Book List

<h2 style="text-align: center;">အခန်း(၈၂၀)</h2> <h2 style="text-align: center;">ပီယွီ့ကောင်းကင်အရှင် နှင့် အမတဧကရာဇ်မင်း နှစ်ပါး</h2> <h2 style="text-align: center;">အချိန်မြစ်ထက်က တိုက်ပွဲ (Part-2)</h2> <h2 style="text-align: center;">*</h2> <p> </p> <p> </p> <p> </p> <p>ဝုန်းးး!</p> <p> </p> <p>ကြယ်တာရာများ တိုက်မိကြသကဲ့သို့  ထူးဆန်းသော မြင်ကွင်းတစ်ခုသည် အချိန်မြစ်ထဲတွင် ပေါက်ကွဲထွက်ပေါ်လာသည်။</p> <p> </p> <p>"ပျက်သုဉ်းစေ!”</p> <p> </p> <p>ပီယွီ့ကောင်းကင်အရှင်၏ နှုတ်ခမ်းဖျားမှ စကားနှစ်လုံး ထွက်ပေါ်လာပြီးနောက်၊ သူမ၏ လက်ကို မြောက်ကာ အချိန်မြစ်ထဲသို့ ဖြည်းညင်းစွာ ဖိချလိုက်သည်နှင့် …</p> <p> </p> <p>ဝုန်းးး!</p> <p> </p> <p>တစ်လောကလုံးကို ထင်ဟပ်နေသော မိုးမခပင်ကြီးမှာ ကောင်းကင်သို့ ထိုးတက်သွားပြီး ၊ ပြင်းထန်သော ပရမ်းပတာစွမ်းအားများကို ဆောင်ကျဉ်းကာ ခေတ်ကာလ အဆက်ဆက်ကို မွှေနှောက်ဖျက်ဆီးပစ်လေသည်။</p> <p> </p> <p>ဤကဲ့သို့သော  ကြောက်မက်ဖွယ်ရာ ကောင်းသည့် စွမ်းအားများရှေ့မှောက်တွင် ၊ အမတဧကရာဇ်မင်း နှစ်ပါးမှာ တောင့်ခံ့နိုင်စွမ်း မရှိတော့ချေ။</p> <p> </p> <p>‘ဘုန်း'ခနဲ့  ထွက်ပေါ်လာသော ကျယ်လောင်သံနှင့်အတူ ၊ အချိန်မြစ်ထက်တွင် ကြီးမားသော လှိုင်းလုံးကြီးများ ထကြွလာပြီး အမတဧကရာဇ်မင်း နှစ်ပါးမှာ ကြိုးပျက်သွားသော စွန်ကဲ့သို့ နောက်သို့ လွင့်ထွက်သွားကာ  မဟာလမ်းစဉ် အာကာသ၏ အလွှာများသည်  တစ်ခုပြီးတစ်ခု ရိုက်ချိုးခံလိုက်ရသည်။</p> <p> </p> <p>ကွဲအက်သံ….</p> <p> </p> <p>သူတို့၏ ခန္ဓာကိုယ်များပေါ်တွင် မရေမတွက်နိုင်သော အက်ကွဲရာများ ဖြစ်ပေါ်လာပြီး ၊ ဒဏ်ရာအပြင်းအထန် ရကာ အချိန်မရွေး ပြိုလဲတော့မည့်အလား ဖြစ်နေသည်။</p> <p> </p> <p>အမတဧကရာဇ်မင်းများ အဖြစ် ၊ သူတို့၏ ရုပ်ခန္ဓာနှင့် စိတ်ဝိညာဉ်မှာ အလွန်ခိုင်ခံ့သန်မာပြီး အမတနယ်မြေ၏ အထွတ်အထိပ်တွင် ရှိကာ ၊  ကိုယ်ပွားတစ်ခု ဖြစ်လျှင်ပင် ဒဏ်ရာအပြင်းအထန် ရရန် မဖြစ်နိုင်ချေ။</p> <p> </p> <p> သို့သော် ယခု ပီယွီ့ကောင်းကင်အရှင်၏ တိုက်ခိုက်မှုအောက်တွင် ၊ သူတို့၏ ခန္ဓာကိုယ်များသည် တခဏချင်း ကြေမွတော့မည့် အခြေအနေသို့  ရောက်ရှိခဲ့ရချေပြီ။</p> <p> </p> <p> </p> <p>သို့သော် ကြောက်ရွံ့မှုထက် သူတို့၏ စိတ်ထဲတွင် ဒေါသများက ပို၍ ပြင်းထန်နေသည်။</p> <p> </p> <p> "ကောင်းလှချည်လား ကွေးယွမ်အမတဂိုဏ်း!  