Book List

<h2 style="text-align: center;">အခန်း (၈၂၀)</h2> <h2 style="text-align: center;">ပီယွီ့ကောင်းကင်အရှင် နှင့် အမတဧကရာဇ်မင်း နှစ်ပါး</h2> <h2 style="text-align: center;">အချိန်မြစ်ထက်က တိုက်ပွဲ (Part-1)</h2> <h2 style="text-align: center;">*</h2> <p> </p> <p> </p> <p>ဝုန်းးးး!</p> <p> </p> <p>ထိုအခိုက်အတန့်မှာပင် ၊ အာကာသဟင်းလင်းပြင်သည်  မှန်ကဲ့သို့ ကြေမွသွားသည်။</p> <p> </p> <p> </p> <p> </p> <p> တောက်ပသော အမတအလင်းများက ထိုနယ်မြေတစ်ခုလုံးကို ဖုံးလွှမ်းသွားကာ ၊ လောကကြီးတစ်ခုလုံး ဖြူဖွေးသွားပြီး အခြား မည်သည့်အရောင်ကိုမျှ မမြင်ရတော့ချေ။</p> <p> </p> <p> </p> <p> </p> <p>ဤကမ္ဘာလောကကြီးသည် အထက်အောက် ပြောင်းကာ အကန့်အသတ်မရှိသော ငွေရောင်ပင်လယ်ကြီးအဖြစ် ပြောင်းလဲသွားပုံရပြီး ၊ ကျယ်လောင်သော ကွဲကြေသံများက မိုးနှင့်မြေကြား ပဲ့တင်ထပ်လျက် ရှိသည်။</p> <p> </p> <p> </p> <p> </p> <p>အောက်က ကျင့်ကြံသူများသည် နိယာမ အကာအကွယ်အတွင်း ရှိနေသော်လည်း၊ ဤကဲ့သို့ အဆုံးစွန်သော အဖျက်စွမ်းအားရှေ့တွင် ထိန်းမနိုင်သိမ်းမရ တုန်လှုပ်မိသည်။</p> <p> </p> <p> </p> <p> </p> <p> စိတ်ဆန္ဒအားနည်းသူ အချို့မှာ အကာအကွယ်၏ အပြင်ဘက်တွင် ပေါက်ကွဲထွက်ပေါ်လာသော ကြောက်ခမန်းလိလိ စွမ်းအားများကြောင့် သွေးအန်ကာ သတိလစ် မေ့မြောသွားကြသည်။</p> <p> </p> <p> </p> <p> </p> <p> ဤစွမ်းအားသည် သူတို့၏ သိရှိနားလည်နိုင်စွမ်းထက် ကျော်လွန်နေပြီ ဖြစ်သည်။</p> <p> </p> <p> </p> <p> </p> <p>လူသားတို့၏ မျက်လုံးထဲတွင် ထာဝရ မပျက်စီးနိုင်သော စစ်မှန်အမတ များပင်လျှင် ဤမျှ ကြီးမားသော စွမ်းအားများကို ရင်ဆိုင်ရာ၌ ပုရွက်ဆိတ်ငယ်များကဲ့သို့ အရေးမပါခဲ့ချေ။</p> <p> </p> <p> </p> <p>ပီယွီ့ကောင်းကင်အရှင်မှ ထုတ်ဖော်လိုက်သော စွမ်းအားသည် ကြောက်မက်ဖွယ် ကောင်းသော်လည်း၊ သို့သော် ထျန်းချန် အမတ ဧကရာဇ်မင်း နှင့် ချန်ယွမ် အမတဧကရာဇ်မင်းတို့သည်လည်း ဤမျှဖြင့် အရှုံးပေးမည် မဟုတ်။</p> <p> </p> <p>ဝုန်းးး!