Book List

<h2 style="text-align: center;">အပိုင်း ( ၂၂၉ )</h2> <h2 style="text-align: center;">​*</h2> <p> </p> <p>"ဝါး"</p> <p>​"ဝါး မြင်ကွင်းက ချက်ချင်းကို ပြောင်းသွားတာပဲ ဗိုလ်ကြီး အခုတစ်ခေါက်ကော ဘာမှော်ပညာကို သုံးလိုက်တာလဲ"</p> <p>​"ငါ ရှင်းပြရင်တောင် မင်းတို့ နားလည်မှာ မဟုတ်ပါဘူး"</p> <p>​အာကာသကူးပြောင်းခြင်း စွမ်းရည်နှင့် သစ်တောလူသားများ၏ မှော်အစီအရင်တို့မှာ အသက်သွင်းရန်အတွက် မှော်ကျောက်တုံးများ လိုအပ်သည်ဟူသော အချက်တွင် အတော်လေး ဆင်တူသော်လည်း ကြိုတင်ပြင်ဆင်မှုနှင့် အသက်သွင်းသည့် လုပ်ငန်းစဉ်များက အလွန်ကွာခြားသည်။ အာကာသကူးပြောင်းခြင်း စွမ်းရည်က ထည့်သွင်းစဉ်းစားရမည့် အချက်များ များပြားပါက မှော်အစီအရင်ကမူ မှော်ကျောက်တုံးများ အဆင်သင့်ဖြစ်သည်နှင့် တစ်ပြိုင်နက် ချက်ချင်း အသက်ဝင်သွားခြင်း ဖြစ်သည်။</p> <p>​လက်ရှိအချိန်တွင် သူတို့က အမည်မသိ စစ်မြေပြင်တစ်ခုမှ ကီလိုမီတာ ထောင်ပေါင်းများစွာ ကွာဝေးသော နေရာသို့ မျက်တောင်တစ်ခတ်အတွင်း ကူးပြောင်းလာခဲ့ခြင်း ဖြစ်သည်။ သေချာသည်ကတော့ ဖီရီယာက ဤနေရာတွင် မကြာသေးမီကမှ သေဆုံးသွားခဲ့ခြင်းဖြစ်ရာ အလွန်အရေးကြီးသော တိုက်ပွဲတစ်ခု ဖြစ်ပွားနေမည်မှာ သေချာသည်။</p> <p>​"ဒီနေရာက"</p> <p>​"ရှူး"</p> <p>​ကန်ဟာဂျင် တစ်ခုခု ပြောရန် ပြင်လိုက်စဉ် တစ်ခုခုကို ခံစားမိသွားသော လီအယ်ရာက အားလုံးကို တိတ်တိတ်နေရန် အချက်ပြလိုက်သည်။ သို့သော် ယူးအီဟန်က ခေါင်းယမ်းလိုက်သည်။</p> <p>​"ရပါတယ် အမေရိကန် အိုင်ဒေါ ပြိုင်ပွဲကြီးပဲ ကျင်းပကျင်းပ ဘာပဲလုပ်လုပ် မင်းတို့ရဲ့ ကိုယ်ပျောက်ခြင်းက ပျက်သွားမှာ မဟုတ်ပါဘူး"</p> <p>​"အဲ့ဒါက အတော်လေး ကောင်းတာပဲ"</p> <p>​မူလကတည်းက ပျံသန်းနိုင်သော ရဲတိုက်ကို ယူးအီဟန်၏ လက်နက်ပစ္စည်းအဖြစ် သတ်မှတ်ထားသဖြင့် သူ၏ ကိုယ်ပျောက်ခြင်း စွမ်းရည် အကျိုးသက်ရောက်မှုကို ရရှိနိုင်သည်။ ထို့အပြင် ပျံသန်းနိုင်သော ရဲတိုက်ပေါ်ရှိ သူ၏ မဟာမိတ်များ အားလုံးသည်လည်း ပျံသန်းနိုင်သော ရဲတိုက်ကြောင့် ကိုယ်ပျောက်ခြင်း စွမ်းရည်၏ အကျိုးကျေးဇူးများကို ရရှိနိုင်မည်ဖြစ်သည်။</p> <p>​"အဆင့်မြင့်မြတ်သူတွေရဲ့ တည်ရှိမှုကို တစ်ကောင်တည်း မဟုတ်ဘူး အကောင်တော်တော်များများကို တစ်ပြိုင်နက်တည်း ခံစားနေရတယ်"</p> <p>​"ဒါပေမဲ့ သူတို့ကို ငါတို့ မမြင်ရဘူးလေ"</p> <p>​"သူတို့က အခြေခံ ကိုယ်ပျောက်ခြင်း စွမ်းရည်တွေကိုပဲ ဖြစ်ဖြစ် မှော်ပညာကိုပဲ ဖြစ်ဖြစ် သုံးထားလို့ နေမှာပေါ့ ပြီးတော့ ငါကတော့ မြင်နေရတယ်"</p> <p>​ဤကမ္ဘာပေါ်ရှိ မည်သူကမျှ ကိုယ်ပျောက်ခြင်း သခင်ကြီးဖြစ်သော ယူးအီဟန်ကို ကျော်လွန်လွတ်မြောက်နိုင်မည် မဟုတ်ပေ။ လက်ရှိအချိန်တွင် ယူးအီဟန်သည် ဖျက်ဆီးခြင်းနတ်ဆိုးတပ်မတော်နှင့် ဆင်တူသော မာနာစွမ်းအင် ပုံစံရှိသည့် ၃ ဦးနှင့် မည်သည့်အဖွဲ့မှန်း ဖတ်ရှုမရသော ၂ ဦးကို တွေ့ရှိထားသည်။</p> <p>​သူတို့က လေထဲတွင် လျင်မြန်စွာ ရွေ့လျားရင်း တိုက်ခိုက်နေကြပြီး ဖျက်ဆီးခြင်းနတ်ဆိုးတပ်မတော်က အရေအတွက် အားသာနေသော်လည်း အလွန်ပြင်းထန်သော တိုက်ပွဲတစ်ခု ဖြစ်ပွားနေသည်။</p> <p>​"ကောင်းကင်တမန် တစ်ပါးမှ မပါဘူးဆိုတော့ သူတို့က နေဝင်ချိန်ဥယျာဉ်က ဖြစ်ရမယ်"</p> <p>​"မှန်တယ် ကောင်းကင်တမန်တွေက ကောင်းကင်ဘုံတပ်မတော်ကို ဖွဲ့စည်းထားပြီး ကျဆုံးနေတဲ့ ကောင်းကင်တမန်တွေက တောက်ပသောအလင်းရောင်တပ်မတော်ကို ဖွဲ့စည်းထားတယ် ဖျက်ဆီးခြင်းနတ်ဆိုးတပ်မတော်ကတော့ လူသားတွေရော နတ်ဆိုးတွေကိုပါ လက်ခံတယ် အဲ့ဒီအဖွဲ့တွေထဲက တစ်ဖွဲ့မှ မဟုတ်တဲ့ကောင်တွေက နေဝင်ချိန်ဥယျာဉ်ပဲ"</p> <p>​"အဲ့ဒါဆို သူတို့က အားအနည်းဆုံး အဖွဲ့ပေါ့"</p> <p>​"ဒါပေမဲ့ သူတို့ကို အထင်သေးလို့တော့ မရဘူး တစ်ယောက်ချင်း တိုက်ပွဲမှာဆိုရင် သူတို့က အန္တရာယ်အပေးနိုင်ဆုံးပဲ သူတို့ကို ပေးထားတဲ့ မှတ်တမ်းတွေ တစ်နည်းအားဖြင့် သူတို့ရဲ့ ခေါင်းဆောင်က တစ်နည်းနည်းနဲ့ ထူးခြားနေတယ်"</p> <p>​၂ ယောက်က ၃ ယောက်ကို တန်းတူရည်တူ ရင်ဆိုင်နေနိုင်သည်ကို ကြည့်ခြင်းအားဖြင့် ဤသည်မှာ အမှန်ပင် ဖြစ်သည်။ သို့သော် ယူးအီဟန်အတွက်မူ သူတို့အားလုံးမှာ အတူတူပင်ဖြစ်ရာ သူ ဂရုမစိုက်ပေ။ ဤနေရာတွင် အရေးကြီးဆုံး ကိစ္စမှာ ဖီရီယာ ဖြစ်ပြီး ဖီရီယာ တစ်ဦးတည်းသာ ဖြစ်သည်။</p> <p>​ပြဿနာမှာ မြေပြင်ကို မည်မျှပင် လိုက်ရှာစေကာမူ ဖီရီယာ၏ အလောင်းကို ရှာမတွေ့နိုင်ခြင်းပင်။ သူမ၏ အလောင်းကို ရန်သူများက ဖျက်ဆီးပစ်လိုက်၍များလား။ ထိုသို့သာ မဟုတ်လျှင် သူမ၏ အလောင်းကို ယူကာ ပြေးနိုင်သော်လည်း လက်ရှိအချိန်တွင် ဖီရီယာကို ထားလိုက်ဦး အခြား အဆင့်နိမ့်သူ တစ်ဦးတစ်ယောက်၏ တည်ရှိမှုကိုပင် သူ ခံစား၍မရနိုင်ပေ။</p> <p>​အစကတည်းက အဆင့်မြင့်မြတ်သူ ၅ ဦး၏ တိုက်ပွဲကြောင့် မြေပြင်တစ်ခုလုံးမှာ ပြိုကျပျက်စီးနေပြီ ဖြစ်သည်။ ဖီရီယာက ဘာကြောင့်များ ဤနေရာသို့ ရောက်လာရသနည်း ဆိုသည်ကိုပင် သူ မသိပေ။</p> <p>​"ဘာမှ တတ်နိုင်မှာ မဟုတ်ဘူး ထင်ပါတယ်"</p> <p>​ယူးအီဟန်က စစ်မြေပြင်ကို နောက်တစ်ကြိမ် လှည့်ပတ်ကြည့်ရှုလိုက်ပြီး သူ၏ လှံကို ထုတ်ယူလိုက်သည်။ လီအယ်ရာက မေးလိုက်သည်။</p> <p>​"ဘာလုပ်မလို့လဲ"</p> <p>​"မှတ်တမ်းတချို့ ယူရမယ်"</p> <p>​"ဘယ်ကနေလဲ"</p> <p>​"ဟိုကောင်ဆီက"</p> <p>​လက်ရှိအချိန်တွင် ဤနေရာ၌ သူ၏ မဟာမိတ် မဟုတ်သူ ၅ ဦးသာ ရှိသဖြင့် ယူးအီဟန် မည်သူ့ကို ရည်ရွယ်နေသည်မှာ ရှင်းလင်းနေသည်။ ၎င်းက ပိုမိုကောင်းမွန်သော အခြေအနေတွင် ရှိနေသည့် ဖျက်ဆီးခြင်းနတ်ဆိုးတပ်မတော်မှ နတ်ဆိုးများထဲမှ တစ်ကောင်ပင်။</p> <p>​"တစ်ဝက်လောက် သေနေတဲ့ကောင် တစ်ကောင် ရှိတယ် အဲ့ဒီကောင်ကို သတ်ရင် အတွေ့အကြုံ ဘာမှရမှာ မဟုတ်ဘူး"</p> <p>​"ဟုတ်ပါပြီ ငါ့ရဲ့ အီဟန်က သိပ်ကို ဉာဏ်ကောင်းတာပဲ"</p> <p>​သတင်းအချက်အလက် နည်းနည်းရဖို့အတွက် သက်သက် အဆင့်မြင့်မြတ်သူ တစ်ပါးကို သတ်မယ်တဲ့လား။ ယူးအီဟန်၏ ရူးသွပ်လှသော လုပ်ရပ်ကြောင့် လီအယ်ရာမှလွဲ၍ ကျန်သူများအားလုံး အံ့သြထိတ်လန့်နေချိန်တွင် ယူးအီဟန်က လှံကို ပစ်ပေါက်ရန် အနေအထားဖြင့် မြှောက်ကိုင်လိုက်ရင်း မစ်စတစ်ကို အမိန့်ပေးလိုက်သည်။</p> <p>​"အမြင့်ဆုံး စွမ်းအားနဲ့ တစ်နေရာတည်းကို စုစည်းပြီး ပစ်"</p> <p>​"ကျွန်မ ပြင်ဆင်နေပါပြီ"</p> <p>​"နာယူနာ ပျံသန်းနိုင်တဲ့ ရဲတိုက်ကိုပါ အားဖြည့်ပေးလို့ ရမလား"</p> <p>​"ဒီနေရာက သန့်စင်တဲ့နယ်မြေ ဖြစ်နေရင်တော့ ရတယ်"</p> <p>​"အဲ့ဒါဆိုလည်း ဘာမှတတ်နိုင်မှာ မဟုတ်ဘူး ကျွန်တော့်ကိုပဲ အားဖြည့်ပေးပါ မစ်စတစ် အဆင်သင့်ဖြစ်တာနဲ့ ပစ်လိုက်"</p> <p>​"လိုင်တနာ နတ်ဘုရားမ အလုပ်လုပ်ရမယ့် အချိန်ရောက်ပြီ"</p> <p>​"ဟုတ်ကဲ့ အခုချက်ချင်းပါပဲ"</p> <p>​ကောင်းချီးတစ်ခုကြောင့် မိနစ် ၃၀ ကြာ တိုက်ခိုက်မှု စွမ်းအား ၃၃ ရာခိုင်နှုန်း တိုးလာပါမည်။</p> <p>​နာယူနာ၏ အားဖြည့်မှုက ယူးအီဟန်ထံသို့ သက်ရောက်သွားပြီးနောက် လေထဲတွင် စုစည်းနေသော မျက်လုံးတစ်ရာ၏ ဗဟိုမှ အဖြူရောင် လေဆာစွမ်းအင်တန်းတစ်ခု ဖြောင့်တန်းစွာ ထွက်ပေါ်လာသည်။ သေချာသည်ကတော့ ၎င်းက ကိုယ်ပျောက်နေစဉ်အတွင်းမှ တိုက်ခိုက်မှုဖြစ်ရာ ဖျက်ဆီးခြင်းနတ်ဆိုးတပ်မတော်မှ နတ်ဆိုးကြီးမှာ တိုက်ခိုက်ခံလိုက်ရမှန်း မသိလိုက်ဘဲ အထိနာသွားတော့သည်။</p> <p>​"အာ့ ကွီး"</p> <p>​ထို့နောက် ချက်ချင်းပင် ပစ်ပေါက်လိုက်သော လှံက ၎င်း၏ ခန္ဓာကိုယ်ကို ထိုးဖောက်ဝင်ရောက်သွားပြီး တိုက်ခိုက်မှုတွင် ပါဝင်သော