Book List

<h2 style="text-align: center;">အခန်း (၈၁၉)</h2> <h2 style="text-align: center;">ပြင်းပြင်းထန်ထန် သတိပေးခြင်း</h2> <h2 style="text-align: center;">*</h2> <p> </p> <p>တစ်ချိန်တည်းမှာပင် လူအများ၏ စိတ်ထဲ၌ သံသယတစ်ခု ပေါက်ဖွားလာခဲ့သည်။</p> <p> </p> <p>စူးချန်ကဲ၏ လုပ်ရပ်မှာ အမတဧကရာဇ်မင်း နှစ်ပါး၏ တောင်းပန်မှုကို ငြင်းပယ်လိုက်ခြင်းပင်။</p> <p> </p> <p> တစ်နည်းအားဖြင့် ဆိုရသော် ၊ ၎င်းသည် တစ်ဖက်လူ နှင့် လုံးဝ ဆက်ဆံရေး ဖြတ်တောက်ပြီး  ဤကိစ္စကို အဆုံးအထိ ဖြေရှင်းတော့မည်ဟု ဆိုလိုခြင်းပင် မဟုတ်လော။</p> <p> </p> <p>သို့သော်လည်း အမတဧကရာဇ် အဆင့်ရှိ စွမ်းအားရှင် နှစ်ပါးသည် ဤနေရာတွင် ရှိနေပါလျက်နှင့် သူတို့၏ ဂိုဏ်းဝင်ပါရမီရှင်များအားလုံး ဤနေရာတွင် အသတ်ခံရမည်ကို  သေချာပေါက် လက်ပိုက်ကြည့်နေမည် မဟုတ်ပေ။</p> <p> </p> <p>ထျန်းချန် အမတ ဧကရာဇ်မင်းနှင့် ချန်ယွမ် အမတဧကရာဇ်မင်းတို့သည်လည်း ဤအချက်ကို ခန့်မှန်းထားပြီး ဖြစ်ကာ ၊  မျက်နှာအမူအရာများသည် တစ်ဖန် ပျက်ယွင်းသွားပြန်သည်။</p> <p> </p> <p>အမှန်အားဖြင့် သူတို့သည်  ဤနေရာသို့ လာရောက်ရသည့် အကြောင်းရင်းမှာ မိမိတို့ဂိုဏ်းမှ ပါရမီရှင်များအတွက်သာ မက ၊ အခြား အရေးကြီးသော ကိစ္စတစ်ခုလည်း ရှိသေးသည်။</p> <p> </p> <p>ဤသည်မှာ  အမတနယ်မြေ ကောင်းကင်လမ်းစဉ်၏ ညွှန်ကြားချက်အရ အာ့ရှင်းကို ပြန်လည် ခေါ်ဆောင်သွားရန်နှင့် အမြစ်ပြတ် ချေမှုန်းရန်ပင် ဖြစ်သည်။</p> <p> </p> <p>အစောပိုင်းက သူတို့သည် မိမိတို့၏ ပါရမီရှင်များထံမှ အသံလွှင့်ပေးပို့မှုကို လက်ခံရရှိခဲ့သည်။</p> <p> </p> <p> ကောင်းကင်လမ်းစဉ်မှ ရှာဖွေနေသည့် ထူးခြားသော သံမဏိစက်ရုပ် အားရှင်းမှာ စူးချန်ကဲ၏ လက်ထဲသို့ ရောက်ရှိသွားပြီ ဖြစ်ကြောင်း နှင့် သူတို့ ဂိုဏ်းနှစ်ခု၏ ပါရမီရှင်များမှာလည်း ဤအကြောင်းကြောင့်ပင် စူးချန်ကဲနှင့် ပဋိပက္ခ ဖြစ်ခဲ့ကြောင်း သိလိုက်ရသည်။</p> <p> </p> <p>အကယ်၍ သူတို့သာ အားရှင်းကို အောင်မြင်စွာ ပြန်လည်ခေါ်ဆောင်နိုင်ခဲ့ပါက ၊ ကောင်းကင်လမ်းစဉ်မှ အလွန်ရက်ရောသော ကောင်းချီးမင်္ဂလာများကို ချီးမြင့်မည်ဟု ကတိပေးထားသည်။</p> <p> </p> <p>ဤသည်မှာ သူတို့အတွက် အလွန်ကြီးမားသော အခွင့်အရေး