Book List

<h2 style="text-align: center;">အခန်း (၈၂၁)</h2> <h2 style="text-align: center;">ရှေးဦးခရမ်းချီ၊ အမတဧကရာဇ်အဆင့်ရှိ</h2> <h2 style="text-align: center;">ဓမ္မကိုယ်ပွားများ ကိုယ့်ကိုယ်ကို ဖောက်ခွဲခြင်း</h2> <h2 style="text-align: center;">*</h2> <p> </p> <p>ရှေးဦးခရမ်းချီ။</p> <p> </p> <p>ဒဏ္ဍာရီအရ ၎င်းမှာ ကမ္ဘာဦး အစတွင်  အမတနယ်မြေ၌ ပထမဦးဆုံး ပေါ်ပေါက်လာခဲ့သော ရှေးဦးချီ ဖြစ်သည်ဟု ဆိုကြသည်။</p> <p> </p> <p>ရှေးဦးချီ ဆိုသည်မှာ လောကကြီးထဲတွင် အစင်ကြယ်ဆုံးသော နိယာမစွမ်းအားများ ဖြစ်ကြပြီး၊ အမတနယ်မြေတွင် ပထမဆုံး ပေါ်ပေါက်လာသည့် ချီစွမ်းအင်ဖြစ်သည်ကို ထည့်ပြောနေစရာပင် မလိုတော့ချေ။</p> <p> </p> <p>ယင်း၌ ပါဝင်သော စွမ်းအားသည် ကမ္ဘာလောကကို ဖန်တီးနိုင်သလို၊ အရာအားလုံးကိုလည်း မူလအစသို့ ပြန်လည် ပို့ဆောင်ပေးနိုင်သည်ဟု ဆိုကြသည်။</p> <p> </p> <p>ဝုန်းးး!</p> <p> </p> <p>တစ်ချိန်တည်းမှာပင် ပီယွီ့ကောင်းကင်အရှင်၏ ဦးခေါင်းထက်ရှိ ရွှေခရမ်းရောင် ဝဲဂယက်ကြီးသည် သက်ဝင်လှုပ်ရှားလာပြီး လျင်မြန်စွာဖြင့်  ကျယ်ပြန့်လာသည်။</p> <p> </p> <p>မျက်စိတမှိတ်အတွင်းမှာပင် ၊ ၎င်းသည် ကြီးမားသော 'ရှေးဦးနယ်ပယ်' အဖြစ် ပြောင်းလဲသွားခဲ့သည်။</p> <p> </p> <p>ရှေးဦးစွမ်းအင်များသည် အောက်သို့ ကျဆင်းလာပြီး ၊  သူတို့နှစ်ဦးကို လုံးဝ ချုပ်နှောင်တော့မည့် အချိန်တွင်...</p> <p> </p> <p>သူတို့ နှစ်ဦးသည် တစ်ယောက်ကို တစ်ယောက် ကြည့်လိုက်ကြပြီး  နားလည်မှုဖြင့် ပြတ်သားသော ဆုံးဖြတ်ချက်တစ်ခုကို ချမှတ်ခဲ့သည်။</p> <p> </p> <p>သူတို့၏  ဓမ္မကိုယ်ပွားများသည် အားကုန်ခန်းနေပြီ ဖြစ်ကြောင်း သူတို့ သိသည်။ အကယ်၍ ပီယွီ့ကောင်းကင်အရှင်၏ နှိမ်နင်းခြင်းကို ခံလိုက်ရပါက၊ သူမသည် ဤအရာကို အသုံးချ၍ အချိန်မြစ်အတွင်း ပုန်းအောင်းနေသော သူတို့၏ ခန္ဓာကိုယ်အစစ်များကို ရှာတွေ့သွားပေလိမ့်မည်။ ထိုအတိုင်းသာဆိုလျှင်ဖြင့် အရာအားလုံး ပြီးဆုံးသွားပေတော့မည်။</p> <p> </p> <p>"စီနီယာနဲ့ ကွေးယွမ်အမတဂိုဏ်းက ငါတို့ကို ဒီလောက်အထိ သေတွင်းထဲ ပို့ချင်နေမှတော့... ငါတို့လည်း အသေအကြေ တိုက်ကြတာပေါ့!!"</p> <p> </p> <p>ထိုစကားသံအဆုံးတွင် သူတို့၏ ခန္ဓာကိုယ်အတွင်းရှိ  ရောင်ဝါသည် အရှိန်အဟုန်ဖြင့် မြင့်တက်လာကာ ၊ အမတဧကရာဇ် နယ်ပယ်အဆင့်၏ ကန့်သတ်ချက်ကိုပင် ‌ဖောက်ထွက်တော့မည့်အလား ထင်မှတ်ရသည်။</p> <p> </p> <p>"ဟွန့်!"