ပီယွီ့ကောင်းကင်အရှင်!"</p> <p> </p> <p>ထျန်းချန် အမတ ဧကရာဇ်မင်းက ဒေါသတကြီးဖြင့် ထပ်မံ အော်ဟစ်လိုက်သည်။</p> <p> </p> <p> "ဒီလို ပဋိပက္ခလေး တစ်ခုအတွက်နဲ့ စီနီယာက ကျုပ်တို့အပေါ်  ဒီလောက်အထိ ရက်စက်ရသလား”</p> <p> </p> <p>"အမတနယ်မြေရဲ့ ဟောကိန်းအရ ဒီခေတ်ကာလမှာ အမှောင်ထုက ပြန်လည် နိုးထလာတော့မယ်၊ ဒုတိယအကြိမ်မြောက် အဆုံးမဲ့ကပ်ဘေးကြီး ကျရောက်လာတော့မယ်..."</p> <p> </p> <p>ချန်ယွမ် အမတဧကရာဇ်မင်းကလည်း ဟိန်းဟောက်လိုက်သည်။</p> <p> </p> <p> "စီနီယာနဲ့ ကွေးယွမ်အမတဂိုဏ်းက တကယ်ပဲ ကျုပ်တို့နဲ့ စစ်ပွဲ ဆင်နွှဲပြီး အမတနယ်မြေရဲ့  အပြစ်သားတွေ ဖြစ်ချင်တာလား"</p> <p> </p> <p>တစ်ချိန်တည်းမှာပင် သူတို့ နှစ်ဦး၏ စိတ်ထဲ၌လည်း မယုံကြည်နိုင်ဖြစ်လို့နေသည်။</p> <p> </p> <p> စူးချန်ကဲ၏  အစောင့်အရှောက်မှာ သူတို့ကဲ့သို့ အမတဧကရာဇ်မင်း တစ်ပါး ဖြစ်လိမ့်မည်ဟု ထင်မှတ်ထားခဲ့သည်။</p> <p> </p> <p>သို့သော် ယခုတွင်မူ တစ်ချိန်က အမတဧကရာဇ် အဆင့်ထက် ကျော်လွန်ခဲ့သော ပီယွီ့ကောင်းကင်အရှင် ဖြစ်နေလိမ့်မည်ဟု မျှော်လင့်မထားခဲ့ပေ။</p> <p> </p> <p>ဤမျှ ကြောက်မက်ဖွယ်ကောင်းသော စွမ်းအားရှင်မှာ ပီယွီ့ကောင်းကင်အရှင် ဖြစ်ကြောင်း ကြိုသိခဲ့လျှင်ဖြင့် သူတို့ နှစ်ယောက်လုံး ဤနေရာသို့ လုံးဝ လာရောက်မည် မဟုတ် ။</p> <p> </p> <p>ထို့အပြင် မူလက  သူတို့အနေဖြင့် မည်မျှပင် ကြိုးစားပါစေ ၊  မိမိတို့ ဂိုဏ်းမှ အမတဘုရင် အစောင့်အရှောက်များနှင့် အဆက်အသွယ် မရနိုင်ခဲ့သည့် အကြောင်းရင်းကို ယခုမှသာ နားလည်သွားခဲ့သည်။</p> <p> </p> <p> ပီယွီ့ကောင်းကင်အရှင်မှ သတ်ဖြတ်ပစ်လိုက်သည်မှာ သေချာသည်။</p> <p> </p> <p> ဤကဲ့သို့သော ပုဂ္ဂိုလ်မျိုးသာလျှင် သူတို့ မသိအောင် ထိုကိစ္စကို လုပ်ဆောင်နိုင်ပေလိမ့်မည်။</p> <p> </p> <p>သို့သော် သူတို့ စိတ်ထဲတွင် မေးခွန်းတစ်ချို့ ရှိနေသေးသည်။  ပီယွီ့ကောင်းကင်အရှင်သည် အဘယ်ကြောင့် သူတို့ဂိုဏ်းမှ အမတဘုရင်များကို