</p> <p> </p> <p>အမတအလင်းများ ပေါက်ကွဲထွက်လာပြီး ၊ အမတဧကရာဇ်မင်း နှစ်ပါး၏ ဘေးပတ်ပတ်လည်တွင် အချိန်အလင်းတန်းများ ပေါ်ထွက်လာခဲ့သည်။</p> <p> </p> <p> အဆိုပါစွမ်းအားများ၏အောက်တွင် ၊ မူလကတည်းက တသိမ့်သိမ့် တုန်ခါနေသော ဟင်းလင်းပြင်မှာ  လုံးဝ ပုံပျက်သွားပြီး ဖရိုဖရဲ ဖြစ်လို့လာသည်။</p> <p> </p> <p>"စီနီယာ ဒါ ဘာကို ဆိုလိုတာလဲ"</p> <p> </p> <p>လှုပ်ရှားရိုက်ခတ်နေသော အမတအလင်းလှိုင်းတံပိုးများကြားမှ ထျန်းချန် အမတ ဧကရာဇ်မင်း၏ ဒေါသတကြီး အော်ဟစ်သံကို ကြားလိုက်ရသည်။</p> <p> </p> <p> "ကျွန်တော်တို့က ချန်ကဲ ဆက်ခံသူ ကို မတော်တဆ ပြစ်မှားမိရုံလေးနဲ့ ဒီလောက်အထိ အမြစ်ပြတ် သုတ်သင်ဖို့ လိုလို့လား"</p> <p> </p> <p>သို့သော် ပီယွီ့ကောင်းကင်အရှင်သည် လုံးဝ လျစ်လျူရှုထားသည်။ သူမသည် ဟင်းလင်းပြင်ကို စုတ်ဖြဲကာ မဟာလမ်းစဉ် အာကာသ ကို ကြားခံအဖြစ် အသုံးပြု၍ အစစ်အမှန် မရှိသော အချိန်မြစ် ထဲသို့  ဝင်ရောက်တိုက်ခိုက်ရန် ပြင်ဆင်လိုက်သည်။</p> <p> </p> <p>ဤမြင်ကွင်းကို မြင်လိုက်ရသော အမတဧကရာဇ်မင်း နှစ်ပါး၏ မျက်နှာအမူအရာများမှာ သိသိသာသာ ပြောင်းလဲသွားခဲ့သည်။</p> <p> </p> <p>အမတနယ်မြေ၏ အတုမရှိသော အမတဧကရာဇ်မင်းများ ဖြစ်သည်နှင့်အလျောက် ၊ သူတို့သည် အချိန်မြစ်ကို  ထိန်းချုပ်နိုင်ကြပြီး အချိန်ရေစီးကြောင်းကို ဆန့်ကျင်ကာ သွားလာနိုင်ကြသည်။</p> <p> </p> <p> သူတို့၏ မူလဝိညာဉ်သည် မရေမတွက်နိုင်သော ကမ္ဘာများနှင့် နေရာများကို ဖြတ်ကျော်ကာ  မိမိတို့၏ ခြေရာလက်ရာများကို ထားရှိခဲ့ကြပြီး ဖြစ်သည်။</p> <p> </p> <p>အမတဧကရာဇ်မင်း တစ်ပါးကို အလုံးစုံ ပျက်စီးသွားစေလိုပါက ၊ အချိန်မြစ်တစ်လျှောက် လိုက်လံ ရှာဖွေပြီး ခေတ်ကာလ အားလုံးရှိ ၎င်းတို့၏ တည်ရှိမှုများကို ဖျက်ဆီးပစ်ရမည်။ထို့နောက်မှသာ အချိန်နှင့် အာကာသကို ပြန်လည် တည်ဆောက်မည် ဖြစ်သည်။</p> <p> </p> <p>ပီယွီ့ကောင်းကင်အရှင်သည် အချိန်မြစ်ထဲသို့ တိုက်ရိုက် ဝင်ရောက်သွားသည်ကို ကြည့်လျှင်ဖြင့် ၊ သူမသည်  အချိန်မြစ်တစ်လျှောက် လိုက်လံရှာဖွေကာ အမတဧကရာဇ်မင်း နှစ်ပါး၏ စစ်မှန်သော ကိုယ်ခန္ဓာများကို ဆွဲထုတ်လျက်  ချေမှုန်းပစ်ရန် ကြံစည်နေသည်ကို သိနိုင်သည်။</p> <p> </p> <p>ဤမျှ ကြီးမားသော အန္တရာယ်ကြောင့် အမတဧကရာဇ်မင်း နှစ်ပါးမှာ ဘာကိုမှ ဂရုမစိုက်နိုင်တော့ပေ။</p> <p> </p> <p>သူတို့၏ မှော်အတတ်များကို အလျင်အမြန် အသက်သွင်းကာ အချိန်မြစ်ထဲသို့ လိုက်ပါဝင်ရောက်သွားကြသည်။ သေကြေပျက်စီးရမည် တန်ဖိုးကိုပင် ထည့်မတွက်ဘဲ ၊ သူတို့သည် ပီယွီ့ကောင်းကင်အရှင်နှင့် ပြင်းထန်စွာ တိုက်ခိုက်ကြပေတော့သည်။</p> <p> </p> <p>ဝုန်းးးးးး!