသွားပြီး ထိုအချိန်ကို စောင့်ဆိုင်းနေသည့်အလား ယူးမီးရ်က သူ၏ လက်သည်းများကို ရန်သူ၏ လည်ပင်းဆီသို့ ထိုးစိုက်လိုက်လေသည်။</p> <p>​"အထိရောက်ဆုံး တိုက်ခိုက်မှု"</p> <p>​"အား"</p> <p>​ယူးမီးရ်၏ ချောင်းမြောင်းတိုက်ခိုက်မှုက ပြီးပြည့်စုံသည်။ စတုတ္ထအဆင့် မတိုင်မီက နတ်ဆိုးများကို ရင်ဆိုင်ခဲ့ရသော သူ၏ စွမ်းရည်များက ဘယ်မှမရောက်သွားကြောင်း သို့မဟုတ် ယူးအီဟန်နှင့်အတူ တိုက်ခိုက်သည့်အခါ တိုးတက်လာသော သူ၏ စွမ်းရည်များက အကျိုးသက်ရောက်သွားခြင်း ဖြစ်ပုံရသည်။ သူ၏ တိုက်ခိုက်မှုက ရန်သူကို လွင့်စဉ်သွားစေသည်။</p> <p>​ရန်သူက ကောင်းကင်ပေါ်ရှိ ကြယ်တစ်ပွင့်ဖြစ်သွားမည့်အလား လွင့်စဉ်သွားသော်လည်း မကြာမီမှာပင် မိမိ၏ ကိုယ်ပိုင်စွမ်းအားကို အသုံးပြုကာ လေထဲတွင် ရပ်တန့်သွားသည်။ သို့သော် လမ်းကြောင်းတစ်လျှောက် လေထဲတွင် ပြန့်ကျဲနေသော အပြာရောင် သွေးများက ဒဏ်ရာမည်မျှ ပြင်းထန်ကြောင်း သက်သေပြနေသည်။</p> <p>​"အား မင်း ငါ့ကို တိုက်ခိုက်တယ်ပေါ့ ဟား"</p> <p>​လက်သည်းများ ထိုးစိုက်မိသည်နှင့် တစ်ပြိုင်နက် လေစွမ်းအင် အလွှာပေါင်းများစွာက ရန်သူ၏ လည်ပင်းကို ဖောက်ထွင်းကြိတ်ခြေပစ်လိုက်ရာ ၎င်း၏ ခေါင်းနှင့် ခန္ဓာကိုယ် ဆက်သွယ်ထားသော အစိတ်အပိုင်းမှာ အပိုင်းပိုင်းအစစ ဖြစ်သွားသည်။ အဆင့်မြင့်မြတ်သူများ၏ ခိုင်မာသော အသက်ရှင်သန်နိုင်စွမ်းကို ထည့်ပြောစရာ မလိုသော်လည်း ဒဏ်ရာမှ ပန်းထွက်နေသော သွေးပမာဏကို ကြည့်ရသည်မှာ သွေးထွက်လွန်ပြီး သေသွားမလားဟုပင် တွေးထင်ရလောက်အောင် ဖြစ်နေသည်။</p> <p>​"ဟင့် သူ မသေသေးဘူးပဲ"</p> <p>​"ရပါတယ် သား သိပ်တော်တာပဲ"</p> <p>​ချောင်းမြောင်းတိုက်ခိုက်မှုကို အဆုံးသတ်လိုက်သည်နှင့် တစ်ပြိုင်နက် ယူးမီးရ်က သူ၏ ခန္ဓာကိုယ်ကို လေအမြှေးပါးများဖြင့် လွှမ်းခြုံကာ လျင်မြန်စွာ နောက်ဆုတ်သွားသည်။ ကျရှုံးနိုင်ခြေအတွက်ပါ ကြိုတင်ပြင်ဆင်ထားသော သူ့ကို အမှတ်ပေးရလျှင် အနည်းဆုံး ၁၀၀ ဖိုး ၈၅ မှတ်တော့ ရပေမည်။</p> <p>​ယူးအီဟန်သာဆိုလျှင် ရန်သူက အထိရောက်ဆုံး တိုက်ခိုက်မှု ခံရချိန်တွင် အားနည်းချက်တစ်ခုကို ရှာဖွေကာ နောက်တစ်ကြိမ် ထပ်မံတိုက်ခိုက်မည် ဖြစ်သော်လည်း ယူးမီးရ်ကဲ့သို့ ခံစစ်အနေအထား ယူလိုက်ခြင်းကလည်း မဆိုးလှပေ။ တိုက်ပွဲအကြောင်း လေ့လာသုံးသပ်သည့်အခါ ကျန်သည့်အချက်များကို ပြောပြရန် သူ စဉ်းစားထားသည်။</p> <p>​"ငါ မင်းကို သတ်မယ်"</p> <p>​ထိုအချိန်တွင် အထိရောက်ဆုံး တိုက်ခိုက်မှုကြောင့် လွင့်စဉ်သွားသော ငါးမန်းကြီးက ယူးအီဟန်နှင့် ယူးမီးရ်တို့၏ ပုံရိပ်များကို အတည်ပြုလိုက်သည်နှင့် တစ်ပြိုင်နက် ၎င်း၏ ခန္ဓာကိုယ်ကို ချက်ချင်း ကြီးထွားလာစေသည်။ မိမိကိုယ်ကို ကာကွယ်ခြင်း သတ်မှတ်ချက်နှင့် ကိုက်ညီသွားသဖြင့် ၎င်းက အဆင့်မြင့်မြတ်သူ တစ်ပါး၏ စွမ်းအားများကို ယခု အသုံးပြုနိုင်ပြီဖြစ်သည်။ သူတို့နှစ်ဦးက အဖွဲ့တစ်ခုတည်း ဖြစ်နေသဖြင့် ယူးအီဟန်ကိုပါ မည်သည့် အဟန့်အတားမျှ မရှိဘဲ တိုက်ခိုက်နိုင်ပြီဖြစ်သည်။</p> <p>​"ဒီပုံစံက အဲ့ဒါဆို မင်းက ယူးအီဟန်ပေါ့"</p> <p>​"မှန်တယ်"</p> <p>​"မင်းလုပ်နိုင်တဲ့ တစ်ခုတည်းသော ချောင်းမြောင်းတိုက်ခိုက်မှုက ကျရှုံးသွားပြီဆိုတော့ အခု မင်း ဘာလုပ်မလဲ အဆင့်မြင့်မြတ်သူ တစ်ပါးကို အံတုရဲတဲ့အတွက် မင်းကို အလျော်ပေးခိုင်းမယ်"</p> <p>​"အင်း မင်းလုပ်ချင်သမျှ အကုန်လုပ်ကြည့်လိုက်လေ"</p> <p>​၎င်းက ဒေါသတကြီးဖြင့် ခန္ဓာကိုယ်အတွင်းမှ မာနာစွမ်းအင်များကို ထုတ်ဖော်နေသော်လည်း ယူးအီဟန်က ရိုးရိုးရှင်းရှင်းသာ ပြန်ဖြေလိုက်ပြီး သူ၏ လှံကို မြှောက်ကိုင်လိုက်သည်။ ထိုအချိန်တွင် အဖြူရောင် မီးတောက်များက လေထဲသို့ ပျံ့နှံ့သွားသည်။ ငါးမန်းကြီးက မီးတောက်များ၏ အဆင့်အတန်းကို ခံစားမိသွားပြီး တစ်ခုခု မှားယွင်းနေကြောင်း နောက်ဆုံးတွင် သဘောပေါက်သွားသည်။</p> <p>​"ဒီစွမ်းအင်က"</p> <p>​"ဒါပေမဲ့ မင်းလည်း ထွက်ပြေးနိုင်မှာ မဟုတ်ပါဘူး"</p> <p>​ငရဲချခြင်းသည် မြေပြင်ပေါ်တွင်ဖြစ်စေ ရေအောက်တွင်ဖြစ်စေ လေထဲတွင်ဖြစ်စေ အသက်သွင်းနိုင်သော စွမ်းရည်တစ်ခုဖြစ်သည်။ စွမ်းရည် သက်ဝင်သွားသည်နှင့် တစ်ပြိုင်နက် ယူးအီဟန်၏ ပတ်ဝန်းကျင်ရှိ နယ်မြေက သူ၏ ပိုင်နက်ဖြစ်သွားပြီး အတွင်းရှိ ရန်သူများ၏ အဆင့်အတန်းမှာ တစ်ဆင့် ကျဆင်းသွားမည်ဖြစ်ကာ ထွက်ပြေးလွတ်မြောက်ရန် မည်မျှပင် ရုန်းကန်စေကာမူ ပိုင်နက်အတွင်းရှိ နာကြည်းနေသော ဝိညာဉ်များက ၎င်းကို လွှတ်ပေးမည် မဟုတ်ပေ။</p> <p>​"ငါ့ ငါ့ရဲ့ မာနာစွမ်းအင်တွေက ငါ့ရဲ့ အဆင့်အတန်းက"</p> <p>​"ဟား"</p> <p>​အတွေးဝိညာဉ်များ မီးတောက်များ အဆိပ်နှင့် ကျိန်စာများဖြင့် ပြုလုပ်ထားသော သံကြိုးများက အရပ်မျက်နှာ အသီးသီးမှ ထွက်ပေါ်လာပြီး ၎င်းကို ရစ်ပတ်ချုပ်နှောင်လိုက်သည်။ ယူးအီဟန်က သူ၏ လှံကို မြှောက်ကိုင်ကာ လက်မောင်းများကို အားပြုလိုက်သည်။ ငရဲချခြင်း ပိုင်နက်အတွင်း၌ သူ လွတ်လပ်စွာ အသုံးပြုနိုင်သော စွမ်းအားဖြစ်သည့် နတ်ဘုရားခွန်အား သက်ဝင်လာပြီး သူ၏ ခွန်အားကို အကန့်အသတ်များကို ကျော်လွန်သည်အထိ အဆပေါင်းများစွာ မြှင့်တင်ပေးလိုက်သည်။</p> <p>​"ခု ခုနက တိုက်ခိုက်မှုက မင်းဆီက မဟုတ်ဘူး နဂါးဆီက သက်သက် အစီးခံရတဲ့ကောင်ဆီက"</p> <p>​"အဲ့ဒါ သိပ်ရိုင်းတာပဲ မီးရ်"</p> <p>​"သားက ဖေဖေ့ရဲ့ သားပဲ"</p> <p>​ယူးမီးရ်က အော်ဟစ်လိုက်သည်။ အဆင့်မြင့်မြတ်သူ တစ်ပါးကို သူကိုယ်တိုင် သတ်ဖြတ်နိုင်မည့် နေ့ရက်ကို တွေးတောရင်း လက်ရှိတွင်တော့ သူ၏ ဖခင်ကို အစွမ်းကုန် ပံ့ပိုးပေးလိုက်သည်။</p> <p>​"အတွေ့အကြုံတွေအတွက် ကျေးဇူးပဲ"</p> <p>​"အိ"</p> <p>​ယူးမီးရ် ပိုင်ဆိုင်သော လေစွမ်းအင်က ယူးအီဟန်၏ လှံဖျားရှိ မီးတောက်များဆီသို့ ပျံ့နှံ့သွားပြီး အားဖြည့်ပေးလိုက်သည်။ လေနှင့် မီး ထိုနှစ်ခု၏ ပေါင်းစပ်မှုက ပြီးပြည့်စုံသည်။ အဖြူရောင်ကို ကျော်လွန်ကာ အလင်းပေါက်ဖြစ်သွားသော မီးတောက်က အလွန်ပင် လှပနေသည်။</p> <p>​"ဘ ဘယ်လိုလုပ်ပြီး ငါ့ရဲ့ စွမ်းရည် ငါ့ရဲ့ မှော်ပညာတွေ"</p> <p>​ငါးမန်းကြီးက ခုခံရန် ကြိုးစားကာ မာနာစွမ်းအင်များကို