Book List

<h2 style="text-align: center;">အခန်း (၈၁၈)</h2> <h2 style="text-align: center;">အမတဧကရာဇ်မင်း နှစ်ပါး၏ တောင်းပန်မှု</h2> <h2 style="text-align: center;">လူအပေါင်းကို တုန်လှုပ်စေခြင်း</h2> <h2 style="text-align: center;">*</h2> <p> </p> <p>ထိုအခိုက်အတန့်တွင်၊ ကောင်းကင်နှင့် မြေကြီးသည် တိတ်ဆိတ်ငြိမ်သက်သွားပြီး အချိန်နှင့် အာကာသသည်ပင် ရပ်တန့်သွားဟန်ရသည်။ အပ်ကျသံပင် ကြားရလောက်အောင် တစ်လောကလုံး တိတ်ဆိတ်သွားသည်။</p> <p> </p> <p>စက္ကန့်အနည်းငယ် ရပ်တန့်သွားပြီးနောက်၊</p> <p> </p> <p>“အမ်!”</p> <p> </p> <p>"ငါ... ငါပဲ အကြည့်မှားသွားလား...”</p> <p> </p> <p>"အမတဧကရာဇ်အဆင့် ရှိတဲ့ စွမ်းအားရှင် နှစ်ပါးက... ချန်ကဲ ဆက်ခံသူ ကို တောင်းပန်နေသတဲ့လား”</p> <p> </p> <p>အသက်ပြင်းပြင်း ရှုရှိုက်သံများက ဆက်တိုက်ဆိုသလို ပျံ့လွင့်လာလေသည်။</p> <p> </p> <p> ဤမြင်ကွင်းကို မြင်လိုက်ရသူတိုင်း မျက်လုံးများ ပြူးကျယ်ကာ ပါးစပ်များမှာ ကြက်ဥတစ်လုံး ငုံထားနိုင်လောက်အောင်အထိ ပါးစ‌ပ်အဟောင်းသား ဖြစ်နေကြသည်။</p> <p> </p> <p> အလွန်အမင်း ထိတ်လန့်တုန်လှုပ်မှုကြောင့် မျက်နှာအမူအရာများပင် ပုံပျက်ပန်းပျက် ဖြစ်လို့နေသည်။</p> <p> </p> <p>သူတို့၏ လောကအမြင်သည် ဤအခိုက်အတန့်တွင် အပြီးတိုင် ပြိုလဲသွားပုံရသည်။</p> <p> </p> <p>သူတို့၏ တုံ့ပြန်မှုမှာ ချဲ့ကားလွန်းခြင်း မဟုတ်ဘဲ ဤဖြစ်ရပ်ကိုယ်တိုင်က အလွန်အမင်း ထူးခြားလွန်းနေခြင်းကြောင့်သာ ဖြစ်သည်။</p> <p> </p> <p>အမတဧကရာဇ်မင်း ဆိုသည်မှာ အမတနယ်မြေ၏ ထိပ်ဆုံးနေရာတွင် ရပ်တည်နေသူများ ဖြစ်သည်။</p> <p> </p> <p>သတ္တဝါအပေါင်းကို ငုံ့ကြည့်ကာ အချိန်မြစ်အတွင်း မပျောက်မပျက်နိုင်သော ဖြစ်တည်မှုများ ဖြစ်သည်။စိတ်အာရုံတစ်ခုတည်းဖြင့် ကုဋေပေါင်းများစွာသော ကမ္ဘာများကို ဖျက်ဆီးပစ်နိုင်သူများ ဖြစ်သည့်အပြင် ဤပုဂ္ဂိုလ်နှစ်ဦးမှာ အမတနယ်မြေရှိ သာလွန်အင်အားစု(၁၈)ခုအနက်မှ အရှင်သခင်များ ဖြစ်ကြပြီး ၊ အမတဧကရာဇ်များထဲတွင်ပင် ထူးချွန်ထက်မြက်သူများ ဖြစ်ကြသည်။</p> <p> </p> <p>ယခုတွင်မူ ၊ လူအများရှေ့တွင် စစ်မှန်အမတနယ်ပယ်အဆင့်သာ ရှိသေးသော လူငယ်ကျင့်ကြံသူတစ်ဦးကို