မီးတောက်များက ပေါက်ကွဲထွက်လာကာ ခန္ဓာကိုယ်တစ်ခုလုံးကို ပြာကျသွားသည်အထိ လောင်ကျွမ်းပစ်လိုက်သည်။ ပျံသန်းနိုင်သော ရဲတိုက်၏ အမြင့်ဆုံး စွမ်းအားဖြင့် တိုက်ခိုက်မှုအပြင် ယူးအီဟန်၏ ချောင်းမြောင်းတိုက်ခိုက်မှုနှင့်ပါ မသေနိုင်သော ရန်သူများဆိုလျှင် အနည်းဆုံး ဆဋ္ဌမအဆင့်နှင့် အထက်သာ ဖြစ်ရပေမည်။</p> <p>​သင် အတွေ့အကြုံများ ရရှိလိုက်ပါပြီ။</p> <p>​သင်သည် အဆင့် ၂၇၄ သို့ ရောက်ရှိသွားပါပြီ။ ခွန်အား ၁၊ လျင်မြန်မှု ၂၊ ကျန်းမာရေး ၁၊ မှော်စွမ်းအင် ၁ တိုးလာပါမည်။</p> <p>​သင်သည် အဆင့် ၃၀၆ ဘီရိန်း၏ မှတ်တမ်းကို ရရှိလိုက်ပါပြီ။</p> <p>​ယူးအီဟန်က လှံနှင့် အလောင်းကို ပြန်လည်သိမ်းဆည်းလိုက်သည်။ တစ်ချိန်တည်းမှာပင် ဖျက်ဆီးခြင်းနတ်ဆိုးတပ်မတော်နှင့် နေဝင်ချိန်ဥယျာဉ်မှ အဖွဲ့ဝင်များ အားလုံး ခေါင်းကိုလှည့်ကာ ပျံသန်းနိုင်သော ရဲတိုက်ကို တွေ့ရှိသွားကြသည်။</p> <p>​"မင်းတို့ကများ တစ်ယောက်ချင်း တိုက်ပွဲကို ကြားဖြတ်ဝင်လာရဲတယ်ပေါ့ ဒီသတ္တိကြောင်တဲ့ ဟင် အဲ့ဒါ ဘာကြီးလဲ"</p> <p>​"ဒီစွမ်းအင်က အဆင့်နိမ့်သူ တစ်ယောက်ဆီကလား သူက ဘယ်လိုလုပ်ပြီး အဆင့်မြင့်မြတ်သူ တစ်ပါးကို"</p> <p>​ပျံသန်းနိုင်သော ရဲတိုက်ကြီးကို မြင်လိုက်ရသောအခါ အားလုံး အံ့သြထိတ်လန့်သွားကြသည်။ ပထမဆုံး ရဲတိုက်ကြီး၏ အရွယ်အစားကြောင့် အံ့သြသွားကြပြီး ဤမျှလောက် ကြီးမားသောအရာကြီးက ရုတ်တရက်ကြီး ပေါ်လာနိုင်သည်ဟူသော အချက်ကြောင့် ထပ်မံအံ့သြသွားကြသည်။ နောက်ဆုံးတွင် ရဲတိုက်အတွင်းမှ မည်သူ့ကိုမျှ အဆင့်မြင့်မြတ်သူဟု မခေါ်ဆိုနိုင်ကြောင်း သိလိုက်ရသဖြင့် အံ့သြသွားကြပြန်သည်။</p> <p>​"မင်းတို့က ဘယ်သူတွေလဲ"</p> <p>​"အင်း အဲ့ဒါဆိုလည်း ပထမဆုံး"</p> <p>​ယူးအီဟန်က သူတို့ပြောသည်များကို ဂရုမစိုက်ဘဲ ယခုလေးတင် သူ သတ်ဖြတ်လိုက်သော ရန်သူ၏ သတင်းအချက်အလက်များကို ရယူရန် မှတ်တမ်း စွမ်းရည်ကို အသက်သွင်းလိုက်သည်။</p> <p>​မှတ်တမ်း စွမ်းရည် အဆင့် ၄ သို့ ရောက်ရှိသွားပါပြီ။</p> <p>​ယခုလေးတင် ရရှိလိုက်သော မှတ်တမ်းများကို စီစစ်နေစဉ် သူ၏ မျက်နှာထား တင်းမာသွားသည်။ ဖီရီယာ၏ သဲလွန်စများကို ရှာဖွေရန် မကြာသေးမီက ဖြစ်ပျက်ခဲ့သော အကြောင်းအရာများကို သူ ရှာဖွေကြည့်ရှုလိုက်သည်။ ကံကောင်းထောက်မစွာဖြင့် သူ အနည်းငယ် အောင်မြင်မှု ရရှိခဲ့သည်။ ဒီကောင်က ဖီရီယာကို သတ်ခဲ့တဲ့ တရားခံ မဟုတ်ပေမဲ့ တရားခံက ဘယ်သူလဲဆိုတာကိုတော့ သူ သိနေတယ်။</p> <p>​"မင်းကို