သတ်ဖြတ်ခဲ့ရသနည်း။</p> <p> </p> <p>ထို့အပြင် သူမ ပေါ်ထွက်လာလာချင်း ၊ သူတို့ကို အဘယ်ကြောင့်  သတ်ဖြတ်ရန် ကြိုးစားနေသနည်း။</p> <p> </p> <p> သူတို့ နှစ်ဦးနှင့် သူမကြားတွင် မည်သည့် ရန်ငြိုးမှ မရှိခဲ့ဖူးပေ။ အကယ်၍ စူးချန်ကဲ အတွက်နှင့် သူတို့နှင့်သာမက သူတို့နောက်ကွယ်မှ အင်အားစုများနှင့်ပါ အမတစစ်ပွဲ ဆင်နွှဲရန် ကြိုးစားခြင်းမှာ အတော်လေး ချဲ့ကားလွန်းသည်ဟု ဆိုရပေတော့မည်။</p> <p>……</p> <p> </p> <p>၎င်းတို့နှစ်ဦး၏ စကားများကို ကြားသော်လည်း ပီယွီ့ကောင်းကင်အရှင် မှာ အနည်းငယ်မျှပင် တုန်လှုပ်သွားခဲ့ခြင်း မရှိပေ။</p> <p> </p> <p>နတ်အလင်းတန်းများ၏ ဖုံးလွှမ်းမှုအောက်တွင် သူမ၏ ရုပ်သွင်နှင့် အမူအရာကို မြင်ရန် ခဲယဉ်းလှသော်လည်း၊ သူမ၏ နှုတ်မှ မည်သည့် ခံစားချက်မျှ မပါသော အေးစက်သည့် အသံတစ်ခုသာ ထွက်ပေါ်လာခဲ့သည် ။</p> <p> </p> <p> "ဟမ်... ငါ့အပေါ်ကို ပုပ်ခတ်တဲ့ စကားတွေ လာမပြောနဲ့”</p> <p> </p> <p>"ငါက မင်းတို့နှစ်ယောက်လိုမျိုး ကိုယ့်အဆင့်အတန်းကို အသုံးချပြီး ကိုယ့်ထက်ငယ်တဲ့သူကို နှိပ်စက်ရလောက်အောင် အရှက်မရှိတဲ့သူ မဟုတ်ဘူး”</p> <p> </p> <p> </p> <p>"ငါ ဘာလို့ မင်းတို့ကို တိုက်ခိုက်ရသလဲဆိုတာ... မင်းတို့ စိတ်ထဲမှာလည်း အဖြေရှိပြီးသားလို့ ငါထင်တယ်”</p> <p> </p> <p>ပီယွီ့ကောင်းကင်အရှင်၏ စကားများသည် သူတို့၏ စိတ်နှလုံးသားထဲသို့ ကျဆင်းလာသော နတ်တောင်ကြီးတစ်ခုကဲ့သို့ ၊ စိတ်ဝိညာဉ်သည်ပင် ထိန်းမနိုင်သိမ်းမရ တုန်လှုပ်သွားသည်။</p> <p> </p> <p>တစ်ဖက်လူရဲ့ စကားက ဘာကို ဆိုလိုတာလဲ?</p> <p> </p> <p>သူတို့ စိတ်ထဲမှာ အဖြေရှိပြီးသား ဟုတ်လား?</p> <p> </p> <p>သူတို့နှစ်ဦး၏ စိတ်ထဲတွင် ရှိနေသည့် တစ်ခုတည်းသော စိုးရိမ်ကြောက်ရွံ့မှုမှာ  သူတို့သည် အမတနယ်မြေ ကောင်းကင်လမ်းစဉ်၏ လျှို့ဝှက်လက်ပါးစေများ ဖြစ်နေသည့် အချက်မှလွဲ၍ အခြား မရှိချေ။</p> <p> </p> <p>သို့သော် ဤလျို့ဝှက်ချက်သည် သူတို့နှစ်ယောက်အတွက် တားမြစ်ချက်တစ်ခု ဖြစ်ပြီး ၊ ဂိုဏ်းအတွင်းရှိ အဆင့်မြင့် အကြီးအကဲများမှလွဲ၍ သူတို့၏ ကိုယ်ပိုင်တပည့်များပင် ဤအကြောင်းကို မသိကြချေ။</p> <p> </p> <p> </p> <p>ပီယွီ့ကောင်းကင်အရှင်သည် အမှန်ပင် အစွမ်းထက်သော ပုဂ္ဂိုလ်တစ်ဦး ဖြစ်သော်လည်း ၊ သို့သော် သူမသည် အပြင်လူတစ်ဦးသာ ဖြစ်ရာ ဤလျှို့ဝှက်ချက်ကို သိရှိရန်မှာ မဖြစ်နိုင်သလောက်ပင်။</p> <p> </p> <p> </p> <p>"စီနီယာ... ဒါက တစ်ခုခု အထင်လွဲနေသလိုပဲ..."