လူသိရှင်ကြား တောင်းပန်နေကြရုံသာမက၊ ခွင့်လွှတ်ပေးရန်နှင့် သက်ညှာခွင့်ပေးရန် အောက်ကျနောက်ကျ တောင်းဆိုနေသည်။</p> <p> </p> <p> ဤသည်မှာ တစ်ခါဖူးမျှ မကြားဖူး၊ မမြင်ဖူးသော ကိစ္စသာပင်။</p> <p> </p> <p>ဤမြင်ကွင်းသည် အမတနယ်မြေ၏ သမိုင်းစာမျက်နှာတွင် ကမ္ပည်းတင်ရမည် ဖြစ်ပြီး ၊ လူပေါင်းများစွာ၏ မှတ်တမ်းတင်ခြင်းကို ခံရပေလိမ့်မည်။</p> <p> </p> <p>..........</p> <p> </p> <p>စူးချန်ကဲ သည် တည်ငြိမ်အေးဆေးသော အမူအရာကို ဆက်လက်ထိန်းထားဆဲဖြစ်သော်လည်း သူ၏ နှုတ်ခမ်းထောင့်တွင်မူ ထူးခြားသော အပြုံးတစ်ခု ရှိနေခဲ့သည်။</p> <p> </p> <p>"ဟားးဟားး... စီနီယာနှစ်ဦးက ခုလို လက်ဆောင်မျိုး ပေးလာတာ ချန်ကဲအတွက် တကယ်ကို အံ့ဩစရာပဲ”</p> <p> </p> <p>"ဒါပေမဲ့ ဒီကိုးကွေ့အမတ ဖီးနစ်မြက်ကတော့ မလိုအပ်ဘူး “</p> <p> </p> <p>စူးချန်ကဲက အပြုံးမပျက် ဆက်ပြောလေသည်။</p> <p> </p> <p> "ကျုပ်က အမတနယ်မြေကို အခုမှ ရောက်လာတာဆိုပေမယ့် ကျုပ်မိသားစုရဲ့ ဘိုးဘေး တွေက ဒါမျိုးတွေ အများကြီး ပေးထားပြီးသားဆို‌တော့ ဒီလို အရာမျိုးတွေက ကျုပ်မျက်လုံးထဲ မဝင်ဘူး”</p> <p> </p> <p>ထိုစကားသံအဆုံးတွင် အလွန်အမင်း အံ့ဩနေကြသော လူအုပ်ကြီးမှာ တစ်ဖန် ထပ်မံ၍ ဆွံ့အသွားကြပြန်သည်။</p> <p> </p> <p>ကိုးကွေ့အမတ ဖီးနစ်မြက် ဆိုသည်မှာ အဘယ်နည်း။</p> <p> </p> <p>၎င်းမှာ အမတနယ်မြေ၏ ထိပ်တန်း နတ်မြက်ပင် ဖြစ်သည်။</p> <p> </p> <p>အမတဘုရင် နယ်ပယ်အဆင့်ရှိ စွမ်းအားရှင်များအတွက် ကောင်းကင်နှင့် မြေကြီး၏ မဟာလမ်းစဉ်ကို နားလည်သဘောပေါက်စေရန် များစွာ အထောက်အကူပြုနိုင်သော အရာ ဖြစ်သည်။</p> <p> </p> <p>သို့သော် စူးချန်ကဲသည် သူ၏ ဘိုးဘေးများက သူ့ကို အများကြီး ပေးထားသဖြင့် မျက်စိထဲပင် မဝင်ကြောင်း ပြောနေလေ၏။</p> <p> </p> <p>ဒီလောက်ထိ လူသားမဆန်တဲ့ စကားတွေကို  နားထောင်ကြည့်စမ်း !</p> <p> </p> <p>သူသည် ကြွယ်ဝချမ်းသာမှန်း သိကြသော်လည်း ဤမျှအထိ ချမ်းသာလိမ့်မည်ဟု မည်သူမျှ မထင်ထားကြပေ။</p> <p> </p> <p>အမတနယ်မြေရဲ့ ထိပ်တန်းနတ်မြက်ပင်ကိုတောင် သူက ဂရုမစိုက်ဘူးတဲ့လား !