Book List

<h2 style="text-align: center;">အပိုင်း ( ၂၃၀ )</h2> <h2 style="text-align: center;">​*</h2> <p> </p> <p> </p> <p>ယူးအီဟန် ဖန်တီးထားသော ဝိညာဉ်များနှင့် မီးတောက်များဖြင့် ပြုလုပ်ထားသည့် သံကြိုးများက အဆင့်မြင့်မြတ်သူများကို ချည်နှောင်ထားသည်။ ဖျက်ဆီးခြင်းနတ်ဆိုးတပ်မတော်မှ အသက်ရှင်ကျန်ရစ်သော နှစ်ကောင်တွင် ဧရာမ သားရဲကြီးတစ်ကောင်နှင့် လူပုံစံနတ်ဆိုးတစ်ကောင် ပါဝင်သော်လည်း သံကြိုးများမှ မလွတ်မြောက်နိုင်ခြင်းတွင်တော့ အတူတူပင်ဖြစ်သည်။ သံကြိုးများကို ဖွဲ့စည်းထားသော ဝိညာဉ်များက ယူးအီဟန်နှင့် ချိတ်ဆက်နေပြီး ယူးအီဟန်၏ ဝိညာဉ်နှင့် ချိတ်ဆက်မှုကို မဖြတ်တောက်နိုင်သရွေ့ ထိုသံကြိုးများကိုလည်း ချိုးဖျက်နိုင်မည် မဟုတ်ပေ။</p> <p>​သေချာသည်ကတော့ ယူးအီဟန်၏ လက်ရှိအဆင့်အတန်းထက် အများကြီး မြင့်မားသူများဆိုလျှင် ဤကန့်သတ်ချက်များကို လျစ်လျူရှုကာ လွတ်မြောက်နိုင်မည် ဖြစ်သော်လည်း သူ့ရှေ့ရှိ နှစ်ကောင်ကမူ ထိုအထဲတွင် မပါဝင်ပေ။</p> <p>​"လီအယ်ရာ ဒီထဲက တစ်ကောင်ကို ယူလိုက်"</p> <p>​"နေပါစေ မီးရ်ကိုပဲ ပေးလိုက်ရအောင် မီးရ်က အဆင့်နိမ့်သေးတယ်လေ"</p> <p>​အဆင့်နိမ့်သူ နှစ်ဦးက သူတို့ရှေ့တွင် ချည်နှောင်ခံထားရသော အဆင့်မြင့်မြတ်သူများကို ကြည့်ကာ စကားပြောနေကြသည်။ လင်မယားနှစ်ယောက်က အသားဟင်းရဲ့ နောက်ဆုံးကျန်တဲ့ အတုံးလေးကို တစ်ယောက်ကိုတစ်ယောက် အပြန်အလှန် ပေးနေကြပြီး နောက်ဆုံးမှာတော့ သားဖြစ်သူကို ကျွေးလိုက်ရတဲ့ မြင်ကွင်းမျိုးလို ဖြစ်နေသဖြင့် အတော်လေး ရယ်စရာကောင်းနေသည်။</p> <p>​"အဲ့ဒါဆိုလည်း ကောင်းပါပြီ ကျွန်တော် မီးရ်ကို သွားခေါ်လိုက်မယ်"</p> <p>​"ဟုတ်ပြီ သွားခေါ်လိုက်"</p> <p>​နောက်ဆုံးတွင် လီအယ်ရာက အဆင့်မြင့်မြတ်သူ နှစ်ကောင်ကို ချန်ထားရစ်ခဲ့ကာ ပျံသန်းနိုင်သော ရဲတိုက်ဆီသို့ ပြန်သွားလေသည်။ ထိုလုပ်ရပ်က ချည်နှောင်ခံထားရသော အဆင့်မြင့်မြတ်သူ နှစ်ဦး၏ မာနကို အပိုင်းပိုင်းအစစ ကျိုးကြေသွားစေသည်။</p> <p>​"မာနကြီးလွန်းတဲ့ကောင်တွေ"</p> <p>​"အီး ကွီး"</p> <p>​ယူးအီဟန်၏ အကျည်းတန်စွာ ချည်နှောင်ခြင်းကို ခံထားရပြီး သာမန် အသားဟင်း တစ်ခွက်လို ဖြစ်နေသော်လည်း ဤအဆင့်မြင့်မြတ်သူများသည်လည်း ကမ္ဘာတစ်ခုကို အုပ်စိုးခဲ့ဖူးသူများ ဖြစ်သည်။ သို့သော် သာမန် အဆင့်နိမ့်သူ နှစ်ဦးက သူတို့ရှေ့တွင် အေးအေးဆေးဆေး အနားယူနေကြသည် မဟုတ်ပါလား။</p> <p>​"မင်းကို ငါသတ်မယ်"</p> <p>​"မင်းရဲ့ မိန်းမကို ငါ အေးခဲပစ်ပြီး ရေခဲရုပ်တု ဖြစ်အောင် လုပ်ပစ်မယ်"</p> <p>​သားရဲနတ်ဆိုးကြီးက ၎င်း၏ လက်နှစ်ဖက်တွင် ဖျက်ဆီးနိုင်စွမ်းရှိသော မာနာစွမ်းအင်များကို စုစည်းကာ ကြွက်သားများကို ဖောင်းကြွလာစေပြီး လူပုံစံနတ်ဆိုးကမူ ၎င်း၏ ပတ်ဝန်းကျင်တွင် ရေခဲလုံးများကို ဖန်တီးလိုက်သည်။ တိုက်ခိုက်မှုတိုင်းက အသက်အန္တရာယ် ပေးနိုင်လောက်အောင် ပြင်းထန်သည်။ အဆင့်မြင့်မြတ်သူများပီပီ ထိုသို့ပြုလုပ်ရန် တစ်စက္ကန့်ပင် အချိန်မယူလိုက်ရပေ။</p> <p>​ထိုနှစ်ကောင်က တစ်ပြိုင်နက်တည်း တိုက်ခိုက်လာကြသည်။ သို့သော် လီအယ်ရာ ရေခဲရုပ်တု ဖြစ်သွားသည့် မြင်ကွင်းမျိုးတော့ ထွက်ပေါ်မလာခဲ့ပေ။ သူတို့ မာနာစွမ်းအင်များကို စုစည်းရန် ကြိုးစားလိုက်သည်နှင့် တစ်ပြိုင်နက် ယူးအီဟန်က အေးဂျစ်စ် ဒိုင်းလွှားငါးခုကို ခေါ်ယူကာ သူတို့၏ တိုက်ခိုက်မှုအားလုံးကို ကာကွယ်လိုက်သည်။</p> <p>​"ဘာ"</p> <p>​"ဒိုင်းလွှားတွေ ဟုတ်လား"</p> <p>​ကျဆုံးနေသော ကောင်းကင်တမန်များ၏ အမွေးအတောင်များဖြင့် အဆင့်မြှင့်တင်ထားပြီးနောက် မာနာစွမ်းအင်များကို စုပ်ယူကာ အဆပေါင်းများစွာ ပွားများစေပြီးမှ ပြန်လည်ပစ်လွှတ်နိုင်သော အာနိသင်ရှိသည့် အေးဂျစ်စ်က ၎င်း၏ တာဝန်ကို ကျေပွန်စွာ ထမ်းဆောင်ကာ ရန်သူများ၏ မာနာစွမ်းအင်များကို သူတို့ထံသို့ ပြန်လည်ပစ်လွှတ်လိုက်သည်။</p> <p>​"အထိရောက်ဆုံး တိုက်ခိုက်မှု"</p> <p>​"အား"</p> <p>​"ကောင်းတယ် ထင်ထားတဲ့အတိုင်းပဲ အလုပ်လုပ်တာ သိပ်ကောင်းတာပဲ"</p> <p>​အနာဂတ်တွင် အဆင့်မြင့်မြတ်သူများထံမှ ရရှိသော ပစ္စည်းများဖြင့် ထပ်မံအဆင့်မြှင့်တင်လိုက်ပါက ပိုမိုပြီးပြည့်စုံသော ဒိုင်းလွှားတစ်ခု ဖြစ်လာပေမည်။ ယူးအီဟန်က အေးဂျစ်စ်၏ စွမ်းဆောင်ရည်ကို ကျေနပ်သွားပြီး ပျက်စီးခြင်းခေါ်သံ ကို ဖြန့်ကြက်ကာ လေထဲသို့ တုန်ခါမှုလှိုင်းများ ပစ်လွှတ်ရင်း ခုန်ပျံလိုက်သည်။</p> <p>​ခုန်ပျံခြင်း စွမ်းရည်ကို အပြည့်အဝ ကျွမ်းကျင်ထားပြီး အာကာသကူးပြောင်းခြင်း စွမ်းရည်မှာလည်း တစ်နေ့တခြား တိုးတက်လာပြီဖြစ်ရာ ယူးအီဟန်က လှုပ်ရှားမှု တစ်ချက်တည်းဖြင့် သုံးလေးကြိမ် ဆက်တိုက် ခုန်ပျံနိုင်သည့် အဆင့်သို့ ရောက်ရှိနေပြီဖြစ်သည်။ လေထုကို ကန်ထွက်လိုက်သလိုမျိုး ထင်ရသော်လည်း နောက်တစ်စက္ကန့်တွင် မီတာရာပေါင်းများစွာ အဝေးသို့ ရောက်ရှိနေပြီဖြစ်သည်။ ၎င်းက နေရာကူးပြောင်းခြင်း မှော်ပညာနှင့် သိပ်မကွာခြားလှပေ။</p> <p>​"ဟား"</p> <p>​ယူးအီဟန်၏ ခုန်ပျံရာ လမ်းကြောင်းနောက်သို့ အေးဂျစ်စ်က လိုက်ပါလာပြီး ပိုင်နက်တစ်ခုလုံးကို ဖွဲ့စည်းထားသော မီးတောက်များက သူ၏ လှံဖျားဆီသို့ စုစည်းသွားကြသည်။ ယူးအီဟန် ပစ်မှတ်ထားနေသည်မှာ အဆင့်ပိုမြင့်သော ရေခဲစွမ်းအင်သုံး လူပုံစံနတ်ဆိုးကို ဖြစ်သည်။ ၎င်း၏ ရေခဲများကို မျက်နှာချင်းဆိုင် ရင်ဆိုင်ချိုးဖျက်ရန် သူ စဉ်းစားထားသည်။</p> <p>​"ဟက် မင်းက ငါ့ကို လွယ်မယ်ထင်နေတာလား မင်းရဲ့ မီးနဲ့ ငါ့ကို အရည်ပျော်အောင် လုပ်နိုင်မယ်လို့ ထင်နေတာလား"</p> <p>​ယူးအီဟန်က အဝေးမှနေ၍ စွမ်းအင်တန်းများဖြင့်သာ ပစ်ခတ်မည်ကို ၎င်းက စိုးရိမ်နေခဲ့သော်လည်း အနီးသို့ ချဉ်းကပ်လာသောအခါ ရင်ထဲပေါ့သွားကာ ရယ်မောလိုက်သည်။</p> <p>​"လာလေ လာခဲ့စမ်း"</p> <p>​"အိုး ရတာပေါ့"</p> <p>​ခုနက အဆင့်မြင့်မြတ်သူ သုံးကောင် သေသွားတာ ချောင်းမြောင်းတိုက်ခိုက်ခံရလို့လို့ ဒီကောင် ထင်နေတာပဲ။ သူတို့တွေ ဘာမှမလုပ်နိုင်ဘဲ မျက်တောင်တစ်ခတ်အတွင်း သေသွားတာ မဟုတ်ဘူးလား။ အခုကျတော့ တိုက်ရိုက်ကြီး ဝင်တိုက်နေတာလေ။</p> <p>​ကိုယ့်နေရာကိုယ်မသိဘဲ မာနကြီးကြီးနဲ့ သေလမ်းရှာနေတဲ့ ကောင်တွေပါလား။ သူတို့ထဲက တစ်ကောင်မှ အဆင့်မြင့်မြတ်သူဆိုတဲ့ အဆင့်အတန်းနဲ့ မထိုက်တန်ဘူး။ ဒီကောင်လည်း အဲ့ဒီလိုပဲ ဖြစ်သွားရမယ်။</p> <p>​"ဒါက ရေခဲလွင်ပြင်များ၏ သူရဲကောင်း ကတ်တလာရဲ့ ရေခဲပဲ ယောက်ျားတစ်ယောက်ကို အေးခဲပစ်ရတာ ငါ့ဝါသနာ မဟုတ်ပေမဲ့ မင်းရဲ့ စိတ်ကူးယဉ် အိပ်မက်တွေနဲ့ ခဏလောက် ကစားပေးရသေးတာပေါ့"</p> <p>​"ရိုးရိုးသားသား ဝန်ခံစမ်း မင်းတို့တွေကြားမှာ လူဆိုးတွေအသုံးများတဲ့ စကားပြောမှတ်တမ်း တစ်ခုခု မျှဝေထားတာ ရှိတယ် မဟုတ်လား"</p> <p>​"မှ မှတ်တမ်း ဟုတ်လား"</p> <p>​ထိုအချိန်တွင် အလွန်များပြားလှသော မီးတောက်များက လှံဖျားဆီသို့ စုစည်းလာပြီး အလင်းပေါက်ဖြစ်သွားကာ ဤအတိုင်းဆိုလျှင် ပိုင်နက်တစ်ခုလုံး ပြိုကျသွားမလားဟုပင် ထင်မှတ်ရလောက်အောင် သိပ်သည်းနေသည်။ ဤအရာက အဆင့်မြင့်မြတ်သူ တစ်ပါးကို မျက်နှာချင်းဆိုင် ရင်ဆိုင်နိုင်သည်ဟု ယူးအီဟန် ဆုံးဖြတ်လိုက်ရခြင်း၏ ပထမဆုံး အကြောင်းရင်းဖြစ်သော သူ၏ မီးတောက်များပင် ဖြစ်သည်။</p> <p>​သူ ရင်ဆိုင်နေရသော အဆင့်မြင့်မြတ်သူက အနည်းငယ် အန္တရာယ်များနိုင်သည်ဟု တွေးလိုက်သကဲ့သို့ပင် အခြား အဆင့်မြင့်မြတ်သူကလည်း အနောက်မှနေ၍ ပစ်ကူပေးလာသော်လည်း ထိုတိုက်ခိုက်မှုများ လာမည်ကို ယူးအီဟန် ကြိုတင်သိရှိထားသဖြင့် အေးဂျစ်စ်က အားလုံးကို ကာကွယ်ပေးလိုက်သည်။</p> <p>​"အဲ့ဒီစကားတွေကို မင်း ဘယ်ကနေ ကူးချလာတာလဲဆိုတာ ငါ ဂရုမစိုက်ဘူး"</p> <p>​ထိုအချိန်တွင် ကြိတ်ဝါးသံအချို့ ထွက်ပေါ်လာသည်။ ယူးအီဟန်က သူ၏ လက်မောင်းကြွက်သားများကို သန်မာလာစေရန် နတ်ဘုရားခွန်အား ကို အသက်သွင်းလိုက်ရာ အမြီးရှစ်ချောင်းနဂါးလှံပေါ်သို့ ဖိအားများလွန်းသွားခြင်း ဖြစ်သည်။ ဤသည်မှာ ယူးအီဟန်က အဆင့်မြင့်မြတ်သူကို မျက်နှာချင်းဆိုင် ရင်ဆိုင်ရဲခြင်း၏ ဒုတိယ အကြောင်းရင်းဖြစ်သော သူ၏ ကြွက်သားခွန်အားပင် ဖြစ်သည်။</p> <p>​"မင်း ဖတ်ချင်တယ်ဆိုရင်တောင် မူပိုင်ခွင့်ရှိတဲ့ မူရင်းကို ဝယ်ဖတ်လိုက်စမ်း"</p> <p>​"အား"</p> <p>​ယူးအီဟန်က အကြိမ်ရေ အနည်းငယ် ခုန်ပျံလိုက်ရုံဖြင့် ရန်သူ၏ နှာခေါင်းရှေ့သို့ ချက်ချင်း ရောက်ရှိလာပြီး သူ၏ လှံကို လက်နှစ်ဖက်ဖြင့် ကိုင်ကာ အောက်သို့ အားကုန် ခုတ်ချလိုက်သည်။</p> <p>​"အထိရောက်ဆုံး တိုက်ခိုက်မှု"</p> <p>​၎င်းက ခန္ဓာကိုယ်အတွင်းရှိ ရေခဲစွမ်းအင်များ အားလုံးကို စုစည်းကာ ရေခဲဓားပေါင်း ရာနှင့်ချီ ဖန်တီးပြီး ယူးအီဟန်ကို တိုက်ခိုက်ရန် ကြိုးစားသော်လည်း ယူးအီဟန်ထံမှ ထွက်ပေါ်လာသော အလင်းပေါက် မီးတောက်များရှေ့တွင် အားလုံး အရည်ပျော်သွားကြသည်။ စွမ်းအင် သဘာဝချင်း ယှဉ်ပြိုင်ရာတွင် ရှုံးနိမ့်သွားသဖြင့် သူ့ကိုယ်သူ ရေခဲလွင်ပြင်၏ သူရဲကောင်းဟု ကြွေးကြော်ထားသော ကောင်မှာ မျက်လုံးများ ပြူးကျယ်သွားတော့သည်။</p> <p>​"မင်း ငါ့ရဲ့ ရေခဲတွေကို ချိုးဖျက်လိုက်တာလား အား"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး တိုက်ခိုက်မှု"</p> <p>​"အထိရောက်ဆုံး"</p> <p>​ပို၍ဆိုးရွားသော ပြဿနာမှာ ၎င်း၏ ရေခဲစွမ်းအင်များ အားလုံးကို အသုံးပြုကာ ကာကွယ်ရလောက်အောင် ပြင်းထန်သော လှံချက်မျိုး နောက်ထပ် ကိုးချက်ခန့် ကျန်ရှိနေသေးခြင်းပင်။ ၎င်းက အသံမထွက် ပုံသဏ္ဌာန်မရှိသော မီးတောက်များ၏ တိုက်ခိုက်မှုဖြစ်သည်။ ငရဲချခြင်း ပိုင်နက်အတွင်း အဆင့်အတန်း တစ်ဆင့် ကျဆင်းနေချိန်တွင် ထိုတိုက်ခိုက်မှုများကို ၎င်း ဘယ်လိုမှ ခံနိုင်ရည်မရှိပေ။</p> <p>​"အာ့"</p> <p>​"အရင်တစ်ခေါက်တုန်းက မင်း မြင်ခဲ့တယ် မဟုတ်လား"</p> <p>​"ဒါက အဆင့်မြင့် နည်းစနစ်တွေထဲမှာတောင် သိုင်းပညာရပ်တစ်ခု ဖြစ်တဲ့ ကြည့်နေရုံနဲ့ ရှောင်လို့မရတဲ့"</p> <p>​ထိုအရာက ၎င်း၏ နောက်ဆုံး စကားများပင် ဖြစ်သည်။ ယူးအီဟန်၏ ဆက်တိုက် တိုက်ခိုက်မှုများက ၎င်း၏ မာနာစွမ်းအင် စီးဆင်းမှု လမ်းကြောင်းများကို ပြတ်တောက်သွားစေပြီး ရူးသွပ်နေသော မာနာစွမ်းအင်များက ၎င်းကို တစ်ကိုယ်လုံး အေးခဲသွားစေသည်။ နောက်ဆုံးအချိန်ရောက်မှသာ မိမိက မာနကြီးလွန်းခဲ့ကြောင်း သဘောပေါက်သွားပြီးနောက် ၎င်း၏ ဦးနှောက်နှင့် မျက်လုံးများပါ အေးခဲသွားတော့သည်။</p> <p>​သင် အတွေ့အကြုံများ ရရှိလိုက်ပါပြီ။</p> <p>​သင်သည် အဆင့် ၂၇၅ သို့ ရောက်ရှိသွားပါပြီ။ ခွန်အား ၂၊ လျင်မြန်မှု ၁၊ ကျန်းမာရေး ၁၊ မှော်စွမ်းအင် ၁ တိုးလာပါမည်။</p> <p>​သင်သည် အဆင့် ၃၁၉ ကတ်တလာ ၏ မှတ်တမ်းကို ရရှိလိုက်ပါပြီ။</p> <p>​ခြေရာခံမရသော လမ်းကြောင်း လှံ စွမ်းရည် အဆင့် ၉၅ သို့ ရောက်ရှိသွားပါပြီ။</p> <p>​နတ်ဘုရားခွန်အား စွမ်းရည် အဆင့် ၃ သို့ ရောက်ရှိသွားပါပြီ။</p> <p>​ယူးအီဟန် အဆင့်မြင့်မြတ်သူ တစ်ပါးကို နောက်မဆုတ်ဘဲ ရင်ဆိုင်ရဲသည့် တတိယ အကြောင်းရင်းမှာ နှစ်ပေါင်းများစွာ ဒုက္ခခံကာ လေ့ကျင့်ခဲ့ရမှုများကြောင့် အဆင့်မြင့် နည်းစနစ်များထဲတွင်ပင် အလွန်မြင့်မားသော အဆင့်တစ်ခုသို့ ရောက်ရှိနေပြီဖြစ်သော သူ၏ လှံပညာရပ်များကြောင့်ပင် ဖြစ်သည်။</p> <p>​ရှေ့မှ အချက်နှစ်ချက်နှင့် မကိုက်ညီလျှင်တောင် သူ၏ ခြေရာခံမရသော လမ်းကြောင်း လှံ စွမ်းရည်က တိုက်ပွဲကို ပြောင်းပြန်လှန်ပစ်ရန် လုံလောက်သော စွမ်းအား ရှိနေသည်။</p> <p>​"ဟုတ်တယ် မင်းကို ငါတို့ တကယ် မနိုင်ပါလား"</p> <p>​မိမိထက် သန်မာသော မဟာမိတ်ဖြစ်သူ လွယ်လွယ်ကူကူ အသတ်ခံလိုက်ရသည်ကို မြင်သောအခါ သားရဲနတ်ဆိုးကြီးက အသက်ရှင်ရန် ကြိုးစားနေမှုကို လက်လျှော့လိုက်သည်။ ထိုအချိန်တွင် လီအယ်ရာက ယူးမီးရ်နှင့်အတူ ပြန်လည်ရောက်ရှိလာသည်။ ယူးမီးရ်မှာ နဂါးတစ်ကောင်ဖြစ်ကြောင်း သိလိုက်ရသဖြင့် ၎င်းက ရယ်မောလိုက်သည်။</p> <p>​"မင်းက သာမန်မဟုတ်ဘူးဆိုတာ ငါသိပေမဲ့ နဂါးတစ်ကောင်တောင် ရှိနေလိမ့်မယ်လို့ မထင်ထားဘူး မင်းက နဂါးစီးသူရဲ ဖြစ်ရမယ်"</p> <p>​ယူးအီဟန်က ၎င်း၏ စကားများကို လျစ်လျူရှုလိုက်ပြီး ယူးမီးရ်ဘက်သို့ လှည့်ကြည့်လိုက်သည်။</p> <p>​"မီးရ် ဖေဖေက ဖမ်းထားပေးလို့ အတွေ့အကြုံတော့ နည်းနည်းလျော့သွားမယ် ဒါပေမဲ့ သားပဲ အဆုံးသတ်လိုက်တော့"</p> <p>​"ဟင့် သားက သားရဲ့ ကိုယ်ပိုင်စွမ်းအားနဲ့ပဲ သန်မာချင်တာကို"</p> <p>​"ဒါပေမဲ့ သားက အားနည်းသေးတော့ ပိုမြန်မြန် သန်မာလာဖို့ လိုတယ် မဟုတ်လား"</p> <p>​"ဟုတ်"</p> <p>​ယူးမီးရ်က