</p> <p> </p> <p> အချိန်မြစ်သည် ထိပ်တန်း စွမ်းအားရှင်များ၏ သက်ရောက်မှုအောက်တွင် ၊ ကြောက်မက်ဖွယ် ကောင်းသော လှိုင်းလုံးကြီးများကို ဖြစ်ပေါ်စေခဲ့ကာ ခေတ်ကာလ ပုံရိပ်များစွာ ပါဝင်နေသည့် အချိန်အစအနများသည် ပြင်းထန်စွာ လွင့်စင် ပေါက်ကွဲကုန်သည်။</p> <p> </p> <p>ဤနေရာသို့ ရောက်ရှိလာသည်မှာ အမတဧကရာဇ်မင်းများ၏ ဓမ္မကိုယ်ပွားများသာ  ဖြစ်သော်လည်း ၊ သူတို့သည် အမတဧကရာဇ်အဆင့်ရှိ နိယာမများကို ထိန်းချုပ်နိုင်စွမ်းရှိပြီး ထို့အပြင် အမတဧကရာဇ် လက်နက်များ၏ အကူအညီကြောင့် ထုတ်လွှတ်လိုက်သော စွမ်းအားများသည် အဆုံးစွန်သော တန်ခိုးအရှိန်အဝါများဖြင့် ပြည့်နှက်နေခဲ့သည်။</p> <p> </p> <p>...........</p> <p> </p> <p>သို့သော် သူတို့ ရင်ဆိုင်နေရသည်မှာ တစ်ချိန်က အမတဧကရာဇ် အဆင့်ထက် ကျော်လွန်ခဲ့ဖူးသော ပီယွီ့ကောင်းကင်အရှင် ဖြစ်သည်။ သူတို့ နှစ်ဦး ပူးပေါင်းကာ အစွမ်းကုန် ကြိုးစားသော်လည်း ၊ မနည်း တောင့်ခံနိုင်ရုံသာ ရှိပြီး တန်ပြန် တိုက်စစ်ဆင်ရန် အခွင့်အရေး မရှိခဲ့ပေ။</p> <p> </p> <p>ဘုန်း  ဘုန်း !</p> <p> </p> <p>သူတို့ သုံးဦးသည် အချိန်မြစ်ထက်တွင် မရပ်မနား တိုက်ခိုက်နေကြပြီး၊ ၎င်းတို့၏ လှုပ်ရှားမှုတိုင်းက ပြင်းထန်သော  လှိုင်းလုံးကြီးများကို ဖြစ်ပေါ်စေသည်။</p> <p> </p> <p>အချိန်နှင့် အာကာသ အပိုင်းအစများသည်  လေထဲတွင် ဝဲပျံလျက် ၊  နိယာမတရားများသည် ပြင်းထန်စွာ ရိုက်ခတ်လို့နေလေ၏။</p> <p> </p> <p>အမတနယ်မြေရှိ အခြားသော အမတဧကရာဇ်မင်း အများအပြားသည် ဤကြောက်မက်ဖွယ်ရာ စွမ်းအားကို သတိထားမိခဲ့ကြသည်။</p> <p> </p> <p>အမတသခင်တရားစီရင်ရေးရုံးတော်၌ ကျင့်ကြံအားထုတ်နေသော ထျန်းယွီ့အမတဧကရာဇ်မင်း သည် သူ၏ မျက်လုံးများကို ဖြည်းညင်းစွာ ဖွင့်လိုက်သည်။</p> <p> </p> <p> စကြဝဠာကဲ့သို့ နက်ရှိုင်းသော သူ၏ မျက်ဝန်းများသည် မိုင်ပေါင်း ကုဋေချီသော ဟင်းလင်းပြင်ကို ထိုးဖောက်ကာ  အချိန်မြစ်ထက်သို့ ကျရောက်သွားပြီး အံ့အားသင့်စွာဖြင့် ရေရွတ်လိုက်သည် ။</p> <p> </p> <p>"အမ် .. ဒါ ဘယ်လိုဖြစ်တာလဲ...”</p> <p> </p> <p>"အမတဧကရာဇ်မင်းတွေက အချိန်မြစ်ထက်မှာ တိုက်ခိုက်နေကြတာလား... ဘာကြောင့်လဲ”</p> <p> </p> <p>သူ၏ နတ်အသိစိတ်အာရုံဖြင့် ဆက်တိုက် စစ်ဆေးကြည့်ပြီးနောက် နောက်ဆုံးတွင် အရှိန်အဝါတစ်ခုကို ဖမ်းဆုပ်နိုင်ခဲ့သည်။</p> <p> </p> <p> သူ၏ မျက်နှာအမူအရာမှာ ရုတ်တရက် ပြောင်းလဲသွားသည်။</p> <p> </p> <p>"ဒီအရှိန်အဝါက... ချန်ယွမ် အမတဧကရာဇ်မင်း... ထျန်းချန် အမတ ဧကရာဇ်မင်း...?"</p> <p> </p> <p>"သူတို့ နှစ်ယောက် ပူးပေါင်းပြီး... ပီယွီ့ကောင်းကင်အရှင် ကို တိုက်ခိုက်နေကြတာလား"</p> <p> </p> <p>တအံ့တဩဖြစ်နေသော ထျန်းယွီ့အမတဧကရာဇ်မင်း၏ မျက်လုံးများမှာ ပို၍ပင် ပြူးကျယ်သွားခဲ့သည်။</p> <p> </p> <p> နည်းနည်းမှ ဆက်စပ်မှု မရှိသော ဤလူများသည် အဘယ်ကြောင့် ယခုလို ပြင်းပြင်းထန်ထန် တိုက်ခိုက်နေကြသည်ကို သူ လုံးဝမှ နားမလည်နိုင်တော့ချေ။</p> <p> </p> <p>……</p> <p> </p> <p>ကောင်းကင်မိစ္ဆာအမတ နယ်မြေ ။</p> <p> </p> <p>တိ့ကျွင်း အမတ ဧကရာဇ်မင်းသည်လည်း ဤအခိုက်အတန့်တွင်  မရပ်မနား လှုပ်ခတ်နေသော အချိန်မြစ်ကို စိုက်ကြည့်နေသည်။</p> <p> </p> <p>သူ၏ ပါးစပ်မှ တိုးတိုးလေး ရေရွတ်လိုက်သည် ။</p> <p> </p> <p> "သူတို့ သုံးယောက်က ဘယ်လိုဖြစ်ပြီး အချိန်မြစ်ထဲမှာ တိုက်နေကြတာတုန်း “</p> <p> </p> <p>"ချောင်ကဲ ပြောတာတော့... ကွေးယွမ်အမတဂိုဏ်းက အင်အားစုကြီး နှစ်ခုက လူတွေနဲ့ နတ်ဘုရားလက်နက် အမတမျှော်စင် မှာ ပြင်းထန်တဲ့ ပဋိပက္ခ ဖြစ်ခဲ့ကြတယ် ဆိုပဲ..."</p> <p> </p> <p> </p> <p>"ဒါကြောင့်ပဲ ခုလို အကြီးအကျယ် တိုက်ပွဲ ဖြစ်နေတာလား...”</p> <p> </p> <p> </p> <p>ထိုသို့ ရေရွတ်ပြီးနောက်၊ သူ၏ အပြုံးသည် ရုတ်တရက် ပျောက်ကွယ်သွားပြီး ထူးဆန်းသော အမူအရာ တစ်ခု ဖြစ်ပေါ်လာခဲ့သည် ။</p> <p> </p> <p> "ဒါပေမဲ့ အမတနယ်မြေမှာ ဒီလို  ရှုပ်ရှုပ်ထွေးထွေး ဖြစ်တာဟာလည်း ကောင်းတဲ့ကိစ္စပါပဲ”</p> <p> </p> <p>ဤတိုက်ပွဲ၏ လှုပ်ခတ်မှုမှာ အလွန် ကြောက်စရာ ကောင်းသည်။</p> <p> </p> <p> အစွမ်းထက်သော အမတဧကရာဇ်မင်းများသာမက အမတဘုရင်များလည်း ဤကြောက်မက်ဖွယ်ရာ လှိုင်းတံပိုးအတတ်အကျကို ခံစားခဲ့ရသည်။</p> <p> </p> <p>သူတို့အားလုံး တုန်လှုပ်ချောက်ချားနေကြပြီး မျက်နှာများမှာ ဖြူဖျော့နေကြသည်။</p> <p> </p> <p> ဒေဝလောက ပြန်လည်စတင်ရာခေတ်သည် ယခုလေးတင်မှ စတင်ခြင်း ဖြစ်ပြီး ၊ မျိုးဆက်သစ် ပါရမီရှင်များသည်လည်း သိပ်မကြာခင်ကမှ အမတနယ်မြေတစ်ခွင်သို့  ခြေဆန့်ရုံသာ ရှိသေး၏။</p> <p> </p> <p> သို့သော် ဤမျှ ကြောက်မက်ဖွယ်ကောင်းသော တိုက်ပွဲကြီး တစ်ခု ဖြစ်လာပြီလော။</p> <p> </p> <p> အမတနယ်မြေ၏ အခြေအနေသည် တစ်ဖန် ပြန်၍ ပြောင်းလဲတော့မည်လော။</p> <p> </p> <p style="text-align: center;">***</p> <p> </p>


Save