</p> <p> </p> <p>မူလက အပြုံးမျက်နှာဖြင့် ရှိနေသော ထျန်းချန် အမတ ဧကရာဇ်မင်း ၏ ဟန်ဆောင်အပြုံးမှာလည်း မျက်နှာပေါ်တွင်ပင် တောင့်ခဲသွားသည်။</p> <p> </p> <p>သူ ဘယ်လိုလုပ်ပြီး ဒီအချက်ကို မေ့သွားပါလိမ့်.....</p> <p> </p> <p>တစ်ဖက်လူသည် တားမြစ်အင်အားစုကြီး သုံးဖွဲ့၏ တစ်ဦးတည်းသော ဆက်ခံသူဖြစ်ပြီး ၊ သူ လိုချင်သည့် မည်သည့် နတ်ဆေးဖက်ဝင် အပင်မဆို ရနိုင်သည် မဟုတ်လော။</p> <p> </p> <p>ဤအမတ ဖီးနစ်မြက်သည် အခြားသူများအတွက် အလွန်တန်ဖိုးကြီးနိုင်သော်လည်း ၊ စူးချန်ကဲ၏ မျက်လုံးထဲတွင်မူ သာမန်မြက်ပင်တစ်ပင်သာ ဖြစ်ပေလိမ့်မည်။</p> <p> </p> <p>ထျန်းချန် အမတဧကရာဇ်မင်း တစ်ယောက် ကြောင်အသွားစဉ် ၊</p> <p> </p> <p>စူးချန်ကဲ၏ အကြည့်သည် ချန်ယွမ် အမတဧကရာဇ်မင်း ထံသို့ လှည့်သွားပြန်သည်။</p> <p> </p> <p>ဘာကြောင့်မှန်းမသိနိုင်သော်လည်း ၊ ထိုအကြည့်အောက်တွင် ချန်ယွမ် အမတဧကရာဇ်မင်း၏ စိတ်ဝိညာဉ်မှာ  အနည်းငယ် တုန်လှုပ်သွားသည်။ သူ့ဘက်ကနေ စကားမပြောရသေးမီမှာပင် စူးချန်ကဲက အပြုံးမပျက် ထပ်ပြောလိုက်သည် ။</p> <p> </p> <p> </p> <p>" ခင်ဗျားရဲ့  အမတဓားကိုလည်း မလိုအပ်ဘူး...ကျုပ်က ကျုပ်ရဲ့ ကိုယ်ပိုင်ဓားကိုပဲ သုံးရတာ ကျင့်သားရနေပြီ”</p> <p> </p> <p>"ပြီးတော့ ကျုပ်ရဲ့ မိခင်မှာလည်း အမတလက်နက် သိုလှောင်ရုံတစ်ခု ရှိတယ်၊ အဲဒီထဲမှာ အမတနယ်မြေရဲ့ ထိပ်တန်းလက်နက်တွေ အများကြီးရှိတယ် ..ကျုပ် လက်နက်လဲချင်တယ်ဆိုရင် ကျုပ်မိခင်ဆီမှာပဲ တောင်းလို့ရတာမို့ စီနီယာရဲ့ စေတနာကို ငြင်းပယ်ပါရစေ”</p> <p> </p> <p>ဤစကားများ ထွက်လာသည်နှင့် ၊</p> <p> </p> <p>ချန်ယွမ် အမတဧကရာဇ်မင်းခမျာ သွေးအန်မတတ် ခံစားလိုက်ရသည်။</p> <p> </p> <p>စူးချန်ကဲ၏ မိခင်မှာ သံသရာစက်ဝန်း အမတမင်းဆက် ၏ မင်းသမီးကြီး ဖြစ်ကြောင်း မည်သူ မသိဘဲ နေမည်နည်း။</p> <p> </p> <p> တစ်နိုင်ငံလုံး၏ အချစ်တော်ဖြစ်သော ယွင်ရွှမ်းရုံ ကို အမတနယ်မြေ၏ အချမ်းသာဆုံး အမျိုးသမီးဟု ခေါ်လျှင်ပင် မမှားပေ။</p> <p> </p> <p>သူမ၏ သားဖြစ်သူ စူးချန်ကဲအနေဖြင့် အမတလက်နက်များ  ရှားပါးမည်မဟုတ်ပေ။</p> <p> </p> <p>အမှန်အားဖြင့်  သူတို့သည် ဤအချက်ကို ထည့်သွင်းစဉ်းစားခဲ့ကြသော်လည်း ၊ သို့သော်လည်း ဤနည်းဖြင့်  "အရှုံးပေး" ကြောင်း ပြသကာ ကိစ္စကို ပြေလည်စေရန် ကြိုးစားခဲ့ခြင်းသာ ဖြစ်သည်။</p> <p> </p> <p>သို့သော် စူးချန်ကဲ ဤသကောင့်သားသည် သူတို့ကို ငြင်းပယ်လိုက်ရုံသာမက သူ၏ နောက်ခံအင်အားကိုပါ ပြောင်ပြောင်တင်းတင်း ကြွားလုံးထုတ်သွားလေ၏။</p> <p> </p> <p>အမတဧကရာဇ်များ ဖြစ်ကြသော်လည်း စူးချန်ကဲ၏ လူမဆန်အောင် ချမ်းသာလွန်းလှသည့် စကားများကို ကြားပြီးနောက် ၊ သူတို့၏ တာအိုနှလုံးသားသည်ပင် မတည်မငြိမ် ဖြစ်ခဲ့ရသည်။</p> <p> </p> <p>လူလူချင်း အတူတူ ကွာခြားချက်သည် အမှန်တကယ်ကို ကြီးမားလွန်းပေသည်။</p> <p> </p> <p>ထိုစကားကို ကြားလိုက်ရသော အခြားတပည့်များမှာလည်း လုံးဝ ရူးသွပ်ကုန်ကြသည်။</p> <p> </p> <p>“ ဒုက္ခပဲ ! ငါ ဘယ်လိုလုပ်ပြီး ဒါကို မေ့သွားရတာလဲ… ချန်ကဲ ဆက်ခံသူက တားမြစ်အင်အားစု သုံးဖွဲ့ရဲ့ ဆက်ခံသူပဲ  …ဘာမဆို အကုန်ရနိုင်တယ် … ဒီအင်အားစုကြီး နှစ်ဖွဲ့က ပေးတဲ့ အမှိုက်တွေကို သူက ဘယ်လိုလုပ် မျက်စိကျမှာလဲ “</p> <p> </p> <p>"ချန်ကဲ ဆက်ခံသူလို့ ခေါ်နေတုန်းလား…သဘောထား သေးသိမ်လိုက်တာ! သူက  အရင်က ပျောက်ဆုံးသွားခဲ့တဲ့ ငါ့ရဲ့  သခင်လေးပဲ!"</p> <p> </p> <p>"သခင်လေး ချန်ကဲ! သခင်လေးရဲ့ အိမ်တော်မှာ ကျောက်ခြင်္သေ့ရုပ် မလိုဘူးလား…ကျွန်တော်မျိုး အဲဒီမှာ ထိုင်စောင့်ပေးလို့ ရပါတယ်!"</p> <p> </p> <p>"မယုံနိုင်စရာ နောက်ခံ၊ သန်မာလွန်းတဲ့ ခွန်အား  ၊ အသေလှတဲ့ တာအိုအဖော်... ပြီးတော့ ဒီလို လူမဆန်တဲ့ လူနေမှုဘဝ... ငါ အခုမှ သိတော့တယ်၊ ငါက ဒီမဟာလမ်းစဉ်ပေါ်မှာ လူအရေအတွက် လာဖြည့်ပေးရုံ သက်သက်ပဲ!"</p> <p> </p> <p>"........."</p> <p> </p> <p>ကျင့်ကြံသူ အများအပြား၏ စိတ်ခံစားချက်များမှာ ရှုပ်ထွေးနေကြသည်။</p> <p> </p> <p> မူလက ထျန်းချန်လမ်းစဉ်ဂိုဏ်း နှင့် ဖုန်းယွင်လှံခန်းမ တို့၏ ကိစ္စကို ဘေးမှနေ၍ အေးဆေးကြည့်နေကြခြင်း ဖြစ်သော်လည်း၊ ယခုမူ  သူတို့၏ စိတ်နှလုံးသားကိုပင် ထိခိုက်လာခဲ့ချေပြီ။</p> <p> </p> <p> သူတို့က ဒီတိုင်း အေးအေးဆေးဆေး ကြည့်ချင်ရုံလေးပါ…ဘယ်လိုလုပ်ပြီး ကိုယ်တွေတောင်   စိတ်ဓာတ်ကျသလို ဖြစ်လာတာလဲ ?</p> <p> </p> <p>အမတဧကရာဇ် နှစ်ပါး မနာလို ဖြစ်မဖြစ်တော့ မသိဘူး .... ကိုယ်တွေကတော့ ချဉ်လိုက်တာဟယ် !</p> <p> </p> <p style="text-align: center;">***</p> <p> </p>


Save