ငါ သတ်မယ်"</p> <p>​"သူတို့ကို မင်း ဒုက္ခပေးလို့ မရဘူး"</p> <p>​ဖျက်ဆီးခြင်းနတ်ဆိုးတပ်မတော်မှ အသန်မာဆုံး နတ်ဆိုးကြီးက ၎င်း၏ ဆွေးမြည့်နေသော ဓားကို ပစ်ပေါက်လိုက်သည်။ ဧရာမ စွမ်းအင်များ ပါဝင်ကာ လေထုကို ခွဲထွက်သွားသော ဓားမှာ နေဝင်ချိန်ဥယျာဉ်မှ အဖွဲ့ဝင်တစ်ဦး၏ စွမ်းအင်တန်းဖြင့် ပစ်ချခံလိုက်ရပြီးနောက် ၎င်း၏ ပိုင်ရှင်ထံသို့သာ ပြန်လည်ရောက်ရှိသွားသည်။</p> <p>​ထိုကောင်က သူကိုယ်တိုင် တိုက်ခိုက်မည့်အစား ဓားကို ပစ်ချလိုက်ရခြင်းအတွက် အကြောင်းရင်း ရှိရပေမည်။ သူ ထင်ထားသည့်အတိုင်းပင် နေဝင်ချိန်ဥယျာဉ်က ယူးအီဟန်သည် ဖျက်ဆီးခြင်းနတ်ဆိုးတပ်မတော်မှ အဖွဲ့ဝင်တစ်ဦးကို သတ်ဖြတ်လိုက်သည်ကို မြင်ပြီးနောက် သူတို့၏ ရန်သူမဟုတ်ဟု ဆုံးဖြတ်လိုက်ပုံရသည်။</p> <p>​"မင်း ဘယ်သူပဲဖြစ်ဖြစ် ငါ ဂရုမစိုက်ဘူး ဟိုမိစ္ဆာကောင်တွေကို ရှင်းလင်းဖို့ ငါတို့ကို ကူညီပေးပါ"</p> <p>​"ဖျက်ဆီးခြင်းနတ်ဆိုးတပ်မတော်က ဒီကမ္ဘာက ဒေသခံတွေကိုပါ ရှင်းလင်းပြီး နတ်ဆိုးတွေအတွက် မြေပြင်ပေါ်က ပရဒိသုဘုံအဖြစ် ဖန်တီးဖို့ ကြိုးစားနေတာ မင်းကို ကြည့်ရတာ လူသားတစ်ယောက်နဲ့ တူတယ် ပြီးတော့ မင်း သူတို့ကို ချောင်းမြောင်းတိုက်ခိုက်ခဲ့တာက အဲ့ဒီအချက်ကို မင်း သိနေလို့ပဲ မဟုတ်လား"</p> <p>​နေဝင်ချိန်ဥယျာဉ်မှ အဆင့်မြင့်မြတ်သူ နှစ်ဦးက ပျံသန်းနိုင်သော ရဲတိုက်ဆီသို့ ဦးတည်လာသော တိုက်ခိုက်မှုများကို ကာကွယ်ပေးရင်း ပျံသန်းနိုင်သော ရဲတိုက်အနီးသို့ ချဉ်းကပ်လာကြသည်။ ယူးအီဟန်က ထိုအချိန်အထိ မျက်နှာထား တင်းမာနေဆဲဖြစ်ပြီး သူတို့၏ မျက်နှာများကို အတည်ပြုနိုင်ပြီးနောက်မှ လီအယ်ရာကို တီးတိုးရေရွတ်လိုက်သည်။</p> <p>​"လီအယ်ရာ ဘယ်ဘက်က ကောင်ကို မင်း ယူလိုက်"</p> <p>​"နားလည်ပြီ ငါ့ကောင်က ဘယ်ဘက်က ဟုတ်တယ်မလား ဟဲ့ နာယူနာ ငါ့ကိုပါ အားဖြည့်ပေးဦး"</p> <p>​"ဟုတ်ကဲ့ပါ အစ်မ"</p> <p>​"ဘာလို့များ အဲ့ဒီအသံက နားထောင်ရတာ စိတ်အနှောင့်အယှက် ဖြစ်စရာကောင်းနေရတာလဲ"</p> <p>​"အိုး အဲ့ဒါဆိုရင် သမီးက အဘွား လို့ ခေါ်ပေးရမလား"</p> <p>​"အစ်မ လို့ပဲ ခေါ်"</p> <p>​လီအယ်ရာက နာယူနာထံမှ အားဖြည့်မှု ရယူနေစဉ် ယူးအီဟန်က ပျံသန်းနိုင်သော ရဲတိုက်ပေါ်မှ မြေပြင်သို့ ဆင်းသက်လိုက်ပြီး နေဝင်ချိန်ဥယျာဉ်မှ အဖွဲ့ဝင်များ၏ ရှေ့တွင် ရပ်တန့်လိုက်သည်။</p> <p>​"မင်းတို့က နေဝင်ချိန်ဥယျာဉ်က ဟုတ်တယ်မလား"</p> <p>​"အဲ့ဒါဆို မင်း ငါတို့အကြောင်း သိနေတာပဲ မင်းက အဆင့်မြင့်မြတ်သူ တစ်ပါးကို သတ်လိုက်နိုင်တာကို ကြည့်ပြီး မင်းက သာမန်မဟုတ်ဘူး ဆိုတာကို ငါတို့ သိပြီးသားပါ ပြီးတော့ အာ့"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး"</p> <p>​ယူးအီဟန်၏ ရင်းနှီးဖော်ရွေသော အမူအရာကို မြင်တွေ့ရပြီးနောက် သူတို့က အနည်းငယ် ထပ်မံချဉ်းကပ်လာသောအခါ ယူးအီဟန်က ညာဘက်မှ ကောင်၏ ဗိုက်ကို အမြီးရှစ်ချောင်းနဂါးလှံဖြင့် ထိုးစိုက်လိုက်လေသည်။</p> <p>​"အား ဘာ ဘာလို့လဲ"</p> <p>​သူက တစ်ချက်သာ တိုက်ခိုက်လိုက်သော်လည်း ၎င်း၏ ခန္ဓာကိုယ်ပေါ်တွင် အပေါက်ဆယ်ပေါက် ဖြစ်ပေါ်သွားသည်။ ၎င်းက ထိုကောင်ကို သေလုမျောပါး ဖြစ်သွားစေရန် လုံလောက်နေပြီ ဖြစ်သည်။</p> <p>​"မင်းတို့က ငါတို့ရဲ့ ဖီရီယာကို သတ်ခဲ့တယ်လေ အောက်တန်းစား ကောင်တွေရဲ့"</p> <p>​"အား ခေါက်"</p> <p>​"အိ"</p> <p>​"ဟား"</p> <p>​သေလုမျောပါး ဖြစ်သွားသော မဟာမိတ်ကို ကယ်တင်ရန် အခြားတစ်ယောက်က လှုပ်ရှားရန် ပြင်လိုက်စဉ် နာယူနာ၏ အားဖြည့်မှုကို ရရှိပြီးနောက် ယူးအီဟန်၏ နောက်မှ လိုက်ပါလာသော လီအယ်ရာက ၎င်း၏ လက်မောင်းနှစ်ဖက်စလုံးကို ခုတ်ပိုင်းပစ်လိုက်သည်။</p> <p>​"ဘယ်လိုလုပ်ပြီး နှစ်ယောက်တောင်"</p> <p>​"ဒီလောက် ပေါက်ကရတွေ ပြောပြီးမှ မင်းတို့က တော်တော် မျက်နှာပြောင်တိုက်ရဲတာပဲ"</p> <p>​ယူးအီဟန်က လှံဖျားအတွင်းသို့ မာနာစွမ်းအင်များ ထည့်သွင်းကာ မီးတောက်စွမ်းရည်၏ အနှစ်သာရ မီးတောက်ကို ဖန်တီးလိုက်ပြီး ရန်သူကို ရူးသွပ်နေသည့်အလား ဆက်တိုက် ထိုးစိုက်ခုတ်ပိုင်းပစ်လိုက်သည်။ ရန်သူ၏ သွေး၊ အသား၊ အရိုး၊ ကြွက်သားနှင့် ဦးနှောက်အရည်များ၊ ထို့အပြင် ပုံဆောင်ခဲဖြစ်နေသော မာနာစွမ်းအင်များပါ ပတ်ဝန်းကျင်သို့ ပြန့်ကျဲသွားသည်။</p> <p>​"အာ့ အား ကွီး ကီး"</p> <p>​သူ၏ လှံချက်တိုင်းက မှတ်တမ်း စွမ်းရည်ကို အသက်ဝင်စေပြီး ယခုအချိန်အထိ ၎င်းဆွဲထုတ်ထားခဲ့သော ကြေကွဲဖွယ် မြင်ကွင်းများကို တစ်ပြိုင်နက်တည်း ပြသပေးနေသည်။ ထိုအထဲတွင် ဖီရီယာ၏ မျက်နှာလည်း ပါဝင်နေသည်။</p> <p>​ထိုမတိုင်မီက ဒီကောင်က သစ်တောလူသားများဆီသို့ မဟာမိတ်တစ်ဦးကဲ့သို့ ချဉ်းကပ်သွားခဲ့ကြောင်း သူ သိလိုက်ရသည်။ သူတို့က ယခင်က နဂါးများနှင့် ပူးပေါင်းကာ သစ်တောလူသားများကို ကာကွယ်ပေးခဲ့ဖူးသော မှတ်တမ်းရှိခဲ့ပြီး တကယ်တမ်းတွင်လည်း သစ်တောလူသားများအနေဖြင့် သူတို့ကို မယုံကြည်ရန် အကြောင်းရင်း မရှိခဲ့ပေ။</p> <p>​နေဝင်ချိန်ဥယျာဉ်က