ပင် ဖြစ်သည်။</p> <p> </p> <p>သို့သော် စူးချန်ကဲသည် သူတို့ ထင်ထားသည်ထက် ပို၍ ခက်ထန်နေသည်။</p> <p> </p> <p> ပရိယာယ်သုံး၍ အားရှင်းကို တောင်းယူရန်ပင် မဆိုနှင့် ၊ ယခုအချိန်တွင် သူတို့ဂိုဏ်းမှ ပါရမီရှင်များကိုပင် ကယ်တင်နိုင်ပါ့မလား ဆိုသည်မှာ မသေချာတော့ချေ။</p> <p> </p> <p>အမတဧကရာဇ် နှစ်ပါးမှာ လျှို့ဝှက်စွာ ပြန်လည်တိုင်ပင်ပြီးနောက် ဆုံးဖြတ်ချက်တစ်ခုကို ထပ်မံ ချမှတ်လိုက်ကြသည်။</p> <p> </p> <p>ဤကိစ္စမှာ ရှုပ်ထွေးနေပြီ ဖြစ်သော်လည်း မိမိတို့၏ အကျိုးစီးပွားနှင့် ဂိုဏ်း၏ အကျိုးစီးပွားအတွက် ၎င်းကို မဖြစ်မနေ ပြီးမြောက်အောင် လုပ်ဆောင်ရမည်သာ ဖြစ်သည်။</p> <p> </p> <p>သို့သော် သူတို့ စကားမပြောရသေးမီမှာပင် ၊</p> <p> </p> <p>စူးချန်ကဲက ပြုံး၍ ပြောလိုက်သည် ။</p> <p> </p> <p>"ဒီကိစ္စအတွက် ကျုပ်မှာ ကိုယ်ပိုင် ဆုံးဖြတ်ချက် ရှိပြီးသားပါ… စီနီယာ နှစ်ဦးကို အခက်တွေ့အောင် မလုပ်တော့ဘူး “</p> <p> </p> <p>ဤစကားများ ထွက်လာသည်နှင့် ၊</p> <p> </p> <p>အင်အားစုကြီးများ၏ ထိပ်တိုက်တွေ့ဆုံမှုကို မျှော်လင့်နေကြသည့် ပါရမီရှင် အချို့မှာ စိတ်ပျက်သွားကြသည်။</p> <p> </p> <p>ဤကိစ္စနှင့်ပတ်သတ်၍ ၊ ကြီးမားသော စစ်ပွဲကြီးတစ်ခု ဖြစ်ပွားလိမ့်မည်ဟု သူတို့ မျှော်လင့်ထားခဲ့ကြသည်။</p> <p> </p> <p>သို့သော် စူးချန်ကဲသည် ဤမျှ အောက်ကျနောက်ကျ တောင်းပန်နေသော အမတဧကရာဇ်မင်း နှစ်ပါး၏ မျက်နှာကို ထောက်ထားကာ ဤကိစ္စကို ဤနေရာမှာတင် အဆုံးသတ်လိမ့်မည်ဟု  ထင်မြင်လိုက်ကြသည်။</p> <p> </p> <p>အင်အားစု နှစ်ဖွဲ့၏ အရှင်သခင်များမှာလည်း ခဏတာ ကြောင်အသွားပြီးနောက် တစ်ဦးကိုတစ်ဦး ကြည့်ကာ ပြုံးလိုက်ကြသည်။</p> <p> </p> <p> တစ်ဖက်လူသည် အစောပိုင်းက စကားဖြင့်သာ အနိုင်ယူခဲ့ခြင်း ဖြစ်ပြီး၊ အရေးကြီးသော အခိုက်အတန့်တွင် ဤကိစ္စနှင့် ပတ်သတ်၍ ကြီးကြီးမားမား မဖြစ်စေလိုပုံရသည်။</p> <p> </p> <p>"ဟားး ချန်ကဲ ဆက်ခံသူက တကယ်ကို..."</p> <p> </p> <p>ပြုံးရွှင်နေသော ထျန်းချန် အမတ ဧကရာဇ်မင်း၏ စကား မဆုံးသေးမီမှာပင် ၊</p> <p> </p> <p>စူးချန်ကဲ၏ အပြုံးသည် ရုတ်တရက် ပျောက်ကွယ်သွားပြီး ၊  သူ့ခန္ဓာကိုယ်အတွင်းရှိ အမတစွမ်းအားများကို အသက်သွင်းကာ ခြေတစ်ချက် ဆောင့်ချလိုက်သည်။</p> <p> </p> <p>ဝုန်းးးးး!</p> <p> </p> <p>သွေးအန်သံ!</p> <p> </p> <p>အမတအလင်းများ ပေါက်ကွဲထွက်ကာ ၊ သွေးမြူများ နေရာအနှံ့ လွင့်စင်သွားသည်။</p> <p> </p> <p> စူးချန်ကဲ၏ ခြေဖဝါးအောက်တွင် နင်းချခံထားရပြီး ဒဏ်ရာအပြင်းအထန် ရနေသော ရှောင်ဝူရှန်းမှာ  ခုခံနိုင်စွမ်း ကင်းမဲ့စွာဖြင့် အော်ဟစ်ချိန်ပင် မရလိုက်ဘဲ မျက်စိတမှိတ်အတွင်းမှာပင် ၊ အသားစများ ကြေမွကာ  ဝိညာဉ်ပင် ပျက်စီးလွင့်စဉ်သွားခဲ့လေသည်။</p> <p> </p> <p>ဤမြင်ကွင်းသည် လောကတစ်ခုလုံးကို တုန်လှုပ်သွားစေသည်။</p> <p> </p> <p>စူးချန်ကဲသည် ထျန်းချန် အမတ ဧကရာဇ်မင်း၏ ရှေ့မှောက်တွင်ပင် ၊ ရှောင်ဝူရှန်းကို မည်သည့် သတိပေးချက်မျှ မရှိဘဲ ဤမျှ ပြတ်ပြတ်သားသား သတ်ပစ်လိမ့်မည်ဟု မည်သူမျှ မထင်ထားခဲ့ကြပေ။</p> <p> </p> <p>"တောင်းပန်ပါတယ်၊ စီနီယာ နှစ်ဦးရဲ့ တောင်းပန်မှုကို ကျုပ် လက်မခံနိုင်ဘူး”</p> <p> </p> <p>"ဒီကောင်တွေက ကျုပ်နဲ့ ရန်ဘက်ဖြစ်ဖို့ ရွေးချယ်ပြီး ကျုပ်ကို သတ်ချင်ခဲ့တာဆိုတော့ သူတို့ သေကိုသေရမယ်”</p> <p> </p> <p>စူးချန်ကဲသည် လက်နှစ်ဖက်ကို နောက်ပစ်ထားပြီး တည်ငြိမ်စွာဖြင့် ရပ်နေသည်။ သူ၏ ဝတ်ရုံဖြူပေါ်တွင် စွန်းပေနေသော သွေးစက်များက သူ၏ ပုံရိပ်ကို ပို၍ ခန့်ညားထည်ဝါစေကာ သူ၏ လေသံမှာလည်း  အေးစက်နေသည်။</p> <p> </p> <p>  "စီနီယာ နှစ်ဦး မပြောနဲ့ ၊ ကောင်းကင်ဘုံက ဧကရာဇ်မင်း ကြွလာရင်တောင် သူတို့ ဒီမှာ သေကိုသေရမယ်!"</p> <p> </p> <p>ထိုစကားသံအဆုံးတွင် တိတ်ဆိတ်နေသော လောကကြီးမှာ တစ်ဖန် ပြန်၍ ဆူညံပွက်လောရိုက်သွားပြန်သည်။</p> <p> </p> <p>လူတိုင်း၏ မျက်လုံးများ ပြူးကျယ်ကာ နှလုံးခုန်သံများပင် ရပ်တန့်လုမတတ် ဖြစ်ခဲ့ရသည်။</p> <p> </p> <p> ညှိနှိုင်းမှုမှာ လုံးဝ ပျက်ပြားသွားပြီဖြစ်ကြောင်း သူတို့ သိလိုက်သည်။</p> <p> </p> <p>ဤကိစ္စမှာ ကောင်းမွန်စွာဖြင့် အဆုံးသတ်လိမ့်မည် မဟုတ်ချေ။</p> <p> </p> <p>.......</p> <p> </p> <p>"စူးချန်ကဲ!!"</p> <p> </p> <p>"မင်း... မင်း ရိုင်းလှချည်လား!!"