ရွှေရောင် အသက်ရှုစွမ်းအင် ကို ရှည်လျားပြီး ထက်မြက်လာအောင် ပြောင်းလဲလိုက်သည်။ ထိုနေရာသို့ သူ၏ မာနာစွမ်းအင်များ စုစည်းသွားပြီး လည်ပတ်နေသော အစွမ်းထက် လွန်ပူတစ်ခုအဖြစ် ပြောင်းလဲသွားသည်။</p> <p>​သို့သော် ယူးအီဟန်က သူ့ကို လေစွမ်းအင် မှော်ပညာကိုပါ သင်ပေးလျှင် ကောင်းမည်ဟု တွေးနေစဉ်မှာပင် ရန်သူက နောက်တစ်ကြိမ် စကားထပ်ပြောလာသည်။ ခုနက ပြောလို့မပြီးသေးပုံရသည်။</p> <p>​"မင်း အခုချိန်မှာ တော်တော်လေး ယုံကြည်မှု ရှိနေလောက်တယ် အဆင့်မြင့်မြတ်သူတွေကို အနိုင်ယူနိုင်တယ်ဆိုတဲ့ အချက်အပေါ်မှာ မင်း သာယာယစ်မူးနေလောက်တယ် ဒါပေမဲ့ ငါ့နောက်မှာ ပဉ္စမအဆင့် မဟာမိတ်တွေ မရေမတွက်နိုင်အောင် ရှိသေးသလို ပိုပြီးသန်မာတဲ့ ဆဋ္ဌမအဆင့်တွေတောင် ရှိသေးတယ် အဆင့်မြင့် ကမ္ဘာတစ်ခုအတွက် စစ်ပွဲက အခုမှ စရုံပဲ ရှိသေးတာ ကောင်းကင်ဘုံတပ်မတော်နဲ့ တောက်ပသောအလင်းရောင်တပ်မတော် အဲ့ဒီ မာနကြီးတဲ့ ကောင်တွေကလည်း မင်းလို ပုံမှန်မဟုတ်တဲ့ကောင်မျိုးကို ကြိုဆိုမှာမဟုတ်ဘူး အဆင့်နိမ့်သူ သက်သက်ဖြစ်တဲ့ မင်းက သူတို့အားလုံးကို ရင်ဆိုင်နိုင်ပါ့မလား"</p> <p>​"ဟင်း"</p> <p>​ယူးအီဟန် စကားဆိုလိုက်သည်။</p> <p>​"ဒီကောင်ရဲ့ အသက်အူတိုင်က ညာဘက်ခါးရဲ့ အောက်တည့်တည့်မှာ ရှိတယ် အဲ့ဒီကို ထိုးလိုက် မီးရ်"</p> <p>​"နားလည်ပြီ"</p> <p>​"အား"</p> <p>​သင် အတွေ့အကြုံများ ရရှိလိုက်ပါပြီ။</p> <p>​အတော်လေး သာမန်ဆန်လွန်းသော ၎င်း၏ နောက်ဆုံး အော်ဟစ်သံက ယူးအီဟန်ကို စိတ်ကျေနပ်သွားစေသည်။ သူ၏ ပါဝင်ပတ်သက်မှုက ပိုများသဖြင့် အတွေ့အကြုံ ၅၀ ရာခိုင်နှုန်းကျော်က သူ့ထံသို့ ရောက်ရှိလာပုံရသော်လည်း ၎င်းကို အဆုံးသတ်လိုက်သော ယူးမီးရ်သည်လည်း အဆင့်များစွာ တက်သွားသဖြင့် ပျော်ရွှင်နေသည်။</p> <p>​"ဒီနေရာက တကယ်ကို အတွေ့အကြုံတွေ အများကြီးရတဲ့ နိဗ္ဗာန်ဘုံပဲနော် ဖေဖေ"</p> <p>​"ဖေဖေလည်း အဲ့ဒီလိုပဲ ထင်တယ်"</p> <p>​"..."</p> <p>​ယူးအီဟန်က နတ်ဆိုး၏ အလောင်းကို သိမ်းဆည်းလိုက်ပြီး ပတ်ဝန်းကျင်တွင် ရန်သူများ မရှိတော့ကြောင်း သေချာစစ်ဆေးပြီးနောက် ငရဲချခြင်း ကို ဖျက်သိမ်းလိုက်ချိန်တွင် လီအယ်ရာက စိုးရိမ်တကြီးဖြင့် သူ့ကို မေးလိုက်သည်။</p> <p>​"အီဟန် ခုနကကောင် ပြောသွားတာ မှားမယ်မထင်ဘူး တကယ်ပဲ အဆင်ပြေပါ့မလား အဆင့်မြင့် ကမ္ဘာတစ်ခုအတွက် ပဉ္စမအဆင့်တွေ ရာနဲ့ချီပြီး တိုက်ခိုက်နေကြတာကို ငါ မြင်ဖူးတယ်"</p> <p>​"ခုနက တိုက်ပွဲအပြီးမှာ ကျွန်တော် အတော်လေး ယုံကြည်မှု ရှိသွားပါပြီ ငရဲချခြင်း ပိုင်နက်ထဲမှာဆိုရင် ဆဋ္ဌမအဆင့် ငါးကောင်လောက်ကို ကျွန်တော်တို့ ကောင်းကောင်း ရင်ဆိုင်နိုင်တယ် အဲ့ဒါက ကျွန်တော့်ရဲ့ စွမ်းအားကို တိုးစေရုံတင်မကဘဲ ရန်သူတွေကိုပါ အားနည်းသွားစေတာလေ မင်းရယ် ကျွန်တော်ရယ် မီးရ်ရယ် ပြီးတော့ ပျံသန်းနိုင်တဲ့ ရဲတိုက်ရယ် ပေါင်းလိုက်ရင် ငါးကောင်လောက်ကို တစ်ပြိုင်နက်တည်း ရင်ဆိုင်နိုင်တယ်"</p> <p>​ယူးအီဟန်က ပြန်ဖြေလိုက်သည်။ ဆဋ္ဌမအဆင့် ငါးကောင်တဲ့လား။ လီအယ်ရာက အဲ့ဒါ တကယ်ကို အဓိပ္ပာယ်မရှိတဲ့ အရေအတွက်ပဲလို့ တွေးနေချိန်မှာပဲ။</p> <p>​"အဲ့ဒီထက် ပိုများလာရင်တော့ ပြောက်ကျားစနစ်နဲ့ တိုက်ရမှာပေါ့"</p> <p>​"ပျံသန်းနိုင်တဲ့ ရဲတိုက်နဲ့ ဟုတ်လား"</p> <p>​"ဟုတ်တယ် ပျံသန်းနိုင်တဲ့ ရဲတိုက်နဲ့"</p> <p>​"ဆဋ္ဌမအဆင့် ရောက်သွားပြီဆိုရင် သူတို့က ဒီကမ္ဘာတစ်ခုလုံးကို အလွန်ဆုံး ၁၅ မိနစ် အတွင်းမှာ အကုန်စစ်ဆေးနိုင်တယ်ဆိုတာ ရှင်သိတယ် မဟုတ်လား"</p> <p>​"အဲ့ဒီလောက်ဆို လုံလောက်ပါတယ် ပြီးတော့"</p> <p>​"ပြီးတော့ ဘာဖြစ်လဲ"</p> <p>​"အခုလောလောဆယ်တော့ လျှို့ဝှက်ချက်ပဲ"</p> <p>​လီအယ်ရာက ယူးအီဟန်ကို ထုထောင်းပစ်ချင်စိတ် ပေါက်သွားသော်လည်း သူ ပြုံးနေသည်ကို မြင်သောအခါ တကယ်တော့ မလုပ်ရက်ပေ။ သူက အခုချိန်မှာ အဓိပ္ပာယ်မရှိတဲ့ အတွေးတစ်ခုခုကို တွေးနေတာ သေချာတယ်။ ပြီးတော့ အဲ့ဒီ အဓိပ္ပာယ်မရှိတဲ့ အတွေးတွေကပဲ လက်ရှိ ယူးအီဟန်ဆိုတာကို ဖန်တီးပေးခဲ့တဲ့ အဓိက မောင်းနှင်အားတွေပဲလေ။</p> <p>​ယူးအီဟန် ပိုင်ဆိုင်ထားတဲ့ အကြီးမားဆုံး စွမ်းအားဆိုတာ သူ့ရဲ့ ခွန်အားလည်း မဟုတ်ဘူး ကြိုးစားအားထုတ်မှုလည်း မဟုတ်ဘူး ပါရမီလည်း မဟုတ်ဘဲ နှစ်ပေါင်းများစွာ စုဆောင်းလာခဲ့တဲ့ အသိပညာတွေအပေါ် အခြေခံပြီး ရုတ်တရက် ပေါ်ထွက်လာတတ်တဲ့ သူရဲ့ ထိုးထွင်းသိမြင်နိုင်စွမ်းတွေများလား လို့ သူမ တွေးလိုက်မိတယ်။</p> <p>​"ရပြီ"</p> <p>​ယူးအီဟန်က ယခုလေးတင် အဆင့်မြင့်မြတ်သူများနှင့် တိုက်ပွဲတွင် ပျက်စီးသွားသော သူ၏ ချပ်ဝတ်တန်ဆာများအပေါ်သို့ မှော်ကျောက်တုံးများ ထုထည့်ကာ ပြုပြင်လိုက်ရင်း ယူးမီးရ်ကို ရင်ခွင်ထဲသို့ ဆွဲသွင်းကာ မေးလိုက်သည်။</p> <p>​"မီးရ် အခုကစပြီး တိုက်ပွဲတွေက တော်တော်လေး ပြင်းထန်လာတော့မယ် အဆင်ပြေပါ့မလား"</p> <p>​"ဟုတ် သားက အခက်အခဲတွေကို မရင်ဆိုင်ရရင် တကယ် သန်မာလာမှာ မဟုတ်ဘူးလေ သားက ခုနကလိုမျိုး ခိုးကြောင်ခိုးဝှက် နည်းလမ်းတွေနဲ့ မဟုတ်ဘဲ တရားမျှတတဲ့ နည်းလမ်းတွေနဲ့ ပိုပြီး သန်မာချင်တယ်"</p> <p>​"ကောင်းပြီ သား အဲ့ဒီလို တွေးနေရင် ရပါပြီ"</p> <p>​"ပြီးတော့ သားက"</p> <p>​ယူးမီးရ်က အနည်းငယ် တုံ့ဆိုင်းနေပုံရသော်လည်း နောက်ဆုံးတွင်တော့ သူ၏ နှုတ်ခမ်းကို ကိုက်ကာ နာကြည်းစွာဖြင့် စကားဆိုလိုက်သည်။</p> <p>​"ဖီရီယာအတွက် လက်စားချေချင်တယ်"</p> <p>​"အင်း"</p> <p>​ယူးမီးရ်က ဖီရီယာတို့နှင့်အတူ ၂ နှစ်နဲ့ ၉ လ အချိန်ကုန်ဆုံးခဲ့သည် မဟုတ်ပါလား။ တကယ်တမ်းဆိုလျှင် ယူးအီဟန်နှင့် နေခဲ့ရသော အချိန်ထက်ပင် ပိုမိုကြာမြင့်ခဲ့သည်။ ထိုအချက်ကို ယူးအီဟန် မသိခြင်း မဟုတ်သော်လည်း သူ၏ ပါးစပ်မှ တိုက်ရိုက် ကြားလိုက်ရသောအခါ ခံစားချက်က လုံးဝကို ကွာခြားသွားသည်။</p> <p>​"သူ့အတွက် လက်စားချေကြတာပေါ့ ငါတို့ကို လောက်ကောင်တွေလို သဘောထားတဲ့ အမှိုက်ကောင်တွေ အကုန်လုံးကို"</p> <p>​"ဟုတ်"</p> <p>​"တကယ်ပါပဲ ဒါက သားအဖနှစ်ယောက်ကြားမှာ ပြောသင့်တဲ့ စကားဝိုင်း မဟုတ်ပါဘူး ဒါပေမဲ့ ငါကလည်း နင့်စကားကို သဘောမတူတာမှ မဟုတ်တာ"</p> <p>​ယူးအီဟန်က လီအယ်ရာ၊ ယူးမီးရ်တို့နှင့်အတူ ပျံသန်းနိုင်သော ရဲတိုက်ဆီသို့ ပြန်လာခဲ့သည်။ နဂါးတပ်မတော်၊ နာယူနာနှင့် ကန်ဟာဂျင်တို့က သူတို့ကို စောင့်ကြိုနေကြပြီး အဆင့်မြင့်မြတ်သူများကို သွားရောက်ရင်ဆိုင်မည်ဟု ထင်ထားခဲ့သော်လည်း သူတို့ ဘာမှမလုပ်လိုက်ရခင်မှာပင် ရန်သူများ သေဆုံးသွားခဲ့သဖြင့် အပြောရခက်အောင် ဆွံ့အနေကြသည်။</p> <p>​"ကျွန်တော်တို့ကို တကယ်ကော လိုအပ်ရဲ့လား"</p> <p>​"အခုကစပြီး လိုအပ်လာမှာပါ အရင်ဆုံး သွားကြရအောင်"</p> <p>​"သွားမယ် ဘယ်ကိုလဲ"</p> <p>​"ဟိုရောက်ရင် သိလိမ့်မယ်"</p> <p>​မှော်အစီအရင်က နောက်တစ်ကြိမ် အသက်ဝင်လာသည်။ ထိုခဏမှာပင် သူတို့ နေရာကူးပြောင်းသွားပြီး ဤတစ်ကြိမ်တွင်တော့ တိတ်ဆိတ်သော တောအုပ်တစ်ခုအတွင်းသို့ ရောက်ရှိသွားကြသည်။</p> <p>​"အဲ့ဒါကြောင့် ငါတို့ ဒီမှာ လူစုခွဲရမယ်"</p> <p>​"ဒါပေမဲ့ ဖီရီယာနဲ့ သူ့နောက်ကို လိုက်သွားတဲ့ သစ်တောလူသား ၂၃ ယောက် ပြန်မလာသေးဘူးလေ တကယ်လို့ သူတို့ အရံခံနေရရင်"</p> <p>​"သူနဲ့ တခြား သစ်တောလူသားတွေက ငါတို့ရဲ့ လုပ်ဖော်ကိုင်ဖက်တွေနဲ့ အတူရှိနေတာပါ ငါ့ရဲ့ လုပ်ဖော်ကိုင်ဖက်တွေနဲ့ ဆက်သွယ်မှု ပြတ်တောက်သွားတာကို ကြည့်ရင် လုပ်ဖော်ကိုင်ဖက်တွေကို ထားလိုက် သူမတောင် သေသွားလောက်ပြီ"</p> <p>​"ဘယ်လိုမှ မဖြစ်နိုင်ဘူး ဖီရီယာက ဘယ်သူ့လက်ချက်နဲ့များ သေသွားရမှာလဲ"</p> <p>​ယခု သူတို့က နေရာမှန်သို့ ရောက်ရှိနေပြီဖြစ်သည်။ ဤနေရာက စစ်မြေပြင်တစ်ခု မဟုတ်သလို မြေပြင်ပေါ်တွင်လည်း အဆင့်နိမ့်သူ အများအပြား ရှိနေသည်။ ဆိုလိုသည်မှာ ဤနေရာက အရေးပေါ် ခိုလှုံရာစခန်း တစ်ခုနှင့် တူနေသည်။</p> <p>​"သူ သေသွားစရာ အကြောင်းမရှိဘူး ငါတို့ သူ့ကို စောင့်ရမယ် ပြီးတော့ ငါတို့တွေ အတူတူ လှုပ်ရှားရမယ်လေ"</p> <p>​"ငါတို့က အခု မင်းတို့ကို အသက်ရှင်အောင် လုပ်ပေးနေတာလေ အရင်တုန်းကလည်း နဂါးတွေရန်ကနေ မင်းတို့ကို ပုန်းအောင်းနိုင်အောင် ကူညီပေးခဲ့တယ်လေ အဲ့ဒါကို မမှတ်မိတော့ဘူးလား"</p> <p>​"ဒါပေမဲ့လည်း"</p> <p>​နေဝင်ချိန်ဥယျာဉ်မှ အဖွဲ့ဝင်တစ်ဦးနှင့် စကားများနေသူမှာ မှော်အစီအရင်ကို ထိန်းချုပ်ရန် မှော်ပစ္စည်း ပေးအပ်ခံထားရသော မီရ်ဖာ ပင်ဖြစ်သည်။ ကျန်သူများက ဘာလုပ်ရမှန်းမသိဘဲ သူမကိုသာ ငေးကြည့်နေကြပြီး မီရ်ဖာ၏ စကားကို သဘောတူသော သံပုရာလူသား မင်းသမီး အဲရစ်ရှား တစ်ဦးတည်းသာ အဆင့်မြင့်မြတ်သူကို စူးရဲစွာ စိုက်ကြည့်နေသည်။</p> <p>​ကိုယ်စားလှယ် ရွေးချယ်တာ တော်တော်လေး မှန်ကန်သွားတယ်လို့ တွေးလိုက်ရင်း ယူးအီဟန်က ထိုနေရာရှိ အဖွဲ့ဝင်များကို စစ်ဆေးကြည့်လိုက်သည်။ ဖီရီယာနှင့်အတူ သေဆုံးသွားခဲ့သော သစ်တောလူသား အနည်းငယ်နှင့် သံပုရာလူသား အနည်းငယ်မှလွဲ၍ အဲရစ်ရှား၊ ဖလီးမီးရ်၊ မီရေး၊ ဂျေရယ်လ်၊ ပါတေး အပါအဝင် သူ၏ အခြား လက်အောက်ငယ်သားများနှင့် ကျန်ရှိနေသော သစ်တောလူသားများအားလုံး ဘေးကင်းလုံခြုံစွာ ရှိနေကြသည်။</p> <p>​"ဟူး"</p> <p>​စိတ်သက်သာရာ ရသွားသဖြင့် ယူးအီဟန်က ရှေ့သို့ လှမ်းထွက်လိုက်သည်။ သေချာသည်ကတော့ သူ၏ လက်ထဲတွင် လှံဖျား၌ ပြင်းထန်သော မီးတောက်များ လောင်ကျွမ်းနေသည့် အမြီးရှစ်ချောင်းနဂါးလှံ ပါရှိနေသည်။</p> <p>​"ဟား"</p> <p>​"အား"</p> <p>​"အထိရောက်ဆုံး