</p> <p> </p> <p>ချန်ယွမ် အမတဧကရာဇ်မင်း၏ စကား မဆုံးသေးမီမှာပင်၊  ပီယွီ့ကောင်းကင်အရှင်က ဖြတ်ပြောလိုက်သည် ။</p> <p> </p> <p> </p> <p>"မင်းတို့ရဲ့ ရှင်းပြချက်တွေကို နားထောင်ဖို့ ငါ့မှာ အချိန်မရှိဘူး”</p> <p> </p> <p>"နောက်မှ ကွေးယွမ်အမတဂိုဏ်းက မင်းတို့ကို အေးအေးလူလူ သေခွင့်ပေးလိမ့်မယ် “</p> <p> </p> <p> </p> <p>ပီယွီ့ကောင်းကင်အရှင်သည် မည်သည့်ခံစားချက်မှ မပါဘဲ စကားလုံး တစ်လုံးချင်းစီ ထုတ်ပြောလိုက်ပြီး ၊ မျက်စိတမှိတ်အတွင်းမှာပင် အမတဧကရာဇ်မင်း နှစ်ပါးနှင့် အင်အားစုကြီး နှစ်ခု၏ ကံကြမ္မာကို ချမှတ်ခဲ့သည်။</p> <p> </p> <p> </p> <p>ထို့နောက် ပီယွီ့ကောင်းကင်အရှင်သည် သူမ၏ လက်ကို မြှောက်ကာ ရှေ့က ဟင်းလင်းပြင်ကို အသာလေး တို့ထိလိုက်သည်။</p> <p> </p> <p>ဝီ!</p> <p> </p> <p>နတ်အလင်းလှိုင်းများ ပျံ့နှံ့ရိုက်ခတ်သွားပြီး၊ ထိုစွမ်းအား၏ သက်ရောက်မှုအောက်တွင် အချိန်မြစ်တစ်ခုလုံးသည် တစ်ဖန် ပြန်၍ ရူးသွပ်စွာ ဟောက်သံပြုလို့လာသည်။</p> <p> </p> <p>မရေမတွက်နိုင်သော နတ်အလင်းများ ဆန်တက်လာကာ ၊ အဆုံးတွင် ပီယွီ့ကောင်းကင်အရှင်၏ ဦးခေါင်းထက်၌ ရွှေခရမ်းရောင် ရှိသော ဝဲဂယက်တစ်ခုအဖြစ် ပေါင်းစပ်သွားသည်။</p> <p> </p> <p>ယင်းအတွင်းမှ ရွှေခရမ်းရောင် ရောင်ဝါမျှင်များ ပျံ့လွင့်ထွက်ပေါ်လာခဲ့သည်။</p> <p> </p> <p> ၎င်းတို့သည် တဖြည်းဖြည်း  ပျံ့နှံ့သွားသည်နှင့်အမျှ ၊ အချိန်မြစ်အတွင်းရှိ ထောင်ပေါင်းများစွာသော အချိန်နှင့် အာကာသ အပိုင်းအစများသည်  အညံ့ခံသည့်အလား သိသိသာသာ မှေးမှိန်သွားခဲ့သည်။</p> <p> </p> <p>ဤလျို့ဝှက်ဆန်းကြယ်သော ခရမ်းရောင်အငွေ့အသက်များကို အနီးကပ် ခံစားလိုက်ရသည်နှင့် ၊ အမတဧကရာဇ်မင်း နှစ်ပါးစလုံး ချက်ချင်းဆိုသလို မျက်နှာများ ဖြူဖျော့သွားကြသည်။</p> <p> </p> <p>"ဒါက... ရှေးဦးခရမ်းချီလား..."</p> <p> </p> <p style="text-align: center;">***</p> <p> </p>


Save