</p> <p> </p> <p>အမတဧကရာဇ် နှစ်ပါးမှာလည်း ကိုယ့်စိတ်ကို မထိန်းချုပ်နိုင်တော့ဘဲ ဒေါသများသည် ရေကာတာ ကျိုးသကဲ့သို့ ပေါက်ကွဲထွက်လာလေသည်။</p> <p> </p> <p>သူတို့သည် မိမိတို့၏ သိက္ခာကိုပင် စွန့်လွှတ်ကာ စူးချန်ကဲကို တောင်းပန်ခဲ့သော်လည်း၊ ဤသကောင့်သားသည် လုံးဝ နားမထောင်ခဲ့ပေ။</p> <p> </p> <p> သူတို့ကို မျက်နှာပျက်စေခဲ့ရုံသာမက ကိစ္စများမှာလည်း ပြေလည်မသွားခဲ့ချေ။</p> <p> </p> <p>စူးချန်ကဲ၏ နောက်ခံမှာ အံ့မခန်း ဖြစ်သော်လည်း ဤကဲ့သို့ အရှက်ရစေခြင်းက သူတို့ကို ထိန်းချုပ်မှုကင်းမဲ့သည့် အခြေအနေသို့ ရောက်ရှိစေခဲ့သည်။</p> <p> </p> <p> စူးချန်ကဲကို အသေသတ်ရန် မရည်ရွယ်သော်လည်း ၊ သို့သော် တစ်ဖက်လူကို သင်ခန်းစာ ပေးရန် လိုအပ်နေပြီ ဖြစ်သည်။</p> <p> </p> <p>သို့သော် သူတို့၏ စိတ်ထဲတွင် ထိုအတွေးများ ဖြစ်ပေါ်လာသည်နှင့် တစ်ပြိုင်နက် ၊</p> <p> </p> <p>"ဟား... ငါ့ရဲ့ ရှေ့မှောက်မှာတောင် ဒီလို လူကြီးမဆန်တဲ့ အပြုအမူမျိုး လုပ်ရဲတာ တကယ်ကို သတ္တိကောင်းနေတာပဲ”</p> <p> </p> <p> </p> <p>"ဒါဆိုရင်လည်း မင်းတို့ရဲ့  ဒီ ဓမ္မကိုယ်ပွား နှစ်ခုကို ဒီမှာတင်ပဲ ထားခဲ့လိုက်တော့”</p> <p> </p> <p> </p> <p>ဝုန်းးးးးးး!</p> <p> </p> <p>လူတိုင်း၏ နှလုံးသားကို တုန်လှုပ်သွားစေသော မိုးကြိုးသံတစ်ခုသည် ကောင်းကင်ယံထက်တွင် ပေါက်ကွဲထွက်ပေါ်လာခဲ့သည်။</p> <p> </p> <p>လူတိုင်းက အလိုအလျောက်ပင် အသံလားရာဘက်သို့ မော့ကြည့်လိုက်ကြသည်။</p> <p> </p> <p>စူးချန်ကဲ၏ ဦးခေါင်းထက်ရှိ ကောင်းကင်ယံမှာ ဖရိုဖရဲ ဖြစ်သွားပြီး အမတအလင်းများက ဝေဟင်အနှံ့ ရိုက်ခတ်လှုပ်ရှားနေကာ  နိယာမများမှာလည်း ရူးသွပ်စွာ စီးဆင်းနေသည်။</p> <p> </p> <p>ထူထပ်သော တိမ်မည်းများသည် အလွန်ကြောက်မက်ဖွယ်ကောင်းသော စွမ်းအားတစ်ခု၏ ဆွဲငင်မှုကြောင့် ရူးသွပ်စွာ စုဝေးလာကြပြီး ၊ ကောင်းကင်တစ်ခုလုံးကို ဖုံးလွှမ်းသွားသည့် ကောင်းကင်ဘုံမျက်လုံး အဖြစ် ပြောင်းလဲသွားသည်။</p> <p> </p> <p> နိယာမစွမ်းအား များဖြင့် ဖွဲ့စည်းထားသော ကောင်းကင်မျက်လုံးထဲမှ နဂါးငွေ့တန်းပမာ နတ်အလင်းတန်းများ ကျဆင်းလာသည်။ တစ်ချက်ကြည့်လိုက်ရုံဖြင့် ၊ ၎င်းမှာ  ကောင်းကင်တွင် ကခုန်နေသော မိုးမခအကိုင်းအခက်များနှင့် တူပြီး ကောင်းကင်ယံတွင် မုန်တိုင်းများကို နှိုးဆွနိုင်စွမ်း ရှိပုံရသည်။</p> <p> </p> <p>အမတဧကရာဇ် နှစ်ပါးထက် ပို၍ ကြောက်မက်ဖွယ်ကောင်းသော အရှိန်အဝါတစ်ခုသည် ထိုနေရာမှ ဖြည်းညင်းစွာ ဆင်းသက်လာကာ ၊ ကမ္ဘာလောကကြီးတစ်ခုလုံးကို ပြန်လည် တည်ဆောက်တော့မည့်အလား ခံစားရစေသည်။</p> <p> </p> <p>"ဒီအရှိန်အဝါက..."