</p> <p> </p> <p>ပီယွီ့ကောင်းကင်အရှင်သည် သူတို့နှစ်ဦး၏ ရည်ရွယ်ချက်ကို ရိပ်မိပုံရကာ  အချိန်မြစ်အတွင်းရှိ ဖုံးလွှမ်းနေသော ရှေးဦးခရမ်းချီများသည် ပို၍ ကြမ်းတမ်းလာပြီး သူတို့နှစ်ဦးကို နှိပ်ကွပ်ရန် ကြိုးစားလာခဲ့သည်။</p> <p> </p> <p>သို့သော် ၎င်းတို့နှစ်ဦးသည် စိတ်ဆုံးဖြတ်ထားပြီး ဖြစ်ရာ ပီယွီ့ကောင်းကင်အရှင်ကို အခွင့်အရေး ပေးမည် မဟုတ်ချေ။</p> <p> </p> <p>ဝုန်းးးးး!</p> <p> </p> <p>သူတို့နှစ်ဦး၏ ခန္ဓာကိုယ်သည် တစ်ပြိုင်နက်တည်း ပေါက်ကွဲထွက်လာပြီး ၊  အမတစွမ်းအင် လှိုင်းလုံးကြီးများသည် သူတို့နှစ်ဦးကို ဗဟိုပြုကာ အရပ်ရှစ်မျက်နှာတစ်ခွင် သို့ လွင့်စဉ်ရိုက်ခတ်သွားသည်။</p> <p> </p> <p>၎င်းသည် အမတဧကရာဇ် အဆင့်ရှိသော ဓမ္မကိုယ်ပွား နှစ်ခု၏ ဖောက်ခွဲစွမ်းအား ဖြစ်ပေရာ အထင်သေး၍ မဖြစ်ချေ။</p> <p> </p> <p>ဤအဆုံးစွန်သော အဖျက် စွမ်းအားအောက်တွင် အချိန်မြစ်သည်ပင်  ကြီးမားသော လှိုင်းလုံးကြီးများဖြင့် ရိုက်ခတ်လှုပ်ရှားလာပြီး ၊ မရပ်မနား မြည်ဟည်းတုန်လှုပ်နေသည်။</p> <p> </p> <p>ဤမြင်ကွင်းကို မြင်လိုက်ရသော ပီယွီ့ကောင်းကင်အရှင်သည် အနည်းငယ် မျက်မှောင်ကြုတ်မိလိုက်သော်လည်း ၊  သို့သော် သူမ၏ တုံ့ပြန်မှုသည် အလွန် မြန်ဆန်လွန်းသည်။</p> <p> </p> <p> ထိုအမတဧကရာဇ် အဆင့်ရှိ  ဓမ္မကိုယ်ပွားများ ပေါက်ကွဲတော့မည့် အခိုက်အတန့်မှာပင် ၊</p> <p> </p> <p>သူမ၏ လက်ကို တစ်ချက် ဝှေ့ယမ်းလိုက်ရာ၊ ပျံ့နှံ့နေသော ရှေးဦးခရမ်းချီများသည် အလျင်အမြန် ပြန်လည် ပေါင်းစည်းသွားပြီး သူမ၏ ရှေ့တွင် ခရမ်းရောင် အလင်း အကာအရံတစ်ခုအဖြစ်သို့ ပြောင်းလဲသွားခဲ့သည်။</p> <p> </p> <p>ဝုန်း !</p> <p> </p> <p> </p> <p>ထို့နောက် ပေါက်ကွဲထွက်လာသော အဖျက်လှိုင်းတံပိုးများသည်  ခရမ်းရောင် အလင်း အကာအရံကို  ပြင်းထန်စွာ ထိမှန်သွားလေရာ ၊  အလွန် အံ့ဩဖွယ်ရာ ကောင်းသော မြင်ကွင်းတစ်ခု ဖြစ်ပေါ်လာခဲ့သည်။</p> <p> </p> <p>ဤအဆုံးစွန်သော အဖျက်စွမ်းအားအောက်တွင် အချိန်မြစ်သည်ပင်  ဖရိုဖရဲဖြစ်ကာ ပုံပျက်သွားသော်လည်း ၊ ထိုခရမ်းရောင် အလင်းအကာအရံသည် အနည်းငယ်မျှပင် ထိခိုက်မသွားချေ။</p> <p> </p> <p>၎င်းသည်  ရှေးဦးခရမ်းချီ၏ ဖိနှိပ်ခြင်းကို ခံလိုက်ရသကဲ့သို့  တိတ်ဆိတ်ငြိမ်သက်ခြင်း အဖြစ်သို့ ကျရောက်သွားခဲ့လေသည်။</p> <p> </p> <p> </p> <p>............