လှုပ်နှိုးလိုက်သော်လည်း အဆင့်အတန်း တစ်ဆင့် ကျဆင်းသွားခြင်းက အပြင်ပန်းထက် အတော်လေး ပိုမိုဆိုးရွားသော ပြဿနာတစ်ခုဖြစ်သည်။ ပြီးပြည့်စုံသော မှော်ပညာ သို့မဟုတ် ၎င်း၏ နည်းစနစ်များက ၎င်းကို လွတ်မြောက်စေရန် မလုံလောက်ခဲ့ပေ။ တစ်ကြိမ်လေးမျှပင် တန်ပြန်မတိုက်ခိုက်နိုင်ဘဲ အဆင့်မြင့်မြတ်သူ တစ်ပါးဆိုသည့် နာမည်ကို အရှက်ခွဲကာ ရှုံးနိမ့်တော့မည်ဖြစ်သည်။</p> <p>​"မင်းရဲ့ မိန်းမ"</p> <p>​သေမင်းတမန် ရောက်ရှိလာတော့မည်ကို ခံစားလိုက်ရသဖြင့် ငါးမန်းကြီးက အကျယ်ကြီး အော်ဟစ်လိုက်သည်။</p> <p>​"မင်းရဲ့ မိန်းမအတွက် စိတ်မပူဘူးလား"</p> <p>​လှံဖြင့် ၎င်း၏ လည်ပင်းကို မထိုးစိုက်မီလေးတွင် ယူးအီဟန်က ခေါင်းလေးစောင်းကာ ပြန်ဖြေလိုက်သည်။</p> <p>​"ကျွန်တော့် မိန်းမက အခုချိန်မှာ ဒီကမ္ဘာမှာ အသန်မာဆုံး မိန်းမ ဖြစ်နေပြီလေ"</p> <p>​"နာယူနာလေ ငါတို့လူက သူ့ကို ရထားပြီးလောက်ပြီ မင်း ဒီကိုရောက်လာကတည်းက ကျရှုံးနေပြီပဲ"</p> <p>​"အိုး မင်း ဘာတွေများ ပြောမလို့လဲလို့ ငါ တွေးနေတာ"</p> <p>​ယူးအီဟန်က ရယ်မောလိုက်ရုံသာ ရယ်မောလိုက်ပြီး လှံကိုဝှေ့ယမ်းကာ ၎င်းကို သတ်ပစ်လိုက်သည်။ ၎င်း၏ လည်ပင်း ပြတ်တောက်သွားပြီးနောက် အားနည်းသွားချိန်ကတည်းက သူ သိခဲ့သော်လည်း လည်ပင်းပြတ်ရုံဖြင့် သေဆုံးသွားမည့် သာမန်သက်ရှိတစ်ဦးသာ ဖြစ်နေသည်။</p> <p>​သင် အတွေ့အကြုံများ ရရှိလိုက်ပါပြီ။</p> <p>​သင်သည် အဆင့် ၃၀၉ ရှာကီလ်တန်၏ မှတ်တမ်းကို ရရှိလိုက်ပါပြီ။</p> <p>​"ကံမကောင်းတာကတော့"</p> <p>​ယူးအီဟန်က ၎င်း၏ အလောင်းကို သိမ်းဆည်းနေစဉ် တီးတိုးရေရွတ်လိုက်သည်။</p> <p>​"မင်းရဲ့လူက အဲ့ဒီကို ရောက်ကတည်းက ကျရှုံးနေခဲ့တာပဲ"</p> <p>​သေသွားတဲ့ကောင်က သူ့စကားကို ကြားနိုင်မှာမှ မဟုတ်တာလေ။ ယူးအီဟန်က လက်မောင်းများကို ဆန့်ထုတ်လိုက်ကာ နတ်ဘုရားခွန်အား ကို ရုပ်သိမ်းလိုက်ပြီး ငရဲချခြင်း ကိုလည်း ဖျက်သိမ်းလိုက်သည်။ မာနာစွမ်းအင်များ လျင်မြန်စွာ ကုန်ဆုံးသွားသဖြင့် အနည်းငယ် ပင်ပန်းသွားသကဲ့သို့ ခံစားလိုက်ရသော်လည်း သူ၏ မာနာစွမ်းအင် ပြန်လည်ပြည့်တင်းမှုနှုန်းက အလွန်မြန်ဆန်သဖြင့် တစ်ခဏမျှသာ ကြာမြင့်ခဲ့သည်။</p> <p>​"နောက်ထပ် အဆင့်မြင့်မြတ်သူတွေ ရှိသေးပုံရတယ် ဖေဖေ"</p> <p>​"အဲ့ဒါကို လီအယ်ရာအတွက် ချန်ထားပေးလိုက်ကြစို့ ငါတို့ချည်းပဲ အကုန်ယူလို့ မရဘူးလေ"</p> <p>​"ဟုတ်ကဲ့ပါ"</p> <p>​အင်ပါယာကလည်း သူတို့၏ တပ်မတော်ကို စေလွှတ်ထားမည်ဟု ယူးအီဟန် တွေးလိုက်မိသည်။ သူတို့က နာယူနာကို ခိုးယူရန် ကြိုးစားနေလောက်သည်။ သို့သော် ဖျက်ဆီးခြင်းနတ်ဆိုးတပ်မတော်က ထိုအချက်ကို သိရှိသွားမည်ဖြစ်ပြီး သူတို့၏ နတ်ဆိုးများဖြင့် ပြန်လည်လုယူရန် ကြိုးစားပေလိမ့်မည်။</p> <p>​"တွေ့လား အဲ့ဒီနေရာက အစိတ်ဝင်စားရဆုံး မြင်ကွင်းဖြစ်လာမယ်လို့ ငါသိတယ် တကယ် နှမြောစရာပဲ"</p> <p>​"ဖေဖေလည်း အဲ့ဒီကို သွားမလို့လား"</p> <p>​"မဟုတ်ဘူး ငါတို့က"</p> <p>​ယူးအီဟန်က ယူးမီးရ်၏ ခေါင်းကို ပွတ်သပ်ရင်း စကားဆိုလိုက်သည်။</p> <p>​"အင်ပါယာစစ်တပ်ကို ရှင်းလင်းပြီးမှ သွားကြမယ်"</p> <p>​တစ်ချိန်တည်းမှာပင် သန့်စင်သည့်နယ်မြေ၏ ဝင်ပေါက်အနီးတွင် ယူးအီဟန် မျှော်လင့်ထားသော စိတ်ဝင်စားစရာ မြင်ကွင်းက ထွက်ပေါ်နေလေပြီ။</p> <p>​"လူသားတွေက တကယ်ကို စိတ်ဝင်စားစရာကောင်းတဲ့ သတ္တဝါတွေပဲ ကျေးဇူးဆပ်ရမယ့်အစား ကလဲ့စားချေတတ်တဲ့ စွမ်းရည်ကို မွေးကတည်းက ပါလာကြတာလား"</p> <p>​"ဧကရာဇ်မင်းမြတ်က သူတော်စင်မလေးကို အလိုရှိတယ် သူတော်စင်မလေးကို မထိပါဘူးလို့ ငါတို့ သဘောတူထားတယ် မဟုတ်ဘူးလား"</p> <p>​အင်ပါယာ၏ စတုတ္ထအဆင့် လက်ရွေးစင်များနှင့် လျင်မြန်သန်မာသော စတုတ္ထအဆင့် နတ်ဆိုးများက တစ်ဖက်နှင့်တစ်ဖက် မျက်နှာချင်းဆိုင် ရင်ဆိုင်နေကြပြီး အင်ပါယာ၏ သူရဲကောင်းတပ်မှူးနှင့် ဖျက်ဆီးခြင်းနတ်ဆိုးတပ်မတော်မှ အဆင့်မြင့်မြတ်သူတို့က တစ်ဦးကိုတစ်ဦး စူးရဲစွာ စိုက်ကြည့်နေကြသည်။</p> <p>​"အဲ့ဒါက ငါတို့ ဖျက်ဆီးခြင်းနတ်ဆိုးတပ်မတော်အတွက် စစ်ပွဲရဲ့ အသီးအပွင့်ပဲလေ သာမန် အဆင့်နိမ့်သူ တစ်ယောက်ကများ အလှအပ နတ်ဘုရားမရဲ့ ကောင်းချီးရထားတဲ့ မိန်းမကို လုယူဖို့ ကြိုးစားရဲတယ်ပေါ့"</p> <p>​"ဒါပေမဲ့ ဒါက ငါတို့ရဲ့ စာချုပ်လေ ငါတို့နဲ့ ဖျက်ဆီးခြင်းနတ်ဆိုးတပ်မတော်ကြားက စာချုပ်"</p> <p>​"မင်းတို့လို အဆင့်နိမ့်သူတွေက ငါတို့နဲ့ တန်းတူရည်တူ စာချုပ်ချုပ်နိုင်မယ်လို့ ထင်နေတာလား တကယ်ကို မာနကြီးလွန်းတာပဲ"</p> <p>​တိုက်ပွဲ အဆုံးသတ်ခါနီးအချိန်တွင် လူသားများက သူတော်စင်မလေးကို လုယူရန် ကြိုးစားခဲ့ကြသော်လည်း ၎င်းကို ရိပ်မိသွားသော ဖျက်ဆီးခြင်းနတ်ဆိုးတပ်မတော်က သန့်စင်သည့်နယ်မြေဆီသို့ သွားရာလမ်းကို နတ်ဆိုးများဖြင့် ပိတ်ဆို့ထားလိုက်သည်။ ထိုအချိန်မှစ၍ လက်ရှိအခြေအနေသို့ ရောက်ရှိလာခြင်း ဖြစ်သည်။ နှစ်ဖက်စလုံးမှ ထွက်ပေါ်နေသော ဖိအားများက အလွန်ပြင်းထန်လှသဖြင့် လက်ရှိအချိန်တွင် သန့်စင်သည့်နယ်မြေအတွင်း၌ ဘာတွေဖြစ်နေသည်ကိုပင် သူတို့ သတိမထားမိကြပေ။</p> <p>​"အီး မင်းတို့က အစကတည်းက ငါတို့နဲ့ သေချာစကားပြောဖို့ ရည်ရွယ်မထားဘူးပဲ"</p> <p>​"အို မင်းက တော်တော် မြန်တာပဲ"</p> <p>​"ဟွန့် မင်း ဘယ်လောက်ပဲ သန်မာပါစေ မင်းက ငါတို့ကို အရင်စပြီး တိုက်ခိုက်လို့မရဘူးဆိုတာ ငါတို့ သိတယ် ဘာလုပ်နေကြတာလဲ ဒီနတ်ဆိုးတွေကို သတ်ပြီး သူတော်စင်မလေးကို သွားခေါ်ကြစို့"</p> <p>​"ကုကုကု ဖျက်ဆီးခြင်းနတ်ဆိုးတပ်မတော်ရဲ့ ကောင်းချီးရထားတဲ့ ဒီနတ်ဆိုးတွေကို မင်းတို့က သိပ်အထင်သေးနေတာပဲ မင်းတို့လို လောက်ကောင်တွေအတွက် ငါ့ရဲ့ စွမ်းအားတွေကို သုံးရမယ်လို့ မင်း တကယ်ထင်နေတာလား"</p> <p>​သူတို့၏ စကားဝိုင်းက ပြေလည်မည့်ပုံမပေါ်သဖြင့် မကြာမီ တိုက်ပွဲစတင်တော့မည်ဖြစ်သည်။ အင်ပါယာ၏ အသန်မာဆုံး လက်ရွေးစင်တပ်ဖွဲ့နှင့် ဖျက်ဆီးခြင်းနတ်ဆိုးတပ်မတော်၏ နတ်ဆိုးများကြား တိုက်ပွဲ။ သူတို့၏ ပတ်ဝန်းကျင်တွင် ဘာတွေဖြစ်နေသည်ကိုပင် သူတို့ မသိကြပေ။</p> <p>​ပြင်းထန်သော တိုက်ပွဲကြောင့်ပင် ဖြစ်မည် အဆင့်မြင့်မြတ်သူမှာ ၎င်း၏ ခေါင်းပေါ်တွင် ဝဲပျံနေသော ပျံသန်းနိုင်သော ရဲတိုက်၏ တည်ရှိမှုကို သတိထားမိရန် အနည်းငယ် နောက်ကျသွားခဲ့သည်။ ပျံသန်းနိုင်သော ရဲတိုက်၏ လှုပ်ရှားမှုများက အလွန်ပင် လျှို့ဝှက်လွန်းလှသဖြင့် တိုက်ပွဲတွင်သာ ပါဝင်နေခြင်း မရှိပါက ၎င်းကို သိရှိနိုင်မည် မဟုတ်ပေ။</p> <p>​"ဒါ ဒါက ဘာကြီးလဲ"</p> <p>​"ဘာကြီးလဲ ဟုတ်လား အဲ့ဒါ စွမ်းအင်တန်းကြီးလေ"</p> <p>​"အား"</p> <p>​အဆင့်မြင့်မြတ်သူက မိမိရောက်ရှိနေသော အခြေအနေကို မေ့သွားကာ ရေရွတ်လိုက်သော်လည်း မျက်လုံးတစ်ရာ၏ မှန်များအားလုံးမှ စုစည်းပစ်လွှတ်လိုက်သော လေဆာစွမ်းအင်တန်းများ၏ တိုက်ခိုက်မှုကို ခံလိုက်ရပြီးနောက် ၎င်း၏ အသိစိတ်များ ပြန်လည်ဝင်ရောက်လာသည်။</p> <p>​"ကျဆုံးနေတဲ့ ကောင်းကင်တမန် နည်းနည်းကွာခြားတယ်ဆိုပေမဲ့ ဒါက ကျဆုံးနေတဲ့ ကောင်းကင်တမန်တစ်ပါးရဲ့ စွမ်းအားပဲ ကျစ် မင်းတို့ လူသားတွေမှာ တခြားအစီအစဉ်တွေ ရှိနေတာပဲ"</p> <p>​၎င်းက ဒဏ်ရာရလိမ့်မည်ဟု တစ်စက္ကန့်လေးမျှပင် မတွေးမိခဲ့သဖြင့် သတိလက်လွတ် ဖြစ်သွားခဲ့သည်။ သို့သော် ကံကောင်းထောက်မစွာဖြင့် အသက်အန္တရာယ်ရှိသော တိုက်ခိုက်မှုကို မခံလိုက်ရသဖြင့် ၎င်းက လက်နက်ကို ထုတ်ယူလိုက်သည်။ အခုချိန်က သာမန်လူသားတွေကို ဂရုစိုက်နေရမယ့် အချိန်မဟုတ်ဘူး။</p> <p>​"ထွက်ခဲ့စမ်း မင်းတို့အားလုံးကို ငါ အပိုင်းပိုင်း ခုတ်ထစ်ပစ်မယ်"</p> <p>​"အိ"</p> <p>​သို့သော် ၎င်းက သွားကိုတင်းတင်းကြိတ်ကာ လက်နက်ကို မြှောက်လိုက်သည်နှင့် တစ်ပြိုင်နက် မြူးကြွနေသော အမျိုးသမီးတစ်ဦး၏ အသံကို ကြားလိုက်ရပြီး တစ်ချိန်တည်းမှာပင် ၎င်း၏ လက်နက်မှာ ထက်ပိုင်းပြတ်သွားလေသည်။</p> <p>​"ဟင်"</p> <p>​၎င်းက မယုံကြည်နိုင်စွာဖြင့် မျက်လုံးများကို ပြူးကျယ်သွားသော်လည်း ထိုအခြေအနေမှာလည်း ကြာရှည်မခံခဲ့ပေ။ ပြတ်တောက်သွားသော လက်နက်ကဲ့သို့ပင် ၎င်း၏ ခန္ဓာကိုယ်မှာလည်း ထက်ပိုင်းပြတ်သွားလေတော့သည်။</p> <p>​"ဟူး"</p> <p>​ထို့နောက် သွေးဆောင်ဖြားယောင်းခြင်း၏ အမွေးအတောင်များ ဂါဝန်ကို ဝတ်ဆင်ထားသော လီအယ်ရာက ထိုနေရာသို့ ဆင်းသက်လာသည်။ သူမက ထက်ပိုင်းပြတ်သွားသော အဆင့်မြင့်မြတ်သူကို ကြည့်ကာ မကျေမနပ်ဖြင့် ညည်းညူလိုက်သည်။</p> <p>​"ကျစ် အရင်ကဆိုရင် ဒီကောင်အတွက် လက်ညှိုးတစ်ချောင်းဆို လုံလောက်နေပြီ"</p> <p>​ခပ်တိုးတိုး ညည်းညူရင်း လီအယ်ရာက လှံပေါ်ရှိ သွေးများကို ခါချကာ မြေပြင်ပေါ်သို့ လှည့်စိုက်လိုက်ချိန်တွင် ဧရာမ လှိုင်းလုံးကြီးတစ်ခုက ထက်ပိုင်းပြတ်နေသော ခန္ဓာကိုယ်ကို နောက်ဆုံးအကြိမ် တိုက်ခိုက်လိုက်လေသည်။</p> <p>​"အား"</p> <p>​သင် အတွေ့အကြုံများ ရရှိလိုက်ပါပြီ။</p> <p>​"ကောင်းပြီ ပြီးသွားပြီ"</p> <p>​လီအယ်ရာ သဘောကျသော ယူးအီဟန်၏ နာမည်ကြီး စကားတစ်ခွန်း ရှိသည်။ အတွေ့အကြုံ မဝင်လာသေးသရွေ့ မပြီးသေးဘူး ဆိုသော စကားပင်ဖြစ်သည်။ ထိုစကားကို တစ်နေ့သုံးကြိမ် ရေရွတ်လိုက်ရုံဖြင့် သူမက မည်သူ့ကိုမျှ ရှုံးနိမ့်မည် မဟုတ်ပေ။</p> <p>​"ဂရား"</p> <p>​"သူ သူတော်စင်မလေးလား သူတော်စင်မလေးက သတ်လိုက်တာ"</p> <p>​"သူ့ သူ့ကို ဖမ်းရမယ်"</p> <p>​"မဟုတ်ဘူး အဲ့ဒါ သူမဟုတ်ဘူး အဲ့ဒီမိန်းမက သူတော်စင်မလေး မဟုတ်ဘူး"</p> <p>​"အား"</p> <p>​သူတော်စင်မလေး၏ အသွင်အပြင်ကို မသိသောသူများက လီအယ်ရာ၏ လှပသော ပုံရိပ်ကို သူတော်စင်မလေးဟု အထင်မှားသွားကြပြီး သူမ၏ အသွင်အပြင်ကို သိသောသူများကမူ ဤကမ္ဘာပေါ်တွင် သူမကဲ့သို့ လှပသောသူ ရှိနေသည်ဟူသော အချက်ကြောင့် အံ့သြထိတ်လန့်သွားကြသည်။</p> <p>​"လာကြစမ်း"</p> <p>​သေချာသည်ကတော့ လီအယ်ရာက သူတို့ ဘာတွေးနေသည်ကို လုံးဝ ဂရုမစိုက်ပေ။ သူတို့အားလုံးကို သတ်ပစ်လိုက်လျှင် အတွေ့အကြုံ ဘယ်လောက်ရမလဲ ဆိုသည်ကိုသာ တွေးတောရင်း သူမ၏ လှံကို မြှောက်ကိုင်လိုက်သည်။</p> <p>​"နာကျင်မှုမရှိဘဲ အဆုံးသတ်ပေးမယ်"</p> <p>​</p> <p> </p> <p style="text-align: center;">အပိုင်း ( ၂၂၅ ) ပြီးဆုံး။</p> <p style="text-align: center;">***</p> <p> </p>


Save