</p> <p> </p> <p>ထိုအရှိန်အဝါကို ခံစားလိုက်ရသော အမတဧကရာဇ်မင်း နှစ်ပါး၏  မျက်နှာအမူအရာများသည် လုံးဝ ပြောင်းလဲသွားသည်။</p> <p> </p> <p> သူတို့သည် အမတဧကရာဇ်မင်းများ ဖြစ်သည်နှင့် အလျောက် ၊  လောကတစ်ခွင်ရှိ မဟာလမ်းစဉ် အားလုံး၏ အရှိန်အဝါကို ခံစားနိုင်သည်။</p> <p> </p> <p>သို့သော် ဤအရှိန်အဝါမှာ သူတို့ သိရှိနားလည်ထားသော အတိုင်းအတာထက် ကျော်လွန်နေသည်။</p> <p> </p> <p> </p> <p>ဒါ ဘာကိုဆိုလိုတာလဲ?</p> <p> </p> <p>သူ့ရဲ့ ကျင့်ကြံမှုက အမတဧကရာဇ် အဆင့်ထက် ကျော်လွန်နေပြီလို့ ပြောလိုက်တာပဲ မဟုတ်လား!</p> <p> </p> <p> </p> <p>"စီနီယာ... စိတ်လျှော့ပါဦး!"</p> <p> </p> <p>၎င်းတို့ နှစ်ဦးသည်  ရှင်းပြရန် အလျင်အမြန် ကြိုးစားလိုက်ကြသည်။</p> <p> </p> <p>"ကျွန်တော်တို့ လုံးဝ..."</p> <p> </p> <p>သို့သော် ပီယွီ့ကောင်းကင်အရှင် သည် သူတို့ကို အပိုစကား ပြောခွင့်မပေးခဲ့ချေ။</p> <p> </p> <p>တုံထျန်း အဝေးဘိုးဘေး သည် သူမကို ညှာတာမှုမရှိ ၎င်းတို့၏ ဓမ္မကိုယ်ပွားများကို တိုက်ရိုက် သတ်ပစ်ရန် ညွှန်ကြားထားပြီး ဖြစ်သည်။</p> <p> </p> <p>ကွေးယွမ်အမတဂိုဏ်းသည် ထိုအင်အားစုကြီး နှစ်ခုမှာ အမတနယ်မြေ ကောင်းကင်လမ်းစဉ်၏ အလိုတော်အတိုင်း လုပ်ဆောင်နေသည့် လက်ပါးစေများဖြစ်ကြောင်း အထောက်အထားများ ရှာဖွေတွေ့ရှိထားပြီး ဖြစ်သည်။</p> <p> </p> <p>ဤကိစ္စကို အခွင့်ကောင်းယူကာ အမတနယ်မြေ ကောင်းကင်လမ်းစဉ်၏ လက်ပါးစေ အင်အားစု နှစ်ခုကို အမြစ်ပြတ် သုတ်သင်ပစ်မည်။ သူတို့သည်  သွေးနှင့်မီးကို အသုံးပြုကာ ကောင်းကင်လမ်းစဉ်အား ပြင်းထန်သော ထိုးနှက်မှုဖြင့် သတိပေးရန် ကြံရွယ်ထားသည်။</p> <p> </p> <p>သူမသည် အောက်က ကျင့်ကြံသူများကို အမတစွမ်းအားဖြင့် အကာအကွယ် ပေးပြီးနောက် ၊ အမတဧကရာဇ်မင်း နှစ်ပါးကို တိုက်ရိုက်  သတ်ဖြတ်ရန် ထိပ်တန်း သတ်ဖြတ်ခြင်း မှော်စွမ်းအားများကို ထုတ်လွှတ်လိုက်သည်။</p> <p> </p> <p> </p> <p>"မိုးကောင်းကင်ကို လွှမ်းမိုးမည့် မြေအောက် ပင်လယ်!"</p> <p> </p> <p style="text-align: center;">***</p> <p> </p>


Save