</p> <p> </p> <p>အချိန်အနည်းငယ် ကြာပြီးနောက်...</p> <p> </p> <p>အချိန်မြစ်ကိုပင် လှုပ်ခါသွားစေခဲ့သော လှိုင်းတံပိုးများသည် တဖြည်းဖြည်း ပျောက်ကွယ်သွားသည်။</p> <p> </p> <p>နိယာမ လှိုင်းတံပိုးများ မှာ အချိန်မြစ်ထက်တွင် ပျံ့နှံ့နေဆဲ ဖြစ်သော်လည်း၊ သို့သော် အချိန်မြစ်သည်  တဖြည်းဖြည်း တိတ်ဆိတ်ငြိမ်သက်သွားဟန် ရသည်။</p> <p> </p> <p>ဟင်းလင်းပြင်အတွင်း ပျံလွင့်နေသော အချိန်နှင့် အာကာသ အပိုင်းအစများသာ ကျန်ရှိတော့ပြီး၊ ဤနေရာတစ်ခုလုံးသည် တုန်လှုပ်ချောက်ချားဖို့ ကောင်းသည့် ခံစားချက်မျိုးကိုသာ ပေးစွမ်းနေလေ၏။</p> <p> </p> <p>"ပီယွီ့... မင်း ဘာလို့ ဒီလောက်အထိ ဆူဆူညံညံ ဖြစ်အောင် လုပ်လိုက်ရတာလဲ”</p> <p> </p> <p>ထိုအချိန်တွင် ၊ နတ်အလင်းတန်းတစ်ခုက မဟာလမ်းစဉ် အာကာသကို ထိုးဖောက်ကာ အချိန်မြစ်ထက်သို့ ကျရောက်လာသည်။ ရိုက်ခတ်လှုပ်ရှားနေသော မှော်သင်္ကေတများကြား ၊ ထိုအလင်းတန်းများသည် မှုန်ဝါးဝါးအသွင်ပုံရိပ်တစ်ခုအဖြစ် ပြောင်းလဲသွားသည်။</p> <p> </p> <p>၎င်းမှာ ကွေးယွမ်အမတဂိုဏ်း၏ တုံထျန်းအဝေးဘိုးဘေး ပင် ဖြစ်သည်။</p> <p> </p> <p>"အဘိုးကြီး... ကျွန်မကို အရင်တုန်းက ကောင်းကင်အရှင်လို့ မှတ်ယူနေတုန်းပဲလား “</p> <p> </p> <p>ပီယွီ့ကောင်းကင်အရှင်သည် စိတ်မရှည်သော လေသံဖြင့် ပြောဆိုလိုက်သည်။</p> <p> </p> <p> "ဒီနှစ်ကောင်က  အသေခံပြီး ဖောက်ခွဲဖို့ လုပ်နေတာကို လက်ရှိ ငါ့ရဲ့ အခြေအနေနဲ့ ဘယ်လိုလုပ် တားနိုင်မှာလဲ”</p> <p> </p> <p>အမှန်အားဖြင့် သူမ၏ စိတ်ထဲတွင်လည်း အနည်းငယ် အောင့်သက်သက် ဖြစ်နေသည်။</p> <p> </p> <p>အကယ်၍ သူမ၏ အဆင့်အတန်းမှာ အမတဧကရာဇ် အထက်မှ ကျဆင်းမသွားခဲ့ပါက ၊ ဤသကောင့်သားများ၏ ဓမ္မကိုယ်ပွားများကိုပင် မဆိုနှင့်။  </p> <p> </p> <p>  သူတို့၏ ခန္ဓာကိုယ်အစစ်ဖြင့် ရောက်ချလာမည်ဆိုတောင် ၊ သူမအနေဖြင့် လက်ချောင်း တစ်ချက် လှုပ်ရုံမျှဖြင့် အလွယ်တကူ နှိမ်နင်းနိုင်ပေလိမ့်မည်။</p> <p> </p> <p>"ဒါပေမဲ့ ခုနက တိုက်ပွဲကနေ ဖြစ်ပေါ်လာတဲ့ ရိုက်ခတ်မှုက အရမ်းကြီးသွားတယ်”</p> <p> </p> <p>"အမတနယ်မြေက လူတော်တော်များများ ဒါကို သတိထားမိသွားကြမှာပဲ”</p> <p> </p> <p>"အကယ်၍ ရှင်တို့က ဒီအင်အားစုကြီး နှစ်ခုအပေါ် အမတစစ်ပွဲ ဆင်နွှဲမယ်ဆိုရင်၊ အဲဒီအဘိုးကြီးတွေက ဒီကိစ္စကို အကြောင်းပြပြီး စကားနာထိုးကြလိမ့်မယ်”</p> <p> </p> <p>ပီယွီ့ကောင်းကင်အရှင်က ပြုံးလျက် ပြောလိုက်သည်။</p> <p> </p> <p> "အမတနယ်မြေက အဲ့ဒီအဘိုးကြီးတွေ  လူကို ပုပ်ခတ်ဖို့နဲ့ အပြစ်ပုံချတဲ့ နေရာမှာ အတော်ဆုံးပဲ မဟုတ်လား”</p> <p> </p> <p>ဥပမာအားဖြင့် အစောပိုင်းက အမတဧကရာဇ် နှစ်ပါး ပြောသွားသကဲ့သို့ပင် ၊ အမှောင်ထုသည် ပြန်လည် နိုးထလာတော့မည်။</p> <p> </p> <p>ဒုတိယအကြိမ်မြောက် အဆုံးမဲ့ကပ်ဘေးသည်လည်း ကျရောက်လာပေတော့မည်။</p> <p> </p> <p>ယခုအချိန်တွင် အမတစစ်ပွဲ ဆင်နွှဲကာ သူတို့ကို အမြစ်ပြတ် သုတ်သင်ခြင်းသည် အမတနယ်မြေ၏ အင်အားကို လျှော့ချလိုက်ခြင်း ဖြစ်သည်ဟု ဆိုကြပေလိမ့်မည်။</p> <p> </p> <p>သူတို့သည် ဤအချက်ကို အသုံးချကာ ပုံကြီးချဲ့လိုက်မည်ဆိုပါက ၊</p> <p> </p> <p> ကွေးယွမ်အမတဂိုဏ်းနှင့် မတည့်သော အင်အားစုများက ဤအခွင့်အရေးကို အသုံးချကာ ပြဿနာ ရှာလာနိုင်သည် မဟုတ်လော။</p> <p> </p> <p>…….</p> <p> </p> <p>"ဟားဟား...."</p> <p> </p> <p>"ပီယွီ့... မင်းလည်း သိတာပဲ… အဲဒီအဘိုးကြီးတွေက ငါတို့ ကွေးယွမ်အမတဂိုဏ်းကို မျက်စိစပါးမွှေးစူးနေကြတာ ကြာပြီဆိုတာ…”</p> <p> </p> <p>တုံထျန်း အဝေးဘိုးဘေး က အေးအေးလူလူ ပြန်ပြောလိုက်သည်။</p> <p> </p> <p> " ဒီကိစ္စမရှိလည်း သူတို့က ပြဿနာရှာဖို့ အခွင့်အရေး ရှာနေကြဦးမှာပဲ”</p> <p> </p> <p>သူတို့၏ ကွေးယွမ်အမတဂိုဏ်းသည် အင်အားကြီးမားပြီး ၊ ယခုအခါ တားမြစ်စူးမိသားစု၊ သံသရာစက်ဝန်း အမတမင်းဆက်တို့နှင့် တစ်လှေတည်း စီးနေသော်လည်း ၊</p> <p> </p> <p>သို့သော် အမတနယ်မြေရှိ အခြားသော ထိပ်တန်းအင်အားစုများက သူတို့၏ လုပ်သမျှကိစ္စတိုင်းကို  ငြိမ်ခံနေမည်ဟု မဆိုလိုပေ။</p> <p> </p> <p>အမတနယ်မြေတွင် မရေမတွက်နိုင်သော ခေတ်ကာလများစွာ အသက်ရှင်နေထိုင်ခဲ့ကြသည့်  လူအိုကြီးများ ရှိကြပြီး ၊ ကမ္ဘာဦးအစကတည်းက ယနေ့ထိတိုင် အသက်ရှင်နေသည့် ခေတ်ဟောင်း လူ့ဘီလူးကြီးများပင် ရှိသေးသည်။</p> <p> </p> <p>ထိုသူများ၏ အတွေးအခေါ်များသည် အလွန်ပင် စေ့စပ်သေချာသည်။</p> <p> </p> <p>သူတို့သည် လောကကြီး၏ တည်ငြိမ်မှုကို ဟန်ချက်မပျက်စေရန်ဟူသော အကြောင်းပြချက်ဖြင့် လောကရှိ အရာအားလုံးကို ငြိမ်းချမ်းစွာဖြင့် ဖွံ့ဖြိုးတိုးတက်လာစေရန် လုပ်ဆောင်သည်ဟု ဆိုကြသည်။</p> <p> </p> <p> </p> <p style="text-align: center;">***</p> <p> </p>


Save