ထိုအချက်ကို အသုံးချခဲ့ခြင်း ဖြစ်သည်။ အစကတည်းက ဖျက်ဆီးခြင်းနတ်ဆိုးတပ်မတော်ပဲဖြစ်ဖြစ် နေဝင်ချိန်ဥယျာဉ်ပဲဖြစ်ဖြစ် သူတို့အားလုံးက ဒီကမ္ဘာကို ရယူဖို့အတွက် အဆင့်နိမ့်သူတွေကို ရှင်းလင်းပစ်ဖို့လောက်ပဲ စဉ်းစားနေတဲ့ တစ်အုပ်စုတည်းပါပဲ။</p> <p>​ဖီရီယာ ပထမဆုံး သေဆုံးသွားရခြင်း၏ အကြောင်းရင်းက အံ့သြစရာကောင်းလောက်အောင် သူမ၏ ချပ်ဝတ်တန်ဆာများကြောင့် ဖြစ်နေသည်။ ယူးအီဟန် သူမအတွက် ဖန်တီးပေးထားသော ဒဏ္ဍာရီအဆင့် ချပ်ဝတ်တန်ဆာများ။ ဒီကောင်တွေက အဲ့ဒါကို လိုချင်နေကြတာ။</p> <p>​ဖီရီယာ သေဆုံးရခြင်း၏ အကြောင်းရင်းကို သိလိုက်ရပြီးနောက်မှသာ သူ၏ လက်နက်ပစ္စည်းများက ကောင်းကင်ဘုံတပ်မတော်၏ ဘဏ္ဍာတိုက်ထဲမှာတောင် အလွယ်တကူ ရှာမရနိုင်ဘူးလို့ လီအယ်ရာ ပြောခဲ့တဲ့စကားက တကယ်ပဲ အဓိပ္ပာယ်ရှိတယ်ဆိုတာ ယူးအီဟန် နောက်ဆုံးတော့ သဘောပေါက်သွားတယ်။</p> <p>​ထိုအထဲတွင် ယူးအီဟန်က သူ၏ လက်အောက်ငယ်သားများအတွက် ဖန်တီးပေးထားသော ချပ်ဝတ်တန်ဆာများမှာ အထူးကောင်းမွန်သော စွမ်းရည်များ ပါဝင်နေသည်။ သူသာ အနည်းငယ် နောက်ကျသွားခဲ့ပါက ဖီရီယာသာမက ပါတေး၊ မီရေးနှင့် ဂျေရယ်လ်တို့၏ အသက်များပါ အန္တရာယ်ရှိသွားနိုင်သည်။ မဟုတ်ဘူး အခုချိန်မှာ သူတို့ အန္တရာယ်ရှိတဲ့ အခြေအနေကို ရောက်နေလောက်ပြီ။ ပါတေးဆီမှာတောင် မဟာဒဏ္ဍာရီအဆင့် လက်နက် ရှိနေတာပဲ။</p> <p>​"အား ကွီး"</p> <p>​အမြီးရှစ်ချောင်းနဂါးလှံဖြင့် ထိုးစိုက်ခံထားရသော ရန်သူက လွတ်မြောက်ရန် ရုန်းကန်နေပြီး ယူးအီဟန်ကို ထိခိုက်စေရန် လက်မောင်းနှင့် ခြေထောက်နှစ်ဖက်စလုံးမှ မာနာစွမ်းအင် ကျည်ဆန်များကို ပစ်ခတ်လိုက်သော်လည်း မာနာစွမ်းအင် အများစု ယိုစိမ့်ထွက်သွားပြီးနောက်မှ ပစ်ခတ်လိုက်သော မာနာစွမ်းအင် ကျည်ဆန်များက ယူးအီဟန်ကို ထိခိုက်စေရန် မဆိုထားနှင့် ငရဲနဂါး ကိုယ်ထည်ကိုပင် မဖောက်ထွင်းနိုင်ပေ။</p> <p>​သူ၏ မပြည့်စုံသေးသော ချပ်ဝတ်တန်ဆာသည်ပင် ကမ္ဘာအားလုံးတွင် အကောင်းဆုံး ချပ်ဝတ်တန်ဆာများထဲမှ တစ်ခု ဖြစ်နေလေပြီ။</p> <p>​"မင်းကို နောက်ထပ် ၃ နာရီလောက် ထပ်ပြီး ဒုက္ခပေးချင်ပေမဲ့"</p> <p>​"မဟုတ်ဘူး ချမ်းသာ"</p> <p>​သင် အတွေ့အကြုံများ ရရှိလိုက်ပါပြီ။</p> <p>​သင်သည် အဆင့် ၃၁၇ ပီလ်တာ ၏ မှတ်တမ်းကို ရရှိလိုက်ပါပြီ။</p> <p>​ယူးအီဟန်က သူ၏ လှံထဲသို့ တုံးတိသော လက်နက်နှင့် ဓားတို့၏ စွမ်းအားကို အသုံးပြုကာ ၎င်းကို အဆုံးသတ်လိုက်သည်။ ဘေးသို့ ကြည့်လိုက်သောအခါ လီအယ်ရာကလည်း တုန်ခါမှု လှိုင်းကြိုးများဖြင့် ရန်သူကို အဆုံးသတ်လိုက်ပြီ ဖြစ်သည်။ သူတို့ ဤနေရာသို့ ရောက်ရှိလာသည်မှာ ၅ မိနစ်ပင် မပြည့်သေးသော်လည်း ပဉ္စမအဆင့် အဆင့်မြင့်မြတ်သူ ၃ ဦး သေဆုံးသွားခဲ့ပြီ ဖြစ်သည်။</p> <p>​"အဲ့ဒါ ဘာကြီးလဲကွာ"</p> <p>​ကန်ဟာဂျင်က အသိလွတ်စွာ တီးတိုးရေရွတ်လိုက်သည်။</p> <p>​"အဆင့်မြင့်မြတ်သူတွေကို ရင်ဆိုင်နိုင်တာ မဆိုထားနဲ့ သူက လုံးဝကို အပြတ်အသတ် နှိမ်နှင်းနေတာပဲ"</p> <p>​"အိုး သိပ်မိုက်တာပဲ ကိုအီဟန်"</p> <p>​"ဒီလောက်တွေ ဖြစ်ပျက်နေတာတောင် မင်းရဲ့ ခံစားချက်က အဲ့ဒီလောက်ပဲလား"</p> <p>​ယူးအီဟန်က ထိုမျှနှင့် ရပ်တန့်မသွားခဲ့ပေ။ သူက နေဝင်ချိန်ဥယျာဉ်နှင့် ပူးပေါင်းမည်ဟု ခန့်မှန်းကာ ထွက်ပြေးရန် ကြိုးစားနေခဲ့ကြသော ဖျက်ဆီးခြင်းနတ်ဆိုးတပ်မတော်မှ အသက်ရှင်ကျန်ရစ်သူ နှစ်ဦးမှာ အဆင့်မြင့်မြတ်သူ နှစ်ဦး ချက်ချင်း သေဆုံးသွားသည်ကို မြင်လိုက်ရသောအခါ ထွက်ပြေးရန်ပင် မေ့လျော့သွားပြီး တောင့်တင်းသွားကြသည်။</p> <p>​"မင်းရဲ့ ရည်ရွယ်ချက်က ဘာလဲ"</p> <p>​သူတို့ထဲမှ တစ်ကောင်က အော်ဟစ်လိုက်သည်။</p> <p>​"အံ့သြစရာကောင်းတဲ့ အဆင့်နိမ့်သူတွေ မင်းတို့ ပိုင်ဆိုင်ထားတဲ့ စွမ်းအားက အတိအကျ ဘာကြီးလဲ ပြီးတော့ ဖျက်ဆီးခြင်းနတ်ဆိုးတပ်မတော်ရော နေဝင်ချိန်ဥယျာဉ်ကိုပါ တစ်ပြိုင်နက်တည်း ရင်ဆိုင်ရဲတဲ့ မင်းတို့ရဲ့ မာနက ဘယ်ကလာတာလဲ"</p> <p>​"မင်း အလုပ်မဟုတ်ဘူး"</p> <p>​ယူးအီဟန်က သေဆုံးသွားသူများ၏ အကြွင်းအကျန်များကို သိမ်းဆည်းလိုက်ပြီး သွေးများကို ခါချရန် လှံကို တစ်ချက်ဝှေ့ယမ်းလိုက်သည်။ ထို့နောက် သူက ကျန်ရှိနေသော နှစ်ကောင်ဆီသို့ အစွမ်းကုန် အမြန်နှုန်းဖြင့် ပြေးဝင်သွားပြီး သူတို့ ထွက်မပြေးနိုင်စေရန် ငရဲချခြင်း ကို အသက်သွင်းရင်း သူ၏ သွားများကို စိပြလိုက်သည်။</p> <p>​"မင်းတို့ကောင်တွေတော့ သေပြီသာမှတ်"</p> <p>​တောက်ပသော အဖြူရောင် မီးတောက်များက ငရဲချခြင်း ပိုင်နက်တစ်ခုလုံးတွင် လောင်ကျွမ်းနေသည်။ ယူးအီဟန်၏ မီးတောက်စွမ်းရည် တိုက်ခိုက်မှု စွမ်းအား တိုးမြှင့်ခြင်းဖြင့် ၎င်းက အဆုံးမရှိ ပိုမိုပူပြင်းလာသည်။</p> <p>​ထိုသို့ဖြင့် ဒါရူး တစ်ကမ္ဘာလုံးကို လွှမ်းခြုံသွားမည့် မီးတောက် ပွဲတော်ကြီး စတင်တော့မည်ဖြစ်သည်။</p> <p>​</p> <p> </p> <p style="text-align: center;">အပိုင်း ( ၂၂၉ ) ပြီးဆုံး။</p> <p style="text-align: center;">***</p> <p> </p>


Save