တိုက်ခိုက်မှု"</p> <p>​ယူးအီဟန် ပစ်ပေါက်လိုက်သော အမြီးရှစ်ချောင်းနဂါးလှံက စကားတွေ ပေါက်ကရပြောနေသော နေဝင်ချိန်ဥယျာဉ်မှ ကောင်ကို ချက်ချင်းပင် ထိုးစိုက်ပစ်ချလိုက်သည်။ ကံမကောင်းစွာဖြင့် ၎င်းက ချက်ချင်း မသေဆုံးသွားဘဲ ပျံသန်းနိုင်သော ရဲတိုက်၏ ကိုယ်ပျောက်ခြင်း စွမ်းရည်မှာ ဖျက်သိမ်းခံလိုက်ရသော်လည်း မစ်စတစ်က ဤအရာအားလုံးကို ကြိုတင်သိရှိထားသည့်အလား ပျံသန်းနိုင်သော ရဲတိုက်ကို အောက်သို့ နှိမ့်ချလိုက်ကာ အရပ်မျက်နှာ အသီးသီးမှ ဖျက်ဆီးခြင်း မှန် များဖြင့် တိုက်ခိုက်ပြီး သူတို့ကို ဟန့်တားလိုက်သည်။ ထိုနေရာတွင် စုစုပေါင်း အဆင့်မြင့်မြတ်သူ ဆယ့်တစ်ဦး ရှိနေသည်။</p> <p>​"အ ဧကရာဇ်မင်းမြတ်"</p> <p>​"ဧကရာဇ်မင်းမြတ်ပဲ"</p> <p>​"ဧကရာဇ်မင်းမြတ် ရောက်လာပြီ"</p> <p>​အမြင်အာရုံ ကောင်းမွန်သော မျိုးနွယ်စုများပီပီ သစ်တောလူသားများက ယူးအီဟန်၏ မျက်နှာကို ချက်ချင်း မှတ်မိသွားကြသည်။ အကြောက်တရားနှင့် စိုးရိမ်ပူပန်မှုများ လွှမ်းမိုးနေသော သူတို့၏ မျက်နှာများမှာ ဝမ်းသာပျော်ရွှင်မှုနှင့် စိတ်သက်သာရာရမှုများအဖြစ် ချက်ချင်း ပြောင်းလဲသွားပြီး ယခုလေးတင် ဖြစ်ပျက်ခဲ့သမျှ အရာအားလုံးက ဟန်ဆောင်မှုတစ်ခု သက်သက်သာ ဖြစ်ခဲ့သည့်အလားပင်။</p> <p>​"ဧကရာဇ်မင်းမြတ်"</p> <p>​"ဧကရာဇ်မင်းမြတ် ကျွန်တော်တို့ စောင့်နေခဲ့တာပါ"</p> <p>​"ဧကရာဇ်မင်းမြတ်"</p> <p>​"အား သူက ဘာကြီးလဲ"</p> <p>​ထိုဝမ်းသာပျော်ရွှင်စွာ အော်ဟစ်သံများအားလုံးကို အနိုင်ယူရန် အဆင့်မြင့်မြတ်သူက အော်ဟစ်လိုက်သည်။ သစ်တောလူသားများက အော် ဒီကောင် ရှိနေသေးတာပဲ ဆိုသည့် အတွေးဖြင့် အကြောက်တရားဖြင့် နောက်ဆုတ်သွားကြချိန်တွင် မြေပြင်ပေါ်သို့ ဆင်းသက်လာသော ယူးအီဟန်က အဆင့်မြင့်မြတ်သူများနှင့် သူ၏ လက်အောက်ငယ်သားများကို ပိုင်းခြားထားသည့်အလား နေရာယူလိုက်ပြီး အေးဂျစ်စ် ကို ဖြန့်ကြက်ကာ သူ၏ လက်အောက်ငယ်သားများကို ကာကွယ်ပေးရင်း စကားဆိုလိုက်သည်။</p> <p>​"ဒီကောင်တွေက ရန်သူတွေပဲ"</p> <p>​"ဟုတ်ကဲ့ပါ အရှင်"</p> <p>​ဧကရာဇ်အပေါ် သစ္စာစောင့်သိမှုက အကြွင်းမဲ့ပင်။ နေဝင်ချိန်ဥယျာဉ်က အရင်က ဘယ်လိုပဲ ပြုမူခဲ့ပါစေ အခုချိန်မှာ ဘယ်လိုပဲ ပြုမူနေပါစေ အဲ့ဒါက အရေးမကြီးဘူး။ သစ်တောလူသားများက နေဝင်ချိန်ဥယျာဉ်ကို ရန်သူများအဖြစ် ချက်ချင်း သတ်မှတ်လိုက်ပြီး နောက်သို့ ဆုတ်ခွာသွားကြသည်။</p> <p>​"မင်း အတိအကျ ဘာ"</p> <p>​"မင်းတို့ကိုယ်မင်းတို့သာ ကာကွယ်ထားကြ"</p> <p>​ငါ ဒါရူးမှာ နေနေသရွေ့ ငရဲချခြင်း ရဲ့ အဆင့်တွေကတော့ တဟုန်ထိုး တက်လာတော့မှာပဲ လို့ တွေးလိုက်ရင်း ယူးအီဟန်က နယ်မြေတစ်ခုလုံးကို မီးတောက်များဖြင့် လွှမ်းခြုံလိုက်သည်။</p> <p>​"မကြာခင် ပြီးသွားပါလိမ့်မယ်"</p> <p>​တိုက်ပွဲက ၁၅ မိနစ်အတွင်း ပြီးဆုံးသွားခဲ့သည်။</p> <p>​ယူးအီဟန်၏ အဆင့်က ၃ ဆင့် တက်သွားလေပြီ။</p> <p>​</p> <p> </p> <p style="text-align: center;">အပိုင်း ( ၂၃၀ ) ပြီးဆုံး။</p> <p style="text-align: center;">***</p>


Save